ڈیرہ:محکمہ مال میں کرپشن،32موضعے کمپیوٹرائزڈنہ ہوسکے
محکمہ مال کرپشن کا گڑھ بن گیا۔نان کباب کیلئے 32موضع جات کمپیوٹرائزڈ نہ کئے گئے ۔
باغی ٹی وی رپورٹ ۔تفصیل کے مطابق محکمہ مال ڈیرہ غازیخان میں 300 کے قریب موضع جات ہیں ان میں سے 32 موضع جات ایسے ہیں جن میں ڈیرہ غازی خان شہر بھی شامل ہے جنہیں پٹواری حضرات کمپیوٹر ائزڈ کرنے کو تیار نہیں ہیں اور مختلف حیلے بہانوں سے روک رکھاہے ذرائع کا کہنا کے ان موضع جات میں تعینات ہونے کے لئے پٹواری حضرات لاکھوں روپے رشوت کے طور پر افسران اور سیاسی لوگوں کو دیکر ان بغیر کمپیوٹر ائزڈ موضع جات میں اپنی تعیناتی کراتے ہیں اور پھر دل کھول کر مال پانی بناتے ہیں اس بارے ذرائع کا کہناہے کے محکمہ مال اور دیگر کئی محکموں اور سرکاری تقریبات کا سارا خرچہ بھی یہی ان موضع جات کے پٹواری ہی اٹھا تے ہیں اس لئے محکمہ مال اور دیگر بڑ ے افسران اس طرف توجہ نہیں دیتے اور جان بوجھ کر سستی کا مظاہرہ کر رہے تاکہ افیسران کے کچن کا خرچہ پانی چلتا رہے اور پٹواری بھی بہتی گنگا میں ہاتھ دھوتے رہیں اہل شہر عوامی اور سماجی حلقوں کا کہنا ہے کے تمام موضع جات کو فی الفور کمپیوٹر ائزڈ کیا جائے تاکہ ڈیرہ غازیخان کے شہریوں کو اذیت سے نجات مل سکے اور ڈیجیٹل پاکستان کا خواب بھی شرمندہ تعبیر ہوسکے ۔
Category: ڈیرہ غازی خان
ڈیرہ:محکمہ مال میں کرپشن،32موضعے کمپیوٹرائزڈ نہ ہوسکے
ڈیرہ : کوہ سلیمان میں آسمانی بجلی گرنے سے ایک شخص جاں بحق 5افرادزخمی
ڈیرہ : کوہ سلیمان میں آسمانی بجلی گرنے سے ایک شخص جاں بحق 5افرادزخمی
ریسکیو 1122کا فوری ریسکیواپریشن ،کنٹرول روم نے فوراََفاضلہ کچھ سے ایک ایمبولینس اور ایک ایمبولینس درگ سٹیشن سے روانہ کرکے موقع پر پہنچ کر پانچ لوگوں کو فرسٹ ایڈ دی گئی۔
باغی ٹی وی رپورٹ ۔ڈیرہ غازیخان میں کوہ سلیمان کے علاقے کرکنا،فاضلہ کچھ میں آسمانی بجلی گرنے سے ایک شخص جاں بحق ہوگیا جبکہ 5افراد زخمی ہوگئے ہیں ،ریسکیو1122کے مطابق کنٹرول روم کو ایک ایمرجنسی کال موصول ہوئی جس میں کالر نے بتایا کہ آسمانی بجلی گرنے کی وجہ سے 5 لوگ زخمی ہوگئے ہیں۔ جن کے لیے ایمبولینس کی ضرورت ہے۔
کنٹرول روم نے فوراََفاضلہ کچھ سے ایک ایمبولینس اور ایک ایمبولینس درگ سٹیشن سے روانہ کر دی گئی۔موقع پر پہنچ کر پانچ لوگوں کو موقع پر ہی فرسٹ ایڈ دے کر روانہ کیا گیا ۔جبکہ ایک مر یض کی موقع پر ہی وفات ہو چکی تھی۔ لواحقین کے اسرار کے بعد مریض کو تونسہ ہسپتال شفٹ نہیں کیا گیا۔
