Category: اسلام

حدیث کا مفہوم کچھ اس طرح ہے کے
،علم حاصل کرنا ہر مسلمان و عورت پر فرض ہے ،
لیکن افسوس آج ہم دنیاوی علم کو حاصل کرنے میں مصروف ہیں علم دین سے دور ہو رہے ہیں
اس علم دین سے دوری کا نتیجہ یہ نکلتا ہے کے بیٹا بیٹی اپنے ماں باپ کی عزت نہیں کرتے کیوں کے انکو معلوم ہی نہیں ہوتا کے ماں باپ کی کیا اہمیت ہے بدقسمتی سے والدین ہی اپنے بچوں کو علم دین سے دور رکھ کر دنیاوی تعلیم دینے کو ترجیح دیتے ہیں وہ شاید اسلئے کے بچے اچھی دنیاوی تعلیم حاصل کر کے اچھا پیسہ کما سکیں لیکن پھر بڑے ہو کر وہ بچے اپنے ماں باپ کو بوجھ سمجھتے ہیں ماں باپ کا ادب و عزت کا بہترین حل یہی ہے کے علم دین حاصل کریں
علم دین میں ہر پریشانی و مصیبت کا حل موجود ہے علم دین میں مسلمان اپنی اہمیت کو پہچانتا ہے علم دین حاصل کر کے ہی ایک مسلمان اپنے اطراف میں پھیلے فتنوں سے بچ سکتا ہے
اور آج کل کے پرفتن دور میں علم دین حاصل کرنا نہایت ضروری ہے کیوں کے جس طرح کے لبرل لوگ ہم مسلمانوں کے رسومات کو داغ دار بنانے کی ہر ممکن کوشش کر رہے ہیں اس سے ہماری آنے والی نسلوں کے ذہنوں کو اسلام کے خلاف بھٹکایا جاسکتا ہے آج ہم یہود و نصاریٰ کے ہاتوں کا کھلونا بن چکے ہیں اسکی یہی وجہ ہے کے ہم علم دین سے دور ہو رہے ہیں
ایک نام نہاد مسلمان ہمارے اسلامی تہواروں تہواروں پر الٹی باتیں کر رہے ہیں اور کو اسکی کوئی پرواہ بھی نہیں کیوں کے ہم صرف اپنی دنیاوی تعلیم میں مصروف ہیں
ایسے بہت سے لوگ جو اپنے آپ کو پڑھا لکھا سمجھتے ہیں وہ ہی لوگ آے دن ہم مسلمانوں کے مقدس ہستیوں کی گستاخیاں کرنے میں مصروف عمل ہیں ہمیں جاگنا ہوگا علم دین کی روشنی کو اپنے دل و دماغ پر لانا ہوگا تا کے ہم ہر اس فتنوں کا مقابلہ کرسکیں جو ہمارے اسلام کے خلاف اٹھ رہے ہیں
ہم مسلمان پیچھے اسلئے ہی ہیں کے اپنے فلسفے کو چھوڑ کر دوسروں کے فلسفوں کو اپنے اوپر حاوی کرلیا ہے ہماری نسلیں اسلامی کتابیں چھوڑ کر اسلامی پروگرامز چھوڑ کر میڈیا پر بیہودہ اور ناچ گانے دیکھ دیکھ کر یہی سمجھتے ہیں کے یہی ہمارا کلچر ہے کیوں کے انکو بچپن سے ہی گھر کا ماحول اسلامی نہیں ملا اور نہ ہی علم دین حاصل کروایا
علم۔ دین حاصل کریں تا کے ہم اللّه کی واحدنیت اور اللّه کی ربوبیت کو اچھی طرح پہچان سکیں
کچھ دن پہلے میں نے ٹویٹر پر ایک بہن کا ٹویٹ دیکھا اس میں اس بہن نے اللّه کو آسمان پر رہنے والا لکھا ہوا تھا جب کے ہمارا رب اللّه کی ذات کسی جگہ کی محتاج نہیں
یہ سب فلم و ڈراموں میں بولے جانے والے ڈائلوگ کا نتیجہ ہے ور علم دین کی دوری کا نتیجہ ہے
علم دین کی دوری کے سبب ایک مسلمان اپنے کچھ لفظوں کی وجہ سے اسلام سے خارج بھی ہوسکتا ہے ہم اور ہماری نسلیں فلموں ڈراموں کو دیکھ کر دین اسلام کی نزاکت کو کھو رہی ہیں ہم اتنا بے حس ہو چکے کے ہمیں فرق ہی نہیں پڑتا ہے کے ہماری نماز قضا ہو یا نہیں ہم علم دین سے دور رہ کر اپنا ایمان اور آخرت دونوں تباہ کر رہے ہیں
خدارا اس وقت کو سمجھیں ان فتنوں سے لڑنے کا جذبہ اپنے اندر بیدار کریں اور یہ جب ہی ممکن ہے کے ہم خود بھی علم دین حاصل کریں اور اپنی نسلوں کو بھی علم دین حاصل کرنے کی تلقین کریں نہیں تو ہم اپنی آخرت برباد کر لینگے نہ رہینگے دنیا کے نہ رہینگے دین کے
تو خود بھی اور اپنے بچوں کو بھی علم دین لازمی دلوایں

