Category: بہاولپور

اوچ شریف باغی ٹی وی (نامہ نگار حبیب خان) قبضہ مافیا ، لینڈ مافیا اور باآثر افراد نے عباسیہ لنک کینال کی خوبصورتی ختم کرنے کا ایکا کر لیا ہے
دونوں کناروں پر غیر قانونی تعمیراتی کاموں میں تیزی ، انتظامیہ خاموش ،

تفصیلات کے مطابق اولیائے کرام کے شہر اوچ شریف عباسیہ لنک کینال کی خوبصورتی ختم کرنے کیلئے لینڈ مافیا ، قبضہ مافیا اور باآثر افراد نے ایکا کر لیا عباسیہ لنک کینال کے دونوں کناروں پر حسینی چوک تا پل چھٹہ تک غیر قانونی تعمیراتی کام عروج پر ہے ،

جس کے وجہ سے اوچ شریف شہر کے شہری اور باہر سے آنے والے زائرین کے خوبصورت موجوں سے لطف اندوز ہوتے تھے ، اور اب انے والے گرمی میں لینڈ مافیا ، قبضہ مافیا اور باآثر افراد نے عباسیہ لنک کینال کے یہ خوبصورتی بھی ختم کردی ہے انتظامیہ خاموش تماشہ دیکھ رہے ہیں ،

عام شہریوں کی آنکھیں آسمان کے طرف ہے کہ کب اوچ شریف شہر کو لینڈ مافیا کے چنگل سے نجات دلانے والا آئے گا شہریوں محمد شفیع محمد وقاص ساجد علی سید زین حیدر عشرت حسین سمیت دیگر نے میڈیا سے گفتگو کرتے ہوئے کہا کہ چولستان کے زرعی زمینوں کو سیراب کرنے والی نہر پر سیاسی قبضہ مافیا نے دکانیں ، تھڑے اور لان بنا کر قبضہ کرنا شروع کردیا ،

ضلعی حکومت اور محکمہ انہارنے قبضہ مافیا سے نہری زمین واگزار کروانے کے بجائےپراسرار خاموشی اختیار کر لی ہے۔نہری زمین پر پکے تھڑے اور شیلڈز جوسر کینٹن سروس پیمپ کی تعمیرکئے جارہے ہیں نہر کے دونوں اطراف کنارے سرکاری اراضی پر سیاسی شخصیات کی آشیر باد اور انتظامیہ کی ملی بھگت سے قبضہ گروپ فعال ہو گیا ھے اور مافیا کی ملی بھگت سے سرکاری اراضی کی فروخت جاری ہے

ذرائع کے مطابق اس کاروبار میں باقائدہ انتظامیہ حصہ دار بنی ہوئی ہے اور چمک کے کمال سے چشم پوشی برتی جارہی ہے اور یہ کاروبار منظم طریقےسے کیا جارہا ہے

جس میں محکمہ مال محکمہ انہار اور ضلعی انتظامیہ ملوث ہے کیونکہ ان محکمہ جات کی خاموشی اندر کاحال بیان کر رہی ہے سرکاری اراضی بیچ کر قومی خزانے کو ٹیکہ لگایا جارہا ہے اور مافیا اپنی جیبیں بھرنے میں مصروف ہے اور ذمہ دار ادارے خواب خرگوش کے مزے لوٹ رہی ہے

اعلیٰ حکام سے محب وطن شہریوں نے نوٹس لینے اور ملوث افراد کے خلاف کارروائی کامطالبہ کیا ہے

اوچ شریف، باغی ٹی وی (نامہ نگار حبیب خان)اوچ شریف کے نواحی علاقے موضع چک مانک بستی گٹکا کے رہائشی محمد شوکت نے چوری اور جرائم سے توبہ کر لی ہے

تفصیلات کے مطابق اوچ شریف کے نواحی علاقے موضع چک مانک کے نوجوان محمد شوکت نے اہلیان علاقہ کی موجودگی میں قرآن پاک پر حلف اٹھا کر چوری اور جرائم سے توبہ کر لی۔ توبہ کے وقت معززین شہری بھی موجود تھے۔

محمد شوکت نے میڈیا سے گفتگو کرتے ہوئے کہا کہ میں نے اللہ پاک کی پاک کتاب پر حلف لیا ہے کہ آئندہ کبھی چوری اور جرائم نہیں کرونگا اور باعزت طریقے سے روزی کماؤں گا

