فیصل آباد(نمائندہ باغی ٹی وی)وفاقی پارلیمانی سیکرٹری برائے ریلویز میاں فرخ حبیب نے سمندری روڈ پر آبادی روشن والی میں سوئی گیس کی فراہمی کا افتتاح کیا ۔میاں اسلم ، میاں نبیل ارشد ،چاچا روشن ، بلال گجر ، شہزاد رحمانی و دیگر کارکن اور عمائدین علاقہ بڑی تعداد میں موجود تھے ۔ وفاقی پارلیمانی سیکرٹری نے اظہار خیال کرتے ہوئے کہا کہ دیہی عوام کا معیار زندگی بلند کرنے کے ساتھ لوگوں کے مسائل کرنا ہی پاکستان تحریک انصاف کی حکومت کی اولین ترجیح ہے اور سوئی گیس سے محروم آبادیوں کو میگا پراجیکٹ کے تحت یہ سہولت فراہم کی جارہی ہے ۔ انہوںنے کہا کہ وہ حلقہ کے عوام کے مسائل سے پوری طرح باخبر ہیں اور انہیں جدید سہولیات کی فراہمی کے لئے ہمہ قت کوشاں ہیں ۔ انہوں نے کہا کہ عوامی خدمت کا سفر آئندہ بھی جاری رہے گا ۔ قبل ازیں وفاقی پارلیمانی سیکرٹری برائے ریلوے میاں فرخ حبیب جب روشن والی آبادی پہنچے تو حلقہ کارکنوں اور عمائدین علاقہ نے ان کا پر جوش استقبال کیا اور سوئی گیس کی فراہمی پر شکریہ ادا کیا
Category: فیصل آباد
فیصل آباد میں بے نامی جائیدادوں کی نشاندہی کے لیے اقدامات تیز کرنے کی ہدایات
فیصل آباد (نمائندہ باغی ٹی وی ) ڈپٹی کمشنر طارق خان نیازی نے اسسٹنٹ کمشنرز کو ہدایت کی ہے کہ ضلع میں بے نامی جائیدادوں کی نشاندہی کے لئے اقدامات مزید تیز کئے جائیں۔ اس سلسلے میں تمام تر ذرائع بروئے کار لا کر آئندہ دو دنوں میں رپورٹ فراہم کریں۔ انہوں نے یہ ہدایت ایک اجلاس کی صدارت کرتے ہوئے جاری کی جس میں ایڈیشنل کمشنر رائے واجد علی‘ ڈی جی ایف ڈی اے عامر عزیز و دیگر افسران کے علاوہ ایف بی آر کی نمائندہ آفیسر بھی موجود تھیں۔ ڈپٹی کمشنر نے کہا کہ حکومتی ہدایات کی روشنی میں بے نامی جائیدادوں کے سراغ لگانے کے ٹاسک کو کامیاب بنانے کے سلسلے میں متعلقہ محکموں کا فعال اور مخلصانہ کردار بڑی اہمیت کا حامل ہے لہذا ریکارڈ کی جانچ پڑتال کے علاوہ فرضی و جعلی ناموں پر رجسٹرڈ اور مشکوک جائیدادوں کے بارے میں معلومات و تفصیلات جمع کریں۔ انہوں نے کہا کہ بے نامی جائیدادوں کی نشاندہی کے لئے وسیع تشہیری مہم کے ذریعے شہریوں کا تعاون حاصل کیا جائے اور مقررہ اہداف کے حصول کے لئے ایف بی آر ‘ محکمہ ایکسائز سے موثر رابطہ یقینی بنائیں۔ ڈپٹی کمشنر نے واضح کیا کہ ڈیڈ لائن کے بعد بے نامی جائیداد سامنے آنے پر متعلقہ اسسٹنٹ کمشنر ذمہ دار ہو گا۔ اجلاس کو بتایا گیا کہ بے نامی جائیداد کو قانونا جرم قرار دیا گیا ہے جس پر ایک سے سات سال تک قید ہو سکتی ہے۔ منقولہ و غیر منقولہ جائیداد وہ لین دین جو فرضی نام پر ہو جس کے مالک کو علم نہ ہو یا وہ ملکیت سے انکار کرے ،رقم ادا کرنے والے اصل شخص کی شناخت نہ ہو اور منقولہ و غیر منقولہ جائیداد کے مالک نے اس کی خرید کے لئے پیسے خود فراہم نہ کئے ہوں بے نامی جائیداد کے زمرے میں آئےگی جبکہ ٹرسٹیز ‘ ماں باپ ‘ بیوی ‘ خاوند ‘ بہن یا بچوں کے نام جائز و قانونی ذرائع سے منتقل کی گئی منقولہ و غیر منقولہ جائیداد بے نامی تصور نہیں ہو گی۔ اجلاس کے دوران متعلقہ افسران نے بے نامی جائیدادوں کی اب تک حاصل کی گئی رپورٹس سے بھی آگاہ کیا۔
قصور کے بعد ٹوبہ ٹیک سنگھ سے بھی دوکمسن بچوں کی پر اسرار گمشدگی،مقدمہ درج
ٹوبہ ٹیک سنگھ۔ 19 ستمبر (اے پی پی)تحصیل پیر محل کے شہری علاقہ مکہ بلاک سے 2کمسن بچوں 4سالہ عروشہ دختر شعیب اور 3سالہ عبدالحنان ولد تیمور کی پر اسرار گمشدگی کے بعد ضلع بھر میں شہریوں میں خوف وہراس پھیل گیا ہے،جبکہ ڈی پی او وقار قریشی کی ہدایت پر تھانہ پیر محل پولیس نے کمسن بچوں کی گمشدگی پر نامعلوم ملزمان کے خلاف اغواء کا مقدمہ درج کرکے تفتیش شروع کردی ہے،تاحال دونوں کمسن بچوں کا تاحال کوئی سراغ نہیں مل سکا۔اس حوالے سیڈی پی او وقار قریشی نے بتایا کہ ضلع بھر میں پولیس کو ہائی الرٹ کردیا گیا ہے اور جرائم پیشہ عناصر کے خلاف گھیرا تنگ کردیا گیا ہے،بچوں کو جلد تلاش کرلیا جائے گا،جبکہ شہری حلقوں کا کہنا ہے کہ ملک کے دیگر دور دراز علاقوں سے اونٹ اور دیگر مویشی فروخت کیلئے مقامی شہروں میں لانے والے نامعلوم افراد بھی اس طرح کی وارداتوں میں ملوث ہوسکتے ہیں۔
فیسکو کا کوئی افسر یا اہلکار بجلی چوری میں ملوث پایا گیا تو اسے نوکری سے ہاتھ دھونا ہوں گے، چیف ایگزیکٹو فیسکو
فیصل آباد۔ (اے پی پی) فیصل آباد الیکٹر ک سپلائی کمپنی کے چیف ایگزیکٹو نے کہاکہ اگر فیسکو کا کوئی افسر یا اہلکار بجلی چوری میں ملوث پایا گیا تو اسے معطلی کے ساتھ ساتھ نوکری سے بھی ہاتھ دھونا ہوں گے جبکہ کمپنی کے تمام ملازمین صارف دوست رویہ اختیار کریں اور کمبائنڈ ایفیشینسی انڈیکس میں فیسکو کی بہترین پوزیشن کو برقرار رکھنے کیلئے کسی غفلت یا کوتاہی کا مظاہرہ نہ کیاجائے بصورت دیگر ذمہ داران کے ساتھ کوئی رعائت نہیں برتی جائے گی۔ انہوں نے کہاکہ اگر کسی جگہ پر بجلی چوری کے خلاف کاروائی میں کسی تا خیر کامظاہرہ کیاگیاتو اسے برداشت نہیں کیا جائیگا۔ انہوں نے کہاکہ فیسکو نے تمام ڈسٹری بیوشن کمپنیوں میں سب سے زیادہ ریکوری اور سب سے کم لائن لاسز کے ضمن میں بہترین کارکردگی کا مظاہرہ کیاہے تاہم اس مقام کو چیلنج سمجھ کر برقرار رکھنا ہو گا۔ انہوں نے کہاکہ پاور لائنوں پر کام کرنے والے اہلکار حفاظتی آلات کے بغیر کام نہ کریں ور سیفٹی کیلئے اقدامات کو مد نظر رکھا جائے۔ انہوں نے بتایاکہ ٹرانسفارمر ری کلیمیشن ورکشاپ نے بھی پوری استعداد کے ساتھ کام شروع کردیا ہے۔
پنجاب میں زیر کاشت بارانی رقبہ 11.8 ملین ہیکٹر تک پہنچ گیا
فیصل آباد۔ 19 ستمبر (اے پی پی) پنجاب میں زیر کاشت بارانی رقبہ 11.8 ملین ہیکٹر تک پہنچ گیاہے جس میں بارانی گندم کاحصہ 10،چنے کا 90، مسور کا 78، ریپ سیڈ و مسٹرڈ کا 25، مونگ پھلی کا 93، مونگ کا 5، ماش کا 86، جوار کا 58اورباجرے کازیر کاشت رقبہ بھی 40فیصد ہو گیا ہے نیز مختلف زرعی اداروں کے اشتراک و جامعات کے تعاون سے وادی پوٹھوہار میں انگور اور زیتون کی اعلیٰ پیداوار سمیت کاشتکاروں کے معاشی استحکام کیلئے ایک منصوبے کا آغاز بھی کیاجارہاہے جس سے پرائیویٹ نرسریوں پر کام کرنے والے افراد کی تکنیکی صلاحیتوں کو فروغ دینے کیلئے انہیں خصوصی تربیت بھی فراہم کی جائے گی۔محکمہ زراعت کے ذرائع نے بتایاکہ بارانی علاقوں میں زمین کے کٹاؤ کی وجہ سے زراعت کیلئے دستیاب قدرتی وسائل تباہ ہو رہے ہیں اور کاشتکاروں کے پاس وسائل نہ ہونے کی وجہ سے پانی اور کھاد کاموثر استعمال نہیں ہوتا جو فوڈ سکیورٹی کے حصول میں رکاوٹ کا سبب بنتے ہیں۔انہوں نے بتایا کہ زرعی تحقیق کے اداروں نے طویل ریسرچ کے بعدگندم کی9، مونگ پھلی کی 5، زیتون کی 2، آڑو کی 4، ریپ سیڈ اور مسٹر ڈ کی 2، چنا کی3، آم کی 2، ماش کی 1 اور مسور کی 1 نئی قسم بھی دریافت کی ہے جس سے شاندار پیداوار حاصل ہونے کا امکان ہے۔انہوں نے بتایا کہ بارانی علاقہ جات زیتون، انگور اور ترشاوہ پھلوں کی کاشت کیلئے نہایت موزوں ہیں لہٰذان علاقوں میں فصلوں کی بہتر پیداوار لینے کیلئے کاشت کے جدید طریقوں کو رائج کرایاجارہاہے جبکہ پانی کو محفوظ کرنے اورکفایت شعاری سے استعمال کیلئے زیادہ بہتر ٹیکنالوجی پر بھی عملدرآمد شروع کردیا گیاہے۔
آٹو پارٹس ایکسپورٹرز ایسوسی ایشن کا بڑا اعلان
