Baaghi TV

Category: اہم خبریں

  • عدالت فیصلہ دے چکی ہے کہ جج پر تنقید توہین عدالت نہیں،اسلام آباد ہائیکورٹ

    عدالت فیصلہ دے چکی ہے کہ جج پر تنقید توہین عدالت نہیں،اسلام آباد ہائیکورٹ

    عدالت فیصلہ دے چکی ہے کہ جج پر تنقید توہین عدالت نہیں،اسلام آباد ہائیکورٹ

    اسلام آباد ہائیکورٹ میں سوشل میڈیا رولز کے خلاف درخواستوں پر سماعت ہوئی

    صدف بیگ، نگہت داد، فریحہ عزیز، رافع بلوچ، پی ایف یو جے اور پاکستان بار کونسل معاونین مقرر کر دیئے گئے سوشل میڈیا رولز آئین سے متصادم تو نہیں، عدالتی معاونین سے رائے طلب کر لی گئی،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ دیکھ لیتے ہیں کہ نئے حکومتی سوشل میڈیا رولز آئین سے متصادم تو نہیں ہیں، ایڈیشنل اٹارنی جنرل نے کہا کہ عدالتی حکم کے مطابق اٹارنی جنر ل کی بعض اسٹیک ہولڈرز سے مشاورت ہوئی، وزیراعظم نے وفاقی وزیر شیریں مزاری کی سربراہی میں کمیٹی بنائی،کمیٹی نے 30 سے زائد اسٹیک ہولڈرز سے مشاورت کی، فیس بک، گوگل ٹویٹر اور دیگر عالمی فورمز سے بھی مشاورت کی گئی ،چیف جسٹس اطہرمن اللہ نے ریمارکس دیتے ہوئے کہا کہ یہ کہاں ہوتا ہے کہ اتھارٹی اخلاقی پولیسنگ کرے، ٹک ٹاک کو اتنے عرصے کیلئے بند کر دیا گیا تھا، ایڈیشنل اٹارنی جنرل نے عدالت میں کہا کہ ٹک ٹاک کو دوبارہ بحال کر دیا گیا ہے،چیف جسٹس اسلام آباد ہائیکورٹ اطہرمن اللہ نے ریمارکس دیتے ہوئے کہا کہ یہ مذاق نہیں ہے ہم نے قانون کے مطابق چلنا ہے جو کہ نہیں ہو رہا، پیکا ایکٹ کے تحت اختیارات کا غلط استعمال کیا جا رہا ہے،جو رولز بنائے گئے کیا وہ عالمی بہترین طریقہ کار کے مطابق ہیں،

    وکیل درخواست گزار نے عدالت میں کہا کہ نئے بنائے گئے رولز پر بہت سے اعتراضات ہیں،عدالت نے کہا کہ کس ملک میں ایسا ہے کہ قابل اعتراض مواد ہونے پر پورا سوشل میڈیا بند کر دیا جائے،ایڈیشنل اٹارنی جنرل نے کہا کہ میری معلومات کے مطابق آسٹریلیا، یورپی یونین اور دیگر میں یہی طریقہ کار ہے ،وکیل نے کہا کہ رولز کے مطابق اتھارٹی کو طے کرنے کا اختیار دیا گیا کہ کونسا اقدام توہین عدالت ہے،چیف جسٹس اطہرمن اللہ نے استفسار کیا کہ کیا آپکو معلوم ہے توہین عدالت اور آزادی اظہار رائے میں کیا فرق ہے ؟یہ عدالت فیصلہ دے چکی ہے کہ جج پر تنقید توہین عدالت نہیں ہے،ٹک ٹاک پر پابندی کیوں لگائی تھی اور کھول کیوں دیا، دنیا بہت آگے جا چکی ہے، پابندیوں سے کوئی فائدہ نہیں ہے، آپ ٹیکنالوجی سے نہیں لڑ سکتے، عدالت نے کیس کی سماعت 6 جنوری تک ملتوی کر دی

    پروپیگنڈے کرنیوالی مودی سرکار باغی ٹی وی کا "سچ” برداشت نہ کر سکی،باغی ٹی وی کا ٹویٹر اکاؤنٹ بند کروانے کی درخواست کر دی

    آزادی اظہار کی دعویدار ٹویٹر انتظامیہ کو مودی کے ظلم کی حمایت کرنے پر شرم آنی چاہیے ، سید فیاض الحسن رہنما پی ٹی آئی

    بھارتی اقدام قابل مذمت، باغی ٹی وی کو دباؤ میں نہیں آنا چاہیئے،خرم نواز گنڈا پور

    سوشل میڈیا پر عدلیہ مخالف مہم کیخلاف درخواست پر سماعت

    پاک فوج کے خلاف سوشل میڈیا پر پروپیگنڈا،ملزم کو کتنی سزا سنائی گئی؟ اہم خبر

    فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟

    جادو سیکھنے کے چکر میں بھائی کے بعد ملزم نے کس کو قتل کروا دیا؟

    پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

    واٹس ایپ پر محبوبہ کی ناراضگی،نوجوان نے کیا قدم اٹھا لیا؟

    غیرت کے نام پر سنگدل باپ نے 15 سالہ بیٹی کو قتل کر دیا

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    مرد کو مرد کیخلاف ہراسگی کی شکایت کا حق حاصل، چائے کی آفر،ایس ایم ایس بھی ہراسگی میں آتا ہے، کشمالہ طارق

    یہاں آئین کی پروٹیکشن،قبر میں نہیں ملے گی،توہین آمیز مواد پر ایکشن کیوں نہیں،عدالت

    @MumtaazAwan

    فرانس سے تعلقات منقطع کرنے کی ایک اور درخواست پرعدالت نے فیصلہ سنا دیا

    وزیراعلیٰ پنجاب کا گستاخانہ خاکوں کے ردعمل میں بڑا اعلان،دل جیت لئے

    شیخ رشید کی کردار کشی، حریم شاہ کو کس نے دیا ٹاسک؟ باغی ٹی وی سب سامنے لے آیا

    یہاں کسی ماں بہن کیخلاف بات ہوتی ہے تو پروگرام بند ہو جاتے ہیں،سوشل میڈیا پر گستاخانہ مواد کیوں؟ عدالت برہم

