Baaghi TV

Category: اہم خبریں

  • بلوچستان کابینہ تحلیل، غفور حیدری مٹھائی کھانے پہنچ گئے، نیا وزیراعلیٰ ہو گا کون؟

    بلوچستان کابینہ تحلیل، غفور حیدری مٹھائی کھانے پہنچ گئے، نیا وزیراعلیٰ ہو گا کون؟

    بلوچستان کابینہ تحلیل، غفور حیدری مٹھائی کھانے پہنچ گئے، نیا وزیراعلیٰ ہو گا کون؟

    وزیر اعلیٰ بلوچستان جام کمال کے استعفیٰ کی منظوری کے بعد بلوچستان کابینہ تحلیل ہوگئی ہے

    وزیر اعلیٰ جام کمال کے استعفے کی منظوری کے بعد چیف سیکرٹری بلوچستان نے صوبائی کابینہ تحلیل کرنے کا نوٹیفکیشن جاری کردیا ہے، بلوچستان اسمبلی کا اجلاس آج ہو گا،اجلاس کی صدارت اسپیکر بلوچستان اسمبلی میرعبدالقدوس بزنجو کریں گے۔ اجلاس میں جام کمال کے خلاف تحریک عدم اعتماد واپس لی جائے گی۔ بی اے پی کے ناراض ارکان نے عبدالقدوس بزنجو کو نیا وزیر اعلیٰ اور جان جمالی کو نیا اسپیکر منتخب کرنے کا فیصلہ کیا ہے

    بلوچستان اسمبلی کے اسپیکر عبدالقدوس بزنجواسمبلی اجلاس کے بعد مستعفی جائیں گے بلوچستان عوامی پارٹی کے رکن جان جمالی کو نیا اسپیکر منتخب کیا جائے گا بلوچستان کے نئے وزیر اعلیٰ کے انتخاب کیے نیا اجلاس بلایا جائے گا جس میں عبدالقدوس بزنجو کو بطور نیا وزیر اعلیٰ بلوچستان منتخب کیا جائے گا

    حکومت بلوچستان کے صوبائی وزرا سے جنگی بنیادوں پر اپنے دفاتر خالی کرانے کا نوٹیفیکشن جاری کر دیا گیا ہے، جس میں کہا گیاہے کہ تمام وزرا فوری دفاتر خالی کر دیں

    وزیر اعلیٰ بلوچستان جام کمال نے اپنے خلاف تحریک عدم اعتماد لائے جانے اور اپوزیشن اور ناراض اراکین کی جانب سے نمبرز پورے ہونے پر استعفیٰ دے دیا ہے چند روز قبل بلوچستان اسمبلی میں بلوچستان عوامی پارٹی کے ناراض اراکین اور اپوزیشن کی جانب سے وزیراعلیٰ بلوچستان کے خلاف تحریک عدم اعتماد پیش کی گئی تھی 65 رکنی ایوان میں سے 33 نے تحریک کے حق میں ووٹ دیا تھا تحریک عدم اعتماد پر رائے شماری آج ہونا تھی

    دوسری جانب جمعیت علماء اسلام کے مرکزی سیکرٹری جنرل حضرت مولانا عبدالغفور حیدری جام کمال کے استعفی کے بعد اپوزیشن اور ناراض اراکین کو مبارکباد دینے کے لئے اسپیکر بلوچستان اسمبلی میر عبد القدوس بزنجو کے رہائش گاہ پہنچ گئے اس موقع پر بلوچستان کی صورتحال پر بات چیت کی گئی اور مولانا عبدالغفور حیدری نے بلوچستان میں تبدیلی پر مبارکباد دی

    بلوچستان عوامی پارٹی کے ترجمان سردار عبدالرحمان کھیتران کا کہنا ہے کہ کہ جام کمال کے مشکور ہیں کہ انہوں نے استعفی دے کر پارٹی کو بچا لیا جام کمال اب بھی ہمارے بڑے ہیں ہم ان سے مشاورت جاری رکھیں گے ایک نئی طرز کی حکومت قائم کریں گے جس کا مظاہرہ جلد ہوگا اسپیکر عبدالقدوس بزنجو اپنے عہدے سے مستعفی ہوجائیں گے ،اسمبلی میں نیا اسپیکر بنایا جائے گا جو بہت تجربہ کار ہوگا

    وزیراعلیٰ بلوچستان نےواقعی اپنے عہدے سے استعفی دے ہی دیا:پشین گوئی بھی عین پوری ہوئی

  • بحریہ سے پیسے آئے نہیں آپ پہلے ہی مانگنا شروع ہوگئے،سپریم کورٹ کا وزیراعلیٰ سے مکالمہ

    بحریہ سے پیسے آئے نہیں آپ پہلے ہی مانگنا شروع ہوگئے،سپریم کورٹ کا وزیراعلیٰ سے مکالمہ

    بحریہ سے پیسے آئے نہیں آپ پہلے ہی مانگنا شروع ہوگئے،سپریم کورٹ کا وزیراعلیٰ سے مکالمہ
    باغی ٹی وی کی رپورٹ کے مطابق سپریم کورٹ رجسٹری کراچی میں گجر نالہ اور اورنگی نالہ کے متاثرین کے کیس کی سماعت ہوئی ،

    عدالت نے سندھ حکومت کی رپور ٹ پر عدم اعتماد کا اظہار کرتے ہوئے وزیر اعلیٰ سندھ سید مراد علی شاہ کو فوری طلب کرلیا،ایڈووکیٹ جنرل سندھ سلمان طالب الدین عدالت میں پیش ہوئے اور کہا کہ وزیراعلیٰ سندھ نے عدالت میں رپورٹ جمع کرا دی، یچف جسٹس نے استفسار کیا کہ بتائیں، کیا پیش رفت ہوئی؟عملی طور پر گراونڈ پر کیا ہو رہا ہے؟ جس پر ایڈوکیٹ جنرل سندھ نے کہا کہ کچھ مالی مسائل آڑے آرہے ہیں ، عدالت نے ایڈووکیٹ جنرل سندھ کے جواب پر عدم اطمینان کا اظہار کیا اور چیف جسٹس گلزار احمد نے ریمارکس دیے کہ یہ کیا رپورٹ جمع کرائی ہے ،آپ لوگ عدالت کا مذاق اڑا رہے ہیں ،وزیر اعلی سندھ کو بلائیں، ان سے کہیں فوری پہنچیں ، ہم وزیر اعلی سندھ سے ہی پوچھیں گے

