امریکا کے صدر جو بائیڈن کا کہنا ہے کہ پاکستان، ایران، چین اور روس متنازع معاملات پر افغان طالبان سے بات اور معاہدے کے لیے کام کر رہے ہیں یہ بات واشنگٹن میں میڈیا سے گفتگو کرتے ہوئے امریکا کے صدر جو بائیڈن نے کہی ہے۔
باغی ٹی وی : امریکا کے صدر نے کہا ہے کہ طالبان کے کنٹرول کے بعد چین ان کے ساتھ معاملات طے کرنے کی کوشش کرے گا پاکستان، ایران، چین اور روس اب بھی یہ سمجھنے کی کوشش کر رہے ہیں کہ طالبان کیا کر رہے ہیں جو بائیڈن سے پوچھا گیا کہ کیا وہ اس حوالے سے فکر مند ہیں کہ چین اس گروپ کو فنڈز دے گا، جس پر امریکہ نے پابندیاں عائد کر رکھی ہیں-
جس پر امریکی صدر کا کہنا تھا کہ چین کے طالبان کے ساتھ حقیقی مسائل ہیں، لہذا وہ ان کے ساتھ معاملات طے کرنے کی کوشش کریں گے جیسا کہ پاکستان، روس اور ایران کرتے ہیں وہ سب یہ جاننے کی کوشش کر رہے ہیں کہ وہ اب کیا کریں۔
امریکی صدر نے مزید کہا کہ امریکہ اور اس کے اتحادیوں نے حکمت عملی بنانے پر اتفاق کیا ہے، فی الحال طالبان کی حکومت کو تسلیم نہ کرنے کا فیصلہ کیا ہے۔
امریکہ اور اس کے سات اتحادیوں پر مشتمل گروپ نے طالبان کو تسلیم نہ کرنے پر اتفاق کیا ہے جبکہ واشنگٹن نے طالبان کے افغانستان کے مالی ذخائر تک رسائی کو روک دیا ہےلیکن ماہرین کا کہنا ہے کہ اگر چین، روس یا دیگر ممالک طالبان کو فنڈز فراہم کرتے ہیں تو امریکہ کا یہ معاشی اقدام بے معنی ہو جائے گا۔
اس سے قبل اس سے پہلے ترجمان محکمہ خارجہ نے طالبان کی عبوری حکومت کے اعلان پر تشویش کا اظہار کیا تھا اور کہا تھا کہ طالبان کو ان کی باتوں سے نہیں، ان کے اقدامات سے پرکھیں گے۔
گزشتہ روز افغانستان میں قائم ہونے والی حکومت کے سربراہ ملا محمد حسن اخوند طالبان کی رہبری شوریٰ کے سربراہ ہیں۔
پی آئی اے سربربراہ کا کام جہاز چلانا نہیں بلکہ کمپنی چلانا ہے، سپریم کورٹ
سپریم کورٹ نے جنکو ہولڈنگ کمپنی کے چیف ایگزیکٹیو افسر کو عہدے پر بحال کردیا
عدالت نے سندھ ہائیکورٹ کا فیصلہ معطل کرکے فریقین کو نوٹسز جاری کردیئے ، جسٹس اعجاز الاحسن نے ریمارکس دیتے ہوئے کہا کہ سندھ ہائیکورٹ نے کس قسم کا فیصلہ دیا ہے؟ جس پر ایڈیشنل اٹارنی جنرل نے کہا کہ سندھ ہائیکورٹ نے سپریم کورٹ کے پی آئی اے فیصلے پر انحصار کیا،،عدالت نے استفسار کیا کہ پی آئی اے فیصلے میں کہاں لکھا ہے کہ قومی ایئر لائن کا سربراہ پائلٹ ہوگا ؟پی آئی اے سربربراہ کا کام جہاز چلانا نہیں بلکہ کمپنی چلانا ہے، کیاسربراہ جنکو ہولڈنگ کمپنی کیلئے انجینئر ہونا ضروری ہے ؟کیا جنکو سربراہ کا کام ٹربائین چلانا ہے یا ادارہ چلانا
