Category: ڈیرہ غازی خان

تونسہ شریف ،باغی ٹی وی (ذیشان خان کی رپورٹ)ٹی ایچ کیو ہسپتال تونسہ شریف میں ڈاکٹر طاہر طیب فاروق چانڈیہ ایم ایس تحصیل ہیڈ کوارٹر ہسپتال تونسہ نے اپنی اور سی ای او ہیلتھ ڈی جی خان ڈاکٹر ادریس لغاری کی کرپشن چھپانے کیلیے کروڑوں روپے کی سرکاری ادویات زمین میں دفن کر دیں گئی

ان کرپٹ اور نااہل آفیسران کی غفلت یا میڈیسن مافیا ء سے گٹھ جوڑ کے باعث کروڑوں روپے کی سرکاری ادویات ایکسپائر ہوگئیں ،غریب شہری ادویات نہ ملنے کی وجہ ایڑیاں رگڑ رگڑ کرمرتے رہے،

حکومت پنجاب کی طرف سے کروڑوں روپے کی خطیر رقم عوام کے علاج معالجہ خرچ کرکے ادویات خرید کر ہسپتال بھجوائی گئیں لیکن جنوبی پنجاب میں تونسہ شریف ٹی ایچ کیو ہسپتال میں وہ ادویات عوام کونہ دی گئیں ،اور پڑے پڑے ایکسپائر ہوگئیں

ذرائع کاکہنا ہے 8/10 ٹرک قیمتی ادویات کے زمین دفن شدہ برآمدہوئی ہیں

زمین میں دفن شدہ برآمد ہونے ولی ادویات ڈاکٹر طاہر طیب فاروق چانڈیہ ایم ایس تحصیل ہیڈ کوارٹر ہسپتال تونسہ نے اپنی اور سی ای او ہیلتھ ڈی جی خان ڈاکٹر ادریس لغاری کی کرپشن چھپانے کیلیے کروڑوں روپے کی سرکاری ادویات زمین میں دفن کر دیں گئی۔

عوامی سماجی حلقوں نے وزیراعلیٰ پنجاب مطالبہ کیا ہے اس کی اعلیٰ پیمانے پر تحقیقات کرائی جائیں کہ آخر کیا وجہ تھی کہ ادویات مریضوں کو دینے کی بجائے انہیں ایکسپائر کر کے دفن کرنا پڑا ؟ غریب عوام کے ٹیکسز کے پیسے سے خریدی گئی ادویات غریبوں کے کام آنے کی بجائے کیوں زمین کا رزق بنائی گئیں؟

اس نااہلی پر ایم ایس ڈاکٹر طاہر طیب فاروق اور سی ای او ہیلتھ ڈیرہ غازیخان ڈاکٹر ادریس لغاری کے خلاف جامع انکوائری کرائی جائے ۔

یاد رہے تحصیل ہیڈ کوارٹرہسپتال تونسہ خطے میں واحد ہسپتال ہے جس میں خیبرپختونخواہ سمیت کوہ سلیمان اور تحصیل بھر کے مریض علاج کیلئے آتے ہیں.

کوٹ مبارک،باغی ٹی وی( نامہ نگارامداداللہ تھہیم)6 سالہ بچی سے زیادتی کرنے کی کوشش کرنے والا ملزم گرفتار۔

تھانہ کوٹ مبارک کے علاقے یاروکھوسہ میں 6 سالہ بچی سے بداخلاقی کرنے کی کوشش کرنے والا ملزم گرفتار،مزید قانونی کارروائی شروع کر دی گئی

تھانہ کوٹ مبارک کے علاقہ میں 6 سالہ بچی مدرسہ جا رہی تھی کہ راستے میں کھڑا سرفراز نامی شخص نے بچی کو مبینہ طور پر زبردستی پکڑ کرویران پلاٹ میں لے گیا

ملزم کی ایسی حر کت کو دیکھ کر دیگر بچوں نے شور مچانا شروع کر دیا ،بچوں کے شور پراہل علاقہ اکٹھے ہو گئے علاقے کے لوگوں نے جب آ کر دیکھا تو ملزم سرفراز بچی سے زیادتی کی کوشش کر رہا تھا

