Category: کراچی

پی ٹی آئی رہنما خرم شیر زمان نے کہا ہے کہ سندھ حکومت کا لاک ڈاؤن عوامی مفاد میں نہیں، ماضی میں بھی سندھ حکومت کے فیصلے سے گھروں کے چولہے ٹھنڈے ہوئے۔

یہ بات انہوں نے صوبہ سندھ میں لاک ڈاؤن کے فیصلے پر اپنے ردعمل میں کہی، انہوں نے کہا کہ سندھ حکومت کے لاک ڈاؤن کے فیصلے کو مسترد کرتے ہیں، سندھ حکومت کا لاک ڈاؤن عوامی مفاد میں نہیں۔

انہوں نے کہا کہ سندھ حکومت کے لاک ڈاؤن کے ڈراموں سے بہت اچھی طرح واقف ہیں، سندھ حکومت کاروباری شخصیات کو ہی نقصان پہنچانا چاہتی ہے۔

خرم شیر زمان کا کہنا تھا کہ سندھ حکومت کی جانب سے اپوزیشن جماعتوں اور تاجر رہنماؤں کو بھی اعتماد میں نہیں لیا گیا جبکہ این سی او سی سربراہ نے بھی سندھ حکومت کو تعاون کی یقین دہانی کروائی تھی۔

رکن سندھ اسمبلی پی ٹی آئی نے کہا کہ وفاقی وزیراسد عمر نے اسمارٹ لاک ڈاؤن کی تجویز دی تھی، ماضی میں بھی سندھ حکومت کے فیصلے سے گھروں کے چولہے ٹھنڈے ہوئے۔

انہوں نے کہا کہ صوبے میں لاک ڈاؤن سے ملازمتوں پراثر ہوتا ہے، صوبے میں پولیس اور انتظامیہ کو مال بنانے کیلئے سڑکوں پر چھوڑ دیا جائے گا، لاک ڈاؤن کورونا سے بچاؤ کیلئے نہیں بلکہ بھتہ مافیا کو سرگرم کرنے کیلئے ہے۔

کراچی میں 24 گھنٹوں میں کورونا کے مثبت کیسز کی شرح24 اعشاریہ 89 فیصد ریکارڈ ہوئی، ایک دن میں 2 ہزار 99 افراد کورونا کا شکار ہوئے۔

ترجمان محکمہ صحت کے مطابق کراچی میں 8 ہزار 434 افراد کے کورونا کے ٹیسٹ کیے گئے، 2 ہزار 99 افراد میں کورونا کے مثبت آنے کی تصدیق ہوئی۔حیدرآباد میں 24 گھنٹوں میں کورونا کے مثبت کیسز کی شرح 9 اعشاریہ 37 فیصد رہی، حیدرآباد میں 1ہزار 537 ٹیسٹ کیے گئے، 144 افراد میں کورونا کی تصدیق ہوئی۔

دیگراضلاع میں کورونا مثبت کی شرح 4 اعشاریہ دس فیصد رہی، سندھ کے دیگر اضلاع میں 9 ہزار 462 ٹیسٹ میں 388 افراد میں کورونا کی تصدیق ہوئی۔مجموعی طور پر 20 ہزار 429 ٹیسٹ میں سے 2 ہزار 672 افراد میں کورونا کی تصدیق ہوئی، سندھ میں 24 گھنٹوں میں کورونا کے باعث 44 افراد انتقال کرگئے۔

وزیراعلیٰ سندھ کے مشیر مرتضیٰ وہاب کا کہنا ہے کہ سندھ میں لاک ڈاؤن کے حوالے سے وفاق کیا کہتا ہے ہمیں اس کی پروا نہیں ہے۔

مرتضیٰ وہاب نے کہا کہ کورونا کی سطح کو نیچے لانے کے لیے فوری حل صرف لاک ڈاؤن ہی ہے۔مشیر وزیراعلیٰ سندھ نے اسد عمر سے سوال کیا کہ اگر کورونا کو روکنے کے لیے لاک ڈاؤن حل نہیں ہے تو پھر حل کیا ہے؟۔

