Category: اسلام

بقیتہ السلف شیخ الحدیث استاذ العلماء مصنف کتب کثیرہ۔حضرت مولانا رحمت اللہ ربانی
راقم : رانا محمد عثمان حقانی بن قاری احسان الحق حقانی رحمۃ اللہ علیہ

دل بھر جاتا ہے آنکھیں نم ہو جاتی ہیں جب ان کے نام کے آگے رحمتہ اللہ علیہ لکھنا پڑتا ہے۔
جب میری شادی ہوئی تو وہ ہمارے گھر تشریف فرما تھے کھانا کھانے کے بعد انہوں نے قمیص کے سامنے کا بٹن کھولا اندر ہاتھ داخل کیا اور کچھ پیسے نکال کر مجھے تھما دئیے میں ضبط نہ کر پایا اور آنکھوں سے اشک رواں ہو گئے میرے والد بزرگوار محترم قاری احسان الحق حقانی رحمۃ اللہ علیہ بھی پاس ہی موجود تھے ان سے آہستہ سے پوچھنے لگے یہ کیوں روتا ہے انہیں بات کا علم تھا فرمانے لگے اس کی بڑی خواہش تھی کہ میں اپنی بارات کے ساتھ اپنے دادا محترم عنایت اللہ خادم رحمۃ اللہ علیہ کو لے کر جاؤں گا آج وہ اس دنیا میں موجود نہیں یہ آپ کو اپنے دادا کے متبادل کے طور پر دیکھتا ہے ۔اس لئے رو دیا ۔
پوری بات سن کر مولانا اٹھے مجھے تھپکی دی اور نم آنکھوں اور کانپتی آواز کے ساتھ فرمانے لگے
پتر میں تیرا دادا ہی آں تے تیرا دادا تیری بارات نال صبح جائے گا۔ان شاءاللہ۔
وقت گزرتا گیا اور پھر وہ کھڑی آن پہنچی جب ہمارے والد بزرگوار بھی اس دنیا فانی سے کوچ کر گئے تب بہت سارے شفیق ہاتھوں کے درمیان وہ ہاتھ بھی میرے سر پر سایہ فگن ہوا جس ہاتھ کی شفقت سے ہم آج محروم ہو گئے ہیں۔جب بھی ملاقات کرتے بڑا حوصلہ بڑھاتے لمبی دعائیں دیا کرتے ۔ حال احوال پوچھتے نصیحتیں کرتے اور آخر میں اپنے لئے دعا کی درخواست ضرور کیا کرتے کم و بیش 12 سال مسلسل کمر کی تکلیف میں مبتلا رہے لیکن دعوت دین کا کام ہمیشہ اپنی زمہ داری سمجھتے تھے کوئی مسئلہ پوچھنے آتا تو جب تک اس کی تسلی نہ ہو جاتی اس کو حق بات سمجھاتے کبھی اکتاہٹ کا اظہار نہیں کرتے تھے ۔
جمعہ کے دن میری خصوصی ڈیوٹی لگائی کہ جمعہ کی آذان تم نے کہنی ہے کبھی لیٹ ہوتا اور کوئی دوسرا جمعہ کی آذان کہ دیتا تو جمعہ کے بعد بلا کر کہا کرتے
2منٹ پہلے آ جایا کر پتر ۔
