Category: کراچی

سرجانی ٹاون قتل کی واردات کا معمہ حل
خون سفید ہوگیا جائیداد کی لالچ میں بیٹے نے باپ کو قتل کردیا۔

3 جولائی کی رات کو سرجانی زیرو پوائنٹ سے 50 برس کے زرم خان کی سر کچلی لاش ملی تھی۔ قتل کی واردات کا مقدمہ مقتول کے بیٹے آصف کی مدعیت میں درج کیا گیا۔

قتل کے واقعے کو بیٹے نے ڈکیتی کا رنگ دینے کی کوشش کی۔دوران تفتیش معلوم ہوا کہ مدعی مقدمہ نے ایف آئی آر میں اپنا غلط نام لکھوایا ۔دوران تفتیش انکشاف ہوا کہ مقتول کو اسکے بیٹے عجب خان نے اپنے دوست کے ساتھ ملکر قتل کیا ۔

مقتول اپنے والد کی جائیداد ہتھیانا چاہ رہا تھا۔ تفتیشی ذرائع سے معلوم ہوا ہے کہ ملزم نے اپنے دوست کی مدد سے والد کو زیرو پوائنٹ بلوایا ملزم نے دوست کے ساتھ ملکر والد کا سر پتھر سے کچل کر اسے قتل کردیا۔

پولیس نے ملزم عجب خان کو گرفتار کرلیا اور اسکے دوست ریاض کی تلاش میں چھاپے مارے جارہے ہیں۔

سندھ حکومت کی ویب سائٹ پر انتقال کر جانے والے رہنماؤں کے نام بدستور کابینہ فہرست میں شامل ہیں۔

ایکسپریس نیوزکے مطابق سندھ حکومت کےعجب کارناموں میں سے ایک اور کارنامہ سامنے آیا ہے، سندھ حکومت کی ویب سائٹ پر انتقال کر جانے والے رہنماؤں کےنام بدستور کابینہ فہرست میں شامل ہیں، اور مرحومین کے نام اہم محکموں کی ذمہ داریاں بھی درج ہیں۔

پیپلزپارٹی کے رہنما غلام مرتضی بلوچ کےانتقال کو ایک سال کا عرصہ گزر چکا ہے، لیکن سندھ حکومت کی ویب سائٹ پرمرتضی بلوچ کا نام تاحال بطور وزیر موجود ہے.

اسی طرح وزیراعلی سندھ کےمشیر اعجاز شیرازی کےانتقال کو کئی ماہ گزرگئے اور ان کا نام تاحال سندھ کابینہ کی فہرست میں شامل ہے، وزیراعلی سندھ کےمعاون خصوصی راشد ربانی کا انتقال اکتوبر 2020میں انتقال ہوا تھا.

لیکن ان کا نام ویب سائٹ پر تاحال معاون خصوصی سیاسی امور کےطور پر موجود ہے، جب کہ وزیراعلی سندھ کی معاون خصوصی نسیمہ بلوچ انتقال کرچکی ہیں، سندھ حکومت کی ویب سائٹ پر نسیمہ بلوچ کا نام کابینہ کی فہرست میں شامل ہے۔

برطانیہ کی رکن پارلیمنٹ نازشاہ نے پاکستان کو کورونا کی ریڈ لسٹ میں برقرار رکھنے کے برطانوی حکومت کے فیصلے پر شدید تنقید کی ہے۔

ایک بیان میں ناز شاہ نے کہاکہ حکومت نے پہلے بھارت کو ریڈ لسٹ میں ڈالنے کے معاملے پر بھی تاخیر کی ۔ ناز شاہ کا کہنا تھا کہ بھارت کو تاخیر سے ریڈ لسٹ میں ڈالنےکی وجہ سے برطانیہ کو ڈیلٹا ویرینٹ کا سامنا کرنا پڑا ۔

انہوں نے کہا کہ کورونا پھیلاؤ کی کم شرح کے باوجود پاکستان کو مسلسل ریڈ لسٹ میں رکھا جارہا ہے ، حکومتی فیصلہ سیاسی بنیادوں پر مبنی ہے جس میں سائنس کو بدستور نظر انداز کیا گیا ۔

