Category: بہاولپور

اوچ شریف،باغی ٹی وی (نامہ نگارحبیب خان) پنجند نہر میں نہاتے ہوئے کم سن بچہ ڈوب گیا لوگوں نے اپنی مدد آپ کے تحت بچے کی لاش تلاش کرکے نکال لی ،ذرائع

تفصیلات کے مطابق اوچ شریف پنجند نہر میں کم سن بچہ نہاتے ہوئے ڈوب گیا بچے کے ڈوبنے کی اطلاع ان کے ساتھیوں نے انکے گھر والوں کو دی وارثان نے بروقت پنجند نہر پہنچ کر بچے کی تلاش شروع کردی انتھک کوششیں کے بعد بچے کی لاش اہلیان علاقہ نے تلاش کر لی

علاقہ کے لوگوں نے لاش کو ورثا ء کے حوالے کر دیا ڈوب کر مرنے والے بچے کی شناخت کلیم لاشاری کے نام سے ہوئی بچے کی لاش جب انکے گھر پہنچی تو گھر میں کہرام مچ گیا

اوچ شریف،باغی ٹی وی(نامہ نگار حبیب خان) ریجنل ٹرانسپورٹ اتھارٹی ، سول ڈیفنس، پٹرولنگ و ٹریفک پولیس کی ٹرانسپورٹ مافیا سے بڑی ڈیل، بھاری منتھلی کے عوض اوچ شریف سے ایل پی جی سلنڈروں پر چلنے والی درجنوں اوور لوڈ کھٹارا مسافر ویگنوں کو کھلی چھوٹ ، کارگزاری دکھانے کیلئے اِکا دُکا چالان کر کے افسران کے سامنے بھی سرخرو ہو گئے ، مجبور مسافر خطرناک جان لیوا ویگنوں پر سفر کیلئے مجبور، سیکرٹری آر ٹی اے بہاول پور اور محکمہ سول ڈیفنس کی کاروائیاں بھی بہاول پور شہر تک محدود، شہریوں نے اوگرا کے احکامات کے باوجود مسافر گاڑیوں میں ایل پی جی سلنڈر استعمال کرنے والے ٹرانسپورٹ مالکان اور ان کو تحفظ دینے والے ٹریفک پولیس، پٹرولنگ پولیس کے خلاف سخت کارروائی کا مطالبہ

ملک بھر میں مسافر گاڑیوں میں آتشزدگی کے کئی واقعات ک رونما ہوچکے ہیں ان حادثات میں کئی قیمتی جانیں بھی ضائع ہوگئی تھیں ،جس پر تمام مسافر گاڑیوں میں ایل پی جی گیس سیلنڈرکے استعمال پر پابندی عائد کرتے ہوئے خلاف ورزی کرنے والوں کے خلاف آر ٹی سیکریٹریز، سول ڈیفنس افسران، ٹریفک پولیس، اور ہائی وے پٹرولنگ پولیس کو سخت کاعروائی کرنے کے ساتھ گاڑیوں میں نصب سلنڈروں کو ہٹانے کے احکامات جاری کئے گئے تھے، لیکن پنجاب کی سب سے بڑی تحصیل احمد پور شرقیہ میں مسافر ویگنوں میں ایل پی جی سلنڈروں کا استعمال دھڑلے سے جاری ہے

ذرائع کے مطابق اوچ شریف تا احمد پور شرقیہ، چنی گوٹھ، کوٹ خلیفہ ،علی پور چلنے والی درجنوں کھٹارا مسافر ویگنوں پر ایل پی جی سلنڈر نصب ہیں جنہیں پٹرولنگ پولیس،ٹریفک پولیس، سول ڈیفنس کی آشیر باد حاصل ہونے کی وجہ سے کھلی آزادی حاصل ہے، ذرائع نے بتایا ہے کہ مبینہ طور پر ٹرانسپورٹ مافیا نے ضلعی اعلی افسران سے ساز باز کر کے بھاری منتھلی کے عوض یہ رعایت حاصل کی ہوئی ہے جبکہ افسران کے سامنے بھی سرخرو ہونے کیلئے روزانہ کی بنیاد پر ایک دو چالان کر دیئے جاتے ہیں