    سپریم کورٹ کراچی رجسٹری نے سندھ ہائی کورٹ کے حکم امتناعی ختم کردیئے سپریم کورٹ کراچی رجسٹری نے جعلی لیز پر قائم تجاوزات کا بھی خاتمہ کرنے کا حکم دے دیا سپریم کورٹ کراچی رجسٹری نے تمام تجاوزات کے خاتمے کا حکم دے دیا ،سپریم کورٹ نے کہا کہ جعلی لیز پر قائم مکانات، کمرشل تعمیرات فوری گرائی جائیں،

    وزیر اعلیٰ سندھ سپریم کورٹ کراچی رجسٹری پہنچ گئے وزیراعلیٰ مراد علی شاہ کو سپریم کورٹ کراچی رجسٹری نے طلب کیا تھا ،وزیراعلیٰ سندھ سید مراد علی شاہ نے عدالت میں کہا کہ ہمارے پاس افسران کی کمی ہے،ایک افسر4،4 افسران کی جگہ پرکام کررہا ہے،جوافسرتعینات کرتے ہیں اسے وفاق واپس بلا لیتا ہے، چیف جسٹس گلزار احمد نے وزیراعلیٰ سندھ سے مکالمہ کرتے ہوئے کہا کہ آپ سیاسی بیان نہ دیں ،کام کرکےدکھا دیں، جس پر وزیراعلیٰ سندھ نے عدالت میں کہا کہ میں سیاسی بیان نہیں دے رہا حقیقت بیان کررہا ہوں، ہم کام کررہے ہیں ،میں اپنے مسائل سے بھی عدالت کو آگاہ کررہا ہوں،

    چیف جسٹس گلزار احمد نے وزیراعلیٰ سندھ سے سوال کیا کہ بتائیں کراچی کی کیا حالت ہوگئی ہے؟ سہراب گوٹھ میں دیکھو کیسی صورتحال خراب ہے؟ کراچی میں لوگوں کو پینے کا صاف پانی نہیں مل رہا جب سے پاکستان بنا ہے وہی سڑکیں ہیں، صورتحال بہت خراب ہے، وزیراعلیٰ سندھ سید مراد علی شاہ نے عدالت میں کہا کہ گزشتہ سال بہت بارش ہوئی، متاثرین کی بحالی کے لیے 200 ایکڑ زمین دی ،عدالتی حکم پر نالوں کی صفائی کے لیے 31 بلین این ڈی ایم اے کو دیا ،عدالت نے وزیراعلی سندھ سے سوال کیا کہ آپ نے اسکیم 33 کے بعد کوئی رہائشی اسکیم نہیں بنائی؟ جسٹس اعجاز الاحسن نے ریمارکس دیتے ہوئے کہا کہ آپ اب نالوں کے متاثرین کے لیے بحریہ کے پیسے مانگ رہے،وزیراعلیٰ سندھ نے عدالت میں کہا کہ بحریہ کے پیسے سندھ کے عوام کے ہیں اورعوام پر ہی لگانے کے لیے مانگ رہے ہیں، جسٹس اعجاز الاحسن نے کہا کہ جی یہ سندھ کے عوام کے ہی پیسے ہیں، بحریہ سے پیسے آئے نہیں آپ پہلے ہی مانگنا شروع ہوگئے ہیں،اگر خدا نہ خواستہ دوبارہ کوئی ڈزاسٹرز آجائیگا تو کیا آپ ہم سے پیسے مانگ کر کام کرینگے؟ آپ شہر کے نہیں صوبے کے وزیر اعلیٰ ہیں، آپ کے انتظامی معاملات بھی ٹھیک نہیں ہے،

    وزیراعلیٰ سندھ نے عدالت میں کہا کہ افسران کا بحران ہے ،24اور21گر گریڈ کے افسران میں سے بھی 16 وفاقی کمیشنڈ ہیں،افسران کی کمی پوری کرنے کے لیے وفاقی حکومت سے بات کرنی ہے،ایک افسر کو 3چارج دیتے ہیں تو عدالتی احکامات آجاتے ہیں،ادارے خود مختیار ہیں، سب ادارے اچھے طریقے سے کام کر رہے ہیں،

    سپریم کورٹ کراچی رجسٹری میں رفاعی پلاٹ پر پارکنگ بنانے سے متعلق کیس کی سماعت ہوئی ضیا الدین اسپتال کے وکیل سپریم کورٹ کراچی رجسٹری میں پیش ہوئے ،انور منصور خان نے کہا کہ ہم نے قبضہ نہیں کیا، لوگ وہاں گاڑیاں کھڑی کرتے ہیں، چیف جسٹس گلزار احمد نے کہا کہ آپ کے اسپتال کے اطراف تو سب قبضے ہو چکے، وکیل ہسپتال نے کہا کہ یہی ہمارا موقف ہے کہ اردگرد قبضے ہیں، چیف جسٹس گلزار احمد نے ریمارکس دیتے ہوئے کہا کہ کے ڈی اے کے علاقے کا یہ حال ہے ،چیف جسٹس نے ڈی جی کے ڈی اے سے سوال کیا کہ یہ بتائیں، سٹرک پر گھر کیسے بنے؟ یہ سب 3 سال کے اندر اندر ہوا، گلستان چلے جائیں، 90 فیصد کراچی گرے اسٹرکچر پر ہے، کراچی تو کسی بھی وقت گر جائے گا،آپ لوگ دفتر میں صرف چائے پینے جاتے ہیں ، یہ ہے میٹرو پولیٹن سٹی؟ جسٹس قاضی محمد امین نے ڈی جی کے ڈی اے سے استفسار کیا کہ پھر آپ کر کیا رہے ہیں؟ جس پر ڈی جی کے ڈی اے نے عدالت میں کہا کہ مسئلہ یہ ہے کہ عہدوں پر کوئی رہتا نہیں،محمد علی شاہ او پی ایس افسر کو ڈی جی بنا دیا تھا، لوگ سندھ ہائی کورٹ سے حکم امتناعی لے کر آجاتے ہیں،چیف جسٹس گلزار احمد نے ڈی جی کے ڈی اے سے استفسار کیا کہ کلفٹن میں کتنے رفاعی پلاٹس ہیں؟ جس پر عدالت کو بتایا گیا کہ کلفٹن میں 3 ہزار کے قریب رفاعی پلاٹس ہیں،

