Category: بہاولپور

اوچ شریف،باغی ٹی وی (نامہ نگارحبیب خان) سرکاری زمین کی اونے پونے فروخت جاری، عباسیہ کینال کے دونوں کناروں پر غیر قانونی تعمیراتی کاموں میں تیزی ، محکمہ انہار ،اسسٹنٹ کمشنر احمد پور شرقیہ محمد فیصل ،میونسپل کمیٹی و لینڈ ریکارڈ انتظامیہ کی خاموش ، قبضہ مافیا ، لینڈ مافیا اور باآثر سیاسی افراد نے عباسیہ لنک کینال کی خوبصورتی ختم کرنے کیلئے ایکا کر لیا ہے

تفصیلات کے مطابق اولیائے کرام کے شہر اوچ شریف عباسیہ لنک کینال کی خوبصورتی ختم کرنے کیلئے لینڈ مافیا ، قبضہ مافیا اور باآثر افراد سمیت محکمہ انہار، اسسٹنٹ کمشنر احمد پور شرقیہ محمد فیصل میونسپل کمیٹی انتظامیہ نے ایکا کر لیا عباسیہ لنک کینال کے دونوں کناروں پر حسینی چوک تا پل چھٹہ تک غیر قانونی تعمیراتی کاموں سمیت عباسیہ لنک کینال کے کناروں پر مبینہ بااثر لینڈ مافیا کا دن دیہاڑے قبضہ، تحصیل انتظامیہ اور محکمہ انہار کی مبینہ ملی بھگت سے سڑک چھاپ جرائم پیشہ عناصر راتوں رات لکھ پتی بن گئے، ” اوپر ” بیٹھے بڑے آفیسران کی مجرمانہ خاموشی نے چھوٹے ملازمین کوشیربنادیا، نہر کے اطراف قبضہ مافیا کی غیر قانونی تعمیرات نے قومی شاہراہ سے گزرنے والی بھاری ٹریفک کے لیے مشکلات پیداکردی ہیں،

عباسیہ لنک کینال کے اطراف میں موجود ساحلی پٹی قبضہ مافیا کی چیرہ دستیوں کے باعث تباہی کے دہانے پر پہنچ چکی ہے، محکمہ جنگلات کی جانب سے لگائے گئے پودے اور سرسبز و شاداب درختوں سے مزین گرین بیلٹ پر کچھ عرصہ سے سڑک چھاپ عناصر اور لینڈ مافیا کے کارندوں نے دھڑا دھڑ قبضہ کرنے اور بھولی بھالی عوام سے لاکھوں روپے اینٹھ کر مبینہ ناجائز فروخت کا دھندہ شروع کر رکھا ہے جس بابت تحصیل احمد پور شرقیہ ایڈمنسٹریشن اور متعلقہ سرکاری ملازمین نے چپ کا روزہ رکھا ہوا ہے، جبکہ دوسری جانب مال مفت دل بے رحم کے مصداق سرکار کا قیمتی رقبہ پر مزکور عناصر کے غیر قانونی جعلی ملکیت شو کرکے آگے بیچنے کا مبینہ دھندہ دھڑلے سے جاری ہے،

اور رہی سہی کسر محکمہ انہار کے ملازمین نے اپنا حصہ وصول کرکے پوری کررکھی ہے،عباسیہ لنک کینال کے دونوں کناروں پر حسینی چوک تا پل چھٹہ تک مبینہ غیر قانونی تعمیراتی کام بھی عروج پر ہے ،جس کی وجہ سے شہری شدید ذہنی اذیت سے دوچار ہیں، کیونکہ موسم گرما کی آمد آمد ہے اور نہر کناروں پر مبینہ غیر قانونی تجاوزات کی تعمیر و قبضہ کے باعث سایہ دار درختوں اور سبزہ سے محرومی گرمیوں میں صورتحال کو مزید خراب کرنے والی ہے،

