Category: کشمیر

:سری نگر: قابض بھارتی افواج تشدد کا سلسلہ جاری رکھے ہوئے ہیں اور اطلاعات کے مطابق پچھلے 48 گھنٹوں میں 9 سے زائد کشمیری نوجوانوں کو گھروں سے نکال کر شہید کردیا گیا ہے، دوسری طرف مقبوضہ کشمیر میں بھارتی مظالم کی انتہا کے باوجود نام نہاد عالمی برادری کو چپ لگ گئی ہے ، مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

دوسری طرف کل پاکستان سمیت دنیا بھر میں کشمیریوں سے محبت کرنے والوں نے جس محبت اور وفا کا اظہار کیا ہے ہے اس کا سلسلہ جاری ہے اور کشمیریوں کے حوصلے بڑھے ہیں. سری نگر سے ذرائع کے مطابق کشمیریوں نے پاکستانیوں کا بھرپور شکریہ ادا کرتے ہوئے کہا ہے کہ جب تک وہ بھارت کی غلامی سے آزاد نہیں ہوجاتے وہ اپنی تحریک مزاحمت جاری رکھیں گے

لاہور: کشمیری مسلمانوں کو تکلیف میں نہیں‌دیکھ سکتے ، پاکستانی ڈاکٹرز نے کشمیریوں کے علاج کے لیے لائن آف کنٹرول (ایل او سی) عبور کرنے کا اعلان کردیا۔تفصیلات کے مطابق یو ایچ ایس اور پاکستان سوسائٹی آف انٹرنل میڈیکل نے مشترکہ اعلامیہ کے مطابق ڈاکٹرز نے کشمیریوں کے علاج کے لیے ایل او سی عبور کرنے کا اعلان کیا ہے۔

ذرائع کے مطابق پاکستانی ڈاکٹرز نے اقوام متحدہ سیکیورٹی کونسل کو خط لکھا جس میں کہا گیا ہے کہ مقبوضہ کشمیر میں صحت عامہ کی ابتر صورت حال ہے، تشویش ناک حالت میں مبتلا مریضوں کو بھی کشمیر سے باہر نیہں بھیجا جارہا ہے۔

ذرائع کے مطابق اس خط کے متن کے مطابق مقبوضہ کشمیر میں بچوں کی خوراک، ادویات کی سپلائی بھی نہیں دی جارہی ہے، مظلوم کشمیریوں کی مدد اور علاج کے لیے مقبوضہ کشمیر جانا چاہتے ہیں۔

ان ڈاکٹروں کا کہنا ہے کہ مظلوم کشمیریوں کی مدد اور علاج کے لیے مقبوضہ کشمیر جانا چاہتے ہیں، پروفیسر جاوید اکرم کا کہنا ہے کہ بھارت ڈاکٹرز کی ٹیم کو کشمیریوں کو علاج معالجہ کرنے دے۔

نیویارک : بھارت کشمیریوں کے حقوق کا قاتل بن گیا ہے ، تمام تر انسانی بنیادی حقوق دبا لیے گئے ہیں، انسانی حقوق کی عالمی تنظیم ہیومن رائٹس واچ نے مطالبہ کیا ہے کہ بھارت مقبوضہ کشمیر سے ٹیلی فون اور انٹرنیٹ کی بندش فوری ختم کرے، پابندیوں سے کشمیری آبادی میں غصہ اور افواہیں جنم لے رہی ہیں۔

مقبوضہ کشمیر میں بھارت کی طرف انسانی حقوق کی پامالی سے متعلق ہیومن رائٹس واچ ساؤتھ ایشیا کی ڈائریکٹر میناکشی گنگولی نے مطالبہ کیا ہے کہ مقبوضہ کشمیر میں انٹرنیٹ اور ٹیلی فون پر طویل عرصے سے پابندی ہے جو انسانی حقوق کی کھلی خلاف ورزی ہے۔

ہیومن رائٹس واچ نے مطالبہ کیا ہے کہ لہٰذا بھارت کشمیر سے ٹیلی فون اور انٹرنیٹ کی بندش فوری طور پر ختم کرے، میناکشی گنگولی کا مزید کہنا ہے کہ انٹرنیٹ اور ٹیلیفون کی بندش سے کشمیر میں آباد لوگوں کو غیرمتناسب نقصان پہنچ رہا ہے۔

