Category: چکوال

وزیراعظم شہباز شریف شمالی وزیرستان میں دہشتگردوں کے حملے میں شہید کیپٹن احمد بدر کے گھرٹمن پہنچ گئے

وزیراعظم شہباز شریف بذریعہ ہیلی کاپٹر ٹمن پہنچے، شہید کے والد کرنل ر بدر سے ملاقات کی، اور دفاع وطن کے لیے عظیم قربانی پر خراج تحسین پیش کیا۔وزیراعظم شہباز شریف کا کہنا تھا کہ شہید کیپٹن احمد بدر سمیت تمام شہدا قوم کے ماتھے کا جھومر ہیں، وزیراعظم شہباز شریف20 منٹ قیام کے بعد واپس روانہ ہو گئے، اس موقع پر سابق رکن اسمبلی سردار منصور حیات ٹمن، رکن پنجاب اسمبلی ملک شہریار اعوان و دیگر بھی موجود تھے، وزیراعظم شہباز شریف کا کہنا تھا کہ پاک فوج کے بہادر جوانوں و افسران نے ملک کی بقاء کی خاطر اپنی جانوں کا نذرانہ پیش کیا. مجھ سمیت پوری قوم ملک کے شہداء کو خراج عقیدت پیش کرتی ہے.شہداء کے اہلِ خانہ پوری قوم کیلئے قابل فخر ہیں.پوری قوم ملک سے دھشتگردی کے ناسور کے خاتمے تک اپنی فوج کے شانہ بشانہ کھڑی ہے.

واضح رہےکہ کیپٹن احمد بدر وزیرستان میں دہشت گردوں کے ساتھ مقابلہ کرتے ہوئے جام شہادت نوش کر گئے تھے، کیپٹن احمد اکیلے بیٹے تھے جبکہ انکی پانچ بہنیں ہیں،انکے والد بھی پاک فوج سے ریٹائرڈ افسر ہیں، اپنے بیٹے کی میت دیکھ کر کیپٹن احمد بدر شہید کے والد نے بے مثال اور قابل دید صبر کا اظہار کیا،کیپٹن احمد بدر شہید کے والد کا بیٹے کی شہادت پر صبر و ہمت دیکھ کر ہر آنکھ آبدیدہ اور ہر سر فخر سے بلند تھا۔ کیپٹن احمد بدر شہید کے والد نے بیٹے کو شہادت کا رتبہ حاصل ہونے پر مسکراتے لبوں کیساتھ اللّٰہ کا شکر ادا کیا،کیپٹن احمد بدر شہید کے والد کا کہنا تھا کہ”الحمدللہ مجھے میرے بیٹے پہ فخر ہے کہ وہ عزت سے شہید ہوا کیونکہ مرنا تو ویسے بھی تھا اسلیے مجھے اس بات کی خوشی ہے،آپ سب نے مجھے جتنی عزت دی ہے میں اس کے قابل نہیں تھا، یہ تو میرے بیٹے نے میرے لیے اضافی بندوبست کردیا ہے”.

وزیرِ اعظم محمد شہباز شریف کی میر علی، شمالی وزیرستان میں دھشتگرد حملے کے شہداء کے گھر آمد ہوئی ہے،وزیرِ اعظم کی لیفٹیننٹ کرنل سید کاشف علی شہید کے گھر چکلالہ آمد ہوئی،وزیرِ اعظم نے لیفٹیننٹ کرنل سید کاشف شہید کی مغفرت اور انکے اہل خانہ کیلئے صبر جمیل کی دعا کی،وزیرِ دفاع خواجہ آصف اور وزیرِ اطلاعات و نشریات عطاء اللہ تارڑ بھی وزیرِ اعظم کے ہمراہ تھے.