مزید انہوں نے اعلیٰ حکام سے اپیل کرتے ہوئے کہا کہ میں ایک پاکستانی شہری ہوں مجھے کسی بھی قسم کے جرائم میں ملوث نہ کیا جائے

اوچ شریف، باغی ٹی وی ( نامہ نگار حبیب خان) عباسیہ لنک کینال نہر پنجند نہر سمیت دیگر نہر کناروں سے سرکاری قیمتی درختوں کا صفایا شروع محکمہ جنگلات کے افسران کی مبینہ ملی بھگت اور ساز باز سے درختوں کی کٹائی سے سرکاری خزانہ کو چونا لگانے کا انکشاف، ٹمبر مافیا راتوں رات کروڑوں میں کھیلنے لگا، ہریالی کا خاتمہ اور ماحولیاتی آلودگی میں اضافہ، علاقہ مکینوں میں تشویش کی لہر،

تفصیلات کے مطابق جنوبی پنجاب کی سب تحصیل اوچ شریف میں ٹمبر مافیا نے مبینہ با اثر شخصیات کی چھتری تلے اور محکمہ جنگلات کے کرپٹ آفیسران کی ملی بھگت سے سڑکوں ،نہروں اور سرکاری اراضی سے انتہائی قیمتی درختوں کی کٹائی کرکے سرعام بیچنے کا مکروہ اور قبیح دھندہ شروع کر رکھا ہے ،جس سے سرکاری درختوں کا صفایا ہو رہا ہے ،

ٹمبر مافیا کی کاروائیوں سے کسی سرکاری ادارے کے درخت محفوظ نہیں ہیں، گذشتہ بیس سالوں میں کیکر ،شیشم، سفیدے سمیت دیگر قیمتی درختوں کو صفحہ ہستی سے مٹا کر قومی خزانے کو بے دردی سے لوٹنے بارے انکشاف ہوا ہے،

ذرائع کے مطابق ٹمبر مافیاکو تیار کرنے اور سر پرستی میں محکمہ جنگلات کے آفیسران و اہلکاروں کے علاوہ محکمہ پولیس کی کالی بھیڑوں کا بھی اہم کردار بتایا جاتا ہے، جو جائے وقوعہ سے لے کر ملک بھر کی بڑی بڑی لکڑ منڈیوں ملتان ، فیصل آباد اور کراچی سمیت دیگر بڑے بڑے لکڑی ڈپوﺅں تک پہنچنے میں مرکزی کردار ادا کر رہے ہیں۔

رات کی تاریکی میں درخت چوری کی وارداتوں میں مقامی پولیس کے بعض اہلکاروں سے ملی بھگت کر کے ٹرکوں کے ذریعے بھجوایاجاتا ہے، اگر کوئی بندہ لکڑی چوروں کو پکڑوا بھی لیتا ہے تو جنگلات آفیسران فوراََ پہنچ کر معمولی جرمانہ کی رسید جاری کرکے لکڑی سپر داری کروا کے چلتے بنتے ہیں،

گذشتہ شب عباسیہ لنک کینال ککس موڑ پر ٹمبر مافیا درختوں کا صفایا کر رہے تھے کہ مقامی لوگوں کے آنے کی اطلاع ٹمبر مافیا کو موصول ہوئی تو ٹمبر مافیا درختوں کو چھوڑ کر جائے وقوعہ سے رفوچکر ہو گئے ،

اس سلسلے میں مقامی شہریوں محمدآصف، محمدفاروق، محمدزاہد، ظہور و دیگرز نے ڈپٹی کمشنر بہاول پور وفاقی وزیر ماحولیات اور محکمہ جنگلات سمیت دیگر متعلقہ اداروں سے مطالبہ کیا ہے کہ گذشتہ پانچ سالوں میں تعینات کئے گئے محکمہ جنگلات کے کرپٹ آفیسران واہلکاران اور ٹمبر مافیا کے خلاف تحقیقات کرنے اور ان کے نام اثاثہ جات کو چیک کیا جائے، کیونکہ معمولی تنخواہوں والے ملازمین مبینہ طور پر کروڑوں اربوں روپے کے مالک کیسے بن گئے ہیں

