Category: بہاولپور

محکمہ وائلڈ لائف پنجاب نے حیران کن طور پر بہاولپور چڑیا گھر میں داخلہ ٹکٹ کی قیمت 6 روپے سے بڑھا کر 50 روپے کردی ہے، بچوں کی ٹکٹ 4 روپے سے بڑھا کر 30 روپے کردی ھے، جبکہ افسوسناک پہلو یہ بھی ھے کہ سہولیات میں کوئی خاطر خواہ اظافہ نہیں کیا گیا ہے، جانوروں کی محدود سی تعداد ہے، صفائی کے ناقص انتظامات ہیں، کمزور اور لاغر جانوروں کی موجودگی ہے، سیاحوں کے لئے بنیادی سہولیات کی عدم فراہمی ہے، رہی سہی کسر ٹکٹ کی قیمتوں میں 8 گنا اضافے نے پوری کردی ھے، یہ قدم سیاحت کو فروغ دینے کی بجائے سیاحوں کی حوصلہ شکنی کے مترادف ہے.

چوہدری محمد کامران، جہانگیر بٹ، جام وقاص فرید اور دیگر نے باغی نیوز کے نمائندے کو انٹرویو دیتے ہوئے محکمہ وائلڈ لائف کے اس قدم پر شدید غم و غصّے کا اظہار کیا ہے.

غلام محمد قریشی باغی نیوز بہاولپور

وزیرِ اعظم عمران خان نے بہاولپور ڈویژن میں ترقیاتی منصوبوں اور جنوبی پنجاب سیکریٹریٹ کی کارکردگی و تعمیر پر پیش رفت کے جائزہ اجلاس کی صدات کی اور مقامی ارکانِ قومی وصوبائی اسمبلی سے ملاقات کی ہے.

وفاقی وزراء مخدوم خسرو بختیار، طارق بشیر چیمہ، سید فخر امام، معاونِین خصوصی جمشید اقبال چیمہ، ڈاکٹر شہباز گِل، ملک عامر ڈوگر، سینیٹر عون عباس بپی، وزیرِ اعلی پنجاب سردار عثمان بزدار، صوبائی وزیر خزانہ ہاشم جواں بخت، رکنِ قومی اسمبلی کنول شوزیب اور دیگر ارکانِ قومی و صوبائی اسمبلی نے اجلاس میں شرکت کی ہے، اجلاس میں وزیرِ اعظم کو بہاولپور ڈویژن کی مجموعی صورتحال جس میں معاشی، سماجی، تعلیم، صحت، بنیادی ڈھانچے اور خصوصی طور پر زراعت کی پیداوار پر تفصیلی بریفنگ دی گئی ہے.

اجلاس کو بتایا گیا کہ بہاولپور ڈویژن رقبے کے لحاظ سے پنجاب کی سب سے بڑی ڈویژن ہے، جس میں پسماندگی کی شرح پورے پنجاب میں دوسرے نمبر پر ہے جس کو دور کرنے کیلئے حکومت نے جامع حکمتِ عملی تیار کر لی ہے. جنوبی پنجاب پیکیچ میں تمام اضلاع میں صحت تعلیم اور بنیادی ڈھانچے کے منصوبے شامل ہیں. مزید اس ڈویژن میں پنجاب کی 50 فیصد کپاس کی پیدوار ہوتی ہے جس کو مزید بہتر کرنے کیلئے منصوبہ بندی کی گئی ہے۔ اس ضمن میں تحقیقی اداروں کا قیام، اچھے بیج کی فراہمی، کسانوں کی معاونت، جدید ٹیکنالوجی کا استعمال اور پانی کے مسائل کے حل شامل ہیں.

صنعتوں کی ترقی کیلئے صنعتی زونز میں کام کی رفتارکو بڑھانے اور موجودہ صنعتوں میں ویلیو ایڈیشن کو فروغ دینے کیلئے اٹھائے گئے اقدامات پر بھی بریفنگ دی گئ. علاوہ ازیں اجلاس کو بتایا گیا کہ چولستان اور بہاولپور کے ماسٹر پلان پر تیزی سے کام جاری ہے. چولستان میں سکولوں کو سولرائز کرنے، ہسپتالوں کی تعمیر اور بہاولپور کو سی پیک سے ملانے کیلئے شاہراہ کے منصوبے پر پیش رفت پر بھی بریفنگ دی گئی ہے.

جنوبی پنجاب کے حوالے سے اجلاس کو بتایا گیا کہ رولز آف بزنس پر کام مکمل کرلیا گیا ہے، جن کی جلد منظوری حاصل کر لی جائے گی، 40 میں سے 15 صوبائی محکموں کو جنوبی پنجاب میں منتقل کر دیا گیا ہے، پچھلے چھ ماہ سے ایڈیشنل چیف سیکٹری سیکریٹریٹ کے امور دیکھ رہے ہیں، جنوبی پنجاب کی ملتان اور بہاولپور میں عمارتوں کی تعمیر پر پیش رفت سے بھی اجلاس کو آگاہ کیا گیا، رواں مالی سال بجٹ میں جنوبی پنجاب کیلئے 189 ارب روپے کی رقم سے 2491 منصوبے شامل ہیں، جن میں سے 91 فی صد کی منظوری بھی ہوچکی ہے، سرکاری نوکریوں میں کوٹہ کیلئے مختلف تجاویز پرغور کیا جا رہا ہے، جسکے حوالے سے حتمی فیصلہ جلد لے لیا جائے گا.

