Category: ڈیرہ غازی خان

ڈیرہ غازی خان، باغی ٹی وی (نیوز رپورٹر شاہد خان )پنجاب فوڈ اتھارٹی نے غیر معیاری قلفیوں کی بھاری مقدار تلف کردی،4 ہزار غیر معیاری قلفیاں، 500 لٹر ملاوٹی محلول، 15 کلو مصنوعی مٹھاس تلف،20 کلو جعلی پیکنگ مٹیریل بھی ضبط،آئس کریم فیکٹری کو 50 ہزار روپے جرمانہ عائد
ڈائریکٹر جنرل پنجاب فوڈ اتھارٹی کی خصوصی ہدایت پر عوام تک ملاوٹ سے پاک خوراک پہچانے کا مشن جاری ہے۔

فوڈ سیفٹی ٹیم نے کوٹ چٹھہ میں آئس کریم فیکٹری پر کارروائی عمل میں لائی۔دوران انسپکشن مصنوعی مٹھاس کی ملاوٹ سے ناقص آئس لولیز تیار کی جارہی تھیں۔ناقص قلفیاں،دیگر اشیاء تلف کر کے مالکان کو جرمانہ عائد کردیا گیا۔

اس موقع پر ڈی جی فوڈ اتھارٹی محمد عاصم جاوید کا کہنا تھا کہ مصنوعی مٹھاس کم عمر بچوں کیلیے انتہائی نقصان دہ ہے۔ڈی جی پنجاب فوڈ اتھارٹی کا مزید کہنا تھا کہ ملاوٹ مافیا کا ہر حربہ ناکام بنائیں گے۔

ڈیرہ غازی خان ،باغی ٹی وی(نامہ نگارشہہزادخان)کرپشن اور کرپٹ عناصر کی سر کوبی کرکے مظلوم عوام کی حق رسی کرنا ہماری اولین ترجیحات میں شامل ہے، کرپشن کے خاتمہ میں افسران اینٹی کرپشن اپنا بھرپور کردار ادا کرکے کرپشن فری ماحول پیدا کریں

ان خیالات کا اظہار ریجنل ڈائریکٹر اینٹی کرپشن ملک ضیاء الحق نے اپنے آ فس میں کھلی کچہری سے خطاب کرتے ہوئے کیا اس موقع پر اسسٹنٹ ڈائریکٹر انویسٹیگیشن اطہر محمود کانجو،اے ڈی سی عبد المجید مستوئی ،اے ڈی آ ئی ظفر خان چانڈیہ،اسٹنٹ ڈائریکٹر اعجاز حیدر، فوکل پرسن شمشیر خان گورمانی کے علاوہ دیگر سائلین بھی موجود تھے

ریجنل ڈائریکٹر اینٹی کرپشن ملک ضیاء الحق نے کہا کہ ہمارے اولین فرائض میں شامل ہے کہ مظلوم لوگوں کو انصاف فراہمی میں ہر ممکن اقدامات کریں، ڈی جی اینٹی کرپشن سہیل ظفر چٹھہ کی ہدایت پر عملدرآمد کرتے ہوئے روزانہ کی بنیاد پر کھلی کچہری کا انعقاد کیا جاتا ہے، کرپٹ عناصر چاہے کتنے ہی با اثر کیوں نہ ہوں انکے خلاف بلا تفریق کاروائیاں عمل میں لائی جاتی ہیں

انہوں نے کہا کہ تمام کرپٹ عناصر کی لسٹیں بھی تیار کر لی گئیں ہیں ،عنقریب بڑے مگر مچھوں پر ہاتھ ڈالا جائے گا انہوں نے کھلی کچہری میں آ نے والے سائلین کے مسائل سنے اور افسران کو موقع پر ہی کارروائی کا حکم دیا اور کہا کہ سائلین کی میرٹ پر حق رسی کو یقینی بنایا جائے اور رپورٹ بھی روزانہ کی بنیاد پر آ رڈی آ فس میں جمع کرائی جائے۔

