Category: ڈیرہ غازی خان

ڈیرہ غازیخان،باغی ٹی وی (سٹی رپورٹرجواد اکبر) ڈسٹرکٹ الیکٹرک تھفٹ ٹاسک فورس ڈیرہ غازیخان کا ہفتہ وار اجلاس ڈپٹی کمشنر مہر شاہد زمان لک کی زیرصدارت منعقد ہوا۔فورٹ منروا ورقبائلی علاقوں میں بجلی چوری روکنے کیلئے کمیٹیاں بنانے کا فیصلہ، ٹرانسفارمرز کیلئے بنائی گئیں کمیٹیاں بجلی چوروں کی نشان دہی کرینگی۔

ڈپٹی کمشنر نے کہا کہ سپلائی کے عین مطابق واجبات وصولی کو یقینی بنایا جائے گا۔بجلی چوروں کو پیغام دینے کیلئے لوکل کمیونٹی کو بھی شامل کیا جائے گا۔پکڑے جانے والے بجلی چوروں کے خلاف سخت ترین ایکشن ہوگا۔میپکو کو ضلعی انتظامیہ کی جانب سے مکمل سپورٹ فراہم کی جائیگی۔

ڈپٹی کمشنر نے اجلاس سے خطاب کرتے ہوئے کہا کہ بجلی چوروں کیخلاف منظم انداز میں کریک ڈاؤن کے دوران کسی کو نہیں چھوڑیں گے،نادہندگان،بجلی چوروں کیخلاف ایکشن ،ریکوریوں ،گرفتاریوں کی روزانہ رپورٹ دی جائے،ایف آئی آرز کے اندراج،ریکوری پراسیکیوشن میں حائل رکاوٹوں کو دور کیا جائے،

ڈپٹی کمشنر نے کہا بجلی چور قومی مجرموں کی پشت پناہی کرنیوالوں تک بھی پہنچا جائیگا،میپکو انتظامیہ پہاڑی علاقوں میں میٹر سمیت دیگر آلات فراہمی کو فوری یقینی بنائے،کوآرڈینیشن کیساتھ سٹرانگ ایکشن کیلئے فوری ورکنگ کی جائے۔

اجلاس میں ایڈیشنل سیکرٹری پاور ڈویژن خوشحال خان نے ویڈیو لنک کے ذریعے شرکت کی جبکہ اے ڈی سی جی غلام مصطفیٰ سیہڑ،پی اے محمد اسدچانڈیہ،ایس ای خورشید احمد،ایس ڈی او یاسر جمیل،تحصیلدار ثاقب شہزاد،محمد حنیف اور مقامی عوامی نمائندے بھی شریک تھے۔

ڈیرہ غازی خان،باغی ٹی وی (شاہدخان نیوزرپورٹر)شدید گرمی ،برف کے نرخ آسمان پر پہنچ گئے ،پرائس کنٹرول میجسٹریٹ اور انتظامیہ غائب ہے ،شہر میں جہاں پہلے ہی اشیاء ضروریہ کی قیمتیں بہت زیادہ ہیں وہاں اب برف کی قیمتیں بھی غریب کی پہنچ سے باہر ہو گئی ہیں

ڈیرہ غازیخان میں گرمی کی شدت میں اضافہ ہوتے ہی شہر میں برف کی قیمت آسمان پر پہنچا دی گئی ہے،فیکٹری مالکان نےبھی منہ مانگے ریٹ مقرر کر رکھے ہیں جس کی وجہ سے شہر میں برف مہنگی فروخت ہو رہی ہے اور دکاندار بغیر ترازو کے برف اندازوں سے بیچ رہے ہیں

ڈیرہ غازی خان شہر میں آئس فیکٹری مالکان نے ایکا کر لیا اور آدھی سے زیادہ فیکٹریاں بند ہیں اور جو فیکٹریاں برف بنا رہی ہیں ایک تو وہ ناقص کوالٹی کی ہے جس کے اندر گندا پانی شامل ہوتا ہے اور برف کے اندر اس کے ذرات نظر آتے ہیں

اس کے علاوہ دکاندار اپنی مرضی سے بغیر کسی ناپ تول کے برف فروخت کر رہے ہیں نہ کوئی ریٹ مقرر ہے اور نہ کوئی وزن دکاندار من مانے پیسے وصول کر رہے ہیں