واضح رہے کہ وفاقی حکومت نے کورونا وائرس کی ڈیلٹا قسم کے بڑھتے کیسز کے باوجود کراچی میں مکمل لاک ڈاؤن کی مخالفت کردی ہے۔سربراہ نیشنل کمانڈ اینڈ آپریشن سینٹر (این سی او سی) اور وفاقی وزیر منصوبہ بندی اسد عمر کا کہنا ہے کہ پورے پورے شہر ہفتوں بند کرنا مسئلے کا حل نہیں ہے۔

شہر قائد میں لاک ڈاؤن لگانے یا نہ لگانے کا فیصلہ آج ہوگا، وزیراعلیٰ سندھ کی زیر صدارت بڑی بیٹھک میں شہر کے تعلیمی اداروں اور تجارتی مراکز کی بندش پر مشاورت ہوگی۔

تفصیلات کے مطابق وزیراعلیٰ سندھ مراد علی شاہ کی زیرصدارت کورونا ٹاسک فورس کا اجلاس آج ہوگا، اجلاس میں صوبائی وزراء اور طبی ماہرین شرکت کریں گے۔

اس حوالے سے ذرائع کا کہنا ہے کہ اجلاس میں سیاسی جماعتوں کے پارلیمانی رہنماؤں کو بھی مدعو کیا گیا ہے، محکمہ صحت کی جانب سے ٹاسک فورس کو دو ہفتے کیلئے لاک ڈاؤن لگانے کی تجویز دی گئی ہے۔

اس کے علاوہ عالمی وبا کورونا کے ڈیلٹا ویریئنٹ کی بڑھتی ہوئی شدت پر قابو پانے کیلئیے تعلیمی اداروں کو بھی2ہفتے کیلئے بند کرنے کی تجویزدی گئی ہے۔

شہر قائد میں افسوسناک واقعہ پیش آیا ہے، جہاں گھر کے باہر گاڑی پارک کرنے سے منع کرنے والی خاتون ملزمان کے تشدد سے جاں بحق ہوگئیں ہیں۔

شہر قائد میں آئے روز ایسے واقعات رونما ہونے لگے ہیں جو ہماری عدم برداشت، تنگ نظری اور اخلاقی گراوٹ کے باعث وارد ہورہے ہیں، کورنگی میں ننھی ماہم کا اغوا اور زیادتی کے بعد بہیمانہ قتل مہذب معاشرے کے لئے کالک ہے۔

گذشتہ شب کراچی کے علاقے نارتھ ناظم آباد بلاک ایل عرفات ٹاؤن میں ایک ایسا واقعہ رونما ہوا، جس نے کئی سوالات کو جنم دیا ہے، واقعہ کچھ یوں ہے کہ بانو نامی خاتون نے فرحان نامی شخص کو گھر سے سامنے گاڑی پارک کرنے سے منع کیا، جس پر گاڑی کے مالک نے اپنے ساتھیوں سمیت خاتون کو زودوکوب کیا اسی دوران فرحان نے خاتون کو دھکا دے دیا۔

رپورٹ کے مطابق دھکا لگنے سے خاتون موقع پر ہی بے ہوش ہوگئیں، واقعے کے بعد فرحان اپنے دوستوں کے ساتھ جائے حادثے سے فرار ہوگیا، اہل محلہ نے بانو خاتون کو طبی امداد کے لئے قریبی اسپتال منتقل کیا تو ڈاکٹرز نے طبی معائنہ کیا تو پتہ چلا کہ خاتون انتقال کرچکی ہیں۔

پولیس نے واقعے کی تفتیش کا آغاز کردیا ہے جبکہ ملزم فرحان کی گرفتاری کے لئے رات بھر مختلف مقامات پر چھاپے مارے تاہم گرفتاری عمل میں نہ آسکی، پولیس کا کہنا ہے کہ ملزم فرحان نامعلو مقام پر فرار ہوچکا ہے۔

حکام کا کہنا ہے کہ فرار ملزم کےخلاف قتل کامقدمہ درج کیاجائےگا، قتل کی سیکشن پوسٹ مارٹم رپورٹ کےبعد پتہ چل سکےگی، پوسٹمارٹم کےبعد وجہ موت بھی سامنےآجائےگی۔