    سراج الحق بھی……حریم شاہ نے کیا تہلکہ خیر انکشاف

    حریم شاہ کی کسی شخص کے گھٹنے پر بیٹھنے کی تصویر وائرل، وہ شخص کون؟ حریم نے خود بتا دیا

    حریم شاہ کی "لیکس” زرتاج گل بھی میدان میں آ گئیں، کیا کہا؟ جان کر ہوں حیران

    دوسروں کی ویڈیو لیک کرتے کرتے حریم شاہ کی اپنی ویڈیو لیک، تہلکہ مچ گیا

    گستاخانہ مواد کی تشہیر کو کب تک نہیں روکا جا سکتا ؟ ڈی جی پی ٹی اے کا عدالت میں اظہار بے بسی

  • پٹھان کوٹ، بھارتی فوجی کیمپ پر حملہ ہو گیا

    پٹھان کوٹ، بھارتی فوجی کیمپ پر حملہ ہو گیا

    باغی ٹی وی کی رپورٹ کے مطابق بھارتی پنجاب کے پٹھان کوٹ میں فوجی کیمپ پر حملہ ہو گیا ہے

    بھارتی میڈیا کے مطابق پٹھان کوٹ میں فوجی کیمپ کے گیٹ پر ہینڈ گرنیڈ سے حملہ کیا گیا ہے، موٹر سائیکل سواروں نے گیٹ پر دستی بم پھینکا اور فرار ہو گئے، واقعہ کے بعد علاقے میں سرچ آپریشن شروع کر دیا گیا ہے، سیکورٹی مزید سخت کر دی گئی ہے، گردونواح میں ناکہ بندی کر دی گئی ہے، پولیس اور بھارتی خفیہ ادارے سی سی ٹی وی فوٹیج کی مدد سے موٹر سائیکل سواروں تک پہنچنے کی کوشش کر رہے ہیں، علاقے کو مکمل سیل کر دیا گیا ہے،

    دوسری جانب پٹھان کوٹ میں ریڈ الرٹ جاری کر دیا گیا ہے، بھارتی خبر رساں ادارے کے مطابق بھارتی فوجی کیمپ کے تریوینی گیٹ پر حملہ ہوا، حملہ میں ابھی تک کسی نقصان کی کوئی اطلاع نہیں تا ہم بھارتی فوجیوں میں اس حملے کے بعد خوف و ہراس پایا جا رہا ہے، سیکورٹی حکام کا کہنا ہے کہ تحقیقات کر رہے ہیں اس گرینڈ حملے کے پیچھے کون ہے، ایک موٹر سائیکل گزری اور اس کے گزرنے کے فوری بعد گیٹ پر دھماکہ ہوا، امید ہے سی سی ٹی وی فوٹیج سے ملزمان تک پہنچ جائیں گے

    واضح رہے کہ پٹھان کوٹ بھارت کی اہم اور حساس جگہ ہے جہاں بھارتی فضائیہ اور فوج کے اسلحہ کے ڈپو ہیں، سال 2016 میں بھی پٹھان کوٹ میں بھارتی فضائیہ کے سٹیشن پر حملہ ہوا تھا جس میں آٹھ بھارتی اہلکار ہلاک ہو گئے تھے اور پانچ حملہ آوروں کو بھی مارا گیا تھا

    بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصد

    بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا

    اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

    پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

    بریکنگ.بھارتی فضائیہ کا جنگی طیارہ تباہ، کیپٹن ہلاک

    بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

    وہی ہوا جس کا تھا انتظار،مودی کی مکاری،ڈرون کا الزام پاکستان پر عائد

    بھارتی ہائی کمیشن اسلام آباد کے اوپر ڈرون کی نقل و حرکت کا بھارتی دعویٰ

    ڈرون کا خوف، بھارتی فضائیہ نے دی اینٹی ڈرون سسٹم خریدنے کی منظوری

    بھارتی فوجی خواب میں بھی ڈرون سے ڈرنے لگے

    جموں ،بھارتی فضائیہ کے اڈے کے قریب ایک بار پھر نظر آیا ڈرون

    ڈرون نے بھارتی فوج کی نیند حرام کر دی،ایک گھنٹے میں تین الگ الگ مقامات پر نظر آئے ڈرون

    بھارتی فوج ڈرون سے خوفزدہ، سرینگر،جموں میں انسداد ڈرون فورس تعینات

  • مہنگائی اور کرنٹ اکاونٹ خسارے میں مزید اضافے کا آئی ایم ایف نے ظاہر کیا خدشہ

    مہنگائی اور کرنٹ اکاونٹ خسارے میں مزید اضافے کا آئی ایم ایف نے ظاہر کیا خدشہ

    مہنگائی اور کرنٹ اکاونٹ خسارے میں مزید اضافے کا آئی ایم ایف نے ظاہر کیا خدشہ

    آئی ایم ایف 6 ارب ڈالر کا قرض بحال کرنے پر آمادہ ہو گیا

    پاکستان کو ایک ارب 5 کروڑ 90 لاکھ ڈالر کی قسط جاری کی جائے گی ،چھٹے جائزے کی تکمیل کی حتمی منظوری ایگزیکٹو بورڈ سے لی جائے گی، پاکستان کو مالی،ادارہ جاتی اصلاحات سے متعلق پیشگی شرائط پر عمل کرنا ہو گا، اگلی قسط کے اجراء سے فراہم کردہ رقم 3 ارب 2 کروڑ 70 لاکھ ڈالر ہو جائے گی پاکستان کو دیگر ممالک اور عاملی اداروں سے فنڈنگ کے حصول میں مدد ملے گی، پاکستان نے جون تک کے تمام کارکردگی اہداف بڑے مارجن سے پورے کیے، پاکستان نے منی لانڈرنگ،ٹیرر فنانسنگ کے خلاف پیشرفت کی، ایکشن پلان کو مزید موثر بنانے کے لیے اضافی وقت درکار ہے کورونا وبا کے خلاف پالیسی اقدامات سے مضبوط معاشی بحالی ہوئی،تاہم کرنٹ اکاونٹ خسارے میں اضافہ،روپے کی قدر پر دباو رہا ایف بی آر کے ٹیکس محاصل مضبوط رہے،