جب آنکھیں بند کرکے کوئی مسئلہ شروع کرتے منبر رسول صلی اللہ علیہ وسلم پر بیٹھے ہوئے تو یوں محسوس ہوتا کہ ان کے اندر علم کا ٹھاٹھیں مارتا کوئی سمندر ہے جو ابلنے کو بے قرار ہے پھر وہ دنیا وما فیہا سے بے پرواہ ہو کر اس مسئلہ پر بڑی ضخیم علمی گفتگو فرمایا کرتے اور عالم یہ ہوتا تھا کہ میرے بزرگوار چچا محترم مشتاق احمد شیرانی حفظہ اللہ تعالیٰ مجھے اشارہ کرتے کہ جمعہ کا ٹائم اوپر ہو گیا ہے مولانا کو بتاؤ پھر میں بڑی ہمت جمع کرتے ہوئے جب ان کے پاؤں کو ہاتھ لگاتا تو وہ جیسے چونک کر کھڑی کی طرف دیکھتے اور سمجھ جاتے کہ ٹائم زیادہ ہو گیا ہے ۔اور نہ چاہتے ہوئے بھی اپنے اندر ابلنے والے علم کے بحر بے قراں کو قابو کرتے ہوئے اپنی بات کا اختتام کر دیتے ۔
ان کی زندگی جہد مسلسل تھی دین کیلئے ان کی کوششیں کاوشیں بے مثال تھیں ان کے زندگی کے جس بھی پہلو پر لکھنا شروع کروں تو اپنے آپ میں پوری کتاب ثابت ہو
میں کسی کام سے لاہور سے باہر تھا جب چھوٹے بھائی حافظ ذیشان کا فون آیا
مولانا رحمت اللہ ربانی
فی ذمۃ اللہ۔
سننے کے بعد میں بہت دکھی ہوا ۔
جمعہ والے دن جمعہ سے پہلے ان کا جنازہ جب اٹھا تو ہر آنکھ اشک بار تھی ۔
الشیخ مولانا امیر حمزہ حفظ اللہ نے انکا جنازہ پڑھایا میں نے ان کے ساتھ کھڑے ہو کر جنازہ پڑھا(جگہ کی کم یابی کی بنا پر)عجیب منظر تھا جنازگاہ باوجود لاک ڈاؤن کے کھچا کھچ بھری ہوئی تھی اور دوران جنازہ مولانا امیر حمزہ صاحب سمیت سب کی ہچکی بندھی ہوئی تھی اشک رواں تھے اس عظیم انسان کے لیے رب تعالیٰ کی طرف ہاتھ باندھے دعائیں مانگتے جا رہے تھے اور روتے جا رہے تھے ۔
انکو لحد میں انکے بڑے صاحبزادے اور میرے پھوپھا محترم طاہر ربانی صاحب ۔
چھوٹے صاحبزادے مولانا طیب مسعود ربانی اور راقم نے خود اتارا ۔
میں نے تب جی بھر کر اپنے بزرگ مولانا رحمت اللہ ربانی رحمۃ اللہ علیہ۔
کی طرف دیکھا کہ یہ چہرہ اب دوبارہ نظر نہیں آئے گا اور ان کی لحد کو بند کر دیا ۔
اللہ پاک مولانا رحمت اللہ ربانی کی مغفرت فرمائے ۔
انکے درجات بلند فرمائے۔
انکی قبر کو تاحد نگاہ وسیع فرمائے۔ انکی قبر کو جنت کے باغوں میں سے باغ بنائے۔
انکی نیکیوں کو قبول فرمائے اور اس اضافہ فرمائے۔
انکی غلطیوں کوتاہیوں کو درگزر فرمائے اور انہیں نیکیوں میں تبدیل فرمائے ۔
انہیں اعلی علیین میں انبیاء اتقیاء شہداء صلحاء اولیاء کے درمیان جگہ عطاء فرمائے۔
سارا دن وہ جنت سے اپنا رزق کھائیں اور رات کو عرش الٰہی تلے لٹکتی قندیلوں میں آرام کریں۔