    عدالت پیشی کے بعد وزیراعلیٰ سندھ سید مراد علی شاہ کا کہنا تھا کہ سپریم کورٹ نے بلایا تھا اپنا موقف پیش کرنے حاضر ہوا ،عدالت کو آگاہ کیا ہے کہ افسران اور فنڈز کی کمی ہے عدالت جو بھی ہدایت دے گی عمل کروائیں گے اورنگی، گجر نالہ متاثرین کی بحالی کے لیے پروگرام تشکیل دے دیا متاثرین کی بحالی کے لیے زمین کی نشاندہی کردی ہے،10ارب روپے کی لاگت سے 2 سال میں رہائشی اسکیم تیار ہوگی ،میں نے اپنا موقف پیش کیا بحریہ ٹاون کا پیسہ سندھ حکومت کو ملنا چاہیے ،سندھ حکومت اپنے بجٹ سے رقم جاری کریگی 20اور 21 گریڈ کے افسران نہ ہونے کے برابر ہے ،ہمیں ہدایت کی گئی غیر قانونی طور پر آباد لوگوں کو جگہوں سے ہٹایا جائے ہم نے لوگوں کو ان کی جگہوں سے فوری طور پر ہٹانے سے معذرت کی ،عدالت کو آگاہ کیا آج انہیں ایک جگہ سے ہٹائیں گے تو وہ دوسری جگہ آباد ہوجائینگے،قومی ٹیم کو بھارت کیخلاف میچ جیتنے پرمبارکباد پیش کرتا ہو ں،ٹیم اگر ایسے ہی کھیلتی رہی تو لگتا یہی ہے کہ ٹیم ورلڈ کپ جیت جائیگی،

    @MumtaazAwan

    کراچی کو مسائل کا گڑھ بنا دیا گیا،سرکاری زمین پر قبضہ قبول نہیں،کلیئر کرائیں، چیف جسٹس

    سپریم کورٹ کا کراچی کا دوبارہ ڈیزائن بنانے کا حکم،کہا آگاہی مہم چلائی جائے

    وزیراعظم کو بتا دیں چھ ماہ میں یہ کام نہ ہوا تو توہین عدالت لگے گا، چیف جسٹس

    تجاوزات ہٹانے جائینگے تو لوگ گن اور توپیں لے کر کھڑے ہوں گے،آرمی کو ساتھ لیجانا پڑے گا، چیف جسٹس

    سرکلر ریلوے، سپریم کورٹ نے بڑا حکم دے دیا،کہا جو بھی غیر قانونی ہے اسے گرا دیں

    ہم نے کہا تھا کیسے کام نہیں ہوا؟ چیف جسٹس برہم، وزیراعلیٰ کو فوری طلب کر لیا

    آپ کی ناک کے نیچے بحریہ بن گیا کسی نے کیا بگاڑا اس کا؟ چیف جسٹس کا استفسار

    آپ کو جیل بھیج دیں گے آپکو پتہ ہی نہیں ہے شہر کے مسائل کیا ہیں،چیف جسٹس برہم

    کس کی حکومت ہے ؟ کہاں ہے قانون ؟ کیا یہ ہوتا ہے پارلیمانی نظام حکومت ؟ چیف جسٹس برس پڑے

    شہر قائد سے تجاوزات کے خاتمے کیلئے سپریم کورٹ کا بڑا حکم

    کراچی میں سپریم کورٹ کے حکم پرآپریشن کا آغاز،تاجروں کا احتجاج

    سو برس بعد بھی قبضہ قانونی نہیں ہو گا،سپریم کورٹ کا بڑا حکم

    ہزاروں اراضی کے تنازعات،زمینوں پر قبضے،ہم کون سی صدی میں رہ رہے ہیں ؟ چیف جسٹس

    نسلہ ٹاور گرانے سے متعلق نظر ثانی اپیلوں پر سپریم کورٹ کا فیصلہ آ گیا

    سپریم کورٹ کراچی رجسٹری میں اہم مقدمات کی سماعت

  • پاکستان کی بھارت کوشکست ، کئی ریکارڈز پاکستان کے نام ہوگئے

    پاکستان کی بھارت کوشکست ، کئی ریکارڈز پاکستان کے نام ہوگئے

    آئی سی سی ٹی ٹوئنٹی ورلڈ کپ میں محمد رضوان اور بابر اعظم نے 152 رنز کی ناقابل شکست شراکت بناکر پاکستان کو بھارت کیخلاف 10 وکٹ سے تاریخی فتح دلائی ۔

    اس فتح میں پاکستان نے کئی ریکارڈز بنائے جبکہ بھارت کو بھی وہ سہنا پڑ گیا جو اس نے شاید کبھی سوچا بھی نہیں ہو۔دبئی کرکٹ اسٹیڈیم میں بھارت نے پاکستان کو جیت کیلئے 152 رنز کا ہدف دیا تھا جو پاکستان نے بغیر کسی نقصان کے پورا کرلیا۔

    یہ ورلڈ کپ مقابلوں میں پاکستان کی بھارت کے کیخلاف پہلی فتح ہے ،ساتھ ساتھ ٹی ٹوئنٹی انٹرنیشنلز میں بھارت پہلی مرتبہ 10وکٹ سے ہارا ہے جبکہ پاکستان بھی پہلی ہی مرتبہ ٹی ٹوئنٹیز میں کوئی میچ 10 وکٹ سے جیتا ہے۔

    بابر اعظم اور محمد رضوان نے پہلی وکٹ کیلئے 152 رنز کی ناقابل شکست شراکت بناکر بھارت کیخلاف کسی بھی ٹیم کی جانب سے کسی بھی وکٹ پر ٹی ٹوئنٹیز کی سب سے بڑی شراکت بنادی۔

    اس سے قبل یہ ریکارڈ آسٹریلیا کے ڈیوڈ وارنر اور شین واٹسن کے پاس تھا ،دونوں نے 2012 میں بھارت کے خلاف 133 رنز کی شراکت بنائی تھی ۔

    یہ شراکت بھارت کیخلاف کسی بھی وکٹ پر پاکستان کی بہترین شراکت تو پہلے ہی بن چکی تھی جب دونوں ٹیم کے 107 ویں رن کیلئے دوڑے ۔اس سے قبل 2012 میں حفیظ اور شعیب ملک نے 106 رنز کی شراکت چوتھی وکٹ پر بنائی تھی ۔

    اس کے علاوہ یہ ٹی ٹوئنٹی ورلڈ کپ مقابلوں میں بھی کسی بھی وکٹ پر پاکستان کی سب سے بڑی شراکت ہے ،اس سے قبل 2010 میں سلمان بٹ اور کامران اکمل نے بنگلا دیش کیخلاف 142 رنز کی شراکت قائم کی تھی ۔

