Category: ڈیرہ غازی خان

ڈیرہ غازیخان(باغی ٹی وی رپورٹ)تھانہ صدر کے علاقہ جمال سرور کالونی میں عبدالقادر کی سالی آمنہ بی بی نے اپنے بھانجوں 4 سالہ عرفان،2 سالہ رضوان اور ایک بھانجی 8 سالہ مصباح کو چھریوں کے وار کرکے زخمی کردیا زخمی بچوں پر ترس نہ آنے اور اپنا غصہ ٹھنڈا نہ ہونے پر پٹرول چھڑک کر آگ لگا دی اور کمرے کا دروازہ بند کرکے فرار ہوگئی

اچانک کام سے واپسی پر ماں نے گھر بچوں کے نہ ہونے پر کمرے کا دروازہ کھولا تو بچے آگ میں جھلس رہے تھے فورا پانی سے آگ بجھائی اور ریسکیو 1122 کوکال کر دی وقوعہ کی اطلاع ملتے ہی ریسکیو 1122 کے فائر فائٹرز نے موقع پر پہنچ کر ابتدائی طبی امداد کے بعد بچوں کو علامہ اقبال ٹیچنگ ہسپتال کے ٹراما سنٹر منتقل کردیا

ریسکیو کے مطابق 4 سالہ عرفان اور2 سالہ رضوان 50 فیصد جبکہ ان کی بہن 8 سالہ مصباح کا جسم 80 فیصد جل چکا ہے

متاثرہ بچوں کی والدہ نےمیڈیا سے گفتگو میں اپنی بہن پر الزام عائد کرتے ہوئےبتایا کہ اس کی بہن نے اس کے بچوں پر پہلے چھریوں کے وار کئے اور جب غصہ ٹھنڈا نہ ہوا تو پٹرول چھڑک کر آگ لگا دی، اس کی بہن کو رنج تھا کہ ان کی والدہ پیسے میرے پاس جمع کرتی تھیں وہ اعلی حکام سے انصاف کی اپیل کرتی ہیں کہ مجھے انصاف فراہم کیا جائے

پولیس کے مطابق ڈیرہ غازیخان تھانہ صدر کے علاقہ چورہٹہ کے قریب جمال سرور میں واقعہ یہ پیش آیا جہاں پر بچوں کی والدہ نے بتایا کہ ان کے تین بچوں کو اس کی سگی خالہ آمنہ نے پٹرول چھڑک کر آگ لگا دی اس کی وجہ انہوں نے پیسوں کے لین دین پر تکرار کا بتایا ہے ،

بچوں کو ریسکیو ٹیم نے علامہ اقبال ٹیچنگ اسپتال پہنچایا دیا جہاں پر شدید زخمی 8 سالہ مصباح کو تشویشناک حالت میں نشتر ہسپتال ملتان ریفر اور 4 سالہ عرفان اور 2 سالہ رضوان کو تشویشناک حالت میں آئی سی یو وارڈ میں منتقل کر دیا گیا

تین بچوں کو چھریوں کے وار کر کے زخمی کرنے کے معاملہ پر ڈی پی او ڈیرہ غازیخان سید علی کا نوٹس۔تھانہ صدر پولیس نے اطلاع ملتے ہی قانونی کارروائی شروع کر دی۔

ریجنل پولیس آفیسر ڈیرہ غازی خان کیپٹن (ر) سجاد حسن خان کاضلع ڈیرہ غازی خان تھانہ صدر کی حدود میں 03 معصوم بچوں کو تیز دھار آلہ سے زخمی اور آگ لگانے کے واقعہ کا نوٹس لے لیا، ڈی پی او ڈیرہ غازی خان سے واقعہ کی رپورٹ طلب، مجرمان کی گرفتاری کے لیے ٹیمیں تشکیل دے کر ریڈ کرنے کے احکامات۔

آر پی او نے ڈی پی او ڈیرہ غازی خان کو فوری طور پر جائے وقوعہ پر پہنچنے اور واقعہ کی جدید سائنسی بنیادوں پر تفتیش کرانے کے احکامات جاری کیے۔ آر پی او نے ہدایات جاری کیں کہ فرانزک ٹیموں کی مدد سے تمام شواہد اکھٹے کیے جائیں ۔ مجرمان کی گرفتاری کے لیے فوری طور پر ٹیمیں تشکیل دے کر ریڈ کیے جائیں اور متاثرین کو انصاف کی فراہمی یقینی بنائی جائے۔