چیف جسٹس گلزار احمد نے ریمارکس دیتے ہوئے کہا کہ حکومت نے ادارے کے ملازمین سے پوچھ کر سربراہ نہیں لگانا،ملازمین کا سربراہ کی تعیناتی کو چیلنج کرنے سے کوئی تعلق نہیں
مینار پاکستان،ختم نبوت کانفرنس میں افغان طالبان کے حق میں نعرے
باغی ٹی وی کی رپورٹ کے مطابق یوم ختم نبوت کے موقع پر لاہور کے گریٹر اقبال پارک میں ختم نبوت کانفرنس کا انعقاد کیا گیا
تمام مذہبی جماعتوں کی طرف سے گریٹر اقبال پارک لاہور میں تحفظ ختم نبوت کانفرنس منعقد ہوئی۔ اس کانفرنس میں مولانا مفتی محمد حسن ،مولانا محمد ناصر الدین۔خواجہ عزیز احمد۔صاحبزادہ مولانا امجد خان۔ مولانا اللہ وسایا . علامہ ابتسام الٰہی ظہیر، مولانا ثناء اللہ۔. مولانا ضیاء اللہ شاہ بخاری ،. مولانا شاہد عمران عارفی۔ لیاقت بلوچ اوردیگر نے شرکت کی اور خطاب کیا،
گریٹر اقبال پارک لاہور کے گراؤنڈ میں ایک بہت بڑا ہجوم موجود تھا تاکہ وہ لوگ ختم نبوت کے تحفظ کے لیے اپنی موجودگی ظاہر کریں۔ تمام رہنماؤں نے وعدہ کیا کہ ہم ختم نبوت کی حفاظت کے لیے تیار ہیں۔ مقررین نے گریٹر اقبال پارک میں موجود کانفرنس کے شرکاء سے یہ بھی پوچھا کہ وہ اس کے لیے تیار ہیں یا نہیں؟ تمام لوگوں نے یہ وعدہ بھی کیا کہ وہ اپنی زندگی ، پیسہ اور وقت اس مقدس مقصد کے لیے پیش کریں گے۔
باغی ٹی وی کے رپورٹر فائز چغتائی کے مطابق مینار پاکستان گراونڈمیں ہونے والی کانفرنس میں افغان طالبان کے حق میں بھی نعرے لگائے گئے ،مینار پاکستان گراؤنڈ میں ختم نبوت کانفرنس سے خطاب کرتے ہوئے علامہ ابتسام الہی ظہیر نے مرزا مسرور کو ایک مرتبہ پھر مباہلے کا چیلنج دے دیا
عالمی مجلس تحفظ ختم نبوت کے زیراہتما م مینار پاکستان کے مقام پر ہونے والی تحفظ ختم نبوت کانفرنس میں منظور کی گئی قراردادوں میں کہا گیا ہے کہ شمع رسالت کے پروانوں کا عظیم الشان اجتماع حکومت پاکستان سے مطالبہ کرتا ہے کہ یہ ملک مسلمانوں کا ہے اس میں کلیدی عہدوں پر فائز قادیانیوں کو فی الفور ہٹایا جائے حکومت پاکستان یورپی یونین کے مطالبات پر مبنی قرارداد جس میں تحفظ ناموس رسالت کے قوانین اور ختم نبوت کے متعلق آئینی ترامیم ختم کر نے کا ذکر ہے کو فی الفور مسترد کرے۔ اجتماع گھریلو تشدد کے روک تھام کے نام سے قانون کو خاندانی نظام کو تباہ کر نے کی کوشش قرار دیتا ہے اور مطالبہ کرتا ہے اس قانون کو فی الفور ختم کیا جا ئے۔ اڈہ کرائون چوک کا نام ختم نبوت چوک رکھا جائے۔ حکومت 7 ستمبر کو یوم تحفظ ختم نبوت کے طور پر منائے جا نے کا اعلان کرے۔