خیال رہے کہ برطانیہ نے کورونا کے ڈیلٹا ویرینٹ کے گڑھ بھارت کو کورونا کی ریڈ لسٹ سے نکالنے کا اعلان کردیا ہے جب کہ پاکستان اس فہرست میں بدستور موجود ہے حالانکہ پاکستان میں کورونا کیسز بھارت سے کہیں زیادہ کم ہیں۔

برطانوی اعلان کے مطابق پاکستان سے آنے والوں کو ہوٹل میں قرنطینہ کرنا ہوگا اور 12 اگست سے ریڈ لسٹ میں شامل ممالک سے آنے والوں سے قرنطینہ کی مد میں زائد رقم وصول کی جائےگی۔

نئے حکم نامے کے بعد ایک بالغ شخص کے قرنطینہ کے اخراجات 1750 سے بڑھ کر 2285 پاونڈ ہوجائیں گے جب کہ دوسرے بالغ شخص کے لیے 1430 پاؤنڈ ادا کرنا ہوں گے۔

پاکستان اسٹاک مارکیٹ میںجمعرات کو مندی کا رجحان رہا ،کے ایس ای 100انڈیکس 47700پوائنٹس سے گھٹ کر 47600پوائنٹس کی سطح پر آگیا جبکہ مارکیٹ کے سرمائے میں 7ارب روپے سے زائد کی کمی ریکارڈ کی گئی ،کاروباری مندی کے سبب 53.45فیصد حصص کی قیمتیں گھٹ گئیں۔پاکستان اسٹاک مارکیٹ میں جمعرات کو کاروبار کا آغاز مثبت ہوا جس کی وجہ سے انڈیکس47897پوائنٹس کی سطح کو چھو گیا تاہم سرمائے کے انخلااور پرفٹ ٹیکنگ کی خاطر فروخت کے دبا کے سبب انڈیکس کی الٹی گنتی شروع ہو گئی اور کاروبار کے اختتام پر کے ایس ای100انڈیکس میں 149.00پوائنٹس کی کمی واقع ہوئی جس کے نتیجے میں انڈیکس 47789.88پوائنٹس سے کم ہو کر 47640.88پوائنٹس ہو گیا ،اسی طرح 52.95پوائنٹس کی کمی سے کے ایس ای 30انڈیکس 19095.89پوائنٹس سے گھٹ کر 19042.94پوائنٹس پرآگیا جبکہ کے ایس ای آل شیئرز انڈیکس32664.17پوائنٹس سے کم ہو کر32635.99پوائنٹس پر بند ہوا ۔
کاروباری مندی کے سبب مارکیٹ کے سرمائے میں7ارب22کروڑ27لاکھ3ہزار547روپے کی کمی ریکارڈ کی گئی جس کے نتیجے میں سرمائے کا مجموعی حجم 83کھرب 71ارب65کروڑ23لاکھ90ہزار283روپے سے گھٹ کر 83کھرب64ارب42کروڑ96لاکھ 86ہزار736روپے ہو گیا ۔پاکستان اسٹاک مارکیٹ میںجمعرات کو 15ارب روپے مالیت کی54کروڑ58لاکھ 10ہزار حصص کے سودے وہئے جبکہ بدھ کو 15ارب روپے مالیت کے 53کروڑ29لاکھ 51ہزار حصص کے سودے ہوئے تھے ۔

