Category: ڈیرہ غازی خان

ڈیرہ غازیخان،باغی ٹی وی( نیوز رپورٹر شاہد خان ) پولیس اور میڈیا کا چولی دامن کا ساتھ ہے جراٸم کی نشاندہی کرنے میں میڈیا نے ہمیشہ اپنا کردار بھر پور ادا کیا یہ بات ڈی پی او ڈیرہ غازیخان سید علی نے میڈیا سے تعارفی میٹنگ کے دوران کہی۔

انہوں نے کہا کہ مظلوم کی دادرسی اور غریب کو انصاف کی فراہمی میرا مشن ہے اور میں ہر غریب آدمی کے ساتھ کھڑا ہوں تاکہ بروقت انصاف کی فراہمی ممکن ہو۔ ڈی پی او سید علی نے میڈیا سے گفتگو کرتے ہوۓ کہا کہ انسپکٹر جنرل آف پولیس پنجاب کی ہدایت پر عوام الناس کا تحفظ ڈسٹرکٹ پولیس ڈیرہ غازیخان کی اولین ترجیح ہے

کسی اچھے اور نیک کام کے لۓ میرے دروازے عوام الناس کے لۓ ہر وقت کھلے ہیں عوام الناس کے تحفظ کے لۓ جس حد تک ممکن ہو گا ڈسٹرکٹ پولیس میری نگرانی میں اپنا بھر پورکردار ادا کرۓ گی۔

اس موقع پر تمام صحافیوں نے اس بات کا یقین دلایا کہ پورا میڈیا جرائم کی روک تھام اور اس کے خاتمے کے لۓ پولیس کے شانہ بشانہ اپنا کردار ادا کریں گے جبکہ میڈیا اپنا POSITIVE کردار ادا کرتے ہوۓ ڈسٹرکٹ پولیس ڈیرہ غازیخان کے ہمیشہ ساتھ رہے گا۔

ڈیرہ غازیخان(باغی ٹی وی)علامہ اقبال ٹیچنگ ہسپتال ڈیرہ میں دوسری جدید ترین سی ٹی سکین مشین کا افتتاح کردیا ،مریضوں کو باہر جانے کی ضرورت نہیں پڑ ے گی،

جس سے روزانہ سینکڑوں افراد استعفادہ کرسکیں گے یہ بات علامہ اقبال ٹیچنگ ہسپتال کے ایم ایس ڈاکٹر عبدالرحمان عامرقیصرانی نے ُپروفیسر ڈاکٹر آصف قریشی کے ہمراہ ٹراما سنٹر میں سی ٹی سکین افتتاح کے موقع پر گفتگو کرتے ہوئے کہی ڈاکٹر عبدالرحمان عامرقیصرانی نے کہا کہ ٹراما سنٹر میں عرصہ دراز سے سی ٹی سکین خراب تھی بڑی محنت اور کوششوں سے نئی مشین نصب ہوئی ہے

زخمی مریضوں کو ہسپتا ل کے آوٹ ڈور جانا پڑتا تھا اب ایک ہی چھت تلے تمام سہولیات میسر ہوں گی،انہوں نے کہا کہ سی ٹی سکین علاج معالجہ کے سلسلے میں ڈاکٹروں کی پیشہ ورانہ مہارت کے ساتھ تشخیصی سہولیات بھی معاون ثابت ہو گی

اس سے پہلے ہسپتال کے آوٹ ڈورمیں 128 سلائسز (Slices) مشین کام کر رہی تھی وہ بھی بدستور فعال رہے گی شعبہ ریڈیالوجی کی طرف سے ایکسرے‘ الٹراساونڈ‘ سی ٹی سکین اور ایم آر آئی ٹیسٹ سے اس خطہ کے علاوہ ملحقہ صوبوں کے عوام بھی استفادہ کر رہے ہیں اس موقع پر ڈاکٹر سرجن رضوان انور،ڈاکٹر راشد رسول کے علاوہ دیگر موجود تھے۔

ڈیرہ غازی خان، باغی ٹی وی( نیوز رپورٹرشاہد خان ) آر پی او ڈیرہ غازی خان کیپٹن (ر) سجاد حسن خان کی زیر صدارت ریجنل پولیس آفس ڈیرہ غازی خان میں خصوصی تقریب کا انعقاد ہوا جس میں آر پی او نے ریجنل پولیس آفس میں تعینات اہلکار محمد ریاض کوہیڈ کنسٹیبل سے اسسٹنٹ سب انسپکٹر کے بیجز لگائے اور مبارک باد دی۔ اس موقع پر اے ایس پی پی سٹی رحمت اللہ بھی ہمراہ تھے۔

آر پی او نے ترقی پانےپر مبارکباد دیتے ہوئے فرائض کی انجام دہی میں محنت اور لگن کے سلسلے کو جاری رکھنے کی ہدایت کی۔

