چیئرمین پیپلز پارٹی بلاول بھٹو زرداری کا کہنا ہے کہ پیپلز پارٹی پاکستان ڈیموکریٹک موومنٹ (پی ڈی ایم) کا حصہ ہے یا نہیں مگر حکومت کو گھر ہم ہی بھیجیں گے-

باغی ٹی وی : پی پی کے مرکزی رہنما سینیٹر مولا بخش چانڈیو سے گفتگو کرتے ہوئے چیئرمین پی پی بلاول بھٹو نے کہا کہ پیپلزپارٹی پی ڈی ایم کا حصہ ہے یا نہیں؟ یہ الگ بات لیکن موجودہ حکومت کو گھر ہم ہی بھیجیں گے۔

چیئرمین پی پی نے کہا کہ پاکستان پیپلزپارٹی کی حکومت مخالف تحریک مسلسل جاری ہے ہم عوام کو حکومت کے رحم و کرم پر نہیں چھوڑ سکتے ہیں۔

وزیراعظم کل لاہور کا دورہ کریں گے، شیڈول جاری

واضح رہے کہ پی ڈی ایم کی جانب سے مہنگائی اور معاشی بدحالی کے خلاف ملک گیر احتجاج کا اعلان کیا گیا ہے۔ پی ڈی ایم کے احتجاج میں ن لیگ اور جے یو آئی (ف) مرکزی کردار ادا کر رہی ہیں جبکہ جبکہ پیپلز پارٹی اپنے الگ جلسے کررہی ہے۔

خیال رہےکہ حکومت مخالف اپوزیشن اتحاد پاکستان ڈیموکریٹک موومنٹ (پی ڈی ایم) نے کل نماز جمعہ کے بعد سے مظاہروں کے آغاز کا اعلان کردیا ہے۔

حکومت اور عمران خان کو بد دعائیں دینے والا شخص گرفتار

پی ڈی ایم نے کل ملک بھر میں مہنگائی اور بے روزگاری کے خلاف مظاہروں کا اعلان کیا ہے پی ڈی ایم کی جانب سے جاری شیڈول کے مطابق لاہور میں جین مندر چوک سے سہ پہر 3 بجے احتجاجی جلوس نکالاجائےگا۔

کراچی ایمپریس مارکیٹ پر نماز جمعہ کے بعد 3 بجے مظاہرہ ہوگا۔ پشاور، سوات، شانگلہ اور خیبرپختونخوا کے دیگر شہروں میں بھی احتجاجی مظاہرے ہوں گے اس کے علاوہ میانوالی اور بھکر میں 24 اکتوبر کو احتجاج ہوگا۔

مہنگائی کے خلاف پی ڈی ایم کل ملک بھر میں احتجاج کرے گی

آرمی چیف جنرل قمر جاوید باجوہ نے آج بہاولپور کا دورہ کیا۔ آرمی چیف نے اسرانی اور خیرپور تامیوالی (کے پی ٹی) میں تشکیل کی تربیتی سرگرمیوں کا مشاہدہ کیا۔

باغی ٹی وی : ڈی جی آئی ایس پی آر کی جانب سے اعلامیے کے مطابق میکانائزڈ فوجیوں نے جنگی مشقوں کا مظاہرہ کیا جس میں تشکیل کے آپریشنل سائیکل میں جارحانہ مشقیں شامل ہیں۔ چیف آف آرمی سٹاف نے KPT رینجز پر مختلف ہتھیاروں کے نظام کی فیلڈنگ فائرنگ بھی دیکھی۔ اس میں آرمر ، میکانائزڈ انفنٹری سمیت مختلف اجزاء کا مربوط فائر پاور ڈسپلے شامل تھا۔

آرٹلری ، ایئر ڈیفنس ، اے ٹی جی ایمز کو پاک فضائیہ اور جنگی ہوا بازی کی مناسب مدد حاصل ہےچیف آف آرمی سٹاف نے تربیت کے اعلی معیار اور تشکیل کی آپریشنل تیاریوں کو سراہا۔

فوجیوں کے ساتھ بات چیت کرتے ہوئے ،چیف آف آرمی سٹاف نے ہمارے مخالفین کے مذموم ڈیزائنوں کو شکست دینے کے لیے ابھرتے ہوئے خطرات اور چیلنجوں کے مطابق حقیقت پسندانہ تربیت پر زور دیا۔ آرمی چیف نے زور دیا کہ پاک فوج علاقائی سالمیت اور پاکستان کی خودمختاری کے خلاف تمام مشکلات کا ہر طرح سے مقابلہ کرنے کے لیے تیار ہے۔

