Category: کراچی

سندھ کے صوبائی وزیر اطلاعات شرجیل انعام میمن نے کہا ہے کہ عوام کی جان و مال کا تحفظ حکومت سندھ کی اولین ترجیح ہے، صوبائی حکومت ہمہ وقت عوام کے ساتھ ہے،

شرجیل انعام میمن کا کہنا تھا کہ وزیر اعلیٰ سندھ کی ہدایات پر ریسکیو ٹیمیں دن رات متاثرہ علاقوں میں سرگرم رہیں عوام کی محفوظ مقامات طرف منتقلی جاری ہے، مجموعی طور پر 133,887 افراد، 380,363 مویشیوں کو محفوظ مقامات پر منتقل ہو چکے ہیں،چوبیس گھنٹوں میں 5,830 افراد اور 10,202 مویشی محفوظ مقامات پر منتقل ہو چکے ہیں،حکومت سندھ کی ہدایات پر ریسکیو 1122 نے مویشیوں، خوراک اور گھریلو سامان کو بھی بچایا تاکہ متاثرین کو زیادہ نقصان نہ اٹھانا پڑے، یہ صرف ایک آپریشن نہیں بلکہ انسانیت کی خدمت ہے، حکومت سندھ ہر مشکل وقت میں عوام کے ساتھ ہے،سیلابی ریلے کی سب سے زیادہ خطرناک صورتحال اس وقت پنجند اور تریموں کے مقامات پر ہے،گڈو کے مقام پر درمیانے درجے کا سیلاب ہے، گڈو، سکھر اور کوٹری میں حالات قابو میں ہیں، پنجند میں پانی کی آمد و اخراج دونوں تقریباً 504,604 کیوسک ہیں جو انتہائی بلند سطح ہے، تریموں پر آمد و اخراج 543,579 کیوسک ریکارڈ کی گئی ہے، گڈوبیراج پر آمد 401,352 کیوسک اور اخراج 380,896 کیوسک ہے، سکھر بیراج پر آمد 340,766 کیوسک اور اخراج 311,666 کیوسک ہے جو نسبتاً کم سطح ہے، کوٹری بیراج پر پانی کی آمد 236,116 کیوسک اور اخراج 231,763 کیوسک ریکارڈ کیا گیا ہے، حکومت سندھ مسلسل پانی کی سطح پر نظر رکھے ہوئے ہیں تاکہ کسی بھی ہنگامی صورتحال سے بروقت نمٹا جا سکے،حالیہ سیلابی صورتحال کے دوران ریسکیو 1122 سندھ نے اپنی پیشہ ورانہ صلاحیتوں کا عملی مظاہرہ کرتے ہوئے ہزاروں متاثرہ خاندانوں کو سہارا دیا، ریسکیو ٹیمیں دن رات متاثرہ علاقوں میں موجود ہیں، نہ صرف انسانی جانوں کو بچایا بلکہ مویشیوں اور قیمتی سامان کو بھی محفوظ مقامات پر منتقل کیا، ریسکیو 1122 سندھ نے 31 اگست سے 7 ستمبر تک جاری رہنے والے آپریشنز کے دوران مختلف اضلاع سے مجموعی طور پر 380 افراد کو محفوظ مقامات پر منتقل کیا، ریسکیو سب سے زیادہ سرگرمیاں ضلع سکھر میں ہوئیں، 69 افراد کو امام بخش جتوئی، بشیرا آباد اور حاجی فقیر محمد جتوئی سمیت مختلف دیہات سے نکالا گیا، شہید بینظیر آباد سے مختلف دنوں میں 147 افراد کو محفوظ مقامات پر منتقل کیا گیا، 30 مویشی، 40 سولر پلیٹس اور گندم کی بوریاں بھی بچائی گئیں،نوشہرو فیروز میں چھ روز کے دوران 147 افراد کو ریسکیو کیا گیا، متاثرہ لوگوں کا گھریلو سامان اور دیگر اشیاء بھی محفوظ طور پر منتقل کی گئیں،خیرپور میرس میں گاؤں گل حسن سے 5 افراد کو محفوظ مقام پر منتقل کیا گیا،مقامی انتظامیہ اور صوبائی حکومت کے تعاون سے سیلاب متاثرین کو ہر ممکن مدد فراہم کی گئی،

کراچی: کراچی کے علاقے پی ای سی ایچ ایس بلاک 2 میں ایک افسوسناک واقعہ پیش آیا جہاں 12 سالہ گھریلو ملازمہ پر بہیمانہ تشدد کے الزام میں پولیس نے میاں بیوی کو گرفتار کرلیا ہے۔

