Category: گوجرانوالہ

صحت انصاف کارڈ کی تقسیم کے سلسلہ میں میونسپل کارپوریشن ہال گوجرانوالہ میں منعقدہ تقریب سے خطاب کرتے ہوئے

ریجنل پولیس آفیسر طارق عباس قریشی اور ڈپٹی کمشنر نائلہ باقر

نے کہا کہ صحت انصاف کارڈ حکومت پنجاب اور حکومت پاکستان کا احسن اقدام ہے جس سے ملک بھر کی طرف گوجرانوالہ کے مستحق اور غریب شہری صحت کی معیاری سہولیات اپنی مرضی کے کسی نجی و سرکاری ہسپتالوں سے علاج کی سہولیات حاصل کر سکیں گے۔انہوں نے مزید کہا کہ صحت انصاف کارڈ کی تقسیم کے حوالے سے شفافیت کو یقینی بنایا جائے گا تا کہ مستحق افراد ہی حکومتی صحت دوست پالیسی سے استفادہ حاصل کر سکیں جو محدود وسائل کے باعث ان سہولیات سے استفادہ حاصل کرنے سے قاصر ہیں۔انہوں نے کہا کہ ایک خاندان صحت کارڈ کے ذریعے 7لاکھ 20ہزار تک علاج کسی بھی معیاری ہسپتال سے کرواسکے گا۔
. انہوں نے کہا کہ وہ امید کرتے ہیں کہ صحت انصاف کارڈ کو غلط استعمال نہیں کیا جائے گا اور نہ ہی غلط بلز کے ذریعے سرکاری خزانے کو نقصان پہنچانے کی کوشش کی جائے گی۔

حکومتی جماعت کے مقامی رہنماؤں (چوہدری صدیق مہر،رضوان اسلم بٹ،افضل چیمہ)نے بھی تقریب سے خطاب کرتے ہوئے کہا کہ موجودہ حکومت عوام کی فلاح و بہبود کے متعدد منصوبوں پر کام کر رہی ہے صحت انصاف کارڈ کی فراہمی بھی اسی اقدام کا حصہ ہے جو وزیر اعظم پاکستان اور وزیر اعلی پنجاب کا ویژن و مشن ہے۔

ڈپٹی کمشنر نائلہ باقر کی ہدایت پر سیکرٹری ڈسٹرکٹ ریجنل ٹرانسپورٹ اتھارٹی قیصر امین کی زیر صدارت D کلاس بس اسٹینڈز اور ویگن اڈوں کے منیجرز کا اجلاس منعقد،ڈینگی پر قابو پانے کے لیے مزید سخت اقدامات اور متوقع سموگ سے نمٹنے بارے ہدایات جاری۔

تفصیلات کے مطابق سیکرٹری ڈی آر ٹی اے نے انسداد ڈینگی اقدامات میں مزید تیزی اور متوقع سموگ کے قبل از وقت تدارک اور بچاؤ کے لیے Dکلاس اسٹینڈز کے منیجرز کو ہدایات جاری۔انہوں نے اجلاس کے شرکاء سے ہدایت کی کہ ڈینگی اقدامات میں تیزی لاتے ہوئے روزانہ کی بنیاد پر اسٹینڈز کی صفائی ستھرائی کروائیں،کسی بھی جگہ پانی کھڑا نہ ہونے دیں اس سلسلہ میں شہریوں کی آگاہی کے لیے اپنے اپنے اسٹینڈز اور گاڑیوں پر ڈینگی سے متعلق آگاہی پر مشتمل بینرز،پینا فلیکسز آویزاں کریں تا کہ شہریوں میں آگاہی کے ساتھ ساتھ ڈینگی پر قابو پایا جا سکے۔انہوں نے حکومت پنجاب کی ہدایات کی روشنی میں متوقع سموگ سے نمٹنے کے لیے شرکاء کو ہدایت کی کہ وہ دھواں چھوڑنے والی تمام قسم کی گاڑیوں کے فلٹرز وغیرہ تبدیل کروائیں تا کہ شہر میں آلودگی نہ پھیلے جو شہر یوں کی زندگی کے لیے خطرے کا باعث بنیں۔ انہوں نے کہا کہ ہدایات پر عملدرآمد نہ کرنے والے بس اسٹینڈز،اڈوں اور گاڑیوں کے خلاف کریک ڈاون کیا جائے گا جسمیں مقدمات کا ندراج،جرمانے اور دیگر قانونی کاروائیاں عمل میں لائی جائیں گی۔