ان ویگنوں پر سفر کرنے والے مسافروں نے گہری تشویش کا اظہار کرتے ہوئے میڈیا کو بتایا کہ ایل پی جی سلنڈروں پر چلنے والی گاڑیوں میں مجبوری کے عالم میں سفر کرتے ہیں لیکن تمام سفر انتہائی خوف کے عالم میں طے ہوتا ہے، جبکہ ٹریفک پولیس اور پٹرولنگ پولیس اہلکار راستے میں ناکوں پر روک کر گاڑیوں میں ایل پی جی سلنڈر دیکھ کر بھی کارروائی نہیں کرتے،

شہریوں نے کہا کہ سیکرٹری آر ٹی اے بہاول پور اور محکمہ سول ڈیفنس کے افسران نے بھی مسافر گاڑیوں سے ایل پی جی سلنڈروں کے استعمال کے خلاف مہم کو صرف بہاول پور شہر تک محدود کر رکھا ہے، جہاں کرائے بڑھانے کے باوجود پبلک ٹرانسپورٹ میں ایل پی جی سلنڈروں پر قابو نہیں پایا جا سکا

دوسری طرف احمد پور شرقیہ، اوچ شریف میں چلنے والی کھٹارا مسافر ویگنوں میں اوور لوڈنگ اور ایل پی جی سلنڈروں کا استعمال کھلے عام جاری ہے جس کے خلاف پٹرولنگ پولیس اور ٹریفک پولیس سمیت کوئی بھی کارروائی کیلئے تیار نہیں ہے

مسافروں نے مطالبہ کرتے ہوئے کہا کہ کمشنر، ڈپٹی کمشنر بہاول پور اور ضلعی پولیس انتظامیہ اس اہم ترین ایشو پر عملی اقدامات کرتے ہوئے ڈسٹرکٹ ٹرانسپورٹ اتھارٹی، محکمہ سول ڈیفنس سمیت ٹریفک پولیس کو ایل پی جی گیس سیلنڈر استعمال کرنے، بغیر فٹنس سرٹیفکیٹ اور بغیر روٹس والی گاڑیوں اور ناجائز کرایوں کے ساتھ اوور لوڈنگ کرنے والے ٹرانسپورٹرز کے خلاف زیرو ٹالرینس پالیسی اپناتے ہوئے سخت کارروائیاں کریں اور غفلت کی صورت میں ڈسٹرکٹ ٹرانسپورٹ اتھارٹی، سول ڈیفنس عملے سمیت ٹریفک پولیس ۔ پیٹرولنگ پولیس اہلکاروں کے خلاف مقدمات درج کئے جائیں، تاکہ پبلک ٹرانسپورٹ استعمال کرنے والے مسافروں کو یقینی تحفظ فراہم کیا جا سکے

اوچ شریف،باغی ٹی وی (نامہ نگارحبیب خان) اوچ شریف کے نواحی علاقے اڈا گمانی کی گنجان آباد مصروف ترین شاہراہ بلہ جھلن روڈ سیوریج کے گندے پانی سے شدید ٹوٹ پھوٹ کا شکار, آمد و رفت میں اہل علاقہ کو شدید مشکلات کا سامنا, روڈ انسپکٹر کے نوٹس میں دینے کے باوجود کوئی شنوائی نہ ہوسکی, روڈ انسپکٹر شبیر کھاکھی اپنی جیب گرم کر کے خاموش تماشائی بن گیا, تشویش میں مبتلا اہلیان علاقہ کا اصلاح و احوال کابمطالبہ,

