Category: اہم خبریں

لاہور::ٹی20ورلڈ کپ:بھارت کو ایک اور شرمناک شکست،نیوزی لینڈ کی 8وکٹوں سے فتح ،اطلاعات کے مطابق ٹی 20ورلڈ کپ میں نیوزی لینڈ نے بھارت کو8وکٹوں سے شرمناک شکست دے دی ہے۔

دبئی انٹرنیشنل کرکٹ سٹیڈیم میں میگا ایونٹ کا 28واں میچ کھیلا گیا جس میں بھارت نے کیویز کے خلاف ٹاس ہار کر پہلے بیٹنگ کی۔بھارت کی جانب سے ویرات کوہلی کپتانی کررہے ہیں جبکہ کیویز کے کین ولیمسن قیادت کے فرائض انجام دے رہے ہیں۔

بھارتی سورماؤں کی جانب سے پہلے بیٹنگ کرتے ہوئے مقررہ20اوورز میں 7وکٹوں کے نقصان پر 110رنز بنائے،رویندرا جدیجا نے سب سے زیادہ 26رنز بنائے جبکہ ہاردیک پانڈیا 23سکور بناکر دوسرے نمایاں بیٹر رہے،کیویز کی جانب سے ٹرینٹ بولٹ نے 3 اور ایش سوڈھی نے 2کھلاڑیوں کو پویلین کی راہ دکھائی۔

Here's how the teams line up for #INDvNZ 💥#NZ bring in Adam Milne for Tim Seifert, with Devon Conway to keep#IND replace Bhuvneshwar Kumar with Shardul Thakur; Ishan Kishan comes in for Suryakumar Yadav, who has a back spasm

Follow 👉 https://t.co/u41mHMSm26 | #T20WorldCup pic.twitter.com/CTEvn6YVCX

— ESPNcricinfo (@ESPNcricinfo) October 31, 2021

111رنز کا ہدف نیوزی لینڈ کی کرکٹ ٹیم نے شاندار کارکردگی کا مظاہرہ کرتے ہوئے یکطرفہ مقابلہ بناتے ہوئےصرف 2وکٹ کے نقصان پر حاصل کرلیا،کیویز کی جانب سے پہلے آؤٹ ہونے والے بیٹر مارٹن گپٹل تھے جو کہ 20رنز بناکر بھمراہ کی گیند پر شردل ٹھاکر کو کیچ دے بیٹھے،ڈیرل مچل دوسرے آؤٹ ہونے والے بیٹر تھے جو 49رنزبناسکے۔

واضح رہے کہ بھارت کو پاکستان کے ہاتھوں 10وکٹوں کی شرمناک اور عبرتناک شکست کا سامنا کرنا پڑا تھا اس فتح کے ساتھ پاکستان نے ٹورنامنٹ کا فاتحانہ انداز میں آغاز کیا تھا۔

بھارت سکواڈ

بھارت کی پلیئنگ الیون میں روہت شرما ، کے ایل راہول ،ویرات کوہلی ، ایشان کشن، رشبھ پنت، ہاردیک پانڈیا ، رویندرا جدیجا ، شردل ٹھاکر ، محمد شامی ،جسپریت بھمرا اور ورن چکرورتی شامل تھے۔

نیوزی لینڈ سکواڈ

نیوزی لینڈ پلئنگ الیون میں مارٹن گپٹل ، ڈیرل مچل ، کین ولیمسن ، ڈیون کونوے ،گلین فلپس ، جیمی نیشم ، مچل سینٹنر،ایڈم مائلن ، ٹم ساؤتھی ،ایش سوڈھی اور ٹرینٹ بولٹ شامل تھے۔

