Category: اسلام آباد

وزیرِ خزانہ محمد اورنگ زیب کا کہنا ہے کہ 25 کروڑ کی آبادی کو حکومت روزگار نہیں دے سکتی، حکومت کا کام نوکریاں دینا نہیں، نجی شعبہ ہی روزگار کے مواقع پیدا کرتا ہے۔

لاہور میں ایف پی سی سی آئی میں خطاب کرتے ہوئے انہوں نے کہا کہ معیشت کی ڈیجیٹلائزیشن سے شفافیت آئے گی، محصولات میں اضافہ ہو گا، تنخواہ دار طبقہ زیادہ ٹیکس دیتا ہے، تنخواہ دار طبقے کو ریلیف دینا ہے، تعمیراتی شعبے میں کام ہو رہا ہے، ٹیکس نیٹ کو وسیع کر رہے ہیں، ہم ریئل اسٹیٹ سیکٹر کو الگ اور تعمیرات کے سیکٹر کو الگ دیکھتے ہیں، تعمیراتی سیکٹر سے دیگر سیکٹرز منسلک ہیں، جہاں بھی آپ کو دقت ہو گی ہم مسائل کو حل کریں گے، ٹیکسٹائل سیکٹر کے معاملات دیکھ رہے ہیں، 10 سے 12 دن دے دیں، ٹیکسٹائل سیکٹر کے لیے جلد کچھ نہ کچھ کریں گے، پراپرٹی سیکٹر کے متعدد ٹیکسوں کی شرح کی کمی پر غور کریں گے، ہمیں مختلف سیکٹرز کے ایشوز کے ساتھ اپنے فنانس کو دیکھنا ہوتا ہے۔

محمد اورنگزیب کا کہنا ہے کہ آئی ایم ایف کے ساتھ معاہدے کے مثبت اثرات سامنے آنا شروع ہو گئے ہیں، ملکی معیشت پر عالمی اداروں کا اعتماد بحال ہو رہا ہے، پاکستان کی معیشت استحکام اور ترقی کی راہ پر گامزن ہے، معاشی نظم و ضبط کے لیے سخت مگر ضروری فیصلے کیے، پاکستان کی معیشت ڈیفالٹ کے خطرے سے دو چار تھی، 2022ء کے سیلاب نے ہماری معیشت پر گہرا اثر ڈالا مگر 2025ء کے سیلاب کے نقصانات کو برداشت کرنے کے ہمارے پاس وسائل موجود تھے، آئی ٹی ایکسپورٹس پاکستان کا مستقبل ہیں، یہ آئی ٹی ایکسپورٹس 3 سے 4 ارب ڈالرز کی ہیں، آئی ٹی سیکٹر برآمدات میں کردار ادا کر سکتا ہے، آئی ٹی سیکٹر 8 سے 10 ارب ڈالرز برآمدات کا پوٹینشل رکھتا ہے، آئی ٹی سیکٹر سارا پیسہ پاکستان نہیں لا رہا، 4 سے 5 ارب ڈالرز باہر رکھتے ہیں، برآمدات کی مد میں سارا پیسہ واپس ملک میں آنا چاہیے، اسٹیٹ بینک کے زرِمبادلہ کے ذخائر میں مسلسل اضافہ ہو رہا ہے، حکومتی پالیسیوں کے باعث مہنگائی کی شرح میں ریکارڈ کمی ہوئی، عام آدمی کو ریلیف فراہم کر رہے ہیں، تنخواہ دار طبقے کو ریلیف دینا ہے، تنخواہ دار طبقہ زیادہ ٹیکس دیتا ہے۔

اسلام آباد: وفاقی دارالحکومت اسلام آباد میں مبینہ خاتون خودکش حملہ آور کی موجودگی سے متعلق سوشل میڈیا پر زیر گردش پیغام کو مکمل طور پر جعلی اور من گھڑت قرار دے دیا گیا ہے۔

