کمشنر گوجرانوالہ ڈویژن ذوالفقار احمد گھمن سرکاری محکموں کی کارکردگی میں بہتری اور عوامی مسائل کے بلا تاخیر حل کیلئے متحرک-ایک ہی دن میں ڈی سی آفس، گوجرانوالہ ویسٹ مینجمنٹ کمپنی، گوجرانوالہ چیمبر آف کامرس اینڈ انڈسٹری، میونسپل کارپوریشن اور سیالکوٹی پھاٹک کے قریب بنائے گئے انڈر پاس کا دورہ، کمشنر نے واضح کیا ہے کہ پرو ایکٹیو اپروچ اپناتے ہو ئے سرکاری اداروں کی کارکردگی میں اضافہ اور عوام کے دیرینہ مسائل کے حل کیلئے تمام ممکنہ وسائل بروئے کار لائے جائیں گے – دفاتر سے بلا جواز غیر حاضری اور فرائض میں غفلت کسی بھی صورت قابل برداشت نہیں ہو گی اور ایسے افسران کی انہیں کو ئی ضرورت نہیں ہے – انہو ں نے کہا کہ ان کی ٹیم میں متحرک، فرض شناس اور عوام کی خدمت کا جذبہ رکھنے والے ہی کام کر سکیں گے اور انہو ں نے تمام ڈپٹی کمشنرز کو بھی ہدایات جاری کر دی ہیں کہ وہ خود اور ان کے افسران دفاتر کی بجائے فیلڈ میں نکلیں اور محکموں کی کارکردگی میں بہتری کے ساتھ عام آدمی کو درپیش مسائل کا حل یقینی بنائیں –
ایڈیشنل کمشنر کوارڈ نعمان حفیظ، پی ایس او ندیم بٹ اور دیگر متعلقہ افسران بھی ان کے ہمراہ تھے- ڈی سی آفس آمد پر ڈپٹی کمشنر نائلہ باقر او ران کے سٹاف افسران نے کمشنر کا خیر مقدم کیا- ڈپٹی کمشنر نائلہ باقر کے ہمراہ کمشنر نے ڈی سی آفس کے اندر قائم مختلف دفاتر اور وہاں پر فراہم کی جانے والی سہولیات کا جائزہ لیا – انہو ں نے بطور خاص بطور اے سی صدر اپنی گوجر انوالہ تعیناتی کے دوران زیر استعمال دفتر کا بھی دورہ کیا اور ہدایت کی کہ تمام افسران خود کو عوام کی خدمت کیلئے وقف کر دیں اور عام آدمی کو درپیش مسائل کا حل یقینی بنائیں –
کمشنر نے گوجرانوالہ ویسٹ مینجمنٹ کمپنی کے ایم ڈی عتیق الرحمن کی کارکردگی کو سراہتے ہو ئے انہیں ہدایت کی کہ وہ مزید محنت اور ٹیم ورک کے ساتھ کام کرتے ہو ئے صفاءي ستھراءي کی صورتحال کو بہتربنائیں – انہو ں نے کہا کہ ان کے نامز د افسران ویسٹ میجنمنٹ کے عملہ کی حاضری اور صفائی کے حوالہ سے روزانہ رپورٹ کریں گے اور تساہل کے مرتکب سینٹری ورکرز اور عملہ کے خلاف کارواءي عمل میں لائی جائے گی – انہو ں نے ہدایت کی

کہ 437 ملین کی لاگت سے خریدی جانے والی مشینری اور سامان کی خریداری کاعمل جلد از جلد مکمل کیا جائے اور نومبر کے اختتام تک ویسٹ مینجمنٹ کی کارکردگی میں مزید بہتری واضح طور پر نظر آنی چاہیئے – انہو ں نے کہاکہ تمام سینٹری ورکرز ڈیوٹی پر موجود ہونے چاہیئں اور کمپنی کے پاس موجود مشینری مکمل طورپر آپریشنل بناءي جائے تاکہ صفاءي کے حوالہ سے عوامی شکایات اور مسائل کاخاتمہ ممکن ہو سکے –