پیارے بابا جان، "شیخ الحدیث مولانا رحمت اللہ ربانی” کی حیات کے چند پہلو از قلم:مسز ناصر ہاشمی (بنت ربانی )

تحفظ ختم نبوت صلی اللہ علیہ وآلہ وسلم پر پنجاب اسمبلی کا تاریخی کردار۔
تحریر۔پیر فاروق بہاوالحق شاہ۔
عقیدہ ختم نبوت ایک ایسا متفق علیہ قانون اور عقیدہ ہے جس پر امت مسلمہ کے تمام مکاتب فکر کا کامل اتفاق ہے۔مرزا قادیانی کے جھوٹے دعویٰ نبوت کے بعد امت مسلمہ نے جس طرح اس کی گرفت کی اور علماء نے جس طرح اس کا تعاقب کیا وہ اپنی مثال آپ ہے۔اس میں کوئی دوسری رائے نہیں کہ مرزا قادیانی انگریز کا خود کاشتہ پودا تھا جو اس نے مسلمانوں میں تفریق پیدا کرنے کے لیے لگایا تھا۔لیکن اس کا یہ وار اس لیے ناکام گیا کہ بلاتفریق مسلک علمائے کرام ایک پلیٹ فارم پر جمع ہوئے اور انہوں نے ہر محاذ پر اس کو شکست فاش دی 1953 کی تحریک ختم نبوت میں حضرت مولانا عبدالستار خان نیازی اور مولانا مودودی کو سزائے موت سنائی گئی۔کئ دیگر علمائے کرام بھی پابند سلاسل رہے۔1974 کی تحریک ختم نبوت میں علماء اور عوام نے مل کر ایسا کردار ادا کیا جو رہتی دنیا تک یاد رکھا جائے گا۔۔1974 کی تحریک ختم نبوت میں شیخ الاسلام خواجہ قمر الدین سیالوی ،مفتی محمود احمد رضوی،ضیاء الامت حضرت پیر محمد کرم شاہ الازہری،مولانا منظور احمد چنیوٹی،مولانا اللہ وسایا،شورش کاشمیری ،چوہدری ظہور الٰہی جیسے اکابر علماء صف اول میں شامل تھے۔ختم نبوت کے تحفظ کے لیے لیے علماء و مشائخ اور عوام نے اپنے جان و مال کی قربانی پیش کی۔ایوانوں سے باہر پاکستان کے گلی کوچوں میں ختم نبوت کے شیدائیوں نے اپنے خون سے وطن عزیز کی گلیوں کو رنگ دیا۔۔عقیدہ ختم نبوت کے تحفظ کے لئے صرف علما ہی میدان میں نہیں تھے بلکہ ہر مکتبہ فکر سے تعلق رکھنے والے لوگ اور ہر شعبہ زندگی سے وابستہ افراد نے اپنے اپنے طور پر اپنا کردار ادا کیا۔ جس طبقے کو جو کردار سونپا گیا تھا وہ انہوں نے بخوبی سرانجام دیا۔ملک کے اہل قلم نے قلم کے ذریعے اس کا تعاقب کیا۔شعراء نے نظمیں کہیں،۔لکھاریوں نے کتب لکھیں۔عوام نے اپنا جان مال مال اور وقت سب کچھ قربان کیا اسی طرح ملک کے سیاست دانوں نے بھی اس نے میں ناقابل فراموش کردار ادا کیا۔۔بلکہ اگر یہ کہا جائے تو تاریخی طور پر غلط نہ ہوگا کہ قادیانیت کے تابوت میں آخری کیل ملک کے سیاستدانوں نے ہی ٹھونکی اور پاکستان کی قومی اسمبلی نے متفقہ طور پر ان کو کافر قرار دے کر تاریخ میں اپنا نام محفوظ کروا دیا۔یوں تو ان خوش بخت سیاستدانوں کی فہرست بہت طویل ہے لیکن اس وقت قومی اسمبلی میں جن لوگوں نے اس مسئلہ میں را ہنمائی کا فریضہ سرانجام دیا ان میں مولانا شاہ احمد نورانی،مولانا مفتی محمود،خان عبدالولی خان،چوہدری ظہور الہی،پروفیسر غفور احمد،نمایاں تھےجبکہ ذوالفقار علی بھٹو کو یہ سعادت نصیب ہوئی کہ انہوں نے اپنے دستخط سے اس ترمیم کو دستور پاکستان کا حصہ بنایا۔
ایں سعادت بزور بازو نیست