تب اہل علاقہ نے تھانہ کوٹ مبارک پولیس کو اطلاع کر دی، اطلاع ملتے ہی تھانہ کوٹ مبارک پولیس نے بروقت کارروائی عمل میں لاتے ہوئے ملزم سرفراز کو گرفتار کر کے مزید قانونی کارروائی شروع کر دی ہے۔

ڈیرہ غازیخان(باغی ٹی وی رپورٹ) خاتون کی ناک کاٹنے کے واقعہ پر ہیومن رائٹس پاکستان کی طرف سے ڈی پی او سے3 دن میں رپورٹ طلب
پولیس نے تحقیق کرنے کی بجائے خبربریک کرنے والے صحافی پر ایف آئی آر درج کر دی ،اب ہیومن رائٹس کے نوٹس لینے پر ڈی پی او کے حکم پر مقدمہ درج کرکے ایک ملزم کو بھی گرفتار کرلیا گیا ہے ،صحافی پر جھوٹی ایف آئی آر درج کرنے اور صحافی کو ہراساں کرنے والوں کیخلاف بھی ڈی پی او ایکشن لیں ،صحافی تنظیموں کامطالبہ

تفصیلات کے مطابق ڈیرہ غازیخان کے علاقہ شاہ صدر دین کے ایک مقامی صحافی جاوید صدیقی نے کچھ روز قبل سوشل میڈیا پر ایک پوسٹ کی کہ شاہ صدر دین محلہ نئی آبادی احمد شاہ والا میں ذرائع کے مطابق دو روز قبل دو خواتین کے ناک کاٹ دیے گئے ابھی تک کارروائی نہیں ہوئی ڈی پی او سے استدعا ہے کہ معاملے کی تحقیقات کی جائیں۔ کچھ دیر بعد اس صحافی نے ایک اور پوسٹ کی جس میں اس نے لکھا کہ آج جو میں نے خاتون کے ناک کاٹنے کی خبر لگائی تھی اس وقت بھی میں ذمہ داری قبول کرتا ہوں ایس ایچ او شاہ صدر دین سمیت متعدد اداروں کی طرف سے میرے پاس کال آئی کہ ڈی پی او صاحب نے نوٹس لیا ہے مہربانی کریں پوسٹ ڈیلیٹ کردیں ایسا کوئی واقعہ نہیں ہوا تو میں نے ان کو جواب دیا ہے جو متاثرہ خاتون ہیں اچھی ہیں یا بری، ماں بیٹی سا نجھی ہوتی ہیں ان کو سامنے لایا جائے پر یس کا نفرنس کیجئے میں بھی ڈیرہ غازیخان میں موجود ہوں

جس پر بتایا گیا کہ وہ گھر میں نہیں ہے اب اطلاع ملی ہے پولیس کے دباؤ پر فیصلے کیلئے اکٹھ ہو رہا ہے اور معاملہ رفع دفع کیا جا رہا ہے میری کسی سے ذاتیات نہیں اور نہ میں کسی کو جانتا ہوں اگر کوئی عورت یا مرد غلط ہے تو وہ ان کا ذاتی فعل ہے دونوں فریقین فیصلہ کر لیتے ہیں تو ٹھیک ہے نہیں تو قانون کا اپنی کارروائی جاری رکھنی چاہیے وقت آگیا ہے کہ نا جائز معززین کو بھی قانون کا بتایا جائے قانون بھی کوئی چیز ہوتی ہے نہ کہ دعوتیں اور پیسے۔

لوگ پوچھ رہے ہیں دوسرے کسی صحافی نے ایسی خبر نہیں لگائی میں نے کہا اس قسم کی خبریں وہ لگاتے کب ہیں اللہ پاک میرے علاقے کی، ہماری عزتوں کی حفاظت فرمائے۔ جمعرات کے روز مذکورہ صحافی نے ایک پوسٹ کی کہ عجیب دوراہے پر کھڑا ہوں دوکشتی کا سوار ہوں مشورہ درکار ہے۔ مجھے اطلاع ملتی ہے میرے شاہ صدر دین میں دو خواتین کا ناک کاٹ دیا گیا ہے۔ میں نے سمپل سی خبر لگائی کسی کا نام نہیں لیا لیکن میرا سورس قابل اعتماد تھا۔ اسکے بعد ایس ایچ او شاہ صدر دین، اسکے بعد سکیورٹی کا نسٹیبل اسکے بعد پھر ایس ڈی پی او کا فون آتا ہے اور وہ حالات پوچھتے ہیں، میں ان کو بتاتا ہوں اور سب مجھے کہتے ہیں کہ ایسا کوئی وقوعہ نہیں ہوا،

