Category: بین الاقوامی

اسرئیل نے راکٹ حملوں کی آڑ میں حماس کے شہری علاقوں پر بمباری شروع کر دی

(باغی ٹی وی رپورٹ)
اسرئیل نے راکٹ حملوں کی آڑ میں حماس کے شہری علاقوں پر بمباری شروع کر دی جبکہ فوج کے مطابق اسرائیلی لڑاکا طیارے نے غزہ میں حماس کے ایک ٹھکانے پر بنکرز کو نشانہ بنایا۔ اسرائیلی فوج کے مطابق یہ حملہ غزہ سے جمعرات کو علی الصباح کئے گئے راکٹ حملے کا ردعمل تھا۔
اس سے قبل اسرائیلی فوج نے 4 جون کو ماہی گیروں کے لئے غزہ کی بحری حدود کو 15 میل تک بڑھا دیا تھا مگر اب انہوں نے اپنے فیصلے کو واپس لے لیا۔

غاصب اسرائیلی فوج نے فلسطین میں‌ مغربی کنارے اور یروشلم سے طلباء سمیت 25 فلسطینی اغواء‌ کر لئے

دوسری طرف اردن وادی کے علاقے آوار میں 5 گھر اور زرعی اراضی میں تعمیر بارکوں کو "Cزون” میں ہونے کی وجہ سے اسرائیلی فوج کی طرف سے منہدم کر دیا گیا ہے۔

واضح رہے کہ اسرائیل نے 1967 میں مشرقی بیت المقدس اور دریائے اردن کے مغربی کنارے پر قبضہ کیا اور تب سے ہی ان علاقوں میں موجود فلسطینیوں کے گھروں کو مختلف بہانوں سے منہدم کر رہا ہے۔

عمان میں ایران کے نزدیک دو تیل بردار بحری جہازوں پر حملے کے بعد عالمی منڈی میں تیل کی قیمتوں میں چار فی صد سے زیادہ اضافہ ہو گیا ہے۔

گذشتہ ماہ بھی اسی علاقے میں امارت فجیرہ کے نزدیک خلیج عمان میں چار تیل بردار بحری جہازوں پر بارودی سرنگوں سے حملہ کیا گیا تھا۔ ان میں دو بحری جہاز سعودی عرب کے تھے۔ایک ناروے اور ایک متحدہ عرب امارات کا تھا۔

جمعرات کو اس حملے کے بعد برینٹ نارتھ میں تیل کی قیمتوں میں 4.45 فی صد اضافہ ہوا ہے اور مستقبل کے لیے تیل کے فی بیرل سودے 62.64 ڈالر میں ہوئے ہیں۔ اس طرح تیل کی فی بیرل قیمت میں 1.72 ڈالر کا اضافہ دیکھنے میں آیا ہے۔واضح رہے کہ اس حملے کی ویڈیو کا امریکی بحریہ نے شائع کی ہےجس میں ایرانی جہاز کو ان آئل ٹینکرز کی طرف آتے ہوئے دکھایا گیا.

باغی ٹی وی رپورٹ.سعودی فرمانروا شاہ سلمان کی بیٹی اور شہزادہ محمد بن سلمان کی بہن پر فرانس میں مقدمہ چلایا جائے گا، شہزادی پر اپنے ملازم پر تشدد کا الزام تھا.

سعودی عرب کے بادشاہ سلمان بن عبدالعزیز کی بیٹی حسا بنت سلمان کے خلاف مقدمہ ان کی عدم موجودگی میں چلایا جائے گا، سعودی شہزادی کے خلاف اپنے باڈی گارڈ سے فرانسیسی شہری پر تشدد کرانے کے الزامات ہیں۔

سعودی شہزادی کے خلاف مقدمہ ستمبر دو ہزار سولہ میں درج کیا گیا تھا اور دو ہزار سترہ میں سعودی شہزادی کے انٹرنیشنل وارنٹ گرفتاری بھی جاری کیے گئے تھے۔

اتحادی فوج نے سعودی سرحد پر حوثی باغیوں کے پانچ ڈرون طیارے مار گرائے

باغی ٹی وی رپورٹ
عرب اتحادی فوج کے ترجمان کرنل ترکی المالکی کے مطابق سعودی ایئر ڈیفنس نے یمنی باغیوں کی جانب سے سعودی عرب کے سرحدی علاقوں خمیس مشیط اور ابھا کی طرف فائر کیے گئے پانچ ڈرون طیارے مار گرائے۔ جس وجہ سے شہری آبادی کسی بڑے نقصان سے محفوظ رہی .