قادیانی لابی کے اثر کو محسوس کرتے ہوے وزیر اعظم ذوالفقار علی بھٹو نے کہا تھا کہ میں نے اپنی موت کے پروانے پر دستخط کیے ہیں۔۔پاکستان کی قومی اسمبلی کی طرف سے قادیانیوں کو کافر قرار دینے کے بعد قادیانیوں کی سرگرمیوں پر قانونی طور پر پابندی عائد کی گئی۔انہوں نے پاکستان کی مختلف عدالتوں میں جا کر اپنا موقف بیان کیا۔جس طرح قومی اسمبلی میں قادیانیوں کا موقف بڑے تحمل کے ساتھ سنا گیا تھا اور قادیانیوں نے کئ دن تک مسلسل اپنے عقائد بیان کیے تھے اسی طرح پاکستان کی ہر سطح کی عدالتوں میں ان کے وکلا نے بڑی شرح و بسط کے ساتھ اپنا موقف بیان کیا۔پاکستان ہر عدالت نے ان کے موقف کو غلط قرار دیتے ہوئے قومی اسمبلی میں بنائے گئے قانون کی توثیق کی اور جو پابندیاں ان پر لاگو کی گئی تھیں ان کو بحال رکھا۔
پاکستان سے مایوس ہونے کے بعد قادیانیوں نے بین الاقوامی فورمز پر پاکستان کوبدنام کرنے کی کوشش شروع کی۔ان کی اس کوشش کو ناکام بنانے کا سہرا بھی ہمارے بزرگوں کے سر رہا۔جنیوا میں ہونے والے اقوام متحدہ کے انسانی حقوق کمیشن کے اجلاس میں ضیاء الامت حضرت پیر محمد کرم شاہ الازہری جو اس وقت سپریم کورٹ کے جج بھی تھے وہ جنیوا شریف لے گئے اور اس بین الاقوامی فورم پر قادیانیوں کے جھوٹ کا پول کھولا۔ان کے موقف کو جھوٹا ثابت کیا۔ان کو غیر مسلم قرار دینے کی منتطقی وجوہات پیش کیں اور پاکستان کے موقف کو فتح سے ہمکنار کیا۔ ویسے۔سارے عمل کی تفصیل قبل ازیں ہم الگ کالم میں بیان کر چکے ہیں جو روزنامہ نوائے وقت میں ہی شائع ہوا تھا۔مختلف ادوار میں قادیانیوں نے اپنی تبلیغ کا سلسلہ جاری رکھا لیکن عوامی سطح پر ان کو کبھی پذیرائی نہیں ملی۔ہمیں اس حقیقت کا اعتراف کرنا ہوگا کہ ملک کے کئی کلیدی عہدوں پر ان کے حمایت یافتہ افراد پہنچے اور قادیانیوں کے مفادات کا تحفظ کرنے کی کوشش کرتے رہے۔لیکن یہ ایک حقیقت ہے کہ جب بھی قادیانیوں کو تحفظ دینے کی کوشش کی گئی تو مسلمانان پاکستان نے جذبہ ایمانی کا مظاہرہ کرتے ہوئے ان کی ہر کوشش کو ناکام بنایا۔
2018 کہ انتخابات کے بعد پاکستان میں قادیانیوں کی سرگرمیوں میں تشویشناک حد تک اضافہ ہو گیا۔۔یہ تاثر پایا جانے لگا فیصلہ ساز اداروں میں ان کا اثر نفوذ بڑھ رہا ہے۔اور اہم عہدوں پر قادیانیوں کی تعیناتی کی جارہی ہے۔وفاقی حکومت کی طرف سے کوئی واضح موقف نہ آنے کے باعث شبہات کی فضا مزید گہری ہو گئی۔ان حالات میں اقلیتی کمیشن کا معاملہ اٹھا۔اور بڑی چابکدستی سے قادیانیوں کو اس کمیشن کا رکن بنانے کی کوشش کی گئی۔خبروں کے بروقت لیگ ہوجانے کے باعث بے پناہ عوامی رد عمل سامنے آیا اس کی وجہ سے اس لابی کی یہ کوشش ناکام ہوگئی۔لیکن شکوک و شبہات کی فضا قائم رہی۔وفاقی وزیر مذہبی امور کی باربار وضاحت کے بعد ایک گونہ اطمینان نصیب ہوا۔وزیر اعظم پاکستان نے بھی اپنے ایک پیغام میں اس عزم کا اظہار کیا کہ وہ ختم نبوت پر کامل یقین رکھتے ہیں اور کسی ایسی سرگرمی کی پشت پناہی نہیں کی جائے گی جو قادیانیت کی تقویت دینے کا باعث بنے ۔