فورٹ منرو میں امریکن خاتون سے زیادتی یا کچھ اور… ؟
ڈیرہ غازیخان:فورٹ منرو میں امریکن خاتون سے زیادتی یاکچھ اور ؟
باغی ٹی وی رپورٹ۔پنجاب پولیس اور بی ایم پی سوتی رہی اور امریکی خاتون پاکستانی نوجوانوں کو دادعیش دیتی رہی اور ٹک ٹاک بناتی رہی جبکہ ڈیرہ غازی خان میں کسی بھی غیر ملکی کے داخلے پر پابندی عائد ہونے کے باوجود امریکی خاتون کیسے ملزمان کے ساتھ گھومتی پھرتی اور لسانی تنظیم کے لوگوں سے ملاقاتیں اورغازی خان کے مقبرہ اور ٹریفک چوک پر بنائی گی تصویریں اور پھر فورٹ منرو تک پہنچ گئی۔
دو اہم چیک پوسٹیں سخی سرور چیک پوسٹ اور غازی گھاٹ چیک پوسٹ کیسے کراس کرکے وہاں ملزمان کے ساتھ گھومتی پھرتی رہی ان ہی چیک پوسٹوں پر مقامی لوگوں اور پاکستانی شہریوں کو روک کر تو بہت تنگ اور خوار کیا جاتا ہے ایک غیر ملکی خاتون کیسے آتی جاتی رہی؟
اور سب سے بہت اہم ایک اور بی ایم پی چیک پوسٹ تھانہ راکھی گاج جسے کراس کیے بغیر آپ فورٹ منرو نہیں پہنچ سکتے وہاں سے بھی یہ لوگ کیسے گزر گئے؟ کمانڈنٹ بی ایم پی اکرام ملک نے ایک نااہل دفعدر کو کسی اہم شخصیت کی سفارش کو ترجیع دے کر تعینات کر رکھا ہے حافظ یوسف کی دو ماہ میں کوئی کار کردگی نہیں ہے صرف اور صرف پنجاب سے بلوچستان کھاد کی سمگلنگ کی کاروائی کی گئی ہے وہ بھی محکمہ فوڈ کے اہلکاروں کی نشاندہی پر پکڑے ذرائع کے مطابق اعلی حکام تحقیقات کریں چیک پوسٹوں کے انچارجوں و اہلکاروں نے انھیں کیسے گزرنے دیا مبینہ مک مکا کیا یا غفلت کا ارتکاب کیا ان کے خلاف محکمانہ کارروائی عمل میں لائی جائے یاد رہے
گزشتہ دن اکیس سالہ غیر ملکی لڑکی کے ساتھ فورٹ منرو میں زیادتی ہوئی جس ، کمانڈنٹ بارڈر ملٹری پولیس کا فوری نوٹس ملزم گرفتار۔ ہوے ۔ڈی جی خان میں غیر ملکیوں کا داخلہ ممنوں ہے ایک اربیلا راجن پور، جام پور ڈی جی خان ہرنڈ، کوہ سلیمان ٹرائبل ایریا فورٹ منرو میں کئی روز تک ملزمان کے ساتھ گھومتی رہی کسی ادارے نے پوچھنا تک گواراہ نہ کیا۔
