Category: فیصل آباد

فیصل آباد () گداگروں کے روپ میں جامع مساجد سے قیمتی اور نئے جوتے چوری کرنے والا گروہ سرگرم ہوگیا، پولیس کےبعض اہلکار مبینہ طور پر مذکورہ چوروں کے گروہ کی سرپرستی کرنے لگے، بتایا جاتا ہے کہ گداگروں کے روپ میں نقاب پوش خواتین اور کم سن بچوں پر مشتمل گروہ شہرکی اہم اور بارونق مساجد کے باہر بھیک مانگنے کیلئے بیٹھےرہتے ہیں اور جب شہری نماز ادا کرنے کیلئے بالخصوص بازاروں‘ پبلک مقامات‘ پارکس ہسپتالوں میں واقع جامع مساجد میں جاتی ہیں اور نماز شروع ہوتے ہی مذکورہ چوروں کا گروہ سرگرم ہو جاتا ہے اور نمازیوں کی قیمتی اورنئے جوتوں کو سمیٹ کر رفوچکر ہو جاتے ہیں اور ان کے دیگر افراد مسجد کے باہر ہی بھیک مانگنے کیلئے بیٹھے رہتےہیں تاکہ کسی کو شک نہ ہو اور ان کا سرغنہ مسجد کےقریب ہی کھڑا ان کی مکمل نگرانی کرتا ہے، مذکورہ جوتےچوروں کا گروہ شہریوں سے بھیک اور دوسری طرف ان کے قیمتی جوتے چرا کر ڈبل گیم چلتے ہیں، شہر کی بارونق بازاروں، پبلک مقامات، ہسپتالوں میںواقع جامع مساجد کے باہر ڈیوٹی کرنے والے پولیس اہلکار بھی انکی معاونت کرتے ہوئے اپنا حصہ وصول کرتے ہیں

فیصل آباد (محمد اویس) پنجاب ریونیو اتھارٹی کا خوف، مہنگے ڈاکٹروں نےاپنی فیسیں پندرہ سو سے کم ظاہر کرناشروع کردیں، پی آر اے نے پندرہ سو روپے سے زائد مشورہ فیس لینے والے ڈاکٹرز کوجبراً ٹیکس نیٹ میں شامل کرنیکاسلسلہ شروع کردیا ،حکومت پنجاب نے رواں سال ڈاکٹرز پر پانچ فیصد کےحساب سے سیلز ٹیکس عائد کیا تھا ، پی آر اے ذرائع کے مطابق مہنگے نجی ہسپتالوں کے ڈاکٹرز کو جبراً ٹیکس نیٹ میں شامل کرلیا گیا ہے، ذرائع کے مطابق ڈاکٹروں کی بڑی تعداد نےسیلز ٹیکس کی ادائیگی سے بچنے کیلئے اپنی فیس پندرہ سو روپے سے کم ظاہر کرنا شروع کردی ،پنجاب ریونیو اتھارٹی نے سیلز ٹیکس ادا نہ کرنے والےڈاکٹرزپچاس ہزار سے ایک لاکھ روپے تک جرمانہ اور کلینک سر بمہر کرنے کا عندیہ دیا ہے

فیصل آباد (محمد اویس) ریلوے اسٹیشن انیسویں صدی میں برطانوی راج میں بننے والا ایک اہم ریلوے اسٹیشن ہے۔ یہاں سے کراچی، لاھور، راولپنڈی ، اسلام آباد، کوئٹہ ، پشاور اور ملک کے دوسرے اہم شہروں میں جانے کے لیے ٹرینں چلتی ہیں۔ فیصل آباد اسٹیشن شہر کے اہم تجارتی مرکز گھنٹہ گھر بالکل قریب ھے اور اسکے علاوہ فیصل آباد کی تحصیل چک جھمرہ میں چک جھمرا جنکشن ریلوے اسٹیشن بھی موجود ھے۔

فیصل آباد(محمد اویس)فیڈمک کے صنعتی زونز میں ٹیکنیکل یونیورسٹی کے قیام کے لئے فیڈمک کا فوجی فاونڈیشن اور چین کی تیانجن یونیورسٹی سے معاہدہ طے پا گیا ہے۔ اس سلسلے میں ابتدائی طور پر جنوری 2020ء کے پہلے ہفتے سے چار کورسز کا اجراء کیا جا رہا ہے۔ چیئرمین فیڈمک میاں کاشف اشفاق کے مطابق یونیورسٹی کے قیام کے لئے فوجی فاونڈیشن کو ایم تھری کے مرکزی گیٹ کے بالمقابل کمرشل ایریا میں 22 ایکڑ جگہ لیز پر فراہم کی جائے گی اور یونیورسٹی کی عمارت آئندہ ایک سے ڈیڑھ سال میں مکمل ہو جائے گی۔ انہوں نے کہا کہ تیانجن یونیورسٹی کورس ڈیزائننگ اور مختلف شعبہ جات کے قیام کے لئے تکنیکی معاونت فراہم کرے گی۔ چیئرمین فیڈمک کے مطابق یہ یونیورسٹی صنعتی زونز میں لگنے والی صنعتوں کو جدید تربیت یافتہ تکنیکی ماہرین اور ہنر مند افرادی قوت کی فراہمی کا اہم ذریعہ ثابت ہو گی۔ انہوں نے کہا کہ اس یونیورسٹی میں کورسز کے اجراء کے لئے انڈسٹری سے بھی مشاورت کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فیصل آباد(محمد اویس)ڈائریکٹر سوشل ویلفیئر محمد شاہد رانا نے کہا ہے کہ معذوری کو مجبوری نہیں سجھنا چاہے بلکہ خصوصی افراد کی فلاح وبہبود اوربحالی میں مشترکہ کوششیں بروئے کار لائی جائیں۔انہوں نے یہ بات سینٹر فار ڈس ایبل نشیمن کے زیراہتمام خصوصی افراد کے عالمی دن کے موقع پر نشیمن میں منعقدہ تقریب سے خطاب کرتے ہوئے کہی۔سپرنٹنڈنٹ ادارہ فاروق بٹ،سوشل ویلفیئر آفیسر منیبہ محبوب اور دیگر کے علاوہ زیر تربیت خصوصی بچے بھی شریک تھے۔ڈائریکٹر سوشل ویلفیئر نے خصوصی بچوں کی تعلیم وتربیت اوربحالی کے لئے نشیمن کی شاندار فلاحی خدمات کو خراج تحسین پیش کیا اور کہا کہ کسی بھی معذوری میں مبتلا بچوں کوسنبھالنا ایک دشوار کام ہے اس ضمن میں والدین کے بوجھ میں سہارا بننے والے فلاحی ادارے معاشرے کی بہترین خدمات انجام دے رہے ہیں۔انہوں نے تقریب کے دوران مختلف خاکے،ٹیبلوز،ملی نغمے اور دیگر رنگا رنگ پروگرامز میں عمدہ پروفارمنس پیش کرنے والے خصوصی بچوں کی صلاحیتوں کو سراہا اور کہا کہ ان کے ٹیچرز بھرپور داد کے مستحق ہیں جو یہ کٹھن فریضہ کامیابی سے نبھارہے ہیں۔سپرنٹنڈنٹ ادارہ نے بتایا کہ سنٹر میں خصوصی افراد کو کمپیوٹر سافٹ ویئر،ڈریس ڈیزائننگ،بیوٹیشن،ہوم اپلانسز،موٹرسائیکل اینڈ آٹو الیکٹریشن کے شعبوں میں تربیت دی جارہی ہے۔