    رواں سال معاشی ترقی4 فیصد،اگلے سال 4.5 فیصد رہنے کا امکان ہے مہنگائی اور کرنٹ اکاونٹ خسارے میں مزید اضافے کا خدشہ ہے،آئی ایم ایف نے مانیٹری پالیسی کے ذریعے مہنگائی پر قابو پانے پر زوردیا ایکسچینج ریٹ میں لچک برقرار رکھنے،زر مبادلہ ذخائر بڑھانے کا مشورہ دیا قانون سازی کے ذریعے اسٹیٹ بینک کی خود مختاری بڑھانے پر زوردیا سماجی اور ترقیاتی اخراجات کے لیے ٹیکس مراعات کا خاتمہ ضروری قرار دیا گیا ،آئی ایم ایف کا کہنا ہے کہ ٹیکس نیٹ بڑھانے کے لیے کوششیں جاری رکھی جائیں،حکومت سرکلر ڈیبٹ مینجمنٹ پلان پر ثابت قدمی سے عمل کرے،توانائی شعبے میں اصلاحات سے متعلق وعدے پر عمل کیا جائے بجٹ، مالی شعبے اور مجموعی معیشت پر منفی اثرات پر قابو پانے میں مدد ملے گی

    دوسری جانب اسٹیٹ بینک نے مہنگائی کے ہدف اور پیش گوئی کی وضاحت کی ہے، اسٹیٹ بینک کی جانب سے جاری اعلامیہ میں کہا گیا کہ اسٹیٹ بینک کی مالی سال 22میں اوسط مہنگائی کی پیش گوئی 7-9 فیصددکھائی جارہی ہے،اس کا دیگر ملکوں کے مہنگائی کے اہداف سے موازنہ کرنا درست نہیں،مہنگائی کی پیش گوئی رواں مالی سال کے تخمینوں کو ظاہر کرتی ہے، پاکستان میں مہنگائی کا ہدف حکومت مقرر کرتی ہے اور وہ 5-7 فیصد ہے،

    وزیر خارجہ بتائیں ہمارے جوان شہید ہیں یا اسامہ ؟ حنا ربانی کھر کا اسمبلی میں اظہار خیال

    پی ٹی وی کے پاس پرانے کیمرے، سپیئر پارٹس نہیں ملتے،قائمہ کمیٹی اجلاس میں انکشاف

    پی ٹی وی سپورٹس پر اینکرز کی دس دس گھنٹے کی تنقید ، قائمہ کمیٹی نے تجزیوں کو غیر معیاری قرار دے دیا

    فلم پالیسی کو بہت جلد عملی جامہ پہنایا جائے گا، قائمہ کمیٹی تعاون کرے گی: سینیٹر فیصل جاوید

    نوجوان لڑکی سے چار افراد کی زیادتی کی ویڈیو وائرل ہونے کے بعد پولیس ان ایکشن

    خاتون سے زیادتی اور زبردستی شادی کی کوشش کرنے والا ملزم گرفتار

    واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    گھبرانے کی کوئی بات نہیں، فوج تعینات اور موبائل سروس بند کرنے کا شیخ رشید نے کیا اعلان

    شوکت ترین آئی ایم ایف کے ساتھ مذاکرات ختم کیے بغیر واشنگٹن سے روانہ

    دوسری جانب مسلم لیگ (ن) کے صدر اور قائد حزب اختلاف شہبازشریف نے آئی ایم ایف کی شرائط پارلیمنٹ میں لانے کا مطالبہ کیا ہے شہباز شریف نے کہا ہے کہ ڈالر کی قیمت میں مزیداور مسلسل اضافہ قومی معیشت کے لئے تباہ کن اور قومی سلامتی کے تصور کے لئے خطرناک ہے تاریخ گواہ ہے کہ ڈالر کی قیمت میں اضافے سے ملک میں ہمیشہ مہنگائی بڑھی ہے ڈالر کی قیمت میں اضافے سے عوام کنگال ہورہے ہیں اور حکومت کو عوام کی حالت زار کا کوئی احساس نہیں آئی ایم ایف سے معاہدہ ختم نہیں ہوا تو پھر کیا طے پایا ہے، پارلیمنٹ کو بتایا جائے ،آئی ایم ایف کے ساتھ طے پانے والی شرائط اور مذاکرات کی تفصیلات پارلیمنٹ سے چھپانابتارہا ہے کہ دال کالی ہے،ڈالر کی قیمت میں مسلسل اضافہ قومی معیشت کوبرباد کررہا ہے اور مہنگائی بے قابو ہوچکی ہے مہنگائی کی طرح ڈالر میں مسلسل اضافے پر حکمران مجرمانہ خاموشی اختیار کئے ہوئے ہیں

  • مریم نواز کی آڈیو بھی لیک ہو گئی

    مریم نواز کی آڈیو بھی لیک ہو گئی

    مریم نواز کی آڈیو بھی لیک ہو گئی
    پاکستان مسلم لیگ ن کی نائب صدر مریم نوازصفدر کی آڈیو سوشل میڈیا پر گردش کر رہی ہے جن میں انہوں نے اپنی پارٹی کو 4 بڑے نجی چینلز کا بائیکاٹ کرنے کی ہدایات دی ہیں-