کراچی میں ایک بد بخت بیٹے نے جائیداد کی لالچ میں اپنے باپ کو پتھر مار کر موت کے گھاٹ اُتار دیا۔ تفصیلات کے مطابق کراچی کے علاقے سرجانی ٹاؤن زیرو پوائنٹ سے 3 جولائی کی رات 50 سالہ زرم خان کی سر کچلی ہوئی لاش ملی تھی قتل کے واقعے کو بیٹے نے ڈکیتی کا رنگ دینے کی کوشش کی تھی۔ پولیس کا کہنا ہے کہ جائیداد کی لالچ میں بیٹے نے باپ کو پتھر مار کر قتل کیا۔
لیکن ملزم نے اپنی مدعیت میں مقدمہ درج کروایا تھا کہ اس کے والد کو نامعلوم ملزمان نے پتھر مار مار کر قتل کیا تھا۔ پولیس کا کہنا ہے کہ تحقیقات میں پتا چلا کہ مدعی مقدمہ بیٹا ہی باپ کا قاتل ہے، قاتل بیٹے نے واقعے کو ڈکیتی کا رنگ دینے کی کوشش کی۔دوران تفتیش انکشاف ہوا کہ مدعی مقدمہ نے ایف آئی آر میں اپنا غلط نام لکھوایا جبکہ تفتیش میں انکشاف ہوا کہ مقتول کو اس کے بیٹے عجب خان نے اپنے دوست کے ساتھ مل کر قتل کیا جو کہ جائیداد ہتھیانا چاہتا تھا۔
ملزم نے دوست کی مدد سے والد کو زیرو پوائنٹ پر بلوایا تھا، جہاں اس نے اپنے باپ کو قتل کر دیا۔ پولیس نے تمام شواہد کی روشنی میں مقتول کے بیٹے ملزم عجب خان کو گرفتار کرلیا جبکہ اس کے دوست ریاض کی تلاش کے لیے چھاپے مارے جا رہے ہیں۔ یاد رہے کہ کچھ عرصہ قبل ایسا ہی ایک واقعہ نیو کراچی کے علاقے سیکٹر الیون ڈی میں پیش آیا تھا جہاں بدبخت بیٹے نے جائیداد کے تنازع پر باپ کو قتل کردیا تھا۔

بیرسٹر مرتضیٰ وہاب نے ایڈمنسٹریٹرکراچی کا چارج سنبھال لیا، اس موقع پر میونسپل کمشنرکراچی دانش سعیداوردیگر افسران نے ان کا استقبال کیا۔

تفصیلات کے مطابق ایدمنسٹریٹر کراچی بیرسٹرمرتضیٰ وہاب کے ایم سی بلڈنگ پہنچے ، جہاں انھوں نے ایڈمنسٹریٹرکراچی کاچارج سنبھالا، اس موقع پر میونسپل کمشنرکراچی دانش سعیداوردیگر افسران نے ان کا استقبال کیا۔

ایڈمنسٹریٹرکراچی بیرسٹرمرتضیٰ وہاب نے کی کےایم سی کے افسران سے تعرفی ملاقات کی۔

یاد رہے گذشتہ روز سندھ حکومت کی جانب سے مرتضیٰ وہاب کی بطور ایڈمنسٹریٹر کراچی تعیناتی کا نوٹیفکیشن جاری کیا گیا تھا.

اس موقع پر مرتضیٰ وہاب نے کہا تھا کہ پارٹی کا شکر گزار ہوں کہ مجھے بڑی ذمہ داری دی جارہی ہے.

کراچی کے مسائل حل کرنے کی کوشش کروں گا اور تمام اسٹیک ہولڈرز کو ساتھ لے کر چلوں گا۔

یاد رہے رواں ماہ سندھ حکومت نے ایڈمنسٹریٹر کراچی تبدیل کرنے کا فیصلہ کیا تھا ،ذرائع کا کہنا تھا کہ چیئرمین پیپلز پارٹی بلاول بھٹو کی ہدایت پر مرتضیٰ وہاب کو ایڈمنسٹریٹرکراچی لگایا جائے گا۔

بعد ازاں پاکستان تحریک انصاف اور ایم کیو ایم کی جانب سے بیرسٹرمرتضیٰ وہاب کی بطور یڈمنسٹریٹرکراچی تعیناتی پر تحفطات کا اظہار کیا تھا.