سری نگر سری نگر کی جامع مسجد کے امام نےبھی بھارتی مظالم کاپردہ چاک کردیا۔تفصیلات کے مطابق امام مسجدحافظ الطاف احمد شاہ کا کہنا ہے کہ بھارتی فورسز نمازپڑھنے پربھی ہراساں کررہی ہیں،

ذرائع کے مطابق امام مسجد حافظ الطاف احمد شاہ نے انکشاف کیا ہے کہ کہا جاتا ہے نماز نہ پڑھو۔ بھارت نے وادی میں سب کچھ بند کردیا، ظلم کا بازار گرم ہے، بزرگوں کوبے عزت کیاجارہا اورعورتوں کی عصمت دری کی جارہی ہے۔

عمر کوٹ :ہندو برادری کے ہزاروں افراد کشمیریوں سے یکجہتی کریں گے اور بھارتی وزیراعظم مودی کو پیغام دیں گے کہ پاکستان کی ہندو برادری کشمیریوں کے ساتھ ہے۔ پاکستان میں ان کے حقوق محفوظ ہیں

ذرائع کے مطابق اس سلسلے میں وزیر خارجہ شاہ محمود قریشی کل ہفتہ کو عمر کوٹ میں ہندو برادری سے خطاب کریں گے۔عمر کوٹ میں‌ کشمیریوں سے اظہار یکجہتی کے لیے سندھ بھر سے ہندو کمیونٹی پہنچے گی ، اطلاعات کے مطابق نیشنل و انٹرنیشنل میڈیا کی ٹیمیں کوریج کے لیے کراچی پہنچ گئیں ۔

لاہور : تاریخ یہ بھی لکھے گی کہ جب پاکستان سمیت دنیا بھر میں کشمیریوں کےساتھ بھرپور انداز سے اظہار یکجہتی کیا جارہا تھا تو پاکستان کو دو بڑی جماعتوں نے قوم کے ساتھ مل کر اظہار یکجہتی کرنے کو پسند نہ کیا .

باغی ٹی وی کے مطابق یہ بات بڑی شدت سے محسوس کی جارہی ہے کہ آخر ان دوبڑی جماعتوں نے کس کو خوش کرنے کے لیے کشمیریوں کے ساتھ اظہار یکجہتی کرنے کی حامی کیوں نہ بھری ، کیوں نہ کسی لیڈر نے اپنے دیگر ہم وطنوں کے ساتھ کھڑا ہونا پسند کیا ،

ذرائع کے مطابق پاکستان مسلم لیگ ن کی طرف سے کوئی ایسا مظاہر ہ نہیں‌کیا گیا ، صرف شہباز شریف کی طرف سے پریس ریلیز جاری کی گئ ، یہ بھی یاد رہے کہ مسلم لیگ ن کی قیادت میاں شہباز شریف کے بڑے بھائی جان کئ بار یہ دعویٰ کرچکے ہیں کہ وہ کشمیری ہیں .لیکن کشمیریوں کے لیے اظہار یکجہتی نہ کرکے انہوں نے اپنے ہی موقف کی نفی کردی

باغی ٹی وی کے مطابق پاکستان پیپلز پارٹی نے آج قوم کے ساتھ تو مل کر کشمیریوں کےلیے یکجہتی کا اظہار نہیں کیا البتہ اعلان کیا ہےکہ وہ 6 ستمبر کو کشمیریوں سے اظہار یکجہتی کریں گے

لاہور : کشمیریوں سے اظہار یکجہتی کرنے کے لیے ہر پاکستانی نے اپنے اپنے انداز پیش کیے ، جہاں ملک بھر کی تمام جماعتوں نے بھرپور انداز سے اظہار یکجہتی کیا وہاں محکمہ سیاحت پنجاب نے بھی یوم یکجہتی کشمیر منایا

محکمہ سیاحت پنجاب کا ترجمان معظم کے مطابق ڈبل ڈیک بسوں پر پاکستانی و کشمیری پرچم لگائے گئے تھے بسیں قذافی سے واہگہ تک گئیں ۔شرکاء کشمیریوں سے یکجہتی کے نعرے لگاتے رہے، ترجمان کے مطابق محکمہ سیاحت نے بھرپور انداز سے اپنے کشمیری بھائیوں سے محبت و وفا کا اظہار کیا

یاد رہے کہ محکمہ سیاحت پنجاب نے ڈبل ڈیک بسوں کو پاکستانی اور کشمیری جھنڈوں سے سجا رکھا تھا اور بسوں پر کشمیریوں سے بھرپور انداز سے محبت کے جزبات کا اظہار کیا گیا تھا