بیٹے نے میرے لیے اضافی بندوبست کردیا،شہید کیپٹن احمد کے والد کے جذبات

مبشر لقمان کے ساتھ احترام کا رشتہ ہے اور رہے گا، شیر افضل مروت

مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،

دعا اور خواہش ہے حالیہ انتخابات ملک میں معاشی استحکام لائیں،آرمی چیف

پاکستان آرمی کسی بھی خطرے کا موثر جواب دینے کیلئے ہمیشہ تیار ہے، آرمی چیف

پاکستان ہے تو ہم ہیں، پاکستان نہیں تو ہم کچھ بھی نہیں ہیں، آرمی چیف

غزہ سے فلسطینیوں کی جبری بے دخلی سنگین جرم ہے، آرمی چیف

نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

عمان کی رائل آرمی کے کمانڈر کی آرمی چیف سے ملاقات

آرمی چیف کا دورہ بحرین، ملا ملٹری میڈل آرڈر آف بحرین فرسٹ کلاس ایوارڈ

افواج پاکستان اور عوام ایک ہیں،آرمی چیف

مخصوص سیاسی جماعت شہداء کی بے حرمتی سے باز نہ آئی

تلہ گنگ کے حلقہ پی پی 23 میں تحریک انصاف کا غلط فیصلہ، سابق ایم پی اے کرنل ر سلطا ن سرخرو کو ٹکٹ جاری کیا، آج ان سے واپس لے کر غیر معروف امیدوار سعد حیات ٹمن کو دے دیا، جس پر پی ٹی آئی کارکنان سراپا احتجاج ہیں اور انکا مطالبہ ہے کہ پی پی 23 کی اگر سیٹ جیتنی ہے تو کرنل ر سلطان سرخرو ہی امیدوار ہونے چاہئے.

تحریک انصاف کے بانی چیئرمین عمران خان جیل میں ہیں، پنجاب میں ٹکٹوں کی تقسیم اور امیدواروں کی نامزدگی کا معاملہ عمیر نیازی، بیرسٹر گوہر،علیمہ خان دیکھ رہے ہیں، پی ٹی آئی نے امیدواروں کا اعلان کیا اور ماضی کی طرح کئی بار یوٹرن لیتے ہوئے تلہ گنگ پی پی 23 کے امیدوار سمیت کئی امیدواروں کو بھی بدل ڈالا،عین اس وقت جب نامزد امیدوار اپنی انتخابی مہم بھر پور طریقے سے جاری رکھے ہوئے تھے ایسے موقع پر کسی دوسرے امیدوار کو لانے پر پی پی 23 سے تحریک انصاف کے کارکنان پارٹی قیادت سے نالاں دکھائی دیئے، کارکنان کا کہنا ہے کہ جب پارٹی نے کرنل ر سلطان سرخرو کو پی پی 23 سے امیدوار نامزد کر دیا تھا تو اب کیوں انکی جگہ سعد حیات ٹمن کو لے کر آئے جس کی کوئی سیاسی پہچان نہیں، حلقے میں اثرورسوخ نہیں، ٹمن کے سردار کا بیٹا ضرور ہو سکتا ہے تا ہم عوامی نمائندگی ابھی تک اس نے بالکل نہیں کی اور غیر معروف امیدوار ہے، تحریک انصاف کے اس فیصلے سے یوں ظاہر ہوتا ہے کہ تحریک انصاف پی پی 23 کی سیٹ پلیٹ میں رکھ کر ن لیگ کو دینا چاہتی ہے اسی لئے کرنل ر سلطان سرخرو کی جگہ سعد کو لایا گیا.