کانفرنس کے موقع پر لاہور پولیس کی طرف سے سیکورٹی انتظامات کئے گئے تھے،سی سی پی او لاہور نے انتظامات کا جائزہ لینے کے لیے مینار پاکستان کا دورہ کیا۔ اس موقع پر ڈی آئی جی آپریشنز سہیل چوہدری ، ایس ایس پی آپریشنز وقار انور بھی موجود تھے۔ ایس ایس پی آپریشنز نے سی سی پی او لاہور کو سیکیورٹی انتظامات پر بریفنگ دی۔ ڈویژنل ایس پی کی سربراہی میں 03 ایس ڈی پی او تعینات تھے، 12 ایس ایچ او ، 45 سپرنٹنڈنٹ اور 522 اہلکار تعینات تھے – چھتوں اور اونچی جگہوں پر فول پروف سیکورٹی کے لیے سنائپر بھی تعینات کیے گئے تھے۔ ایلیٹ فورس ، ڈولفن اور پیرو گاڑیاں مینار پاکستان کے ارد گرد بھری ہوئی ہیں۔ کانفرنس کے لیے انٹری پوائنٹس کی الاٹمنٹ ، کسی کو چیک کیے بغیر داخل ہونے کی اجازت نہیں تھی،.غلام محمود ڈوگر نے بتایا کہ مینار پاکستان کے اطراف میں سرچ اور جھاڑو آپریشن بھی کیا گیا۔
افغان طالبان کی اعلان کردہ نئی عبوری حکومت آج سے ذمہ داریاں سنبھال لیں-
باغی ٹی وی : گزشتہ روز طالبان نے افغانستان کی نئی حکومت کا اعلان کر دیا ہے۔ نئی اسلامی حکومت کےسربراہ محمداحسن اخوند جبکہ ملا عبد الغنی برادر اور ملا عبدالسلام حنفی نائب سربراہ ہوں گے۔
طالبان کے ترجمان ذبیح اللہ مجاہد نے کابل میں نیوز کانفرنس کرتے ہوئے افغانستان کی نئی حکومت کا اعلان کیا۔
ذبیح اللہ مجاہد نے بتایا کہ ملا امیر خان متقی وزیر خارجہ ،سراج حقانی وزیر داخلہ جبکہ مولوی محمد یعقوب مجاہد کو وزیر دفاع مقرر کیا گیا ہے مولوی عبدالحکیم عدالتی امورکودیکھیں گے،ملا ہدایت اللہ وزیر مالیات ، ملاخیر اللہ وزیر اطلاعات اورقاری دین محمدحنیف قائم مقام وزیرخزانہ ہوں گے۔
ملاعبدالحق وثیق کواین ڈی ایس کا سربراہ بنا دیا گیا،ملافضل اخوندافغانستان کےچیف آف آرمی اسٹاف ہوں گے ملا خیرﷲ خیرخواہ وزیر اطلاعات و ثقافت اور ذبیح ﷲ مجاہد ان کے نائب ہوں گے جبکہ ملا عبدالحق وثیق انٹیلی جینس امور اور قاری فصیح الدین سیکورٹی امور کے سربراہ ہوں گے۔
افغانستان کی صورتحال پر پڑوسی ممالک کے وزرائے خارجہ کا آج ورچوئل اجلاس ہوگا۔
باغی ٹی وی : ترجمان دفتر خارجہ کا کہنا وزرائے خارجہ کا ورچوئل اجلاس پاکستان کی دعوت پر ہو رہا ہے وزیر خارجہ شاہ محمود قریشی اجلاس کی صدارت کریں گے ورچوئل اجلاس میں چین، ایران، تاجکستان، ترکمانستان اور ازبکستان کے وزرائے خارجہ شریک ہوں گے۔
