Category: بین الاقوامی

لیچی کھانے سے 100 بچوں کی اموات ہو چکی ہیں، لیچی کھانے والے بچوں کو آئی سی یو میں رکھا گیا ہے.
بھارت کی ریاست بہار میں لیچی کھانے کے بعد دماغی بیماری سے 100 بچے ہلا ک ہو گئے،

باغی ٹی وی کی رپورٹ کے مطابق بھارتی ریاست بہار میں لیچی کھانے کے بعد 100 سے زائد بچے ہلاک ہو گئے. خطرناک دماغی بیماری کے باعث زیر علاج بچوں کو آئی سی یو میں رکھا گیا ہے اور انھیں بچانے کی کوشش کی جا رہی ہے. بھارتی ڈاکٹرز کے مطابق دماغی بیماری کو مقامی طور پر چمکی بخار کہا جاتا ہے، ڈاکٹرز نے اندیشہ ظاہر کیا ہے کہ لیچی میں زہریلا مواد بچوں کی موت کا سبب ہو سکتا ہے ،بچوں میں یہ بیماری موسم گرما میں لیچی کے سیزن میں پھیلتی ہے کیونکہ بچے لیچی کو بہت پسند کرتے ہیں اور شوق سے کھانا پسند کرتے ہیں۔ بھارتی حکام کا اس حوالہ سے کہنا ہے کہ طبی ماہرین نے گرمی کی شدت بڑھتے ہی والدین کو بچوں کا خیال رکھنے کی ہدایات کی تھیں تاہم والدین کی جانب سے ہدایات کو سنجیدہ نہیں لیا گیا۔ بھارتی محکمہ صحت کے حکام کا کہنا ہے کہ دماغ کی سوزش کی بیماری میں مبتلا کا بلڈ شوگر اچانک گر جاتا ہے جس سے موت ہو جاتی ہے۔ مظفر گڑھ اور ہمسایہ ریاستوں میں گرمیوں کے موسم میں یہ بیماری 1995 سے سامنے آ رہی ہے جس کو مقامی زبان میں’ چھمکی‘ بخار بھی کہا جاتا ہے .

واضح رہے کہ اس سے قبل 2014 میں بھی بھارتی ریاست بہار میں اسی بیماری سے 150 ہلاکتیں ہوئی تھیں .

اسرائیلی وزیراعظم نےگولان پہاڑیوں پرنئی یہودی آبادکاری کاافتتاح کر دیا ہے اور گولان پہاڑیوں پرنئی یہودی آباد ی کانام امریکی صدر ٹرمپ کےنام پررکھا گیاہے.

باغی ٹی وی کی رپورٹ کے مطابق ٹرمپ نے مارچ میں شام اسرائیل متنازع گولان پہاڑیوں پر اسرائیل کے قبضے کو تسلیم کرلیا تھا. اسی وفاداری کے صلہ میں‌ نئی یہودی آبادی کا نام ٹرمپ کے نام پر رکھا گیا ہے.

واضح رہے کہ ٹرمپ جس دن سے برسراقتدار آئے ہیں‌ اسرائیل کی کھل کر حمایت کر رہے ہیں. ٹرمپ کی جانب سے امریکی سفارت خانہ القدس منتقل کرنے کا اعلان کیا گیا تھا جس پر پوری دنیا کی جانب سے مذمت کی گئی تھی.

بھارت میں‌ مودی کی حکومت آنے کے بعد بھارتی انتہا پسند ایک بار پھر آپے سے باہر ہو گئے. بھارتی انتہا پسند تنظیم شیو سینا کے سربراہ ادھو ٹھاکر نے مودی سے مطالبہ کیا ہے کہ حکومت قانون سازی کر کے بابری مسجد کی جگہ رام مندر تعمیر کرے