اوچ شریف کے نواحی علاقے اڈا گمانی میں چند مکینوں نے اپنے گھر کا سیویج کا کاگندہ پانی علاقے کی مصروف ترین شاہراہ بلہ جھلن روڈ پر چھوڑنا معمول بنا رکھا ہے جس سے چوبیس گھنٹے پانی سڑک پر موجود رہتا ہے۔ جس کی وجہ سے نہ صرف اہل علاقہ کو آمد ورفت میں شدید دقت کا سامنا کرنا پڑتا ہے بلکہ روڈ بھی شدید ٹوٹ پھوٹ کا شکار ہو چکا ہے۔ اس میں گہرے گڑھے پڑ گئے ہیں ۔ جو کسی بھی وقت بڑے سانحہ کا موجب بن سکتے ہیں۔ جس میں قیمتی انسانی جانوں کے ضیاع کے بھی خدشات موجود ہیں ۔

تشویش میں مبتلا اہلیان علاقہ نے بتلایا کہ اس صورت حال کے بارے میں متعدد بار روڈ انسپکٹر کے نوٹس میں دیا ہے لیکن چمک کے کمال پر روڈ انسپکٹر شبیر کھاکھی خاموش تماشائی بنا ہوا ہے، انہوں نے ذمہ دار اعلی حکام سے کرپٹ روڈ انسپکٹر کے خلاف کارروائی کرنے کا مطالبہ کیا ہے

دوسری جانب روڈ انسپکٹر غلام شبیر کھاکھی نےاپنے موقف پر کہا کہ اڈا گمانی کے چند مکین جو کہ سیاسی اثرورسوخ رکھتے ہیں اگر انکے خلاف کارروائی کرتے ہیں تو سیاسی شخصیات آڑے آجاتی ہیں اور مجھے تبادلے کی دھمکیاں دی جاتی ہیں

اوچ شریف ،باغی ٹی وی (نامہ نگار حبیب خان )محکمہ سول ڈیفنس نے کرپشن کی ریس جیت لی ،غیرقانونی منی پٹرول پمس کی بہار
تفصیلات کے مطابق محکمہ سول ڈیفنس بہاولپور نے مبینہ نوٹوں کی منتھلیوں کے عوض غیر قانونی پٹرول پمپس والوں کو کھلی چھوٹ دے رکھی ہے، اوچ شریف شہر و گردونواح بیٹ بختیاری، رسول پور، بیٹ احمد، کچی شکرانی، بنگلہ مستوئی اور کوٹ خلیفہ میں غیر قانونی منی پٹرول پمپس کی بھرمار ہوگئی ہے،

تقریباً 3 سو سے کے قریب تعداد میں قائم منی پٹرول پمپس پر ملاوٹ شدہ پٹرول مہنگے داموں فروخت کیا جا رہا ہے جبکہ ان منی پٹرول پمس پر پیمانے بھی کم ہیں، ضلعی سول ڈیفنس انتظامیہ، عوامی نمائندوں اور سیاسی شخصیات کا منی پٹرول پمپس اور غیر قانونی پٹرول ایجنسیوں کے مالکان کے ساتھ گٹھ جوڑ ہے اور ان کی سرپرستی میں یہ مکرو دھندہ چل رہا ہے جبکہ اوچ شریف شہر و گرد و نواح میں غیر قانونی منی پٹرول پمپس اور پٹرول ایجنسی مالکان نے علاقوں میں ات مچا رکھی ہے،

جگہ جگہ پر پٹر ولیم مصنوعات کی کھلی بوتلوں اور شاپروں میں فروخت جاری ہے جبکہ پیمانہ بھی من مرضی کا استعمال کیا جارہا ہے، استعمال کی جانیوالی غیر معیاری پٹرولیم مصنوعات مشینری کے ساتھ ساتھ انسانی زندگی کے لئے بھی انتہائی نقصان دہ ثابت ہو رہے ہیں گلی کوچوں میں بااثر دکاندار پلاسٹک کی بوتلوں میں مہنگے داموں پٹرول فروخت کرتے ہیں تیل کی ایجنسیاں اور چھوٹے چھوٹے غیر قانونی پٹرول پمپس جہاں پر غیر معیاری تیل کی فروخت عام ہیں کو ئی پو چھنے والا نہیں ہے،