نوشہرہ ورکاں۔ (اے پی پی) نواحی گاؤں مٹو بھائیکے میں بھائی محمد عمر کے ہاتھوں اچانک پستول کا فائر چلنے سے سامنے بیٹھا حقیقی بھائی احسن رضا شدید زخمی ہو گیا جسے بروقت گوجرانوالہ ہسپتال منتقل کیا گیا لیکن راستے میں ہی جاں بحق ہو گیا۔نوشہرہ ورکاں پولیس نے والدہ نسرین بی بی کی رپورٹ پر عمر کے خلاف قتل کا مقدمہ درج کر لیا۔ درج شدہ رپورٹ کے مطابق ملزم اور مقتول والدہ اور دیگر فیملی کے ہمراہ گھر میں بیٹھے تھے کہ اچانک واقعہ رونما ہوا۔ پولیس مصروف تفتیش ہے۔

گوجرانوالہ
نیب نے پی ایچ اے گوجرانوالہ میں مبینہ کرپشن کی تحقیقات شروع کردیں، نیب کی تین رکنی ٹیم نے آج پی ایچ اے کمپلیکس پر چھاپہ مار کر پانچ سالوں میں لگائے گئے کروڑوں روپے کے فنڈز اور سابقہ دور میں ہونے والی تقرریوں کا ریکارڈ قبضے میں لے لیا

نیب کی تین رکنی ٹیم آج پی ایچ اے کمپلیکس پہنچی جہاں انہوں نے پانچ سالوں میں کروائے جانے والے تمام ترقیاتی کاموں کا ریکارڈ قبضے میں لے لیا، ان میں گوجرانوالہ میں کروڑوں روپے کی لاگت سے بنائے جانے والے 50 پارکس، جی ٹی روڈ پر لگائے جانے والے500 سے زیادہ کھجور کے درختوں کی مہنگے نرخوں پر خریداری، شہر کی اہم شاہراہوں پر بنائی جانے والی گرین بیلٹس شامل ہیں، سال 2014 سے 2018 تک کے عرصے کے دوران پی ایچ اے کے چیئرمین ن لیگی ایم پی اے توفیق بٹ تھے جن پر مبینہ کرپشن اور بے ضابطگیوں کے الزامات ہیں، ان الزامات کی انکوائری نیب لاہور میں زیرسماعت ہے، ابتدائی تحقیقات کے دوران انکشاف ہوا ہے کہ کاروباری افراد، فیکٹریوں اور پلازوں کے مالکان سے گرین بیلٹس کے نام پر کروڑوں روپے اکٹھے کئے گئے، اور سرکاری فنڈز سے بھی رقم کا اجرا کیا گیا، پی ایچ اے کی انتظامیہ نے میڈیا کو بتایا کہ نیب لاہور کی ٹیم اہم مالی معاملات، ٹھیکوں، درختوں و پودوں کی خریداری اور سابقہ دور میں ہونے والی تقرریوں کی کی فائلیں اپنے ہمراہ لے گئے ہیں، لیگی حکومت کے دور میں بنائی گئی گرین بیلٹس اور پارکس میں بڑے پیمانے پر گھپلوں کے انکشاف ہوئے ہیں جن کی تحقیقات کی جارہی ہیں، نیب ٹیم لیگی دور میں پی ایچ اے کی جانب سے بنائے گئے تمام پروجیکٹس کا دورہ بھی کرے گی، بڑے پیمانے پر کرپشن شکایات کے باعث کارروائی عمل میں لائی گئی۔
(تصویر میں PHA کے سابق چیئرمین توفیق بٹ ہے)

گوجرانوالہ شیخوپورہ روڈ پر جلد تعمیراتی کام شروع کرنے کے سلسلہ میں اسسٹنٹ کمشنرنوشہرہ ورکاں حیدرخان کی زیرقیادت نائب تحصیلدار شاہدممتاز کی زیرنگرانی تجاوزات ختم کرانے کے لیے (قلعہ مصطفی آباد،کوٹ نثارشاہ اور گھمن والا)میں آپریشن مکمل کرلیاگیاہے۔
آپریشن میں محکمہ مال، محکمہ شاہرات،پولیس ودیگر محکموں کے اہلکاروں نے حصہ لیا۔ روڈ کی جلد تعمیر سے اہل علاقہ اور دیگر اضلاع کے مسافر مستفید ہونگے۔

روڈ کی تعمیر پر 1385.940ملین لاگت سے 43 کلو میٹر طویل گوجرانوالہ شیخوپورہ روڈ کو دورویہ بنانے کا منصوبہ جدید سفری سہولتوں کی فراہمی اور موٹروے تک رسائی کے حوالہ سے اہم سنگ میل ثابت ہوگا۔