کراچی: کلفٹن پولیس اسٹیشن کو ملٹری پولیس نے گھیرے میں لے لیا 

تفصیلات کے مطابق الصبح ساوتھ سٹی اسپتال کے مقام پر ناکے پے تعینات پولیس اہلکاروں نے ملٹری افسر کی گاڑی کو روکا گیا۔ ملٹری افسر نے اہلکاروں کو دھمکیاں دی جس پر ملٹری افسر کو تھانے منتقل کیا گیا۔ ملٹری پولیس کے اہلکاروں نے افسر کو روکنے والے اہلکاروں کو بد ترین تشدد کا نشانہ بنایا۔

پولیس اور ملٹری کے اعلی افسران کے درمیان بات چیت کا سلسلہ کلفٹن تھانے میں جاری رہا۔ شہر بھر سے ملٹری کے سادہ اور وردی میں ملبوس دستے کلفٹن تھانے پہنچ گئے ۔ کلفٹن تھانے کے دروازے پر ملٹری پولیس نے کنٹرول سنبھال لیا

زخمی اہلکاروں کو طبی امداد کے لئے اسپتال نہ لے جایا جا سکا۔تھانے میں موجود عملہ خود کو یرغمال سمجھنے لگا۔

کراچی میں عوام نے شکوہ کیا ہے کہ بجٹ کے بعد سی این جی کی قیمت میں 16 روپے کلو کا بڑا اضافہ ہوا ہے، پمپس مالکان نے قیمت 140 روپے کلو مقرر کردی ہے۔

کراچی سمیت سندھ بھرمیں 2 ہفتے بند رہنے والے سی این جی اسٹیشنز آج صبح 8 بجے سے کھول دیئے گئے ہیں تاہم بیشتر پمپس پر سی این جی کی فروخت نئے نرخوں 140 روپے کلو کے حساب سے جاری ہے۔

کراچی میں 2 ہفتے بعدCNG دستیاب
سی این جی صارفین یکدم اس اضافے سے افسردہ دکھائی دیتے ہیں.

جبکہ پمپس مالکان کا کہنا ہے کہ بجٹ میں ایل این جی پر لگے سیلز ٹیکس کے سبب قیمت بڑھانی پڑی ہے۔دوسری جانب سی این جی ایسوسی ایشن کے غیاث الدین پراچہ کی زیر صدارت ہونے والے اجلاس میں بتایا گیا.

کہ سیلز ٹیکس کی شرح بڑھنے اور ایل این جی کی درآمدی قیمت میں اضافے کی وجہ سے جن صوبوں میں لیٹر کے لحاظ سے سی این جی فروخت ہوتی ہے وہاں 18 روپے فی لیٹر اور جہاں کلو گرام کے لحاظ سے سی این جی فروخت ہوتی ہے وہاں 30 روپے فی کلو اضافہ ہوگا۔

رینجرز اور پولیس نے مشترکہ کارروائی کرتے ہوئے انتہائی مطلوب 3 رکنی موٹر سائیکل لفٹنگ گینگ گرفتار کرکے چوری کی گئی 10موٹر سائیکلیں اور 10چیسز برآمد کرلی۔

تفصیلات کے مطابق کراچی میں رینجرز اور پولیس نے لانڈھی اورکورنگی میں مشترکہ کارروائی کی ، کارروائی کے دوران انتہائی مطلوب 3رکنی موٹرسائیکل لفٹنگ گینگ گرفتار کرلیا۔

ترجمان رینجرز کا کہنا ہے کہ ملزمان کے قبضے سے چوری کی گئی 10موٹر سائیکلیں اور 10چیسز برآمد کر لی گئی ہے ، ملزمان مسروقہ موٹر سائیکلوں کےپارٹس نکال دیتےتھے اور نکالےگئےپارٹس دوسری موٹرسائیکلوں میں فٹ کرتے۔

ترجمان نے بتایا کہ ملزمان نے موٹرسائیکل چوری کی درجنوں وارداتوں کا اعتراف کیا اور بتایا کہ موٹرسائیکل چیسز کو ندی نالوں میں پھینک دیا کرتے تھے ،ترجمان