آر پی او کیپٹن (ر) سجاد حسن خان کا کہنا تھا کہ اندوہناک واقعہ میں ملوث مجرمان کسی رعائیت کے مستحق نہیں جنہیں قرار واقعی سزا دلوائی جائے گی۔ ابتدائی رپورٹ کے مطابق تین معصوم بچوں رضوان بعمر 08 سال، عرفان بعمر 07 سال اور مصباح بعمر 03 سال کو انکی خالہ نے تیز دھار آلہ سے زخمی کر کے آگ لگائی۔

آرپی او ڈی جی خان کیپٹن (ر)سجاد حسن خان ضلع ڈیرہ غازی خان تھانہ صدر کی حدود میں 03 معصوم بچوں کو تیز دھار آلہ سے زخمی اور آگ لگانے کا واقعہ کا نوٹس لیتے ہوئےفوری طور پر ٹیچنگ ہسپتال ڈی جی خان پہنچ گئے اس موقع پر ایس پی انویسٹی گیشن بختیار احمد بھی ان کے ہمراہ تھے۔

آر پی اونے ہسپتال میں زیر علاج زخمی بچوں کی عیادت کی ، ہسپتال انتظامیہ سے ملاقات کرکے زخمی بچوں کو اب تک فراہم کردہ علاج معالجہ کے بارے میں دریافت کیا اور بہترین طبعی سہولیات کی فراہمی کی ہدایات جاری کیں ۔

اس موقع پر آر پی او نےبچوں کے والدین سے خصوصی ملاقات کرکے اظہار ہمدردی کی اورانہیں مجرمان کی جلد سے جلد گرفتاری اور انصاف کی فراہمی کی یقین دہانی کرائی۔

آر پی او نے ایس پی انوسٹی گیشن ڈی جی خان بختیار احمد کو مجرمان کی فوری گرفتاری،واقعہ کی جدید سائنسی بنیادوں پر تحقیقات اور مدعی مقدمہ سے قریبی رابطہ رکھنے کےاحکامات جاری کئے ۔

اس موقع پر آر پی او کیپٹن (ر) سجاد حسن خان کا کہنا تھا کہ یہ واقعہ نہایت ہی افسوس ناک ہے۔ وقوعہ میں ملوث مجرمان کسی رعایت کے مستحق نہیں ،جنہیں قرار واقعی سزا دلوانے اور مظلوم کو انصاف کی فراہمی میں کوئی کسر نہیں چھوڑیں گے ۔

ڈیرہ غازیخان (باغی ٹی وی رپورٹ) تونسہ کے قریب جھنگی پولیس چیک پوسٹ پر دہشتگردوں کا حملہ ناکام بنانے والے پولیس اہلکاروں کیلئے انعام کا اعلان کردیا ہے۔

آئی جی پنجاب عثمان انور نے جھنگی پولیس چیک پوسٹ پر دہشتگردی کا حملہ ناکام بنانے والے اہلکاروں کی حوصلہ افزائی کرتے ہوئے چیک پوسٹ پر تعینات تمام اہلکاروں کو پچاس پچاس ہزر روپے انعام دینے کا اعلان کیا۔

آئی جی پنجاب عثمان انور نے دہشتگرد حملے میں زخمی ہونے والے اہلکاروں کیلئے بھی ایک ایک لاکھ روپے دینے کا اعلان کیا۔

وزیراعلیٰ پنجاب مریم نواز نے بھی تونسہ کے قریب جھنگی پولیس چیک پوسٹ پر دہشتگرد حملے کی مذمت کرتے ہوئے حملہ ناکام بنانے پر پولیس کے جوانوں کو خراج تحسین پیش کیا۔

واضح رہے کہ گزشتہ روز پولیس کے جوانوں نے جھنگی پوسٹ پر دہشتگرد حملہ ناکام بنا دیا تھا، حملے میں پولیس کے سات اہلکار زخمی ہوئے تھے۔

