Category: کراچی

تھرپار کے سرحدی علاقے سنورانی میں بھارتی فوجیوں نے پاکستانی مویشیوں کو نشانہ بنا ڈالا، واقعے میں کئی بکریاں ہلاک اور زخمی ہو گئیں۔

سیکیورٹی حکام کے مطابق یہ واقعہ گزشتہ شام تحصیل ڈاہلی کے گاؤں سنورانی میں پیش آیا۔ عام طور پر سرحد پار کرنے کی صورت میں بکریوں کو واپس کردیا جاتا ہے لیکن اس بار بھارتی فوج نے ظلم روا رکھا۔متاثرہ مویشی مالکان کا کہنا ہے کہ بھارتی فوجیوں نے 5 بکریوں کو ہلاک کیا جبکہ 15 کی ٹانگیں توڑ ڈالیں۔ ان کے مطابق زخمی بکریوں کی ٹانگیں تیز دھار آلے سے کاٹی گئی ہیں۔

سوشل میڈیا پر واقعے کی تصاویر سامنے آنے کے بعد عوامی حلقوں میں شدید غم و غصہ پایا جا رہا ہے۔

وزیراعظم اور مولانا فضل الرحمان کا رابطہ، سعودی معاہدے پر گفتگو

سمندری طوفان ’شکتی‘ میں شدت، ساحلی علاقوں میں بارش اور تیز ہواؤں کا امکان

محکمۂ موسمیات کا کہنا ہے کہ سمندری طوفان ’شکتی‘ مزید شدت اختیار کر گیا ہے اور کراچی سے تقریباً 390 کلو میٹر جنوب، جنوب مغرب میں موجود ہے۔

محکمۂ موسمیات کے مطابق طوفان کے زیرِ اثر آج بدین، ٹھٹہ، سجاول، جامشورو، حب، لسبیلہ، آواران، کیچ اور کراچی کے کچھ مقامات پر تیز ہواؤں اور گرج چمک کے ساتھ ہلکی سے درمیانی بارش متوقع ہے۔رپورٹ کے مطابق طوفان شکتی شمال مشرقی بحیرۂ عرب میں موجود ہے اور مزید شدت اختیار کرتے ہوئے شدید سمندری طوفان میں تبدیل ہو گیا ہے۔ یہ طوفان کل تک شمال مغربی اور وسطی شمالی بحیرۂ عرب کے قریب پہنچ جائے گا۔بعد ازاں طوفان اپنا رخ مشرق اور شمال مشرق کی طرف موڑے گا اور اگلے 24 گھنٹوں میں بتدریج کمزور ہونا شروع ہو جائے گا۔

محکمۂ موسمیات نے خبردار کیا ہے کہ سندھ کے ساحلی علاقوں کے قریب سمندر میں شدید طغیانی رہ سکتی ہے، ہوائیں 40 سے 50 کلو میٹر فی گھنٹہ کی رفتار سے چلیں گی جبکہ جھکڑ کی رفتار 55 کلو میٹر فی گھنٹہ تک پہنچ سکتی ہے۔محکمہ نے ماہی گیروں کو ہدایت کی ہے کہ وہ 5 اکتوبر تک گہرے سمندر میں جانے سے گریز کریں۔

بھارت شاید پاکستان کے دور تک مار کرنے والے ہتھیاروں کی تباہ کاریوں کو بھول گیا ،ترجمان پاک فوج

سندھ پولیس نے انٹرپول سے برطانیہ میں چوری ہو کر کراچی میں ٹریک ہونے والی رینج روور اسپورٹس گاڑی کے ٹریک لاگ کی تفصیلات طلب کر لی ہیں۔

انسپکٹر جنرل سندھ پولیس غلام نبی میمن کے مطابق انٹرپول کا خط دو روز قبل اینٹی وہیکلز لفٹنگ سیل (اے وی ایل سی) کے دفتر کو موصول ہوا۔ اس کے بعد سندھ پولیس نے برطانوی حکام کو ای میل بھیجی ہے، جس میں گاڑی میں نصب ٹریکر کا تفصیلی لاگ اور ٹریکنگ کے سورس کی وضاحت مانگی گئی ہے۔انٹرپول کے خط میں گاڑی کا آخری معلوم مقام 11 فروری 2025 کو کراچی کے صدر کے علاقے کو ظاہر کیا گیا تھا۔

واضح رہے کہ انٹرپول نے ایف آئی اے اسلام آباد، کراچی پولیس اور ایس ایس پی اے وی ایل سی کو بھی گاڑی کی چوری سے متعلق خط ارسال کیا تھا۔سرکاری خط کے مطابق، یہ سیاہ رنگ کی رینج روور اسپورٹس 11 نومبر 2022 کو برطانیہ کے علاقے ہاروگیٹ سے چوری ہوئی تھی۔ گاڑی میں نصب ٹریکر کے ذریعے ابتدا میں اسے لیڈز میں ٹریس کیا گیا، تاہم بعد میں اس کا سراغ نہیں ملا۔