ایم کیو ایم پاکستان نے صوبائی حکومت کی بیرسٹر مرتضیٰ وہاب کو ایڈمنسٹریٹر بنانے کی سفارش کو مسترد کرتے ہوئے آخری حد تک جانے کا اعلان کیا تھا۔

ترجمان سندھ حکومت و ایڈمنسٹریٹر کراچی بیرسٹر مرتضی وہاب نے سماجی رابطے کی ویب سائٹ ٹوئٹر پر اظہار تشکر کا ٹوئٹ کیا ہے جس میں بیرسٹر مرتضیٰ وہاب نے کہا ہے کہ میں چیئرمین بلاول بھٹو ، صدر آصف علی زرداری ، ادی فریال تالپر اور وزیراعلی سندھ سید مراد علی شاہ کا مشکور ہوںکہ انہوں نے مجھے اپنے شہر کی خدمت کا موقع دیا۔
ایڈمنسٹریٹر کراچی میرے اور میرے پورے خاندان کے لیے اعزاز کی بات ہے ۔ انشا اللہ میں شہر کراچی کی خدمت کرنے کی پوری کوشش کروں گا۔

سربراہ پاکستان سنی تحریک محمد ثروت اعجاز قادری نے کہا ہے کہ کراچی کو جس طرح بنایا تھا اسی طرح مل کر اسے بچانا ہے، اتھاد و اتفاق کے ساتھ ملکر آگے چلیں گے تو ملک و شہر کی بہتری ہوگی، کراچی کو پاکستان بنانے والوں نے بنایا اور سجایا ہے، جوبلی مارکیٹ کو توڑ کر ہزاروں تاجروں کا روزگار ختم کردیا گیا ہے، کراچی میں لاک ڈائون سے کاروباری طبقہ پہلے ہی مشکلات کا شکار ہے،مارکٹیں توڑ کر ان کی زندگیوں سے کھیلا جارہا ہے ، جوبلی مارکیٹ متاثرین کو متبادل جگہ دی جائے اور متاثرین کو 6 ماہ کا کرایہ فوری دیا جائے لاک ڈائون کے بجائے اسمارٹ لاک ڈائون لگایا جائے تاکہ فاقوں سے مرنے سے عوام کو بچایا جاسکے،رنگ و نسل ذات برادری سے نکل کر ہمیں ملک کی ترقی کیلئے کام کرنا ہے، ملک کی معیشت میں کراچی کے تاجروں کا 70فیصد ریونیو دیتا ہے ، گجر نالہ کے متاثرین کو 6 مہینے کاکرایہ ایڈوانس دیا ہے اس طرح جو بلی مارکیٹ کے متاثرین کو بھی 6 ماہ کے کرائے کی مد میں ایڈوانس دیا جائے ، وزیر اعلیٰ مراد علی شاہ، ناصر علی شاہ صاحب درمیان کا راستہ رکھ کر تاجروں کو بے روزگار ہونے سے بچائیں، کراچی ملک کا منی پاکستان ہے اس کو اُجاڑا گیا تو ملک معاشی طور پر کمزور ہوجائے گا، حکومت اعلان کرتی ہے کہ متاثرین کیلئے فنڈ رکھا ہوا ہے تو پھر وہ متاثرین کو فوری کیوں نہیں دیا جارہا ہے،ان خیالات کا اظہار انہوں نے جوبلی مارکیٹ کے دورے کے موقع پر کراچی تاجر ایکشن کمیٹی کے رہنمائوں کے رہنمائوں شرجیل گوپلانی ، جمیل احمد پراچہ کے ہمراہ میڈیا سے گفتگو کرتے ہوئے کیااس موقع پر مرکزی رابطہ کمیٹی کے رکن فہیم الدین شیخ ، محمد طیب قادری اور تاجر برادری کے عبدالغنی میمن ، عبدالرحمان خان، محمد اسماعیل لالپوریہ، آصف گلفارم ،محمد احمد شمسی، زاہد امین ، طاہر سربازی، حافظ طیب ، چوہدھری ایوب و دیگر تاجر رہنماء بھی موجود تھے ، ثروت اعجاز قادری کا مزید کہنا تھا کہ ہمارے بچوں کے پاس تعلیم ، صحت روزگار نہیں ہے ایسے میں عوام دشمن پالیسیاں محرومیوں کو جنم دینگی، کراچی میں ایسے حالات نہ بنائیں جائیں کہ عوام سڑکوں پر نکل آئیں، تاجر محب وطن ہیں جو ملکی ترقی اور معیشت کو بہتر بنانے کیلئے دن رات جدوجہد کرتے ہیں، چیف جسٹس صاحب آپ بھی کراچی کے ہیں غیر قانونی تعمیرات، ناجائز تجاوزات اور شہر بھر میں پلازے بن رہے ہیں عوام کو بتایا جائے ، کے ایم سی ، بلدیہ عظمیٰ بلڈنگ کنٹرول کے کتنے افسروں کو سزا دی ہے صرف غریبوں کو ہی سزا ہوگی ان کا روزگار چھین کر انہیں فاقوں پر مرنے پر مجبور کیا جاتا رہے گا،ثروت اعجاز قادری کا کہنا تھا کہ ہم سندھ دھرتی ماں کے بیٹے ہیں اور سندھ دھرتی ماں کے بیٹوں پر سندھ حکومت ظالمانہ فیصلے بند کرے ، اس موقع پر کراچی تاجر ایکشن کمیٹی کے رہنماء جمیل پراچہ نے کہا کہ پاکستان سنی تحریک کے سربراہ محمد ثروت اعجاز قادری کو جوبلی مارکیٹ تشریف لانے مشکور ہیں امید ہے کہ ہمارے دکھوں کا مداواع کرنے کے لئے ہمیشہ کی طرح آواز بلند کریں گے حکومت فلفور تاجروں کو متبادل جگہ دے ، کراچی کا ہر تاجر انتہائی پریشان اور بے بس ہے سندھ گورنمنٹ لاک ڈائون کو فوری ختم کرے ، اس موقع پر کراچی تاجر ایکشن کمیٹی کے رہنماء شرجیل گوپلانی نے کہا کہ کراچی میں جو بھی گاڑی داخل ہورہی ہے اس سے پولیس بھاری رشوت طلب کر رہی ہے حکومت سندھ اور کراچی پولیس چیف فوری نوٹس لیں امپورٹ کی اجازت ہے ایکسپورٹ کی اجازت بھی دی جائے ، کراچی کے تاجروں کے زخموں پر مرہم رکھنے کی ضرورت ہے صوبائی و وفاقی حکومت تاجروں کو بنیادی حقوق مہیا اور لاک ڈائون کو ختم کرے تاکہ چھوٹے تاجر اور دیہاڑی دار مزدور طبقہ فاقوں سے مرنے سے بچ سکے ۔