ذرائع کے مطابق مختلف سوشل میڈیا پلیٹ فارمز پر ایک پیغام وائرل ہو رہا ہے جس میں دعویٰ کیا گیا ہے کہ اسلام آباد میں ایک مشتبہ خاتون خودکش حملہ آور کی موجودگی کے حوالے سے سیکیورٹی الرٹ جاری کیا گیا ہے۔ تاہم متعلقہ حکام نے واضح کیا ہے کہ اس نوعیت کا کوئی بھی الرٹ کسی مجاز ادارے کی جانب سے جاری نہیں کیا گیا۔

باخبر ذرائع کے مطابق یہ پیغام بدنیتی پر مبنی اور عوام میں خوف و ہراس پھیلانے کی کوشش ہے۔ حکام نے تصدیق کی ہے کہ دارالحکومت میں سیکیورٹی کی صورتحال معمول کے مطابق ہے اور کسی غیر معمولی خطرے کی اطلاعات نہیں ہیں۔ سوشل میڈیا پر جھوٹی معلومات پھیلانے والوں کے خلاف قانون کے مطابق کارروائی عمل میں لائی جا سکتی ہے، لہٰذا عوام ذمہ داری کا مظاہرہ کریں اور افواہوں کو آگے پھیلانے سے گریز کریں۔

اسلام آباد ہائیکورٹ میں عمران خان کی توشہ خانہ بلغاری سیٹ کیس میں سزا معطلی کی درخواست دائر کر دی گئی

درخواست بیرسٹر سلمان صفدر اور خالد یوسف چوہدری ایڈووکیٹ کے توسط سے دائر کی گئی ہے،درخواست میں استدعا کی گئی ہے کہ اپیل پر حتمی فیصلے تک عمران خان کی سزا معطل کر کے انہیں رہا کیا جائے، عمران خان کی دائیں آنکھ میں خون کا لوتھڑا بننے کی وجہ سے نظر شدید متاثر ہوئی ہے اور بینائی صرف 15 فیصد رہ گئی ہے، پمز ہسپتال کے ڈاکٹر محمد عارف کی رپورٹ کے مطابق عمران خان آنکھ کی تکلیف کا علاج جیل کی حدود میں ممکن نہیں ہے، عمران خان کی عمر 73 سال ہے اور ان کی مسلسل قید ان کی صحت کے لیے سنگین خطرہ بن سکتی ہے، اسپیشل جج سینٹرل ون اسلام آباد نے 20 دسمبر 2025 کو عمران خان کو غیر قانونی طور پر سزا سنائی، ٹرائل کورٹ نے عمران خان کو دفعہ 409 پی پی سی کے تحت 10 سال قید اور 1 کروڑ 64 لاکھ 25 ہزار 650 روپے جرمانے کی سزا سنائی، ٹرائل کورٹ نے کرپشن کی روک تھام کے قانون کی دفعہ 5(2) کے تحت کو مزید 7 سال قید کی سزا بھی سنائی، عمران خان پر ایک ہی الزام میں دو مختلف قوانین کے تحت سزائیں دینا قانون کی خلاف ورزی اور ڈبل جیپرڈی کے زمرے میں آتا ہے،عمران خان پبلک سرونٹ کی تعریف میں نہیں آتے، اس لیے ان پر دفعہ 409 کا اطلاق غلط کیا گیا،توشہ خانہ پالیسی کے تحت تحائف کی قیمت کا 50 فیصد ادا کر کے انہیں قانونی طور پر اپنے پاس رکھا گیا تھا، سیاسی مخالفین کے ایما پر ایف آئی اے اور نیب جیسے اداروں کو سیاسی انتقام کے لیے استعمال کیا جا رہا ہے،وعدہ معاف گواہ صہیب عباسی اور گواہ انعام اللہ شاہ کے بیانات میں تضادات سے بھرپور ہیں،

چیئرمین سینیٹ سید یوسف رضا گیلانی نے انٹر پارلیمانی یونین کی صدر ڈاکٹر ٹولیا ایکسن سے اہم ملاقات کی، جس میں عالمی جمہوریت، پارلیمانی سفارت کاری، کثیرالجہتی تعاون اور باہمی روابط کے فروغ پر تفصیلی تبادلہ خیال کیا گیا۔