اسلام آباد:حرمین شریفین پرہم قربان،ہم محافظ ہم نگہبان:وزیراعظم عمران خان کا سعودی جریدے کوانٹریو:سن کرسعودی خوش ہوگئے ،اطلاعات کے مطابق سعودی جریدے کو انٹریودیتے ہوئے وزیراعظم عمران خان نے کہا ہے کہ پاک سعودی عرب انویسٹمنٹ فورم کاانعقادخوش آئند ہے،کاروباری شعبوں میں نئی راہیں تلاش کرنےکاموقع ملااوردونوں ممالک کےتعلقات وقت کی کسوٹی پرہمیشہ ثابت قدم رہے۔

وزیراعظم نے سعودی جریدے کو انٹرویو دیتے ہوئے کہا کہ سعودی عرب کےوژن 2030کیلئےپاکستانی افرادی قوت اہم کرداراداکرسکتی ہے،نیاپاکستان اورسعودی وژن کامقصدترقی کاحصول اورتجارتی روابط کافروغ ہے جبکہ نیاپاکستان اورسعودی وژن 2030سماجی واقتصادی اصولوں پرمبنی ہیں۔

عمران خان نے اپنے انٹرویو میں مزید کہا کہ دیرپاترقی کےاہداف کیلئےپاکستان کی ترجیحات جیوپولیٹکس سےجیواکنامکس کی جانب گامزن ہیں،وژن 2030کےتحت مختلف شعبوں میں اصلاحات متعارف کرانےپرسعودی قیادت کی کاوشیں قابل تعریف ہیں،دونوں ملکوں کےنجی اورکارپوریٹ سیکٹرکوقریب لانےکیلئےانویسٹمنٹ فورم مواقع فراہم کریگا جبکہ باہمی تعاون کومزیدوسعت دینےاورمختلف شعبوں خصوصاً تجارتی تعلقات اورسرمایہ کاری میں تعاون کوفروغ دیاجائے۔

وزیراعظم کا کہنا تھا کہ فورم کےذریعےدوطرفہ تجارت کاروباری سرگرمیوں کےشعبوں میں نئی راہیں تلاش کرنےکاموقع ملا،سعودی پاکستان انویسٹمنٹ فورم کاانعقادخوش آئندرہا،سعودی پاکستان انویسٹمنٹ فورم کاانعقادخوش آئندرہا جبکہ ہم باہمی تعاون کومزیدوسعت دیناچاہتےہیں۔

سعودی جریدے کو انٹرویو میں انہوں نے کہا کہ پاکستان،سعودی عرب گہرے روابط کوسودمندتذویراتی شراکت داری میں تبدیل کرنےکےخواہاں ہیں،دونوں ممالک کےتعلقات وقت کی کسوٹی پرہمیشہ ثابت قدم رہےہیں جبکہ پاکستان اورسعودی عرب کےمابین دیرینہ برادرانہ تعلقات ہیں۔پاکستان حرمین شریفین کے تحفظ اوراس کی حرمت کےلیے ہروقت تیار ہے پہلے بھی پاکستان نے اپنا فرض ادا کیا اور پھر بھی کرتا رہے گا

لندن: لندن: بھارت میں سکھوں کے علیحدہ وطن کیلئے ریفرنڈم شروع:بھارت ٹوٹنے کے قریب،اطلاعات کے مطابق بھارت میں سکھوں کے علیحدہ وطن کے قیام کے لیے لندن میں ریفرنڈم کا آغاز ہو گیا ہے۔

خالصتان کے قیام کے لیے ووٹنگ کچھ کا عمل شروع ہو گیا ہے اور سکھوں کے الگ وطن خالصتان کا نیا نقشہ بھی جاری کر دیا گیا ہے۔

ریفرنڈم کے لیے ووٹنگ سپریم کورٹ کے عقب میں موجود سرکاری عمارت کوئین ایلزبتھ 2 میں ہو رہی ہے، ووٹنگ کے موقع پر عمارت پر خالصتان کے جھنڈے بھی لگا دیے گئے ہیں۔

سکھ رہنماؤں کا کہنا ہےکہ بھارتی دباؤ کے باوجود برطانوی حکومت نے ریفرنڈم کی اجازت دی جس پر ان کے شکر گزار ہیں۔