یاد رہے گزشتہ روز یہ خبر سامنے آئی تھی کہ ڈیرہ غازی خان کے صحت افزاء مقام فورٹ منرو میں امریکی نیشنلٹی خاتون کے ساتھ مبینہ زیادتی کا واقعہ خاتون کی درخواست پر زیادتی کرنے والا نوجوان گرفتار بارڈر ملٹری پولیس کے تھانہ فورٹ منرو نے ایف آئی آر درج کرلی۔ امریکی خاتون اربیلا راجنپور کے رہائشی مزمل شہزاد نامی نوجوان جوکہ ٹور گائیڈ بتایا جاتا ہے کے ساتھ سیر کے لیے فورٹ منرو آئی وہ کراچی سے راجنپور آئی اور وہاں سے ڈیرہ غازی خان پھر فورٹ منرو پہنچی ۔ دونوں نے فورٹ منرو کے انمول ہوٹل میں رہائش رکھی۔ ارابیلا نے درخواست میں موقف اختیار کیا ہے کہ مزمل شہزاد نے اپنے ساتھیوں کی مدد سے اس کو جنسی زیادتی کا نشانہ بنایا ہے۔ ارابیلا نے درخواست میں یہ بھی موقف اختیار کیا ہے کہ اذان نامی نوجوان کے ساتھ بھی اس کی ویڈیو ریکارڈ کی گئی ہے اور اس کے فیملی ممبران سے بھی رابطہ کیا گیا۔ وہ مجھے بلیک میل کرچکا ہے اور بھاری رقم کا بھی تقاضا کیا گیا۔ مزمل شہزاد پر بھی الزام عائد کیا کہ اس نے جنسی زیادتی کی اور فوٹو ،ویڈیو بھی بنائیں جن کو وائرل کی گئیں ۔
پنجاب کے ضمنی انتخابات تمام سیاسی جماعتوں کیلئے سبق آموز ثابت ہوئے ۔اویس لغاری
پنجاب کے ضمنی انتخابات تمام سیاسی جماعتوں کیلئے سبق آموز ثابت ہوئے ہیں۔اویس لغاری
باغی ٹی وی رپورٹ۔پاکستان مسلم لیگ ن کے پنجاب کے جنرل سیکرٹری سردار اویس احمد خان لغاری نے اپنے فیس بک کے آفیشل اکاؤنٹ پر لکھاہے کہ پنجاب کے ضمنی انتخابات تمام سیاسی جماعتوں کیلئے سبق آموز ثابت ہوئے ہیں۔ پی ٹی آئی کو جیت کا اور مسلم لیگ ن کو شکست کا اندازہ ہی نہیں ہوا۔
https://web.facebook.com/akleghari
پولنگ کے آخری وقت تک دھاندلی زیادتی کا شور مچانے والی پی ٹی آئی اپنی حیران کن فتح پر ہکا بکا اور پر اعتماد مسلم لیگ ن اپنی غیر متوقع شکست پر ششدر زدہ ہے۔ انہوں نے مزید لکھاکہ حقیقت یہ ہے کہ عوام نے سیاسی وابستگی کو بالائے طاق رکھتے ہوئے مہنگائی کے خلاف بھرپور ردعمل دیا ہے۔ اور دوسری جانب یہ بھی حقیقت ہے کہ پونے چار سال تک پی ٹی آئی حکومت کے ظلم جبر استحصال اور انتقامی کارروائیوں کا ڈٹ کر مقابلہ کرنے والے مسلم لیگی کارکنوں نے اپنوں کی بجائے ماضی قریب کے مخالفین کو اپنانے کے فیصلے کو قبول نہیں کیا اور اختلافات کا شکار ہو گئےآئیے سبق سیکھیں اور ازسرنو صف بندی کرتے ہوئے نئ سمت کا تعین کریں۔
ڈیرہ ڈویژن کے 4 صوبائی حلقوں میں ضمنی انتخابات کل ہوں گے
ڈیرہ ڈویژن کے 4 صوبائی حلقوں میں ضمنی انتخابات کل ہوں گے
کنٹرول رومز میں ذمہ دار افسران اور اہلکاروں کی ڈیوٹیاں لگادی گئی ہیں۔ضمنی انتخابات کے دوران کسی بھی صورتحال سے نمٹنے کیلئے تمام تر انتظامات کرلیے گئے ہیں۔