    اس اننگ کے دوران محمد رضوان نے سال 2021 میں1500 ٹی ٹوئنٹی رنز بھی مکمل کرلیے، وہ ایک کلینڈر سال میں 1500 ٹی ٹوئنٹی رنز بنانے والے پاکستان کے دوسرے بیٹسمین ہیں۔اس سے قبل بابر اعظم نے 2019 میں 1607 رنز بنائے تھے

  • پاکستان کے بیٹو آپ نے تو ہمارا سر فخر سے بلند کردیا ہے:آرمی چیف کی قومی ٹیم کو مبارکباد

    پاکستان کے بیٹو آپ نے تو ہمارا سر فخر سے بلند کردیا ہے:آرمی چیف کی قومی ٹیم کو مبارکباد

    راولپنڈی:پاکستان کے بیٹو آپ نے تو ہمارا سر فخر سے بلند کردیا ہے:آرمی چیف کی قومی ٹیم کو مبارکباد،اطلاعات کے مطابق بھارت کو ٹٰی20ورلڈ کپ میں 10وکٹوں سے عبرتناک شکست دینے پر آرمی چیف جنرل قمر جاوید باجوہ نے بھی گرین شرٹس کو مبارکباد دیتے ہوئے کہا کہ پاکستانی ٹیم نے ہمارا سر فخر سے بلند کردیا ہے۔

    پاک فوج کے شعبہ تعلقات عامہ(آئی ایس پی آر) کے مطابق آرمی چیف جنرل قمر جاوید باجوہ نے دبئی انٹرنیشنل کرکٹ سٹیڈیم میں بھارت کو ٹٰی 20ورلڈ کپ میں پہلی مرتبہ عبرتناک شکست دینے پر پاکستانی ٹٰیم کو مبارکباد دیتےہوئے کہا کہ پاکستان کے بیٹوں نے ہمارا سر فخر سے بلند کردیا ہے۔

     

     

    قبل ازیں بھارت کے خلاف ٹی 20ورلڈ کپ میں تاریخی کامیابی حاصل کرنے پر وزیراعظم ،صدر مملکت سمیت دیگر حکومتی و سیاسی شخصیات نے قومی کرکٹ ٹیم کو مبارکباد دی ہے۔

    وزیر اعظم عمران خان نے سماجی رابطے کی ویب سائٹ ٹوئٹر پر جیت پر قومی کرکٹ ٹیم کو مبارکباد دی اور لکھا کہ پاکستانی کرکٹ ٹیم اور کپتان بابر اعظم کو مبارک ہو، بابر اعظم نے ٹیم کو بہتر طور پر لیڈ کیا۔

    عمران خان نے کہا کہ شاہین آفریدی اور محمد رضوان نے بھی بہترین کارکردگی کا مظاہرہ کیا جبکہ پوری قوم کو آپ سب پر فخر ہے۔

    دوسری طرف اس وقت بھارت کے زیرقبضہ مقبوضہ کشمیر اوردیگرریاستوں میں پاکستان کی فتح کی خوشیاں منائی جارہی ہیں

  • شاباش میرے بچو :قوم کو بھی آپ پرفخر ہے:وزیراعظم عمران خان کی قومی ٹیم کومبارکباد

    شاباش میرے بچو :قوم کو بھی آپ پرفخر ہے:وزیراعظم عمران خان کی قومی ٹیم کومبارکباد

     

     

     

    مکہ مکرمہ : شاباش میرے بچو :قوم کو بھی آپ پرفخر ہے:وزیراعظم عمران خان کی قومی ٹیم کومبارکباد،اطلاعات کے مطابق دبئی میں کھیلے جانے والے ٹی ٹوئنٹی ورلڈ کپ میں بھارت اور پاکستان کے درمیان کھیلے جانے والے میچ میں بھارت کو ذلت آمیز شکست دینے پروزیراعظم پاکستان عمران خان نے قومی ٹیم کومبارکباد دی ہے

    وزیراعظم جوکہ اس وقت اہم خصوصی دورے پرسعودی عرب ہیں انہوں نے وہاں سے قومی کرکٹ ٹیم کو کامیاب ہونے پرمبارکباد دیتے ہوئے کہا ہے کہ جس طرح آج یہ قوم کے بیٹے بھارت کے خلاف کھیلے ہیں اس نے قوم کو حوصلہ بھی دیا ہے اورقوم کا سرفخر سے بلند بھی ہوا ہے

     

     

     

     

    وزیراعظم عمران خانے اپنے ٹویٹ پیغام میں کہا ہے کہ میرے بچوں نے اپنے وطن کی عزت بڑھائی ہے ، ان کا کہنا تھا کہ سب اچھا کھیلے ہیں ، ان کا یہ بیھ کہنا تھا کہ اس موقع پر وہ محمد رضوان ، بابراعظم ، شاہین آفریدی نے کمال ہی کردکھایا

    خیال رہے کہ آئی سی سی مینز ٹی ٹوئنٹی ورلڈکپ کے سپر 12 مرحلے میں پاکستان نے بھارت کو یکطرفہ مقابلے کے بعد 10 وکٹوں سے شکست دیتے ہوئے تاریخ بدل دی ہے۔

  • ٹی 20 ورلڈ کپ: پاکستان نے بغیرکسی نقصان کےبھارت کوذلّت آمیز شکست دے دی

    ٹی 20 ورلڈ کپ: پاکستان نے بغیرکسی نقصان کےبھارت کوذلّت آمیز شکست دے دی

    ابوظہبی :ٹی 20 ورلڈ کپ: پاکستان نے بغیرکسی نقصان کےبھارت کوذلّت آمیز شکست دے دی ،اطلاعات کے مطابق ٹی20 ورلڈ کپ کے سپر 12 راؤنڈ کے میچ میں پاکستان نے 152 رنز کے ہدف کے تعاقب میں پاکستانی اوپنرز نے بغیر کسی نقصان سے پاکستان کوفتح سے ہمکنارکردیا ہے

    پاکستان نے اننگز کا آغاز کیا تو محمد رضوان نے بھوونیشور کمار کو چوکا اور چھکا لگا کر ان کا استقبال کیا۔

    اس کے بعد فاسٹ باؤلرز کے خلاف پاکستانی بلے بازوں نے باآسانی رنز کیے لیکن اسپنرز کے خلاف وہ جدوجہد کرتے نظر آئے۔

    بابراعظم کو ابتدا میں رنز بنانے میں مشکلات کا سامنا کرنا پڑا لیکن پھر انہوںنے رویندرا جدیجا کو چھکا اور ورُن چکراورتھی کو چوکا لگا کر جارحانہ انداز اختیار کیا۔