کرنل ر سلطان سرخرو،ماضی میں بھی ایم پی اے رہ چکے ہیں، تلہ گنگ کے علاقے ونہار سے انکا تعلق ہے، گھرانہ فوجی ہے، بھائی بریگیڈیئر ر ہیں ، بیٹے بھی پاک فوج میں اعلیٰ عہدے پر تعینات رہے،ونہار کی اس اعوان فیملی کو یہ اعزاز حاصل ہے کہ ایک ہی خاندان سے پاک فوج میں گیارہ اعلی فوجی آفیسر ہیں، کرنل ر سلطان سرخرو علاقے میں مقام رکھتے ہیں، اگر حلقے میں کسی کی شرافت کی مثال دی جائے تو موجودہ سیاستدانوں میں تلہ گنگ میں کرنل ر سلطان سرخرو کا نام ہی سامنے آئے گا، داڑھی اگرچہ ہلکی اور سفیدتاہم کرنل ر سلطان سرخرو کے جذبے جوان ہیں، علاقے کا کوئی بھی فرد اگر ان کے ڈیرے پر گیا تو وہ کبھی مایوس نہیں لوٹا، خواہ اسکا تعلق مخالف پارٹی سے کیوں ہی نہ ہو، ہمیشہ انہوں نے عوامی خدمت کی اور خدمت کی سیاست کی، اور خدمت کی سیاست ہی کرنل ر سلطان سرخرو کی پہچان ہے، اب حالیہ انتخابات میں کرنل ر سلطان سرخرو ایک بہترین امیدوار تھے اور ہیں تا ہم تحریک انصاف کی جانب سے انکی جگہ کسی اور کو امیدوار نامزد کرنا تحریک انصاف کی انتہائی سنگین غلطی ہے جس کے اثرات آٹھ فروری کو تحریک انصاف کو نظر آئیں گے.

تحریک انصاف کے امیدواروں کی نامزدگی بارے عمران خان بھی ذرائع کے مطابق لاعلم ہیں اور وہ خود کہہ چکے ہیں کہ جیل میں فائل لانے کی اجازت نہیں دی گئی، میں فیصلہ نہیں کر سکا، ایسے میں‌تحریک انصاف کی دیگر قیادت غلط فیصلے کر رہی جس کا ازالہ کرنا ممکن نہیں ہو گا. تحریک انصاف کے لئے بہتر یہی ہو گا کہ وہ اپنے فیصلے پر ایک بار پھر یوٹرن لیں اور پی ٹی آئی کارکنان کی عین امنگوں کے مطابق کرنل ر سلطان سرخرو کو ہی پی پی 23 سے امیدوار نامزد کریں.

بہت ہی غلط فیصلہ ہوا۔۔۔۔کرنل سلطان سرخرو اپنی کیمپئن کر رہے تھے ایسے میں ٹکٹ واپسی ۔۔سعد ٹمن سے جیت کی کم از کم کوئی امید نہ رکھے۔ کمزور ترین امیدوار ہے https://t.co/807WOkNHRQ

— ممتاز حیدر (@MumtaazAwan) January 22, 2024

پی پی 23 سے ن لیگ کے امیدوار ملک شہریار ہیں جو ماضی میں بھی ایم پی اے رہ چکے ہیں، اب بھی علاقے میں بھر پور انتخابی مہم چلا رہے ہیں، انکے ساتھ مقابلے میں کرنل ر سلطان سرخرو بہترین امیدوار تھے، اور ہیں، ملک شہر یار کا پی پی 23 میں مقابلہ کرنل ر سلطان سرخرو ہی کر سکتے ہیں، سعد حیات ٹمن جس کو ابھی پی ٹی آئی نے امیدوار نامزد کیا اسکی تو ٹمن کے باہر پہچان ہی نہیں ہے.ایسے غیر معروف امیدوار کو ووٹ کون دے گا، تلہ گنگ ایسا علاقہ ہے جہاں ووٹ شخصیات کو نہیں بلکہ برادری ازم کی وجہ سے ملتے ہیں، تعلقات کی وجہ سے ملتے ہیں، سعد حیات ٹمن جس کو تحریک انصاف نے ابھی امیدوار نامزد کیا، اسکے چچا منصور حیات ٹمن مسلم لیگ ن کی حمایت کر رہے ہیں، تحریک انصاف کے پی پی 23 کے کارکنان کا کہنا ہے کہ کہیں ن لیگ کو سیٹ دینے کے لئے یہ چچا بھتیجے کی ملی بھگت تو نہیں،