باغی ٹی وی رپورٹ۔ڈیرہ غازی خان ڈویژن کے چار صوبائی حلقوں میں ضمنی انتخابات 17 جولائی کو ہوں گے۔کمشنرمحمد عثمان انور نے ڈ یرہ غازی خان کے ایک،مظفر گڑھ کے دو اور لیہ کے ایک صوبائی حلقہ میں ضمنی انتخابات کے پر امن انعقاد کیلئے افسران کو خصوصی ٹاسک دے دیا۔کمشنر نے کہا کہ ڈویژنل و ضلعی انتظامیہ نے ضمنی انتخابات کیلئے انتظامات مکمل کرلیے ہیں الیکشن کمیشن کے ساتھ قریبی رابطہ رکھا جائے گا۔ڈویژن اور ضلعی سطح پر کنٹرول رومز قائم کردئیے گئے ہیں۔کنٹرول رومز میں ذمہ دار افسران اور اہلکاروں کی ڈیوٹیاں لگادی گئی ہیں۔ضمنی انتخابات کے دوران کسی بھی صورتحال سے نمٹنے کیلئے تمام تر انتظامات کرلیے گئے ہیں۔الیکشن کمیشن کو شفاف انتخابات کیلئے ہر ممکن معاونت کا سلسلہ جاری رکھیں گے۔الیکشن کمیشن کے ضابطہ اخلاق پر ہر صورت عملدرآمد کرائیں گے۔ شہریوں کو حق رائے دہی کے لئے پر امن ماحول فراہم کریں گے۔کمشنر ڈی جی خان نے کہا کہ انتظامیہ تمام پولنگ سٹیشنز میں صفائی اور سہولیات کی فراہمی یقینی بنائے۔تمام پولنگ سٹیشنز پر مثالی انتظامات کئے جائیں۔سیاسی جماعتیں،سول سوسائٹی پر امن انتخابات کیلئے الیکشن کمیشن اور انتظامیہ کے ساتھ تعاون کرے۔امن و امان میں خلل ڈالنے والوں کے ساتھ قانون کے تحت نمٹا جائے گا۔ ہے۔اُدھر ڈپٹی کمشنر محمد شہباز حسین نے ضمنی الیکشن حلقہ پی پی 282 کے پرامن اور شفاف انعقاد اور کسی بھی ایمرجنسی سے نمٹنے کے لئے ڈی سی آفس میں کنٹرول روم قائم کر دیا ہے۔ ڈی سی آفس میں قائم کنٹرول روم کے لئے اے ڈی سی جی قدسیہ ناز کو فوکل پرسن نامزد کیا گیا ہے۔ڈی سی آفس کے کنٹرول روم میں معلومات کے لئے لینڈ لائن نمبر 0606920109 فکس کیا گیا ہے۔ اسی طرح تحصیل لیہ اور تحصیل چوبارہ میں بھی کنٹرول روم قائم کئے گئے ہیں اور اے سی لیہ فیاض علی تحصیل لیہ جبکہ اے سی چوبارہ اویس مانگٹ تحصیل چوبارہ کے لئے فوکل پرسن نامزد کئے گئے ہیں۔ تحصیل لیہ کے کنٹرول روم کے لئے لینڈ لائن نمبر 0606920118 جبکہ چوبارہ کے لئے 0606440118 فکس کیا گیا۔
17 جولائی تک مزید بارش، کوہ سلیمان کے علاقوں کی رود کوہیوں میں طغیانی کا خدشہ ،الرٹ جاری
17 جولائی تک مزید بارش، کوہ سلیمان کے علاقوں کی رود کوہیوں میں طغیانی کا خدشہ ،پی ڈی ایم اے نے الرٹ جاری کردیا۔