ذرائع کے مطابق اس لینڈ مافیا میں مبینہ سیاسی آشیرباد بارے بھی انکشاف ہورہا ہے،چمک کے کمال سے چشم پوشی برتی جارہی ہے اور یہ کاروبار منظم طریقےسے کیا جارہا ہے جس میں محکمہ مال محکمہ انہار اور ضلعی انتظامیہ کے چھوٹے ملازم ملوث ہیں کیونکہ ان محکمہ جات کی خاموشی اندر کاحال بیان کر رہی ہے، سرکاری اراضی بیچ کر قومی خزانے کو ٹیکہ لگایا جارہا ہے اور مافیا اپنی جیبیں بھرنے میں مصروف ہے،

شہریوں محمد شفیع ،محمد وقاص ،ساجد علی ،سید زین حیدر، عشرت حسین سمیت دیگر نے میڈیا سے گفتگو کرتے ہوئے کہا کہ چولستان کے زرعی زمینوں کو سیراب کرنے والی نہر پر سیاسی قبضہ مافیا نے دکانیں ، تھڑے اور لان بنا کر قبضہ کرنا شروع کردیا ، ضلعی حکومت اور محکمہ انہارنے قبضہ مافیا سے نہری زمین واگزار کروانے کے بجائےپراسرار خاموشی اختیار کر لی ہے۔نہری زمین پر پکے تھڑے اور شیڈز ،جوسر کینٹن، سروس پمپ کی تعمیرکئے جارہے ہیں
شہریوں نے کمشنر بہاولپور اور متعلقہ محکمہ آفیسرزسے فوری طور پر سرکاری رقبہ کو لینڈ مافیا کے چنگل سے واگزار کروانے اور سرکاری خزانہ کو چونا لگانے اورتمام ملوث عناصر کیخلاف کارروائی کامطالبہ کیا ہے .

اوچ شریف،باغی ٹی وی (نامہ نگارحبیب خان )رشتے سے انکار پر نوجوان کی لڑکی اور اس کی ماں پر فائرنگ، خود کو بھی گولی مار کرخود کشی کرلی

تفصیل کے مطابق ضلع رحیمیارخان کی کی تحصیل خانپور کے نواحی علاقہ ظاہر پیر میں رشتے کے تنازعے پر نوجوان نے لڑکی اور اس کی والدہ پر فائرنگ کرکے خود کو بھی گولی مار لی۔

سرکاری سکول ٹیچر رئیس محمد اکبر کا نوجوان بیٹا جہانزیب جس لڑکی کو پسند کرتا تھا اس کے والدین کی مداخلت اور انکار پر طیش میں آگیا۔جس پر نوجوان نے گھر میں گھس کر پہلے لڑکی اور اس کی والدہ کو گولی ماری، پھر خود کو بھی گولی مار دی۔

اطلاع ملتے ہی ریسکیو ٹیم موقع پر پہنچی، لیکن تب تک نوجوان جہازیب جاں بحق ہوچکا تھا جبکہ لڑکی اور اس کی والدہ کو تشویش ناک حالت میں شیخ زید ہسپتال رحیم یار خان منتقل کردیا گیا۔

اوچ شریف،باغی ٹی وی ( نامہ نگارحبیب خان ) عید الفطر پر قصاب لاغر اور بیمار جانوروں کا گوشت عوام کوکھلانے میں کامیاب، محکمہ لائیو سٹاک و ڈیری ڈیویلپمنٹ سمیت دیگر متعلقہ ذمہ دار اداروں کے کرتادھرتا منظر سے غائب رہے،قصابوں کی چاندی ہوگئی،قصابوں کی طرف سےمن مانے نرخوں کی وجہ غریب دیہاڑی دار شہری عیدالفطرکے خوشی کے دن بھی اپنے بچوں کو گوشت خرید کرکھلانے سے قاصررہے