باغی ٹی وی کی رپورٹ کے مطابق بھارتی انتہا پسند تنظیم شیوسینا کے سربراہ ادھو ٹھاکرے ایودھیا کا دورہ کیا اس موقع پر شیو سینا کے 18 رکن اسمبلی اور ٹھاکرکے اہلخانہ بھی ان کے ہمراہ تھے. ایودھیا میں ٹھاکر نے میڈیا سے گفتگو میں بھارتی وزیراعظم نریندر مودی سے مطالبہ کیا کہ بھارتی حکومت قانون سازی کرے اور رام مندر بنائے. ہم نے مودی کی اسی لئے سپورٹ کی تھی کہ وہ دوبارہ جیت کر رام منرر بنائیں گے، شیو سینا ہندتوا کی حامی ہے بے جی پی بھی ہندتوا کی بات کرتی ہے دونوں کی طاقت سے مودی وزیراعظم بنے اب رام مندر کے لئے قانون سازی کریں اور بنائیں. ٹھاکر نے مزید کہا کہ پہلے رام مندر پھر حکومت، مودی اب پہلے رام مندر بنائیں اور پھر حکومت کریں ، لوک سبھا اجلاس میں قانون سازی مودی کروائے اور مندر بھی بنوائے.

امریکا کا طیارہ پھسل گیا جس کے باعث کئی مسافر معمولی زخمی ہوگئے۔

تفصیلات کے مطابق ، امریکا کے نیوآرک ایئرپورٹ پرلینڈنگ کے دوران طیارہ بے قابو ہوکررن وے سے پھسل گی امریکن
فیڈرل ایوی ایشن کے مطابق ڈینورسے 166مسافروں کو لانے والی یونائیٹڈ ایئرلائنز کی پرواز 627 کو نیوجرسی کے نیوآرک ایئرپورٹ پرلینڈنگ کے دوران حادثہ پیش آیا۔حادثے کے بعد ائیرپورٹ ایک گھنٹے تک بند رہا۔

ٹائرنہ کھلنے کے سبب طیارے کا اگلا حصہ جزوی طور پر رن وے سے پھسل کر گھاس پر آگیا اور کئی مسافرمعمولی زخمی ہوئے جنہیں طبی امداد دے کر رخصت کردیا گیا۔

حادثے کے بعد ایک گھنٹے کے لیے ایئرپورٹ بندرہا جس کی وجہ سے آنے اور جانے والی تمام پروازیں تاخیر کا شکارہوگئی ہیں۔متعلقہ ایجنسیز نے واقعے کی انویسٹی گیشن کا آغاز کر دیا.

دہشت گردانہ حملوں کے بارے میں 40 دن پہلے علم ہوچکا تھا ،ترک انٹیلی جنس سابق عہدیدار کا دعوی

باغی ٹی وی رپورٹ کے مطابق نائن الیون کو ورلڈ ٹریڈ سینتڑ پر حملوں کے بارے میں اہم انکشاف سامنے آیا ہے کہ ترکی کے انٹیلی جنس کے شعبہ انسداد دہشت گردی کے ایک سابق عہدہ دار محمد ایمور نے دعویٰ کیا ہےکہ ترک خبر رساں اداروں کو 11 ستمبر 2001ء کو امریکا میں‌ ہونے والے دہشت گردانہ حملوں کے بارے میں 40 دن پہلے علم ہوچکا تھا مگراُنہیں سنجیدہ نہیں لیا گیا۔ ان کا کہنا ہےکہ ترکی کو یہ معلومات ترکی کے منشیات کے ایک تاجر مصطفیٰ کے ذریعے حاصل ہوئی تھیں۔ ایمور نے دعویٰ‌ کیا کہ وہ بعض ملکوں میں جاسوس کے طور پرکام کرتے رہےہیں تاہم انہوں‌نے ان ملکوں‌کا نام نہیں لیا۔

ترک انٹیلی جنس سابق آفیسر کاکہنا ہے کہ اگر انٹیلی جنس ادارے ان کی وارننگ کو سنجیدگی سے لیتے تو دہشت گردانہ حملے میں ہزاروں‌افراد کو بچایا جاسکتا تھا۔

خیال رہے کہ گیارہ ستمبر 2001ء کو امریکہ میں واقع جڑواں ٹاورز پرجہازوں کے ذریعے کیے گئے دہشت گردانہ حملوں میں القاعدہ کو ملوث بتایا جاتا ہے مگر اس حوالے سے کئی اور مفروضے بھی مشہور ہیں۔ ترک انٹیلی جنس کے سابق عہدیدار کا بیان بھی ان مفروضوں اور قیاس آرائی پرمبنی کہانیوں میں ایک نیا اضافہ ہے۔