سندھ حکومت نے مرتضی وہاب کو ایڈمنسٹریٹرکراچی تعینات کردیا۔ محکمہ بلدیات نے مرتضی وہاب کی تعیناتی کا نوٹیفیکیشن جاری کردیا۔ سیاسی اور سماجی جماعتوں کامرتضی وہاب کی ایڈمنسٹریٹر تعیناتی پر شدید تحفظات کااظہار۔ عدالت سے رجوع کرنے سمیت سندھ اسمبلی میں احتجاج کا عندیہ۔ کے ایم سی کے افسران مرتضی وہاب کی تعیناتی پر دو حصوں میں تقسیم۔
ایک گروپ نے مرتضی وہاب کی تعیناتی کو خوش آئند جبکہ دوسرے نے پیپلزپارٹی کی قبضے کی کوشش قرار دے دیا۔ تفصیلات کے مطابق سندھ حکومت نے وزیر اعلی سندھ کے مشیر قانون،ماحولیاتی تبدیلی، کوسٹل ڈوپلمنٹ مرتضی وہاب کو منسٹریٹر کراچی تعینات کردیا ہے ۔مرتضی وہاب کی تعیناتی پر کے ایم سی سمیت شہر کے سیاسی سماجی حلقوں کی جانب سے شدید تحفظات کا اظہار کرتے ہوئے سندھ ہائیکورٹ سمیت سندھ اسمبلی میں بھی احتجاج کا عندیہ دیا ہے دوسری جانب کے ایم سی افسرانمرتضی وہاب کی تعیناتی پر دوحصوں میں تقسیم ہوگئے ہیں ایک گروپ مرتضی وہاب کی تعیناتی کو کے ایم سی کے لئے خوش آئند جبکہ دوسرا گروپ مرتضی وہاب کی ایڈمنسٹریٹر تعیناتی کو پیپلزپارٹی کی بلدیاتی وسائل پر قبضے کی سازش قرار دے رہا ہے واضح رہے مرتضی وہاب ایڈمنسٹریٹر کے ایم سی کے ساتھ وزیر اعلی اور ترجمان سندھ حکومت کے مشیر کے فرائض بھی بدستور انجام دیتے رہیں گئے۔
یاد رہے کہ منتخب بلدیاتی نمائندو کی مدت ختم ہونے سے قبل پیپلزپارٹی اور صوبے کی سیاسی جماعتوں کے درمیان ایک معاہدہ طے پایا تھا معاہدے کے تحت پیپلزپارٹی صوبے بھر میں سرکاری افسران کو ہی بلدیاتی اداروں میں ایڈ منسٹریٹر تعینات کرے گی کسی سیاسی شخصیت کو کسی بھی شہر کا ایڈمنسٹریٹر تعینات نہیں کیا جائے گا تاہم ایک سال بعد ہی پیپلزپارٹی نے معاہدے کی خلاف ورزی کرتے ہوئے پیپلزپارٹی کے اہم رہنما کو ایڈ منسٹریٹر کراچی تعینات کرکے معاہدے کی دھجیاں اڑا دی ہیں۔

