Category: بہاولپور

اوچ شریف،باغی ٹی وی(نامہ نگارحبیب خان)بارہویں جماعت کی طالبہ سے اجتماعی زیادتی،نام نہاد معززین علاقہ پولیس تھانہ اوچ شریف کے ساتھ ملکر ملزمان کو بچانے کی کوشش کرتے رہے اور قانونی کارروائی نہ ہونے دی ، تین دن گزر جانے پر مقامی پولیس نے ایف آئی آر درج کی ۔ ابھی تک ملزمان کو گرفتار بھی نہیں کیا جاسکا ہے

تفصیلات کے مطابق اوچ شریف تھانہ کی حدود اوچ گیلانی بستی بھیں کی رہائشی 12ویں جماعت کی طالبہ مسکان زہراکو اغوا کرکے اجتماعی عصمت دری کی گئی ۔

اجتماعی عصمت دری کے بعد لڑکی کو بے ہوشی کی حالت میں نقاب پوش شخص پرائیویٹ فاطمہ ہسپتال میں لے گئے ، ہسپتال عملے کو نقاب پوش شخص پر شک ہونے کی بنا پر عملہ ہسپتال نے ویڈیوز بیان لینے کی کوشش کی تو نقاب پوش شخص متاثرہ لڑکی مسکان زہراکو وہاں سے لے کر فرار ہوگئے

لڑکی کی حالت غیر ہونے پر رورل ہیلتھ سنٹر اوچ شریف کے باہر پھینک کر فرار ہوگئے ،زیادتی کا شکار ہونے والی لڑکی کی حالت تشویشناک ہے۔ لڑکی گذشتہ تین دنوں سے رورل ہیلتھ سنٹر اوچ شریف میں داخل ہے۔

اس المناک واقعہ کے تین روز گزر جانے کے باوجود پولیس ملزمان کو گرفتار نہیں کر سکی ، زیادتی کا شکار لڑکی کے والدین انصاف کے لیے میڈیا کے پاس پہنچ گئے،

مسکان زہرا کی دادی اقبال بی بی زوجہ اللہ یار قوم بھیں نے بتایا کہ میں محلہ گیلانی اوچشریف کی رہائشی ہوں میرے پاس میری پوتی مسکان زہرا دختر ملک اعجاز تعلیم کی غرض سے رہائش پذیر تھی ،گذشتہ رات کو سب اہل خانہ سوگۓ علی الصبح نماز کیلئے بیدار ہوئی تو میری پوتی بستر پر موجود نہیں تھی ، میرے شور واویلا پر علی رضا اور ملک اعجاز آ گۓ ہم بچی کی تلاش میں نکل پڑے، بچی نہ ملی دوسرے روز میری بچی کی ویڈیو شوسل میڈیا پر وائرل ہوئی تو ہم رورل ہیلتھ سنٹر اوچ شریف کے انچارج رانا محمد ارشد کی پرائیویٹ فاطمہ ہسپتال پہنچ گئے

عملہ ہسپتال سے معلومات لینے کے بعد بچی کی تلاش میں نکل پڑے تو رورل ہیلتھ سنٹر اوچ شریف میں بچی حالت غیر میں ملی تو بچی نے بتایا کہ مجھے ماجد شکرانی اور محسن اقبال شکرانی ہمراہ دو کس نا معلوم ورغلا کر ماجدشکرانی کے مکان پر لے گۓ ،پہلے میرے ساتھ ماجد شکرانی اور پھر بعد میں محسن اقبال اور ایک نامعلوم شخص نے زبردستی زیادتی کی باقی الزام علیہان کھڑے پہرہ دیتے رہے

نام نہاد معززین علاقہ پولیس تھانہ اوچ شریف کے ساتھ ملکر ملزمان کو بچانے کی کوشش کرتے رہے اور قانونی کارروائی نہ ہونے دی ، تین دن گزر جانے پر مقامی پولیس نے ایف آئی آر درج کی ۔ ابھی تک ملزمان کو گرفتار بھی نہیں کیا جاسکا ہے۔

