Category: صحت

کیلیفورنیا: سائنسدانوں نے کم شدت والی الٹرا ساؤنڈ لہریں سرطان زدہ پھوڑوں پر مرکوز کرکے انہیں اس انداز سے ختم کرنے میں کامیابی حاصل کی ہے کہ آس پاس کے صحت مند خلیوں کو کچھ بھی نہیں ہوا

الٹرا ساؤنڈ دراصل آواز ہی کی ایسی لہریں ہوتی ہیں جنہیں ہمارے کان نہیں سن سکتےالٹرا ساؤنڈ سے کینسر ٹیومر کا خاتمہ بھی کوئی نئی بات نہیں بلکہ یہ تکنیک بھی برسوں سے استعمال ہوتی آرہی ہے

البتہ اب تک اس مقصد کےلیے زیادہ شدت والی الٹرا ساؤنڈ لہروں کو مرکوز کرکے استعمال کیا جاتا رہا ہے جس کی وجہ سے کینسر ٹیومر کے ساتھ ساتھ آس پاس کے صحت مند خلیے بھی تباہ ہوجاتے ہیں اس طرح کبھی کبھی مریض کو فائدہ ہونے کے بجائے الٹا نقصان ہی پہنچ جاتا ہے

اس ضمن میں الٹرا ساؤنڈ کو محفوظ تر بنانے کےلیے کیلیفورنیا انسٹی ٹیوٹ آف ٹیکنالوجی اور سٹی آف ہوپ بیکمین ریسرچ انسٹی ٹیوٹ کے ماہرین نے مشترکہ تحقیق میں یہ دریافت کیا ہے کہ اگر زیادہ شدت کے بجائے کم شدت والی الٹرا ساؤنڈ لہریں استعمال کی جائیں تو اس سے صرف وہی خلیے تباہ ہوں گے جنہیں نشانہ بنایا گیا ہےان کے علاوہ دوسرے خلیے بالکل محفوظ رہیں گے

انہوں نے یہ بھی نوٹ کیا کہ کم شدت والی الٹرا ساؤنڈ صحت مند خلیوں کےلیے تو بے ضرر ہوتی ہے لیکن کینسر ٹیومرزمیں موجود خلیوں کو ان کی بعض اہم ظاہری خصوصیات کی بناء پر ہلاک کردیتی ہے

یہ جاننے کے بعد انہوں نے سرطان زدہ رسولیوں پر نئی تکنیک کے تجربات کیے جن میں خاطر خواہ کامیابیاں حاصل ہوئی اس تحقیق کے نتائج ’’اپلائیڈ فزکس لیٹر‘‘ نامی ریسرچ جرنل کے تازہ شمارے میں شائع ہوئے ہیں

اب ان سائنسدانوں کا ارادہ ہے کہ کم شدت والی مرکوز الٹرا ساؤنڈ کو انسانوں میں موجود کینسر ٹیومرز کے خاتمے پر آزمایا جائے جس کےلیے انہیں متعلقہ محکموں کی جانب سے اجازت لینا ہوگی

تمباکو نوشی کم از کم 15 مختلف اقسام کے کینسر کا باعث بنتی ہے اس بات سے قطع نظر آپ سگریٹ نوشی کرتے ہیں یا نہیں چند چیزیں اور بھی ایسی ہیں جو آپ کے کینسر کے مریض بننے کا خطرہ بڑھا دیتی ہیں

زیادہ دیر تک بیٹھنا:
اگر تو آپ دفتر میں ہر وقت بیٹھے رہتے ہیں یا گھر پر ٹیلیویژن سے لطف اندوز ہوتے رہتے ہیں تو اس سے مختلف اقسام کے کینسر کا خطرہ بڑھ جاتا ہے۔ ایک تحقیق کے مطابق دو گھنٹے دن میں بیٹھ کر گزارنا آنتوں کے کینسر کا خطرہ آٹھ فیصد جبکہ پھیپھڑوں کے کینسر کا خطرہ چھ فیصد تک بڑھا دیتا ہے ایک اور تحقیق کے مطابق جو خواتین زیادہ وقت بیٹھ کر گزارتی ہیں ان میں بریسٹ کینسر کا خطرہ ہوتا ہے