    اننگز کے 13ویں اوور میں محمد رضوان اور بابر دونوں نے وُرن کو چھکے لگا کر پاکستانکی سنچری مکمل کرائی جبکہ پاکستانی ٹیم کے کپتان نے اپنی نصف سنچری بھی مکمل کر لی۔

    بھارت کے خلاف اس میچ میں بابراعظم نے 68 اورمحمد رضوان نے 79 رنز بناکربھارت کوپہلے ہی میچ میں ذلت آمیزشکست دے کرپاکستان کا سرفخر سے بلند کردیا ہے

    پاکستان نے بھارت کی طرف سے دیا گیا ہدف 151 17 ویں اور کی پانچویں گیند پر152 رنز بنا کرپاکستانیوں کو ایک خوشی کا پیغآم بھیج دیا ہے

    قبل ازیں شاہین شاہ آفریدی کی عمدہ باؤلنگ کے باعث بھارت نے پاکستان کے خلاف ٹی 20 میچ میں 7 وکٹوں کے نقصان پر 151 رنز بنائےتھے۔دبئی میں کھیلے جا رہے ٹی 20 ورلڈ کپ کے اہم میچ میں پاکستان نے ٹاس جیت کر پہلے بھارت کو بیٹنگ کی دعوت دی۔

    بھارت نے اننگز کا آغاز کیا تو روہت شرما کھاتا کھولے بغیر پہلی گیند پر پویلین لوٹ گئے۔اسکور ابھی 6 تک پہنچا ہی تھا کہ دوسرے اوپنر لوکیش راہل بھی شاہین کی گیند نہ سمجھ سکے اور کلین بولڈ ہو گئے۔

    دو وکٹیں گرنے کے بعد ویرات کوہلی کا ساتھ دینے سوریا کمار یادیو آئے اور دونوں تیسری وکٹ کے لیے 25 رنز جوڑ کر اسکور کو 31 تک پہنچایا۔

    اس سے قبل کہ یہ شراکت خطرناک ثابت ہوتی، پاکستان نے چھٹے اوور میں حسن علی کو باؤلنگ پر متعارف کرایا جنہوں نے 11 رنز بنانے والے سوریا کمار یادیو کو چلتا کردیا۔

    محمد حفیظ باؤلنگ کے لیے آئے تو پاکستان نے کیچ کی اپیل مسترد ہونے پر ریشابھ پنت کے خلاف ریویو لیا لیکن فیلڈ امپائر کا فیصلہ درست ثابت ہوا اور پاکستان کا ریویو ضائع ہو گیا۔

    اننگز کے 12ویں اوور میں ریشابھ پنٹ نے جارحانہ انداز اپنایا اور حسن علی کو لگاتار 2 چھکے لگانے سمیت اوور میں 15 رنز بنائے لیکن اگلے ہی اوور میں شاداب خان کی گیند پر چھکا لگنے کی کوشش میں وہ اونچا شاٹ کھیل بیٹھے اور باؤلر نے اپنی ہی گیند پر کیچ لینے میں کوئی غلطی نہ کی۔

    بھارت کے وکٹ کیپر بلے باز نے آؤٹ ہونے سے قبل 39 رنز کی اننگز کھیلی جبکہ دوسرے اینڈ سے کپتان ویرات کوہلی نے ذمے دارانہ بیٹنگ کا سلسلہ جاری رکھتے ہوئے نصف سنچری مکمل کر لی۔

    رویندرا جدیجا نے 13 رنز کی اننگز کھیلی لیکن حسن علی کو چھکا لگانے کی کوشش میں متبادل کھلاڑی کو کیچ دے بیٹھے۔

    شاہین شاہ آفریدی نے عمدہ باؤلنگ کا سلسلہ جاری رکھا اور شاہین شاہ آفریدی نے بھارتی کپتان کوہلی کی اننگز کا خاتمہ کردیا، کوہلی نے 49 گیندوں پر 57 رنز بنائے۔

    اپنے اسپیل کی آخری گیند پر شاہین نے نوبال کردی اور فری ہٹ پر پانڈیا نے ایک رن لیا اور انہیں رن آؤٹ کرنے کے لیے شاہین کی جانب سے کی گئی تھرو پر چوکا ہو گیا اور یوں انہوں نے اپنے اسپیل کی آخری گیند پر 10 رنز دے دیے۔

    اننگز کے آخری اوور میں حارث رؤف نے پانڈیا کو پویلین لوٹا دیا اور بھارت کی ٹیم ساتویں وکٹ سے محروم ہو گئی۔بھارت نے مقررہ اوورز میں 7 وکٹوں کے نقصان پر 151 رنز بنائے اور پاکستان کو فتح کے لیے 152 رنز ہدف دیا ہے۔

    پاکستان کی جانب سے شاہین آفریدی 3 وکٹوں کے ساتھ سب سے کامیاب باؤلر رہے جبکہ حسن علی نے دو اور شاداب اور حارث نے ایک، ایک وکٹ لی۔

    اس سے قبل ٹاس جیتنے کے بعد پاکستان کے کپتان بابراعظم نے کہا تھا کہ ہم بھارت کو کم سے کم اسکور تک محدود رکھنے کی کوشش کریں گے۔دوسری جانب بھارت کے کپتان ویرات کوہلی نے کہا کہ ٹاس جیتنے کی صورت میں وہ بھی پہلے باؤلنگ ہی کرتے۔پاکستان نے اعلان کردہ 12 رکنی اسکواڈ سے نوجوان حیدر علی کو ڈراپ کردیا ہے۔

    میچ کے لیے دونوں ٹیمیں ان کھلاڑیوں ہپر مشتمل ہیں۔

    پاکستان: بابر اعظم(کپتان)، فخرزمان، محمد رضوان، شعیب ملک، حارث رؤف، محمد حفیظ، شاہین شاہ، حسن علی، عماد وسیم، آصف علی، شاداب خان۔

    بھارت: ویرات کوہلی(کپتان)،روہت شرما، لوکیش راہل، سوریا کمار یادیو، ریشابھ پنت، ہردک پانڈیا، رویندرا جدیجا، بھوونیشور کمار، وُرن چکراورتھی، محمد شامی، جسپریت بمراہ

  • وزیراعلیٰ بلوچستان نےواقعی اپنے عہدے سے استعفی دے ہی دیا:پشین گوئی بھی عین پوری ہوئی