ملاقات کے دوران پاکستان نے عالمی سطح پر جمہوری اقدار کے استحکام اور بین الپارلیمانی مکالمے کے فروغ کے لیے اپنے عزم کا اعادہ کیا۔چیئرمین سینیٹ نے اس موقع پر انٹر پارلیمانی یونین کو عالمی جمہوریت، مکالمے اور پارلیمانی ہم آہنگی کا ایک مؤثر اور فعال پلیٹ فارم قرار دیتے ہوئے کہا کہ پاکستان اس فورم کو عالمی مسائل کے حل کے لیے انتہائی اہم سمجھتا ہے۔ انہوں نے کہا کہ پاکستان کی جانب سے انٹر پارلیمانی یونین کی اسمبلیوں اور مختلف کمیٹیوں میں فعال اور بامعنی شرکت جاری ہے اور مستقبل میں بھی یہ سلسلہ مزید مضبوط بنایا جائے گا۔

سید یوسف رضا گیلانی نے امن، پائیدار ترقی اور ماحولیاتی تعاون کے فروغ پر زور دیتے ہوئے کہا کہ موجودہ دور میں موسمیاتی تبدیلی ایک سنگین عالمی چیلنج بن چکی ہے۔ انہوں نے اس بات پر زور دیا کہ موسمیاتی تبدیلی کے اثرات سے نمٹنے کے لیے انٹر پارلیمانی یونین کے ساتھ قریبی تعاون وقت کی اہم ضرورت ہے، بالخصوص ترقی پذیر ممالک کو درپیش ماحولیاتی خطرات کے تناظر میں اجتماعی حکمت عملی اپنانا ناگزیر ہے۔ملاقات میں خواتین کی سیاسی شمولیت اور صنفی مساوات کے فروغ میں انٹر پارلیمانی یونین کے کردار کو سراہا گیا۔ چیئرمین سینیٹ نے کہا کہ پاکستان خواتین کو بااختیار بنانے کے لیے سنجیدہ اقدامات کر رہا ہے اور پارلیمنٹ میں خواتین کی نمائندگی کو یقینی بنانے کے لیے آئینی و قانونی اقدامات کیے گئے ہیں۔ اس ضمن میں انہوں نے بینظیر انکم سپورٹ پروگرام کو خواتین کے معاشی استحکام اور سماجی تحفظ کا ایک مؤثر پروگرام قرار دیا، جس کے ذریعے لاکھوں خواتین کو مالی معاونت فراہم کی جا رہی ہے۔

گفتگو کے دوران چیئرمین سینیٹ نے کشمیر اور فلسطین کے مسائل پر پاکستان کے اصولی مؤقف کا اعادہ کرتے ہوئے کہا کہ دونوں تنازعات کا حل اقوام متحدہ کی قراردادوں اور متعلقہ فریقین کی خواہشات کے مطابق ہونا چاہیے۔ انہوں نے عالمی برادری پر زور دیا کہ وہ انسانی حقوق کی پامالیوں کا نوٹس لے اور انصاف پر مبنی حل کے لیے اپنا کردار ادا کرے۔ملاقات میں پاکستان اور انٹر پارلیمانی یونین کے درمیان ادارہ جاتی روابط اور تکنیکی تعاون کو مزید فروغ دینے کی تجویز بھی زیر غور آئی۔ اس بات پر اتفاق کیا گیا کہ پارلیمانی استعداد کار میں اضافے، قانون سازی کے معیار کو بہتر بنانے اور تجربات کے تبادلے کے لیے مشترکہ اقدامات کو وسعت دی جائے گی۔

ڈاکٹر ٹولیا ایکسن نے پاکستان کی پارلیمانی سرگرمیوں اور انٹر پارلیمانی یونین میں فعال شرکت کو سراہتے ہوئے جمہوریت، امن اور ترقی کے فروغ کے لیے باہمی تعاون جاری رکھنے کے عزم کا اظہار کیا۔یہ ملاقات عالمی سطح پر پاکستان کی پارلیمانی سفارت کاری کو مستحکم بنانے اور کثیرالجہتی فورمز پر مؤثر کردار ادا کرنے کی کوششوں کا تسلسل قرار دی جا رہی ہے۔