چند بیماریاں جو پہلے ہاتھوں پر اثر انداز ہوتی ہیں

زیادہ چہل قدمی نہ کرنا:
چہل قدمی سب سے آسان ورزش ہے جس کے لیے آپ کو زیادہ محنت بھی نہیں کرنا پڑتی، اگر ہفتے میں پانچ دن تیس منٹ تک معتدل رفتار سے چہل قدمی کی جائے تو کینسر کا خطرہ کافی حد تک کم ہوجاتا ہے ایک تحقیق کے مطابق ورزش کرنے کے نتیجے میں خواتین میں بریسٹ کینسر کا خطرہ نمایاں حد تک کم ہوا

موٹاپے کے شکار:
جسم میں اضافی چربی ایسٹروجن سمیت دیگر ہارمونز کی سطح بڑھاتی ہے جو خلیات کی نشوونما میں اضافے اور پھلاﺅ کا باعث بن سکتا ہے اور اس سے کینسر کا خطرہ بھی بڑھ جاتا ہے موٹاپا شدید ورم کا باعث بھی ہوسکتا ہے جس سے ڈی این اے کو نقصان پہنچتا ہے اور کینسر کا مرض متاثرہ فرد کو شکار کرلیتا ہے موٹاپے سے آنتوں، بریسٹ اور دوران رحمی سمیت دیگر اقسام کے کینسر کا خطرہ بڑھ جاتا ہے

سرخ گوشت کا زیادہ استعمال:
معتبر ہاورڈ یونیورسٹی کی ایک تحقیق کے مطابق جو لوگ روزانہ 3 اونس سرخ گوشت کا استعمال کرتے ہیں ان میں امراض قلب یا کینسر کے باعث موت کا خطرہ 13 فیصد تک بڑھ جاتا ہے اسی طرح یالے یونیورسٹی کا اپنی ایک تحقیق میں کہنا ہے کہ جو خواتین حیوانی پروٹین سے بھرپور غذاﺅں کا زیادہ استعمال کرتی ہیں ان میں خون کے سرطان کی ایک قسم کا خطرہ 70 فیصد تک بڑھ جاتا ہے

سگریٹ نوش کے آس پاس رہنا:
آپ دیگر افراد کو تمباکو نوشی کی بری عادت میں مصروف رہنے کی اجازت دے کر خود کو فراخ دل ثابت کرنا چاہتے ہو یا بحث سے بچنا چاہتے ہو، وجہ چاہے جو بھی درحقیقت ایسا کرنا آپ کے لیے بھی نقصان دہ ہے سگریٹ کا دھواں سیکڑوں زہریلے کیمیکلز خارج کرتا ہے اور ان میں سے ستر فیصد کیمیکلز کینسر کا باعث بن سکتے ہیں اس سیکنڈ ہینڈ دھویں کی کچھ مقدار بھی جسم کے اندر جانا نقصان دہ ہوتا ہے اور پھیپھڑوں کے کینسر کا خطرہ بھی بڑھ جاتا ہے جبکہ خواتین میں بریسٹ کینسر کا خطرہ ہوتا ہے

بہت زیادہ ٹی وی دیکھنا:
طبی سائنس کے مطابق رات کے وقت مصنوعی روشنی کی زد میں ہمارا جسم کا رہنا مخصوص کینسر کا خطرہ بڑھا دیتا ہے۔ خاص طور پر خواتین میں بریسٹ کینسر کا خطرہ بڑھنے کے شواہد سامنے آئے ہیں تاہم ابھی اس حوالے سے مزید تحقیق کی ضرورت پر زور دیا گیا ہے

صحت مند ہونے کے باوجود کیا سیڑھیاں چڑھتے ہوئے سانس پھول جانا کسی بیماری کی علامت ہے یا اس کے پیچھے کوئی اور وجہ چھپی ہے؟

ویسے ذہن میں رکھیں ہر ایک کو ہی سانس پھولنے کا سامنا ہوتا ہے جبکہ کچھ عام کام کرتے ہوئے بھی کئی بار ایسا ہوسکتا ہے اور اس کے لیے سائنسی زبان میں ایکسرشنل ان ٹولرینس کی اصطلاح استعمال ہوتی ہے

تاہم سیڑھیاں چڑھتے ہوئے ایسا اکثر بلکہ لگ بھگ ہر بار ایسا کیوں ہوتا ہے؟ تو اس کی وجہ کافی دلچسپ ہے

درحقیقت سیڑھیاں جسم کی رفتار کے لیے ڈرامائی تبدیلی کا باعث بنتی ہیں کیونکہ جسم سپاٹ سطح پر چلنے کا عادی ہوتا ہے مگر جب اچانک سیدھا چلتے ہوئے اوپر چڑھنا شروع کرتے ہیں تو جسم اس تناﺅ یا تبدیلی کے لیے پوری طرح تیار نہیں ہوتا اور دل کی دھڑکن کے لیے کام کرنے والے لاتعداد مسلز اچانک حرکت میں آجاتے ہیں