اللّه پاک ہمیں علم دین کی روشنی سے ملا مال کر دے امین

@F23552

"ہیں جہاں میں وہی لوگ اچھے
آتے ہیں جو کام دوسروں کے”

خدمت خلق ، جہاں اس دنیا میں زندگی گزارنے کا ایک احسن اور مہذب طریقہ ہے ، وہاں یہ ہم مسلمانوں کے لیے ہمارے ایمان کا حصہ ہے۔۔اللہ تعالٰی نےقرآن مجید فرقان حمید میں مخلوق کی خدمت کو بہت بڑا درجہ دیا ہے۔ اسلام میں انسانوں کی بھلائی کے کام بہت اہمیت کے حامل ہیں۔۔ جگہ جگہ اللہ تعالیٰ قرآن میں لوگوں کو ایک دوسرے سے حسن سلوک کی تعلیم دیتا ہے۔
قرآن کریم میں خدمت خلق کے بارے میں کہا گیا ہے کہ
"لیس البر ان تولو وجوه‍كم قبل الشرق والمغرب ولكن البر من آمن بالله واليوم الآخر والملئكة والكتاب والنبيین وآتي المال على حبه ذوي القربي واليتمي والمسكين وابن السبيل والسائلين وفي الرقاب الخ۔ (البقرہ۔ ١٧٧)”
(ترجمہ)”سارا کمال اسی میں نہیں ہے کہ تم اپنا رخ مشرق کی جانب کرو یا مغرب کی جانب لیکن اصلی کمال تو یہ ہے کہ کوئی شخص اللہ پر یقین رکھے اور قیامت کے دن پر اور فرشتوں پر اور کتب سماویہ پر اور پیغمبروں پر اور وہ شخص مال دیتا ہو اللہ کی محبت میں اپنے حاجتمند رشتہ داروں کو اور نادار یتیموں کو اور دوسرے غریب محتاجوں کو بھی اور بے خرچ مسافروں کو اور لاچاری میں سوال کرنے والوں کو اور قیدی اور غلاموں کی گردن چھڑانے میں بھی مال خرچ کرتا ہو”

