Category: کراچی

چین کے سرمایہ کاروں نے حکومت سندھ کے ساتھ صوبے کے ترقیاتی منصوبوں میں سرمایہ کاری کی پیش کش کی ہے۔

صوبائی محکمہ اطلاعات کے مطابق وزیر بلدیات سندھ سید ناصر حسین شاہ سے ملاقات میں چینی وفد نے کراچی سمیت پورے صوبے کی ترقی میں سرمایہ کاری کے عزم کا اظہار کیا۔ وفد نے سندھ حکومت کے ساتھ مل کر مختلف ترقیاتی منصوبوں میں اشتراک پر دلچسپی ظاہر کی۔اس موقع پر وزیر بلدیات نے کہا کہ چیئرمین بلاول بھٹو زرداری کے وژن اور وزیراعلیٰ سندھ کی ہدایت کے تحت صوبے میں ترقیاتی منصوبوں پر تیزی سے کام جاری ہے، جبکہ سندھ نے ملک کے دیگر صوبوں کے مقابلے میں ریکارڈ ترقیاتی کام مکمل کیے ہیں۔

ناصر حسین شاہ نے وفد کو یقین دہانی کرائی کہ سندھ سرمایہ کاری کے لیے ایک زرخیز خطہ ہے اور ہر سرمایہ کار کو خوش آمدید کہا جائے گا۔ انہوں نے کراچی تا روہڑی ٹرین منصوبے میں تعاون کی پیش کش کے ساتھ دیگر سیکٹرز میں منافع بخش سرمایہ کاری کی ترغیب بھی دی۔

پاکستان اور بنگلہ دیش کے درمیان تاریخی دفاعی معاہدے کا فیصلہ

آئی ایم ایف نے علاقائی کشیدگی کو معیشت کے لیے خطرہ قرار دے دیا

کراچی ایئرپورٹ پولیس نے ایمانداری اور پیشہ ورانہ کارکردگی کی اعلیٰ مثال قائم کرتے ہوئے برطانیہ سے آئے ایک پولیس افسر کی گمشدہ جیکٹ اور قیمتی سامان برآمد کر کے اسے بحفاظت واپس کر دیا۔

ایس ایچ او ایئرپورٹ کلیم موسیٰ کے مطابق برطانوی پولیس افسر ڈنکن وروی (Duncan Worvey) اپنی پاکستانی اہلیہ کے ہمراہ 5 اکتوبر کو قطر ایئر ویز کی پرواز کے ذریعے کراچی پہنچے تھے۔ وہ اپنی سالانہ تعطیلات کے دوران اہلیہ کے ہمراہ پاکستان آئے تھے۔امیگریشن اور کسٹم کلیئرنس کے بعد مسٹر وروی اپنی اہلیہ کے ساتھ ٹرمینل سے باہر نکلے اور پارکنگ ایریا میں پہنچ کر گاڑی میں سوار ہو کر اپنی منزل کی جانب روانہ ہوگئے۔ تاہم کچھ دیر بعد انہیں احساس ہوا کہ وہ اپنی جیکٹ پارکنگ ایریا میں سامان کی ٹرالی پر بھول آئے ہیں۔جیکٹ میں ان کی گاڑی کی چابیاں، برطانوی کرنسی (پاؤنڈز)، یوکے پولیس سروس کا شناختی کارڈ، بینک کارڈز، اور دیگر اہم دستاویزات موجود تھیں۔ گمشدگی کا احساس ہونے پر انہوں نے فوری طور پر ایئرپورٹ پولیس سے رابطہ کیا۔

ایس ایچ او کلیم موسیٰ کے مطابق اطلاع ملتے ہی پولیس اہلکاروں نے فوری کارروائی کرتے ہوئے پارکنگ ایریا اور اطراف میں تلاش شروع کی۔ چند گھنٹوں کی محنت کے بعد پولیس کو وہ جیکٹ اور تمام اشیاء جوں کی توں حالت میں مل گئیں۔بعد ازاں پولیس نے سامان کو مکمل تصدیق کے بعد برطانوی افسر ڈنکن وروی کے حوالے کر دیا۔

برطانوی پولیس افسر نے ایئرپورٹ پولیس کی پیشہ ورانہ کارکردگی، تیزی اور ایمانداری کی دِل سے تعریف کرتے ہوئے کہا کہ "کراچی پولیس نے اپنی دیانتداری سے میرا دل جیت لیا ہے، میں ان کا بے حد شکر گزار ہوں۔”