باغی ٹی وی رپورٹ۔ڈیرہ غازی خان ڈویژن میں 17 جولائی تک مزید بارشوں کی پیشنگوئی کردی گئی ہے اورپی ڈی ایم اے کی طرف سے کوہ سلیمان کے علاقوں کی رود کوہیوں میں طغیانی کا خدشہ ظاہر کیاگیا ہے جس پر کمشنر ڈیرہ غازی خان ڈویژن محمد عثمان انور نے ڈپٹی کمشنرز اور متعلقہ محکموں کو ہائی الرٹ کردیاہے ۔کمشنرنے کہا کہ ڈی جی خان اور راجنپور کے پہاڑوں میں بارش سے رود کوہیوں میں سیلابی صورتحال پیدا ہوسکتی ہے۔دونوں اضلاع کے پولیٹیکل اسسٹنٹ حساس علاقوں میں پیشگی اقدامات کریں۔ راستوں کی بحالی اور لینڈ سلائیڈنگ کے مقامات پر متعلقہ مشینری کی جلد دستیابی کو یقینی بنایا جائے۔کمشنر نے کہا کہ بین الصوبائی شاہراہ این 70 پر راکھی گاج میں پھر لینڈ سلائیڈنگ ہوسکتی ہے۔بین الصوبائی شاہراہ پر ٹریفک کی روانی کیلئے حساس مقامات پر قبائلی فورس کی نفری تعینات کی جائے۔
کمشنر نے ڈپٹی کمشنرز سے کہا کہ ڈی جی خان اور راجن پور کی رود کوہیوں کے قدرتی راستوں کو صاف کیا جائے۔رود کوہیوں کے سیلابی پانی کے دریا تک محفوظ انخلاء کیلئے ہر ممکن اقدامات کئے جائیں۔حساس آبادی کو بھی موسم اور رود کوہیوں کی صورتحال سے متعلق آگاہی دی جائے۔چاروں اضلاع میں اربن فلڈنگ سے نمٹنے کیلئے بھی انتظامات کئے جائیں۔بارش کے پانی کی بروقت نکاسی کیلئے ڈسپوزل ورکس مکمل گنجائش کے ساتھ چلائے جائیں۔بجلی کے متبادل انتظام کیلئے جنریٹرز اور ایندھن کی ڈسپوزل ورکس پر دستیابی یقینی بنائی جائے۔
ڈیرہ غازیخان ۔ بین الصوبائی شاہراہ این 70 پر ٹریفک کی روانی بحال
ڈیرہ غازیخان ۔ بین الصوبائی شاہراہ این 70 پر ٹریفک کی روانی بحال کردی گئی
شہری بھی برسات میں احتیاط کریں ، محتاط ڈرائیونگ اور ٹریفک قوانین کی پاسداری کرتے ہوئے پریشانی سے بچ سکتے ہیں۔کمشنر
باغی ٹی وی رپورٹ۔ڈیرہ غازی خان بارش کی وجہ سے راکھی گاج نیلی مٹی کے مقام پر لینڈ سلائیڈنگ سے روڈ بلاک ہونے پر کمانڈنٹ بارڈر ملٹری پولیس اکرام ملک کے حکم پر ایس ایچ او حافظ یوسف اپنی فورس سمیت بروقت موقع پر پہنچ گئے اور اپنی مددآپ کے تحت روڈ کلیئر کرانا شروع کرادیا ،
اس دوران کمشنر ڈیرہ غازیخان نے بھی لینڈسلائنڈنگ سے بین الصوبائی شاہراہ این 70 بند ہونے کافوری نوٹس لیااور بارڈر ملٹری پولیس کی بھاری نفری دونوں سائیڈ پر تعینات کرائی اور این ایچ اے کی بھاری مشینری سے پتھر اور مٹی کو ہٹادیا گیا، بھاری مشینری کے ذریعے روڈ کلیئر کرادیا گیابین الصوبائی شاہراہ این 70 پر ٹریفک کی روانی بحال کرادی گئی۔کمشنر عثمان انورنے کہاکہ وزیر اعلی میاں محمد حمزہ شہباز شریف کی ہدایت پر مسافروں کی آسانی کیلئے ہرممکن اقدامات کئے جارہے ہیں ،انہوں نے مزیدکہاکہ شہری بھی برسات میں احتیاط کریں ،