اوچ شریف،باغی ٹی وی ( نامہ نگارحبیب خان ) سردموسم ،مضرصحت قلفیوں اور آئس سے بچے مختلف خطرناک بیماریوں میں مبتلا ہونے لگے ،گلے اور چھاتی کے امراض میں اضافہ،بیماربچوں سے ہسپتال بھر گئے ،،پنجاب فوڈ اتھارٹی کے ارباب اختیار کی طوطاچشمی ، معصوم بچوں کے والدین پریشان

تفصیلات کے مطابق موسم سرما کے آخری ایام میں اوچ شریف شہر اور گردونواح میں مختلف چوکوں، چوراہوں، مضافاتی علاقوں کے سکولوں کے گیٹ اورسڑکوں کے اطراف میں قلفیاں اور آئسکریم فروخت کرنے والے افراد دیدہ دلیری سے مضرصحت قلفیوں کی فروخت شروع کردی ہے اکثر علاقوں میں آئسکریم فروش تشہیر کے لئے لاؤڈ سپیکر استعمال کر تے دکھائی دیتے ہیں۔

آئسکریم فروش مضر صحت کیمیکل ملا رنگ استعمال کرکے چھوٹے چھوٹے معصوم بچوں میں بیماریاں بانٹنے کا کام کر رہے ہیں جس کے نتیجہ میں کمسن بچے مختلف مہلک امراض جن میں نزلہ و زکام ،سانس اور گلے کی بیماریاں اور نمونیا کا شکار ہو کر ہسپتالوں کا رخ کر رہے ہیں رہی سہی کسر جعلی جوس اور ملٹی نیشنل کمپنیوں کے ناموں سے ملتے جلتے ناموں پر بننے والے جعلی دو نمبر جوسسز آئس کریم اور قلفیوں نے پوری کر رکھی ہے۔

گلی محلوں سمیت بڑی بڑی دکانوں پر سپلائی کرکے راتوں رات کروڑ پتی بننے کے خواب دیکھ رہے ہیں جن کے استعمال سے بچوں سمیت، عورتیں، نوجوان لڑکیاں اور بوڑھوں میں مختلف بیماریاں پھیل رہی ہیں جبکہ پنجاب فوڈ اتھارٹی کے ذمہ داران نے اپنی آنکھوں پر پٹی باندھ رکھی ہے اور سادہ لوح افراد کو آئسکریم قلفی اور جوس فروشوں کے رحم و کرم پر چھوڑ دیا ہے۔شہریوں نے ڈی جی پنجاب فوڈ اتھارٹی سے نوٹس لینے کا مطالبہ کیاہے

اوچ شریف باغی ٹی وی ( نامہ نگار حبیب خان)اوچ شریف شہر غوث الاعظم چوک پل عباسیہ لنک کینال پر تجاوزات کی لپیٹ میں حادثات معمول بن گئے، ضلعی انتظامیہ مسافروں پر شفقت کرے غوث الاعظم چوک واگذر کرائے شہری

تفصیلات کے مطابق اوچ شریف کے معروف چوک غوث الاعظم میں تجاوزات کی بھرمار نے شہریوں سمیت مسافر گاڑیوں کا جینا حرام کر دیا ہے آئے روز حادثات معمول بن گئے۔ شہر کی معروف پل عباسیہ لنک کینال پر ٹریفک جام رہنے سے نہ صرف قیمتی زرمبادلہ جل کر ضائع ہوتا ہے بلکہ فضائی آلودگی میں بے تحاشہ اضافہ ہو رہا ہے

شہریوں محمد ظفر محمود الحسن محمد دین حاجی احمد ودیگر نے میڈیا سے گفتگو کرتے ہوئے کہا اوچ شریف شہر کے معروف چوک غوث الاعظم سمیت الشمس چوک ریڑھی بانوں سمیت تجاوزات مافیا کے لپیٹ میں ہیں الشمس چوک تا غوث الاعظم چوک سٹرک کناروں سمیت پل عباسیہ لنک کینال غوث الاعظم چوک پر سریا بجری٫ ریڑھی چھاپے والوں نے شہریوں کی ناک میں دم کیا ہوا ہے ۔

فٹ پاتھ پر دکانداروں نے قبضہ کیا ہوا اور سڑک پر لوہااور بجری ڈالی ہوئی ہے جو کہ حادثات کا سبب بن رہی ہیں ریڑھی والوں نے بھی ٹھیلے سجائے ہوئے ہیں، سارا سارا دن ٹریفک بلاک رہنا روز کا معمول بن چکا ہے۔