پیارے رسول صلی اللہ علیہ وسلم کی ساری زندگی خدمت خلق کا نمونہ تھی آپ بے سہاروں کا سہارا ، یتیموں کے والی اور کمزوروں کی طاقت تھےاور آپ صلی اللہ علیہ وسلم کے ساتھی صحابہ نے آپ کی پیروی کرتےہوئے ہمیشہ آپ صلی اللہ علیہ وسلم کے کردار کی عملی تصویر دنیا کے سامنے پیش کی۔۔ اپنے کردار سے سماجی فلاح و بہبود اور خدمت خلق کا بہترین نمونہ پیش کیا جو کے ہم سب کے لیے مشعل راہ ہے۔ ہمیں چاہیے کہ سیرت النبی صلی اللہ علیہ وسلم کا اچھی طرح سے مطالعہ کریں اور اپنی زندگی کو بھی انہی اصولوں پر استوار کریں جسکا حکم اللہ تعالیٰ نے قرآن کریم میں جگہ جگہ فرمایا ہے۔۔ جسکی تعلیم پیارے نبی صلی اللہ علیہ وسلم نے ناصرف قرآن مجید کے ذریعے کی بلکہ اپنی پوری زندگی ہی ایک مشعل راہ بنا دی، آنے والی تمام اُمتوں کے لیے۔۔
آپ نے فرمایا:
"بہترین انسان وہ ہے جودوسرے انسانوں کے لئے منافع بخش ہو”

زندگی وہی خوبصورت ہے جو دوسروں کے کام آنے میں گزر جائے۔۔ اپنے لیے جینا بھی کوئی جینا ہوتا ہے۔۔ صرف اپنے لیے تو حیوان بھی جیتے ہیں۔۔ پھر اُن میں اور ہم میں کیا فرق باقی رہ جاتا ہے؟ اللہ تعالیٰ نے ہمیں اشرف المخلوقات بنایا ہے۔ ہمیں خود کو اُس درجے تک پہنچانے والی چیزوں میں سب سے اہم انسانیت کی خدمت ہے ۔

نماز ، روزہ ،حج اور زکوٰۃ بہت ضروری ہیں ہم پر مسلمان ہونے کے ناطے سے ۔۔ لیکن اللہ کو ان سب سے بھی زیادہ عزیز و لوگ ہیں جو ان سب کے ساتھ اپنے گھر والوں کا ، اپنے آس پاس کے لوگوں کا، اپنے عزیز رشتہِ داروں کا خیال رکھتا ہے ۔
علامہ اقبال نے ایک شعر میں بہت خوبصورتی سے اسکا نچوڑ پیش کر دیا ہے۔۔

"دردِ دل کے واسطے پیدا کیا انسان کو
ورنہ طاعت کے لیے کم نا تھے کرو بیاں”

یعنی اپنی اطاعت اور عبادت کے لیے اللہ کے پاس فرشتوں کی کوئی کمی نہیں تھی ، اللہ تعالیٰ نے انسانوں کو ایک دوسرے کے لیے پیار محبت اور خلوص نیت سے مدد کرنے کے لئے پیدا کیا۔۔۔ ہم دنیا میں آنے کے اصل مقصد کو بھول کر خود کو ایک پیسہ بنانے والی مشین بنا کر رکھ چھوڑا ہے۔۔ ہمارے پاس وقت ہی نہیں کے ہم کسی اور کے دکھ درد کو محسوس کر سکیں، مدد کرنا توبہت دور کی بات ہے۔۔آئے ہم خود کو بدلیں، اپنے اندر کے خوبصورت انسان کو باہر انے کا موقع دیجئے ۔۔ خود بھی خدمت خلق کے کاموں میں بڑھ چڑھ کر حصہ لیں اور اوروں کو بھی اسکی ترغیب دیں۔ اور ایک خوبصورت معاشرہ بنائیں۔۔
” تمنا درد دل کی ہے تو کر خدمت فقیروں کی
نہیں ملتا یہ گوہر بادشاہوں کے خزینوں میں”