اس کے بعدپولیس کی طرف مقامی صحافی جاوید صدیقی کے خلاف تھانہ شاہ صدر دین میں ٹیلیگراف ایکٹ کے تحت مقدمہ درج کرلیا جاتا ہے اور اس معاملے کو دبانے جھوٹ ثابت کرنے کیلئے شاہ صدر دین پولیس نے دو خواتین سے ویڈیو بیان بھی جاری کرادیا اور مقامی صحافی کو مختلف ذرائع سے دبائو میں لانے کیلئے پولیس نے اوچھے ہتھکنڈے استعمال کرنے شروع کردئے ۔

تاہم دوسری جانب مقامی صحافی بدستور اپنے موقف پر قائم رہتے ہوئے متاثرہ لڑکی کی تصویر جاری کر دی جسکی ناک پر چھری کا نشان دیکھا جا سکتا ہے، صحافی کیجانب سے مقامی پولیس کو مذکورہ متاثرہ لڑکی کو منظر عام پر لانے کا مطالبہ کر دیا گیا۔ اس ضمن میں ڈیرہ غازی خان کے علاقے شاہ صدر دین کے علاقے میں مبینہ خواتین کے ناک کاٹنے کے وقوعہ کے گتھی سلجھ نہ سکی اس ضمن میں پولیس کی جانب سے جو ویڈیو جاری کی گئی ہے،مقامی صحافی جاوید صدیقی نے موقف اختیار کیا ہے کہ میری خبر میں ان خواتین کا ذکر نہیں ہے

تاہم تھانہ شاہ صدر دین کے علاقے میں خاتون کی ناک کاٹنے کے واقعہ پر ہیومن رائٹس پاکستان کی طرف سے ڈی پی او ڈیرہ غازیخان سے تین دن میں رپورٹ طلب کی گئی ہے ، ڈی پی او سید علی کے نوٹس پر تھانہ شاہصدر دین پولیس نے پھرتی دکھاتے ہوئے سلمی عرف عنی نامی عورت کے ناک پر چاقو سے کٹ لگانے والے ایک ملزم کو گرفتار کر لیا،تھانہ شاہصدر دین میں ملزمان کے خلاف مقدمہ نمبر 189/24 درج کر کے قانونی کارروائی شروع کر دی۔وقوعہ میں ملوث ملزمان کی گرفتاری کے لئے ریڈ کر کے ایک ملزم صفدر ولد سلطان کو گرفتار کر لیا۔

یاد رہے کہ خاتون کے ناک کاٹنے کی ویڈیو باغی ٹی وی نے حاصل کرلی ہے

عوامی وسماجی اورصحافتی تنظیموں کے نمائندوں کاکہنا ہے پولیس کے مطابق جب یہ وقوعہ ہوا ہی نہیں ہے تو پھر مقدمہ کیوں درج کیا گیا اورپھر ملزم کوبھی گرفتار کرلیاگیا،اُس وقت پولیس نے تحقیق کرنے کی بجائے خبربریک کرنے والے صحافی پرجھوٹی ایف آئی آر درج کر دی اورصحافی پر جھوٹی ایف آئی آر درج کرنے اور اسے ہراساں کرنے والوں کیخلاف بھی ڈی پی او ایکشن لیں۔

صحافی جاوید صدیقی اور ایس ایچ او شاہ صدر دین کے درمیان ہونے والی ٹیلیفونک بات چیت