یاد رہے مئی میں اے وی ایل سی پولیس نے موٹرسائیکل اسنیچنگ کے خلاف بڑی کارروائی کرتے ہوئے شہریوں سےموٹرسائیکلیں چھیننےکی وارداتوں کی سنچری کرنے والے گروہ کو گرفتار کرلیا تھا۔

ایس ایس پی اےوی ایل سی عارف اسلم راؤ نے بتایا تھا کہ ملزمان میں منیربنگالی، بابرعلی، حسن عرف بوائے اورمظفر چانڈیوشامل ہیں ، ملزمان نے 100سے زائد موٹر سائیکل چھیننے کا انکشاف کیا۔

سندھ اسمبلی میں اپوزیشن لیڈر حلیم عادل شیخ نے وزیراعلیٰ سندھ کے خلاف مزید پٹیشن دائر کرنے کا اعلان کردیا ہے۔

تفصیلات کے مطابق سندھ ہائی کورٹ میں پیشی کے بعد میڈیا سے گفتگو کرتے ہوئے حلیم عادل شیخ نے کہا کہ سندھ میں زرعی پانی کی چوری، کتوں کے کاٹنے اور گندے پانی کی فراہمی کیخلاف عدالت میں درخواست دائر کررہے ہیں۔

حلیم عادل نے کہا کہ وزیراعلیٰ مراد علی شاہ کےخلاف اربوں روپوں کی کرپشن کی نیب میں انکوائری ہے، ہمارا مطالبہ ہے کہ سندھ میں 43لاکھ ایکڑ اراضی کی جعلی الاٹمنٹ کی جوڈیشل انکوائری ہونی چاہیے، جعلی الاٹمنٹ میں ملوث افسران نے 10لاکھ ایکڑ زمین کی جعلی الاٹمنٹ کرکے ریکارڈ جلا دیا ہے، ہم سپریم کورٹ میں جعلی الاٹمنٹ کیخلاف درخواست دےرہےہیں۔

اپوزیشن لیڈر حلیم عادل شیخ سندھ ہائی کورٹ میں میڈیا سے گفتگو کرتے ہوئے کہا کہ سندھ اسمبلی سے نا امید ہوچکے، ایوان میں صرف اپنے قوانین بنائے جاتے ہیں۔

حلیم عادل نے الزام عائد کیا کہ جیکب آباد میں پولیس کے سپاہیوں کو قتل کرنے والے ڈاکو صوبائی وزیر کے محافظ ہیں، کچے کے ڈاکوؤں کے سرپرست پکے کے ڈاکو ہیں، نیب چھاپوں کے بعد کچے کے ڈاکو محمد میاں سومرو کو دھمکیاں دے رہے ہیں۔

حلیم عادل شیخ نے انکشاف کیا کہ بلاول بھٹو کے زیر استعمال جہاز سندھ حکومت کا ہے، بتایا جائے کہ کس قانون کے تحت وزیر اعلیٰ کا جہاز بلاول استعمال کررہے ہیں۔

واضح رہے کہ اپوزیشن لیڈر سندھ اسمبلی حلیم عادل شیخ اس سے قبل وزیراعلیٰ سندھ مراد علی شاہ کی نااہلی کے خلاف عدالت عظمیٰ میں پٹیشن دائر کرنے کا اعلان کرچکے ہیں۔

کراچی میں میٹرک کے امتحانات کے پہلے روز ہی طبعیات کا پرچہ آغاز کے چند منٹ کے بعد ہی آؤٹ ہوا اور حل شدہ پرچہ سوشل میڈیا پر آگیا۔

تفصیلات کے مطابق کراچی سمیت سندھ بھرمیں میٹرک امتحانات میں نقل کا بازارگرم ہیں ، کراچی میں دسویں جماعت کا فزکس کا پرچہ شروع ہونے سے قبل ہی آؤٹ ہوگیا اور حل شدہ پرچہ سوشل میڈیا پر گردش کرتا رہا‌۔