جب اس سلسلے میں دکانداروں سے بات کی تو ان کا کہنا تھا کہ فیکٹری مالکان 1100 سے 1200 روپے کا بلاک دے رہے ہیں اور جو اندر سے خالی ہوتا ہے جس کی وجہ سے برف کی قلت ہے اور گرمی شدید ہونے کی وجہ سے برف کی ڈیمانڈ بہت زیادہ ہے اس ڈیمانڈ اور سپلائی کے فرق کی وجہ سے ہم مجبور ہیں کہ جو بھی ریٹ ملے اور جس حال میں بھی ملے تو ہم بھیجنے پر مجبور ہیں

اہلیان ڈیرہ غازی خان نے حکام بالا سے مطالبہ کیا ہے کہ برف مافیا کی من مانی کو ختم کیا جائے اور سرکاری ریٹ پر برف کی دستیابی کو یقینی بنایا جائے

ڈیرہ غازیخان(باغی ٹی وی) دسویں جماعت کے طالب علم کاقاتل،8 سال بعد انٹرپول کے ذریعےسعودی عرب سے گرفتار

ترجمان پنجاب پولیس کے مطابق پنجاب پولیس اور انٹرپول اسلام آباد کی اہم کارروائی، اغوا و قتل کی واردات میں مطلوب خطرناک اشتہاری 08 برس بعد سعودی عرب سے گرفتار،اشتہاری رفیق احمد 2016 سے تھانہ درخواست جمال ، ڈی جی خان پولیس کو مطلوب تھا۔

گرفتار ملزم رفیق احمد پر دسویں جماعت کے طالبعلم کے اغوا اور قتل کا مقدمہ درج ہے۔ملزم بعد از واردات روپوش ہو کر بیرون ملک فرار ہو گیا تھا ۔ پنجاب پولیس نے انٹرپول سے ملزم کا ریڈ نوٹس جاری کروایا، گرفتاری کیلئے مسلسل فالو اپ جاری رکھا۔

ترجمان پنجاب پولیس کے مطابق انٹرپول اسلام آباد اور انٹرپول ریاض کی کوارڈینیشن سے ملزم کو سعودی پولیس نے گرفتار کرکے پاکستان ایکسٹراڈائیٹ کیا۔

ڈی جی خان پولیس ٹیم نے ائیر پورٹ سے مجرم کو اپنی حراست میں لے لیا۔

ترجمان کے مطابق رواں برس بیرون ممالک سے گرفتار اشتہاری مجرمان کی مجموعی تعداد 38 ہو گئی ۔آئی جی پنجاب ڈاکٹر عثمان انور کی خطرناک اشتہاری کی گرفتاری پر پولیس ٹیم کو شاباش،

آئی جی پنجاب پولیس نے کہا ہے کہ قانونی کارروائی جلد مکمل کرتے ہوئے ملزم کو قرار واقعی سزا دلوائی جائے۔

آئی جی پنجاب پولیس ڈاکٹر عثمان انور نے ہدایت کی کہ سنگین مقدمات میں مطلوب دیگر اشتہاریوں کی گرفتاری کیلئے کریک ڈاؤن کو مزید تیز کیا جائے،

ڈیرہ غازی خان، باغی ٹی وی (نیوز رپورٹر شاہد خان )پنجاب فوڈ اتھارٹی نے غیر معیاری قلفیوں کی بھاری مقدار تلف کردی،4 ہزار غیر معیاری قلفیاں، 500 لٹر ملاوٹی محلول، 15 کلو مصنوعی مٹھاس تلف،20 کلو جعلی پیکنگ مٹیریل بھی ضبط،آئس کریم فیکٹری کو 50 ہزار روپے جرمانہ عائد
ڈائریکٹر جنرل پنجاب فوڈ اتھارٹی کی خصوصی ہدایت پر عوام تک ملاوٹ سے پاک خوراک پہچانے کا مشن جاری ہے۔

فوڈ سیفٹی ٹیم نے کوٹ چٹھہ میں آئس کریم فیکٹری پر کارروائی عمل میں لائی۔دوران انسپکشن مصنوعی مٹھاس کی ملاوٹ سے ناقص آئس لولیز تیار کی جارہی تھیں۔ناقص قلفیاں،دیگر اشیاء تلف کر کے مالکان کو جرمانہ عائد کردیا گیا۔

اس موقع پر ڈی جی فوڈ اتھارٹی محمد عاصم جاوید کا کہنا تھا کہ مصنوعی مٹھاس کم عمر بچوں کیلیے انتہائی نقصان دہ ہے۔ڈی جی پنجاب فوڈ اتھارٹی کا مزید کہنا تھا کہ ملاوٹ مافیا کا ہر حربہ ناکام بنائیں گے۔

