Category: بین الاقوامی

عمان (مسقط) سلطان قابوس بن سعید کی نزوی سے صحار میں ممکنہ روانگی کے باعث مسقط تا صحار شاہراہ پر سیکورٹی میں غیر معمولی اضافہ دیکھا گیا ہے۔ مسقط میں موجود باغی ٹی وی کے رپورٹر کے مطابق آج بروز جمعرات سترہ رمضان المبارک کو سلطان آف عمان قابوس بن سعید کی نزوی میں موجود اپنے محل سے صحار روانگی متوقع ہے۔ جس کے باعث مسقط تا صحار نیشنل ہائی وے پر سیکورٹی فورسز کی بھاری نفری تعینات کی گئی ہے۔ ہر ایک سو میڑ کے فاصلے پر روڈ کے دونوں اطراف سیکورٹی اہلکار چاک و چوبند موجود ہیں۔ جبکہ افطاری کے وقت سے رات گئے تک شاہراہ کی بندش متوقع ہے۔ تا ہم اطرافی سڑکیں بدستور کھلی ہیں اور ان سے تمام آمد رفت بھی جاری ہے۔ یاد رہے کہ ہر سال رمضان المبارک میں سلطان آف عمان براستہ روڈ صحار جاتے ہیں۔ اور رمضان کا آخری عشرہ اور پھر عید الفطر بھی صحار میں ہی گزارتے ہیں۔

بھارت میں اپوزیشن جماعت کانگریس کی لیڈر سونیا گاندھی لوک سبھا کی سیٹ جیت گئی ہیں.

باغی ٹی وی کی رپورٹ‌کے مطابق وہ ریاست اترپردیش میں رائے بریلی کی سیٹ سے الیکشن لڑ رہی تھیں. انہوں نے بی جے پی لیڈر دنیش پرتاپ سنگھ کو شکست دی ہے ۔

ادھر کانگریس جنرل سکریٹری پریانیکا گاندھی نے بھی بی جے پی کی جیت کیلئے نریندر مودی کو مبارکباد دی ہے ۔
یاد رہے کہ بی جے پی واضح اکثریت حاصل کر رہی ہے اور بی جے پی کا دوبارہ برسراقتدار آنا یقینی بن چکا ہے. نریندر مودی 26 مئی کو وزارت عظمیٰ‌کا دوبارہ حلف اٹھا سکتے ہیں.

بھارت میں ہندوستانی وزیر اعظم نریندر مودی نے انتخابات میں کامیابی کے بعد ٹویٹر ہینڈل پر سے چوکیدار کا لفظ ہٹا دیا ہے اور اب ان کے نام کے ساتھ صرف نریندر مودی لکھا ہوا نظر آرہا ہے۔

باغی ٹی وی کی رپورٹ کے مطابق بی جے پی اور حلیف جماعتوں کی طرف سے جیت کی خبروں کے بعد نریندر مودی کے ٹویٹر ہینڈل پر یہ تبدیلی کی گئی ہے۔ ادھر مودی نے یہ ٹویٹ بھی کی ہے کہ اب بھارت کے عوام ہی چوکیدار ہیں اور ملک کیلئے انہوں نے بڑی خدمت کی ہے۔

نریندر مودی کا کہنا تھا کہ چوکیدار کا لفظ میرے ٹویٹر ہینڈل سے ہٹا ہے لیکن میرا ایک اٹوٹ حصہ ہے۔میں بھارت کی ترقی کیلئے کام کرتا رہوں گا۔

بھارت میں اپوزیشن جماعت کانگریس کے صدر راہل گاندھی کیرالہ کی سیٹ پر اپنے حریف پر آٹھ لاکھ سے زائد ووٹوں‌کی برتری حاصل کئے ہوئے ہیں.

باغی ٹی وی کی رپورٹ‌ کے مطابق راہل گاندھی نے ابھی تک 12 لاکھ 91 ہزار چھ سو سے زائد ووٹ حاصل کر لئے ہیں اور ابھی گنتی جاری ہے اسی طرح دوسری جانب بھارتیہ جنتا پارٹی کے صدر امت شاہ گجرات کے شہر گاندھی نگر سیٹ سے آٹھ لاکھ 83 ہزار 830 ووٹ کے ساتھ اپنے قریبی حریف سے پانچ لاکھ 51 ہزار 944 ووٹوں سے آگے چل رہے ہیں۔
نریندر مودی اتر پردیش کےشہر وارانسی سے پانچ لاکھ 83 ہزار 14 ووٹ کے ساتھ اپنے حریف سے قریب چار لاکھ دس ہزار ووٹوں سے آگے چل رہے ہیں۔ کانگریس کی سابق صدر سونیا گاندھی اتر پردیش کے شہر رائے بریلی سیٹ سے چار لاکھ 21 ہزار 94 ووٹ کے ساتھ اپنے حریف سے تقریبا ایک لاکھ تیس ہزار ووٹوں سے آگے ہیں۔

ہندوستانی وزیر داخلہ راج ناتھ سنگھ اتر پردیش کی راجدھانی لکھنؤ سیٹ سے پانچ لاکھ 70 ہزار 149 ووٹوں کے ساتھ آگے جا رہے ہیں اسی طرح سماجوادی کی پونم سنہا دو لاکھ 58 ہزار 576 ووٹ حاصل کرکے ان سے پیچھے ہیں۔