موجودہ حکومت کی سیاسی ہیئت ترکیبی میں مسلم لیگ ق کو بنیادی اہمیت حاصل ہے۔پنجاب میں وزیر اعلی پنجاب عثمان بزدار کے ساتھ ساتھ پاکستان کے سب سے تجربہ کار سیاستدان چوہدری پرویز الہٰی بطور سپیکر پنجاب اسمبلی کام کر رہے ہیں۔قانون ختم نبوت کے ساتھ ساتھ چوھدری ظہورالہی فیملی کا ایک خاص تعلق بھی ہے۔چنانچہ ایک مرتبہ پھر پاکستان کے تمام سیاستدانوں کی طرف سے فرض کفایہ ادا کرتے ہوئے چوہدری پرویز الہی نے ایک اہم قدم اٹھانے کا فیصلہ کیا۔یقینا اس فیصلے میں وزیر اعلی پنجاب عثمان بزدار کی مکمل رضامندی اور تائید شامل تھی۔مئ 2020 میں ہونے والے پنجاب اسمبلی کے اجلاس میں پنجاب کی حکومت کے وزیر اور چوہدری برادران کے قریبی ساتھی حافظ عمار یاسر نے یہ سعادت حاصل کی اور انہوں نے حضور خاتم النبیین کی عظمت و شان کے تحفظ کے لیے پنجاب اسمبلی میں قرارداد پیش کی۔قرارداد پیش کرنے سے پہلے اسپیکر پنجاب اسمبلی چوہدری پرویز الٰہی نے کہا کہ ختم نبوت صلی اللہ علیہ وسلم ہمارے ایمان کا بنیادی حصہ ہے۔نبی اکرم صلی اللہ علیہ وسلم کی ذات اقدس پر ہماری جان بھی قربان ہے۔جب تک قادیانی اپنے آپ کو غیر مسلم تسلیم نہیں کرتے تب تک ان کو اقلیت تسلیم نہیں کیا جا سکتا۔پنجاب کے وزیر معدنیات کی طرف سے پیش کی گئی قرارداد میں کہا گیا کہ ارشاد باری تعالیٰ ہے،اے مسلمانو،حضرت محمد رسول اللہ صلی اللہ علیہ وسلم تم میں سے کسی مرد کے باپ نہیں مگر وہ اللہ کے رسول ہیں۔اور خاتم النبیین ہیں۔قرآن میں واضح طور پر بیان ہوگیا کہ نبوت کا راستہ ہمیشہ کے لئے بند ہو گیا ہے۔اب کسی اور نبوت کے اجراء کا سوال ہی پیدا نہیں ہوتا۔پنجاب اسمبلی میں پیش کی گئی قرارداد میں جامع ترمذی اور سنن ابی داود میں حضرت ثوبان رضی اللہ تعالی عنہ سے مروی ایک اور روایت بھی بیان کی گئی جس میں حضور اکرم صلی اللہ علیہ وسلم نے فرمایا امت میں سے 30 افراد ایسے اٹھیں گے جو کذاب یعنی جھوٹے ہوں گے ان میں سے ہر شخص اپنے بارے میں یہ گمان کرتا ہوگا کہ وہ نبی ہے حالانکہ میں خاتم النبیین ہوں میرے بعد کوئی نبی نہیں آئے گا۔قرار داد میں مزید کہا گیا گیا کہ حضرت محمد رسول اللہ صلی اللہ علیہ وسلم کی عظمت اور فضیلت کا پہلو اس اعتبار سے کہ نبوت آپ پر کامل ہو گئی ہے رسالت کی آپ پر تکمیل ہوگئی ہے۔یہی وجہ ہے کہ ہم قرآن و حدیث شریف میں حضور صلی اللہ علیہ وسلم کے ضمن میں خاص طور پر تکمیل اکمل جیسے الفاظ بکثرت استعمال ہوئے۔قرارداد میں وفاقی کابینہ کو خراج تحسین پیش کرتے ہوئے کہا گیا کہ یہ ایوان وفاقی کابینہ کو خراج تحسین پیش کرتا ہے جنہوں نے قادیانیوں کو اس بنا پر اقلیتی کمیشن میں شامل نہیں کیا ۔قادیانی نہ آئین پاکستان کو مانتے ہیں نہ اپنے آپ کو غیر مسلم اقلیت تسلیم کرتے ہیں۔یہ ایوان اعادہ کرتا ہے کہ آئے روز ناموس رسالت صلی اللہ علیہ وسلم پر کوئی نہ کوئی مسئلہ کھڑا کردیا جاتا ہے۔کبھی حج فارم میں تبدیلی کر دی جاتی ہے کبھی کتب میں سے خاتم النبیین کا لفظ نکال دیا جاتا ہے لیکن آج تک ان سازشیوں کے خلاف کوئی کارروائی نہیں کی گئی۔پاکستان ایک اسلامی ملک ہے لیکن ہمیں تحفظ ناموس رسالت کی بھیک مانگنی پڑتی ہے۔یہ ہم سب کے لیے شرم کا مقام ہے۔یہ ایوان وفاقی حکومت سے مطالبہ کرتا ہے کہ یہ سلسلہ بند ہونا چاہیے۔