    باغی ٹی وی : مریم نواز صفدر کی سوشل میڈیا پر وائرل ویڈیو میں وہ اپنی میڈیا ٹیم کو اے آر وائی نیوز، 92 نیوز،سماءنیوز اور 24 نیوز چینلز کو کسی بھی قسم کا کوئی بھی بیان اور ایڈ بھیجنے پر کرتے سنائی دے رہی ہیں-انہوں نے آڈیو میں کہا کہ وہ مذکورہ بالا 4 نجی ٹی وی چینلز کو کسی بھی قسم کا بالکل کوئی بھی ایڈ‌نہیں بھیجا جائے گا-

    مریم نواز کی مبینہ آڈیو لیک پر معاون خصوصی ڈاکٹر شہباز گل نے ردعمل دیتے ہوئے کہا کہ دیکھتے ہیں اب صحافت کتنی آزاد ہے، اب پریس کلب اس پرکیا بیان جاری کرتے ہیں اگر سب چپ رہے تو پھر ثابت ہو جائے گا، کچھ لوگوں کی صحافت آزاد نہیں، سب چپ رہے تو ثابت ہوگا کچھ لوگوں کی صحافت مریم کے پاس گروی پڑی ہے یہ پی ٹی آئی والےنےکیاہوتاتوآزادصحافت نے ابتک مذمت کردینی تھی، جھوٹے منہ ہی کچھ کرلیں

    قبل ازیں مریم نواز کی آڈیو سے قبل ،سابق چیف جسٹس آف پاکستان ثاقب نثار کی بھی آڈیو وائرل ہوئی تھی، جس میں کہا گیا ہے کہ یہ آڈیو سابق چیف جسٹس ثاقب نثار کی ہے جس میں وہ نوازشریف کو اقتدارسے دوررکھنے کے لیے کسے کے ساتھ بات چیت کررہےہیں اس آڈیو کے منظرعام پرآتے ہیں یہ تاثربھی عام ہوگیاکہ یہ نوازشریف اینڈ کمپنی کی کاریگری کا ایک اور شاہکار ہے جو بہت جلد اپنی موت آپ مرجائے گابعض نے کہاہے کہ اس آڈیو کا فرانزک چیک ہونا چاہیے-

    دوسری جانب سوشل میڈیا پروائرل ہونے والی مبینہ آڈیو کے بارے میں سابق چیف جسٹس آف پاکستان جسٹس ثاقب نثار نےردعمل دیتے ہوئے کہا ہے کہ کبھی ایسی کوئی بات ہی نہیں ہوئی توپھراس قسم کے پراپیگنڈے کی بھی کوی حیثیت نہیں ہ ‏وائرل آڈیو میں مبینہ طور پر نواز شریف اور مریم نواز کیخلاف سزا پر بات چیت کبھی ہوئی ہی نہیں ، ان کا یہ کہنا تھا کہ اس طرح کے ہتھکنڈے استعمال کرنے سے سپریم کورٹ کے فیصلوں کی اہمیت کو کم نہیں کیا جاسکتا یہ آڈیو “fabricated” ہے-


    ادھر مریم اورنگزیب نے دعویٰ کیا ہے کہ آواز کے حقیقی اور درست ہونے کا سائنسی اور جدید تجزیہ کرنے والی امریکی کمپنی کا تصدیق نامہ پیش خدمت ہے کہ یہ ثاقب نثار ہی کی آواز ہے۔ اعمال نامہ حاضر ہے جناب۔عذر گناہ بدتر از گناہ۔

  • ‏یہ فیبریکیٹڈ آڈیومجھ سے منسوب کی گئی ہے،کبھی ایسی بات ہوئی ہی نہیں :سابق چیف جسٹس

    ‏یہ فیبریکیٹڈ آڈیومجھ سے منسوب کی گئی ہے،کبھی ایسی بات ہوئی ہی نہیں :سابق چیف جسٹس

    لاہور:‏یہ فیبریکیٹڈ آڈیومجھ سے منسوب کی گئی ہے،کبھی ایسی بات ہوئی ہی نہیں،اطلاعات کے مطابق سوشل میڈیا پروائرل ہونے والی مبینہ آڈیو کے بارے میں سابق چیف جسٹس آف پاکستان جسٹس ثاقب نثار نےردعمل دیتے ہوئے کہا ہے کہ کبھی ایسی کوئی بات ہی نہیں ہوئی توپھراس قسم کے پراپیگنڈے کی بھی کوی حیثیت نہیں

     

     

    ذرائع کے مطابق سوشل مڈیا پروائرل ہونے والی آڈیو کے بارے میں ان کا کہنا تھا کہ ‏وائرل آڈیو میں مبینہ طور پر نواز شریف اور مریم نواز کیخلاف سزا پر بات چیت کبھی ہوئی ہی نہیں ، ان کا یہ کہنا تھا کہ اس طرح کے ہتھکنڈے استعمال کرنے سے سپریم کورٹ کے فیصلوں کی اہمیت کو کم نہیں کیا جاسکتا

     

    ادھر اس حوالے سے سینیئر صحافی وسیم بادامی کا کہنا ہے کہ کچھ دیر قبل ثاقب نثار صاحب سے ملاقات ہوی۔ وہ اس آڈیو سے مکمل لا تعلقی کا اظہار کررہے ہیں۔ ان کے مطابق یہ آڈیو “fabricated” ہے

     

     

     

     

    دوسری طرف سابق چیف جسٹس کا کہنا ہے کہ انہوں نے یہ آڈیو سنی ہے یہ سب خودساختہ شرارت اور سازش ہے اور اسی سازش کے تحت ‏یہ فیبریکیٹڈ آڈیومجھ سے منسوب کی گئی ہے، سابق چیف جسٹس نے کہاکہ ‏اس طرح کی چیزیں بنا کر لائی جارہی ہیں، یہ آواز میری نہیں،

     