ڈیرہ غازی خان ،باغی ٹی وی(نامہ نگارشہہزادخان)کرپشن اور کرپٹ عناصر کی سر کوبی کرکے مظلوم عوام کی حق رسی کرنا ہماری اولین ترجیحات میں شامل ہے، کرپشن کے خاتمہ میں افسران اینٹی کرپشن اپنا بھرپور کردار ادا کرکے کرپشن فری ماحول پیدا کریں

ان خیالات کا اظہار ریجنل ڈائریکٹر اینٹی کرپشن ملک ضیاء الحق نے اپنے آ فس میں کھلی کچہری سے خطاب کرتے ہوئے کیا اس موقع پر اسسٹنٹ ڈائریکٹر انویسٹیگیشن اطہر محمود کانجو،اے ڈی سی عبد المجید مستوئی ،اے ڈی آ ئی ظفر خان چانڈیہ،اسٹنٹ ڈائریکٹر اعجاز حیدر، فوکل پرسن شمشیر خان گورمانی کے علاوہ دیگر سائلین بھی موجود تھے

ریجنل ڈائریکٹر اینٹی کرپشن ملک ضیاء الحق نے کہا کہ ہمارے اولین فرائض میں شامل ہے کہ مظلوم لوگوں کو انصاف فراہمی میں ہر ممکن اقدامات کریں، ڈی جی اینٹی کرپشن سہیل ظفر چٹھہ کی ہدایت پر عملدرآمد کرتے ہوئے روزانہ کی بنیاد پر کھلی کچہری کا انعقاد کیا جاتا ہے، کرپٹ عناصر چاہے کتنے ہی با اثر کیوں نہ ہوں انکے خلاف بلا تفریق کاروائیاں عمل میں لائی جاتی ہیں

انہوں نے کہا کہ تمام کرپٹ عناصر کی لسٹیں بھی تیار کر لی گئیں ہیں ،عنقریب بڑے مگر مچھوں پر ہاتھ ڈالا جائے گا انہوں نے کھلی کچہری میں آ نے والے سائلین کے مسائل سنے اور افسران کو موقع پر ہی کارروائی کا حکم دیا اور کہا کہ سائلین کی میرٹ پر حق رسی کو یقینی بنایا جائے اور رپورٹ بھی روزانہ کی بنیاد پر آ رڈی آ فس میں جمع کرائی جائے۔

ڈیرہ غازی خان (باغی ٹی وی رپورٹ)تین بچوں کو زخمی کرکے پیٹرول چھڑک کر آگ لگانے والی سفاک خالہ گرفتار ،پولیس تفتیش میں مصروف ملزمہ کے ساتھی ملزموں کی گرفتاری کے لیے پولیس متحرک ہے

زخمی اور آگ سے جھلس جانے والے بچوں میں ایک نشتر اور دو بچے ٹیچنگ ہسپتال ڈیرہ میں زیر علاج ہیں ، نشتر ہسپتال میں داخل آٹھ سالہ مصباح کی خالت خطرے میں بیان کی جاتی ہے

گزشتہ روز جمال سرور کالونی میں عبدالقادر نامی مزدور کے گھر میں رہائش پزیر آمنہ بی بی نامی خاتون نے اپنے دو بھانجوں محمد عمران عمر چار سال ، معصوم بچےمحمد رضوان اور آٹھ سالہ مصباح کے گلے پر چھُری کے وار کرکے شدید زخمی کر دیا تھا

یہ بھی پڑھیں

ڈیرہ غازیخان:جمال سرور،سفاک خالہ نے 3 معصوم بھانجوں کو چھریوں کے وار سے زخمی کرکے پٹرول چھڑک کرآگ لگادی

تینوں بچوں پر پیٹرول چھڑک کر آگ لگا دی تھی مقامی پولیس نے ملزمہ آمنہ بی بی کو گرفتار کر لیا ہے

بچوں کے والد عبدالقادر جوکہ مزدور پیشہ دیہاڑی دار ہے نے پوچھنے پر بتایا کہ اس کی بچی مصباح کی حالت خطرے میں ہے اور نشتر ہسپتال ملتان میں ہے

مزید برآں یہ کہ اس کی اشک شوئی کے لیے تاحال کوئی منتخب نمائندہ ان کے پاس نہیں آیا پولیس نے ملزمہ کو گرفتار کرلیا ہےاور امید ظاہر کی ہے کہ باقی ساتھی ملز مان جنہوں نے مرکزی ملزمہ کی معاونت کی انہیں بھی جلد گرفتار کرلیاجائے گا

عبدالقادر نے ملزمان کو قرار واقعی سخت سے سخت سزا کا مطالبہ کیا ہے