فیصل آباد۔ (اے پی پی) پاکستان آٹو پارٹس ایکسپورٹرز ایسوسی ایشن کے ترجمان نے کہا کہ اگر حکومت مطلوبہ سہولیات فراہم کرے تو پاکستان سے آٹو پارٹس کی برآمدات ایک سال میں 35 کروڑ ڈالر سے بڑھا کر 65کروڑ ڈالر تک پہنچاسکتے ہیں نیز حکومت کو آٹو پارٹس کی برآمدی پالیسی میں تسلسل قائم رکھنے کیلئے اقدامات کو بھی یقینی بناناچاہیے۔ انہوں نے کہاکہ حکومت کو مقامی آٹو انڈسٹری کی حوصلہ افزائی کرنی چاہیے اور اس ضمن میں سٹیک ہولڈرز کی مشاورت سے ایسی پالیسی مرتب کی جائے جس سے برآمدات میں زیادہ سے زیادہ اضافہ کرکے ملک و قوم کیلئے قیمتی زر مبادلہ حاصل کرنا ممکن ہو سکے۔ انہوں نے کہاکہ پاکستان کی آٹو پارٹس مینوفیکچرنگ انڈسٹری اپنے معیار کے لحاظ سے دنیا کی کسی بھی انڈسٹری سے کم نہیں یہی وجہ ہے کہ پاکستان کے تیار کردہ آٹو پارٹس دنیاکی تمام بڑی کمپنیوں کی گاڑیوں میں استعمال ہو رہے ہیں۔ انہوں نے کہاکہ ملک کے مختلف مقامات پر آٹو پارٹس شوز کے انعقاد سے بھی مثبت نتائج حاصل کئے جا سکتے ہیں۔
گندم میں رکھنے والی زہریلی گولیوں کی غیر قانونی فروخت پر پابندی عائد
فیصل آباد۔ (اے پی پی) حکومتی ہدایات کی روشنی میں محکمہ زراعت پنجاب نے گندم میں رکھنے والی زہریلی گولیوں کی کھلے عام غیر قانونی فروخت پر پابندی عائد کردی ہے اور رجسٹرڈ ڈیلرز کے علاوہ عام مقامات پر گولیاں فروخت کرنے کی ممانعت اور رجسٹرڈ ڈیلر ز کو گولیوں کی فروخت کاریکارڈ رکھنے کا بھی حکم دیاگیاہے۔ محکمہ زراعت کے ذرائع نے بتایاکہ اعلیٰ حکومتی شخصیات سمیت محکمہ کے حکام کی جانب سے گندم میں رکھنے والی زہریلی گولیاں کھا کر خود کشی کرنے کی خبروں کی اشاعت کے بعد سختی سے نوٹس لیتے ہوئے مذکورہ گولیوں کی کھلے عام فروخت روکنے کا فیصلہ کیاگیاہے۔ انہوں نے بتایاکہ مختلف شہروں میں محکمہ زراعت توسیع اور شعبہ پیسٹ وارننگ کے حکام نے مختلف مقامات پر اچانک چھاپے مار کر بعض دوکانداروں کے خلاف مقدمات بھی درج کروائے ہیں۔ انہوں نے کہاکہ یہ امر انتہائی تشویشناک ہے کہ گلی محلوں میں کریانہ کی دوکانوں پر بھی یہ گولیاں فروخت کی جا رہی ہیں۔انہوں نے کہاکہ محکمہ زراعت کے حکام پر مشتمل چھاپہ مار ٹیمیں تشکیل دے دی گئی ہیں جو اچانک مختلف علاقوں میں زرعی ادویات کی دوکانوں، پیسٹی سائیڈ ز ڈیلرز، کریانہ سٹورز وغیرہ کی چیکنگ کریں گی اور اگر دوران چیکنگ کسی جگہ پر گندم میں رکھنے والی زہریلی گولیوں کی غیر قانونی فروخت پائی گئی تو ان کے خلاف سخت کارروائی عمل میں لائی جائے گی اور متعلقہ افراد کی گرفتاری کے علاوہ ان کے خلاف فوجداری مقدمات کااندراج بھی کروایا جائیگا۔
شہباز شریف کی رانا ثناء اللہ کی رہائش گاہ آمد، اہل خانہ کو مکمل قانونی و اخلاقی تعاون کی یقین دہانی