وزیرِ اعظم نے اس موقع پر کہا کہ جنوبی پنجاب کے حوالے سے کسی بھی قسم کا اقدام اٹھانے سے پہلے تمام اسٹیک ہولڈرز کے مشاورت کی جائے گی، پانی انسان کی بنیادی ضرورت ہے اور اس خطے میں زراعت کی اہمیت کے پیشِ نظر پانی سے متعلق تمام مسائل کو حل کیا جائے گا، پاکستان میں پہلی دفعہ ٹیکس کی مد میں ریکارڈ محصولات اکیل ہوئی ہیں، جو عوام کے حکومت پر اعتماد کو ظاہر کرتا ہے، تعلیم صحت اور بنیادی ڈھانچے کی بہتری حکومت کی اولین ترجیح ہے.

اس موقع پر قومی و صوبائی اسمبلی کے اراکین نے بہاولپور ڈویژن کے مختلف اضلاع میں عوام کو درپیش مسائل اور انکے تدارک کیلئے تجاویز پیش کیں.

وزیرِ اعظم نے یونیورسٹی میں عالمی معیار کی تدریسی سہولیات سے آراستہ نرسنگ کالج کا افتتاح کیا ہے، نرسنگ کالج نہ صرف خطے میں نرسنگ کے حوالے سے موجود افرادی قوت کی استعداد بڑھانے میں معاون ثابت ہوگا بلکہ جنوبی پنجاب کے نوجوانوں کو روزگار کے مواقع فراہم کرنے میں مدگار ثابت ہوگا.

وزیرِ اعظم نے کرکٹ کی فروغ کیلئے قائم کئے جانے والے اسلامیہ یونیورسٹی کے بغداد الجدید کیمپس میں کرکٹ سٹیڈیم کا افتتاح بھی کیا ہے، وزیرِ اعظم نے اسلامیہ یونیورسٹی کی توانائی کی ضروریات کو پورا کرنے کیلئے 2.5 میگا واٹ کے سولر منصوبے کا بھی افتتاح کیا ہے، منصوبہ نہ صرف یونیورسٹی کی ضروریات کو پورا کرنے کی استعداد رکھتا ہے بلکہ اس سے ملنے والی اضافی بجلی کو میپکو کو فراہم کیا جائے گا. منصوبے سے حاصل ہونے والی بجلی کا یونٹ صرف 1.7 روپے میں میسر آئے گا اور 25 سال کی مدت میں یہ منصوبہ مجموعی طور پر قومی خزانے کو 45 کروڑ 50 لاکھ روپے کا فائدہ پہنچائے گا، یہ ناصرف دوسرے اداروں کیلئے مشعلِ راہ ہوگا بلکہ یونیورسٹی میں طلبہ کو عملی تعلیم و مشاہدے کا موقع بھی فراہم کرے گا.

بہاولپور ڈویژن میں کپاس کی فصل کی اہمیت کے پیشِ نظر وزیرِ اعظم نے اسلامیہ یونیورسٹی میں نیشنل کاٹن بریڈنگ انسٹیٹیوٹ کا بھی افتتاح کیا. ادارہ کپاس کی فصل میں کم وسائل سے ذیادہ پیداوار پر تحقیق کے ذریعے کپاس کی کاشت میں جدتیں لا رہا ہے. تحقیق شدہ اقسام میں اب تک 40 فی صد کم پانی، 50 فی صد کم کیڑے مار ادویات کے استعمال، 35 فی صد کم مجموعی لاگت سے پیداوار میں 20 فی تک صد اضافہ کیا گیا ہے، جسکو 40 فی صد کم لاگت سے 30 فی صد پیداوار میں اضافے تک لانے کیلئے کام جاری ہے.

اسکےعلاوہ وزیرِ اعظم نے انٹر کراپنگ ریسرچ سینٹر کا بھی افتتاح کیا جہاں ابتدائی طور پر سٹرپ انٹر کراپنگ (Strip Intercropping) کے ذریعے سویا بین اور مکئی کی پیداوار بڑھانے کیلئے تحقیق کی جا رہی ہے، مزکورہ تکنیک مکئی کی کاشت کو متاثر کئے بغیر سویابین کی پیداوار میں اضافے میں معاون ثابت ہوگی. سویا بین کی پیداوار میں اضافے سے کسان کی آمدن میں اضافہ، درآمدات میں کمی اور خوردنی تیل میں پاکستان کافی حد تک خود کفیل ہو سکے گا.

بہاولپور میں دو اہم سڑکیں بنانے کے لئے ٹینڈر نوٹس جاری ہوگیا ہے، منصوبہ کے مطابق ایک دو رویہ سڑک دبئی محل کالج روڈ سے شروع ہو کر دبئی چوک احمدپور روڈ سے نکلتی ہوئی وسیب بینکوئٹ ہالز، محمد بن قاسم روڈ ماڈل ٹاؤن اے سے ہوتی ہوئی ویلکم چوک تک پہلا فیز مکمل ہوگا، جسکی تکمیل کا دورانیہ 12 ماہ یعنی ایک سال ہے.