کمشنر نے گوجر انوالہ چیمبر آف کامرس کے صدر میاں عمر سلیم اور دیگر عہدیداروں کے ساتھ ملاقات کی – ملکی معیشت میں تاجربرادری کے کردار اور اہیت کو سراہتے ہو ئے کمشنر نے یقین دہانی کراءي کہ تاجر کمیونٹی کو درپیش مسائل اور حکومتی پالیسیوں کے حوالہ سے ان کے تحفظات کو دور کرنے کیلئے ہرممکن اقدام اٹھایا جائے گا- انہوں نے صدر گوجرانوالہ چیمبر کی نشان دہی پر سیالکوٹی پھاٹک کے انڈر پاس کا دورہ کیا اور میونسپل کارپوریشن کے افسران کو موقع پر بلاتے ہو ئے انہیں ہدایت کی کہ چیمبر کے ساتھ مل کر پیدل چلنے والوں کی سہولت کے لئے بنائے گئے اس انڈر پاس کی حالت بہتر بنائی جائے اور حادثات سے بچاؤ اور ٹریفک کے بہاؤ میں آسانی لانے کیلئے اقدامات کئے جائیں – انہو ں نے ہدایت کی سی سی ٹی وی کیمروں اور سیکورٹی کے لئے بھی گوجرانوالہ چیمبر کا تعاون حاصل کیا جائے تاکہ شہری مسائل کے حل کے لئے مدد مل سکے اور انڈر پاس کو پوری طرح سے فنکشنل کیا جاسکے-

کمشنر نے میونسپل کارپوریشن کے دورہ کے موقع پر چیف آفیسر امجد ڈھلوں اور دیگر میونسپل افسران کو واضح ہدایت کی کہ وہ اپنی اور اپنے ماتحت افسران و اہل کاروں کی بر وقت حاضری کو یقینی بنائیں اورمیونسپل سروسز کی بہتری کے لئے تجاوزات کا خاتمہ، غیر قانونی تعمیرات کرنے والوں سے حکومتی واجبات کی وصولی سمیت دیگر انتظامی اقدامات کریں –

سمندر پار پاکستانیوں کی املاک کی حفاظت ریاست کی ذمہ داری ہے تمام محکمے قانونی تقاضے پورے کرتے ہوئے ناجائز قابضین سے املاک واگزار اور سمندر پار پاکستانیوں سے فراڈ کرنے والوں کو قانون کے شکنجے میں لانے کے لیے ذمہ دارانہ کردار ادا کریں تا کہ سمندر پار پاکستانیوں کے حقوق کا تحفظ یقینی بنایا جس سکے۔

ان خیالات کا اظہار ڈپٹی کمشنر نائلہ باقر،چیئر مین ضلعی اوور سیز کمیٹی گوجر انوالہ عاطف افتخار چیمہ اورسٹی پولیس آفیسر ڈاکٹر معین معسود نے اپنے مشترکہ بیان میں کیا۔اجلاس میں کوآرڈینیٹر آفیسر ڈسٹرکٹ اوورسیز کمیٹی رانا محمدعرفان رسول، ممبران اوورسیز کمیٹی (احور طفیل وڑائچ،بلال مہر) اور متعلقہ محکموں کے افسران و نمائندے شریک تھے۔