    یاد رہےکہ آج ابھی تھوڑی دیر پہلے سوشل میڈیا پرایک آڈیووائرل کی گئی ہے جس میں کہا گیا ہے کہ یہ آڈیو سابق چیف جسٹس ثاقب نثار کی ہے جس میں وہ نوازشریف کو اقتدارسے دوررکھنے کے لیے کسے کے ساتھ بات چیت کررہےہیں

     

    اس آڈیو کے منظرعام پرآتے ہیں یہ تاثربھی عام ہوگیاکہ یہ نوازشریف اینڈ کمپنی کی کاریگری کا ایک اور شاہکار ہے جو بہت جلد اپنی موت آپ مرجائے گا

     

    بعض نے کہاہے کہ اس آڈیو کا فرانزک چیک ہونا چاہیے

  • لینڈمافیااورسہولت کاروں کیخلاف سخت ایکشن لیاجائیگا :وزیراعظم عوامی شکایات پرغصےمیں‌ آگئے

    لینڈمافیااورسہولت کاروں کیخلاف سخت ایکشن لیاجائیگا :وزیراعظم عوامی شکایات پرغصےمیں‌ آگئے

    اسلام آباد: لینڈ مافیا اور سہولت کاروں کیخلاف سخت ایکشن لیا جائیگا:وزیراعظم عمران خان عوامی شکایات پرغصے میں‌ آگئے ،اطلاعات کے مطابق وزیر اعظم عمران خان نے قبضہ مافیا کے خلاف چونکا دینے والے انکشافات کرتے ہوئے کہا ہے کہ ،لینڈ ریکارڈ ڈیجیٹلائزیشن کے دوران مزاحمت کا سامنا کرنا پڑا،سیاسی اشرافیہ کی مدد سے لینڈ مافیا نے سرکاری اراضی پر قبضہ کیا، لینڈ مافیا اور ان کے سہولت کاروں کے خلاف سخت ایکشن لیا جائے گاجبکہ لینڈ ریکارڈ کو کمپیوٹرائز کرنے پر سروے میں5ہزار 595 ارب کی سرکاری زمینوں پر قبضے سامنے آئے ہیں۔

     

     

     

    سماجی رابطے کی ویب سائٹ ٹوئٹر پر وزیراعظم عمران خان نے اپنے ٹویٹ میں بتایا کہ ڈیجیٹل لینڈ ریکارڈنگ کا کام شروع کیا تو ہمیں سخت مزاحمت کاسامنا کرنا پڑا، ای وی ایم کی طرح کیڈیسٹرل میپنگ میں بھی ہمیں مزاحمت کاسامنا کرنا پڑا ۔

    وزیرعظم نے کہا کہ لینڈ ریکارڈ کو کمپیوٹرائز کرنے پر قبضہ مافیا کے زیر استعمال سرکاری زمین کے حوالے سے چونکا دینے والے ا نکشافات سامنے آئے ہیں جبکہ لاہور، کراچی اور اسلام آباد میں 5595 ارب روپے کی زمین پر قبضے نکلے ہیں ، سیاسی اشرافیہ اور قبضہ مافیا سرکاری زمینوں پر قابض نکلے ہیں۔

     

     

    انہوں نے اپنے ٹوئٹس میں مزید کہا کہ سروے میں جنگلات کی 1869 ارب کی زمین قبضہ گروپوں کے زیر استعمال نکلی اور جنگلات کی زمینوں پر لینڈ مافیا کا قبضہ ہے جبکہ پاکستان میں جنگلات کے رقبے میں مزید کمی ہوئی ہے ۔

    وزیراعظم کا کہنا تھا کہ ریلوے کی 307 ارب مالیت کی زمین قبضہ مافیا کے زیر قبضہ نکلی ، نیشنل ہائی وے کی 52 ارب مالیت کی زمین پرقبضے نکلے ہیں ، متروکہ وقف ا ملاک کی 117 ارب روپے کی زمینوں پر قبضے ہیں جبکہ درست کمپیوٹرائزڈ ریکارڈ حاصل ہونے کے بعد قبضہ مافیا اور ان کے سہولت کاروں کے خلاف سخت ایکشن ہو گا۔

  • ماضی میں چوروں کو حکومت دی گئی جن کی وجہ سے آج قوم مشکلات کا شکار ہے: بیرسٹر علی ظفر

    ماضی میں چوروں کو حکومت دی گئی جن کی وجہ سے آج قوم مشکلات کا شکار ہے: بیرسٹر علی ظفر

    لاہور:ایوانوں میں چوروں کو حکومت دی جائے تو مسائل بڑھ جاتے ہیں:وہی چورلٹیرے عمران خان کے دشمن:اطلاعات کے مطابق پاکساتن تحریک انصاف کے رہنما اور سینیٹر بیرسٹر علی ظفر نے عاصمہ جہانگیر کانفرنس سے خطاب میں کہا کہ پاکستان میں طاقت کے ایوانوں میں کرہ ٹوکری سی متعارف کروائی گئی۔

    بیرسٹر علی ظفر نے کہا کہ کلیپٹو کریسی کا مطلب ہے جب حکومت چوروں کے ہاتھ میں آجائے، جب اقتدار کے ایوانوں میں مجبوریوں کے باعث چوروں کو حکومت دی جاتی ہے تو مسائل بڑھ جاتے ہیں۔

    ان کا مزید کہنا تھا کہ قائد اعظم نے بھی کہا ملک کو کرپشن سے بڑا خطرہ ہے ، ہم نے کرپشن کے جن سے لڑنا ہے جو آسان نہیں۔ کرپٹ لوگ ایسا تاثر بنا دیتے ہیں جیسے احتساب کے نام پر انتقام لیا جارہا ہے۔

    سینیٹر علی ظفر نے کہا جو لیڈر کرپشن کے خلاف لڑے گا اسے تنی رسی پر چلنا پڑے گا ، کرپشن کے خلاف لڑائی میں اصل مجرموں کو کٹہرے میں لانا اصل چیلنج ہے۔