قرار داد میں مزید کہا گیا کہ جو لوگ ان سازشوں میں ملوث ہیں ان کو بے نقاب کر کے سخت سے سخت سزا دی جائے۔۔اقلیتی کمیشن میں ہندو سکھ اور مسیحی بیٹھے ہیں ، ہم نے کبھی ان پر اعتراض نہیں کیا کیونکہ وہ اپنے آپ کو مسلمان نہیں کہتے ۔ ہم اقلیتوں کو آئین میں دیئے گئے حقوق کے لیے آواز بلند کرتے ہیں۔یہ ایوان مطالبہ کرتا ہے کہ اگر قادیانیوں کا سربراہ یہ لکھ کر بھیج دے کہ وہ آئین پاکستان کو مانتے ہیں اور اپنے آپ کو غیر مسلم اقلیت تسلیم کرتے ہیں تو ہمیں ان کے کمشن میں بیٹھنے پر کوئی اعتراض نہ ہوگا۔قرارداد کے متن میں مزید کہا گیا کہ ختم نبوت کا معاملہ ہمارے لیے ریڈ لائن ہے۔تحفظ ختم نبوت،تحفظ ناموس رسالت،تحفظ ناموس اصحاب رسول،تحفظ ناموس اہل بیت اطہار،اور تحفظ ناموس امہات المومنین رضوان اللہ علیہم اجمعین سے بڑھ کر ہمارے لئے کوئی چیز نہیں۔اس پر کسی کو ابہام نہیں ہونا چاہیے۔۔
یہ قرارداد موجودہ پنجاب حکومت اور پنجاب اسمبلی کے ماتھے کا جھومر ہے۔اس کی منظوری پر پنجاب اسمبلی میں قائد ایوان عثمان بزدار اور اپوزیشن لیڈر حمزہ شہباز شریف مبارکباد کے مستحق ہیں۔یہ وہ سعادت ہے جو ان کے لیے دنیا اور آخرت کی کامرانی کا باعث بنے گی۔۔اس سارے عمل کے پس منظر میں میرے دوست ، چوہدری راسخ الہی کا بھر پور کردار رہا۔جن کا دل محبت رسول کے جزبے سے معمور ہے۔انکے خاموش لیکن موثر کردار نے اس قرارداد کی تیاری اور منظوری میں بنیادی کردار ادا کیا۔عثمان بزدار کی حکومت بجا طور پر اس کارنامہ پر فخر کر سکے گی۔سپیکر پنجاب اسمبلی چوہدری پرویز الہی نے اپنے طرز عمل سے ثابت کیا کہ وہ نہ صرف ایک پرعزم،جہاندیدہ سیاستدان ہیں بلکہ وہ اپنے سینے میں محبت رسول سے بھرپور ایک دل بھی رکھتے ہیں۔ان دنوں ان کے بیانات اور تقاریر ان کے درد دل کی نشاندہی کرتے ہیں۔گستاخانہ مواد پر مبنی کتب کی پابندی بھی چوہدری پرویز الہی اور پنجاب حکومت کا اہم کارنامہ ہے.پنجاب ٹیکسٹ بک بورڈ کے چیرمین راے منظور ناصر راسخ العقیدہ مسلمان اور درد دل رکھنے والے انسان ہیں۔انکی موجودگی بھی موجودہ نظام کیلیے خوش آئند ہے۔بے یقینی،مایوسی،نالائقی،بے حکمتی کہ اس ماحول میں صوبہ پنجاب کی طرف سے یہ اقدامات ٹھندی ہوا کی مانند ہیں۔پنجاب حکومت اور پنجاب اسمبلی کے یہ اقدامات تاریخ میں ہمیشہ یاد رکھے جائیں گے۔ایسے ہی اقدامات مرکز میں بھی ہونے چاہیں۔اسی نوعیت کی قرارداد سندھ اسمبلی سے بھی منظور ہوی ہے جو کہ خوش آئند ہے۔یہ اقدامات عوام کے جذبات کی حقیقی ترجمانی کرتے ہیں۔۔-