اجلاس میں سمندر پار پاکستانیوں کی املاک پر ناجائز قبضوں اور فراڈ کیسز اور سرکاری محکموں کی طرف سے فراہم کی جانے والی مختلف خدمات کی عدم فراہمی سمیت دیگر کیسز کا تفصیلی جائزہ لیا گیا اور حقائق کی روشنی میں پولیس،ریونیو، میونسپل کارپوریشن،اسسٹنٹ کمشنرزو ایڈمنسٹریٹرز، نادرا،ایف آئی اے سمیت دیگر محکموں کے افسران کو ہدایات جاری کی گئیں کہ وہ سمندر پار پاکستانیوں کی شکایات کا جلد ازالہ کرتے ہوئے انہیں قانونی حق و ریلیف فراہم کریں۔اجلاس میں سول کورٹس میں زیر التواء کیسز کے متعلق تمام محکموں کو ہدایات جاری کی گئیں کہ وہ اوورسیز کمیشن کی طرف سے فراہم کیے گئے پرفارمے کے ذریعے کیسز کی نوعیت،عدالت آئندہ پیشی سمیت دیگر ضروری تفصیلات ضلعی اوور سیز کمیٹی کو فراہم کریں تا کہ شکایت کنندگان کو رہنمائی فراہم کرتے ہوئے متعلقہ فورم سے رجوع کرنے سمیت مزید کاروائی کی رہنمائی کی جا سکے تا کہ انہیں ان کا قانونی حق دلایا جا سکے۔
اجلاس کوبریفنگ دیتے ہوئے بتایاگیاکہ ضلعی اوور سیز پاکستانیز کمیٹی کواب تک ڈیش بور ڈ پر585کیسز موصول ہو ئے جن میں سے 371 کیسز نمٹا دیئے گئے،78کیسز مزید کاروائی کے لیے سول کورٹس کو بھجوائے گئے جبکہ136 درخواستوں پر محکمانہ کاروائی جاری ہے- ضلعی سطح پر اوورسیز پاکستانیز کمیٹی کی طرف سے اب تک سائلین کی ا ربوں روپے مالیت کی املاک پر ناجائز قبضے ختم کروائے جا چکے ہیں اور انہیں اس پلیٹ فورم پر ریلیف مہیا کیا جا چکا ہے۔

پولیس کے ہاتھوں‌ قتل ہونے والے ذہنی معذور صلاح الدین کے والد نے بیٹے کا قتل کیوں‌ معاف کیا؟ اس کی وجہ انہوں نے مسجد میں کھڑے ہو کر بیان کر دی،

مہاتیر محمد نے بھارت سے تجارت کے متعلق اہم اعلان کر دیا

باغی ٹی وی کی رپورٹ‌ کے مطابق صلاح الدین کے والد محمد افضال نے کہا کہ وہ اللہ رب العزت کی رضا کی خاطر رحیم یار خان پولیس کو بیٹے کا خون معاف کر رہے ہیں، ولیس تشدد سے جاں بحق ہونیوالے صلاح الدین کے والد نے مقدمہ واپس لے لیا ہے اور ڈپٹی کمشنر کی موجود گی میں رحیم یار خان پولیس کو معاف کرنے کا اعلان کیا، مدعی کی طرف سے تین پولیس اہلکاروں کو معاف کرنے کی تقریب گاﺅں گورالی کی مسجد میں ہوئی جس میں ڈپٹی کمشنر، اسٹنٹ کمشنر اور دیگر افراد نے شرکت کی، میڈیا رپورٹس میں‌ بتایا گیا ہے کہ مقتول صلاح الدین کے والد نے دو مطالبا ت منظور ہونے کے عوض پولیس سے صلح کرکے معاف کردیا، تقریب کے دوران حکومت کی جانب سے مقتول صلاح الدین کے والد کے تین مطالبات میں سے دو مطالبات تسلیم کرلئے گئے جن میں ایک چارکلومیٹر سڑک کی تعمیر اور دوسرا گاﺅں کوگیس کی فراہمی شامل ہے،

بھارتی وزیر دفاع کی ہرزہ سرائی پر دیا ترجمان وزارت خارجہ نے منہ توڑ جواب

خورشید قصوری نے پاک فوج کے متعلق ایسی کی بات کہ قوم کا سر فخر سے بلند ہو گیا

واضح رہے کہ صلاح الدین ذہنی طور پر معذور تھا اور اسے مبینہ طور پر اے ٹی ایم مشین توڑنے کے الزام میں گرفتار کیا گیا اور بعد ازاں وہ پولیس اہلکاروں کی زیر حراست قتل ہو گیا تھا،

ماحولیاتی آلودگی اور شاپر بیگ کے خاتمہ کے لیے سول سوسائٹی بھی ضلعی انتظامیہ کے ساتھ میدان میں آگئی،ابتدائی مرحلہ میں سول سوسائٹی نے ڈپٹی کمشنر نائلہ باقر کے ساتھ مل کر 8ہزار ماحول دوست بیگز کی مفت تقسیم کا آغازکر دیا۔