سکھ رہنما پرم جیت سنگھ پما کا کہنا ہے کہ ریفرنڈم کی نگرانی غیر جانبدار کمیشن کر رہا ہے جبکہ سکھ رہنما پتوت سنگھ پنوں نے الزام عائد کیا ہے کہ بھارتی حکومت نے ریفرنڈم سے روکنے کیلئے مجھ پر جعلی مقدمات بنوائے۔

سکھ رہنما پتوت سنگھ پنوں کا یہ بھی کہنا ہے کہ ریفرنڈم میں 50 ہزار ہزار افراد کی آمد متوقع ہے۔

اسلام آباد :کسی کی فتح یا شکست نہیں بلکہ معاہدہ اسلام اور پاکستان کی فتح ہے:سب سے پہلے پاکستان: اطلاعات کے مطابق حکومتی کمیٹی، ٹی ایل پی کے مابین معاہدہ طے پاچکا،اب قوم جلد آزمائش سے نکل جائے گی:اادھراسی حوالے سے پریس کانفرنس کرتے ہوئے مفتی منیب الرحمٰن نے کہا ہے کہ کالعدم تنظیم تحریک لبیک پاکستان (ٹی ایل پی) کی وجہ سے رونما ہونے والی صورتحال کے پیش نظر وزیر اعظم عمران خان نے تین رکنی کمیٹی قائم کی اور انہوں نے کمیٹی کو بااختیار بنایا اور اعتماد کا اظہار کیا۔

اسلام آباد میں وزیر خارجہ شاہ محمود قریشی، اسپیکر قومی اسمبلی اسد قیصر، وزیر مملکت برائے پارلیمانی امور کے ہمراہ پریس کانفرنس کے دوران انہوں نے کہا کہ حکومتی کمیٹی اور ٹی ایل پی کے مابین معاہدہ طے پایا ہے اس پر سربراہ سعد رضوی کی تائید بھی حاصل ہے۔

مفتی منیب الرحمان کا پریس کانفرنس کرتے ہوئے کہنا تھا کہ حکومت کے ساتھ طے پانے والا کسی کی فتح یا شکست نہیں بلکہ معاہدہ اسلام اور پاکستان کی فتح ہے، آنے والے دنوں میں معاہدے کے مثبت نتائج سامنے آئیں گے۔

انہوں نے بتایا کہ اس معاہدے کی رو سے ایک اسٹیئرنگ کمیٹی تشکیل دی گئی ہے جس کی سربراہی وزیر مملکت برائے پارلیمانی امور علی محمد خان کریں گے جبکہ تحریک لبیک کی جانب سے مفتی غلام غوث بغدادی اس میں شامل ہوں گے، کمیٹی آج ہی سے فعال ہو جائے گی

مفتی منیب الرحمان کا کہنا تھا کہ یہ معاہدہ اس طرح کا نہیں ہے کہ دوپہر کو دستخط کیے جائیں اور شام کو کہا جائے کہ اس معاہدے کی کوئی حیثیت نہیں ہے، جن افراد نے بھی معاہدے کے لیے مثبت اقدامات کیے ان سب کا شکر گزار ہوں۔

اس موقع پر وزیرخارجہ شاہ محمود قریشی نے حکومت کی ترجیحات کا اظہار کرتے ہوئے کہا کہ ہم نےدانشمندی سےمسئلہ حل کرنےکوترجیح دی،

شاہ محمود قریشی نے اس موقع پرکہا کہ امن اوربہتری کاراستہ تلاش کیاگیا، ان کا کہنا تھا کہ ان دنوں کے دوران پوری قوم کس کرب سے گرزرہی ہے اس کی تکلیف کا اندازہ کرنا بھی بہت مشکل ہوگیا ہے