کراچی کے مختلف علاقوں نیو کراچی،نارتھ کراچی،نارتھ ناظم آباد ، اورنگی اورگلشن میں پرچہ تاخیر سے پہنچا ، میٹرک بورڈ سے چند قدم کے فاصلے پرقائم مرکز میں بھی طلبا پرچے کے منتظر رہے۔

دوسری جانب سکھر میں کمرہ امتحان میں طلبہ موبائل فون واٹس ایپ کے ذریعے نقل کرنے میں مصروف عمل نظر آئے جبکہ بورڈ انتظامیہ نقل کرنے والے طلبہ کے سامنے بے بس نظر آئی۔

نوابشاہ میں امتحانی مراکزکے باہردفعہ ایک سوچوالیس کے باوجود نقل کرانےوالوں کارش رہا۔

خیال رہے کوروناکی وجہ سے اس سال وزارت تعلیم کے فیصلے کے تحت صرف اختیاری مظامین کے امتحان لئے جارہے ہیں جبکہ پرچے کا دورانیہ دو گھنٹے رکھا گیا ہے۔

پاک سرزمین پارٹی کے چیئرمین سید مصطفیٰ کمال نے کہا ہے کہ افغانستان سے امریکی اور نیٹو افواج کے انخلائ کے بعد پاکستان کو مزید چیلنجوں کا سامنا ہوگا۔ ان سے نبرد آزما ہونے کے لیے ملک و قوم کو اندرونی طور پر مضبوط ہونا انتہائی ضروری ہے اور یہ تب تک ممکن نہیں جب تک سیاسی مفادات کو بالائے طاق رکھتے ہوئے اور ملک کے وسیع ترین مفاد میں پاکستان کی تمام سیاسی جماعتیں متفقہ طور پر انتظامی اور انتخابی اصلاحات نہیں کرتیں، اس سلسلے کی سب سے بڑی زمہ داری تحریک انصاف کی وفاقی حکومت پر عائد ہوتی ہے کہ وہ پارلیمنٹ کے اندر اور باہر موجود تمام سیاسی جماعتوں کی آل پارٹیز کانفرنس بلائے اور مشترکہ اور متفقہ انتظامی اور انتخابی اصلاحات کو یقینی بنائے۔
میرے دور میں تخواہیں، پیٹرول اور دیگر تمام اخراجات ملا کر 300 ارب روپے خرچ ہوئے اور ان سے ہونے والا ترقیاتی کام آج تک لوگ نہیں بھولے جبکہ سندھ حکومت 10320 ارب روپے 10 سالوں میں خرچ کرچکی، آج سندھ دنیا میں رہنے کے لائق بدترین جگہوں میں شامل ہے۔ پاک سر زمین پارٹی نے پاکستان کے تمام مسائل کے قابل عمل حل پیش کیے ہیں، یہی وجہ ہے آج کراچی سے کشمیر اور دنیا بھر میں موجود پاکستانی بڑی تعداد میں پی ایس پی میں شامل ہورہے ہیں، ان خیالات کا اظہار انہوں نے امریکہ کے شہر نیو یارک میں مقامی صحافیوں سے میڈیا ٹاک کرتے ہوئے کیا۔
اس موقع پر پی ایس پی امریکہ و کینیڈا کے نگران سید طاہر وفاقانی سمیت دیگر زمہ داران بھی موجود تھے۔ سید مصطفیٰ کمال نے مزید کہا کہ گزشتہ سال بڑے بڑے دعوے کیئے گئے تھے اس سال پھر بارشوں میں شہر کا حال سب کے سامنے ہوگا۔ لوگوں کو خود اپنے لیے سڑکوں پر نکلنا ہوگا ورنہ متعصبانہ سندھ حکومت اور نااہل وفاقی حکومت مل کر عوام کی زندگی اجیرن کرتے رہیں گے۔ عمران خان کی وفاقی حکومت کو آصف علی زرداری چلا رہے ہیں جس کے عوض پیپلز پارٹی کو سندھ مٹ کھلی چھٹی ملی ہوئی ہے اور شدید کرپشن کے باعث سندھ کے رہنے والوں کا نقصان ہو رہا ہے ۔