پیارے بابا جان، "شیخ الحدیث مولانا رحمت اللہ ربانی”
از قلم:مسز ناصر ہاشمی (بنت ربانی )

کون جانتا تھا؟؟؟
انڈیا کے گاؤں انبالہ سے اپنی بیوہ ماں کی انگلی پکڑ کر آنے والا یتیم بچہ اگلے وقتوں میں دعوت دین کا داعی بنے گا۔اور ہر جا توحید وسنت کا پرچار کرے گا۔
میری نظریں اس نیک صفت انسان کو ڈھونڈتی ہیں جس کے بارے میں ابا جان کہتے تھے کہ اس رحم دل انسان نے مجھے لاوارث اور بے سہارا سمجھ کر ایک مدرسہ میں داخل کروا دیا اور یوں سات سال کی عمر میں ہی آپ ایک اعلی مشن پر گامزن ہو گئے ۔اور پھر "ہونہار بروا کے چکنے چکنے پات” کے مصداق بچپن سے ہی اپنے خاندان سے کہیں مختلف ،جاہلانہ خرافات سے بہت دور عالمانہ ذہنیت کے حامل بن گئے ۔
پھر۔۔۔۔۔۔۔چل سو چل علم کا سلسلہ شروع ہوا۔ بہت سے علماء بلخصوص احسان الہی ظہیر شہید اور پروفیسر حافظ سعید آپ کے ہم جماعت اور ہم عصر رہے ۔
میرے بابا جان کے پاس ایک درجن سے زائد علم و ادب کی اسناد موجود تھیں۔ حرمین شریفین میں بھی معلم رہے۔ مزید یہ کی مختلف مساجد میں امامت و خطابت کے فرائض سر انجام دیئے۔گورنمنٹ سکول میں عربی کے استاد رہے۔ اپنی زندگی میں دو مساجد تعمیر کیں اور ان کی تعمیر میں بھرپور حصہ لیا بلکہ دن رات ایک کر دیا۔
آپ ایک مثالی باپ،دعوت حق کے داعی، با عمل عالم ،مفتی شفیق استاد ،ادیب اور شاعر بھی تھے۔آپ نے بہت سی نظمیں اور کم وبیش پندرو کتابیں تصنیف کیں۔
میرے سسر محمد بشیر ھاشمی اللہ پاک ان کی قبر پر کروڑوں رحمتیں نازل فرمائے 1983 میں فوج سے ریٹائر ہو کر مسجد بلال کے پاس گھر لے لیا اور مولانا ربانی صاحب سے قرآن کی تعلیم حاصل کرنے لگے تو پھر دنیا چھوڑ کر ان کے ہی ہو گئے۔مجھے اکثر کہتے تمھارے والد نے مجھے بتایا کہ حق کیا ہے اور باطل کیا ہے۔انہوں نے میری اصلاح کی۔
ایک مثال تو میرے گھر میں موجود تھی اور اس طرح کی سینکڑوں مثالیں ملک بھر میں پھیلی ہوئ ہیں۔ایسے لوگ دنیا میں بھت کم پیدا ہوتے ہیں۔
ہزاروں سال نرگس اپنی بے نوری پر روتی ہے
بڑی مشکل سے ہوتا ہے چمن میں دیدہ ور پیدا
اللہ ایسے بندوں کو ضائع نہیں کرتا جو اس کا نام بلند کرنے کے لئے اپنی زندگیاں وقف کر دیتے ہیں۔ وہ انہیں لوگوں کے دلوں میں زندہ رکھتا ہے۔اسی لئے تو۔۔۔۔۔
جب میرے عظیم بابا۔۔۔۔۔
4 جون 2020 کو ہم سے جدا ہو کر سفر آخرت پر روانہ ہوئے
تو۔۔۔۔آگے آگے مسافر کی بارات تھی
پیچھے پیچھے زمانہ تھا روتا
چلا
اک شورش ہی گھر سے اکیلا
چلا
شہر کا شہر جیسے روانہ ہوا
میرے پیارے بابا جان!!!
ہم آپ کو روک نہیں سکے کیونکہ جو دنیا میں آیا اس نے اس دارفانی سے جانا ہی ہے۔
لیکن یہ سوچ کر دل غم سے بھر جاتا ہے کہ اب وہ ہاتھ کبھی نظر نہیں آئیں گے جو حق بات کو ثابت کرنے کے لئے سٹیج پر لہراتے تھے ۔
ان قدموں کی چاپ کبھی سنائ نہ دے گی جو دعوت دین پھیلانے کے لئے اٹھا کرتے تھے۔
وہ آواز کبھی سنائ نہ دے گی جس میں اطعیواللہ و اطعیو الرسول کی گونج سنائ دیتی تھی
وہ آنکھیں کہاں گم ہو گئیں جو اپنی پیاری بیٹی کی راہ تکتی تھیں
وہ آہیں وہ سسکیاں وہ ہاتھ جو وقت تہجد ہمارے لیے اٹھا کرتے تھے……سب ختم ہو گیا
خاک مرقد پر میں لے کر
تیری یہ فریاد آؤں گی
دعاء نیم شب میں میں کس
کو یاد آؤں گی
توحید وسنت کا یہ باب ہمیشہ ہمیشہ کے لئے بند ہو گیا۔لیکن ہمارے لیے دین اسلام کی بہت سی راہیں ہموار کر گیا۔
اللہ تعالی میرے والد کو جنت الفردوس میں اعلی مقام عطا کرے۔ان کے صغیرہ و کبیرہ گناہوں کو معاف کرے اور ان کی اولاد اور ان کے تلامزہ کو ان کے لئے صدقہ جاریہ بنائے( آمین )
آسمان تیری لحد پہ شبنم
افشانی کرے
سبزہ نور ستہ اس گھر کی
نگھبانی کرے