ڈیرہ غازی خان (باغی ٹی وی رپورٹ)تین بچوں کو زخمی کرکے پیٹرول چھڑک کر آگ لگانے والی سفاک خالہ گرفتار ،پولیس تفتیش میں مصروف ملزمہ کے ساتھی ملزموں کی گرفتاری کے لیے پولیس متحرک ہے

زخمی اور آگ سے جھلس جانے والے بچوں میں ایک نشتر اور دو بچے ٹیچنگ ہسپتال ڈیرہ میں زیر علاج ہیں ، نشتر ہسپتال میں داخل آٹھ سالہ مصباح کی خالت خطرے میں بیان کی جاتی ہے

گزشتہ روز جمال سرور کالونی میں عبدالقادر نامی مزدور کے گھر میں رہائش پزیر آمنہ بی بی نامی خاتون نے اپنے دو بھانجوں محمد عمران عمر چار سال ، معصوم بچےمحمد رضوان اور آٹھ سالہ مصباح کے گلے پر چھُری کے وار کرکے شدید زخمی کر دیا تھا

یہ بھی پڑھیں

ڈیرہ غازیخان:جمال سرور،سفاک خالہ نے 3 معصوم بھانجوں کو چھریوں کے وار سے زخمی کرکے پٹرول چھڑک کرآگ لگادی

تینوں بچوں پر پیٹرول چھڑک کر آگ لگا دی تھی مقامی پولیس نے ملزمہ آمنہ بی بی کو گرفتار کر لیا ہے

بچوں کے والد عبدالقادر جوکہ مزدور پیشہ دیہاڑی دار ہے نے پوچھنے پر بتایا کہ اس کی بچی مصباح کی حالت خطرے میں ہے اور نشتر ہسپتال ملتان میں ہے

مزید برآں یہ کہ اس کی اشک شوئی کے لیے تاحال کوئی منتخب نمائندہ ان کے پاس نہیں آیا پولیس نے ملزمہ کو گرفتار کرلیا ہےاور امید ظاہر کی ہے کہ باقی ساتھی ملز مان جنہوں نے مرکزی ملزمہ کی معاونت کی انہیں بھی جلد گرفتار کرلیاجائے گا

عبدالقادر نے ملزمان کو قرار واقعی سخت سے سخت سزا کا مطالبہ کیا ہے

ڈیرہ غازیخان(باغی ٹی وی رپورٹ)تھانہ صدر کے علاقہ جمال سرور کالونی میں عبدالقادر کی سالی آمنہ بی بی نے اپنے بھانجوں 4 سالہ عرفان،2 سالہ رضوان اور ایک بھانجی 8 سالہ مصباح کو چھریوں کے وار کرکے زخمی کردیا زخمی بچوں پر ترس نہ آنے اور اپنا غصہ ٹھنڈا نہ ہونے پر پٹرول چھڑک کر آگ لگا دی اور کمرے کا دروازہ بند کرکے فرار ہوگئی

اچانک کام سے واپسی پر ماں نے گھر بچوں کے نہ ہونے پر کمرے کا دروازہ کھولا تو بچے آگ میں جھلس رہے تھے فورا پانی سے آگ بجھائی اور ریسکیو 1122 کوکال کر دی وقوعہ کی اطلاع ملتے ہی ریسکیو 1122 کے فائر فائٹرز نے موقع پر پہنچ کر ابتدائی طبی امداد کے بعد بچوں کو علامہ اقبال ٹیچنگ ہسپتال کے ٹراما سنٹر منتقل کردیا

ریسکیو کے مطابق 4 سالہ عرفان اور2 سالہ رضوان 50 فیصد جبکہ ان کی بہن 8 سالہ مصباح کا جسم 80 فیصد جل چکا ہے