انہوں نے بتایا کہ ملزمان سیاستدانوں کی سرپرستی والے لوگ ہیں اس لیے پولیس ان کے دباؤ میں کوئی کارروائی نہیں کر رہی۔دوسری جانب مقامی پولیس تھانہ اوچ شریف کے مہتمم مسلم ضیاء نے اپنے موقف پر کہا کہ پولیس کیس کی تفتیش کر رہی ہے اور ملزمان کو تلاش کر رہی ہے، جلد ہی ملزمان کو گرفتار کر کے قانونی کارروائی عمل میں لائی جائے گی

اوچ شریف باغی ٹی وی ( نامہ نگار حبیب خان) اوچ شریف شہر میں چوروں کا راج، شہری گھروں میں قید،اوچ شریف چوروں لٹیروں ڈاکوؤں کی آماجگاہ بن گیا امیر،غریب، شہری، دیہی علاقہ جات کے شہری کوئی بھی محفوظ نہ رہ،اقانون کے رکھوالے خواب غفلت سے بیدار نہ ہو سکے۔

پولیس کی جانب سے ہر چورکو کھل کر کھیلنے کی اجازت دیدی غریبوں کی آہیں فریاد بھی تھانہ اوچ شریف کی بے حس پولیس افسران کو نہ جگا سکی علاقہ بھر میں روزانہ کی بنیادوں پرہونیوالی وارداتیں کنٹرول کرنے میں مکمل ناکام ہو چکے ہیں۔

روزانہ کی بنیادوں پر ہونے والی پے در پے وارداتوں کی وجہ سے شہری عدم تحفظ کا شکار ہو کر خوف و ہراس کی کیفیت میں رہنے پر مجبور ہو چکے ہیں۔

ایس ایچ او تھانہ اوچ شریف مسلم ضیاء کی ناقص کارکردگی ک پر شہر ی سراپا احتجاج بن گئے۔تھانہ اوچ شریف شہر و نواحی علاقوں میں چوریوں اور چھیناجھپٹی کی مسلسل ہونے والی وارداتوں نے علاقہ بھر کے شہریوں کو خوف و ہراس میں مبتلا کر دیا ہے اورعلاقہ بھر کے شہری اپنی دکانوں گھروں و دیگر املاک کی حفاظت کیلئے شدید فکر مند نظر آنے لگے۔

ایس ایچ او تھانہ اوچ شریف مسلم ضیاء خواب خرگوش کے مزے لے رہے ہیں اور علاقہ بھر کو چوروں اور جرائم پیشہ عناصر کے رحم و کر م پرچھوڑ دیا گیا ہے۔ قانون کے رکھوالوں نے عوام کو تحفظ دینے کی بجائے آنکھیں بند کرلی ہیں پولیس کارکردگی صفرہو چکی ہے،پولیس کی جانب سے گشت کا انتظام انتہائی ناقص ہے۔

گذشتہ پانچ دنوں میں چوری کی لا تعداد وارداتیں ہو گئی ہیں۔ ان پانچ دنوں میں اوچ شریف عباسیہ روڈ السادات پیٹرولیم کے نزدیک خواجہ زاہد کریانہ مرچنٹ کی دکان میں چوری کی واردات لاکھوں روپے سمیت سامان چوری

گذشتہ شب چور عرفان الیکٹرک شاپ پر چوری کی واردات بجلی کی موٹریں سمیت دیگر الیکٹرانک اشیاء چور کلے اڑے ،شہریوں عبدالحمید،محمد نواز،مرید حسین،عطا محمد،محمد شہزاد،عبدالشکور،نبی بخش،اللہ وسایا نے علاقہ بھر میں چوری و نقب زنی کی بڑھتی ہوئی وارداتوں پر شدید احتجاج کرتے ہوئے کہا کہ ہمارے شہری بلا خوف و خطر زندگی گزار رہے تھے لیکن تھانہ اوچ شریف پولیس کی کام چوری و عدم دلچسپی کی وجہ سے پچھلے کچھ دنوں میں بڑھتی ہوئی چوری کی وارداتوں نے ہمارا سکون برباد کر دیا ہے۔