پولیس نے ایک بیان میں بتایا تھا کہ جھنگی پولیس چیک پوسٹ خیبرپختونخوا اور پنجاب بارڈر پر واقع ہے، گزشتہ روز رات کی تاریکی کا فائدہ اٹھاتے ہوئے 15 سے 20 دہشتگردوں نے راکٹ لانچرز، ہینڈ گرینڈ اور لیزر لائٹ گنز سمیت جدید اسلحے سےلیس ہوکر پوسٹ پر حملہ کیا، پولیس کے بہادر جوانوں نے چیک پوسٹ کا بہترین دفاع کرتے ہوئے دہشتگرد حملہ پسپا کردیا تھا۔

پولیس حکام کہنا تھا کہ دہشتگرد حملے کے دوران پولیس کے جوانوں کی برجستہ جوابی کارروائی کے بعد دہشت گرد رات کی تاریکی میں بھاگ گئے تھے۔

ڈیرہ غازی خان،باغی ٹی وی (نامہ نگارشہزادیوسفزئی)پریس کلب اور بارکونسل کے اندر بھی اب کوئی محفوظ نہیں ہے، اقبال ثاقب
صحافیوں کے ساتھ ہتک آمیز رویہ کی بھر پور الفاظ میں مزاحمت کرتے ہیں،عبدالسلام ناصر

تفصیل کے مطابق ملک اقبال ثاقب نے صحافیوں سے گفتگو کرتے ہوئے کہا ہے کہ ہمارے ساتھ پریس کلب کی نمائندگی موجود ہے ہماری پریس کانفرنس پر امن اور کسی ریاست کیخلاف کس قسم کا کوئی بیانہ نہیں تھااور نہ ہی کوئی غیر آئینی اقدام تھا

انہوں نے کہا ہے کہ پریس کلب ہو یا بارکونسل ان کے اندر کوئی لوگ محفوظ نہیں ہیں

انہوں نے کہا ہے کہ کل صحافیوں کا رول قابل تحسین تھا ،پریس کلب کے مشکور ہیں پریس کلب کی پوری ٹیم کو مبارکباد پیش کرتا ہوں

صدر گڈز ٹرانسپورٹ عبدالسلام ناصر نے اظہار خیال کرتے ہوئے کہا ہے کہ صحافیوں کے ساتھ ہتک آمیز رویہ کی بھر پور الفاظ میں مزاحمت کرتے ہیں اگر کسی جگہ پر صحافیوں کو ہماری کسی قسم کی کوئی ضرورت پڑی تو ہم ان کے شانہ بشانہ کھڑے ہونگے

پریس کلب مظلوم معصوم طبقہ کے لوگوں کا گھر ہے ہمارے اداروں کو چاہیے تھا کہ پی ٹی آئی کے لوگوں کو پر امن پریس کانفرنس کرنے دیتے صحافیوں کے ساتھ زیادتی کی بھر پور مزاحمت کرتے ہیں

جنرل سیکرٹری محمد علی چنڑ دیگر بار کے ممبران کے علاوہ صدر پریس کلب شیر افگن بزدار، صدر انجمن صحافیان غلام مصطفیٰ لاشاری ، چوہدری شکیل احمد نائب صدر پریس کلب ،منظورخان لغاری نائب صدر انجمن صحافیان ،جنرل سیکرٹری عابد بزدار ، سیکرٹری انفارمیشن غضنفر چن ماہی ، شعیب خان لنگاہ ، مجاہد حسین لاشاری ،شہزاد یوسفزئی ، آزاد بلوچ ، احمد ، فدا حسین سومرو ، لیاقت درانی ، ملک مجاہد ،شاہد راجپوت ، حکیم خلیل الرحمٰن و دیگر صحافی موجود تھے ۔

ڈیرہ غازیخان(باغی ٹی وی رپورٹ)انچارج دری میرو عبدالستار ASI کی اہل علاقہ کے معززین اور تاجر برادری سے قصبہ گگو جامع مسجد میں علاقہ کے امن و امان کے حوالے سے ملاقات، اس موقع پر انچارج دری میرو کا کہنا تھا کہ دری میرو کے علاقہ کے رہائشی کسی بھی شخص کا کوئی کام ہو تو وہ بجائے کسی سفارش کے براه راست مجھے ملے میں انشاء اللہ بروقت کارروائی کروں گا۔