    وزیراعلیٰ بلوچستان نےواقعی اپنے عہدے سے استعفی دے ہی دیا:پشین گوئی بھی عین پوری ہوئی

    کوئٹہ: وزیراعلیٰ بلوچستان نےواقعی اپنے عہدے سے استعفی دے ہی دیا:پشین گوئی بھی عین پوری ہوئی ،اطلاعات کے مطابق کل سے وزیراعلیٰ بلوچستان جام کمال کے استعفے کی خبریں گردش کررہی تھیں ،میڈیا پراستعفے کی خبریں آنے کے بعد بھی استعفے استعفے کی خبروں کی تردید کی گئی مگرپھرجو کل ایک سینیئرصحافی نے پیشن گوئی کی تھی وہ بالکل حرف بہ حرف پوری ہوگئی

    باغی ٹی وی ذرائع کے مطابق آج وزیراعلیٰ بلوچستان جام کمال خان نے تحریک عدم اعتماد سے قبل ہی اپنے عہدے سے استعفی دے دیا ہے۔اور یہ استعفیٰ باغی ٹی وی کو موصول بھی ہوگیا ہے

     

    ادھرکل اس وقت جب ایک طرف استعفے اور دوسری طرف تردید کی خبریں گردش کررہی تھیں تو عین اس وقت سینیئر صحافی مبشرلقمان نے اپنے تجربات اوراطلاعات کی بنیاد پریہ کہا تھا کہ کل اتوار کے دن وزیراعلیٰ جام کمال پی ٹی آئی لیڈرشپ سے بات کرنے کے بعد استعفیٰ دے دیں گے اورپھرآج ویسے ہی ہوا

    ادھر اس حوالے سے اس پیشن گوئی کی حرف بہ حرف اس وقت تصدیق ہوئی جب جام کمال نے ٹویٹ پیغام کے ذریعے استعفیٰ دیتے ہوئے عمران خان سے کچھ شکایت بھی کی اور پھر بوجھل اور ایسے الفاظ کے ساتھ استعفیٰ دیا ہے جواستعفیٰ لینے والوں کے لیے قابل غور ہے

     

     

    وزیراعلیٰ بلوچستان جام کمال نے نامور مفکر، شاعر اور فلسفی ابن العربی کا مشہور قول شیئر کیا اور ساتھ ہی وزیراعظم عمران خان کو ایک مشورہ بھی دیا۔

    وزیر اعلیٰ بلوچستان جام کمال نے سوشل میڈیا پر جاری اپنے بیان میں کہا کہ یہ سیاسی تحریک بلوچستان اور پاکستان کی سیاست میں ایک نئے دور کا آغاز ہو گی۔

     

     

    انہوں نے کہا کہ دو ماہ میں بہت سی چیزیں کھل کر سامنے آ گئی ہیں، چہرے اور سیاست کے نام نہاد اصول سامنے آئے ہیں، لالچ اور اقتدار کی حرص، سازشیوں اور بہت سے ہیروز کو بھی دیکھا۔

    وزیراعلیٰ بلوچستان نے اپنی ٹوئٹ میں نامور مفکر، فلسفی اور شاعر ابن العربی کا قول بھی شیئر کیا کہ "ہو سکتا ہے دنیا میں منافقت جیت جائے مگر آخرت سچوں کی کامیابی کا دن ہے”۔

     

     

    اس سے قبل جام کمال نے اپنی ٹوئٹ میں کہا کہ اقتدار اور لالچ کے بھوکے اپنا یہ شوق بھی پورا کر لیں، صوبے کو نقصانات کے ذمہ دار بی اے پی ناراض گروپ، پی ڈی ایم اور چند مافیا ہوں گے۔

    وزیراعلیٰ جام کمال نے کہا کہ وزیراعظم عمران خان کو مشورہ دوں گا کہ اپنے اردگرد لوگو ں پر نظر ڈالیں۔

    ان کا کہنا تھا وزیراعظم عمران خان کو چاہیے کہ اپنے وفاقی سطح کے پارٹی ممبران سے کہیں کہ بلوچستان کے اندرونی معاملات میں دخل اندازی نہ کریں تاکہ پی ٹی آئی بلوچستان صوبائی سطح پر اپنا کردار ادا کر سکے۔

    تفصیلات کے مطابق بلوچستان اسمبلی میں بلوچستان عوامی پارٹی کے ناراض اراکین اور اپوزیشن کی جانب سے وزیراعلیٰ بلوچستان کیخلاف تحریک عدم اعتماد پیش کی گئی تھی جس پر رائے شماری 25 اکتوبر کو ہونا تھا۔

     

     

     

    تاہم وزیراعلیٰ بلوچستان نے تحریک عدم اعتماد پر رائے شماری سے قبل ہی اپنے عہدے سے استعفی دے دیا ہے اور یہ استعفیٰ گورنر بلوچستان آغا ظہور کو ارسال کر دیا ہے۔

    خیال رہے کہ 20 اکتوبر کو بلوچستان اسمبلی میں وزیراعلیٰ جام کمال خان کے خلاف تحریک عدم اعتماد کی قرار داد پیش کی گئی تھی۔ جس پر رائے شماری 25 اکتوبر کو ہونا تھی۔

  • حکومت کا ٹی ایل پی کیخلاف مقدمات واپس لینے کا فیصلہ

    حکومت کا ٹی ایل پی کیخلاف مقدمات واپس لینے کا فیصلہ

    ‏وفاقی وزیر داخلہ شیخ رشید احمد نے کہا ہے کہ ٹی ایل پی سے تفصیلی مذاکرات ہوئےمنگل یا بدھ تک کیسز واپس لیے جائیں گے-

    باغی ٹی وی : ‏وفاقی وزیر داخلہ شیخ رشید احمد کی میڈیا سے گفتگو کرتے ہوئے کہا کہ وزیرداخلہ سے وہ سوال پوچھیں جو اس سے متعلقہ ہوں ٹی ایل پی سے 8 گھنٹے مذاکرات ہوئے سعد رضوی سے تفصیلی بات چیت ہوئی ہےشیڈول فورتھ کو بھی دیکھیں گے سوموار کے روز صبح وزارت داخلہ ٹی ایل پی کے لوگ آئیں گے مزاکرات میں تاخیر ہوئی یہ مشکل سوال ہےٹی ایل پی کے ساتھ مزاکرات لمبے ہوتے ہیں سعد رضوی صاحب کے ساتھ ون آن ون بھی ملاقات کی-