چوروں نے ہماری نیندیں حرام کر دی ہیں۔کوئی رات خالی نہیں جب چوروں نے عوام کو نہ لوٹا ہو،انہوں نے کہا کہ پولیس گشت نہ ہونے سے چوروں اور ڈاکوؤں میں اضافہ ہوا ہے اور ان چوروں ڈاکوؤں نے عوام کا جینا حرام کر دیا ہے۔

شہریوں نے ڈی پی او بہاول پور ،آر پی او بہاول پور ،آئی جی پنجاب، ،وزیر اعلی پنجاب مریم نواز شریف ،وزیر اعظم میاں شہباز شریف سے فوری نوٹس لیتےہوئےنااہل،نکمے،کام چور پولیس آفیسران کے فوری تبادلہ جات کرتے ہوئے ذمہ دار،قابل،دیانت دار پولیس آفیسران،اہلکاران تعینات کرنے اور شہریوں کے فوری جان و مال کے تحفظ کی فراہمی کو یقینی بنا یا جائے

دوسری جانب تھانہ اوچ شریف مسلم ضیاء نے اپنے موقف میں کہا کہ میرے پاس پولیس نفری بہت کم ہے شہر میں مزارات سمیت انٹر چینج اور وی آئی پی شخصیات کے پروٹوکول کے لئے بھی پولیس اہلکار تعینات ہوتے ہیں ان وارداتوں کو روکنے کے لیے مزید نفری تعینات کی جائے تاکہ ان بڑھتی ہوئی وارداتوں کو روکا جا سکے.

اوچ شریف باغی ٹی وی (نامہ نگار حبیب خان) اوچ شریف شہر و مضافات میں رمضان المبارک کا تقدس پامال ہونے لگا ،انتظامیہ خاموش تماشائی، اوچ شریف شہر میں المدینہ عباسیہ المکہ ہوٹلوں کے آگے پردہ لگا کر رمضان المبارک کے تقدس کو پامال کرتے ہوئے جگہ جگہ ہوٹل کھلے ہیں متعدد ہوٹل والوں کے ساتھ ساتھ پکوڑا سموسہ فروش ، دہی بھلے ، فروٹ چاٹ فروش مل کر رمضان المبارک کا تقدس پامال کرنے میں مصروف ،

گذشتہ کئی برس سے رمضان آرڈی نینس کے تحت سر عام ہوٹلوں کو کھول کر ماہ صیام کے تقدس کو پامال کرنے والوں کے خلاف سخت کار روائی عمل میں لائی جاتی تھی لیکن اس سال اسسٹنٹ کمشنر احمد پور شرقیہ محمد فیصل کی غفلت اور لاپرواہی کے باعث اوچ شریف شہر بھر میں جگہ جگہ ہوٹل کھلے دکھائی دیتے ہیں جہاں پر لوگ سر عام کھا پی کر نہ صرف رمضان المبارک کے تقدس کو پامال کر رہے ہیں بلکہ روزہ داروں کے جذبات کو بھی مجروح کر رہے ہیں۔

ہوٹلوں کے لاوہ سموسہ پکوڑا فروش ، جوس کارنر ، دہی بھلے ، فروٹ چاٹ یہاں تک کہ چائے بنانے والے بھی ریڑھیوں پر اپنی دکانیں کھول لیتے ہیں جس سے روزہ خوروں کی چاندی ہو جاتی ہے اور وہ بلا خوف و خطر کھاتے پیتے نظرآتے ہیں

متعدد ہوٹلز اور دکانوں پر کھانا بھی دیدہ دلیری کے ساتھ فراہم کیا جا رہا ہے جبکہ اس سلسلے میں تحصیل انتظامیہ بالکل خاموش دکھائی دیتی ہے جس کی وجہ سے ہوٹلز مالکان بلاخوف و خطر اپنے ہوٹلزکھول کر کھانے تیار کرکے فروخت کر رہے ہیں

شہریوں محمد عبداللہ مستوئی، محمد شریف مستوئی ،عبد الصمد مستوئی نے شدید تشویش کا اظہار کیا اور انہوں نے ڈپٹی کمشنر بہاول پور سمیت دیگر اعلی حکام سے مطالبہ کیا ہے کہ بااثر ہوٹلز مالکان اور ماہ صیام کا تقدس پامال کرنے والے دکانداروں کے خلاف سخت سے سخت قانونی کارروائی عمل میں لائی جائے اور رمضان المبارک کا تقدس پامال ہونے سے بچایا جائے.