سندھ کے سینئر وزیر شرجیل انعام میمن سے الیکٹرک کار ساز کمپنی کے وفد کی ملاقات ہوئی ہے

صوبائی وزیر برائے محنت و سماجی تحفظ سعید غنی بھی اجلاس میں شریک تھے،وفد نے اپنی تیار کردہ الیکٹرک گاڑیوں (ای وی) کے ماڈلز، مقامی سطح پر اسمبلنگ اور چارجنگ انفرااسٹرکچر کے منصوبوں کے حوالے سے تفصیلی بریفنگ دی،وفد کی جانب سے سندھ حکومت کے ساتھ شراکت داری کے امکانات پر بھی تبادلہ خیال کیا گیا، اس موقع پر شرجیل میمن کا کہناتھا کہ چیئرمین بلاول بھٹو زرداری اور حکومت سندھ عوام کے لیے جدید، ماحول دوست اور کم لاگت سفری سہولتیں فراہم کرنے کے لیے پُرعزم ہیں،چاہتے ہیں کہ جلد از جلد الیکٹرک ٹیکسی سروس شروع کی جائے تاکہ شہریوں کو بہتر سفری سہولت میسر آئے ، الیکٹرک گاڑیوں سے ایندھن کی بچت کے ساتھ ماحولیاتی آلودگی میں بھی کمی ہوگی،حکومت سندھ پبلک ٹرانسپورٹ اور دیگر شعبوں سے متعلق نجی شعبے کے ساتھ مل کر جامع منصوبہ بندی کر رہی ہے، الیکٹرک گاڑیوں کی ٹیکنالوجی نہ صرف روزگار کے نئے مواقع پیدا کرے گی بلکہ یہ صنعتی شعبے میں جدت اور سرمایہ کاری کے دروازے بھی کھولے گی، سندھ حکومت پائیدار ترقی کے ایجنڈے پر عمل پیرا ہے، اور الیکٹرک وہیکلز اس سمت ایک اہم قدم ہیں،

وزیر اطلاعات سندھ شرجیل میمن نے کہا ہے کہ ایسا ماحول پیدا کرنے کی کوشش کی جارہی ہے کہ پیپلز پارٹی وفاقی حکومت کی سپورٹ نہ کرے، پنجاب حکومت تنقید پیپلز پارٹی پر کر رہی ہے، اصل ٹارگٹ وفاقی حکومت ہے۔

کراچی میں پریس کانفرنس کرتے ہوئے شرجیل میمن نے کہا کہ وزیراعلیٰ کا اسکرپٹ رائٹر ان کو غلط راہ پر لے جارہا ہے، نفرت پھیلانے کے بجائے متحد ہو کر چیلنجوں کا مقابلہ کریں، جنوبی پنجاب میں لوگ مدد کے لیے رو رہے ہیں، بے نظیر انکم سپورٹ پروگرام سے فوری ریلیف دیا جائے، عالمی برادری سے اپیل کی جائے، کام کم اور ٹک ٹاک پر زیادہ کام کیا جارہا ہے، ہمیں دھمکیاں مل رہی ہیں آپ کی انگلیاں توڑ دیں گے، ڈرنے والے نہیں۔ پیپلز پارٹی کی لیڈر شپ کبھی معاہدے کر کے بھاگی نہیں، پنجاب میں بلدیاتی انتخابات فوری کرائے جائیں، میرا پانی میری مرضی جیسی باتیں کوئی آئین کو ماننے والا نہیں کرسکتا، میں بھی سو چیزوں پر کہہ سکتا ہوں میرے وسائل میری مرضی لیکن میں نہیں کہوں گا۔ میری بجلی میری گیس میرا کوئلہ میری مرضی کہہ سکتا ہوں لیکن نہیں کہوں گا، نفرت انگیز بیانات کو پروموٹ نہ کریں۔

شرجیل میمن کا مزید کہنا تھا کہ ہم آپ سے لڑنا نہیں چاہتے، آپ زبردستی ہمیں میدان میں نہ اتاریں، پنجاب حکومت کے ساتھ کوئی لڑائی جھگڑا نہیں، سیز فائر کس بات کا ؟ پنجاب کے عوام ہمارے اپنے ہیں،اگر پنجاب کے عوام پریشان ہوں گے تو ہم بات کریں گے، پنجاب کے عوام کی مدد کیلئے وفاق سے دس بار اپیل کرنا پڑی تو کریں گے۔