شہر قائد میں کرونا کے وار جاری ہیں، جس سے اب کمشنر کراچی نوید شیخ بھی متاثر ہوگئے ہیں۔

کمشنر کراچی نوید شیخ کو بھی کرونا وائرس کی تشخیص ہوئی، جس کی تصدیق انہوں نے خود ہی کی اور بتایا کہ پازیٹیو رپورٹ آنے کے بعد وہ قرنطینہ میں چلے گئے ہیں۔

کمشنر کراچی نے اپنے پیغام میں عوام سے اپیل کی کہ ’شہر میں کرونا وائرس تیزی سے پھیل رہا ہے، شہری ایس او پی پر عمل کریں، سماجی فاصلے اور ماسک کے استعمال کو یقینی بنائیں‘۔

انہوں نےعوام سے جلد صحت یابی کے لیے دعا کی درخواست بھی کی اور شہریوں سے کہا کہ عوام ویکسی نیشن ضرور کرائیں ، خود بھی محفوظ رہیں اور دوسروں کو بھی محفوظ رکھیں۔

یاد رہے کہ سندھ حکومت نے صوبے میں کرونا اور ڈیلٹا کے بڑھتے ہوئے کیسز کے پیش نظر گزشتہ ہفتے کو صوبے بھر میں 8 اگست تک لاک ڈاؤن نافذ کیا ہے، جس کے تحت بازار اور تجارتی مراکز بند ہیں۔

وزیراعلیٰ سندھ مراد علی شاہ کی جانب سے کرونا کی موجودہ صورت حال کے حوالے سے بیان جاری کیا گیا، جس میں بتایا گیا کہ گزشتہ چوبیس گھنٹوں کے دوران سندھ میں کرونا کے 2 ہزار 315 نئے کیسز رپورٹ ہوئے جبکہ 28 مریضوں کی اموات ہوئیں۔

مراد علی شاہ کے مطابق سندھ میں کوونا سے ہونے والی اموات کی مجموعی تعداد6126ہوگئی۔ وزیراعلیٰ نے بتایا کہ سندھ کے 2315 نئے کیسز میں سے1667 کا تعلق کراچی سےہے۔