اوچ شریف,باغی ٹی وی (نامہ نگارحبیب خان)اوچ شریف کے شہریوں حبیب خان،سید مجتہد رضوی،اظہر علی دانش ،صدیق خان ،عامر غنی خان لنگاہ ایڈووکیٹ،ساجد خان،مظہر خان پتافی، ملک محمد یعقوب ککس،شمس نذیر خان رند ،حسیب خان،لیاقت علی خان، ملک محمد امین، سید زین حیدر بخاری ،سلیم خان لنگاہ نے اپنے مشترکہ بیان میں کہاکہ حسب روایت اس سال بھی رمضان المبارک کی آمد سے قبل ہی مہنگائی کا جن بے قابو ہوتا نظر آرہا ہے،بدقسمتی سے وطن عزیز میں ہر سال ماہ رمضان کی آمد سے قبل ہی اشیائے خوردونوش کی قیمتیں آسمان سے باتیں کرنے لگتی ہیں عام آدمی کو پورے ماہ پریشانی میں مبتلا کئے رکھتی ہیں۔اس سال دودھ تو رمضان سے قبل ہی مہنگا کردیا گیا جبکہ بتدریج چینی، آٹے اور دالوں کی قیمتیں بھی بڑھا دی گئیں۔

شہریوں نے کہا کہ رمضان المبارک کے مہینے کی آمد کے ساتھ ہی ذخیرہ اندوزوں اور منافع خوروں نے زیادہ منافع کی لالچ میں اشیا صرف کی مارکیٹ میں مصنوعی قلت پیدا کردی ہے ذخیرہ اندوزوں اور منافع خوروں نے مہنگائی کو اس سطح پر پہنچا دیا ہے کہ غریب آدمی کے لئے بچوں کو دووقت کی روٹی کما کر کھلانامشکل ہوگیا ہے

ذخیرہ اندوزوں اور ناجائزمنافع خوروں نے اس وقت جو اشیا ءصرف ذخیرہ کی ہیں وہ رمضان میں نکال کر زیادہ قیمت وصول کریں گے ، مارکیٹ میں اشیا صرف کی مصنوعی قلت ہے لیکن انتظامیہ خواب خرگوش کے مزے لے رہی ہے

اس موقع سید مجتہد رضوی نے کہاکہ رمضان المبارک کی آمد آمد ہے اور ہر سال کی طرح اس سال بھی ماہِ مقدس رمضان المبارک کی آمد پر اشیائے خورونوش کی قیمتیں بلند ترین سطح پر پہنچ چکی ہیں جن پر حکومت بھی اگر کوئی ریلیف دے تو پھر بھی یہ عام حالات سے مہنگی ہی رہتی ہیں خود ساختہ اضافے کے باعث انتہائی بنیادی ضرورت کی اشیا کی قیمتیں یکدم آسمان کو چھونے لگی ہیں، سبزیوں کے دام بڑھا دیے گئے جبکہ پھلوں کی قیمت میں بھی اضافہ کیا گیا

دنیا بھر کے مہذب ممالک میں ان خصوصی دنوں اور تہواروں کے موقع پر اشیائے ضرور یہ کی قیمتیں کم کر دی جاتی ہے جب کہ وطن عزیز میں الٹی گنگابہتی ہے ہر سال ہی رمضان المبارک میں مہنگائی اپنے عروج پر پہنچ جاتی ہے

دودھ، آٹا، گھی، چینی، تیل،سبزیاں وغیرہ سب مہنگے ہو جاتے ہیں اور پھل تو غریبوں کے لیے شجر ممنوعہ اس لیے ہو جاتے ہیں کہ وہ ان کی خریداری کے متحمل نہیں ہو سکتے

وفاقی اور صوبائی حکومتیں فوری طور پر نا جائز منافع خوروں کے خلاف کارروائی کرنے کے لیےعملی اقدامات کریں.