ڈیرہ غازی خان،باغی ٹی وی (سٹی رپورٹرجواداکبر)پاکستان مرکزی مسلم لیگ کے زیر اہتمام بجلی، گیس،اورپٹرولیم مصنوعات کی قیمتوں میں مسلسل اضافے،بڑھتی ہوئی مہنگائی اور ٹیکس گردی کے خلاف احتجاجی مظاہرہ،مظاہرین نے بینر اور پلے کارڈ اٹھا کر شدید نعرہ بازی کی غریب عوام کا جینا دوبھر ہو گیا ہے حکومت اپنی عیاشیاں ختم کرکے عوام کو ریلیف دے

تفصیلات کے مطابق پاکستان مرکزی مسلم لیگ کے صدر ایڈووکیٹ حافظ ذکاء اللہ اور جنرل سیکرٹری عبدالرحمن سیاف نے احتجاجی مظاہرین سےخطاب کرتے ہوئے کہا ہے کہ پہلے دہشت گردی اور بم دھماکے ہوتے تھے اب ٹیکس گردوں سے مقابلہ ہے قوم کا اور بجلی اور پٹرول بموں سے عوام کو قتل کیا جارہا ہے ملک میں بڑھتی ہوئی مہنگائی کی وجہ حکومتی نا اہلی ہے عوام پر بڑھتی ہوئی مہنگائی نا قابل برداشت ہو چکی ہے حکومت اپنی عیاشیوں کو کم کرنے کی بجائے تمام تر بوجھ عوام پر ڈال رہی ہے۔

آئی ایم ایف ہر گز یہ نہیں کہتا کہ ممبران قومی اسمبلی کو ترقیاتی بجٹ کے نام پر 500ارب دیں یہی رقم مہنگائی کم کرنے کے لیے استعمال کی جائے بجلی کی قیمتوں میں کمی کے لیے آئی پی پیز کے ساتھ کیے گئے معاہدوں پر نظر ثانی کی جائے۔

بڑھتے ہوئے ٹیکسزز کے باعث اس ملک سے انڈسٹری کا بھی خاتمہ ہو رہا ہے جس کے باعث بے روزگاری مزید بڑھ رہی ہے۔بجلی کے بلوں میں شامل غیر ضروری ٹیکسزز کا خاتمہ کیا جائے۔پٹرولیم مصنوعات کو سستا کیا جائے عوام پر عائد کیے جانے والے ظالمانہ ٹیکسزز کا خاتمہ کیا جائے۔

الیکشن سے پہلے 300یونٹ بجلی فری کا وعدہ کرنے والے آج 200یونٹ پر قوم کا خون چوس رہے ہیں جب بھی اس ملک میں عوام کے حقوق کی بات ہوگی پاکستان مرکزی مسلم لیگ اپنی عوام کے لیے سڑکوں پر موجود ہوگی ان خیالات کا اظہار انہوں نے اپنے احتجاجی مظاہرے میں کیا۔

اس موقع پر ایڈووکیٹ حافظ ذکاء اللہ صدر پاکستان مرکزی مسلم لیگ ڈیرہ غازیخان،عبدالرحمن سیاف جنرل سیکرٹری پاکستان مرکزی مسلم لیگ ڈیرہ غازیخان،حافظ مظہر رمضان جنرل سیکرٹری پاکستان مرکزی مسلم لیگ تحصیل ڈیرہ غازی خان سمیت دیگر رانی بازار کے تاجر حضرات بھی موجود تھے۔

ڈیرہ غازیخان (باغی ٹی وی رپورٹ)آج ڈیرہ غازیخان میں دل کو دہلادینے والے واقعات سامنے آئے ہیں

پہلا واقعہ تین مرلہ سکیم نزد ماڈل ٹاؤن میں رونماہوا جہاں ماں نے اپنے تین پچوں کو چھریوں کے وار سے زخمی کر دیا۔ بچوں کی گردن اور پیٹ پر چھریوں کے وار کئے گئے ،بچوں کو شدید زخمی حالت میں علامہ اقبال ٹیچنگ ہسپتال کے ٹراماسنٹروارڈ میں علاج کیلئے داخل کردیا گیا ہے

تین بچوں کو چھریوں کے وار سے زخمی کرنے کے معاملے کا ڈی پی او سید علی نے نوٹس لے لیا ہے،تھانہ سول لائن پولیس نے بروقت پہنچ کر قانونی کارروائی شروع کر دی ہے،