تفصیلات کے مطابق اوچ شریف شہر و گردونواح میں قصابوں نے عیدی کے لئے میدان مار لیا۔غیر قانونی سلاٹرنگ عروج پر رہی ،اوچ شریف کے قصائی عید الفطر سے قبل دیہی علاقوں سے مضر صحت اور لاغر جانور اونے پونے داموں سادہ لوح لوگوں سے خریدتے ہیں اور پھر اوچ شریف میں خفیہ جگہ پر لے جا کر وہاں پر مخصوص قسم کا کیمیکل نائٹریٹ لگا کر گوشت کو تازہ اور سرخ کیا جاتا ہے اور بعد میں مارکیٹ میں مہنگے داموں گوشت فروخت کرتے ہیں،

شہریوں نے میڈیا سے گفتگو کرتے ہوئے کہا ک لائیو سٹاک و ڈیری ڈیویلپمنٹ سمیت دیگر متعلقہ اداروں کی مبینہ غفلت اور لاپرواہی کی وجہ سے شہرو گردونواح میں غیر قانونی مذبح خانوں کی بھرمار ہو گئی اور شہریوں کو مضر صحت گوشت کھلایا جانے لگا۔ذرائع کاکہنا ہے کہ غیر قانونی مذبح خانوں سے متاثرہ محلوں میں گندگی اور تعفن کی وجہ سے شہری مختلف بیماریوں کا شکار ہو رہے ہیں۔

قصابوں نے مبینہ طور پرسلاٹر ہاؤس کی مہریں بھی بنا رکھی ہیں اور ذاتی طور پر ذبح کئے گئے جانوروں پر سلاٹر ہاؤس سمیت دیگر سرکاری سلاٹر ہاؤسز کی جعلی مہریں لگا کر مختلف علاقوں میں گوشت فروخت کرنے کا سلسلہ شروع کر رکھا ہے۔

عید الفطر کے موقع پر لاغر اور بیمار جانوروں کی فروخت کی بھی شکایات سامنے آئیں پانی ملا گوشت فروخت کیا گیا۔تاہم متعلقہ سرکاری اداروں کے افسران چھٹیاں مناتے رہے۔

تحصیل انتظامیہ،اوچ شریف ٹاؤن کمیٹی کے حکام نے بھی عیدالفطرپر قصابوں کو فری ہینڈ دےدیا تھا،عیدالفطر پر گوشت شہریوں کی پہنچ سے دور ہو گیا۔جو مڈل طبقہ کے لئے بھی خواب بن گیا۔عیدالاضحٰی سےقبل قصابوں نےعیدالفطر کا موقع بھی رائیگاں نہ جانے دیا۔

عیدالفطر کے ایام میں بھی گوشت کے نرخ بلند و بالا رہے ۔جس کی بڑی وجہ پرائس کنٹرول مجسٹریٹس کا غیر موثر کردار ہے

اوچ شریف، باغی ٹی وی (نامہ نگار حبیب خان )بکھری چوک پر 2 موٹر سائیکلوں میں تصادم ‘ ایک شخص جاں بحق

پولیس ذرائع کے مطابق اوچ شریف کے نواحی علاقے چوک بکھری روڈ پر دو موٹر سائیکل کے آپس میں ٹکرانے پر ایک شخص جاں بحق جبکہ تین افراد شدید زخمی ہو گئے ۔

جاں بحق ہونے والے کی شناخت محمد طارق ولد محمد بخش قوم پرہار سکنہ جگ پورہ اوچ شریف ہوئی ہے باقی زخمیوں کو ٹی ایچ کیو ہسپتال علی پور منتقل کر دیا گیا ہے ،چاروں مضروب قومہ میں ہیں جو انتہائی سیریس حالت میں ہیں

ہسپتال ذرائع کاکہنا ہے کہ زخمیوں کے بچنے کے کم چانس ہیں .