ضلعی انتظامیہ گوجرانوالہ نے تین ماہ قبل شاپر بیگ کے خاتمہ اور شہریوں کو صاف اور صحت مند ماحول فراہم کرنے کے لیے شاپر بیگز کے خلاف مہم کا آغاز کیا تھا اس دوران شہریوں میں مفت کپڑے کے بیگز (دوبارہ قابل استعمال)تقسیم کیے گئے تا کہ شہری شاپر بیگ کا استعمال ترک کر کے اس کے متبادل(کپڑے کے بیگ،برتن)استعمال کریں۔تقریباً دوماہ کی آگاہی مہم کے بعد شاپر بیگ کے خلاف پابندی عائد کر کے دوکانداروں کے خلاف کاروائی کاآغاز کیا گیا جسے شہری و سماجی حلقوں کی طرف سے بے حد سراہا گیا۔اب اس اہم اقدام میں سول سوسائٹی(ایچ۔این کیئر اینڈ کیور سینٹر) بھی اپنا کردار ادا کرنے کے لیے ضلعی انتظامیہ کے ساتھ میدان میں آ گئی ہے جس نے ابتدائی مرحلہ ڈپٹی کمشنر گوجرانوالہ نائلہ باقر کے ساتھ مل کر 8ہزار ماحول دوست کپڑے کے بیگز کی مفت تقسیم کا آغازکر دیاہے جو شہر کی مختلف مارکیٹوں،بازاروں اور عوامی مقامات پر مفت دیے جائیں گے۔

ڈپٹی کمشنر گوجرانوالہ نائلہ باقر نے دیگر سماجی اور عوامی حلقوں سے بھی کہا ہے کہ وہ بھی اس مہم کا حصہ بنیں۔

اس موقع پر (ایچ۔این کیئر اینڈ کیور سینٹر)،اپیکس فاؤنڈیشن کے عہدیداران ،میاں ڈاکٹر عمران، میاں احسان، سجاد مسعود چشتی صدر نجی سکولز اسوسی ایشن سمیت دیگر بھی موجود تھے۔

وزیر آباد : نیو خانکی بیراج ھائی سیکیورٹی رسک بن گیا بیراج پر قائم واحد (پیکٹ ) پولیس چوکی کلوز کردی گئی ،
تفصیلات کے مطابق نیو خانکی بیراج پر محکمہ پولیس کی جانب سے بنائی گئی چوکی کلوز کرنے سے علاقہ میں جرائم کی شراء میں اضافے کا خدشہ ہے جبکہ خانکی وزیرآباد روڈ پر چوکی کٹھوہر کلاں ریلوے پھاٹک پر آۓ روز ہونے والی وارداتوں میں بھی اضافے کا خطرہ بڑھ گیا ہے ، پولیس چوکی خانکی بیراج کا کٹھوہر کلاں چوکی تک موٹر سائیکل گشت کی وجہ سے عوام رات کو بھی بلا خوف و خطرہ سفر کرتے تھے یاد رہے اسی خانکی بیراج پر پولیس چوکی کے ملازمین نے کچھ ماہ قبل لاہور داتا دربار خودکش حملہ آوور کے سہولت کار بھی پکڑے تھے ، نیو خانکی بیراج جو کہ ریڈزون ایریا ہے پر کوئی بڑا حادثہ ہوتا ہے تو اس کی زمہ داری کس کے سر تھوپی جائے یہ ایک سوالیہ نشان بن گیا ہے حکام بالہ نیو خانکی بیراج پر سیکیورٹی کے مناسب انتظامات کریں محکمہ انہار اور سیکیورٹی اداروں کے لئے یہ ایک لمحہ فکریہ ہے

ڈپٹی کمشنر نائلہ باقر کے زیر صدارت پرائس کنٹرول مجسٹریٹس کی کارکردگی کا جائزہ اجلاس،پرائس کنٹرول مجسٹریٹس کو روزانہ کی بنیاد پر چھاپہ مار کاروائیاں مزید تیز کرنے کی ہدایت،ناجائز منافع خوری اور مصنوعی مہنگائی کسی صورت قابل برداشت نہیں۔