جرمنی کے شہر لونبرگ میں مقامی انتظامی عدالت نے ایرانی فضائی کمپنی ماہان ایئر کے جرمنی کی فضاؤں میں سفر پر پابندی سے متعلق سابقہ عدالتی فیصلے کی تائید کر دی ہے اور یہ بھی قرار دیا گیا ہے کہ اس فیصلے کے خلاف اپیل نہیں کی جا سکے گی۔

باغی ٹی وی کی رپورٹ‌ کے مطابق ایرانی فضائی کمپنی ماہان ایئر جس پر پابندی لگائی گئی ہے یہ ایران کی دوسری بڑی فضائی کمپنی ہے اور 1992 میں ایران کی پہلی نجی فضائی کمپنی کے طور پر اس کا قیام عمل میں‌ لایا گیا تھا. یہ وہ کمپنی ہے جس کے پاس ایران میں طیاروں‌کا سب سے بڑا بیڑا ہے. امریکہ نے دس سال قبل 2011 میں مذکورہ فضائی کمپنی ماہان ایئر پر پابندیاں عائد کیی تھیں اور یہ الزام عائد کیا گیا تھا کہ ماہان ایئر نے ایرانی پاسداران انقلاب کی مالی مدد کے علاوہ دیگر صورتوں میں بھی معاونت فراہم کی تھی۔

امریکہ کی جانب سے پابندیوں‌ کے بعد دیگر مغربی ملکوں سے بھی کہا گیا تھا کہ وہ ماہان ایئر پر پابندیاں‌ لگائیں. جس کے بعد پہلے فرانس نے پابندی لگائی تھی اور اب جرمنی کی طرف سے یہ اقدام سامنے آیا ہے. جرمنی میں کئے جانے والے عدالتی فیصلے کی تفصیلات میں کہا گیا ہے کہ پابندی کی وجوہات کا تعلق خارجہ اور سیکورٹی پالیسی سے ہے۔ جرمن وزارت خارجہ نے ماہان ایئر پر الزام عائد کیا تھا کہ اس نے عسکری ساز و سامان اور عسکریت پسندوں کو شام منتقل کیا ہے.

واضح‌ رہے کہ تیل بردار جہازوں پر حملوں کے بعد ایران کے خلاف مزید سخت اقدامات کئے جارہے ہیں.

برطانوی وزیر خارجہ جیرمی ہنٹ نے خلیج عمان میں دو تیل بردار جہازوں‌ پر حملے میں ایرانی پاسداران انقلاب کو ملوث قرار دیا اور کہا ہے کہ ان جہازوں پر حملوں سے کسی اور ملک کو فائدہ نہیں ہوسکتا اور نہ ہی ایران کے سوا کوئی دوسرا ملک اس واقعے کا ذمہ دار ہو سکتا ہے۔

باغی ٹی وی کی رپورٹ کے مطابق برطانوی وزیر خارجہ جیرمی ہنٹ نے کہا کہ ایران ماضی میں بھی تیل بردار جہازوں‌ پر حملے کرتا رہا ہے۔ ہماری تحقیقات اور ان کے نتائج یہ بتا رہے ہیں کہ تیل بردار جہازوں‌ پر حملوں‌ میں‌ ایرانی پاسداران انقلاب ملوث ہے۔ ان کا کہنا تھاکہ ایران خطے کو افراتفری کا شکار کرنا چاہتا ہے اوروہ اس پورے خطہ کیلیے سب سے بڑا خطرہ بن کرابھر رہا ہے۔ برطانوی وزیر خارجہ کا یہ بھی کہنا تھاکہ انہیں‌اس بات کا بھی یقین ہے کہ چند دن قبل متحدہ عرب امارات کی الفجیرہ ریاست کے قریب علاقائی پانیوں میں چار تیل بردار جہازوں پر حملے میں بھی ایران کا ہاتھ تھا۔

برطانوی وزیر خارجہ سے قبل امریکی سیکرٹری خارجہ مائیک پومپیو نے بھی یہ بیان دیا تھا کہ خلیج عمان میں‌ تیل بردار جہازوں پر ہونے والے حملوں‌ میں ایران ملوث ہے.