میرٹ کی بالا دستی ،فوری انصاف کی فراہمی مظلوم کی بر وقت دادرسی ،ظلم کے خلاف جہاد میری اولین ترجیحات ہیں۔ ناجائز یا میرٹ کے خلاف کوئی بھی کام لے کر کوئی شخص میرے پاس آنے کی تکلیف نہ کرے۔ کوئی غیر قانونی یا کسی غریب کی پراپرٹی پر قبضہ کرنے کی کوشش کی تو ان کے ساتھ آہنی ہاتھوں سےنمٹا جائے گا ،جھوٹے اور عادی درخواست باز لوگ عوام کو تنگ کرنا چھوڑ دیں ورنہ ان کے خلاف کارروائی ہو گی۔

علاقے میں کسی بھی انفارمیشن/جرم کی اطلاع میرے ذاتی نمبر 03340720000 پر دیں۔انشاءاللہ اس پر فوری کارروائی کروں گا اور اطلاع دینے والے کا نام بھی صیغہ راز میں رکھا جائے گا۔علاقہ میں ٹھیکری پہرہ کا بھی لگا دیا گیا ہے تاکہ علاقہ میں امن امان قائم ہو،

ڈیرہ غازی خان، باغی ٹی وی( نیوز رپورٹر شاہد خان) حکومت پنجاب کی ہدایت پر ڈیرہ غازی خان ڈویژن میں جرائم پیشہ عناصر کی سرکوبی کیلئے ڈویژنل انتظامیہ،فورسز اور محکموں نے مشترکہ لائحہ عمل مرتب کرنے کا فیصلہ کیا ہے۔کوہ سلیمان،دریا،میدان اور کچہ کے علاقوں میں ملکر چیلنجنگ سے نمٹا جائے گا۔

اس بات کا فیصلہ کمشنر ڈاکٹر ناصر محمود بشیر کی زیر صدارت ویڈیو لنک اجلاس میں کیا گیا۔اجلاس میں آر پی او کیپٹن ریٹائرڈ سجاد حسن خان،ڈپٹی کمشنرز،ڈی پی اوز اور اعلیٰ افسران شریک تھے۔اجلاس میں ٹرائی بارڈر ایریا ہونے کی وجہ سے مسائل اور ان کے حل کےلئے اقدامات کا جائزہ لیا گیا ۔

کمشنر ڈاکٹر ناصر محمود بشیر نے کہا کہ ڈی جی خان اور راجنپور اضلاع کے ڈی-ایکسکلوٹڈ ایریا کے چیلنجز سے بھی نمٹا جائے گا جس کےلئے پولیس،رینجرز اور قبائلی فورسز کی استعداد کار کو بڑھایا جائے گا۔

مشترکہ چیک پوسٹوں کے قیام کے ساتھ فورسز میں بھرتی،جدید اسلحہ اور گاڑیوں کی فراہمی کےلئے اعلی حکام کو سفارشات ارسال کی جائیں گی۔

کمشنر نے کہا کہ ڈی جی خان ٹرائی بارڈر ہونے سے چیلنجنگ ڈویژن ہے۔مشترکہ حکمت عملی سے ہی چیلنجنگ سے نمٹا جاسکتا ہے۔

کمشنر ڈاکٹر ناصر محمود بشیر نے کہا کہ سیکیورٹی معاملات کی بہتری کےلئے مقامی عمائدین کا تعاون حاصل کیا جائے۔حساس تنصیبات کی حفاظت کےلئے تمام پہلوؤں کا جائزہ لیا جائے ۔پراجیکٹ کا مختص بجٹ سیکیورٹی امور پر خرچ کیا جائے۔شفافیت برقرار رکھنے کےلئے سیکیورٹی آڈٹ کرایا جائے گا۔

آر پی او کیپٹن ریٹائرڈ سجاد حسن خان نے سیکیورٹی معاملات کی بہتری کےلئے ڈی پی اوز کو ہدایات جاری کی