دوسری طرف ایس ایچ او تھانہ اوچ شریف سجاد لغاریاطلاع ملتے ہی موقع پر پہنچ گئے ،جنہوں زخمیوں کو علی پورہسپال منتقل کروایا اور جاں بحق ہونے والے شخص کی لاش کو آرایچ سی اوچ شریف منتقل کروایا۔

اوچ شریف،باغی ٹی وی (نامہ نگارحبیب خان) موٹر وے ایم 5 پر اوچ شریف کے قریب ٹرک ڈرائیور کو نیند آنے کے باعث ٹرک الٹ گیا ، ڈرائیور ، ہیلپر زخمی ، موٹر وے پولیس کا احسن اقدام ، پٹرول آفیسر شاکر اللہ مروت نے خود فرسٹ ایڈ دی ۔ موٹر وے پر سفر کرنے والے ڈرائیور ٹریفک رولز پر عمل کریں ۔ شاکر اللہ مروت پٹرول آفیسر موٹر وے پولیس

تفصیل کے مطابق موٹر وے ایم 5 پر اوچ شریف انٹر چینج کے قریب ٹرک ڈرائیور کو نیند آنے کے باعث ٹرک الٹ گیا ، حادثہ میں ٹرک ڈرائیور اور ہیلپر زخمی ہوگئے اور پاوں پر چوٹیں آئیں ۔

پٹرول ڈیوٹی پر موجود موٹر وے پولیس کے پٹرول آفیسر شاکر اللہ مروت نے فوری موقع پر پہنچ کر زخمیوں کی ہیلپ کی اور اپنی گاڑی میں موجود فرسٹ ایڈ بکس نکال کر فوری ابتدائی امداد دی اور ٹرک کو سیدھا کرکے موٹر وے ہٹانے کے کئے ہنگامی بنیادوں پر اقدامات کئے ، زخمی ڈرائیور اور ہیلپر نے موٹر وے پولیس کے انسان دوست اور اپنے فرائض کو دیانتداری سے سر انجام دینے پر ان کا شکریہ ادا کیا ۔

موٹر وے پولیس آفیسر شاکر اللہ مروت نے میڈیا سے گفتگو کرتے ہوئے کہا کہ موٹر وے پولیس شاہراہوں پر ٹریفک کو رواں دواں رکھنے اور عوام کے جان و مال کے تحفظ کے لئے اپنے فرائض سرانجام دے رہی ہے ۔

موٹر وے پر سفر کرنے والے ڈرائیورز قوانین کو فالو کریں اور ڈرائیور اپنی نیند پوری کرکے گاڑی چلائیں اگر نیند آتی ہے تو گاڑی کو سروس ایریا پر کھڑی کرکے نیند پوری کریں تاکہ حادثات سے محفوظ رہیں

اوچ شریف،باغی ٹی وی (نامہ نگارحبیب خان) گورنمنٹ بوائز ہائی سکول اوچ شریف میں بی آئی ایس پی کے مختص کردہ مراکز پر ڈیوٹی انچارج
پولیس اہلکار مرتضی نوسر باز خواتین گینگ کا سرغنہ نکلا، پولیس اہلکار خواتین پر مشتمل گینگ بنا کر مستحق خواتین سے بے نظیر انکم سپورٹ پروگرام کے تحت ملنے والی رقم نوسربازی کی وارداتیں شروع کر رکھی ہیں۔ جس کے نتیجہ میں درجنوں مستحق خواتین کو بے نظیر انکم سپورٹ کی مد میں ملنے والے رقم سے محروم کیا جا رہا ہے

تفصیلات کے مطابق گورنمنٹ بوائز ہائی سکول اوچ شریف میں بی آئی ایس پی کے مختص کردہ مراکز پر فراہم کردہ ڈیوائسز پر مامور ایجنٹس خواتین سے فی کس 1000 روپے بٹور رہیں ہیں، سارا دن لائنوں میں کھڑے رہنے کے بعد خواتین خالی ہاتھ گھروں کو لوٹنے لگیں، روزہ کی حالت میں دھوپ میں کھڑی خواتین نے ارباب اختیار سے شکایت کی کہ یہاں سنٹر پر چھاؤں کا کوئی مناسب بندوبست نہیں اور عملہ کی بدعنوانیاں عروج پر ہیں۔