رینج روور کے ٹیلی میٹکس ماڈیول کے مطابق، گاڑی کو 11 فروری 2025 کی صبح 6 بج کر 34 منٹ پر کراچی کے کورنگی سروس روڈ، اعظم بستی، صدر ٹاؤن کے مقام پر ٹریک کیا گیا تھا۔

مانچسٹر سینیگاگ حملہ: پولیس کی فائرنگ سے ایک متاثرہ شخص بھی جاں بحق

مودی اور نیتن یاہو خوش کھو بیٹھے، کراچی پر حملے کی دھمکی،یورپ بھر میں مظاہرے

حماس کا ٹرمپ کی دھمکی پر باضابطہ جواب آگیا، بڑا اعلان کر دیا

بحیرہ عرب میں ڈیپ ڈپریشن، سمندری طوفان میں تبدیل ہونے کا امکان

شمال مشرقی بحیرہ عرب میں موجود ڈیپ ڈپریشن آج رات تک سمندری طوفان کی شکل اختیار کر سکتا ہے اور آئندہ 24 گھنٹوں میں اس کی شدت میں مزید اضافہ ہو سکتا ہے۔

محکمہ موسمیات کے جاری نوٹیفکیشن میں بتایا گیا ہے کہ سسٹم کے زیرِ اثر تھرپارکر، عمرکوٹ، بدین، ٹھٹھہ، سجاول، ٹنڈو محمد خان، حیدرآباد، مٹیاری اور جامشورو میں جبکہ کراچی ڈویژن کے چند مقامات پر آندھی اور گرج چمک کے ساتھ ہلکی سے درمیانی بارش کا امکان ہے۔ صوبے کے دیگر حصوں میں گرم اور خشک موسم برقرار رہے گا۔سندھ کے ساحلی علاقوں میں 40 سے 50 کلومیٹر فی گھنٹہ کی رفتار سے ہوائیں چلنے کا امکان ہے، جو 55 کلومیٹر فی گھنٹہ تک جا سکتی ہیں۔ ماہی گیروں کو اتوار تک گہرے سمندر میں جانے سے گریز کرنے کی ہدایت کی گئی ہے۔

محکمہ موسمیات نے خبردار کیا کہ آندھی اور بجلی سے کچی آبادیوں کے کمزور ڈھانچوں، چھتوں، دیواروں، بجلی کے کھمبوں، بورڈز، گاڑیوں اور سولر پینلز کو نقصان پہنچ سکتا ہے۔کراچی میں ہفتے کے روز موسم زیادہ تر ابرآلود اور مرطوب رہنے کا امکان ہے، ساتھ ہی ہلکی پھوار پڑ سکتی ہے۔ زیادہ سے زیادہ درجہ حرارت 32 سے 34 ڈگری سینٹی گریڈ رہنے کی توقع ہے جبکہ صبح کے وقت نمی 75 سے 85 فیصد اور شام کے وقت 60 سے 70 فیصد تک رہ سکتی ہے۔

واضح رہے کہ گزشتہ روز جاری ایڈوائزری میں کہا گیا تھا کہ 4 سے 6 اکتوبر کے دوران خلیج بنگال اور شمالی بحیرہ عرب سے مرطوب ہوائیں مزید مضبوط ہونے کی توقع ہے۔

عوامی ایکشن کمیٹی سے معاملات طے، معاہدے پر جلد دستخط متوقع

سندھ ایمپلائز الائنس نے دھرنا مؤخر اور احتجاج ختم کرنے کا اعلان کر دیا

اسرائیلی افواج کے وحشیانہ حملے، مزید 63 فلسطینی شہید، 227 زخمی

اسرائیلی محاصرے کو توڑنے کے لیے مزید 11 کشتیاں غزہ کی جانب روانہ

سندھ ایمپلائز الائنس کے وفد نے چیف سیکریٹری سندھ آصف حیدر شاہ سے ملاقات کے بعد 6 اکتوبر کو طے شدہ دھرنا مؤخر کرنے اور احتجاج ختم کرنے کا اعلان کیا ہے۔

حاجی اشرف خاصخیلی کی قیادت میں 8 رکنی وفد نے سندھ سیکریٹریٹ میں ملاقات کی جس میں سیکریٹری اسکول ایجوکیشن، سیکریٹری فنانس، سیکریٹری جنرل ایڈمنسٹریشن اور ڈپٹی کمشنر ساؤتھ بھی شریک ہوئے۔ یہ اجلاس چیئرمین پیپلز پارٹی بلاول بھٹو زرداری اور وزیراعلیٰ سندھ مراد علی شاہ کی ہدایت پر منعقد ہوا۔اجلاس میں سرکاری ملازمین کے مسائل، بالخصوص پنشن اصلاحات، ڈی آر اے الاؤنس، گروپ انشورنس اور دیگر مطالبات پر تفصیلی بات چیت ہوئی۔ دوران ملاقات چیف سیکریٹری نے وزیراعلیٰ سندھ سے براہِ راست رابطہ کیا، جس پر مراد علی شاہ نے یقین دہانی کرائی کہ یہ معاملات پیر کو کابینہ اجلاس کے ایجنڈے میں شامل کیے جائیں گے۔