    انہوں نے کہا کہ فرانس کے سفیر کے حوالے سے بات کی گئی میں نے کہا پاکستان واحد مسلم ایٹمی پاور ملک ہے فرانس کا سفیر ابھی موجود نہیں ہے، معاملہ اسمبلی میں لے کر جائیں گے ہم سے زیادہ کس نے ختم نبوت کے معاملے پر جیلیں کاٹی ہیں وزیر داخلہ شیخ رشید ہے سوال ہی نہیں پیدا ہوتا ختم نبوت پر آنچ آئے

    وفاقی وزیرداخلہ شیخ رشید‏ نے کہا کہ تصادم کے حق میں نہیں ہیں صوبائی وزیر داخلہ نہیں ہوں حکومت کا کام ہے کہ لچک رکھے کوشش کرنی چاہیے کہ ملک کو بہتری کی جانب لےجائیں ریاست کا کام صلح کا راستہ اختیار کرنا ہےریاست کا کام ڈنڈاچلانا نہیں بلکہ بات چیت کرناہے راولپنڈی اسلام آباد کی انتظامیہ کو کہتا ہوں کہ سڑکوں سے کنٹینرز ہٹا دے رکاوٹیں صرف جی ٹی روڈ پر رکھیں گی-

    حکومت اور ٹی ایل پی کے درمیان مذاکرات کامیاب

    پنڈی اسلام آباد کی جوائنٹ کمیٹی بنانا چاہتے ہیں میں اس کمیٹی کی صدارت نہیں کرنا چاہتا تھا مگر سعد رضوی صاحب سمیت دیگر کی خواہش پر کمیٹی کی صدارت کی ٹی ایل پی کو بین نہیں کیا وہ الیکشن لڑ رہئے ہیں، نا ہم سپریم کورٹ گئے-

    میں سیاسی ورکر ہوں تمام جماعتوں سے مزاکرات کے لیے تیار ہوں اپوزیشن جمعہ جمعہ کھیل رہی ہے اب الیکشن کمپین شروع ہو چکی ہے سیاست دان کا کام ہے درمیانی راستہ نکالنا کوشش کریں گے مرید کے میں بیٹھے لوگ گھروں کو واپس جائیں دو لوگ ہمارے شہید ہوئے ہیں ہم جھگڑا آگے نہیں بڑھانا چاہتے ہیں-

    راولپنڈی اور اسلام آباد میں آبادی کا سمندر ہے عالمی مہنگائی کی وجہ سے عام آدمی متاثر ہے میری ہمدردی عمران خان کے ساتھ ہے عمران خان کے ساتھ آیا ہوں اور اسی کے ساتھ جاوں گا امید ہے عمران خان پانچ سال پورا کریں گے-

    ‏شیخ رشید‏ نے کہا کہ پاکستان بھارت کا میچ آج تک مس نہیں کیا مگر پہلے پاکستان ہے اس لیے واپس آیا پوری قوم پورے جوش وخروش سے حریف انڈیا کے خلاف میچ کی منتظر ہے میں بھی گیا تھا مگر وزیراعظم کی ہدایات پر واپس آنا پڑا اس بار پاک بھارت میچ ٹی وی پر دیکھوں گا پہلی بار میچ نہیں دیکھ رہا جاوید میاں داد نے چھکا مارا تھا تب بھی میں وزیر تھا-

    انہوں نے کہا کہ ایف اے ٹی ایف پر بھی ہماری کارکردگی بہتر رہی پاکستان کے اس وقت ڈی جی آئی ایس آئی جنرل فیض حمید صاحب ہیں پی ڈی ایم کیا فائد لے لے گی، نومبر دسمبر میں یہ تھوڑی ورزش کرتے ہیں-

    دوسری جانب وزیر مذہبی امور نور الحق قادری نے کہا تھا کہ مظاہرین منگل تک اپنا احتجاج ریکارڈ کراویں گے صبح تک تمام بند راستوں کو کھول دیا جاے گا پولیس اور مظاہرین کے درمیان کسی قسم کا کوئی ٹکراو نہیں ہوگاحکومت نے مظاہرین کے تمام مطالبات کو سنا ہے-

    مظاہرین جدھر ہیں وہاں پرامن احتجاج جاری رکھیں گے مطالبات کی منظوری کے بعد مظاہرین پرامن طور پر احتجاج ختم کر دیں گے تمام مطالبات قانون کے مطابق حل کرنے کی یقین دہانی کرائی ہے دھرنا پر امن رھے گا اور راستے کھلے رکھے جائیں گے پر امن رھنے کی صورت میں پولیس اور سیکورٹی ادارے دھرنے کے خلاف کوئی کاروائی نہیں کریگی

    معاملات کو باھمی افہام و تفہیم کے ساتھ حل کیا جائے گا ۔حکومت احتجاجی ریلی کے مطالبات پر سنجیدگی سے غور اور مشاورت کریگی-

  • اقوام متحدہ کی سالگرہ: عالمی امن کیلئے ہمارے جوانوں نے ہر آزماش کی گھڑی میں قربانیاں دیں آرمی چیف

    اقوام متحدہ کی سالگرہ: عالمی امن کیلئے ہمارے جوانوں نے ہر آزماش کی گھڑی میں قربانیاں دیں آرمی چیف

    آرمی چیف جنرل قمر جاوید باجوہ کا کہنا ہے کہ پاک فوج امن کے لیے خدمات میں ہمیشہ پیش پیش رہی ہے، ہمارے جوانوں نے ہر آزمائش کی گھڑی میں قربانیاں دی ہیں۔

    باغی ٹی وی : پاک فوج کے شعبہ تعلقات عامہ ( ڈی جی آئی ایس پی) کی جانب سے سوشل میڈیا ویب سائٹ ٹوئٹر پر جاری ایک پیغام میں آرمی چیف جنرل قمر جاوید باجوہ نے یو این کے 76 ویں عالمی دن پر نیک خواہشات کا اظہار کیا ہے۔


    آرمی چیف جنرل قمر جاوید باجوہ نے کہا ہے کہ پاک فوج امن کے لیے خدمات میں ہمیشہ پیش پیش رہی ہے ہمارے جوانوں نے ہر آزماش کی گھڑی میں قربانیاں دی ہیں۔

    ان کا کہنا ہے کہ عالمی امن کےفروغ کیلئے پاکستان اور پاک فوج کی قربانیاں دنیاکےسامنےہیں ہماری قربانیاں بابائے قوم کے وژن کے مطابق ہیں

    سر براہ پاک فوج نے پیغام میں مزید کہا ہے کہ ہماری قربانیاں عالمی امن کے لیے ہمارے غیر متزلزل عزم کی عکاسی کرتی ہیں۔