محتاط ڈرائیونگ اور ٹریفک قوانین کی پاسداری کرتے ہوئے پریشانی سے بچ سکتے ہیں۔یاد رہے گذشتہ ہفتے بھی راکھی گاج کے قریب نیلی مٹی کے مقام پر لینڈ سلائیڈنگ سے تین دن تک بین الصوبائی شاہراہ بند رہی اور مسافروں اورڈرائیوروں کو کافی مشکلات سامناکرناپڑاتھا اُس دوران گاڑیوں کے فیول بھی ختم ہوگئے تھے اور روڈکلیئرکراتے ہوئے بی ایم پی کمانڈنٹ کی گاڑی بھی لینڈسلائنڈنگ کی زد میں آگئی تھی تاہم وہ خود محفوظ رہے تھے، اُس وقت بھی بارڈرملٹری پولیس نے اپنے کمانڈنٹ کے حکم پرروڈکلیئرکرایااورمسافروں کیلئے کھانے پینے کاانتظام بھی کیا تھا۔
سپریم کورٹ کے فیصلے سے تکلیف ہوئی،عمران خان
پاکستان تحریک انصاف کے چیئرمین عمران خان نے کہا ہے کہ سپریم کورٹ کے فیصلے سے تکلیف ہوئی، عدلیہ نے کہا مراسلے سے متعلق تفتیش نہیں ہوئی، جب صدر نے عدالت عظمیٰ کو مراسلہ بھیجا تب چیف جسٹس نے تحقیقات کیوں نہیں کرائی۔
سلیم صافی کی عمران خان اور بشری مانیکا کو 4 دن کی مہلت اسکے بعد چھپے راز فاش کرنے کا اعلان
ڈیرہ غازی خان میں عوامی جلسہ سے خطاب کے دوران انہوں نے کہا کہ صدر پاکستان، اسپیکر نے مراسلہ چیف جسٹس کو بھجوایا تھا، امریکی انڈر سیکریٹری ڈونلڈ لو کس کو پیغام دے رہا تھا؟ سپریم کورٹ انکوائری کرے اور کمیشن بنائے۔انہوں نے کہا کہ منٹس موجود ہیں کہ میں نے وہ مراسلہ پہلے کابینہ، نیشنل سیکیورٹی کونسل، پارلیمنٹ کے سامنے رکھا جس میں واضح تھا کہ امریکی انڈر سیکریٹری ہمارے سفیر کو کہتا ہے عمران خان کو ہٹاؤ ورنہ مشکل میں آجاؤ گے۔
سابق مشیر احتساب شہزاد اکبر اتحادیوں کے کیس نیب منتقل کرنے میں سرگرم رہے۔ انکشاف
عمران خان نے کہا کہ امریکا کی دھمکی میرے لیے نہیں بلکہ پوری قوم کے لیے تھی، سوال کرتا ہوں کہ 22 کروڑ عوام کے حامل ملک کے لیے اس سے زیادہ توہین اور کیا ہوسکتی ہے۔
واضح رہے کہ ایک روز قبل سپریم کورٹ نے اسپیکر رولنگ کیس کا تفصیلی فیصلہ جاری کیا ہے جس میں کہا گیا ہے کہ ڈپٹی اسپیکر کی رولنگ کی وجہ سے وزیراعظم کی سفارش پر صدر مملکت نے اسمبلی توڑی جس پر اپوزیشن اور عوام کے بنیادی آئینی حقوق متاثر ہوئے۔