دوسری جانب مبینہ تشددسےجاں بحق خاتون کاتاحال پوسٹمارٹم مکمل ناہوسکا ہے۔

واقعے کی سی سی ٹی وی فوٹیج بھی سامنے آگئی ہے،ویڈیو میں جھگڑا کرنے والےشخص کو شور کرتےدیکھاجاسکتا ہے، جھگڑا کرنے والےشخص کہ رہا ہے کہ مرتی ہےتومر جائے۔

ملک بھر میں كرپشن و رشوت کو ختم کرنے کیلئے کرنسی نوٹ ختم کر کے پلاسٹک کرنسی اور ڈیجیٹل کرنسی لانے کا فیصلہ

پلاسٹک کرنسی نوٹ صرف 10 , 50 اور 100 روپے کے ہوں گے۔شناختی کارڈز ختم کر کے اسی کو ڈیجیٹل ڈیبٹ کارڈ بنانے کا فیصلہ کیا گیا ہے۔
آپ کی تنخواہ آپ کے شناختی کارڈ پر آئے گی آپ کرنسی کی بجائے Digits میں لین دین کریں گے۔آپ نے کسی کو پیسے دینے ہوں تو اس کےشناختی کارڈ پر بھیجنے ہوں گے۔

نیب آپ کو ہر ماہ ٹرانزیکشن سلپ بھیجے گی
انٹی کرپشن آپ کی ہر ٹرانزیکشن کو مانیٹر کرے گی۔بینک آپ کی تنخواہ کا %05 حصہ آپ کی ڈیمانڈ پر پلاسٹک نوٹ دے گی جو آپ لوکل ٹرانسپورٹ و ریڑھی والے کو دیں گے۔

ہر شاپنگ سینٹر ، دکان ہوٹل اور ٹرانسپورٹ اڈہ ڈیجیٹل کولیکشن مشین نصب کرنے کی ذمہ دار ہو گی۔

چیئرمین پیپلز پارٹی بلاول بھٹو زرداری نےکارکنوں کو عام انتخابات کی تیاری کرنےکی ہدایت کردی ۔

کراچی میں تقریب سے خطاب کرتے ہوئے بلاول بھٹو زرداری کاکہنا تھا کہ آپس کے اختلافات ختم کرکے تیاری کرلیں ، انتخابات کسی بھی وقت ہو سکتے ہیں ۔

بلاول کا کہنا تھا کہ تحریک انصاف کی پالیسیوں سے عوام ڈوب رہے ہیں، کراچی کو صرف پیپلز پارٹی ہی بچا سکتی ہے،ہمیں آپس کے اختلافات کو ختم کرنا ہوگا، ہمیں بڑی قوتوں کا مقابلہ کرنا ہے تو آپس کے اختلافات کوختم کرنا ہوگا۔

انہوں نےکراچی سے کشمیر تک پی ٹی آئی کا صفایا کرنےکا عزم ظاہرکرتے ہوئے حکومت بنانےکے لیے پارٹی لیڈرز اور کارکنوں کو لائن آف ایکشن بھی دی اور کہا اگلی حکومت بنانے کے لیےکراچی کی نشستوں کی ضرورت پڑے گی ۔

چھ سالہ ماہم کے اغوا کے بعد بے حرمتی اور قتل کرنے کا معاملہ

ایس ایچ او زمان ٹاون عامر ملک اور ڈیوٹی آفیسر ذولفقارکو عہدے سے ہٹادیا گیا۔

اہل علاقہ کی پولیس غفلت کی شکایات پر ڈی آئی جی ایسٹ کی جانب سے انکوائری میں دونوں غفلت کے مرتکب پائے گئے ۔واقعہ میں اب تک 250 افراد کی لسٹ ترتیب دی گئی ہے،اب تک پچاس افراد کو حراست میں لینے کے بعد پوچھ گچھ کی گئی ہے، پندرہ افراد کے سیمپل بھی لیکر بھیجے گئے ہیں۔ واقعہ میں کسی بھی شخص کو ابھی تک گرفتارنہیں کیا گیا ہے۔