Category: بین الاقوامی

خلیج عمان میں دھماکے سے دو تل بردار ٹینکوں پر حملہ زور دار دھماکہ

تفصیلات کے مطابق:جہاز رانی سے وابستہ ذرائع کا کہنا ہے کہ جمعرات کے روز خلیج اومان میں دو تیل بردار جہازوں پر مشتبہ حملوں کی اطلاعات ملی ہیں۔ میری ٹائم ٹریڈ آپریشنز ذرائع کے مطابق حملے کا نشانہ بننے والے جہازوں سے عملے کو بحفاظت نکال لیا گیا ہے۔ ایک ماہ قبل خطے میں ایسے ہی حملوں میں چار تیل بردار ٹینکروں کو نشانہ بنایا جا چکا ہے۔

برطانوی بحریہ کے زیر انتظام یو کے میری ٹائم ٹریڈ آپریشنز نے حملے سے متعلق انتباہ جاری کر دیا ہے، تاہم اس حملے کی تفصیل ابھی فراہم کی گئی کیونکہ حکام تفتیش کر رہے ہیں۔
بحرین میں تعینات پانچویں امریکی بحری فلیٹ کے ترجمان کمانڈر جوشوا فرے نے بتایا کہ فلیٹ کی کمان خطے میں رونما ہونے والے مبینہ واقعے سے آگاہ ہے، تاہم انھوں نے تفصیل بتانے سے گریز کیا۔ امریکی خبر رساں ایجنسی سے بات کرتے ہوئے مسٹر فرے کا کہنا تھا کہ ’’تاہم تفصیلات حاصل کرنے کے لئے کام کر رہے ہیں۔‘‘

وزیراعظم عمران خان شنگھائی تعاون تنظیم کے اجلاس میں شرکت کے لئے بشکک پہنچ گئے

باغی ٹی وی کی رپورٹ کے مطابق وزیراعظم عمران خان کا استقبال کرغزستان کے ہم منصب نے کیا ، اس موقع پر پاکستا ن کے وزیر خارجہ شاہ محمو دقریشی بھی وزیراعظم کے ہمراہ ہیں. وزیراعظم عمران شنگھائی تعاون تنظیم سربراہی اجلاس میں شرکت کریں گے اور دو سیشن میں خطاب بھی کریں گے، وزیراعظم سے روس اور چین کے صدر کی ملاقات بھی طے ہے، اجلاس میں بھارتی وزیراعظم نریندر مودی بھی شرکت کریں گے.

سعودی عرب میں نائٹ کلب کھولنےکی تیاریاں ہو گئیں اس سلسلے میںسعودی عوام کی رائے تقسیم ہے.

باغی ٹی وی کی رپورٹ کے مطابق سعودی عرب میں نئے نائٹ کلب کے قیام پر سعودی عوام تقسیم ہے اورجت پسند حمایت میں ہے جبکہ دیندار طبقہ اس کی مخالفت کررہا ہے.اس نائٹ کلب کو "البوابہ” اور”سٹیپ فیڈ” نے ‘حلال” نائٹ کلب کا نام دیا ہے . ان کا دعوی ہے کہ یہاں نان الکوحل مشروبات کا بار ہوگا.اسی طرح تفریح کے لیے فیملی بھی انٹرٹینمنت کر سکیں گے.

دبئی کی ایک وائٹ کلب کممپنی اس نائٹ کلب کو سعودی عرب کے شہر جدہ میں کھولنے جا رہی ہے.واضح رہے کہ سعودی عرب میں شہزادہ محمد بن سلمان نے سعودی معاشرے میں اصلاحات لانے کا اعلان کر رکھا ہے اور اس وجہ سے اب سعودی معاشرے میں ان امور کا اضافہ ہو رہا ہے جن کو ممنوع سمجھا جاتا تھااور اس کی اجازت نہیں ہوتی تھی.

مصر میں ایک ہسپتال کے آپریشن تھیٹر کے اندر لیڈی ڈاکٹر کی موت کے واقعے نے سوشل میڈیا پر غم کی شدید لہر دوڑا دی۔

تفصیلات کے مطابق مصر کی ڈاکٹر کی دوران ڈیوٹی موت سے سوشل میڈیا کی دنیا افسردہ ہوگئی .یہ واقعہ مصر کے دارالحکومت قاہرہ کے شمال میں الساحل ٹیچنگ ہسپتال میں پیش آیا۔ ہسپتال کے آپریشن تھیٹر میں 35 سالہ اینستھیسیا ڈاکٹر مارگریٹ نبیل نے ایک مریض کو آپریشن سے قبل بے ہوش کیا۔

اپنا کام مکمل کرتے ہی مارگریٹ اچانک زمین پر گری اور اس کی روح پرواز کر گئی۔ اس منظر کو دیکھ کر آپریشن تھیٹر میں موجود تمام افراد حیران و پریشان رہ گئے۔

نومسلم فرانسیسی کھلاڑی نےمشرف بااسلام ہونے کے بعد اپنے تاثرات بیان کرتےہوئے بتایاکہ اسلام نے مجھے بہترین انسان بنا دیا

باغی ٹی وی رپورٹ کے مطابق مانچسٹر انگلش یونائیٹڈ کے مہنگے ترین فٹ بالر اور معروف نو مسلم کھلاڑی پال پوگبا نے مشرف بہ اسلام ہونے اورراہ ہدایت اختیار کرنے پر فخر کا اظہار کیا ہے۔ ان کا کہنا ہے کہ اسلام انسانیت کا دین ہے جس نے مجھے بہترین انسان بنا دیا۔ نو مسلم پال پوگبا کا کہنا ہے کہ بیس سال کی عمرمیں اسلام قبول کرنے کے بعد شعائر اسلام کی ادائی نے مجھے بہترین انسان میں تبدیل کردیا۔