    رہنما تحریک انصاف نے کہا کہ دوہزار اٹھارہ میں جب حکومت میں آئے تو نیب قوانین وہی تھے جو ن لیگ کے دور میں تھے۔

    ان کا مزید کہنا تھا کہ پاکستان میں موجود جمہوری نظام میں کلیپٹوکریسی کا اثر و رسوخ ہے۔ کلیپٹوکریسی کا نظام احتساب کے نظام کے خلاف چلتا ہے، جس میں کرپٹ لوگوں کے خلاف احتساب ممکن نہیں ہوتا۔

    انہوں نے کہا کہ نوازشریف نے اپنے دوسرے دورے حکومت میں پیپلز پارٹی کے خلاف احتساب بطور سیاسی حربہ استعمال کیا۔ پی ٹی آئی نے 2018 میں آکر اس تصور کو زائل کیا کہ طاقت ور کا احتساب نہیں ہو سکتا۔

    بیرسٹر علی ظفر نے کہا کہ یہ تصور پایا جاتا ہے اس وقت احتساب درست نہیں، یہ تصور غلط ہے۔ یہ تاثر دینے کی کوشش کی جاتی ہے کہ معصوم لوگوں کو سیاسی انتقام کا نشانہ بنایا جا رہا ہے۔ یکطرفہ احتساب کا تاثر دینا درست نہیں ہے۔

    ان کا مزید کہنا تھا کہ ہمیں نیب کے قوانین میں پائی جانے والی خرابیوں کو مل کر دور کرنا ہوگا، احتساب کے معاملے میں عوام کا ساتھ ہونا ضروری ہے، امید کرتا ہوں کہ یہ احتساب کا تسلسل جاری رہے، یہ سیاسی انتقام نہیں۔

  • پنجاب بلدیاتی الیکشن :کپتان کا جیتنے والے کھلاڑیوں کومیدان میں اتارنے کا حکم

    پنجاب بلدیاتی الیکشن :کپتان کا جیتنے والے کھلاڑیوں کومیدان میں اتارنے کا حکم

    اسلام آباد:پنجاب میں بلدیاتی الیکشن کے معاملے پر وزیراعظم عمران خان نے امیدواروں کی تلاش کیلئے اعلیٰ سطح کمیٹی تشکیل دیتے ہوئے پارٹی قیادت کو بھرپور تیاری کے ساتھ میدان میں اترنے کی ہدایت کردی ہے۔

    وزیراعظم عمران خان کی قائم کردہ کمیٹی پنجاب میں آئندہ بلدیاتی انتخابات کے لئے میئرز اور ضلع کونسل کے چیئرمینوں کے لئے پارٹی کے مضبوط امیدوار تلاش کرے گی جبکہ کمیٹی میں چیف آرگنائزر پی ٹی آئی سیف اللہ خان نیازی ، عامر کیانی اور پنجاب کے وزیربلدیات میاں محمود الرشید شامل کیے گئے ہیں۔

    عمران خان نے بلدیاتی انتخابات کے لئے پارٹی کو بھرپور تیاری کے ساتھ میدان میں اترنے کی ہدایت کردی ہے جبکہ تمام ریجن کے صدور بھی کمیٹی بلدیاتی انتخابات کے حوالے سے مشاورت کرسکیں گے، کمیٹی بلدیاتی انتخابات کے لئے مضبوط پارٹی امیدواروں کے حوالے سے کام کرے گی۔

  • ہماری مائیں بہنیں بازی جیت گئیں حافظ سعد رضوی کا خطاب میں خراج تحسین

    ہماری مائیں بہنیں بازی جیت گئیں حافظ سعد رضوی کا خطاب میں خراج تحسین

    تحریک لبیک کے سربراہ علامہ خادم حسین رضوی کے پہلے عرس کی تقریبات کا سلسلہ آج تیسرے روز بھی جا ری ہے-

    تحریک لبیک کے سربراہ علامہ خادم حسین رضوی کے پہلے سالانہ عرس کی تین روزہ تقریبات کا آج آخری روز ہے تقریب کے پہلے روز علامہ خادم حسین رضوی کی قبر پر قرآن خوانی کی گئی،جبکہ گزشتہ روز بھی عرس کی تقریب سے مختلف علماء کرام نے خطاب کیا دوسری نشست گزشتہ روز نماز عشاء کے بعد سے رات 11 بجے تک جا ری رہی تیسرے روز کی تقریب سے علامہ سعد رضوی کا خصوصی خطاب ہوا عرس کی تقریب میں ہزاروں کارکنان شریک ہیں ۔ یتیم خانہ چوک میں قائدین کے لیے مین سٹیج لگایا گیا ہے ۔ اس موقع پر سیکورٹی کے سخت انتظامات کئے گئے ہیں ۔ میڈیا کے لیے الگ سٹیج بنایا گیا ہے۔ شرکا کی جامہ تلاشی کے بعد تقریب میں داخلے کی اجازت دی جا رہی ہے۔

    صاحبزادہ انس رضوی بھی عرس کی تقریب میں شریک ہیں ۔ تحریک لبیک کی مرکزی شوری کے اراکین کے بھی مختصر خطابات ہوئے ۔ تحریک لبیک کے کارکنان میں جوش و جذبہ پایا جاتا ہے ۔حافظ سعد رضوی اپنے خطاب میں اگلے لائحہ عمل کا اعلان کیا ان کی عرس کی تقریب سے ایک روز قبل رہائی ہوئی ۔ رہائی کے بعد تحریک انصاف کے سینیٹر اعجاز چودھری نے بھی ان سے ملاقات کی اور رہائی پر مبارکباد دی ۔

    گزشتہ شب سینئر صحافی و اینکر پرسن مبشر لقمان اور یا مقبول جان نے بھی حافظ سعد رضوی سے ملاقات کی۔ خادم حسین رضوی کے سالانہ عرس کے موقع پر ٹریفک کو متبادل روٹ دیا گیا ہے اس ضمن میں سی ٹی او لاہور نے متبادل روٹ کا اعلان کیا ہے۔ عرس کے شرکاء کو رات کے کھانے میں مچھلی اور بریانی دی گئی جبکہ کشمیری چائے سے بھی مہمانوں کی تواضع کی جا رہی ہے۔

