Category: ڈیرہ غازی خان

ڈیرہ غازی خان،باغی ٹی وی (نامہ نگارشہزادیوسفزئی)پریس کلب اور بارکونسل کے اندر بھی اب کوئی محفوظ نہیں ہے، اقبال ثاقب
صحافیوں کے ساتھ ہتک آمیز رویہ کی بھر پور الفاظ میں مزاحمت کرتے ہیں،عبدالسلام ناصر

تفصیل کے مطابق ملک اقبال ثاقب نے صحافیوں سے گفتگو کرتے ہوئے کہا ہے کہ ہمارے ساتھ پریس کلب کی نمائندگی موجود ہے ہماری پریس کانفرنس پر امن اور کسی ریاست کیخلاف کس قسم کا کوئی بیانہ نہیں تھااور نہ ہی کوئی غیر آئینی اقدام تھا

انہوں نے کہا ہے کہ پریس کلب ہو یا بارکونسل ان کے اندر کوئی لوگ محفوظ نہیں ہیں

انہوں نے کہا ہے کہ کل صحافیوں کا رول قابل تحسین تھا ،پریس کلب کے مشکور ہیں پریس کلب کی پوری ٹیم کو مبارکباد پیش کرتا ہوں

صدر گڈز ٹرانسپورٹ عبدالسلام ناصر نے اظہار خیال کرتے ہوئے کہا ہے کہ صحافیوں کے ساتھ ہتک آمیز رویہ کی بھر پور الفاظ میں مزاحمت کرتے ہیں اگر کسی جگہ پر صحافیوں کو ہماری کسی قسم کی کوئی ضرورت پڑی تو ہم ان کے شانہ بشانہ کھڑے ہونگے

پریس کلب مظلوم معصوم طبقہ کے لوگوں کا گھر ہے ہمارے اداروں کو چاہیے تھا کہ پی ٹی آئی کے لوگوں کو پر امن پریس کانفرنس کرنے دیتے صحافیوں کے ساتھ زیادتی کی بھر پور مزاحمت کرتے ہیں

جنرل سیکرٹری محمد علی چنڑ دیگر بار کے ممبران کے علاوہ صدر پریس کلب شیر افگن بزدار، صدر انجمن صحافیان غلام مصطفیٰ لاشاری ، چوہدری شکیل احمد نائب صدر پریس کلب ،منظورخان لغاری نائب صدر انجمن صحافیان ،جنرل سیکرٹری عابد بزدار ، سیکرٹری انفارمیشن غضنفر چن ماہی ، شعیب خان لنگاہ ، مجاہد حسین لاشاری ،شہزاد یوسفزئی ، آزاد بلوچ ، احمد ، فدا حسین سومرو ، لیاقت درانی ، ملک مجاہد ،شاہد راجپوت ، حکیم خلیل الرحمٰن و دیگر صحافی موجود تھے ۔

ڈیرہ غازیخان(باغی ٹی وی رپورٹ)انچارج دری میرو عبدالستار ASI کی اہل علاقہ کے معززین اور تاجر برادری سے قصبہ گگو جامع مسجد میں علاقہ کے امن و امان کے حوالے سے ملاقات، اس موقع پر انچارج دری میرو کا کہنا تھا کہ دری میرو کے علاقہ کے رہائشی کسی بھی شخص کا کوئی کام ہو تو وہ بجائے کسی سفارش کے براه راست مجھے ملے میں انشاء اللہ بروقت کارروائی کروں گا۔

میرٹ کی بالا دستی ،فوری انصاف کی فراہمی مظلوم کی بر وقت دادرسی ،ظلم کے خلاف جہاد میری اولین ترجیحات ہیں۔ ناجائز یا میرٹ کے خلاف کوئی بھی کام لے کر کوئی شخص میرے پاس آنے کی تکلیف نہ کرے۔ کوئی غیر قانونی یا کسی غریب کی پراپرٹی پر قبضہ کرنے کی کوشش کی تو ان کے ساتھ آہنی ہاتھوں سےنمٹا جائے گا ،جھوٹے اور عادی درخواست باز لوگ عوام کو تنگ کرنا چھوڑ دیں ورنہ ان کے خلاف کارروائی ہو گی۔

علاقے میں کسی بھی انفارمیشن/جرم کی اطلاع میرے ذاتی نمبر 03340720000 پر دیں۔انشاءاللہ اس پر فوری کارروائی کروں گا اور اطلاع دینے والے کا نام بھی صیغہ راز میں رکھا جائے گا۔علاقہ میں ٹھیکری پہرہ کا بھی لگا دیا گیا ہے تاکہ علاقہ میں امن امان قائم ہو،

ڈیرہ غازی خان، باغی ٹی وی( نیوز رپورٹر شاہد خان) حکومت پنجاب کی ہدایت پر ڈیرہ غازی خان ڈویژن میں جرائم پیشہ عناصر کی سرکوبی کیلئے ڈویژنل انتظامیہ،فورسز اور محکموں نے مشترکہ لائحہ عمل مرتب کرنے کا فیصلہ کیا ہے۔کوہ سلیمان،دریا،میدان اور کچہ کے علاقوں میں ملکر چیلنجنگ سے نمٹا جائے گا۔

اس بات کا فیصلہ کمشنر ڈاکٹر ناصر محمود بشیر کی زیر صدارت ویڈیو لنک اجلاس میں کیا گیا۔اجلاس میں آر پی او کیپٹن ریٹائرڈ سجاد حسن خان،ڈپٹی کمشنرز،ڈی پی اوز اور اعلیٰ افسران شریک تھے۔اجلاس میں ٹرائی بارڈر ایریا ہونے کی وجہ سے مسائل اور ان کے حل کےلئے اقدامات کا جائزہ لیا گیا ۔