یہاں پر تعینات پولیس اہلکار اے ایس آئی مرتضیٰ کے متعلق بھی شکایات سامنے آئیں کہ اے ایس اے مراکز پر خاتون کی مدد کرنے کے بہانے خواتین رکھی ہوئی ہیں اور ان سے رابطہ نمبر مانگتا ہے اور اس کے ساتھ کانسٹیبلان منیر لنگاہ، عمیر اور سلیم بھی برابر شریک ہیں، مزکورہ پولیس جوان خواتین کو رقم جلد دلوانے کے عوض 500 روپے خرچی جبکہ ڈیوائس آپریٹر کیلئے 1000روپے الگ وصول کرنے کا انکشاف ہوا ہے،خواتین میں بیشتر بیمار، بزرگ خواتین بھی شامل ہیں جو دور دراز علاقوں سے کرایہ ادا کرکے آتی ہیں سارا دن روزے کی حالت میں لمبی لائنوں میں کھڑے رہنے کے بعد اہلکار اور عملہ کو پیسے نہ دینے کی وجہ سے ڈیوائسز خراب ہونے کا بہانہ بنا کر انکو ٹرخا دیا جاتا ہے اور وہ خالی ہاتھ گھر واپس لوٹ جاتی ہیں، دھوپ ، لمبی لائنیں ، دھکم پیل سے خواتین کی موقع پر بے ہوش ہوجانے کی شکایات بھی موصول ہورہی ہیں، خواتین کو رقم کے حصول میں شدید مشکلات کاسامنا کرنا پڑرہا ہے

پولیس اہلکاروں سے موقف لیا گیا تو اے ایس آئی مرتضیٰ و کانسٹیبلان کا کہنا تھا کہ یہاں تشریف لانے والی سب خواتین ہمارے لئے برابر قابل عزت ہیں۔ ان سے نمبر مانگنے کے الزامات سراسر بے بنیاد ہیں۔ البتہ خواتین کی رہنمائی کے لیے چند خواتین کو رکھا ہوا ہے جو کہ خواتین کی رہنمائی کے لیے ہم کسی بھی خاتون سے نمبر نہیں مانگتے،سب کی برابر معاونت کرتے ہیں البتہ جو خواتین ہم نے خواتین کی رہنمائی کے لیے رکھی ہوئی ہیں رقم نکلنے پر خواتین انہیں 500یا 1000روپے رہنمائی کرنے کے عوض دے کر جاتی ہیں ہم نے مدد کے عوض کبھی کسی سے پیسے نہیں مانگے۔ ہم تو دھوپ میں بیٹھ کر بھی سارا دن مدد کرتے ہیں۔ پیسوں کی کٹوتی متعلق ان کا کہنا تھا ہم صرف ان کا رابطہ ڈائرکٹ موبائل ریٹیلرز سے کراتے ہیں، متاثرہ خواتین نے وزیر اعلیٰ پنجاب مریم نواز صاحبہ سے اپیل کی ہے کہ خراب ڈیوائسسز اور مبینہ بدعنوان عملے سے جان چھڑائی جائے اور رقم کے حصول کو آسان بنایاجائے۔

آئے روز کبھی نیٹ ورک تو کبھی ڈیوائس خرابی کا بہانہ بنا کر غریب مستحق خواتین کو خوار کیا جارہا ہے۔ تحصیل انتظامیہ کی جانب سے سنٹر پر خواتین کے لیے کیمپ، کرسیوں اور سایہ کا بھی کوئی انتظام نہیں کیا گیا۔ لمبی لائنوں اور اک ہی جگہ ڈیوائسز اکھٹا ہونے کے باعث خواتین کی تعداد بڑھ جاتی ہے دھکم پیل ، بدنظمی سے خواتین کی تزلیل کی جارہی ہے

خواتین نےحکام بالا سے اپیل کی ہے کہ یہاں مرد اہلکار خواتین سے نمبر مانگتے ہیں، ٹھرک جھاڑتے ہیں اور انکی سفارش کے بغیر سنٹر سے رقم نکلوانا ممکن نہیں، خدارا اس سنٹر پر سے اس بد عنوان عملہ کو تبدیل کیا جائے.