پولیس کے مطابق متاثرہ بچی گھر کے اندر کام کر رہی تھی کہ اس دوران دوپٹہ جلنے کا واقعہ پیش آیا۔ اس پر گھر کی مالکن نے انتہائی سفاکانہ رویہ اپناتے ہوئے بچی کو استری سے داغ دیا۔ تشدد کے باعث بچی کی حالت تشویش ناک ہوگئی اور اسے فوری طور پر جناح اسپتال منتقل کیا گیا جہاں ڈاکٹروں نے اس کے جسم پر شدید جلنے کے نشانات کی تصدیق کی ہے۔پولیس حکام کا کہنا ہے کہ واقعے کی اطلاع ملتے ہی کارروائی عمل میں لائی گئی اور تشدد کرنے والے میاں بیوی کے خلاف مقدمہ درج کرکے دونوں کو گرفتار کرلیا گیا۔ ان کے خلاف فوجداری دفعات کے تحت کارروائی کی جارہی ہے۔

ابتدائی تحقیقات کے مطابق متاثرہ بچی کا تعلق ایک غریب گھرانے سے ہے اور وہ گزشتہ کئی ماہ سے مذکورہ فلیٹ میں ملازمہ کے طور پر کام کر رہی تھی۔ پولیس کا کہنا ہے کہ مزید تفتیش جاری ہے تاکہ یہ پتہ لگایا جا سکے کہ بچی پر پہلے بھی تشدد کیا جاتا تھا یا یہ پہلا واقعہ ہے۔

پاکستان مرکزی مسلم لیگ کراچی کے ہزاروں رضاکاروں نے سیلاب متاثرین کی خدمت کے لیے اپنے آپ کو پیش کردیا۔

اسی سلسلے میں جماعت کے شعبہ خدمت خلق کے زیر اہتمام کراچی کے مقامی ہال میں ایک شاندار خدمت کنونشن منعقد ہوا جس میں شہر بھر سے آنے والے ہزاروں رضاکاروں نے شرکت کی۔ کنونشن میں رضاکاروں نے مخصوص جیکٹس پہنی اور سیلاب متاثرہ خاندانوں کی بحالی اور ریلیف سرگرمیوں کے لیے اپنے عزم کا اظہار کیا۔کنونشن کے شرکاء کو ملک کے مختلف حصوں میں جاری امدادی سرگرمیوں پر تفصیلی بریفنگ دی گئی اور انہیں سندھ میں ممکنہ سیلابی صورتحال اور اس میں کام کی حکمت عملی سے بھی آگاہ کیا گیا۔

اس موقع پر مرکزی مسلم لیگ سندھ کے صدر فیصل ندیم نے خطاب کرتے ہوئے کہا کہ سندھ ایک بڑی آزمائش کے دہانے پر ہے اور اس مشکل گھڑی میں پوری قوم کو خدمت کے جذبے کے ساتھ متحد ہونا ہوگا۔ انہوں نے کہا کہ مرکزی مسلم لیگ پہلے ہی ریسکیو سینٹرز قائم کرچکی ہے اور فری کشتی سروس بھی شروع کردی گئی ہے تاکہ دور دراز علاقوں میں پھنسے ہوئے شہریوں کو محفوظ مقامات پر منتقل کیا جا سکے۔ فیصل ندیم نے اس عزم کا اظہار کیا کہ ہزاروں رضاکاروں کا یہ قافلہ دن رات متاثرین کی خدمت کے لیے تیار ہے۔کراچی کے صدر احمد ندیم اعوان نے اپنے خطاب میں کہا کہ خدمت انسانیت کو صرف آفات تک محدود نہیں ہونا چاہیے۔ ہمارا مقصد ایسا معاشرہ تشکیل دینا ہے جو پورا سال اپنے اپنے علاقوں میں عوام کی خدمت کرتا رہے۔ انہوں نے کہا کہ رضاکاروں کا یہ جذبہ پاکستان کی اصل پہچان ہے اور اسی سے ہم ایک بہتر معاشرہ تشکیل دے سکتے ہیں۔

خدمت کنونشن سے صدر خدمت خلق شفیق الرحمن وڑائچ، مرکزی ترجمان تابش قیوم اور میڈیکل ٹیم کے ارکان نے بھی خطاب کیا۔ مقررین نے کہا کہ سیلاب متاثرہ علاقوں میں رضاکاروں اور میڈیکل ٹیموں نے دن رات کام کرکے متاثرین کو ریلیف فراہم کیا ہے اور یہ سلسلہ بحالی کے مکمل ہونے تک جاری رہے گا۔کنونشن میں شریک رضاکاروں نے اس عزم کا اعادہ کیا کہ وہ سیلاب متاثرین کی بحالی تک چین سے نہیں بیٹھیں گے اور ہر ممکن وسائل کے ساتھ میدانِ عمل میں موجود رہیں گے۔
پاک بحریہ ملک کی محافظ اور تابناک مستقبل کی معمار ہے،وزیرِ اعظم شہباز شریف