تلہ گنگ، باغی ٹی وی (شوکت علی ملک سے) پرائیوٹ ہاسپٹل ایسوسی ایشن کا ہنگامی اجلاس، ایف بی آر کا پوائنٹ آف سیل مسترد کر دیا، اس ٹیکس سے محکمانہ بھتہ خوری بڑھے گی، معیاری علاج لوگوں کی دسترس سے باہر ہو جائے گا۔ ڈاکٹرز کمیونٹی، پرائیوٹ ہاسپٹل ایسوسی ایشن کا حکومت سے پوائنٹ آف سیل کے نفاذ کا نوٹیفکیشن فوری واپس لینے کا مطالبہ،
تفصیلات کے مطابق پرائیوٹ ہسپتال اور کلینکس پر پوائنٹ آف سیل لاگو کرنا صحت عامہ سے دشمنی کے متراف ہوگا، معیاری علاج ناپید ہوجائے گا ڈاکٹر و ہسپتال تو متاثر ہوں گے کیونکہ علاج پہلے سے مزید مہنگا ہو جائے گا، پوائنٹ آف سیل کے نفاذ سے حکومت کو ریونیو ملے گا یا نہیں؟ تاہم اس ٹیکس سے محکمانہ بھتہ خوری بڑھ جائے گی، معیاری علاج لوگوں کی دسترس سے باہر ہو جائے گا اتائیت کو فروغ ملے گا،
ضلع بھر کے ڈاکٹرز میں تشویش کی لہر دوڑ گئی پی ایم اے تلہ گنگ کے صدر ڈاکٹر ارشد ملک، جنرل سیکرٹری ڈاکٹر صابر امیر ملک کی میڈیا سے گفتگو پی ایم اے کے صدر ڈاکٹر ارشد ملک جنرل سیکرٹری ڈاکٹر صابر امیر ملک اور دیگر پرائیوٹ ہاسپٹل ایسویسی ایشن کے ڈاکٹرز کا اجلاس الفلاح سرجیکل ہسپتال تلہ گنگ میں منعقد ہوا، جہاں پر ائیوٹ ہاسپٹل ایسویسی ایشن کا قیام عمل میں لایا گیا اور آئندہ اجلاس میں پرائیوٹ ہاسپٹل ایسوسی ایشن کے عہدے داران کا انتخاب بھی کیا جائے گا اور پرائیوٹ ہاسپٹل ایسویسی ایشن کے پلیٹ فارم سے ہسپتال اور کلینکس کو در پیش مسائل کو حل کیا جائے گا، تمام ہسپتالوں کے ڈاکٹرز نے اجلاس میں بھاری تعداد میں شرکت کی،
اجلاس میں ڈاکٹر نثار احمد ملک، ڈاکٹر علی حسنین نقوی، ڈاکٹر بشیر احمد ملک، ڈاکٹر اقبال سیف، ڈاکٹر حافظ حبیب سلطان، ڈاکٹر زبیر شاہ، ڈاکٹر یوسف خان نیازی، ڈاکٹر منصور امتیاز، ڈاکٹر یعقوب اعوان، ڈاکٹر مسعود الحسن، ڈاکٹر راؤ شفیق، ڈاکٹر فیصل نعمان، اور دیگر نمائندگان نے شرکت کی، معززین نے اپنے خطاب میں کہا کہ پی او ایس کے نفاذ سے خالصتا ڈاکٹرز کیمیونٹی کو ٹارگٹ کیا جارہا ہے حالانکہ ڈاکٹرز پہلے ہی انتہائی کم ریٹ اور چارجز پر غریب شہریوں کو معیاری علاج و معالجہ فراہم کر رہے ہیں کیونکہ ڈاکٹرز آئے روز کی بڑھتی ہوئی مہنگائی سے اچھی طرح آگاہ ہیں ،پوائنٹ آف سیلز ٹیکس کلینک اور ہسپتالوں پر نہیں لگنا چاہئے اس سے ڈاکٹر تو متاثر ہو نگے لیکن غریب عوام کو بھی بھگتنا پڑے گا، ڈاکٹرز کیمیونٹی نے وفاقی حکومت سے پوائنٹ آف سیل کے نفاذ کا نوٹیفکیشن فوری واپس لینے کا مطالبہ کیا ہے۔