عدم اعتماد کے معاملے پر معزز سپریم کورٹ کے تفصیلی فیصلے نے عمران خان کے جھوٹ اور پروپیگنڈے کو بے نقاب کر دیاہے۔ عمران خان نے آئین شکنی کرتے ہوئے حکومت کی تبدیلی کو جس طرح سازشی بیانے کا رنگ دینے کے لئےجھوٹ گھڑا، وہ انتہائی قابل شرم ہے۔ سب کو عدالت کا یہ فیصلہ ضرور پڑھنا چاہئے۔
— Shehbaz Sharif (@CMShehbaz) July 14, 2022
قبل ازیں وزیراعظم شہباز شریف نے بھی فیصلے پر کہا ہے کہ عمران خان نے آئین شکنی کرتے ہوئے حکومت کی تبدیلی کو جس طرح سازشی بیانے کا رنگ دینے کے لیے جھوٹ گھڑا وہ انتہائی قابل شرم ہے
ڈیرہ ۔ پی پی 288 الیکشن مہم عروج پر، کل عمران خان خطاب کریں گے
ڈیرہ غازی خان : پی پی 288 میں الیکشن مہم عروج پر پہنچ گئی، کل 14جولائی کو عمران خان جلسہ عام سے خطاب کریں گے
باغی ٹی وی رپورٹ -ڈیرہ غازی خان میں ضمنی انتخابات پی پی 288 میں الیکشن مہم عروج پر پہنچ گئی ہے، کل 14جولائی کو عمران خان جلسہ عام سے خطاب کریں گے، جلسہ سیمنٹ فیکٹری چوک پر ہوگا جہاں کنٹینر لگائے جارہے ہیں ،حلقہ پی پی 288 میں مسلم لیگ ن کے سردار عبدالقادر کھوسہ اور پی ٹی آئی کے سردار سیف الدین کھوسہ آمنے سامنے ہیں اس حلقہ میں کانٹے دارمقابلہ کی توقع کی جارہی ہے ،کارنرمیٹنگز اورانتخابی جلسوں کو دیکھتے ہوئے یہ کہنامشکل ہے کہ جیت کس کامقدر ٹھہرے گی،عمران خان اس حلقہ میں اپنے امیدوار سردارسیف الدین کھوسہ کی الیکشن میں جیت یقینی بنانے کیلئے کل 14جولائی کوجلسہ عام سے خطاب کریں گے جس کیلئے پنڈال سجایاجارہاہے۔ دوسری طرف اس حلقہ میں مسلم لیگ ن کے امیدوار جوکہ سابق ضلعی چیئرمین ہیں وہ اس حلقہ میں اپنا ووٹ بنک رکھتے ہیں،اس کے علاوہ سابقہ ادوار میں یہ حلقہ این اے 173 کا حصہ تھاجہاں سے سابق صدرسردارفاروق احمدخان لغاری مرحوم الیکشن جیتتے رہے ان کے بعد سردار اویس احمد خان لغاری کا حلقہ انتخاب بھی یہی رہاجہاں سے وہ جیت کرممبرقومی اسمبلی منتخب ہوتے رہے ہیں توسرداراویس احمد خان لغاری نے اس حلقہ میں سردارعبدالقادرخان کھوسہ کی الیکشن کمپین چلانے کیلئے اپنی وزارت سے استعفیٰ دیااوربھرپور انداز میں اپنے امیدوارکی الیکشن مہم شروع کردی ہے ۔اس سے قبل حلقہ پی پی 288 ڈیرہ غازی خان 2018 کے عام انتخابات میں سردارمحسن عطا خان کھوسہ نے آزاد حیثیت سے کامیابی حاصل کی تھی اور بعد میں پی ٹی آئی میں شمولیت اختیار کرلی تھی،سردارمحسن عطا کھوسہ پی ٹی آئی کے 25 منحرف ارکان میں شامل تھے جنہوں نے حمزہ شہبازکووزارت اعلیٰ کیلئے ووٹ دیاتھا۔ 