    آج تقریب میں حافظ سعد رضوی نے خطاب کیا جب سعد رضوی اسٹیج پر خطاب کے لئے آئے تو فضا لبیک یا رسول اللہ کی صدا سے گونج اٹھی سعد رضوی نے حمدو ثنا اور درود پاک سے آغاز کے بعد عرس کی تقریبات میں آنے والوں کو خوش آمدید کہا اور دھرنے میں تکالیف برداشت کرنے والوں کو عاشق رسول صلی اللہ علیہ وآلہ وسلم قرار دیتے ہوئے کہا کہ انہوں نے زمانہ بھی نیا پیدا کر دیا ہے صبح بھی نئی ہو رہی ہے شام بھی نئی ہو رہی ہے صبح جو کالعدم ہو رہے ہیں شام کو غیر کالعدم ہو رہے ہیں صبح کو زخم کھا رہے ہیں شام کو شہادتیں دے رہے ہیں-

    یہ ہے نیا زمانہ نئے صبح و شام پیدا کر یہ ہے نیا زمانہ جس کو اقبال نے کہا تھا اور پھر ہمارے قائد نے بتایا تھا کہ وہ نیا زمانہ نئے صبح و شام کیا ہیں تیرے چاہنے والوں نے پیدا کر دیئے ہیں ایک مرتبہ سر اٹھا کر دیکھ تو سہی تیرے مناننے والوں نے نیا زمانہ پیدا کیا ہے کہ نہیں کی اور فقط میرے آج بات کرنے کا مقصد میں آج دو جگہ خراج تحسین پیش کرنے آیا ہوں اور وہ دونوں ایسی جگہ ہیں جس سے زیادہ کوئی حقدار نہیں ہے جسے خراج تحسین پیش کیا جائے-

    ایک تو ہمارا قائد ہے جس نے ہمیں یہ راستہ دکھایا اور پھر چل کر دکھایاکہ تم نے چلنا بھی ایسے ہے اٹھنا بھی ایسے ہے بیٹھنا اور بات بھی ایسے کرنی ہے جب ظالم آ جائے تو اس کی آنکھ میں آنکھ کیسے ڈالنی ہے اور جب وہ سامنے آ جائیں تو ان سے کیسے بات کرنی ہے-

    دوسری وہ ہماری مائیں اور بہنیں جنہوں نے اپنے بچوں کو چلتی ہوئی گولیوں میں خود تیار کر کے بھیجا ہے جنہوں نے ان حالات میں جب بھائی بھائی کا ساتھ چھوڑ جاتا ہے جب اولاد ماں باپ کو چھوڑ جاتی ہے جب اتنے مشکل حالات میں کوئی رشتہ قائم نہیں رہتا ان حالات میں بھی اپنے شوہروں ،بچوں بیٹوں اور بھائیوں کو تیار کر کے بھیجا ہے کہ جاؤ آج حضورصلی اللہ علیہ وآلہ وسلم کے دین کو تمہارے خون کی ضرورت پڑ گئی ہے اور آج تمہارے کون کی ضرورت پی ہے تو یہ یاد رکھنا جہاں پانی کی ضرورت ہو گی وہاں خون بہا کے آنا کوئی یہ نا کہے کہ اسلام کی مائیں بانجھ ہو چکی ہیں کوئی کفر یہ نا سمجھے کہ ماؤں نے صلاح الدین ایوبی اور محمد بن قاسم پیدا کرنے چھوڑ دیئے ہیں کوئی یہ کہے طارق بن زیاد کے غلام آنے ختم ہو گئے ہیں جا کر یہ پیغام دے دو پورے عالم کفر کو کہ امت مسلمہ کی مائیں بانجھ نہیں ہوئیں انہوں آج بھی وہ شیر اپنی کچھاروں میں پال رکھے ہیں کہ جو ہر ستم کے سامنے کھڑے ہو کر کہتے ہیں کہ” مر جائیں گے ظالم کی حمایت نہ کریں گے ، احرار کبھی ترک نہ روایت کریں گے” وہ روایت کیا تھی جب عامر بن فہیرہ کو غزوہ احد میں تیر لگا تو تیر مارنے والے نے دیکھا کہ تیر کھانے والا کہہ رہا ہے خدا کی قسم میں بازی جیت گیا اس نے کہا مرنے والا بھی بازی جیتتا ہے؟ انہوں نے کہا ایسے سمجھ نہیں آنی آؤ کلمہ پڑھو جو ہمیں کہتے ہیں جناب یہ کیا ہوا ہم نے کہا ہم زندہ ہیں تب بھی بازی جیت گئے ہمارے شہید بھی بازی جیت گئے ہمارے زخمی بھی بازی جیت گئے ہماری مائیں بازی جیت گئیں ہماری بہنیں بازی جیت گئیں-

    جن ظالموں نے انہیں اتنا ستایا کہ وہ گھی اور ٹماٹر جیسی چیزوں کو احتیاط سے استعمال کرتی ہیں ہر چیز احتیاط سے استعمال کرتی ہیں لیکن جب حضور کا نام آیا تو انہون نے پانا خون بھی احتیاط سے نہیں رکھا اپنی جان بھی احتیاط سے نہیں رکھی ان کو پتہ تھا ہمارے حضور کی عزت و نامو س صلی اللہ علیہ وآلہ وسلم سب سے قیمتی ہےاس سے زیادہ کوئی قیمتی نہیں اپنی قیمتی چیزیں انہوں نے روڈ پر لا کر رکھ دیں انہو‌ں نے کہا میں نے ان ماؤں سے ملنا بھی ہے جنہوں نے کہا تھا زندہ واپس نہ آنا دین پر پہرہ دے کر آنا میں صرف ان ماؤں اور بہنوں کو خراج تحسین پیش کرنے آیا ہوں جن کے دل ہمارے لئے دھڑکتے ہیں جن کی دعائیں ہمارے لئے ہیں خدا کی قسم شہید بھی آپ کی وجہ سے ہیں کیونکہ آپ نے تیار کر کے بھیجا ہے ہماری آب و تاب بھی آپ کی وجہ سے ہے کیونکہ آپ کو پتہ ہے ہم نے اپنے آقا مولا صلی اللہ علیہ وآلہ وسلم سے وفا کرنی ہے انہیں خراج تحسین پیش کرنے آیا ہوں سب سے پہلے تو ماں خراج تحسین کی حقدار ہے جنہوں نے علامہ خادم حسین رضوی کو جنم دیا-