کمشنر ڈاکٹر ناصر محمود بشیر نے کہا کہ ڈی جی خان اور راجنپور اضلاع کے ڈی-ایکسکلوٹڈ ایریا کے چیلنجز سے بھی نمٹا جائے گا جس کےلئے پولیس،رینجرز اور قبائلی فورسز کی استعداد کار کو بڑھایا جائے گا۔

مشترکہ چیک پوسٹوں کے قیام کے ساتھ فورسز میں بھرتی،جدید اسلحہ اور گاڑیوں کی فراہمی کےلئے اعلی حکام کو سفارشات ارسال کی جائیں گی۔

کمشنر نے کہا کہ ڈی جی خان ٹرائی بارڈر ہونے سے چیلنجنگ ڈویژن ہے۔مشترکہ حکمت عملی سے ہی چیلنجنگ سے نمٹا جاسکتا ہے۔

کمشنر ڈاکٹر ناصر محمود بشیر نے کہا کہ سیکیورٹی معاملات کی بہتری کےلئے مقامی عمائدین کا تعاون حاصل کیا جائے۔حساس تنصیبات کی حفاظت کےلئے تمام پہلوؤں کا جائزہ لیا جائے ۔پراجیکٹ کا مختص بجٹ سیکیورٹی امور پر خرچ کیا جائے۔شفافیت برقرار رکھنے کےلئے سیکیورٹی آڈٹ کرایا جائے گا۔

آر پی او کیپٹن ریٹائرڈ سجاد حسن خان نے سیکیورٹی معاملات کی بہتری کےلئے ڈی پی اوز کو ہدایات جاری کی

ڈیرہ غازی خان، باغ ٹی وی (نیوز رپورٹر شاہد خان )ڈیرہ غازی خان گرلز کالج وڈور روڈ پر ٹریکٹر ٹرالی والوں نے روڈ کے اوپر ہی اپنا سٹینڈ لگایا ہوا ہے شمس آباد کالونی، عبداللہ ٹاؤن کالونی اور نزدیکی آبادی میں سے گزرنے والے شہریوں کو شدید مشکلات کا سامنا کرنا پڑتا ہے

صبح سکول جانے کے لیے معصوم بچے اس روڈ سے گزرتے ہیں کئی بار اس جگہ پر ان ٹریکٹر ٹرالیوں کی وجہ سے ایکسیڈنٹ ہو چکے ہیں جس کی وجہ سے بہت سے معصوم بچوں کی جانیں بھی ضائع ہو چکی ہیں، مقامی انتظامیہ خاموش تماشائی بنی ہوئی ہے

باغی ٹی وی سے بات کرتے ہوئے شہریوں نے کمشنر ڈیرہ غازی خان ،ڈی پی او ڈیرہ غازی خان سے پرزور اپیل کی ہے کہ ٹریکٹرٹرالیوں کے اس غیرقانونی اسٹینڈ کے خلاف ایکشن لیکر ان ٹریکٹر ٹرالیوں کو آبادی سے باہر مہاجروں والے قبرستان کے پاس ٹھہرانے کا پابند کیا جائے تاکہ یہاں کے رہائشی اورعام گذرنے والے شہری اور معصوم بچے ناگہانی حادثات کا شکار ہونے سے بچ سکیں.

ڈیرہ غازیخان باغی ٹی وی (نیوز رپورٹر شاہد خان)حکومت پنجاب کی خصوصی ہدایات پر ضلع ڈیرہ غازیخان میں سستی روٹی اور نان کی دستیابی یقینی بنانے کیلئے ضلعی انتظامیہ کا کریک ڈاؤن جاری ہے۔

ڈپٹی کمشنر مہر شاہد زمان لک کی زیرنگرانی ضلع کے افسران اور پرائس کنٹرول مجسٹریٹس مقررہ نرخوں سے زائد قیمت وصول کرنے والے تندور اور ہوٹلز مالکان کے خلاف کریک ڈاؤن جاری رکھے ہوئے ہیں،

ضلع بھر میں مختلف تندوروں اور ہوٹلوں پر109چھاپے مارے گئے،اوورچارجنگ پر گرانفروشوں کو مجموعی طور پرایک لاکھ27 ہزار روپےکے جرمانے کئے گئے،

10ہوٹل مالکان گرفتار،4کیخلاف مقدمات درج اور ایک دکان کو سیل بھی کیا گیا ہے۔

ڈیرہ غازیخان میں سوگرام کی سادہ روٹی13روپے،نان اور خمیری روٹی کی سرکاری قیمت15روپے مقرر ہے۔

ڈیرہ غازی خان(باغی ٹی وی رپورٹ)کوہ سلیمان میں بارڈر ملٹری پولیس راکھی گاج کی بڑی کارروائی ،گوجرانوالہ، شیخوپورہ سے ڈکیتی شدہ موٹر سائیکلوں سمیت ملزمان گرفتار

ایس ایچ او بی ایم پی تھانہ راکھی گاج حبیب خان لغاری نے گوجرانوالہ شیخوپورہ سے ڈکیتی شدہ موٹر سائیکلوں کو ملزمان سمیت پکڑ لیا ہے،ملزمان گوجرانوالہ ،شیخوپورہ کے ڈکیتی شدہ موٹر سائیکلوں کو پنجاب سے بلوچستان لے جا رہے تھے

ایس ایچ او تھانہ راکھی گاج حبیب خان لغاری کے مطابق ملزمان کا تعلق بلوچستان سے ہے۔

ایس ایچ او تھانہ راکھی گاج حبیب خان لغاری نے کہا کہ متعلقہ اضلاع کی پولیس سے رابطہ کر کے موٹر سائیکلوں کو ان کے حوالے کیا جائے گا ۔