    ہم نے ہمیشہ اپنے مضبوط عزم وارادے اور پختہ وابستگی کا مظاہرہ کیا شاہ محمود قریشی

    واضح رہے کہ پاکستان کی مسلح افواج اقوام متحدہ مشنز میں سے ایک ہے پاکستانی فوجیوں کی اقوام متحدہ کے ساتھ خدمات کو ہمیشہ عالمی سطح پر تسلیم کیا گیا اقوام متحدہ کے امن مشنز میں پاکستان کی خدمات 1960 میں شروع ہوئیں اور پاکستان نے کانگو میں اقوام متحدہ کے آپریشن میں اپنا پہلا دستہ تعینات کیا۔

    پاک فوج کے پیس کیپرز اب تک28 ممالک میں اقوام متحدہ کے 46 امن مشنز میں حصہ لے چکے ہیں، پاک فوج کے پیس کیپرز میں 2 لاکھ سے زائد فوجی جوان شامل ہیں اقوام متحدہ کے امن مشنز میں خدمات انجام دیتے ہوئے پاکستان کے 161 جوان شہید ہوئے، امن مشنز شہدا میں 24 افسران نے ڈیوٹی کے دوران اپنی جانیں قربان کیں-

  • ہم نے ہمیشہ اپنے مضبوط عزم وارادے اور پختہ وابستگی کا مظاہرہ کیا شاہ محمود قریشی

    ہم نے ہمیشہ اپنے مضبوط عزم وارادے اور پختہ وابستگی کا مظاہرہ کیا شاہ محمود قریشی

    اسلام آباد: وزیر خارجہ مخدوم شاہ محمود قریشی کا یوم اقوام متحدہ کے موقع پر پیغام

    باغی ٹی وی : تفصیلات کے مطابق پاکستان عالمی برادری کے ساتھ مل کر آج اقوام متحدہ کے قیام کی 76ویں سالگرہ منارہا ہے۔ سب سے زیادہ بین الحکومتی نمائندگی کی حامل تنظیم کے طورپر اقوام متحدہ بنی نوع انسان کو درپیش کورونا عالمی وبائی، اس کے نتیجے میں جنم لینے والے معاشی بحران اور ماحولیاتی تغیر کے خطرات جیسے مشترکہ مسائل کے حل کی بہترین جگہ ہے۔

    بابائے قوم قائداعظم محمد علی جناحؒ کی بصیرت سے ملنے والی رہنمائی اور جذبے کے تحت پاکستان نے ہمیشہ اقوام متحدہ کے منشور کو سربلند کیا ہے۔عالمی امن وسلامتی، پائیدار ترقی اور سب کے لئے مساوی انسانی حقوق کے فروغ میں اقوام متحدہ کی مرکزیت کے ساتھ کثیرالقومیت کے لئے ہم نے ہمیشہ اپنے مضبوط عزم وارادے اور پختہ وابستگی کا مظاہرہ کیا ہے۔

    1960 سے اقوام متحدہ کے امن دستوں اور کارروائیوں کے لئے سب سے زیادہ امن دستوں کی فراہمی میں سرفہرست ملک ہونے سے لے کر اقوام متحدہ کے بھارت اور پاکستان کے لئے فوجی مبصر گروپ (یو۔این۔ایم۔او۔جی۔آئی۔پی) جیسے قدیم ترین امن مشن کی میزبانی، دہائیوں سے لاکھوں مہاجرین کی مہمان نوازی کرنے سے لے کر دنیا بھر میں منصفانہ مقاصد کے لئے حمایت کی فراہمی تک، پاکستان ہمیشہ عالمی تعاون، مکالمے اور تنازعات کے پرامن حل کا بھرپور مبلغ اور پرچارک رہا ہے۔

    گزشتہ دو ماہ کے دوران پاکستان نے سفارتی مشن، اقوام متحدہ کے ذیلی اداروں اور بین الاقوامی تنظیموں سمیت دیگر کے افغانستان سے انخلاءاور انہیں متعلقہ مقامات تک پہنچانے میں سہولت کاری کا کلیدی کردار ادا کیا ہے۔ افغان عوام کو اقوام متحدہ کی جانب سے انسانی ہمدردی کی بنیاد پر سامان کی فراہمی و ترسیل میں راہداری کی فراہمی میں پاکستان اپنی مدداورتعاون جاری رکھے گا۔

    اقوام متحدہ کا منشور ہمارے اس اجتماعی عزم وارادے کو اپنے اندر سموئے ہوئے ہے کہ عالمی قانون اور پرامن بقائے باہمی کی بالادستی ہو۔ یہ اقوام کے درمیان مساوی حقوق ، عوام کے استصواب رائے کے حق اور عالمی امن کی تقویت کے لئے دیگر مناسب اقدامات کرنے کے اصولوں کے احترام پر مبنی دوستانہ تعلقات پروان چڑھانے کا ذریعہ فراہم کرتا ہے۔

    یہ امر افسوسناک ہے کہ ان عالمی مقاصد اور اصولوں کو دنیا کے مختلف حصوں میں قانونی جوابدہی وگرفت سے استثنٰی کے ساتھ جھٹلایا اور پامال کیا جارہا ہے۔ اس کی سب سے سنگین اور کھلی مثال غیرقانونی طورپر بھارت کے زیرقبضہ جموں وکشمیر ہے قابض قوت اپنے بہیمانہ جبرواستبداد کے ذریعے غیرقانونی طورپر بھارت کے زیرقبضہ جموں وکشمیر کے عوام کی استصواب رائے کے اپنے ناقابل تنسیخ حق کے حصول کی منصفانہ جدوجہدکو دبانے کی کوشش کررہی ہے جس کی ضمانت اقوام متحدہ کی سلامتی کونسل نے اپنی متعدد قراردادوں کے ذریعے دی ہے ۔

    اقوام متحدہ کے دن کو مناتے ہوئے میں عالمی برادری پر زور دیتا ہوں کہ تنازعہ جموں وکشمیر پر اقوام متحدہ کی سلامتی کونسل کی متعلقہ قراردادوں پر عمل درآمد کے لئے کام کرے۔

    پاکستان اقوام متحدہ کی رکن ریاستوں کے ساتھ ہاتھ میں ہاتھ ملا کر اقوام متحدہ کے منشور کے مقاصد اور اہداف کے حصول کی خاطرکام کرنے کے لئے آمادہ وتیار ہے تاکہ دنیا بھر میں امن، ترقی اور خوش حالی کی منزل حاصل کی جاسکے۔