قبل ازیں ، آمد پر ، کور کمانڈر بہاولپور لیفٹیننٹ جنرل خالد ضیا نے چیف آف آرمی سٹاف کا استقبال کیا۔

اسلام آباد: وزیر خارجہ مخدوم شاہ محمود قریشی نے کہا ہے کہ افغانستان کے لیے آن لائن ویزے کے اجرا کا فیصلہ کیا گیا ہے۔

افغانستان کے ایک روزہ دورے سے واپسی پر پریس کانفرنس سے خطاب کرتے ہوئے وزیر خارجہ مخدوم شاہ محمود قریشی نے بتایا کہ حکومتی فیصلے کے تحت آن لائن ویزے پر نادرا کا سروس چارج 8.18 ڈالرز دسمبر تک ختم کر دیا گیا ہے۔

وزیر خارجہ شاہ محمود قریشی کا کہنا ہے کہ افغانوں کی پاکستان آمد سے متعلق گیٹ پاس کی شرط ختم کردی ہے، افغانستان سے میڈیکل اور ایمرجنسی کیسز کے لیے ویزا آن ارائیول کردیا گیا ہے۔

وزیر خارجہ نے کہا کہ افغان کاروباری شخص کو آن آرائیول ویزہ دیا جائے گا کابل میں پاکستانی سفارتخانہ کاروباری اشخاض کو 5 سال تک کا ملٹی انٹری ویزہ دینے کا بھی مجاز ہو گا۔ ان کا کہنا تھا کہ اس فیصلے سے دو طرفہ تجارت میں بھی بہتری آئے گی۔

وزیر خارجہ مخدوم شاہ محمود قریشی نے پریس کانفرنس میں یہ اعلان بھی کیا کہ افغانستان سے پاکستان آنے والے پھلوں اور سبزیوں پر ڈیوٹی بھی عائد نہیں ہو گی۔

انہوں نے کہا کہ افغان باشندوں کے سرحد پر پی سی آر ٹیسٹ ختم کر دیے گئے ہیں، افغان قیادت کو سرکاری ملازمین کو تنخواہوں کی ادائیگی کا مسئلہ درپیش ہے، افغان حکومت کو ابھی تک کسی ملک نے تسلیم نہیں کیا۔

شاہ محمود قریشی نے کہا کہ میں ایک روزہ دورے پر کابل گیا، کابل میں طالبان قیادت سے طویل ملاقاتیں ہوئیں، وزیر اعظم ملا حسن اخوند اور دیگر طالبان وزراء سے بھی ملاقاتیں ہوئیں۔

وزیر خارجہ نے کہا کہ کابل میں دوسری افغان اعلیٰ شخصیات سے ٹیلی فون پر گفتگو ہوئی، حامد کرزئی، عبداللّٰہ عبداللّٰہ اور گلبدین حکمت یار سے ٹیلی فون پر بات ہوئی۔

شاہ محمود قریشی نے کہا کہ تجارت، سیکیورٹی، پروازوں، سرحدی معاملات اور کئی امور پر بات ہوئی، افغان رہنماؤں سے ملاقاتیں تسلی بخش اور دوستانہ ماحول میں ہوئیں۔

وزیرخارجہ نے کہا کہ افغان قیادت پاکستان کے کردار اور کاوشوں کی معترف تھی، کابل کی نشست کے بعد ایک افغان وفد پاکستان آئے گا، کاسا 1000، ٹاپی اور ٹرانس نیشنل منصوبوں کی افغان قیادت نے حمایت کی۔

فنانشل ایکشن ٹاسک فورس (ایف اے ٹی ایف) نے پاکستان کو اگلے سیشن تک گرے لسٹ میں رکھنے کا فیصلہ کیا ہے۔

باغی ٹی وی : پاکستان 2018 سے ایف اے ٹی ایف کی گرے لسٹ میں موجود ہے اور اس کی وجہ انسداد دہشت گردی کے لیے فنڈنگ اور انسداد منی لانڈرنگ کے حوالے سے خامیوں کی موجودگی قرار دیا گیا ہے-