بچوں کے والد معین اختر کے مطابق اس کی بیوی جو دماغی مریضہ ہے نے اپنے بچوں دین محمد، شاہ ویز اور شاہ زین کو چھریوں کے وار سے زخمی کیا۔ایس پی انوسٹی گیشن بختیار احمد خان نے زخمیوں کی عیادت کی۔ایس پی انوسٹی گیشن اور ایس ایچ او نے موقع کا وزٹ کیا۔

دوسرا اندوہناک واقعہ تھانہ دراہمہ کی حدود پل غازیگھاٹ پر رونما ہوا،جہاں سنگدل باپ نے اپنے 3 بچوں کو پل کے اوپر سے دریائے سندھ میں پھینک دیا اور خود بھی چھلانگ دی ،

اسی اثنا میں ایک مسافر نے قریب موجود پٹرولنگ پولیس کو اس کی اطلاع دی ،ُپٹرولنگ پولیس کے جوانوں نے کوئی لمحہ ضائع کئے بغیر فوری موقع پر پہنچے اور قریب موجود ملاحوں سے مدد طلب کی

پٹرولنگ پولیس کے جوانوں نے مقامی ملاحوں کی مدد سے بروقت ریسکیو اپریشن کرتے ہوئے دریائے سندھ کی بے رحم تیز موجوں میں چھلانگیں دیں اور 3معصوم بچوں کی زندگیاں بچانے میں کامیاب ہوگئے ،بچوں کے سنگدل والد کو دریا سے زندہ نکال کرقانونی کارروائی کیلئےاپنی تحویل میں لے لیا.

بچوں کی والدہ کا کہنا ہے کہ آج صبح میرے شوہر نے مجھ سے پیسے مانگے کہ جوتے خریدنےہیں اور بچوں کو جوس بھی پلانا ہے ،میراخاوند مجھ سے پیسے لئے اور بچوں کو جوس پلانے کیلئے موٹرسائیکل پر لے گیا،

بچوں کی والدہ کاکہنا ہے کہ آج میرے چھوٹے بھائی کی شادی ہے ،میں ادھر مصروف تھی اس دوران ہمسائیوں نے بتایا کہ میرے خاوند نے بچوں کو دریا میں پھنک دیا ہے ،بچوں کودریا میں پھینکنے والا سنگدل باپ تنویرنامی شخص چوک چورہٹہ کارہائشی ہے قصبہ سمینہ میں اپنے سالے کی شادی میں شرکت کیلئے آیا ہوا تھا.

یہ میری اور میرے بچوں کی خوش قسمتی ہے کہ پٹرولنگ پولیس رند اڈہ کے جوان موقع پرموجود تھے جنہوں نے مقامی ملاحوں کی مدد سے میرے بچوں کی جان بچائی ہے،خاتون کا کہنا تھاکہ میرا خاوند دماغی مریض ہے جس کاعلاج چل رہا ہے

دوسری طرف ایس پی پٹرولنگ پولیس نے اپنے جوانوں کی لازوال کارکردگی کوسراہا اور بچوں کو تحائف دیکر والدہ کے حوالے کیا.

دوسری طرف شہریوں کا کہنا ہے دونوں واقعات میں ملوث کرداروں کو دماغی مریض بتایا جارہا ہے ،سنگدلی میں ملوث دونوں کرداروں کی اعلیٰ پیمانےکی تحقیقات کی جائیں اور ملوث عناصر کو عبرت ناک سزائیں دی جائیں تاکہ آئندہ ایسے واقعات رونما نہ ہوں.

ڈیرہ غازی خان، باغی ٹی وی (نیوز رپورٹر شاہد خان )ڈی جی کینال میں دوستوں کے ساتھ نہانے کے لیے انے والا نوجوان محمد شہزاد ڈوب کر جاں بحق

تفصیل کے مطابق محمد شہزاد جس کی عمر 24 سال ہے اور وہ 31 بلاک کا رہائشی ہے دوپہر میں ماں باپ کو بتائے بغیر دوستوں کے ساتھ نہانے کے لیے ڈی جی کینال میں آگیا ،کنارے کیساتھ نہاتے نہاتے محمد شہزاد گہرے پانی میں چلا گیا اور ڈوب گیا

اطلاع ملتے ہی ریسکیو ٹیمیں بھی موقع پر پہنچ گئیں اور محمد شہزاد کی ڈیڈ باڈی کو ڈھونڈنے کے لیے ریسکیو آپریشن شروع کر دیا لیکن تاحال ڈوبنے والے نوجوان کی لاش نہ مل سکی.