ذرائع نے بتایا کہ اگر محکمہ سول ڈیفنس ان غیر قا نونی پٹرول پمپس کو سیل بھی کر دے تو دوسرے روز ہی ہزارو ں روپے کی رشوت لیکر سیلیں توڑ کر دوبارہ ناقص تیل سپلا ئی شروع کر دی جاتی ہے، مزید یہ بھی معلوم ہو اہے کہ سول ڈیفنس والوں کی ضلعی خاتون آفیسر فریحہ جعفر نے ہر ماہ ان سے باقائدہ منتھلی وصول کرنے کے لیے اپنے کارندے رکھے ہوۓ ہیں جو کہ لاکھوں روپے ہر ماہ بنا لیتے ہیں،

غیر قانونی تیل ایجنسیوں سے مک مکا کی وجہ سے کوئی کاروائی نہیں کی جاتی اور ناقص تیل کی فروخت سے قیمتی گاڑیو ں کے انجن تبا ہ ہو رہے ہیں اور کئی گاڑیاں کھٹارہ بن گئیں اور سول ڈیفنس والوں نے نوٹوں کی چمک پر آنکھیں بند کر رکھی ہیں اور تیل ایجینسی مالکا ن عوام کو اس مہنگائی کے عالم میں دونوں ہاتھوں سے لوٹ رہے ہیں، شدید گرم موسم میں حفاظتی آلات کی عدم موجودگی بھی کسی بڑے حادثے کی وجہ بن سکتی ہے،

جسکی وجہ سے شہری تشویش میں مبتلا پاۓ جاتے ہیں، شہریوں محمد ارشاد، غلام عباس، ریا ض احمد، اللہ بخش، ملک نازک، بلال حسین، محمد وسیم، محمد عثمان، اعجاز احمد، محمد بلا ل، محمد آصف، سلیم احمد اور طالب حسین نے وزیر اعلی پنجاب پر اور ڈپٹی کمشنر بہاولپور سے فوری نوٹس لینے کی اپیل کی ہے

اوچ شریف،باغی ٹی وی(نامہ نگارحبیب خان) عید گاہ واٹر فلٹریشن پلانٹ کافی دنوں سے بند، دور دراز سے صاف پانی لینے کیلئے آنے والے لوگ خوار ہونے لگے، شہریوں کا احتجاج، ڈپٹی کمشنر بہاولپور اور اسسٹنٹ کمشنر احمد پور شرقیہ سے فوری طور پر فلٹریشن پلانٹ چالو کرانے کا مطالبہ،

تفصیل کے مطابق شہریوں کو صاف پانی فراہمی کے دعوے ناکام ہو کر رہ گئے ہیں عید گاہ روڈ اوچ شریف میں لگایا جانے والا واٹر فلٹریشن پلانٹ ہر دوسرے ماہ بند ہو جاتا ہے، اور دور دراز علاقوں سے گھروں کیلئے صاف پانی لینے آنے والے افراد کو مایوس گھروں کو لوٹنا پڑتا ہے

گزشتہ روز فلٹریشن پلانٹ کے سامنے خالی برتن اٹھائے شہریوں نے احتجاج کرتے ہوئے صحافیوں کو بتایا کہ گزشتہ کئی دنوں سے فلٹریشن پلانٹ بند کر دیا گیا جس کیلئے روزانہ ٹاؤن کمیٹی والے کل پرسوں کا کہہ کر ٹال مٹول سے کام کر رہے ہیں شہر ی روزانہ صاف پانی لینے کیلئے چکر کاٹ کاٹ کر خوار ہو رہے ہیں

شہریوں نے میڈیا سے گفتگو کرتے ہوئے کہا کہ اوچ شریف شہر میں پانی سب سے بڑا مسئلہ بن گیا ہے پینے کے پانی کی عدم دستیابی اور زمینی پانی کڑوا اور زہریلا ہونے کی وجہ سے پینے کے پانی کی فروخت سالانہ کروڑوں روپے تک جا پہنچی اور دو نمبر پانی کی فروخت عام ہوگئی ہے سرکار کی طرف سے پینے کے صاف پانی کی فراہمی کےاقدامات بھی مایوس کن ثابت ہوئے ہیں