ترجمان دفتر خارجہ کا کہنا ہے کہ ہمسائیہ ممالک کے وزرائے خارجہ کے اجلاس میں افغانستان کی بدلتی صورتحال، درپیش چیلنجز اور علاقائی استحکام یقینی بنانے پر غور ہوگا پرامن، مستحکم افغانستان ٹرانزٹ ٹریڈ خطے میں سیکورٹی کےلیے کردار ادا کرے گا۔
یاد رہے کہ طالبان نے افغانستان کی نئی حکومت کا اعلان کر دیا ہے۔ نئی اسلامی حکومت کےسربراہ محمداحسن اخوند جبکہ ملا عبد الغنی برادر اور ملا عبدالسلام حنفی نائب سربراہ ہوں گے۔
طالبان کے ترجمان ذبیح اللہ مجاہد نے کابل میں نیوز کانفرنس کرتے ہوئے افغانستان کی نئی حکومت کا اعلان کیا تھا-
ذبیح اللہ مجاہد نے کہا تھا کہ ان کی کوشش ہےکہ نئی حکومت میں افغان عوام کےمسائل کوحل کریں، تمام دنیاکےساتھ چلناچاہتےہیں ان کا کہنا تھا کہ تما م دنیاکےممالک کےساتھ اچھےتعلقات چاہتےہیں کسی کوبھی اپنےنظام میں مداخلت کی اجازت نہیں دیں گے 20سال لڑائی ہم نےاس بات پرلڑی کہ ہمارےملک میں بیرونی مداخلت نہ ہو دنیا کےممالک سےتوقع ہے کہ وہ ہماری حکومت کوتسلیم کریں گے۔
پیپلز پارٹی کے چیئرمین بلاول بھٹو زرداری کا عالمی خواندگی کے دن پر پیغام۔
باغی ٹی وی : چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ خواندگی کا فروغ ، چاہے موجودہ منتخب حکومت ہو یا ماضی کی غیر جمہوری حکومتیں ، ان کی ترجیحات میں کبھی نہیں رہیں۔ یہ بڑی تشویش کی بات ہے کہ پاکستان تعلیم اور خواندگی کے میدان میں افغانستان کے علاوہ خطے کے ہر ملک سے پیچھے ہے۔
بین الاقوامی خواندگی کے دن کے موقع پر میڈیا سیل بلاول ہاؤس سے جاری بیان میں ، پی پی پی چیئرمین نے ان اطلاعات پر شدید تشویش کا اظہار کیا کہ ملک میں دو کروڑ سے زائد سکول جانے والے بچے سکول سے باہر ہیں ، انہوں نے مزید کہا کہ تعلیم ہر بچے کا بنیادی حق ہے انہوں نے کہا کہ ریاست کا فرض ہے کہ تعلیم کو سب کے لیے یکساں طور پر قابل رسائی بنائے ، خاص طور پر لڑکیوں کے لیے۔
انہوں نے مزید کہا ، "عالمی وبائی مرض ، کوویڈ 19 کے تناظر میں ، بالغوں کی تعلیم اور غیر رسمی تعلیم جیسے پروگراموں کی جدید کاری وقت کی ضرورت ہے تاکہ سیکھنے کے تسلسل کو یقینی بنایا جا سکے”۔
چیئرمین بلاول بھٹو زرداری نے افسوس کا اظہار کیا کہ موجودہ حکومت کا ایجنڈا خواندگی بڑھانا نہیں تھا ، بلکہ اس کی پوری توجہ بینظیر انکم سپورٹ پروگرام (بی آئی ایس پی) اور اس کے جزو وسیلہ تعلم پروگرام کے نام کو تبدیل کرنے پر ہے۔