    میں حیران ہوں جس میں ظالموں نے اس قوم سے صاف پانی چھین لیا لیکن ان کی ماؤں نے پوری دنیا کو یہ جوب دیا ہے تم صاف پانی چھین سکتے ہو لیکن ہمیں صادف خون دینے پر حضور صلی اللہ علیہ وآلہ وسلم کے نام پر روک نہیں سکتے تم ہمارے نوالے چھین سکتے ہو تم ہمارے چولہے ٹھنڈے کر سکتے ہو جو تم سے بن پڑئ کر لو لیکن ہم اپنے آقا مولاصلی اللہ علیہ وآلہ وسلم کے نام پر کوئی بھی قربانی دینے سے گریز نہیں کریں گے باخدا یہ سب ان کا ہے جو کچھ لگا پرا ہے بانہیں کا یہے اور وہ ماؤں کے بچے جو جیلوں میں پہنچے ان کو خراج تحسین پیش کرنے آیا ہوں-

    علامہ حافظ سعد حسین رضوی نے کہا کہ "امت مسلمہ نے ہم پر اعتماد کیا کہ ہم ناموس رسالت و ختم نبوت صلی اللہ علیہ وآلہ وسلم کا تحفظ کریں گے آپ کے اعتماد میں کوٸی کمی آٸی ؟اب ہم آپ پر اعتماد کرتے ہیں کوٸی ڈبا خالی نہیں رہے کاغذوں کا وزن اتنا ہوکہ ان کے کندھے بوجھ اٹھا نہ سکے-

    انہوں نے حکومت کو مخاطب کرتے ہوئے کہا اور آپ یہ کہتے تھے پتہ نہیں کیا کر لیں گے بس اتنی سی بات تھی اُدھر گئے رات تھی ادھر آئے صبح ہے جنہوں نے اس مشن کیلئے جتنی بھی سعی کی ہے انکو میرا دونوں ہاتھوں سے سلام ہے-

  • وزیراعظم نے عثمان بزدار کوایک کام جلد از جلد کرنے کی ہدایت کردی

    وزیراعظم نے عثمان بزدار کوایک کام جلد از جلد کرنے کی ہدایت کردی

    اسلام آباد: وزیراعظم نے عثمان بزدار کوایک کام جلد از جلد کرنے کی ہدایت کردی،اطلاعات کے مطابق وزیراعظم عمران خان نے ہدایت دی ہے کہ پنجاب لوکل گورنمنٹ ایکٹ کو اسمبلی سے جلد منظور کرایا جائے، اور بلدیاتی انتخابات کے جلد انعقاد کے لئے قانونی کارروائی مکمل کی جائے۔

    ذرائع کے مطابق وزیراعظم عمران خان سے وزیر بلدیات پنجاب میاں محمود الرشید نے پرائم منسٹر ہاؤس اسلام آباد میں ملاقات کی، جس میں پنجاب میں بلدیاتی انتخابات کے انعقاد کے حوالے سے بات چیت ہوئی، وزیر بلدیات نے وزیراعظم کو بلدیاتی انتخابات کی تیاریوں کے حوالے سے تفصیلی بریفنگ دی، اور لوکل گورنمنٹ ایکٹ 2021 کے نمایاں خدوخال سے آگاہ کرتے ہوئے بتایا کہ لوکل گورنمنٹ ایکٹ 2021 کا مقصد نچلی سطح پر اختیارات کی منتقلی یقینی بنانا ہے، نئے ایکٹ کے ذریعے بلدیاتی اداروں کو زیادہ بااختیار بنایا جائے گا۔

    وزیراعظم سے ملاقات کے دوران محمود الرشید کا کہنا تھا کہ لوکل گورنمنٹ کے مؤثر نظام سے عوام کے مسائل ان کی دہلیز پرحل ہوں گے، نیا لوکل گورنمنٹ سسٹم نچلی سطح پر عوام کے مسائل کے حل میں اہم کردار ادا کرے گا، اختیارات کی نچلی سطح پر منتقلی سے عوام کو بااختیار بنانا ہماری اولین ترجیح ہے۔

    اس موقع پر وزیراعظم عمران خان میاں محمود الرشید کو پنجاب میں بلدیاتی انتخابات کے جلد انعقاد کا ٹاسک دیتے ہوئے کہا کہ پنجاب میں بلدیاتی انتخابات کے جلد انعقاد کے لئے قانونی کارروائی مکمل کی جائے، پنجاب لوکل گورنمنٹ ایکٹ کو اسمبلی سے جلد منظور کرایا جائے۔ وزیراعظم نے انصاف صحت کارڈ اور احساس پروگرام کے متعلق تقریبات کے انعقاد کی بھی ہدایت کی۔

    ادھر الیکشن کمیشن آف پاکستان نے ملک بھرمیں بلدیاتی انتخابات کرانےپرعمل درآمد شروع کردیا ہے اوربلوچستان،کے پی ،سندھ ، اسلام آباد کے بعد پنجاب میں انتخابات کروانے کے حوالے سے ہدایات جاری کردی ہیں ، ان ہدایات کے بعد وزیراعظم نے پنجاب حکومت کوجلد ازجلد اقدامات کرنے کی ہدایت کی ہے