جبکہ دوسرے فیز میں ویلکم چوک سے غلہ منڈی چوک کی جانب سے ایک روڈ شاہدرہ چوک تک جبکہ دوسرا روڈ انسداد دہشت گردی کی عدالت کے سامنے سے ریلوے روڈ سے مل جائے گا، اسی طرح اس چوک سے غلہ منڈی کے سامنے سے ہوتا ہوا کلمہ چوک سے سیدھا بوہڑ گیٹ ملتان روڈ پر اختتام ہوگا.

یہ منصوبہ بہاولپور سے ممبر پنجاب اسمبلی سمیع چودھری کے پرپوزل پر بنایا جارہا ہے، جبکہ دوسرا اہم منصوبہ کانجو چوک سے سر صادق محمد خان عباسی ہسپتال ( سول ہسپتال) تک 2 اعشاریہ ایک کلو میٹر کی سڑک ہے جو حماتیاں، سیٹلائٹ ٹاؤن اور ارد گرد کی آبادی کو ہسپتال تک رسائی دے گی، یہ منصوبہ گو کہ پچھلی گورنمنٹ کا تھا لیکن اس ک لئے اس وقت کے ممبران اسمبلی فنڈ ریلز نہ کراسکے یہ منصوبہ بھی اب برادرم سمیع اللہ چودھری کی محنت کا نتیجہ ہے، ان منصوبوں سے شہریوں کو آمد و رفت میں یقیناﹰ سہولت پیدا ہوگی.

غلام محمد قریشی باغی نیوز بہاولپور

ملک میں مون سون کی بارشوں کا سلسلہ جاری ہے، ہر سال کی طرح پانی کی نکاسی کے دعوے دھرے کے دھرے رہ گئے ہیں، ب بھی بارش ہوتی ہے واسا کہ ذمہ داروں کی کارکردگی کا پول کھل کرسامنے آجاتا ہے، حالیہ مون سون کی بارشوں میں بھی واسا کی کارکردگی صفر دیکھی گئی ہے، گلی محلوں میں بارش کا پانی کھڑ ہے، سڑکیں تالاب کا منظر پیش کررہی ہیں، پانی کی ناکاسی کا کوئی بندوبست نہیں کیا گیا ہے.

بہاولپورشہرمیں موسلا دھار بارش کے بعد شہر کی سڑکیں دریا کا منظرپیش کررہی ہیں، سیوریج سسٹم کئ سال سے ناکارہ ہے.

فلم سٹارعباس قریشی نے باغی نیوزکے نمائندے کو اپنے خیالات کا اظہارکرتے ہوئے بتایا کہ حکومت کو سیوریج سسٹم کے نظام کو جلد از جلد بحال کرنے کے اقدامات کرنے چاہئیں، شہرمیں جگہ جگہ پانی کے جمع ہونے سے کئی قسم کی بیماریاں جنم لے سکتی ہیں، شہریوں کو بھی مشکلات کا سامنا کرنا پڑتا ہے۔

غلام محمد قریشی باغی نیوز بہاولپور

بہالپور، خیرپور ٹامیوالی میں انتہائی افسوسناک واقعہ پیش آیا جہاں مائیں دیکھتی رہ گئیں اور بچے سکول سے جنت چلے گئے ، خیرپورٹامیوالی اسرانی اسٹیشن کے پاس آرمی پبلک سکول جانے والی وین اور ٹرک میں خوفناک حادثہ پیش آیا3 طالبعلم سعد اکرم چک 24 اور اویس بستی کھرلہ اور سفیان ولد طاہر عمر 10سال جان کی بازی ہار گئے جبکہ 6 زخمی جن میں سے 2 کو تشویشناک حالت میں ہسپتال پہنچایا گیا جہاں وہ جانبر نہ ہو سکے ، ڈرائیور کو پولیس نے گرفتار کر لیا، آخر ان سڑکوں پر چلنے والے غیر قانونی ٹرکوں کو جو موت کے سوداگر ہیں اور ائے روز لوگوں کی جانیں لیتے ہیں کون روکے گا

خیرپورٹامیوالی آرمی پبلک سکول اسرانی جاتے ہوئے شہید ہونے والے 3 طلبہ کو سپردخاک کر دیا گیا۔ تینوں جنازوں میں اسسٹنٹ کمشنر کامران افضل بخاری سمیت شہر کے تمام سیاسی اور سماجی شخصیت نے شرکت کی..سوال یہ کہ جس کیری ڈبےمیں 6 سواریوں کی گنجائش ہواوراس میں16بٹھائی گئی ہوں تواس گاڑی کاتوازن برقراررہ سکتا ہے؟انتہائی افسوس اور سوگ کا دن ، کیری ڈبہ سڑک حادثہ میں جاں بحق ہونے والے بچوں کے لواحقین کو اللہ صبر جمیل عطا فرمائے آمین