عرب اتحاد افواج کے کرنل ترکی المالکی نے بتایا کہ ابھا کے ہوائی اڈے پر فلائٹ آپریشن معمول کے مطابق جاری ہے۔ہزاروں فلائٹس اس اس ہوائے اڈے سے اب جاری ہیں.

کرنل ترکی المالکی کے مطابق باغیوں کے بیشر حملے ناکام بنائے جا رہے ہیں.اور ان کی حکومت یمن میٍں آئینی حکومت کو بحال کرنے اور یمن میں امن کے فروغ کے لیے کوشاں ہے
واضح رہے کہ بدھ کے روز حوثی باغیوں‌ نے ابھا کے بین الاقوامی ہوائی اڈے پر میزائل حملہ کیا جس کے نتیجے میں 26 مسافر زخمی ہو گئے تھے۔ زخمی ہونے والوں میں دو سعودی بچے، بھارتی، یمنی اور مقامی شہری اور تین خواتین بھی شامل تھیں۔

قطر نے سرمائے کا ایک بڑا حصہ ترک اسٹاک ایکسچینچ سے نکال لیا

باغی ٹی وی رپورٹ کے مطابق قطر نے اپنے سرمائے کا ایک بڑا حصہ ترک اسٹاک ایکسچینج سے نکال لیا.جس وجہ سے ترکی اسٹاک ایکسچینج میں قطر سرمایا اکتیس فیصد تک محدود ہو گیا.قطر پچھلے چھ ماہ سے مسلسل اپنا سرمایہ ترک سٹاک مارکیٹ سے نکال رہا ہے
قطر نے تُرک اسٹاک ایکسچینج سے نکالی گئی چار ارب 60 کروڑ ترک لیرہ کی رقم نکال لی ہے۔ تُرکی کے اعدادو شمار کےانسٹیٹیوٹ نے واضح کیا انٹرنیشنل سرمایا کر منظم طور پر اپنا سرمایا نکال رہے ہیں.
گذشتہ برس دسمبر میں تُرک اسٹاک مارکیٹ میں قطر کے محفوظ سرمائے کا حجم 14 ارب 70 کروڑ 45 لاکھ لیرہ تھا جو کہ مئی میں کم ہو کر 11 ارب 81 کروڑ لیرہ رہ گیا۔ ترکی میں قطری سرمایہ کاری میں 31 فی صد کمی ریکارڈ کی گئی ہے۔

امریکا کے ایک اہم دفاعی عہدیدار نے کہا ہے کہ خلیج عمان میں دو تیل بردار جہازوں پر حملوں میں ایران کے ملوث ہونے کا غالب امکان ہے. دونوں جہازوں‌ کو آبنائے ہرمز کے قریب تخریبی حملہ کا نشانہ بنایا گیا ہے. امریکی سیکرٹری خارجہ مائیک پومپیو نے بھی ان حملوں‌م میں‌ ایران کے ملوث ہونے کا کہا ہے.

باغی ٹی وی کی رپورٹ کے مطابق امریکی دفاعی عہدیدار کا بین الاقوامی میڈیا سے گفتگو کرتے ہوئے کہنا تھا کہ ایران ہی ان دونوں‌ تیل بردار جہازوں پر حملوں‌ کا موجب ہو سکتا ہے. امریکی عہدیدار نے ایران کے اس دعوے کو بھی مسترد کیا ہے جس میں اس نے کہا تھا کہ اس نے خلیج عمان میں ان دونوں جہازوں کے عملہ کو حملے کے بعد بچالیا ہے۔ امریکی عہدیدار کا گفتگو کرتے ہوئے کہنا تھاکہ ایران کا یہ دعویٰ‌ ننگا جھوٹ ہے جس کی کوئی حقیقت نہیں‌ ہے۔

واضح رہے کہ دو ٹینکروں مارشل آئس لینڈ کے پرچم بردار فرنٹ آلٹیر اور پاناما کے پرچم بردار کوکوکا کورجیئس پر جمعرات کو خلیج عمان میں آبنائے ہُرمز کے نزدیک بین الاقوامی پانیوں میں دہشت گردانہ حملے کا نشانہ بنایا گیا ہے۔ اس حملے کے بعد ان دونوں جہازوں سے عملہ کو باحفاظت نکال لیا گیا۔ بتایا گیا ہے کہ فرنٹ آلٹیر پر آتش گیر تیل ( نفتھا) اور کوکوکا کورجیئس پر میتھانول لدا ہوا تھا۔ ان میں سے ایک جہاز ایک آبی بم ( تارپیڈو) سے ٹکرایا تھا جس کے بعد اس کے ایک حصے کو آگ لگ گئی تھی جبکہ دوسرے جہاز کے مینجر کا کہنا ہے کہ مشتبہ تخریبی حملے کےبعد اس میں لدے مواد کو کوئی نقصان نہیں پہنچا اور وہ محفوظ رہا ہے۔

