Category: بین الاقوامی

شوہر نے سوشل میڈیا ایپ ٹک ٹاک استعمال کرنے سے روکا تو بیوی نے خود کشی کر لی

باغی ٹی وی کی رپورٹ کے مطابق بھارتی ریاست تامل ناڈو میں 42 سالہ شادی شدہ خاتون انیتا جو ٹک ٹاک کا استعمال کرتی تھی، کو شوہر نے ٹک ٹاک استعمال کرنے سے روکا تو اس نے خود کشی کر لی اور ٹک ٹاک پر خود کشی کرتے ہوئے بھی ویڈیو بنائی. 42 سالہ انیتا کی شادی پلانیوال سے ہوئی تھی،انیتا کے ایک بیٹا اور ایک بیٹی بھی تھی. انیتا نے اپنی سہیلیوں سے ٹک ٹاک چلانا سیکھا اس کے بعد اس نے اپنا زیادہ وقت اسی پر گزارنا شروع کر دیا، بچوں کی طرف اس کی توجہ کم ہو گئی، جب اس کے شوہر کو معلوم ہوا تو اس نے بیوی کو ٹک ٹاک سے دور رہنے کی کہا ،اور موبائل فون لے لینے کی دھمکی دی . انیتا نے شوہر کے منع کرنے پر اس نے زہر کھا لی ، اطلاع ملنے پر اسے مقامی ہسپتال لے جایا گیا لیکن وہ ہلاک ہو گئی.

عمان (مسقط۔نمائندہ باغی ٹی وی) تیل اور گیس کی دولت سے مالا مال خلیجی ریاست سلطنت آف عمان میں حکومت نے کچھ نئے ٹیکسوں کو نافذ کر دیا ہے۔ تفصیلات کے مطابق عمان چیمبر آف کامرس اینڈ انڈسٹری (OCCI) کے مطابق نئے ٹیکسوں کے نفاذ سے ملکی معیشت کو بہتر بنانے میں مدد ملے گی۔ 15 جون بروز ہفتہ سے نافذ العمل ہونے والے نئے قوانین کے تحت کاربونیٹڈ مشروبات پر 50 فیصد جبکہ تمباکو سگریٹ انرجی ڈرنکس اور الکوحل پر 100 فیصد ٹیکس صارفین کو ادا کرنا ہو گا۔
چند روز قبل عمان چیمبر آف کامرس کے چیئرمین نے کاروباری شخصیات سے ایک اہم ملاقات میں بتایا کہ مثال کے طور پر اگر کاربونیٹڈ مشروبات کی قیمت 150 پیسہ ہے تو 50 فیصد کے حساب سے نئی قیمت 225 پیسہ ہو جائے گی۔ جبکہ سگریٹ کا پیکٹ 1,200 سے بڑھ کر 2,400 عمانی ریال کا ہو جائے گا۔
یاد رہے ریاست اس سے پہلے ہی لیبر کارڈ کی تجدید، مختلف شعبہ جات کی رجسٹریشن، ٹریفک چالان، اور دیگر اشیاء کی قیمتوں میں اضافہ کر چکی ہے۔

بھارتی ریاست مہاراشٹر میں چار ماہ میں 808 کسانوں نے خود کشی کی ہے

باغی ٹی وی کی رپورٹ کے مطابق مہاراشٹر میں کسانوں کی خود کشی پر بھارت سرکار پر جوں تک نہیں رینگتی کیونکہ گزشتہ برس یعنی سال 2018 میں بھی ابتدا کے چار ماہ میں 896 کسانوں نے خود کشی کی تھی. اس سال 808 کسان خود کشی کر چکے ہیں. بھارتی ریاست مہاراشٹر کے ودربھ علاقے میں سب سے زیادہ کسانوں نے خودکشی کی۔ اپریل کے آخر تک اس علاقے میں 344 کسانوں نے خود کشی کی.پانی کے بحران کی وجہ سے مراٹھواڑا میں 269 کسانوں نے خودکشی کی۔ شمالی مہراشٹر میں 161، مغربی مہاراشٹر میں 34 کسانوں نے خودکشی کی۔ بارشیں نہ ہونے کی وجہ سے بھارتی کسانون کی فصلیں تباہ ہوئیں ،ا نہیں بھاری نقصان اٹھانا پڑا لیکن مودی سرکار نے کسانون کی مدد نہ کی جس کی وجہ سے کسان خود کشیاں کر رہے ہیں. حکومت نے 2017 میں کسانوں کے قرض معافی کا اعلان کیا تھا مگر عملدرآمد نہ ہوا. کسانوں کا کہنا ہے کہ پانی کے بحران کی وجہ سے فصلیں تباہ ہوئیں تو ساتھ میں دودھ کی پیداوار بھی متاثر ہوئی کیونکہ جانورون کو دینے کے لئے چارہ نہیں ملتا .