چھبیس سالہ پوگبا نے انکشاف کیا کہ اس نے زندگی میں بہت مشکل اوقات دیکھے۔ اس کا کہنا ہے کہ اپنے بعض دوستوں کے ذریعے میرا تعارف دین اسلام کے ساتھ ہوا۔ اسلام کے مطالعے نےمجھے ایمان کی دولت سے سرفراز کردیا۔ منگل کے روز برطانوی اخبار’ڈیلی میل’ نے پال پوگبا کے تاثرات شائع کیے جس میں اس نے کہا کہ اسلام میرے لیے کُل کائنات ہے۔ اسلام نے میرا سب کچھ بدل دیا۔آج میں بہت اطمینان اور خوشی محسوس کرتا ہوں۔ میں شعوری طور پرکہہ سکتا ہوں کہ میری زندگی بدل گئی ہے۔ میرا ضمیر مطمئن اور پہلے سے زیادہ خود کو محفوظ محسوس کرتا ہوں۔

اس کا مزید کہنا ہے کہ اسلام قبول کرنے کے بعد میری زندگی میں جوہری تبدیلیاں آئیں۔ اس کی وجہ یہ تھی کہ میں پیدائشی مسلمان نہیں تھا۔ اگر میری ماں ہی مسلمان ہوتیں۔ اسلام کی اصل تصویر وہ نہیںً جسے دوسرے لوگ پیش کرتے ہیں۔ دہشت گردی کے بارے میں جو باتیں ہم ذرائع ابلاغ سے سنتے ہیں وہ ایک الگ چیز ہے۔ جہاں تک اسلام کا تعلق ہے تو اس کا دہشت گردی سے کوئی تعلق نہیں۔ اسلام ایک خوبصورت دین ہے۔

خیال رہے کہ کھلاڑی نے گذشتہ ماہ صیام میں عمرہ کی ادائی کی سعادت حاصل کی تھی۔ اسلام قبول کرنے کے بعد یہ ان کا مکہ معظمہ کا پہلا سفر نہیں بلکہ مشرف بہ اسلام ہونے کےبعد وہ متعدد بار سعودی عرب جا چکے ہیں۔

اقوام متحدہ نے سوڈان پرتشدد واقعات پر عالمی کمیشن بنانے کا اعلان کر دیا

اقوام متحدہ کے ماہرین نے سوڈان میں سیکیورٹی فورسز کی جانب سے مظاہرین پر تشدد کی تحقیقات کے لیے ہیومن رائٹس کونسل تشکیل دینے کا مطالبہ کردیا۔ خبررساں ادارے کے مطابق اقوام متحدہ کے پانچ ماہرین نے مشترکہ پریس کانفرنس میں کہا کہ سوڈان انسانی حقوق کے بحران سے گزر رہا ہے۔

واضح رہے کہ سوڈان کے دارالحکومت خرطوم میں مسلح افواج اور احتجاجی مظاہرین کی جھڑپوں میں 100 سے زائد ہلاکتوں کے بعد احتجاجی گروپ سوڈانی پروفیشنل ایسوسی ایشن (ایس پی اے) نے سول نافرمانی کا اعلان کیا تھا۔ اقوام متحدہ کے انسانی حقوق کے ماہرین نے کہا کہ ’آزاد تحقیقات‘ کے لیے اقوام متحدہ رائٹس کونسل تشکیل دیا جائے جو 24 جون کو اپنا پہلا سیشن شروع کرے۔ واضح رہے کہ ماہرین اقوام متحدہ انسانی حقوق کے آزاد ماہرین ہیں تاہم ان کا مطالبہ اقوام متحدہ کے موقف کی ترجمانی نہیں کرتاہے

ایران پر امریکی پاندیوں کا سلسلہ جاری،جوہری توانائی ایجنسی کے سیکریٹری جنرل نے دعویٰ کیا ہے کہ ایران نے 2015ء کو طے پائے جوہری سمجھوتے کی شرائط پر ان کی روح کے مطابق عمل درآمد نہیں کیا۔

تفصیلات کے مطابق :ایران پر امریکی پاندیوں کا سلسلہ جاری عالمی جوہری توانائی ایجنسی کے سیکرٹری جنرل یوکیا امانو نے دعویٰ کیا ہے کہ ایران نے افزودہ شدہ یورینیم کی مقدار بڑھا دی ہے، ایک بیان میں یوکیا امانو نے کہا کہ ایران کی طرف سے یورینیم کی افزدوگی میں اضافہ باعث تشویش ہے۔ ان کا کہنا تھا کہ ایران اور امریکا کے درمیان جاری تناؤ کی وجہ سے پہلے ہی کشیدگی کی فضاء پائی جا رہی ہے۔
ایران پر الزام ہے کہ اس نے 2015ء کو طے پائے جوہری سمجھوتے کی شرائط پر ان کی روح کے مطابق عمل درآمد نہیں کیا۔ انہوں نے اْمید ظاہر کی کہ امریکا اور ایران کیدرمیان پائی جانے والی کشیدگی میں جلد کمی آئے گی اور فریقین بات چیت کے ذریعے تنازعات کے حل پر غور کریں گے۔ عالمی جوہری توانائی ایجنسی کے سربراہ نے ان خیالات کا اظہار اجلاس سے خطاب میں کیا،