آر پی او کیپٹن (ر) سجاد حسن خان کا کہنا تھا کہ محکمہ میں ترقی پولیس افسران کی محنت او ر بہترین کارکردگی کا اعتراف ہوتی ہے۔

امید کرتا ہوں کہ آپ آئندہ بھی محنت او رلگن کو اپنا شعار بناتے ہوئے نہایت ایمانداری کے ساتھ اپنے فرائض سرانجام دیں گے ۔

ڈیرہ غازیخان(باغی ٹی وی)ہمیں فخر ہے کہ ہمارے پارٹی قائد میاں محمد نواز شریف نے 28 مئی کو ایٹمی دھماکے کرکے پاکستان کو نہ صرف ناقابل تسخیر بنایا بلکہ خطے میں بھارتی جوہری بالا دستی کو بھی خاک میں ملایا ،یہ بات مسلم لیگ ن کی ممبر قومی اسمبلی مسز شہناز سلیم ایڈووکیٹ نے 28 مئی یوم تکبیرکے حوالے سے منعقدہ تقریب سے خطاب کرتے ہوئے کہی

اس موقع پر سابق ایم پی اے بیگم نجمہ ارشد،ثمینہ سرور،حاجراں نورالدین ،غزالہ عامر،ناہید انصاری،مسز کوثر خلیفہ،ہیرا انصاری،نادرہ پروین،عالیہ الطاف،عاصمہ سرور،طاہرہ بی بی ،عذار امین و دیگر خواتین عہدیدارن شریک تھیں،

بیگم نجمہ ارشد نے خطاب کرتے ہوئے کہا کہ انڈیا کے ایٹمی دھماکہ کے بعد نواز شریف دنیا کے بڑے ممالک کی طرف سے شدید دباؤ تھا کہ انڈیا کے مقابلہ میں پاکستان ایٹمی دھماکہ نہ کرے بلکہ اپنے ایٹمی پروگرام کورول بیک کردے ،

میرے قائد نے اس تمام دباؤکو بالائے طاق رکھتےہوئے 28 مئی 1998 کے دن بلوچستان ک میں چاغی کے پہاڑی سلسلے میں پانچ ایٹمی دھماکے کرکے پاکستان کو عالم اسلام کی پہلی اور دنیا کی ساتویں ایٹمی قوت ہونے کا اعزاز دلایا۔

ڈیرہ غازیخان،باغی ٹی وی (نامہ نگار شہزادخان )حکومت پنجاب کی ہدایت پر 5 جون سے پلاسٹک شاپروں کے استعمال پر مکمل پابندی ہوگی۔ضلع ڈیرہ غازیخان میں شاپروں کے استعمال پر پابندی کی بھرپور تشہیر کا فیصلہ،شاپر بیگز کی سپلائی،کھپت کی روک تھام کیلئے میکانزم تیار کرنیکی ہدایت،شاپروں کے استعمال کو روکنے کیلئے دکانداروں کو نوٹس جاری ہونگے۔

ڈپٹی کمشنرمہر شاہد زمان لک کی زیرصدارت اجلاس میں پلاسٹک شاپروں کے استعمال پر پابندی یقینی بنانے بارے اہم فیصلے کر لئے گئے ہیں۔اجلاس میں ایڈیشنل ڈپٹی کمشنر غلام مصطفیٰ سیہڑ،اسسٹنٹ ڈائریکٹر ماحولیات سورج کمار،ڈی او انڈسٹریزاصغرصدیقی،محمدصادق،عدنان خان اور شاپر ایسوی ایشن کے نمائندوں نے شرکت کی۔

ڈپٹی کمشنر مہر شاہد زمان لک نے خطاب کرتے ہوئے کہا کہ وزیر اعلیٰ پنجاب مریم نواز شریف کی ہدایت پر5جون سے ہمہ قسم کے پلاسٹک اور شاپروں کے استعمال پر مکمل پابندی ہوگی،شاپروں کے استعمال پر پابندی کے پینا فلیکس دو دنوں میں نمایاں جگہوں پر آویزاں کئے جائیں،

ڈپٹی کمشنر نے کہا پلاسٹک اور اس سے بنے شاپروں کا استعمال مضر صحت ہے،ضلع بھر میں شاپروں کے استعمال کی پابندی پر سختی سے عمل درآمد کرایا جائیگا،پلاسٹک شاپروں کے متبادل بیگز کی مکمل تفصیلات بھی فراہم کی جائیں،

شاپر ایسوسی ایشن کے نمائندے اور تاجر حضرات شاپروں پر پابندی میں تعاون کریں،مہلت گذرنے کے بعد سنگل یوز پلاسٹک اور شاپر فروخت کرنیوالوں کو نشان عبرت بنائیں گے،

حکومت پنجاب کے احکامات کی خلاف ورزی کرنیکی کسی کو اجازت نہیں دینگے،اسسٹنٹ ڈائریکٹر ماحولیات و دیگر محکمے پلاسٹک اور شاپروں پابندی پر عملدرآمد کو یقینی بنائینگے۔