سریا بجری سیمنٹ کے دکانداروں کی تجاوزات کی وجہ سے لوگوں کا پیدل چلنا محال ہے غوث الاعظم چوک پر ریڑھی بانوں سمیت کھوکھا شاپ والوں نے نہر کناروں سمیت پل عباسیہ لنک کینال کو اتنی بے دردی سے یرغمال بنایا ہوا ہے عباسیہ پل سمیت سڑک کے کنارے اور فٹ پاتھوں اور دکانوں کے باہر تجاوزات کی بھر مار کی بنیادی وجہ بلدیہ کے راشی اہلکار ہیں جو ان لوگوں سے بھتہ وصول کرتا ہے ۔ یہ راشی لوگ چند ٹکوں کے عوض عام شہری زندگی کا سکون برباد کر رہے ہیں۔

جب ان پر کسی طرف سے پریشر بڑتا ہے تو وہ ہائی کمان کی آنکھوں میں دھول جھونکنے کے لیے ایک فرضی آپریشن کرتے ہیں جن دکانداروں اور ریڑھی چھاپے والوں سے وہ بھتہ لیتے ہیں ۔ان کو پہلے ہی باخبر کردیتے ہیں جس کی وجہ سے یہ لوگ اس دن پل عباسیہ سمیت روڈ سے غائب ہو جاتے ہیں

شہریوں نے میڈیا سے گفتگو کرتے ہوئے کہا کہ بڑھتی تجاوزات کو روکنے کا ایک ہی واحد حل ہے یہاں مہینوں ہفتوں کے بعد نہیں بلکہ دو چار دنوں کے بعد ریگولر آپریشن ہونا چاہیے اور بالخصوص ٹی ایم اے کے محکمے میں ایسی کالی بھیڑوں کی بھی نشاندہی ہونی چاہئے جو چند ٹکوں کے عوض تجاوزات کی بھرمار کا سبب بنتے ہیں۔

اسی طرح برا حال ہے اوچ شریف شہر میں ہر جگہ ہر طرف قبضہ گرپ مافیا اور تجاوزات کی بھرمار ہے ۔مجال ہے ذمہ دار محکمہ ان لوگوں کے خلاف کوئی ایکشن لے ۔ہم ڈپٹی کمشنر بہاولپور سے پر زور اپیل کرتے ہیں اوچ شریف میں تجاوزات کے خلاف گرینڈ آپریشن کے احکامات جاری کریں

اوچ شریف باغی ٹی وی (نامہ نگار حبیب خان)اوچ شریف کے نواحی علاقے پل صدیق آباد کے مقام پر ٹریلر کی موٹر سائیکل سواروں کو ٹکر دو خواتین موقع پر جانبحق ایک شخص زخمی ہسپتال منتقل
تفصیلات کے مطابق اوچ شریف کے نواحی علاقے جھانگڑا سی پیک روڈ پل صدیق آباد پر ایک ٹرالے نے موٹر بائیک کو ہٹ کیا ہے جس پر 3 لوگ سوارتھے ۔ ریسکیو سٹاف کے مطابق ٹرالا اپنی لائن میں جا رہا تھا موٹر بائیک اچانک روڈ پر چڑھا تو ٹرالے سے ہٹ ہوگیا۔

جس سےموقع پر دو عورتیں جاںبحق ہوگئیں اور ایک مرد کو ہیڈ انجری ہے جسے فرسٹ ایڈ کے بعد وکٹوریہ ہسپتال شفٹ کر دیا ،موٹر سائیکل سواروں کی شناخت ثناء اللہ، روبینہ بی بی، زرینہ بی بی کے نام سے ہوئی جو کہ موضع جھانگڑہ بستی میانی کی رہائشی تھے

اطلاع ملتے ہی موقع پر ریسکیو ٹیمیں پیٹرولنگ پولیس اور پنجاب پولیس بھی پہنچ گئیں جاںبحق ہونے والی خواتین کو لواحقین کے حوالے کر دیا۔ جبکہ زخمی ہونے والے شخص ثناء اللہ کو ریسکیو سٹاف نے ضلعی وکٹوریہ ہسپتال منتقل کر دیا