فنانشل ایکشن ٹاسک فورس (ایف اے ٹی ایف) نے تین روزہ اجلاس کے بعد اعلان کیا کہ پاکستان نے بہتری دکھائی ہے لیکن مزید کام کرنے کی ضرورت ہے تاہم بدستور نگرانی کی فہرست میں رہے گا۔

ڈاکٹر مارکوس پلییئر کی زیر صدارت ایف اے ٹی ایف کا پیرس میں 3 روزہ اجلاس ختم ہوگیا جس میں عالمی نیٹ ورک اور عالمی مالیاتی فنڈ (آئی ایم ایف)، اقوام متحدہ، ایگمونٹ گروپ آف فنانشل انٹیلی جینس یونٹس کے مبصرین سمیت 205 نمائندے شریک تھے-

ایف ا ے ٹی ایف کا کہنا ہے کہ پاکستان نے اہم اقدامات کیے ہیں لیکن مزید اقدامات کی ضرورت ہے۔ پاکستان سے متعلق فیصلہ اتفاق رائے سے کیا گیا ہے دوسری جانب ترکی ، اردن اور مالی کو ایف اے ٹی ایف کی گرے لسٹ میں شامل کر دیا گیا ہے۔

فیٹف اجلاس میں حکومت پاکستان کی27 ویں شرط پر پیش رفت کا جائزہ لیا گیا، اجلاس میں منی لانڈرنگ اور دہشت گردوں کی سزاؤں سےمتعلق پاکستان کی کارکردگی کو بھی جانچا گیا۔

فیٹف کے مطابق پاکستان نے منی لانڈرنگ کے خاتمے کے لیے خاطر خواہ پیش رفت کی ہے، پاکستان نے 6 میں سے 4 شرائط کو پورا کر لیا ہے۔حکومت پاکستان نے 27 میں سے 26 شرائط پوری کر رکھی ہیں۔

فیٹف نے پاکستان کی جانب سے منی لانڈرنگ اور دہشت گردی کی مالی معاونت سے متعلق اب تک کے اقدامات کا جائزہ لینے کے بعد پاکستان کو آئندہ سال فروری تک گرے لسٹ میں برقرار رکھنے کا فیصلہ کیا ہے۔

فیٹف کا کہنا ہےکہ بھرپور تعاون پر حکومتِ پاکستان کا شکریہ ادا کرتے ہیں۔

ایف اے ٹی ایف کےصدر ڈاکٹر مارکوس پلییئر نے ورچوئل پریس کانفرنس میں کہا کہ گھانا اور موریشش کو گرے لسٹ سے نکال دیا گیا ہے اور انہیں مبارک ہو۔

اس سے قبل ایف اے ٹی ایف کی ویب سائٹ پر بتایا گیا تھا کہ ‘ایف اے ٹی ایف کلیدی رپورٹس کو حتمی شکل دے گا، جس میں ورچوئل اثاثوں پر رہنمائی پر نظر ثانی اور ان کو خدمات دینے والے شامل ہیں اور اگلے مرحلے میں ملکیت کی شفافیت کے معیار کو مضبوط کرنے سے متعلق تبادلہ خیال کیا جائے گا’۔

بیان میں کہا گیا تھا کہ ‘شرکا ایف اے ٹی ایف کی انسداد منی لانڈرنگ اور دہشت گردوں کی مالی معاونت کے انسداد کے قوانین یا ان پر عمل درآمد کی نشان دہی کے لیے ہونے والے سروے کے نتائج پر بھی بحث کریں گے’۔

ویب سائٹ میں بتایا گیا تھا کہ ‘ایف اےٹی ایف منی لانڈرنگ اور دہشت گردوں کی مالی معاونت کے خاتمے کے لیے ان کے اقدامات میں اسٹریٹجک خامیوں کے ساتھ حدود کی نشان دہی کے نکتہ نظر کی تجدید کرے گا’۔

ایف اے ٹی ایف نے رواں برس جون میں منعقدہ اپنے اجلاس میں پاکستان کو بدستور گرے لسٹ میں رکھنے کا اعلان کرتے ہوئے کہا تھا کہ پاکستان نے 27 میں سے 26 نکات پر بہتری دکھائی ہے۔

پاکستان کی کارکردگی تسلی بخش ہے لیکن آخری شرط سے منسلک 6 نکات پر عمل کرنا ہو گا۔ پاکستان کو اپنے سزا کے نظام کو بہتر بنانا ہوگا۔ یو این کے نامزد کردہ 1376دہشتگردوں کو سزائیں دینا ہوں گی۔