متاثرہ بچوں کی والدہ نےمیڈیا سے گفتگو میں اپنی بہن پر الزام عائد کرتے ہوئےبتایا کہ اس کی بہن نے اس کے بچوں پر پہلے چھریوں کے وار کئے اور جب غصہ ٹھنڈا نہ ہوا تو پٹرول چھڑک کر آگ لگا دی، اس کی بہن کو رنج تھا کہ ان کی والدہ پیسے میرے پاس جمع کرتی تھیں وہ اعلی حکام سے انصاف کی اپیل کرتی ہیں کہ مجھے انصاف فراہم کیا جائے

پولیس کے مطابق ڈیرہ غازیخان تھانہ صدر کے علاقہ چورہٹہ کے قریب جمال سرور میں واقعہ یہ پیش آیا جہاں پر بچوں کی والدہ نے بتایا کہ ان کے تین بچوں کو اس کی سگی خالہ آمنہ نے پٹرول چھڑک کر آگ لگا دی اس کی وجہ انہوں نے پیسوں کے لین دین پر تکرار کا بتایا ہے ،

بچوں کو ریسکیو ٹیم نے علامہ اقبال ٹیچنگ اسپتال پہنچایا دیا جہاں پر شدید زخمی 8 سالہ مصباح کو تشویشناک حالت میں نشتر ہسپتال ملتان ریفر اور 4 سالہ عرفان اور 2 سالہ رضوان کو تشویشناک حالت میں آئی سی یو وارڈ میں منتقل کر دیا گیا

تین بچوں کو چھریوں کے وار کر کے زخمی کرنے کے معاملہ پر ڈی پی او ڈیرہ غازیخان سید علی کا نوٹس۔تھانہ صدر پولیس نے اطلاع ملتے ہی قانونی کارروائی شروع کر دی۔

ریجنل پولیس آفیسر ڈیرہ غازی خان کیپٹن (ر) سجاد حسن خان کاضلع ڈیرہ غازی خان تھانہ صدر کی حدود میں 03 معصوم بچوں کو تیز دھار آلہ سے زخمی اور آگ لگانے کے واقعہ کا نوٹس لے لیا، ڈی پی او ڈیرہ غازی خان سے واقعہ کی رپورٹ طلب، مجرمان کی گرفتاری کے لیے ٹیمیں تشکیل دے کر ریڈ کرنے کے احکامات۔

آر پی او نے ڈی پی او ڈیرہ غازی خان کو فوری طور پر جائے وقوعہ پر پہنچنے اور واقعہ کی جدید سائنسی بنیادوں پر تفتیش کرانے کے احکامات جاری کیے۔ آر پی او نے ہدایات جاری کیں کہ فرانزک ٹیموں کی مدد سے تمام شواہد اکھٹے کیے جائیں ۔ مجرمان کی گرفتاری کے لیے فوری طور پر ٹیمیں تشکیل دے کر ریڈ کیے جائیں اور متاثرین کو انصاف کی فراہمی یقینی بنائی جائے۔

آر پی او کیپٹن (ر) سجاد حسن خان کا کہنا تھا کہ اندوہناک واقعہ میں ملوث مجرمان کسی رعائیت کے مستحق نہیں جنہیں قرار واقعی سزا دلوائی جائے گی۔ ابتدائی رپورٹ کے مطابق تین معصوم بچوں رضوان بعمر 08 سال، عرفان بعمر 07 سال اور مصباح بعمر 03 سال کو انکی خالہ نے تیز دھار آلہ سے زخمی کر کے آگ لگائی۔

آرپی او ڈی جی خان کیپٹن (ر)سجاد حسن خان ضلع ڈیرہ غازی خان تھانہ صدر کی حدود میں 03 معصوم بچوں کو تیز دھار آلہ سے زخمی اور آگ لگانے کا واقعہ کا نوٹس لیتے ہوئےفوری طور پر ٹیچنگ ہسپتال ڈی جی خان پہنچ گئے اس موقع پر ایس پی انویسٹی گیشن بختیار احمد بھی ان کے ہمراہ تھے۔