قومی اسمبلی میں قائد حزب اختلاف شہباز شریف نے آج رانا ثناء اللہ کے اہل خانہ سے ملاقات کی ہے،
باغی ٹی وی کی رپورٹ کے مطابق شہباز شریف رانا ثناء اللہ کی رہائش گاہ پر آئے جہاں مسلم لیگ کے رہنما رانا ثناء اللہ کی اہلیہ و دیگر اہل خانہ سے ان کی ملاقات ہوئی، اس موقع پر شہبازشریف نے رانا ثناءاللہ کے اہل خانہ کو مکمل قانونی و اخلاقی تعاون کی یقین دہانی کروائی، اس موقع پر رانا ثناء اللہ کے داماد بھی موجود تھے،
ملاقات کے دوران شہباز شریف نے رانا ثناء اللہ اور ان کے اہل خانہ کی سیاسی جدوجہد کی تعریف کی اور کہا کہ رانا ثناء اللہ مسلم لیگ ن کا سرمایہ ہیں اور سیاسی جدوجہد میں ان کی زبردست قربانیاں ہیں،
حکمران جماعت کے وزیر جمہوری دور میں بادشاہت کی مثالیں ہیں
زیر نظر تصویر یقیناً مغلیہ دور کی نہیں جس میں کنیزیں بادشاہ سلامت کے استقبال کے لئے کھڑی ہوں۔ یہ ہمارے آج کے معاشرے کی تصویر ہے، جس میں ہماری طالبات جناب ایم این اے فرخ حبیب صاحب کا استقبال فرما رہی ہیں۔ اور یہ وہ نمائندہ ہیں جو طلبہ تنظیم کو ہیڈ کرتے رہے۔
وفاقی پارلیمانی سیکرٹری برائے ریلوے میاں فرخ حبیب کی گورنمنٹ ڈگری کالج برائے خواتین سمن آباد میں یومِ دفاعِ پاکستان کے حوالے سے منعقدہ تقریب میں شرکت کی ،میاں فرخ حبیب نے پرچم کشائی کی اور طالبات سے پر جوش خطاب کیافیصل آباد میں محکمہ سماجی بہبود کے زیر اہتمام کشمیر ریلی کا انعقاد
فیصل آباد(نمائندہ باغی ٹی وی )محکمہ سماجی بہبود کے زیر اہتمام کشمیریوں سے اظہار یکجہتی کے لئے ریلی نکالی گئی جس کی قیادت ڈائریکٹر سوشل ویلفیئر محمد شاہد رانا نے کی۔ریلی میں ڈپٹی ڈائریکٹر خالد بشیر،سوشل ویلفیئر افسران محمد طاہر،ریحانہ یاسمین ودیگر افسران کے علاوہ سوشل ویلفیئر کے اداروں میں مقیم بچے بھی شریک تھے جنہوں نے کشمیر پاکستان کی شہ رگ ہے اور دیگر تحریروں پر مشتمل بینرز اور پلے کارڈز اٹھا رکھے تھے۔اظہار یکجہتی ریلی سوشل ویلفیئر کمپلیکس ڈی گراؤنڈ سے شروع ہو کر مختلف راستوں سے گزرتی ہوئی واپس کمپلیکس پہنچ کر اختتام پذیر ہوئی۔اس موقع پر ڈائریکٹر سوشل ویلفیئر نے بھارتی جارحیت کی پر زور مذمت کی اور کہا کہ ہمارے دل کشمیری عوام کے ساتھ ڈھڑکتے ہیں اور انہیں کسی موڑ پر تنہا نہیں چھوڑیں گے۔انہوں نے کہا کہ کشمیر پاکستان کی شہ رگ ہے جسے کوئی آزادی سے محروم نہیں کرسکتا۔دیگر مقررین نے بھی کشمیری عوام سے یکجہتی کا اظہار اوران کی حمایت جاری رکھنے کے عزم کااعادہ کیا۔