ایف اے ٹی ایف کے صدر مارکوس پلیئر نے کہا تھا کہ پاکستان بدستور نگرانی میں رہے گا، پاکستانی حکومت نے انسداد دہشت گردی فنانسگ نظام کو مضبوط اور مؤثر بنانے کے لیے بہتر کام کیا ہے۔

ان کا کہنا تھا کہ پاکستان نے 27 میں سے 26 نکات پر کام کیا ہے تاہم ایک پوائنٹ پر کام کرنا ضروری ہے۔

صدر ایف اے ٹی ایف نے کہا تھا کہ فنانشل ٹیرارزم کے منصوبے پر کارروائی کی ضرورت ہے، جس میں اقوام متحدہ کی دہشت گردوں کی فہرست میں شامل رہنماؤں اور کمانڈرز کے خلاف تفتیش اور سزائیں دلانا شامل ہے۔

ان کا کہنا تھا کہ 2019 میں ایف اے ٹی ایف کے ریجنل پارٹنر اے پی جی اے نے پاکستان کے انسداد منی لانڈرنگ اور انسداد دہشت گردی فنانسگ سسٹم کے حوالے سے اقدامات کی نشان دہی کی تھی لیکن اس کے بعد بہتری آئی ہے اور کیسز بنانے کے لیے فنانشل انٹیلی جنس کا استعمال کیا گیا۔

انہوں نے کہا تھا کہ پاکستان تاحال کئی شعبوں میں ایف اے ٹی ایف کے عالمی سطح کے معیارات پر مؤثر عمل درآمد میں ناکام رہا ہے، اس کا مطلب ہے کہ منی لانڈرنگ کے خدشات اب بھی بہت زیادہ ہیں، جو کرپشن اور منظم جرائم کے خطرات ہیں، اسی لیے ایف اے ٹی ایف پاکستانی حکومت کے ساتھ ان شعبوں میں کام کررہا ہے جہاں بہتری کی ضرورت ہے۔

مارکوس پلیئر نے کہا تھا کہ آخری نکتے پر اولین ایکشن پلان کے مطابق کام ہوا تھا لیکن نام فہرست سے نہیں نکالا گیا کیونکہ اس کے برابر ایک اور ایکشن پلان بھی دیا گیا تھا۔

اس سےقبل منی لانڈرنگ سے متعلق ایشیا پیسیفک گروپ (اے پی جی) نے منی لانڈرنگ اور دہشت گردی کی مالی اعانت کے خلاف ایف اے ٹی ایف کی 40 تکنیکی سفارشات میں سے 21 میں پاکستان کی درجہ بندی بہتر ظاہر کردی تھی۔

اے پی جی نے خاطر خواہ نتائج کے لیے پاکستان کی درجہ بندی کو بہتر قرار دیتے ہوئے ’مزید بہتری پر مبنی فالو اپ‘ کیٹیگری میں رکھنے کا اعلان کیا تھا میوچوئل ایویلویشن آف پاکستان سے متعلق دوسری فالو اپ رپورٹ میں ملک کو ایک کیٹیگری میں تنزلی کا شکار دکھایا گی تھا۔

رپورٹ میں کہا گیا تھا کہ پاکستان نے 5 معاملات میں بہتری دکھائی، 15 دیگر معاملات میں ’غیر معمولی بہتری‘ کا مظاہرہ کیا جبکہ ایک معاملے میں ’جزوی طور پر ایف اے ٹی ایف کی ہدایت پر عمل‘ کیا مجموعی طور پر پاکستان اب 7 سفارشات کی مکمل طور پر تعمیل کرچکا ہے اور 24 دیگر معاملات میں بڑی حد تک تعمیل کی ہے۔

رپورٹ کے مطابق پاکستان 7 سفارشات پر ’جزوی طور پر تعمیل‘ کر رہا ہے اور 40 میں سے 2 سفارشات پر بالکل عمل نہیں کر رہا رپورٹ میں مزید کہا گیا تھا کہ اس اعتبار سے پاکستان، فیٹف کی 40 سفارشات میں سے 31 پر تعمیل کرچکا ہے یا کر رہا ہے۔

پاکستان جون 2018 سے ایف اے ٹی ایف کی گرے لسٹ میں ہے جبکہ بھارت اور اس کے اتحادیوں کی کوشش رہی ہے کہ پاکستان کو بلیک لسٹ میں شامل کروایا جائے۔