پی پی پی چیئرمین نے نشاندہی کی کہ تعلیم کے میدان میں اہم اور بنیادی اقدامات صرف پی پی پی حکومتوں کے دور میں کیے گئے تھے۔ چاہے وہ قائد عوام شہید ذوالفقار علی بھٹو اور شہید محترمہ بے نظیر بھٹو کی قیادت میں حکومتیں ہوں ، یا تاریخ میں سکولوں اور یونیورسٹیوں کی سب سے بڑی تعداد آصف علی زرداری کی قیادت میں عوامی حکومت کے دور میں قائم کیے گئے تھے۔ انہوں نے کہا کہ حکومت سندھ نے رواں مالی سال کے دوران محکمہ تعلیم و خواندگی کے لیے 277.5 ارب روپے مختص کیے ہیں۔
چیئرمین بلاول بھٹو زرداری نے کہا کہ تعلیم کا فروغ ہمیشہ پاکستان پیپلز پارٹی کی اولین ترجیحات میں شامل رہا ہے ، اور انہوں نے اس عزم کا اظہار کیا کہ ان کی پارٹی ملک میں اگلے عام انتخابات جیتنے کے بعد شرح خواندگی کو بڑھانے کے لیے اپنی کوششیں دوبارہ شروع کرے گی جسے گزشتہ آٹھ سالوں سے کولڈ سٹوریج میں پھینک دیا گیا تھا۔
طالبان کی عبوری حکومت کے اعلان پر امریکہ نے تشویش کا اظہار کر دیا ترجمان امریکی محکمہ خارجہ کہا اعلان کردہ ناموں کی فہرست صرف ان افراد پر مشتمل ہے جو طالبان کے رکن یا ان کے قریبی ساتھی ہیں جبکہ کسی خاتون کا نام شامل نہیں
باغی ٹی وی : ترجمان امریکی محکمہ خارجہ نیڈ پرائس نے طالبان کی عبوری حکومت کے اعلان پر اظہار تشویش کرتے ہوئےمحکمہ خارجہ کے ترجمان کا کہنا تھا کہ کابینہ کے کچھ افراد کی وابستگیوں اور ٹریک ریکارڈ کی وجہ سے بھی فکرمند ہیں امید ہے طالبان افغان سرزمین دوسرے ممالک کے خلاف استعمال نہیں ہونے دیں گے۔
ترجمان امریکہ محکمہ خارجہ نیڈ پرائس نے کہا ہے کہ طالبان نے ابھی نگراں کابینہ کا اعلان کیا ہے طالبان کو ان کی باتوں سے نہیں ان کے اقدامات سے پرکھیں گے۔
دوسری جانب امریکی صدر جو بائیڈن کا کہنا ہے کہ طالبان حکومت کو تسلیم کرنا بہت آگے کی بات ہے۔جبکہ روس کے وزیر خارجہ سرگئی لاروف کا کہنا ہے طالبان حکومت میں سب کی نمائندگی ہوگی تو تسلیم کریں گے۔
یاد رہے کہ افغان طالبان نے افغانستان میں نئی حکومت کی تشکیل کا اعلان کرتے ہوئے وزیراعظم اور کابینہ کے ناموں کا اعلان کیا ہے۔
افغان دارالحکومت کابل میں نیوز کانفرنس کے دوران ذبیح اللّٰہ مجاہد نے کہا کہ محمد حسن اخوند افغانستان کے عبوری وزیراعظم ہوں گے۔ ملا عبدالغنی برادر عبوری حکومت میں وزیراعظم محمد حسن اخوند کے نائب ہوں گے-
ذبیح اللہ مجاہد نے کہا ملا خیر خو وزیر اطلاعات تعینات ہوں گے جبکہ شیخ خالد دعوت ارشادات کے سرپرست، اور عباس ستانکزئی وزیر خارجہ مقرر کئے گئے ہیں جبکہ ذبیح اللہ مجاہد وزیر اطلاعات مقرر کئے گئے ہیں مولوی محمد یعقوب مجاہد وزیردفاع تعینات کئے گئے ہیں سراج الدین حقانی وزیرداخلہ جبکہ ملا امیر خان متقی وزیرخارجہ سمیت کُل 33 وزرا اپنے فرائض سرانجام دیں گے-