@NiniYmz

ایک فرانسیسی ڈاکٹر سمندری جہاز میں سفر کررہا تھا۔۔۔اچانک مصر کے قریب وہ اپنا سفر ختم کرکے ایک عالم محمود مصری کے پاس پہنچا اور مسلمان ہوگیا۔۔ محمود مصری نے کچھ عرصہ بعد ان سے سن کے مکان پر جاکر اسلام قبول کرنے کی وجہ دریافت کی۔۔؟؟
قرآن کی ایک آیت۔” ڈاکٹر نے جواب دیا
محمود مصری نے ان فرانسیسی ڈاکٹر سے پوچھا کیا آپ نے کبھی کسی مسلمان یا عالم سے قرآن پڑھا ہے؟
جس پر فرانسیسی ڈاکٹر نے کہا نہیں ابھی تک میری کسی مسلمان یا عالم سے ملاقات نہیں ہوئی۔۔۔
پھر یہ واقعہ کیسے پیش آیا۔۔ محمود مصری کے استفسار پر فرانسیسی ڈاکٹر نے جواب دیا:
"مجھے اکثر سمندری سفروں میں رہنے کا اتفاق ہوا میری زندگی کا آدھا حصہ پانی اور آسمان کے درمیان بسر ہوا اسی طرح کے ایک سفر میں ایک بار میں قرآن کا فرانسیسی ترجمہ لے کر نکلا جب میں نے اسے پڑھنا شروع کیا تو سورۃ نور کی ایک آیت میرے سامنے سے گزری جس میں ایک سمندری نظارے کی کیفیت بیان کی گئی جسکا ترجمہ ہے
"جیسے اندھیرا ہو گہرے سمندر میں، اسکو ڈھانپ لیا ہو موج نے،لہر کے اوپر لہر،اسکے اوپر بادل،اندھیرے پر اندھیرا،اس حالت میں ایک شخص اپنا ہاتھ نکالے تو توقع نہیں کہ وہ اسکو دیکھ سکے اور جسکو خدا نور نہ دے اسکے لیئے کوئی روشنی نہیں”
(سورۃ النور،آہت نمبر 40)
میں نے اس آیت کو کافی دلچسپی سے پڑھا اس میں سمندری نظارے کی کیفیت بیان کی گئی تھی جب میں نے یہ آیت پڑھی تو میرا دل انداز بیان کی عمدگی اور واقفیت سے بیحد متاثر ہوا تب میں نے خیال کیا کہ مسلمانوں کے رسول اللہﷺ ایسی شخصیت ہوںگے جنکے رات دن میری طرح سمندری سفروں میں گزرے ہوںگے۔۔۔ پھر بھی مجھے حیرت تھی کہ انہوں نے سمندر کی گہرائیوں کو کیسے مختصر الفاظ میں بیان کیا ہے گویا کہ خود رات کی سیاہی بادلوں کی تاریکی اور موجوں کے طوفان میں ایک جہاز پر کھڑے ہیںاور ایک ڈوبتے ہوئے شخص کی بدحواسی دیکھ رہے ہیں۔۔ میں سمجھتا ہوں کہ سمندری خطرات کا کوئی بڑا سا بڑا ماہر اتنے کم الفاظ میں اتنے کامیاب طور پر اسکی تصویر کشی نہیں کرسکتا۔۔
لیکن اسکے تھوڑے ہی عرصے بعد مجھے معلوم ہوا کہ محمد عربی ﷺ نے زندگی بھر کسی سے لکھنا پڑھنا نہیں سیکھا تھا اور نہ ہی انہوں نے زندگی بھر کبھی سمندر کا سفر کیا تھا۔۔یہ بات ظاہر ہونے کے بعد میرا دل روشن ہوگیا تب میں نے جانا کہ یہ محمدﷺ کی آواز نہیں بلکہ اس خدا کی آواز ہے جو سب کچھ دیکھ رہا ہے اسکے بعد میرے لیئے کوئی چارہ نہیں تھا سوائے اسکے کہ میں مسلمان ہو جاؤں”
@MohhammadAhmad