ڈیرہ غازی خان (باغی ٹی وی)بجلی کے بھاری بل اور لوڈشیڈنگ،جماعت اسلامی کا واپڈا کمپلیکس کے باہر احتجاج

بجلی کی قیمتوں میں اضافے کے خلاف جماعت اسلامی کا واپڈا کمپلیکس کے باہر احتجاجی مظاہرہ ،شدید نعرہ بازی کرتےہوئے دھرنا دیا،حکومت بجلی کے بلوں میں ظالمانہ اضافہ فی الفورواپس لے ورنہ آفیسران وممبران اسمبلی کے گھروں کے سامنے دھرنا دیں گے

غریب عوام فاقوں سے بھوکے مر رہے ہیں اور حکمران 100دنوں کی کارکردگی کا جشن منا رہے ہیں یہ بات ضلعی امیر جماعت اسلامی ڈاکٹر اشرف بزدار نے واپڈا کمپلیکس کے سامنے احتجاجی مظاہرین سے خطاب کرتے ہوئے کہی

انہوں نے کہا کہ آئی ایم ایف کے غلاموں نے عوام کی زندگی اجیرن کردی ہے ،مہنگائی کے مارے لوگ خودکشیاں کررہے ہیں ناجائز حکمرانوں کی عیاشیاں ختم نہیں ہورہی ممبران اسمبلی عوم کی بات کرنے کی بجائے اپنی تنخواوں اور مراعات بڑھانے کی بات کرتے ہیں

احتجاجی مظاہرین سے زاہد رمدانی، مرزا محمد عیسی ،حسنین فراز، اسحاق فراز،حافظ نعمان قیصرانی ، ودیگر نے خطاب کرتے ہوئے ہوئے کہا کہ حکومت فوری طور پر بجلی کی قیمتوں میں اضافہ واپس لے ورنہ ملک گیر ہڑتال کی کال دیں گے۔

ڈیرہ غازیخان،باغی ٹی وی (نامہ نگارشہزادخان)تھانہ گدائی کے علاقہ میں رشتہ کے تنازعہ پرفائرنگ، ایک شخص جاں بحق، 4 افراد زخمی

تفصیل کے مطابق علاقہ تھانہ گدائی پتی تونمی کھوسہ تومیوال میں میں رشتہ کے تنازعہ پر دو فریقین میں لڑائی کےمعاملہ کا ڈی پی او سید علی نے نوٹس لے لیا۔

ایس پی انوسٹی گیشن بختیار احمد خان،اے ایس پی سٹی سرکل نے موقع پر وزٹ کیا،ایس ایچ او نے بتایا کہ کھوسہ تومیوال خاندان کے درمیان رشتہ کے تنازعہ پر آپس میں لڑائی ہوئی۔

فائرنگ کے نتیجے میں ایک شخص جاں بحق جبکہ 4 افراد زخمی ہو گئے۔

اطلاع ملتے ہیں تھانہ گدائی پولیس نے موقع پر پہنچ کر قانونی کاروائی شروع کر دی۔زخمیوں کو ہسپتال منتقل کر دیا گیا ہےجبکہ جانبحق ہونے والے شخص کو برائے پوسٹ مارٹم ہسپتال منتقل کر دیا ہے۔

ڈی پی او سید علی کی ہدایت پر تھانہ گدائی پولیس نے قانون کے مطابق کارروائی شروع کر دی ہے،وقوعہ میں ملوث ملزمان کی گرفتاری کے لئے خصوصی ٹیم تشکیل دے دی گئی ہے۔

ایس ایچ او کاکہنا ہے کہ شرپسند عناصروں کو گرفتار کر کے قانون کے کٹہرے میں لایا جائے گا۔