HISTORICAL SOLAR ECLIPSE IN PAKISTAN:
#تاریخی سورج گرہن #دن میں رات کاسماء:
🔴 آج سے ٹھیک 11 دن بعد 21 جون کو صبح 9 بجے سے دوپہر 1 بجے کے درمیان پاکستان میں تاریخی سورج گرہن متوقع ہے۔ پاکستان کے بیشتر علاقوں میں دن میں مغرب جیسا سماء ہو جائے گا۔ اس بار سورج گرہن 26 دسمبر 2019 والے کے مقابلے زیادہ گہرا ہوگا۔

◾سب سے زیادہ سورج گرہن بلوچستان کے ساحلی علاقوں، شمالی سندھ اور جنوبی پنجاب میں دیکھا جا سکے گا جہاں 95-100 فیصد تک سورج کا حصہ چاند کے پیچھے چھپ جائے گا اور مغرب/رات جیسا سماء ہوگا۔ پاکستان کے باقی تمام علاقوں میں اس دوران سورج 75-90 فیصد چاند کے پیچھے ڈھک جائے گا اور 1999 والے گہن کے بعد یہ سب سے تگڑا سورج گہن ہوگا۔

#کراچی میں سورج_گرہن:
🔴 کراچی میں سورج گرہن کی شروعات 21 جون کی صبح 9:29AM سے ہوگی جبکہ سب سے زیادہ گہن صبح 10:59AM پر لگے گا جب سورج کا %92 فیصد حصہ چاند کے پیچھے چھپ جائے گا اور دن میں مغرب جیسا سماء بندھ جائے گا۔ اس والے سورج گرہن میں کراچی میں اندھیرا 26 دسمبر 2019 والے گہن کے مقابلے کافی زیادہ ہوگا۔ سورج گرہن کا کراچی میں اختتام دوپہر 12:36PM پر ہوگا۔

#لاہورمیں سورج_گرہن:
🔴 لاہور میں سورج گرہن کی ابتداء صبح 9:48AM پر ہوگی جبکہ صبح 11:26AM پر سب سے زیادہ گہن لگے گا، اس دوران سورج کا %91 فیصد حصہ چاند کے پیچھے چھپ جائے گا۔ سورج گرہن کا اختتام دوپہر 1:10PM پر ہوگا۔

#پاکستان کےباقی شہروں کی_تفصیلات:
♦️ پاکستان کے باقی بڑے شہروں میں کتنے فیصد سورج گرہن ہوگا اور کس وقت سب سے زیادہ گہن ہوگا اسکی تفصیلات کچھ یوں ہیں۔

🔷 Gawadar: 98.5% (Peak Time 10:48AM)
🔷 Larkana: 98.7% (Peak Time 11:05AM)
🔷 Sukkur: 98.7% (Peak Time 11:07AM)
🔷 Bahawalpur: 96.6% (Peak Time 11:17AM)
🔷 Rahimyarkhan: 98.6% (Peak Time 11:12AM)
🔷 Khuzdar: 96.0% (Peak Time 11:02AM)
🔷 Nawabshah: 94.5% (Peak Time 11:04AM)
🔷 Multan: 93.4% (Peak Time 11:17AM)
🔷 Hyderabad: 91.4% (Peak Time 11:03AM)
🔷 Faisalabad: 90.6% (Peak Time 11:22AM)
🔷 Quetta: 87.9% (Peak Time 11:06AM)
🔷 Sialkot: 87.9% (Peak Time 11:27AM)
🔷 DI Khan: 86.6% (Peak Time 11:17AM)
🔷 Islamabad: 82% (Peak Time 11:25AM)
🔷 Muzzafarabad: 79.9% ( Peak Time 11:26AM)
🔷 Peshawar: 79.4% (Peak Time 11:21AM)
🔷 Gilgit: 74.8% (Peak Time 11:32AM)

#ضروری_احکامات:
◾مکمل سورج گرہن یا 70 فیصد سے اوپر سورج گرہن کی وجہ سے درجہِ حرارت ایک دم کم ہو جاتا ہے۔

◾سورج گرہن کے دوران سورج کی طرف بغیر کسی فلٹر والے چشمے کے بغیر دیکھنے سے انسان ہمیشہ کے لئے اندھا ہو سکتا ہے۔ اسلئے اس دوران سورج کی طرف نہ دیکھیں۔

◾عام سن گلاسز/Sun Glasses کا استمعال سورج گرہن کے دوران سورج سے نکلنے والی ریڈی ایشن/تابکاری/Radiation سے آپکی آنکھوں کو محفوظ نہیں رکھے گا! غلطی سے بھی ایسا نہیں کریئے گا کہ سن گلاسز پہن کر سورج گرہن دیکھنے لگ جائیں۔

◾سنت اور قرآن کے مطابق مسلمان سورج گرہن کے دوران اللہ پاک سے گناہوں کی توبہ کریں اور "نماز کسوف” ادا کریں، یہ وہ نماز ہوتی ہے جو ہمارے پیارے نبی پاک صلی اللہ علیہِ وسلم سورج گرہن کے وقت پڑھتے تھے۔

نماز کسوف پڑھنے کا طریقہ:
سورج گہن کی نماز سنت موکدہ ہے-دو رکعت نماز باجماعت پڑھنا مستحب ہے بشرطیکہ وقت مکروہ نہ ہو-الگ الگ بھی نماز پڑھ سکتے ہیں-بہرحال قرات آہستہ ہو گی-حضرت عبداللہ بن عباس رضی اللہ تعالی عنہ سےمروی ہے کہ حضور صلی اللہ علیہ وآلہ وسلم کے دور میں آفتاب میں گہن لگا تو آپ نے نما زپڑھی جس میں سورۃ بقرہ جتنا لمبا قیام کیااور اسی طرح رکوع و سجود لمبا کیاپھر فرمایا سورج یا چاند گہن کسی کی موت یا زندگی کی وجہ سے نہیں لگتا لہذا جب تم ایسا دیکھو تو خدا کا ذکر کرو اوع دعا و استغفا ر میں مشغول ہو جاؤ-
منقول
والسلام ظفر مسعود انصاری