آر پی اونے ہسپتال میں زیر علاج زخمی بچوں کی عیادت کی ، ہسپتال انتظامیہ سے ملاقات کرکے زخمی بچوں کو اب تک فراہم کردہ علاج معالجہ کے بارے میں دریافت کیا اور بہترین طبعی سہولیات کی فراہمی کی ہدایات جاری کیں ۔

اس موقع پر آر پی او نےبچوں کے والدین سے خصوصی ملاقات کرکے اظہار ہمدردی کی اورانہیں مجرمان کی جلد سے جلد گرفتاری اور انصاف کی فراہمی کی یقین دہانی کرائی۔

آر پی او نے ایس پی انوسٹی گیشن ڈی جی خان بختیار احمد کو مجرمان کی فوری گرفتاری،واقعہ کی جدید سائنسی بنیادوں پر تحقیقات اور مدعی مقدمہ سے قریبی رابطہ رکھنے کےاحکامات جاری کئے ۔

اس موقع پر آر پی او کیپٹن (ر) سجاد حسن خان کا کہنا تھا کہ یہ واقعہ نہایت ہی افسوس ناک ہے۔ وقوعہ میں ملوث مجرمان کسی رعایت کے مستحق نہیں ،جنہیں قرار واقعی سزا دلوانے اور مظلوم کو انصاف کی فراہمی میں کوئی کسر نہیں چھوڑیں گے ۔

ڈیرہ غازیخان (باغی ٹی وی رپورٹ) تونسہ کے قریب جھنگی پولیس چیک پوسٹ پر دہشتگردوں کا حملہ ناکام بنانے والے پولیس اہلکاروں کیلئے انعام کا اعلان کردیا ہے۔

آئی جی پنجاب عثمان انور نے جھنگی پولیس چیک پوسٹ پر دہشتگردی کا حملہ ناکام بنانے والے اہلکاروں کی حوصلہ افزائی کرتے ہوئے چیک پوسٹ پر تعینات تمام اہلکاروں کو پچاس پچاس ہزر روپے انعام دینے کا اعلان کیا۔

آئی جی پنجاب عثمان انور نے دہشتگرد حملے میں زخمی ہونے والے اہلکاروں کیلئے بھی ایک ایک لاکھ روپے دینے کا اعلان کیا۔

وزیراعلیٰ پنجاب مریم نواز نے بھی تونسہ کے قریب جھنگی پولیس چیک پوسٹ پر دہشتگرد حملے کی مذمت کرتے ہوئے حملہ ناکام بنانے پر پولیس کے جوانوں کو خراج تحسین پیش کیا۔

واضح رہے کہ گزشتہ روز پولیس کے جوانوں نے جھنگی پوسٹ پر دہشتگرد حملہ ناکام بنا دیا تھا، حملے میں پولیس کے سات اہلکار زخمی ہوئے تھے۔

پولیس نے ایک بیان میں بتایا تھا کہ جھنگی پولیس چیک پوسٹ خیبرپختونخوا اور پنجاب بارڈر پر واقع ہے، گزشتہ روز رات کی تاریکی کا فائدہ اٹھاتے ہوئے 15 سے 20 دہشتگردوں نے راکٹ لانچرز، ہینڈ گرینڈ اور لیزر لائٹ گنز سمیت جدید اسلحے سےلیس ہوکر پوسٹ پر حملہ کیا، پولیس کے بہادر جوانوں نے چیک پوسٹ کا بہترین دفاع کرتے ہوئے دہشتگرد حملہ پسپا کردیا تھا۔

پولیس حکام کہنا تھا کہ دہشتگرد حملے کے دوران پولیس کے جوانوں کی برجستہ جوابی کارروائی کے بعد دہشت گرد رات کی تاریکی میں بھاگ گئے تھے۔