وزیراعظم عمران خان کے معاون خصوصی شہباز گِل کا کہنا ہےکہ خاتون اول پر بنا سوچے سمجھے حملے کیے جاتے ہیں مریم صفدر چند صحافیوں کےساتھ مل کر شر پھیلا رہی ہیں ۔

باغی ٹی وی : شہباز گل کا کہنا تھا کہ خاتون اول پر بغیر سوچے سمجھے حملےکیے جاتے ہیں، بشریٰ بی بی سب سے پہلے پاکستان کی بیٹی پھرکسی کی ماں اور بیوی ہیں،کلثوم نواز نے بھی سیاست میں حصہ لیا ، پی ٹی آئی نے ان کی ذات پر ایک جملہ نہیں کہا شہباز شریف کی فیملی کے خلاف کبھی بات نہیں کی۔

معاون خصوصی شہباز گل نے کہا کہ عمران خان کسی کو مٹھائی دے کر یا گھٹنوں کو ہاتھ لگا کر نہیں بلکہ عوام کے ووٹ سے وزیراعظم بنے ہیں عمران خان اچھے لگتے ہیں یا برے لگتے ہیں آپ اس پر سیاست کریں۔ انہوں نے کہا کہ عمران خان کے ساتھ اختلاف ہے تو تنقید کریں۔

شہباز گل نے کہا کہ عمران خان بارش اور آندھی میں کنٹینرپر کھڑے ہوکر تقاریر کیا کرتے تھے، وہ محنت کرکے وزیراعظم بنے ہیں عمران خان ٹارگٹڈ سبسڈی لا رہے ہیں، پیٹرول کی قیمت میں پوری دنیا میں 113 فیصد اضافہ ہوا ہے جبکہ پاکستان میں صرف 17 فیصد بڑھا ہے چین میں بھی مہنگائی کا 36 سالہ ریکارڈ ٹوٹا ہے۔

انہوں نے کہا کہ مہنگائی میں اضافے کی وجہ سے عوام تکلیف میں ہیں لیکن اخلاقی گراوٹ پر بات کرنا بہت ضروری ہے انہوں نے شہباز شریف کی بیٹیوں کو اپنی بہنیں قرار دیتے ہوئے کہا کہ خاتون اول پر بار بار حملہ کیا جاتا ہے۔

شہباز گل نے کہا کہ جب خاتون اول پر بات کی جاتی ہے تو سوچیں ان کے بچے کیا محسوس کرتے ہوں گے؟ انہوں نے کہا کہ عاصمہ شیرازی کے پاس کوئی ثبوت ہے تو آپ کو خبر دینے کا پورا حق ہے لیکن اپنی خواہشات کے مطابق خبریں نہیں کرنی چاہئیں انہوں نے استفسار کیا کہ جب لوگوں کی ماؤں و بہنوں پر بات کی جاتی ہے تو اس وقت صحافت کہاں جاتی ہے؟

شہبازگل نے کہا کہ جب وزیراعظم کی فیملی کو گالیاں دی جائیں گی تو لوگ سوشل میڈیا پر جواب بھی دیں گے، گالی گلوچ کوئی صحافت نہیں ہےعاصمہ شیرازی کو ہر چیز کا جواب دینا ہوگا۔

وزیراعظم کے معاون خصوصی شہبازگل نے پریس کانفرنس سے خطاب کرتے ہوئے کہا کہ سیاست کرنی ہے تو کابینہ اور وزیراعظم موجود ہیں، کریں سیاست لیکن سیاست کو سیاست رہنے دیں گند نہ بنائیں۔

شہباز گل نے کہا کہ مانتے ہیں کہ مہنگائی ہے اور عوام مہنگائی سے تنگ بھی ہیں اور یہ بھی تسلیم کرتے ہیں کہ کوئی دودھ کی نہریں نہیں بہہ رہی ہیں مگر یہ مہنگائی صرف پاکستان میں نہیں ہے بلکہ پوری دنیا میں مہنگائی ہوئی ہے۔

شہباز گل نے کہا کہ مہنگائی کو کنٹرول کرنے کے لیے اقدامات کررہے ہیں اور تاریخ میں پہلی بار ایکسپورٹ 30 بلین کو کراس کرنے جا رہی ہے۔