2022 کے ضمنی الیکشن میں مسلم لیگ ن کے امیدوارسردار عبدالقادر کھوسہ پی ٹی آئی کے ایم این اے سردار امجد فاروق خان کھوسہ کے صاحبزادے ہیں جبکہ پی ٹی آئی کے امیدوارسردار سیف الدین کھوسہ سابق گورنر پنجاب سردارذوالفقار علی خان کھوسہ کے صاحبزادے ہیں اوراس وقت دونوں کھوسہ کزنز میں کانٹے دار مقابلہ ہے ۔پی پی 288قومی اسمبلی کے حلقہ این اے 190 میں آتا ہے، جہاں پی ٹی آئی کے سردار امجد فاروق خان کھوسہ ایم این اے ہیںحلقہ پی پی 288 کااونٹ کس کروٹ بیٹھتا ہے اس کافیصلہ 17 جولائی کو ہوگا۔
جنوبی پنجاب میں بارشیں برسانے والاطاقتور سسٹم داخل، ڈینگی کا خطرہ
جنوبی پنجاب میں آج رات سے بارشوں کا طاقتوار اور تگڑاسپیل داخل ہو رہا ہے جس سے گرج چمک اور تیز ہواٶں کے ساتھ موسلادھار بارشوں کا امکان ہے
باغی ٹی وی رپورٹ جنوبی پنجاب میں آج سے بارشوں کا طاقتوار اور تگڑاسپیل داخل ہو رہا ہے جس سے گرج چمک اور تیز ہواٶں کے ساتھ موسلادھار بارشوں کا امکان ہے ٹمپریچر میں کمی دیکھنے کو مل سکتی ہے … آج رات سے جمعہ کی رات تک جنوبی پنجاب کے تمام اضلاع میں وقفے وقفے کے ساتھ موسلادھار بارشوں کا امکان ہے ملتان , بہاولپور , بہاولنگر , ڈیرہ غازی خان , فورٹ منرو , فورٹ عباس , وہاڑی , ملیسی , تونسہ , کوٹ ادو , لیہ , بھکر , لودھراں , ساہیوال , خانیوال , پاکپتن , اوکاڑہ , علی پور جام پور , فاضل پور , راجن پور , رحیم یار خان , خان پور , صادق آباد میں گرج چمک اور تیز ہواٶں کے ساتھ موسلادھار بارشوں کا امکان ہے
اِدھر کمشنر ڈیرہ غازی خان ڈویژن محمد عثمان انور کی زیر صدارت ویڈیو لنک اجلاس منعقد ہوا جس میں ڈپٹی کمشنرز اور متعلقہ افسران شریک تھے۔کمشنر عثمان انور نے کہا کہ موسم برسات ڈینگی کیس بڑھنے کا خدشہ بڑھ جاتا ہے اس لئے انسداد ڈینگی کےلئے ان ڈور،آوٹ ڈور سرویلینس بڑھائی جائے۔بارش کے دوران نکاسی آب کا بہتر انتظام کیا جائے۔نشیبی علاقوں کو خصوصی فوکس کیا جائے۔ڈینگی مچھر کی پرورش گاہوں کو تلف کرنا ضروری ہے ۔
کمشنر عثمان انور نے کہا کہ محکموں کے فوکل پرسنز اپنی ذمہ داری احسن طریقے سے انجام دیں۔انسداد ڈینگی سرگرمیوں کو حکومت پنجاب کی ڈیش بورڈ پر اندارج کرائی جائیں۔فرائض میں کوتاہی اور عدم دلچسپی برداشت نہیں ہوگی۔کمشنر عثمان انور نے کہا کہ ڈپٹی کمشنرز تمام معاملات کی خود نگرانی کریں۔انسداد ڈینگی مہم سے متعلق جائزہ اجلاس ہفتہ وار منعقد کیا جائے۔