گذشتہ ماہ بھی اسی علاقے میں امارت فجیرہ کے نزدیک خلیج عمان میں چار تیل بردار بحری جہازوں پر بارودی سرنگوں سے حملہ کیا گیا تھا جن میں سے دو بحری جہاز سعودی عرب کے تھے جبکہ ایک ناروے اور ایک متحدہ عرب امارات کا تھا۔ ان حملوں‌ کے بعد سعودی عرب نے سخت ایکشن لیتے ہوئے مسلم ممالک کی قیادت سے رابطے کئے اور سعودی عرب میں مسلم ملکوں‌ کے سربراہان کی بڑی کانفرنس بلائی گئی تھی جس میں آئندہ کیلئے مشترکہ لائحہ عمل پر غور کیا گیا. اس کانفرنس میں وزیر اعظم پاکستان عمران خان سمیت دیگر ملکوں‌کی قیادت نے شرکت کی تھی اور حوثی باغیوں‌ کے حملوں کی شدید مذمت کی گئی تھی.

خلیج عمان میں دو تیل بردار جہازوں پر حملے کے بعد عالمی منڈی میں تیل کی قیمتوں میں تیزی سے اضافہ دیکھنے میں‌ آیا ہے. خلیج عمان میں ایران اور آبنائے ہُرمز کے نزدیک دو تیل بردار بحری جہازوں پر حملے کے بعد بین الاقوامی منڈی میں تیل کی قیمتوں میں چار فی صد سے زیادہ اضافہ ہوگیا ہے۔

باغی ٹی وی کی رپورٹ‌ کے مطابق تیل کے ٹینکروں‌ پر حملوں‌ کے بعد عملہ کو بحفاظت نکال لیا گیا. فرنٹ آلٹیر پر آتش گیر تیل اور کوکوکا کورجیئس پر میتھانول لدا ہوا تھا۔ ایک جہاز کے مینجر کا کہنا ہے کہ اس دہشت گردانہ حملے کےبعد اس میں لدے مواد کو کوئی نقصان نہیں پہنچا ہے اور وہ مکمل طور پر محفوظ رہا ہے۔ گذشتہ ماہ بھی اسی علاقے میں امارت فجیرہ کے نزدیک خلیج عمان میں چار تیل بردار بحری جہازوں پر بارودی سرنگوں سے حملہ کیا گیا تھا جن میں دو بحری جہاز سعودی عرب کے تھے۔ایک ناروے اور ایک متحدہ عرب امارات کا تھا۔ ان حملوں‌ کے بعد سعودی عرب کی جانب سے او آئی سی کا اہم اجلاس طلب کیا گیا تھا اور آئندہ کے مشترکہ لائحہ عمل کا اعلان کیا گیا تھا.

تیل ٹینکروں پر حملہ کے بعد جمعرات کو برینٹ نارتھ میں تیل کی قیمتوں میں 4.45 فی صد اضافہ ہوا ہے اور مستقبل کے لیے تیل کے فی بیرل سودے 62.64 ڈالر میں ہوئے ہیں۔ اسی طرح تیل کی فی بیرل قیمت میں 1.72 ڈالر کا اضافہ دیکھنے میں آیا ہے۔اطلاعات کے مطابق امریکا میں ویسٹ ٹیکساس انٹر میڈیٹ میں بھی خام تیل کی قیمت میں 1.32 ڈالر فی بیرل کا اضافہ ہوا ہے اور فی بیرل قیمت 52.46 ڈالر ہوگئی ہے۔

واضح رہے کہ حال ہی میں امریکا کے تیل کے ذخائر میں غیر متوقع اضافے اور عالمی مارکیٹ میں تیل کی طلب میں کمی کے پیش نظر تیل کی قیمتوں میں کمی واقع ہوئی تھی تاہم ان حملوں‌ کےبعد تیل کی قیمتوں‌میں‌ دوبارہ اضافہ دیکھنے میں‌ آ رہا ہے. سعودی عرب کی جانب سے ان حملوں میں‌ حوثی باغیوں‌ کو ملوث ٹھہرایا گیا او رکہا گیا ہے کہ اس کا بھرپور جواب دیا جائے گا.