کینیڈا کے وزیر اعظم جسٹن ٹروڈو پرانتخابی مہم کے دوران پتھراؤ کیا گیا-
باغی ٹی وی : غئیر ملکی میڈیا کے مطابق اونٹاریو میں ریلی کے دوران جسٹن ٹروڈو انتخابی مہم کے بعد بس میں روانہ ہورہے تھے کہ ان پر مظاہرین کی جانب سے پتھراؤ کیا گیا کینیڈا کے وزیر اعظم اور ان کے محافظوں کو پتھر لگے-
Here's the video of stones being thrown towards the Prime Minister while he was leaving his campaign stop in London, Ontario this evening pic.twitter.com/MNOVHIKMiY
وزیر اعظم جسٹن ٹروڈو نے میڈیا سے بات چیت میں کہا کہ پتھر شاید کندھے پر لگے کنزرویٹو پارٹی کے رہنما اور اپوزیشن لیڈر نے اس واقعے کو ناقابل قبول قرار دیا ہے۔
واضح رہے کہ کینیڈا میں انتخابی مہم جاری ہے الیکشن دو سال بعد ہونے تھے مگر جسٹن ٹروڈو کے اعلان کے بعد 20 ستمبر کو الیکشن منعقد کیے جائیں گے۔ جسٹن ٹروڈو نے حکومت میں عددی برتری حاصل کرنے کیلئے ملک میں قبل ازوقت الیکشن کروانے کا اعلان کیا تھا۔
جسٹن ٹروڈو ، جن کی لبرل پارٹی نے 2015 میں اکثریت حاصل کی تھی لیکن 2019 کے الیکشن میں انہوں نے 157 نشستیں جیت کر اتحادی حکومت بنائی تھی ،اب وہ امید کررہے ہیں کہ وہ اس الیکشن میں اکثریت واپس حاصل کرلیں گے لبرل پارٹی کواکثریت حاصل کرنے کے لیے پارلیمنٹ( ہاؤس آف کامنز) کی 338 میں سے 170 نشستوں کی ضرورت ہے۔
نیویارک: امریکہ میں ہونے والے 9/11 حملوں کی تحقیقات ایک مرتبہ پھر شروع کردی گئی ہے۔
باغی ٹی وی : عالمی میڈیا کے مطابق خالد شیخ محمد اور دیگر چار ملزمان گزشتہ 15 سال سے کیوبا میں واقع بدنام زمانہ گوانتا موبے جیل میں قید و بند کی صعوبتیں کاٹ رہے ہیں انہیں 2019 کے بعد پہلی مرتبہ فوجی ٹریبونل میں پیش کیا جائے گا۔
امریکہ میں 9/11 کا مقدمہ تقریباً 20 سال بعد عین اس وقت دوبارہ شروع کیا گیا ہے کہ جب افغانستان میں طالبان نے نئی عبوری حکومت کے قیام کا اعلان کردیا ہے۔
خالد شیخ اور دیگر چار ملزمان کے خلاف دائر مقدمے کی سماعت کورونا میں اضافے کے پیش نظر روک دی گئی تھی۔
رپورٹس کے مطابق مقدمے میں ملزمان کے وکیل سی آئی اے کی حراست میں مدعا علیہان پر ہونے والے تشدد کی وجہ سے حکومت کے بیشتر شواہد کو نااہل قرار دینے کی کوششوں میں مصروف ہیں 9/11 کے پانچوں ملزمان کو قتل اور دہشت گردی کے الزامات کے تحت جنگی جرائم کی ٹریبونل سے سزائے موت ہو چکی ہے۔