اس پیش رفت کے بعد حاجی اشرف خاصخیلی نے اعلان کیا کہ ملازمین کل سے ڈیوٹی پر واپس آئیں گے اور دفاتر میں رپورٹ کریں گے۔مزید برآں ایک اعلیٰ سطحی کمیٹی تشکیل دی گئی ہے جس میں جنرل ایڈمنسٹریشن، فنانس، اسکول ایجوکیشن اور لاء کے سیکریٹریز کے ساتھ سندھ ایمپلائز الائنس کے چار نمائندے شامل ہوں گے، جو باہمی اتفاق سے سفارشات تیار کر کے حکومت سندھ کو پیش کریں گے۔

چیف سیکریٹری آصف حیدر شاہ نے کہا کہ سندھ حکومت ملازمین کے جائز مسائل کے حل کے لیے پرعزم ہے اور ان کا تعمیری حل یقینی بنایا جائے گا۔بعدازاں سروسز جنرل ایڈمنسٹریشن اینڈ کوآرڈینیشن ڈیپارٹمنٹ نے سندھ کابینہ کے آئندہ اجلاس کا ایجنڈا جاری کر دیا، جس میں سندھ ایمپلائز الائنس کے مطالبات بھی شامل ہیں۔

اسرائیلی محاصرے کو توڑنے کے لیے مزید 11 کشتیاں غزہ کی جانب روانہ

بھارتی ایئر چیف کا پاکستان کے خلاف نیا دعویٰ مزاق بن گیا

ٹرمپ کا حماس کو الٹی میٹم، غزہ معاہدہ پر اتوار شام تک کی مہلت

یو این پابندی میں نرمی کے بعد افغان وزیر خارجہ کا بھارت دورہ متوقع

مظفر آباد: حکومت اور جوائنٹ ایکشن کمیٹی کے مذاکرات کا دوسرا دور جاری

کراچی پولیس نے جعفریہ ڈیزاسٹر سیل (جے ڈی سی) کے بانی ظفر عباس سے 14 کروڑ روپے بھتہ طلب کرنے والے تین ملزمان کو گرفتار کرنے کا دعویٰ کیا ہے۔

اسپیشل انویسٹی گیشن یونٹ (ایس آئی یو) کے مطابق گرفتار ملزمان ایک بین الاقوامی بھتہ خور گروہ سے تعلق رکھتے ہیں۔ ڈی ایس پی محمد سہیل نے بتایا کہ ملیر جعفر طیار میں ٹیکنالوجی کی مدد سے کارروائی کرتے ہوئے یاور عباس، منظر کاظمی اور محسن واسطی کو گرفتار کیا گیا۔ڈی ایس پی نے پریس کانفرنس میں بتایا کہ ملزمان نے ظفر عباس سے بھتہ طلب کیا تھا، جس کا مقدمہ 26 ستمبر 2025 کو ٹیپو سلطان تھانے میں درج کیا گیا اور بعد میں ایس آئی یو کے حوالے کیا گیا۔ گرفتار ملزمان کے قبضے سے دو پستول، بھتہ طلبی کے لیے استعمال ہونے والا موبائل فون اور ایک آلٹو کار برآمد ہوئی۔

ابتدائی تحقیقات میں ملزمان نے انکشاف کیا کہ وہ بدنام زمانہ بھتہ خور محمود اختر نقوی کے کہنے پر یہ کام کر رہے تھے۔ پولیس کے مطابق محمود اختر نقوی پہلے ہی شہر کے بلڈرز اور تاجروں سے بلیک میلنگ کے ذریعے کروڑوں روپے وصول کر چکا ہے۔ڈی ایس پی سہیل کے مطابق گروہ کے سرغنہ کی گرفتاری کے لیے شہر بھر میں چھاپے مارے جا رہے ہیں، جبکہ اس کے خلاف پہلے ہی بھتہ خوری، غیر قانونی قبضوں اور دھوکا دہی کے کئی مقدمات مختلف تھانوں میں درج ہیں۔

پی آئی اے کی برطانیہ کے لیے پروازوں کی بحالی کا اعلان

کراچی ایئر پورٹ،10 کروڑ 30 لاکھ مالیت کے لیپ ٹاپس،آئی پیڈز،آئی فونزو دیگر ضبط