لگائے گئے اکثر واٹر فلٹریشن پلانٹ ناکارہ ہو چکے ہیں یا بجلی کے بلوں کی عدم ادائیگی کی وجہ سے بند پڑے ہیں اوچ شریف شہر و گردونواح کےعلاقوں کوٹلہ رحمت شاہ ، چک مانک نوشہرہ ، نندے لال ، نبی پور ، خرم پور ، فیض واہ ، سلطان واہ و دیگر میں زمین میں سنکیا کی مقدار خطرناک شکل اختیار کر گئی ہے سیم زدہ علاقوں میں رام کلی، کوٹ خلیفہ محمود ماتم محمد پور سرفہرست ہیں جہاں پر ایک طرف سرکار کی مجرمانہ غفلت سے مضر صحت کڑوا پانی پینے سے موذی امراض میں مبتلا ہو رہے ہیں تو دوسری جانب شہر بھر کے واٹر فلٹریشن زبوں حالی کا شکار ہو گئے ہیں جو کہ تحصیل انتظامیہ اور مقامی انتظامیہ اوچ شریف کی کارکردگی پر ایک سوالیہ نشان ہے اور عوام کے لیے ایک المیہ سے کم نہیں ہے

عوامی سماجی حلقوں نے حکومت سے پانی کے بڑھتے خطرناک مسائل کے فوری حل کرنے کے لیے شہریوں محمد یعقوب محمد وقاص محمد اقبال ملک شفیق انجم عبد الرشید عبد الرحمن نے ڈپٹی کمشنر بہاول پور سے فوری نوٹس لیتے ہوئے واٹر فلٹریشن پلانٹ کے فلٹر تبدیل کر کے چالو کرانے کا مطالبہ کیا ہے

اوچ شریف ،باغی ٹی وی ( نامہ نگار حبیب خان ) للو والی موری کے قریب لوڈر رکشہ اور آئل ٹینکر میں تصادم، ایک شخص جاں بحق، ایک زخمی، ریسکیو زرائع،

تفصیلات کے مطابق ایک آئل ٹینکر (TLW-780) 48000 لیٹر پٹرول لیکر کراچی سے ساہیوال کی طرف جا رہا تھا کہ سامنے سے آتے ہوئے لوڈر رکشہ سے ٹکرایا جس کے نتیجے میں لوڈر رکشہ پر سوار دو آدمی شدید زخمی ہوئے جن میں سے ایک آدمی موقع پر جاں بحق ہو گیا

جبکہ دوسرے آدمی کو ریسکیو 1122 نے فرسٹ ایڈ دیتے ہوئے آر ایچ سی اوچ شریف میں شفٹ کر دیا ہے۔

ریسکیو 1122 کے مطابق آئل ٹینکر میں کوئی لیکج نہیں ہے بیٹری کے ٹرمینل اتار دیے گئے ہیں ایریا کارڈن آف کر دیا گیا ہے اور پولیس موقع پرموجود ہے۔

اوچ شریف، باغی ٹی وی (نامہ نگار حبیب خان) جمپ لگنے سے موٹر سائیکل ڈرائیور کے پیچھے بیٹھا سوار نوجوان ٹریلر کے نیچے آکر کچلا گیا ،موقع پر جاں بحق، ٹریلر ڈرائیور موقع سے فرار ہونے میں ناکام ، جیسے پولیس دھوڑکوٹ نے ٹریلر ڈرائیور کو گرفتار کر لیا مقامی پولیس کارروائی میں مصروف
،
تفصیل کے مطابق اوچ شریف جلال پور پیر والا ایکسپریس روڈ بستی مانک پر تیز رفتار موٹر سائیکل ڈرائیور کے پیچھے بیٹھا شخص اچانک جمپ لگنے سے اچھل کر سڑک پر گر گیا اور دوسری طرف سے آنے والے ٹریلر TLE/713کے ٹائروں کے نیچے آکر کچلا گیا، اور موقع پر جاں بحق ہو گیا