اجلاس میں ایڈیشنل ڈپٹی کمشنر(ریونیو)ڈاکٹر ذیشان حنیف،اسسٹنٹ کمشنر ز (سٹی عثمان سکندر،صدر حناء ارشد،کامونکے شاہد عباس جوتہ)ایس این اے تنویر عباس،ڈی او انڈسٹریز محمد طارق شفیق،ڈپٹی ڈائریکٹر زراعت جاوید اختر پڈھیار، تحصیلدار،نائب تحصیلدار اور دیگر افسران شریک تھے۔
ڈپٹی کمشنر نے قیمت پنجاب موبائل ایپ پر موصول ہونے والی شکایات پر عملدرآمد کے سلسلہ میں ہدایت کرتے ہوئے تمام پرائس کنٹرول مجسٹریٹس کو ہدایت کی کہ وہ شہریوں کی شکایات کے حل کے بعد قیمت پنجاب اینڈرائیڈ ایپ یا ڈیش بورڈ پر رپورٹ اپلوڈ کریں تا کہ شکایت کرنے والے سائلین کو ان کی شکایات کے پیش رفت سے متعلق معلومات مل سکیں۔اجلاس میں پنجاب پرفارمنس مینجمنٹ فریم ورک کے تحت افسران کو سونپے گئے ٹاسک اور ذمہ داریوں کے حوالے سے بھی جائزہ لیا گیا اور افسران کو ہدایت کی گئی کہ وہ فیلڈ میں پیش آنے والے مسائل کی نشاندہی کریں تا کہ ان کے حل اور بہتر خدمات کی فراہمی کے لیے حکومتی و ضلعی سطح پر درکار اقدامات کیے جا سکیں۔
ایڈیشنل ڈپٹی کمشنر ریونیو ڈاکٹر ذیشان حنیف اور ایس این اے تنویر عباس نے بریفنگ دیتے ہوئے بتایا کہ جولائی سے اب تک تمام تحصیلوں کے اسسٹنٹ کمشنر ز اور دیگر پرائس کنٹرول مجسٹریٹس کی طرف سے مجموعی طور پر 6849چھاپے مارے گئے جبکہ 2771خلاف ورزیوں پر 1کڑور 9لاکھ روپے سے زائد کے جرمانے عائد کیے گئے،7کے خلاف مقدمات درج کروائے گئے اور 123افراد کو پابند سلاسل کیا گیا۔ڈپٹی کمشنر نے ٹاپ 5پرائس کنٹرول مجسٹریٹس (اسسٹنٹ کمشنر سٹی عثمان سکندرنے 133چھاپوں میں 71خلاف ورزیوں پر 6لاکھ 50ہزار روپے کے جرمانے عائد کیے،اسسٹنٹ کمشنر کامونکے شاہد عباس جوتہ نے 183چھاپوں میں 97خلاف ورزیوں پر3لاکھ 4ہزار روپے کے جرمانے عائد کیے،اسسٹنٹ کمشنر صدر حناء ارشد نے 61چھاپوں میں 16خلاف ورزیوں پر2لاکھ 1ہزار روپے کے جرمانے عائد کیے اور 6افراد کو پابند سلاسل کیا،تحصیلدار محمد ارشد نے 85چھاپوں میں 43خلاف ورزیوں پر1لاکھ 58ہزار روپے کے جرمانے عائد کیے،تحصیلدار سٹی شفیق چشتی نے 77چھاپوں میں 33خلاف ورزیوں پر1لاکھ49ہزار روپے کے جرمانے عائد کیے)کو بہتر کارکردگی پر سراہا اور ناقص کارکردگی کا مظاہرہ کرنے والے مجسٹریٹس کی سرزنش کرتے ہوئے انہیں ہدایت کی کہ وہ اپنے علاقوں میں مصنوعی مہنگائی کی روک تھام کے لیے چھاپہ مار کاروائیاں تیزکریں تا کہ شہریوں کو اشیائے ضروریہ ارزاں نرخوں پر میسر آسکیں۔