سابق وزیرِداخلہ سینیٹر رحمان ملک نے کہا ہے کہ بھارتی وزیر داخلہ امیت شاہ کا دھمکی آمیز بیان انتہائی غیر ذمہ دارانہ اور بچکانہ ہے،اس بار بھارت اگر سرجیکل سٹرائیکس کی غلطی دہراتا ہے تو پچھتائے گا-

باغی ٹی وی : تفصیلات کے مطابقاپنی رہائش گاہ پر پریس کانفرنس کرتے ہوئے سینیٹر رحمان ملک کا کہنا تھا کہ اس بار بھارتی پائلٹ کو چائے پیش نہیں کی جائے گی بلکہ ہوا میں ہی گولی سے اڑا دیا جائے گا، پھر نہ امیت شاہ اور نہ کوئی اور بھارتی پاکستان کو دھمکی دینے کی جرات کرے گا۔

رحمان ملک نے کہا کہ بھارتی وزیر داخلہ امیت شاہ کے بیان سے واضح ہو گیا ہے کہ بھارت کالعدم تحریک طالبان پاکستان( ٹی ٹی پی) اورعالمی دہشت گرد تنظیم داعش کی پشت پناہی کر رہا ہے،پاک افغان سرحدوں پر ٹی ٹی پی اور داعش کے حالیہ حملوں کے پیچھے بھارت کا ہاتھ ہے،چینی انجینئروں پر حملے پاکستان اور چین کے خلاف داعش،ٹی ٹی پی گٹھ جوڑ کا واضح ثبوت ہے،اگر بھارت اپنی جارحیت کو نہیں روکتا ہے تو اسے سخت جوابی کارروائی کے لیے تیار رہنا چاہیے،بھارت نہ بھولے کہ پاکستان ایک ایٹمی طاقت ہے اورجنرل قمر جاوید باجوہ کی کمان میں پاک فوج بھارتی جارحیت کا مقابلہ کرنے اور روکنے کی بھرپور صلاحیت رکھتی ہے۔

سابق وزیر داخلہ کا کہنا تھا کہ فیٹف میں بھارت ہمارے لیے بہت مسائل پیدا کر رہا ہے ،اس کے لیے تیاری کی ضرورت ہے،فیٹف کے پلیٹ فارم پر ہمیں بہت تحفظات ہیں، اس حوالے سے حکومت کو تیار رہنا ہوگا،میں بھی اس حوالے سے حکومت کو خط بھی لکھوں گا-

رحمان ملک نے کہا کہ پاکستان تین دہائیوں سے زائد عرصے سے لاکھوں افغان مہاجرین کی میزبانی کر رہا ہے،کمزور معشیت کے باوجود پاکستان نے افغان مہاجرین کا بوجھ اٹھایا ہے، پاکستان نے افغان جنگ میں 80 ہزار سے زائد فوجی اور شہریوں کے جانوں کی قربانیاں دی،آج دنیا پاکستان پر افغان طالبان کی حمایت کا الزام لگارہی ہے-

انہوں نے کہا کہ پاکستان نےکبھی جنگ میں طالبان کی حمایت نہیں کی،پاکستان نے نہ صرف افغان مہاجرین کی میزبانی کی بلکہ افغانستان کوادویات اور دیگر اشیائے روزمرہ بھی فراہم کیں،افغان حکومت تحریک طالبان ،داعش اور دیگر کےبارے میں اپنی واضح پالیسی کا اعلان کرے،افغان حکومت کا ایک جنرل بھی پاکستان کو دھمکیاں دے رہا ہے کہ اٹک تک زمین ہماری ہے۔

رحمان ملک نے گورنر اسٹیٹ بنک کا روپے کے گرنے کے حوالے سے بیان کو بچگانہ قرار دیتے ہوئے کہا کہ اوورسیز پاکستانیوں کو کبھی پاکستانی روپے گرنے پر خوشی نہیں ہوتی،گورنر اسٹیٹ بنک کے بیان سے اوورسیز پاکستانیوں کی جذبات مجروح ہوئے ہیں،کسی بھی پاکستانی کو روپے گرنے کی خوشی نہیں بلکہ غم ہے،گورنر اسٹیٹ بنک اپنا غیرذمہ درانہ بیان واپس لے لیں۔