حادثہ ہوتے ہی ٹریلر ڈرائیور موقع سے فرار ہو گیا مقامی پولیس اوچ شریف نے ٹریلر ڈرائیور کے فرار ہونے کی اطلاع دھوڑکوٹ تھانہ کو دی تھانہ دھوڑکوٹ کی پولیس نے فرار ٹریلر ڈرائیور کو گرفتار کر لیا

مقامی پولیس اوچ شریف نے نعش کو رورل ہیلتھ سنٹر اوچ شریف منتقل کر دیا جسکی شناخت محمد مٹھا ولد محمد رمضان بعمری 28/30سالہ سکنہ بدھو والی اوچ شریف سے ہوئی ہے

اوچ شریف ،باغی ٹی وی(نامہ نگارحبیب خان)جانوروں میں گل گھوٹو کی وباءپھیل گئی،ا متعدد جانور ویکسین نہ لگنے سے ہلاک،زمینداروں نے الزام عائد کیا کہ بروقت ویکسین نہ لگنے سے جانور ہلاک ہوئے ،ہسپتالوں میں ادویات نایاب،ویٹرنری عملہ بازار سے ادویات خریدنے کا مشورہ دینے لگا،وزیر اعلیٰ پنجاب سے فوری نوٹس لینے کا مطالبہ،

تفصیلات کے مطابق اوچ شریف کے نواحی علاقوں نواحی علاقوں رتہڑ نہڑانوالی، رتہر لعل خان، دھوڑ کوٹ سرور آباد اور دیگر دیہات میں بیل،گائے اور بھینسوں میں گل گھوٹو کی بیماری پھیل گئی جسکی وجہ سے مویشی پال حضرات اور کسانوں کے قیمتی جانور ہلاک ہونے لگے اہل علاقہ مکینوں نے میڈیا سے گفتگو کرتے ہوئے کہا کہ ہمارے علاقوں میں جانوروں میں گل گھوٹو کی وباء کافی حد تک پھیل گئی،

مویشیوں میں گل گھوٹو کی وباءپھیل چکی ہے۔مویشی پال دیہاتیوں نے الزام عائد کیا کہ محکمہ لائیو سٹاک کے عملے کی طرف سے جانوروں کو بروقت ویکسین نہیں لگائی گئی،وباءمیں مبتلا لاکھوں روپے مالیت کے جانور ویکسین نہ لگنے سے ہلاک ہو رہے ہیں ، ہسپتالوں میں ادویات نایاب،ویٹرنری عملہ بازار سے ادویات خریدنے کیلئے چٹ تھمانے لگے،

زمینداروں نے الزام عائد کیا کہ گزشتہ روز بستی عبد اللہ خان میں حاجی خان مرحوم کی لاکھوں روپے مالیت کی بھینس بروقت ویکسین نہ لگنے سے جانور ہلاک ہوئی ہے جس کے باعث حاجی خان مرحوم کے گھر والوں کو لاکھ روپوں کا نقصان ہوا،مویشی پالوں کی طرف سے ویکسین کی عدم فراہمی پر مزید جانوروں کی ہلاکتوں کا خدشہ بھی ظاہر کیا گیا ہے

تازہ ترین اطلاعات کے مطابق قاری شفیق الرحمن کی قیمتی گائے ابھی تھوڑی دیر پہلے گر کر ہلاک ہوگئی ہے

مویشی پالوں نے کہا کہ ویٹرنری ہسپتالوں میں ادویات نایاب ہو گئی ہیں اور عملہ مویشی مالکان کو پرائیویٹ میڈیکل سٹوروں سے میڈیسن خریدنے کا مشورہ دینے لگا متاثرہ مویشی مالکان حافظ محمد ساجد نصراللہ محمد دین اور دیگر نے احتجاج کرتے ہوئے وزیر اعلیٰ پنجاب مریم نواز شریف سے ویٹرنری ہسپتالوں میں گل گھوٹو کے علاج کی ادویات کی فوری فراہمی اور اصلاح احوال کا مطالبہ کیا ہے