شاہ محمود قریشی نے کہا کہ ہم نےسڑکوں پررکاوٹیں،معصوم جانوں کاضیاع دیکھا ،ان کا کہنا تھا کہ ان سڑکوں پرمسافروں کوجس طرح پریشان کیا گیا یہ بہت ہی تکلیف دہ مناظر تھے ،

شاہ محمودقریشی نے اس موقع پر کہا کہ ہم نے ان سڑکوں پر لوگوں کوزخمی ہوتےاوراملاک کونقصان پہنچتےدیکھا اور اپنے ہی بھائیوں کے ہاتھوں قوم کورسوا ہوتے دیکھا

اس موقع پر شاہ محمود قریشی نے یہ بھی کہا کہ معاملہ طوالت اختیارکرتاتودھرنوں اوراحتجاج سے بڑانقصان ہوسکتاتھا

سری نگر:راجوری میں دھماکہ، ایک افسر سمیت دو بھارتی فوجی ہلاک ،اطلاعات کے مطابق غیر قانونی طور پر بھارت کے زیر قبضہ جموں و کشمیر میں جموں خطے کے ضلع راجوری میں کنٹرول لائن کے نزدیک ایک دھماکے میں ایک افسر سمیت دو بھارتی فوجی ہلاک ہوگئے ہیں۔

کشمیر میڈیا سروس کے مطابق دھماکہ ضلع میں نوشہرہ کے علاقے کلال میں ہوا۔ سرکاری ذرائع نے دھماکے میں دو بھارتی فوجیوں کی ہلاکت کی تصدیق کی ہے۔

ساوتھ ایشین وائرنے سرکاری ذرائع کا حوالہ دیتے ہوئے کہا کہ نوشہرہ کے علاقے کلال میں کنٹرول لائن کے نزدیک ایک دھماکہ ہوا جس میں ایک لیفٹیننٹ سمیت دو فوجی شدید زخمی ہو گئے۔

دونوں زخمیوں کو تشویشناک حالت میں ہسپتال میں داخل کرایا گیا جہاں ڈاکٹروں نے انہیں مردہ قرار دے دیا۔ دھماکے کے وقت فوجی معمول کی گشت پر تھے۔

بھارتی میڈیا کے مطابق نوشہرہ سیکٹر میں ہونے والے دھماکے سے بھارتی فوج کا لیفٹیننٹ اور ایک سپاہی ہلاک ہوئے۔بھارتی میڈیا کے مطابق دھماکا بارودی سرنگ کا تھا۔

اسلام آباد:قوم پہلے ہی مہنگائی میں تباہ حال ہوگئی:پھر پٹرولیم مصنوعات میں اضافے بند:،اطلاعات کے مطابق وزیراعظم نے پٹرولیم مصنوعات کی قیمتوں میں اضافہ نہ کرنے کا فیصلہ کرلیا۔ عمران خان نے پٹرولیم مصنوعات کی قیمتوں میں اضافے کی تجاویز مسترد کر دیں۔

اوگرا نے عالمی منڈی میں پیٹرلیم کی بڑھتی ہوئی قیمتوں کے پیشِ نظر یکم نومبر سے پاکستان میں پپٹرول کی قیمت 11 روپے 53 پیسے، ہائی سپیڈ ڈیزل 8.49 روپے، مٹی کا تیل 6.29 روپے اور لائیٹ ڈیزل 5.72 روپے بڑھانے کی تجویز دی تھی۔

وزیرِ اعظم نے تجویز کردہ اضافے کو مسترد کرتے ہوئے پیٹرولیم مصنوعات کی قیمتوں کو بڑھانے سے روک دیا۔ انہوں نے کہا کہ حکومت عالمی سطح پر بڑھتی ہوئی مہنگائی کا بوجھ عوام پر منتقل کرنے کی بجائے عوام کے ریلیف کو ترجیح دے رہی ہے، اوگرا کی جانب سے تجویز کردہ حالیہ اضافے کی مد میں عوام پر پڑنے والے بوجھ کو حکومت خود برداشت کر رہی ہے۔