سابق وزیر داخلہ نے کہا کہ ،پیپلز پارٹی نے ہمیشہ مہنگائی کے خلاف آ واز اٹھائی ہے ،چئیرمین بلاول بھٹو زرداری نے ہمیشہ غریب کی آواز اٹھائی ہے،پاکستان ڈیمو کریٹک موومنٹ(پی ڈی ایم) کا اپنا ایجنڈا ہے،دیکھنا یہ ہے کہ آ نے والےوقت میں یہ جماعتیں اکٹھی بھی ہوں گی ؟سیاسی جماعتوں کا اتحاد مجھے نظر نہیں آ رہا ہے ۔

انہوں نے وزیراعظم عمران خان سے اپیل ہے کہ غریب عوام پر رحم کھائے،مہنگائی نے غریب آدمی کی کمر توڑ کر رکھ دی ہے،پٹرول کی قیمتیں بڑھنے کی وجہ سے لوگ بچوں کو پیدل و سائیکلوں پر سکول چھوڑ رہے ہیں،معشیت آئے روز برباد ہو رہی ہے، حکومت ہوش کے ناخن لے۔

لاہور: پاکستان مسلم لیگ (ن) کی مرکزی ترجمان مریم اورنگزیب نے کہا ہے کہ پی ڈی ایم کل پورے ملک میں بدترین مہنگائی اور معاشی بدحالی کے خلاف بھرپور احتجاجی مظاہرے کرے گی۔

باغی ٹی وی : ٕتفصیلات کے مطابق مریم اورنگزیب نے کہا ہے کہ کل بعد نماز جمعہ لاہور میں جین مندر چوک سے سہ پہر تین بجے احتجاجی جلوس نکالا جائے گا جبکہ میانوالی میں 24 اکتوبر کو ریلوے اسٹیشن چوک سے کمیٹی چوک تک احتجاج کیا جائے گا۔

ترجمان ن لیگ نے کہا کہ اسی طرح جھنگ چوک بھکر سے احتجاجی ریلی شروع ہو کر کنگ گیٹ تک جائے گی جب کہ سرگودھا میں بھی کل احتجاجی مظاہرے کیے جائیں گے پشاور، سوات اور شانگلہ سمیت دیگر شہروں میں سہ پہر 3 بجے کل احتجاج ہوگاجبکہ کراچی میں ایمپریس مارکیٹ پہ 3 بجے احتجاجی مظاہرہ کیا جائے گا۔

دوسروں کی عزت کی دھجکیاں اُڑاؤ ، پگڑیاں اچھالو تو احتساب ہو رہا ہے،مریم اورنگزیب

مہنگائی اور معاشی بدحالی کے خلاف ن لیگ سمیت پی ڈی ایم میں شامل دیگر اپوزیشن جماعتوں کی جانب سے وفاقی دارالحکومت اسلام آباد کے علاقے بہارہ کہو میں آج احتجاجی مظاہرہ کیا گیا احتجاجی مظاہرین نے اس موقع پر حکومت کے خلاف شدید نعرے بازی کی اور مہنگائی و معاشی بدحالی کا ذمہ دار اسے قرار دیا۔

پی ڈی ایم میں شامل سیاسی جماعتوں کے مقامی کارکنان نے مظاہرے کے دوران سخت اظہار برہمی کرتے ہوئے کہا کہ پیٹرول، گیس، بجلی اور دیگر اشیائے ضروریہ کی قیمتیں آسمان سے باتیں کررہی ہیں حکومت عوام کو خود سوزی پر مجبور نہ کرے۔

واضح رہے کہ گزشتہ روز بھی پی ڈی ایم کے زیر اہتمام مری روڈ راولپنڈی پہ مہنگائی اور معاشی بدحالی کے خلاف احتجاجی مظاہرہ کیا گیا تھا اوراحتجاجی دھرنا بھی دیا گیا تھا۔

عمران صاحب ڈرامے نہ کریں،استعفی دیں، گھر جائیں،مریم اورنگزیب

دوسری جانب مریم اورنگزیب نے ٹارگٹڈ سبسڈی کے وزیراعظم عمران خان کے اعلان کو قوم سے تازہ فریب، جھوٹ اور فراڈ قرار دے دیا مریم اورنگزیب کا کہنا تھا کہ عمران صاحب کو صرف اپنا ، اپنے مافیا اور اے ٹی ایمز کا احساس ہے عوام کا آپ کا کوئی احساس پروگرام نہیں چاہئیے عوام کو آپ کا کوئی ریلیف نہیں چاہئیے کیونکہ آپ کوئی ریلیف دینے کی صلاحیت نہیں رکھتے آپ صرف اپوزیشن کو سزائے موت کی چکیوں میں ڈالنے کا احساس اور صلاحیت رکھتے ہیں آپ صرف میڈیا اور صحافیوں پہ حملے کا احساس اور صلاحیت رکھتے ہیں آپ صرف مافیا اور اے ٹی ایمز کی جیبیں بھرنے کا احساس اور صلاحیت رکھتے ہیں قوم کو اب اس جھوٹی، فراڈ اور کرپٹ حکومت کی کسی بات پر یقین نہیں، عمران صاحب استعفی دیں، گھر جائیں