یورپی عدالت کے مشیروں نےاسرائیل کو آرڈر جاری کیا ہے کہ فلسطین کے مقبوضہ علاقوں میں قائم مصنوعات پر خصوصی ٹیگ لگائے

باغی ٹی وی رپورٹ کے مطابق یورپی ایڈووکیٹ جنرل جیرارڈ ھوگن کی طرف سے پیش کی گئی سفارش پر تمام یورپی ملکوں‌ کی طرف سے عمل درآمد کرنا لازمی نہیں تاہم سابق آئرش جج کا کہنا ہے کہ اس سے اسرائیلی مصنوعات کی خریداری متاثر ہو سکتی ہے۔ اس کے علاوہ ایڈووکیٹ جنرل کی سفارش سے فرانس کی سپریم کورٹ میں‌ جاری بحث کو بھی تقویت ملے گی جس میں دریائے اردن کے مقبوضہ مغربی کنارے، مشرقی بیت المقدس اور سنہ 1967ء کی جنگ میں قبضے میں لیے گئے فلسطینی علاقوں میں قائم کردہ غیر قانونی کارخانوں میں تیار ہونے والی مصنوعات پر پابندی یا ان پر خصوصی لیبل لگانے کا مطالبہ کیا گیا ہے۔اس کا مقصد یہ ہے کہ دنیا میں یورپ کی ان مصنوعات کی شناخت ہو سکے جو فلسطین کے قبضہ شدہ علاقوں سے تیار کی جاتی ہیں

مودی سرکار نے سکھ یاتریوں کو پاکستان آنے سے روکا تو انہون نے بھارتی زمین پر ہی بھارتی وزیراعظم کے خلاف نعرے لگانے شروع کر دئیے

باغی ٹی وی کی رپورٹ کے مطابق مودی سرکار نے سکھ یاتریوں کی پاکستان آمد کے حوالہ سے روڑے اٹکانا شروع کر دئیے ہیں. سکھ یاتری اپنے پانچویں گرو کی برسی مانے کے لئے پاکستان آنا چاہپتے تھے ، دو سو کے قریب سکھ یاتریوں کو پاکستان نے ویزہ جاری کیا لیکن جب سکھ یاتری اٹاری سٹیشن پر پہنچے تو بھارت نے انہیں پاکستان آنے سے روک دیا جس پر سکھوں نے اٹاری سٹیشن پر دھرنا دے دیا اور بھارت سرکار کے خلاف نعرے بازی کی، پاکستان میں بھی سکھ تنظیموں نے بھارت سرکار کے اس فیصلے کی مذمت کی ہے. سکھوں کا مذہبی دن 16 جون کو منایا جائے گا .

واضح رہے کہ وفاقی حکومت اور پنجاب حکومت سمیت دیگر اداروں نے سکھ یاتریوں کی مہمان نوازی اور دیکھ بھال کے لیے اقدامات کیےتھے ۔ وزیر اعظم عمران خان کے کرتار پور راہداری کھولنے کے اقدام سے دنیا بھر میں پاکستان کو خوب پذیرائی ملی ہے اور پاکستان کی نیک نامی میں بھی اضافہ ہو رہا ہے ، جوڑ میلہ کی تقریبات کے لئے آنے و الے یاتریوں کی رہائش اور کھانے پینے کے لئے بہترین انتظامات کئے گئے ہیں اور اس ضمن میں گوردواروں میں صفائی ، ٹھنڈے پانی کی فراہمی اور گرمی سے بچائو کے لئے ائر کولرز اور پنکھوں کا انتظام کیا گیا ہے۔

بھارتی علاقے شاہ جہان پور میں 13 سالہ بچی کو 2 مردوں نے زیادتی کانشانہ بنا ڈالا

باغی ٹی وی رپورٹ کے مطابق ، بھارت کے علاقے شاہ جہان پور تھانے کھتر میں دو ہندوؤں نے ایک معصوم بچی کو اس وقت اجتماعی زیادتی کا نشانہ بنا ڈالا جب اس کےوالدین دوائی لینے میڈیکل سٹور گئیے تھے.والدین جب واپس لوٹے تو درندہ صفت مجرم دیسی ساختہ پستول اور تلوار لہراتے موقع سے فرار ہوگئے.متاثرہ بچی کو میڈیکل رپورٹ کے لیے ہسپتال بھیج دیا گیا جب کہ مجرموں کی کوئی اطلاع نہیں ہے.

واضح رہے بچوں اور لڑکیوں پر اس طرح کے جنسی حملے بھارت کے اندر شدت اختیار کر گئے ہیں .اس وجہ سے دلی دارالحکومت کو ریپ کیپیٹل یا ریپستان کہا جاتا ہے.