جسم آکسیجن مانگتا ہے اور 11 ویں قدم پر لڑکھڑاہٹ اور سانس پھول جاتا ہے اور حیران ہوتا ہے کہ آخرکار یہ سلسلہ کب ختم ہوگا

تاہم ذہن میں رکھیں کہ ایسا سب کے ساتھ ہوتا ہے یہاں تک کہ مختصر چڑھائی چڑھنے پر بھی ایسا ہوتا ہے

اس معاملے پر رننگ کوچ اور ٹرینر جو ہولڈر کے مطابق جب جسم کو نئی تبدیلیاں اچانک متعارف کرائی جاتی ہیں تو اس سے آکسیجن کی کمی کا ماحول پیدا ہوتا ہے لیکن پھر وہ معمول پر آجاتا ہے جبکہ جسم اس سے مطابقت کے لیے ایک سیکنڈ لیتا ہے

ذہنی دباؤ خوبصورتی کو متاثر کرسکتا ہے

مایو کلینک کے مطابق اس کے ساتھ سینے میں کنھچاﺅ اور دم گھٹنے کا غیر اطمینان بخش احساس بھی ہوسکتا ہے

اسے ڈسپن کہا جاتا ہے جو کئی بار خطرے کی گھنٹی بھی ہوتا ہے اس سے عندیہ ملتا ہے کہ پھیپھڑوں کی کوئی بیماری جیسے دمہ ورم یا کینسر وغیرہ لاحق ہے جبکہ اس سے ذہنی بے چینی بھی پیدا ہوتی ہے

ویسے سیڑھیاں چڑھتے ہوئے سانس پھول جانے کی ایک وجہ جسمانی فٹنس میں کمی بھی ہوتی ہے

محققین کے مطابق عام طور پر اگر سیڑھیاں چڑھتے ہوئے کچھ سانس پھول جائے وہ جسمانی سرگرمیوں سے دوری کی علامت ہوسکتی ہے یعنی آپ جتنی ورزش کریں گے، مسلز کے افعال اتنے ہی بہتر ہوں گے اور جسم کو لچک کے لیے بہت زیادہ آکسیجن کی ضرورت نہیں ہوگی جبکہ جسمانی سرگرمیوں سے کاربن ڈائی آکسائیڈ بھی کم بنے گا جو تھکاوٹ کا باعث بنتا ہے۔

تو اگر سیڑھیاں چڑھتے ہوئے سانس لینا مشکل ہوتا ہے تو دیکھیں کہ سانس پھول گیا ہے یا سانس لینا ہی مشکل ہوگیا ہے جس سے پھیپھڑوں کے کسی مرض کو پہچاننے میں مدد مل سکے گی

آج کل کی تیز رفتار زندگی میں وزن میں کمی کے خواہشمند افراد ورزش کے لیے وقت نکالنا مشکل ہے ایسے میں وزن میں کمی کے لیےسلاد یا ڈیٹاکس واٹر کا سہارا لیا جاتا ہے مگر غذا پر کچھ خاص توجہ نہیں دی جاتی مختلف غذائیں بھی اپنی روزمرہ زندگی میں شامل کر کے وزن میں کمی لائی جا سکتی ہے ماہرین غذائیت و فٹنس کے مطابق مناسب وزن اور پتلی کمر میں ورزش کے ساتھ غذا کا بہت اہم کردار ہوتا ہے، اگر آپ روزانہ کی بنیاد پر ورزش کر رہے ہیں اس کا 30 فیصد آپ میں تبدیلی لاتا ہے جبکہ 70 فیصد دارومدار آپ کی غذا پر ہے یعنی آپ چاہے روزانہ ورزش کریں مگر آپ کیا کھا پی رہے ہیں یہ بہت معنی رکھتا ہے اگر آپ اضافی وزن ختم کرنے کے خواہشمند ہیں اور زیادہ خرچہ بھی نہیں کرنا چاہتے تو گھر میں بنی ہوئی کھچڑی آپ کے لیے بہترین غذا ہے

