Category: گلگت بلتستان

محکمہ موسمیات نے گلگت بلتستان میں برف اور گلیشیئر پگھلنے کی وارننگ جاری کرتے ہوئے سیلاب کا خدشہ ظاہر کیا ہے۔

محکمہ موسمیات کے مطابق خطے میں درجہ حرارت معمول سے 7 سے 9 ڈگری سینٹی گریڈ زیادہ ہے، غیر معمولی گرمی برف پگھلنے کی شرح میں نمایاں ا ضافہ کر رہی ہے جس سے گلیشیل لیک آٹ برسٹ فلڈز کا خطرہ بڑھ رہا ہے،فلڈ فور کاسٹنگ ڈویژن کے مطابق زیادہ سے زیادہ اور کم سے کم درجہ حرارت مسلسل اوسط سے زیادہ ہیں جس کی وجہ سے بڑے پیمانے پر پگھلتی برف ہے جس سے آبی ذخائر میں پانی کی آمد میں اضافہ ہوتا ہے،
اعداد و شمار کے مطابق اگست کے پہلے 10 دنوں تک موجودہ خریف سیزن کے دوران تربیلا کے ذخائر میں پانی کی آمد 41.8 ملین ایکڑ فٹ تک پہنچ گئی جو 36.16 ملین ایکڑ فٹ کی عام موسمی آمد سے 5.64 ملین ایکڑ فٹ زیادہ ہے،محکمہ موسمیات نے خبردار کیا ہے کہ برف کا تیزی سے پگھلنا برفانی جھیلوں کی تشکیل اور توسیع کا باعث بن سکتا ہے جس سے پہاڑوں کے نیچے یا میدانی سطح والے علاقوں میں سیلاب کا سنگین خطرہ ہے۔

محکمہ موسمیات نے متعلقہ حکام اور مقامی افراد پر زور دیا کہ موجودہ صورت حال میں چوکنا رہیں اور خاص طور پر زیادہ متاثرہ وادیوں میں، ممکنہ آفات کے اثرات کو کم کرنے کیلئے جامع حکمت عملی کے تحت اقدامات کو یقینی بنایا جائے،

گلگت بلتستان کے علاقے لگت کے دنیور نالہ میں شدید لینڈ سلائیڈنگ کے باعث 8 مقامی رضاکار ملبے تلے دب کر جاں بحق ہو گئے ہیں۔

پولیس اور مقامی حکام کے مطابق یہ رضاکار سیلاب سے متاثرہ واٹر چینل کی بحالی کے کام میں مصروف تھے کہ اچانک مٹی کا تودہ گر گیا، جس کے نتیجے میں یہ حادثہ پیش آیا۔اسپتال ذرائع کا کہنا ہے کہ جاں بحق ہونے والوں کے علاوہ کئی افراد ابھی بھی ملبے تلے دبے ہوئے ہیں، جن کی بازیابی کے لیے ریسکیو آپریشن جاری ہے۔ اس حادثے میں زخمی ہونے والے 3 افراد کو قریبی اسپتال میں داخل کرایا گیا ہے جہاں ان کا علاج جاری ہے۔ حادثے کے بعد تمام قریبی اسپتالوں میں ایمرجنسی نافذ کر دی گئی ہے تاکہ زخمیوں کو فوری طبی امداد فراہم کی جا سکے۔

صوبائی حکومت کے ترجمان نے اس واقعے پر افسوس کا اظہار کرتے ہوئے کہا ہے کہ گلگت بلتستان میں موسمیاتی تبدیلیاں اور گلیشیئر کے پگھلنے کا سلسلہ تیز ہو چکا ہے، جس کی وجہ سے سیلاب اور لینڈ سلائیڈنگ کے واقعات میں اضافہ ہو رہا ہے۔ شیشپر نالے میں پانی کے بہاؤ میں اچانک اضافے کی وجہ سے سیلاب آیا ہے جس نے نہ صرف آبادیوں کی زمینوں کو نقصان پہنچایا بلکہ قریبی زرعی اراضی اور درخت بھی بہا لیے ہیں۔

مزید برآں، سیلاب کی تباہ کاریوں کی وجہ سے قراقرم ہائی وے شدید متاثر ہوئی ہے اور شاہراہ ہنزہ ایک بار پھر بند ہو گئی ہے۔ صوبائی حکومت نے ہنزہ کے لیے ٹریفک کو نگر کے روڈ سے گزارنے کی ہدایت کی ہے تاکہ مسافروں کو سہولت فراہم کی جا سکے۔ترجمان نے عوام سے اپیل کی ہے کہ وہ موسمیاتی حالات اور حفاظتی ہدایات کا خیال رکھیں اور حکام کی جانب سے جاری کردہ انتباہات پر عمل کریں تاکہ مستقبل میں ایسے المناک حادثات سے بچا جا سکے۔

وزیرِ اعظم محمد شہباز شریف ایک روزہ دورے پر گلگت پہنچ گئے

گلگت پہنچنے پر گلگت بلتستان کے گورنر سید مہدی شاہ اور وزیرِ اعلی گلبر خان نے وزیر اعظم کا استقبال کیا. وزیرِ مواصلات عبدالعلیم خان، وزیرِ اطلاعات و نشریات عطاء اللہ تارڑ، وزیرِ امور برائے کشمیر و گلگت بلتستان انجینئیر امیر مقام، وزیر برائے موسمیاتی تبدیلی ڈاکٹر مصدق ملک، مشیر وزیرِ اعظم رانا ثناء اللہ اور وزیرِ اعظم کے کوارڈینیٹر شبیر عثمانی بھی وزیرِ اعظم کے ہمراہ ہیں. وزیرِ اعظم گلگت میں بارشوں و سیلاب کے متاثرین سے ملاقات کریں گے اور امدادی رقوم تقسیم کریں گے.