بھارت کے الیکشن میں 1971 کے بعد ایسا ہوا ہے کہ ایک پارٹی دوسری بار مسلسل جیت رہی اور اسی پارٹی کی حکومت بنے گی.اس سے قبل 1971 میں اندرا گاندھی دو بار منتخب ہوئی تھں. اندرا سے قبل پنڈت جواہر لال نہرو نے بھی دو بار حکومت بنائی تھی. بھارت کے پہلے وزیراعظم جواہر لال نہرو کی قیادت میں تین بار کانگریس کی حکومت اقتدار میں آئی تھی۔ اس کے بعد اندرا گاندھی کی قیادت میں 1967اور 1971میں مسلسل دومرتبہ حکومت بنی تھی۔ اس کے بعد اب مودی کی حکومت دوسری بار بنے گی.کانگریس نے 1980اور 1984میں بھی الیکشن میں اکثریت حاصل کی تھی لیکن دونوں بار ان کے وزیراعظم الگ الگ تھے ۔

بھارتی ریاست مدھیہ پردیش میں کل 29 میں سے 24 لوک سبھا کی سیٹوں پر بی جے پی کے امیدواروں کی فیصلہ کن برتری سے ان کی جیت یقینی نظر آ رہی ہے ۔

باغی ٹی وی کی رپورٹ‌کے مطابق ریاست کی اندور اور ہوشنگ آباد سیٹوں پر بھارتیہ جنتا پارٹی امیدواروں نے اپنے قریبی حریف کانگریسی امیدواروں سے شام پانچ بجے تک تقریبا ساڑھے پانچ لاکھ ووٹوں سے آگے رہنے کے ساتھ ہی ریاست کی 29 میں سے 24 سیٹوں پر پارٹی امیدواروں کی فیصلہ کن سبقت حاصل کر لی ہے ۔

بھوپال حلقہ سے سمجھوتہ ایکسپریس سانحہ کی مرکزی ملزم پرگیہ ٹھاکر سنگھ بھی کانگریس امیدوار سے واضح اکثریت سے جیت رہی ہیں. وہ تین لاکھ سے زائد ووٹوں‌کی کثرت سے آگے جارہی ہیں. اندور سے بی جے پی امیدوار شنکر لالواني کانگریس کے پنکج سنگھوی سے تقریبا ساڑھے پانچ لاکھ ووٹوں سے آگے ہیں۔ اسی طرح ہوشنگ آباد امیدوار ادوھے پرتاپ سنگھ بھی قریب پانچ لاکھ 44 ہزار ووٹوں سے ہیں ۔

یاد رہے کہ بی جے پی واضح اکثریت سے الیکشن جیت رہی ہے اور تنہا تین سو سے زائد سیٹیں‌ جیتتی ہوئی نظر آرہی ہے.

بھارتی وزیر اعظم نریندر مودی نے وارانسی حلقہ میں تین لاکھ 85 ہزار 334 ووٹوں کی برتری حاصل کر کےسال 2014 کے ریکارڈ کو توڑ دیا ہے.

باغی ٹی وی کی رپورٹ کے مطابق بی جے پی بھاری اکثریت سے لوک سبھا الیکشن میں کامیابی حاصل کر رہی ہے.
بھارت کے الیکشن میں 1971 کے بعد ایسا ہوا ہے کہ ایک پارٹی دوسری بار مسلسل جیت رہی اور اسی پارٹی کی حکومت بنے گی.اس سے قبل 1971 میں اندرا گاندھی دو بار منتخب ہوئی تھں. اندرا سے قبل پنڈت جواہر لال نہرو نے بھی دو بار حکومت بنائی تھی. بھارت کے پہلے وزیراعظم جواہر لال نہرو کی قیادت میں تین بار کانگریس کی حکومت اقتدار میں آئی تھی۔ اس کے بعد اندرا گاندھی کی قیادت میں 1967اور 1971میں مسلسل دومرتبہ حکومت بنی تھی۔ اس کے بعد اب مودی کی حکومت دوسری بار بنے گی.کانگریس نے 1980اور 1984میں بھی الیکشن میں اکثریت حاصل کی تھی لیکن دونوں بار ان کے وزیراعظم الگ الگ تھے ۔

واضح رہے کہ بھارت کے لوک سبھا انتخابات میں بی جے پی جیت چکی ہے ، بی جے پی 340 نشستیں حاصل کر چکی ہے جبکہ کانگریس کو شدید ناکامی کا سامنا کرنا پڑا ہے.

بھارت میں ضمانت پر رہا ہونے والی سمجھوتہ ایکسپریس کی مرکزی ملزم پرگیہ ٹھاکر سنگھ بھی الیکشن جیت رہی ہیں.

باغی ٹی وی کی رپورٹ‌کے مطابق پرگیہ ٹھاکر سنگھ بی جے پی کی طرف سے الیکشن میں حصہ لے رہی ہیں. وہ بھوپال کے حلقہ سے امیدوار ہیں. ان کے مقابلہ میں کانگریس لیڈر دگ وجے سنگھ امیدوار ہیں جنہیں بھاری ووٹوں سے شکست ہوتی نظر آرہی ہے.

ہندو انتہاپسند لیڈر پرگیہ ٹھاکر سنگھ دو لاکھ سے زائد ووٹوں کی لیڈ سے ابھی آگے جارہی ہیں. یاد رہے کہ وہ سمجھوتہ ایکسپریس سانحہ کی مرکزی ملزم ہیں‌ لیکن وہ طبی بنیادوں‌پر ضمانت پر رہا ہونے کے بعد الیکشن میں حصہ لے رہی ہیں.

یاد رہے کہ اس افسوسناک سانحہ کے دیگر ملزمان بھی بری ہو چکے ہیں.