اوچ شریف باغی ٹی وی ( نامہ نگار حبیب خان) بے نظیر انکم سپورٹ پروگرام کی قسط وصولی جوۓ شیر لانے کے مترادف، باعزت پردہ دار خواتین ٹھرکی پولیس جوانوں کے ہاتھوں خوار، ڈیوٹی پر مامور اہلکاروں کی خواتین کے ساتھ مبینہ چھیڑخانی، رابطہ نمبر کی پرچیاں پھینکنے کے واقعات بارے انکشاف، ڈیوائس ہولڈرز فی کس 1000 روپے کٹوتی کرنے لگے، روزہ دار خواتین کے لیے سایہ دار جگہ بھی ندارد، سرعام کرپشن و کمیشن ایجنٹ مافیا کی چیرہ دستیوں پر بی آئی ایس پی آفیسران خاموش تماشائی، وزیر اعلیٰ پنجاب ہماری بے توقیری بارے نوٹس لیں، خواتین کا مطالبہ

تفصیلات کے مطابق گورنمنٹ بوائز ہائی سکول اوچ شریف میں بی آئی ایس پی کے مختص کردہ مراکز پر فراہم کردہ ڈیوائسز پر مامور ایجنٹس خواتین سے فی کس 1000 روپے بٹور رہیں ہیں، سارا دن لائنوں میں کھڑے رہنے کے بعد خواتین خالی ہاتھ گھروں کو لوٹنے لگیں، روزہ کی حالت میں دھوپ میں کھڑی خواتین نے ارباب اختیار سے شکایت کی کہ یہاں سنٹر پر چھاؤں کا کوئی مناسب بندوبست نہیں اور عملہ کی بدعنوانیاں عروج پر ہیں۔

یہاں پر تعینات پولیس اہلکار اے ایس آئی مرتضیٰ کے متعلق بھی شکایات سامنے آئیں کہ اے ایس اے مدد کرنے کے بہانے خواتین سے رابطہ نمبر مانگتا ہے اور اس کے ساتھ کانسٹیبلان منیر لنگاہ، عمیر اور سلیم بھی برابر شریک ہیں، مذکورہ پولیس جوان خواتین کو رقم جلد دلوانے کے عوض 500 روپے خرچی جبکہ ڈیوائس آپریٹر کیلئے 1000روپے الگ وصول کرنے کا انکشاف ہوا ہے،

خواتین میں بیشتر بیمار، بزرگ خواتین بھی شامل ہیں جو دور دراز علاقوں سے کرایہ ادا کرکے آتی ہیں سارا دن روزے کی حالت میں لمبی لائنوں میں کھڑے رہنے کے بعد اہلکار اور عملہ کو پیسے نہ دینے کی وجہ سے ڈیوائسز خراب ہونے کا بہانہ بنا کر انکو ٹرخا دیا جاتا ہے اور وہ خالی ہاتھ گھر واپس لوٹ جاتی ہیں، دھوپ ، لمبی لائنیں ، دھکم پیل سے خواتین کی موقع پر بے ہوش ہوجانے کی اطلاعات بھی موصول ہورہی ہیں،

خواتین کو رقم کے حصول میں شدید مشکلات کاسامنا کرنا پڑرہا ہے جبکہ موبائل رییٹلیرز کا موقف یہ ہے کہ ڈیوائسز میں تکنیکی خرابی آجاتی ہیں، پولیس اہلکاروں سے موقف لیا گیا تو اے ایس آئی مرتضیٰ و کانسٹیبلان کا کہنا تھا کہ یہاں تشریف لانے والی سب خواتین ہمارے لئے برابر قابل عزت ہیں۔ ان سے نمبر مانگنے کے الزامات سراسر بے بنیاد ہیں۔ ہم کسی بھی خاتون سے نمبر نہیں مانگتے،سب کی برابر معاونت کرتے ہیں۔