وزن میں کمی کے خواہشمند افراد کا ماننا ہے کہ چاولوں کا استعمال وزن میں کمی کے بجائے وزن بڑھا دیتا ہے مگر ایسا نہیں ہے اگر آپ اپنی غذا میں چاولوں کا متوازن استعمال رکھیں تو اس میں کوئی نقصان نہیں ہے وزن میں کمی کے خواہشمند افراد کے لیے پروٹین کا زیادہ سے زیادہ استعمال تجویز کیا جاتا ہے

مزیدارچکن بریانی ریسیپی

کھچڑی میں دالوں کا استعمال آپ کو زیادہ دیر تک بھوک کا احساس نہیں ہونے دے گ، کھچڑی فائبر سمیت پروٹین بھی فراہم کرے گی جبکہ اس سے کولیسٹرول لیول بھی متوازن رہے گا

چاول، مختلف دالیں، ہلکے مسالوں سے تیار کردہ کھچڑی آپ کو مکمل غذائیت کے ساتھ وزن میں کمی میں مدد فراہم کرے گی جس سے آپ کمزور ہونے کے بجائے صحت مند طریقے سے اضافی وزن میں کمی لانے میں کامیاب ہو سکتے ہیں

کچھڑی میں سفید کے بجائے براؤن رائس اور سبزیاں بھی استعما ل کی جا سکتی ہیں کھچڑی بنانے کا طریقہ درج ذیل ہے

اجزاء:
چاول ایک کپ
کوئی بھی دال ایک کپ
کٹی ہوئی سبزیاں دو کپ اپنی پسند کے مطابق
نمک حسب ذائقہ
پانی 5 سے 6 کپ
زیرہ ایک کھانے کا چمچہ
ہینگ ایک چٹکی
ہلدی ایک چٹکی

ترکیب:
پتیلی میں ایک کھانے کا چمچ تیل یا گھی گرم کریں، اب اس میں زیرہ، ہینگ، ہلدی شامل کر یں اور 10 سے 15 سیکنڈ کے لیے بھون لیں اب اس میں سبزیاں شامل کر کے 3 سے 4 منٹ تک پکائیں اب اس میں دالیں چاول اور پانی ڈال کر ڈھانپ دیں ، دالیں اور چاول پکائیں یہاں تک کہ گل جائیں پانی خشک ہونے کے بعد چند منٹوں کا دم دیں لیں یا کھچڑی کو گیلا ہی رہنے دیں مزیدار گرما گرم صحت بخش کھچڑی تیار ہے

سر کی جِلد پر ہونے والے مہاسے سر میں خارش کا سبب بنتے ہیں جنہیں ہم نظر انداز نہیں کر سکتے یہ لال رنگ کے دانے سر میں بھی اسی طرح نکلتے ہیں جس طرح منہ پر نکلتے ہیں

بالوں کے نیچے موجود کھوپڑی کے خلیوں کو فضائی آلودگی، فنگل انفیکشن اور بیکٹیریا سے نقصان پہنچتا ہے ایک تحقیق کے مطابق بالوں کی جڑ کھوپڑی کے جس سوراخ میں ہوتی ہے اسے فولیکل کہتے ہیں یہاں مخصوص خلیے پائے جاتے ہیں، انہیں ہیومن فولیکل ڈرمل پپیلا سیل کہا جاتاہے ہوا میں موجود مختلف ذرات فولیکل پر اثر انداز ہونے کے ساتھ ساتھ ان میں موجود خلیوں اور پروٹینز پر بھی اثر انداز ہوتے ہیں

علاوہ ازیں سر میں دانے نکلنے کی وجہ آپکا اپنا لائف اسٹائل بھی ہے ہارمونز کا عدم توازن اور غیر صحت بخش غذا بھی ان دانوں کی وجوہات میں شامل ہے جس کی روک تھام کے لئے اپنا کھانا پینا بہتر کرنا ہوگا اپنا لائف اسٹائل تبدیل کرنے اور صحت بخش غذا کھانے سے بغیر کسی علاج کے یہ دانے خود ہی غائب بھی ہو جاتے ہیں

سر میں مہاسوں کی ایک وجہ غلط تیل یا ہیئر پراڈکٹس کا استعمال ہے اس بات کو یقینی بنائیں کہ آپ جو تیل اور شیمپو استعمال کر رہے ہیں وہ آپ کی جلد سے مطابقت رکھتے ہیں یا نہیں دانوں کی ایک بڑی وجہ بالوں میں تیل کا زیادہ مقدار میں استعمال بھی ہے کیونکہ دانوں سے نجات کے لئے سر کی جلد کو صاف ستھرا اور چکنائی سے پاک ہونا ضروری ہے