کرنل ر سلطان سرخرو اعوان کو پی پی 23 سے امیدوار ختم کرنے پر سماجی رابطے کی ویب سائٹ ٹویٹر پر بھی صارفین نے احتجاج ریکارڈ کروایا ہے، ایک صارف عرفان اشفاق کا کہنا تھا کہ سر یہ کوئی وقت ہے ٹکٹ تبدیل کرنے کا۔ تلہ گنگ حلقہ PP 23.کرنل سلطان سرخرو جنکی علاقہ میں پہچان ھے۔ کنفرم سیٹ پی ٹی آی کی تھی۔کیوں تبدیل کی گئی؟
اگر فیصلہ نا بدلا گیا تو یہ سیٹ گئی،بیشک ووٹ خان صاحب کا۔ لیکن یہ ٹائم نہیں تجرے کرنے کا

@BarristerGohar @OmarAyubKhan @sherafzalmarwat
سر یہ کوی وقت هے ٹکٹ تبدیل کرنے کا۔ تلہ گنگ حلقہ PP 23.کرنل سلطان سرخرو جنکی علاقہ میں پہچان ھے۔ کنفرم سیٹ پی ٹی آی کی تهی۔کیوں تبدیل کی گئ؟
اگر فيصلہ نا بدلا گیا تو یہ سیٹ گی۔
بیشک ووٹ خان صاحب کا۔ لیکن یہ ٹايم نہیں تجرے کرنے کا

— 804 (@IrfanIshaq14) January 22, 2024

ایک صارف تصور حسین نےلکھا کہ پی ٹی آئی کی قیادت نے خود ہی اپنے پاؤں پر کلہاڑی مار لی، پی پی 23 کرنل سلطان سرخرو اعوان ٹکٹ لے لیا جو کہ پی ٹی آئی کے پرانے ورکر ہیں اور ایک عام آدمی سے لیکر سردار کو دے دیا ہے موروثی سیاست قابل مذمت

https://twitter.com/Tasawwar3741/status/1749466206594310186

علی اعوان صحافی ہیں وہ لکھتے ہیں کہ "لگتا ہے پی ٹی آئی نے حلقہ این اے 59 تلہ گنگ ایک سوچے سمجھے منصوبے کے تحت PMLN کی جھولی میں ڈالنے کا عہد کر لیا ہے پہلے باہر مقیم غیر معقول اور غیر مقبول شخص کو MNA کا ٹکٹ دے دیا اب سلطان سرخرو جیسے مضبوط ترین اُمیدوار سے ٹکٹ لیکر غیر مقبول شخص کو دے دیا گیا”

لگتا ہے پی ٹی آئی نے حلقہ این اے 59 تلہ گنگ ایک سوچے سمجھے منصوبے کے تحت PMLN کی جھولی میں ڈالنے کا عہد کر لیا ہے پہلے باہر مقیم غیر معقول اور غیر مقبول شخص کو MNA کا ٹکٹ دے دیا اب سلطان سرخرو جیسے مضبوط ترین اُمیدوار سے ٹکٹ لیکر غیر مقبول شخص کو دے دیا گیا

— Ali Awan (@AliAwan_Speak) January 22, 2024

ایک صارف بشیر احمد نے لکھا کہ دیکھیں نا تحریک انصاف جو بلنڈر مار رہی ہے الیکشن سے دو ہفتے پہلے پی پی 23 تلہ گنگ سے مضبوط امیدوار کرنل سلطان سرخرو جو بہت اچھی کمپئین چلا رہا تھا اس سے ٹکٹ واپس لے کے کمزور امیدوار سعد ٹمن کو دے دیا پتا نہیں ان کو کون مشورے دے رہا ہے

https://twitter.com/BashirA78798072/status/1749482939430396014

ایک صارف قاضی اعوان نے لکھا کہ pp 23 میں ٹکٹ کس نے چینچ کر دیا ہے کرنل سلطان سرخرو سے واپس لے کر نون لیگ کے امید وار سردار منصور ٹمن کے بھتیجے سعد ٹمن کو کس نے پکڑا دی ہے تلہ گنگ میں اب پی ٹی آئی ہار جائے گی اگر ٹکٹ اس سے واپس نہ لیا گیا تو

pp 23 میں
ٹکٹ کس نے چینچ کر دیا ہے کرنل سلطان سرخرو سے واپس لے کر نون لیگ کے امید وار سردار منصور ٹمن کے بھتیجے سعد ٹمن کو کس نے پکڑا دی ہے تلہ گنگ میں اب پی ٹی آئی ہار جائے گی اگر ٹکٹ اس سے واپس نہ لیا گیا تو https://t.co/FxaWm2rNgv pic.twitter.com/9DpM7pTOYt