ہم نے مدد کے عوض کبھی کسی سے پیسے نہیں مانگے۔ سادہ لوح خواتین ہیں، کام مکمل ہونے پر اپنی مرضی، خوشی سے زبردستی 500 دینے لگ جاتیں ہیں تو اس میں ہمارا کیا قصور ہے، ہم تو دھوپ میں بیٹھ کر بھی سارا دن مدد کرتے ہیں۔ پیسوں کی کٹوتی متعلق ان کا کہنا تھا ہم صرف ان کا رابطہ ڈائریکٹ موبائل ریٹیلرز سے کراتے ہیں،

متاثرہ خواتین نے وزیر اعلیٰ پنجاب مریم نواز صاحبہ سے اپیل کی ہے کہ خراب ڈیوائسسز اور مبینہ بدعنوان عملے سے جان چھڑائی جائے اور رقم کے حصول کو آسان بنایاجائے۔ آئے روز کبھی نیٹ ورک تو کبھی ڈیوائس خرابی کا بہانہ بنا کر غریب مستحق خواتین کو خوار کیا جارہا ہے۔

تحصیل انتظامیہ کی جانب سے سنٹر پر خواتین کے لیے کیمپ، کرسیوں اور سایہ کا بھی کوئی انتظام نہیں کیا گیا۔ لمبی لائنوں اور ایک ہی جگہ ڈیوائسز اکھٹا ہونے کے باعث خواتین کی تعداد بڑھ جاتی ہے دھکم پیل ، بدنظمی سے خواتین کی تزلیل کی جارہی ہے چیف منسٹر محترمہ مریم نوازشریف سے خواتین نے اپیل کی ہے کہ یہاں مرد اہلکار خواتین سے نمبر مانگتے ہیں، ٹھرک جھاڑتے ہیں اور انکی سفارش کے بغیر سنٹر سے رقم نکلوانا ممکن نہیں، خدارا اس سنٹر پر سے اس بد عنوان عملہ کو تبدیل کیا جائے.

اوچ شریف، باغی ٹی وی (نامہ نگار حبیب خان) ریلوے پھاٹک پر ٹرک کا ایکسل ٹوٹنے سے ریلوے ٹریک بند،ٹرینیں رک گئیں

تفصیل کے مطابق ریلوے پھاٹک سے گزرتے ہوئے ٹرک کا فرنٹ ایکسل اور کمانی ٹوٹ گئے ، ٹریک پر ٹرک کے کھڑے ہونے کے باعث ٹرینیں تاخیر کا شکار ، مسافروں کو پریشانی کا سامنا کرنا پڑرہا ہے

ریلوے ذرائع کے مطابق عوام ایکسپریس ڈیرہ نواب صاحب ریلوے اسٹیشن پر کھڑی ہے اور کراچی ایکسپریس چنی گوٹھ ریلوے اسٹیشن پر کھڑی ہے ، علامہ اقبال ایکسپریس ٹرین کو کلاب ریلوے اسٹیشن روک لیا گیا ہے

اسی طرح ریلوے ذرائع کے مطابق پاک بزنس ٹرین احمد پور شرقیہ اور چنی گوٹھ کے درمیان کھڑی ہے

ریلوے ذرائع کے مطابق ٹرک کے ایکسل اوچ شریف روڈ کے پھاٹک کے بالکل درمیان میں ٹوٹنے کی وجہ سے ٹرک ٹریک پر کھڑا ہے
ٹرک پر آلو کا ہیوی لوڈ ہے اس کے ایکسل کی مرمت کا کام جاری ہے .