وزیر اعظم کو گلگت بلتستان میں حالیہ بارشوں کے نتیجے میں نقصانات کے حوالے سے بریفنگ دی جائے گی. وزیر اعظم گورنر و وزیرِ اعلی گلگت بلتستان سے بھی ملاقات کریں گے.

گلگت بلتستان کے خوبصورت مگر قدرتی آفات سے متاثرہ علاقے وادی بگروٹ میں شدید واقعہ پیش آیا ہے جہاں گلیشیئر پھٹنے کے باعث ایک باپ اور اس کا بیٹا گہری کھائی میں جا گرے۔ مقامی انتظامیہ نے فوری طور پر جائے وقوعہ پر ریسکیو ٹیمیں روانہ کر دی ہیں تاکہ زخمیوں کو تلاش کر کے بچایا جا سکے۔

ادھر ضلع دیامر کے علاقے کھنبری میں بھی مسلسل بارشوں نے تباہی مچا دی ہے۔ شدید سیلاب کی وجہ سے فصلیں، زمینداروں کی زمینیں اور واٹر چینلز شدید نقصان سے دوچار ہوئے ہیں، جس سے مقامی کاشتکاروں کی معاشی حالت مزید متاثر ہوئی ہے۔مزید برآں، شاہراہ بابوسر پر لاپتا سیاحوں کی تلاش کے لیے سرچ آپریشن مسلسل جاری ہے جو 11 ویں روز میں داخل ہو چکا ہے۔ خاص طور پر نجی ٹی وی کی خاتون اینکر اور ان کا خاندان اب تک لاپتا ہیں جس کی وجہ سے انہیں ڈھونڈنے کے لیے خصوصی کوششیں کی جا رہی ہیں۔

گلگت بلتستان حکومت کے ترجمان فیض اللہ فراق نے بتایا ہے کہ صوبے میں ایمرجنسی نافذ کر دی گئی ہے اور سیلابی بحران سے نمٹنے اور متاثرین کی بحالی کے لیے وفاقی حکومت کی فوری توجہ اور امداد درکار ہے تاکہ صوبے کو اس آفت سے جلد از جلد نکالا جا سکے۔مقامی لوگ اور انتظامیہ مل کر ریسکیو اور امدادی کاموں میں مصروف ہیں تاکہ جانی و مالی نقصان کو کم سے کم کیا جا سکے۔ تاہم شدید بارشیں اور خراب موسمی حالات امدادی کارروائیوں میں رکاوٹ بن رہے ہیں۔

گلگت بلتستان، گزشتہ چند روز قبل گلگت بلتستان کے علاقے میں لینڈ سلائیڈنگ کی زد میں آکر زخمی ہونے والی جرمن کوہ پیما لورا ڈاہلمائر کا آج انتقال ہوگیا ہے۔ یہ افسوسناک خبر گلگت بلتستان حکومت کے ترجمان نے تصدیق کی ہے۔

بتایا جاتا ہے کہ 28 جولائی کو دو جرمن خواتین کوہ پیما، جن میں لورا ڈاہلمائر اور کروس مرینہ ایوا شامل تھیں، لیلیٰ پیک کی چوٹی سر کرنے کے دوران لینڈ سلائیڈنگ کا شکار ہوئیں۔ اس حادثے میں کروس مرینہ ایوا کو گزشتہ روز ریسکیو کر کے محفوظ مقام پر منتقل کر دیا گیا تھا، تاہم 31 سالہ لورا ڈاہلمائر لاپتہ تھیں۔ کئی روز کی تلاش کے بعد ان کے انتقال کی تصدیق کی گئی ہے۔لورا ڈاہلمائر جرمنی کی انتہائی کامیاب اور نامور ایتھلیٹس میں شمار کی جاتی تھیں۔ انہوں نے 2018 کے پیونگ چانگ ونٹر اولمپکس میں دو طلائی تمغے جیتے تھے اور مجموعی طور پر 7 عالمی چیمپئن شپ ٹائٹل حاصل کیے تھے، جو ان کی کھیلوں میں مہارت اور کامیابی کا منہ بولتا ثبوت ہے۔ ان کی زندگی اور خدمات کو عالمی کھیلوں کی دنیا میں ہمیشہ یاد رکھا جائے گا۔

گلگت بلتستان کی حکومت اور مقامی انتظامیہ نے لورا ڈاہلمائر کے انتقال پر گہرا دکھ اور افسوس کا اظہار کیا ہے اور ان کے لواحقین کے ساتھ تعزیت کا اظہار کیا ہے۔ حکام نے کہا ہے کہ وہ مستقبل میں ایسے حادثات سے بچاؤ کے لیے حفاظتی اقدامات مزید مضبوط کریں گے تاکہ سیاحوں اور کوہ پیماوں کی جانوں کا تحفظ یقینی بنایا جا سکے۔