— Qazi wahid ڈھلی (@QaziAwan564) January 22, 2024

باغی ٹی وی کے ذرائع کے مطابق کرنل ر سلطان سرخرو اعوان نے پی ٹی آئی کے غلط فیصلے پر مشاورت شروع کر دی ہے، وہ جلد اپنے لائحہ عمل کا اعلان کریں گے

تلہ گنگ میں این اے 59 میں پی ٹی آئی پہلے ہی رومان نامی بندے کو امیدوار بنا چکی جو حلقے میں ہے ہی نہیں مقابلے میں ن لیگ کے سردار غلام عباس ہیں جو بھر پور انتخابی مہم چلا رہے ہیں،اور واضح نظر آ رہا ہے کہ رومان کی عدم موجودگی کی وجہ سے پی ٹی آئی یہ سیٹ ابھی ہار چکی ہے، پی پی 23 پر مقابلہ تھا مگر اب پی ٹی آئی ایک اور غلط فیصلہ کر کے پی پی 23 کی سیٹ بھی کھو چکی،،ساتھ ہی کارکنان کا اعتماد بھی کھو بیٹھی

چکوال: پاکستان تحریک انصاف کے سابق رکن قومی اسمبلی سردار ذوالفقار علی خان دلہہ نے پارٹی سے علیحدگی کا اعلان کردیا۔

باغی ٹی وی : تفصیلات کے مطابق سردار ذوالفقار علی خان دلہہ نے اپنے بیان میں کہا کہ 9 مئی کے قابل مذمت واقعات کے بعد ہم نے کافی عرصہ انتظار کیا کہ پارٹی کی اداروں سےٹکراؤ کی پالیسی میں کوئی فرق آئےگا لیکن ایسا نہ ہوسکاہم نے ہمیشہ عوامی خدمت کی سیاست کی اور دوستوں و سپورٹرز کے ساتھ مشورے کے بعد پی ٹی آئی سے علیحدگی اختیار کررہے ہیں۔

سردار ذوالفقار علی خان دلہہ 2018 سے 2023کے دوران این اے 64 سےتحریک انصاف کے ایم این اے رہے ہیں اوران کی پارٹی سے علیحدگی کے بعد چکوال میں پی ٹی آئی عملی طور پر ختم ہو گئی ہے۔

چوہدری پرویز ،مونس الہی اور فیملی کے تمام بینک اکاؤنٹس منجمد

دوسری جانب پنجاب کے ضلع مظفر گڑھ سے تعلق رکھنے والے سابق رکن صوبائی اسمبلی سردار چنوں خان لغاری کی سابق وزیراعظم اور پاکستان مسلم لیگ (ن) کے صدر شہباز شریف سے ملاقات ہوئی جس میں انہوں نے نواز شریف کی قیادت پر بھرپور اعتماد کا اظہار اور ن لیگ میں شمولیت کا اعلان کیا۔

شہباز شریف نے پاکستان مسلم لیگ (ن) میں شمولیت پر سردار چنوں خان لغاری کو خوش آمدید کہا اور مبارک دی، انہوں نے کہا کہ پاکستان مسلم لیگ (ن) عوام کی خدمت کے لئے تاریخی کردار ادا کرے گی، آپ سب کے تعاون سے پاکستان اور عوام کو معاشی تکالیف سے نجات دلانی ہے۔

سینیٹ اجلاس میں ملٹری کورٹس بنانے کے حوالے سے قرارداد منظور

ملاقات میں پاکستان مسلم لیگ (ن) پنجاب کے صدر رانا ثناء اللہ، سردار اویس خان لغاری اور عطاء اللہ تارڑ بھی موجود تھے۔