بزدار سرکار نے صوبائی وزیر میاں محمود الرشید کو اہم ٹاسک سونپ دیا

مریم اورنگزیب کا کہنا تھا کہ عمران صاحب آئی ایم ایف سے 34 روپے پٹرول بڑھانے کا ہاتھ ملا کر پاکستان میں سبسڈی کے ڈرامے کررہے ہیں؟عمران صاحب ابھی بجلی، پٹرول ، گیس، آٹا چینی سمیت ہر چیز مزید مہنگی کرنے جارہے ہیں اور قوم کے ساتھ ڈرامے؟عالمی معاشی جریدے کے مطابق پاکستان دنیا کا چوتھا مہنگا ترین ملک بن گیا، ترقی کی شرح زمین بوس ہے اور ڈرامے جاری ہیں تین سال میں مہنگائی کی بے حسی دکھا کر عمران صاحب کس احساس پرگرائم کو بڑھانے کی بات کر رہے ہیں ؟کسے بے وقوف بنا رہے ہیں؟ وعدہ تو یہ بھی تھا کہ خودکشی کرلوں گا، آئی ایم ایف نہیں جاﺅں گا وعدہ تو ایک کڑوڑ نوکری اور پچاس لاکھ گھر کا بھی کیا تھا ،آپ کرپشن کرسکتے ہیں، جھوٹ، فراڈ اور یوٹرن آپ کی صلاحیت ہے، عوام کو آپ کی کسی بات پر اعتبار ہے نہ یقین ،عوام کو عمران صاحب سے کسی ریلیف کی توقع ہی ختم ہوچکی ہے، عمران صاحب ڈرامے نہ کریں، گھر جائیں ،اقتدار سے پہلی والی گردان ”کررہے ہیں، آر ہے ہیں، جارہے ہیں، ہوجائے گا، کریں گے“ سے قوم عاجز آچکی ہے، استعفی دیں ،پورے پاکستان کو پسماندگی میں دھکیل کر کس احساس کی بات کررہے ہیں؟ ٹرانسپرنسی انٹرنیشنل نے آپ کی حکومت کو کرپٹ ترین قرار دے کر کرپشن کے لئے آپ کے احساس کی گواہی دی ہوئی ہے ڈالر 40 فیصد مہنگا، پٹرول 45 فیصد سے زائد مہنگا کرکے ٹارگٹڈ سبسڈی کی باتیں قوم کو دھوکہ دینے کی کوشش ہے

ملک میں بڑھتی ہوئی مہنگائی ، مشیر خزانہ، سیکرٹری خزانہ، گورنر اسٹیٹ بینک کی طلبی…

ترجمان وزیراعظم، معاون خصوصی برائے سیاسی ابلاغ ڈاکٹر شہباز گِل کانے مریم اورنگزیب کے بیان پر ردعمل میں کہا ہے کہ عوام کیلئے شروع کیے گئے پروگرامز پر پروپیگنڈا نااہلوں کا وطیرہ ہے، ماضی میں صرف اپنے زیرِ اثر مافیاز کو ٹارگٹڈ سبسڈیز دی گئیں، میاں مفرور تمام تر مافیاز کے سرغنہ تھے،غریب کے احساس کی وجہ سے وزیراعظم نے عوام کیلئے ٹارگٹڈ سبسڈی کے پلان کا اعلان کیا، غریب طبقے کا احساس اور آسانی پیدا کرنا عمران خان کا مشن ہے،یوٹیلٹی اسٹورز کے ذریعے کم آمدن والے افراد کو ٹارگٹڈ سبسڈی دینا اولین ترجیح ہے، نااہل درباریوں کی اس اقدام پر بے چینی دیدنی ہے-

سونے کی قیمت میں ریکارڈ اضافہ