ملزمان کا دفاع فوج کے نامزد کردہ وکلا، نجی شعبے سے تعلق رکھنے والے پروبونو وکلا اور غیر سرکاری تنظیمیں کر رہی ہیں۔
وکلا کا کہنا ہے کہ مقدمے کے پانچوں مدعی خالد شیخ محمد، عمار البلوچی، ولید بن عطش، رمزی بن الشیبہ اور مصطفیٰ الحوساوی انتہائی لاغر ہیں اور 2002 سے 2006 کے درمیان سی آئی اے کی خفیہ سیاہ قید خانوں میں دی جانے والی شدید اذیت کے دیرپا اثرات کا بھی شکار ہیں۔
ملزمان کے وکیل کا یہ بھی مؤقف ہے کہ ملزمان پر یہاں لائے جانے کے بعد سے 15 سالوں کے دوران سخت حالات اور الگ تھلگ رہنے کا مجموعی اثر بھی ہے۔
مقدمے کی سماعت کے لیے ان دو ہزار 976 افراد کے اہل خانہ ہوں گے جن کے قتل کا الزام ملزمان پر لگایا گیا ہے اس مقدمے میں 12 گواہان پہلے ہی عدالت کے سامنے پیش ہوچکے ہیں جن میں سی آئی اے پروگرام کی نگرانی کرنے والے دو افراد بھی شامل ہیں۔
ملزمان کی ایک اور وکیل الکا پردھان کا کہنا ہے کہ امریکی حکومت کو یہ تسلیم کرنے میں 6 سال لگے کہ ایف بی آئی نے سی آئی اے کے تشدد کے پروگرام میں حصہ لیا۔
انہوں نے کہا کہ اس کیس میں وہ آپ کو نیچا دکھاتا ہے وہ ایسی چیزیں بھی چھپا رہے ہیں جو عدالت میں معمول کی کارروائی قرار دی جاتی ہیں-
ریاض: سعودی عرب نے کورونا وائرس کے پیش نظر متحدہ عرب امارات سمیت تین ممالک کے لیے سفری پابندیاں اٹھانے کا اعلان کردیا ہے۔
باغی ٹی وی : عرب میڈیا کےمطابق سعودی عرب نے متحدہ عرب امارات، جنوبی افریقہ اور ارجنٹائن کے لیے سفری پابندیاں اٹھانے کا اعلان کردیا ہے جن تین ممالک کے لیے سفری پابندیاں اٹھائی گئی ہیں ان کے لیے ملک کی بری، بحری اور فضائی سرحدیں کھول دی جائیں گی۔
سعودی عرب کی جانب سے کہا گیا ہے کہ متحدہ عرب امارات، جنوبی افریقہ اور ارجنٹائن کے لیے مقامی وقت کے مطابق کل صبح 11 بجے سے عائد سفری پابندیاں اٹھا لی جائیں گی۔
واضح رہے کہ رواں سال جولائی میں سعودی عرب نے متحدہ عرب امارات (یو اے ای) سمیت متعدد ممالک پر سفری پابندیوں کا فیصلہ کیا تھا سعودی عرب کی وزارت داخلہ نے اعلان کیا تھا کہ عالمی وبا کورونا وائرس کے خطرے کے پیش نظر بعض ممالک کے لیے سفر کو محدود کیا گیا ہے ان ممالک کے سفر کے خواہش مند افراد کو پہلے مجاز حکام سے اجازت لینا ہو گی۔
رپورٹ کے مطابق ایتھوپیا، ویتنام، متحدہ عرب امارات اور افغانستان سے آنے والے مسافروں کی سعودی عرب میں داخلے پر پابندی لگائی گئی تھی تاہم کہا گیا تھا کہ ایسے مسافر جو مملکت میں داخلے سے قبل 14 دن کے قرنطینہ کے عمل سے گذر چکے ہوں انہیں سعودی عرب میں آنے سے نہیں روکا جائےگا۔
