Category: کراچی

سندھ حکومت نے کورونا وائرس ایس او پی کا نیا حکم نامہ جاری کردیا ہے جس کے تحت سیاحتی مقامات پر کورونا ویکسی نیشن نہ کرانے والوں کا داخلہ بند کردیا گیا ہے۔

محکمہ داخلہ سندھ کے حکم نامے کے مطابق ویکسی نیشن نہ کرانے والے سیاحوں کی ہوٹل بکنگ بھی نہ کرنے کی ہدایت کی گئی ہے.

سیاحتی مقامات پر آنے والوں کے ریپڈ انٹیجن ٹیسٹ کرنے کے انتظام بھی کرنے کا فیصلہ کیا گیا ہے۔

حکم نامے کے مطابق مسافر بسوں اور ٹرینوں میں 70 فیصد سے زائد مسافروں کے بٹھانے پر پابندی ہوگی، شاپنگ مالز اور کاروباری مراکز میں متعین کیے گئے وقت کی پابندی کرنے کی ہدایت کی گئی ہے۔

محکمہ داخلہ سندھ کے حکم نامے کے مطابق پٹرول پمپس، اسپتال، میڈیکل اسٹورز، دودھ کی دکانیں اور ریسٹورنٹ کی ٹیک اوے سروس 24 گھنٹے کھلی رہے گی.

شادی ہالوں کے اندر 200 جبکہ کھلی فضا میں 400 مہمانوں کی اجازت ہوگی۔ شادی ہالز میں آنے والے مہمانوں کی ویکسی نیشن لازمی قرار دی گئی ہے جبکہ عوامی مقامات پر ماسک پہننا بھی لازمی قرار دیا گیا ہے۔

عیدقرباں کے موقع پر اندرون ملک ٹرینوں کی روانگی میں 4 سے 8 گھنٹے کی تاخیر ہورہی ہے۔

تفصیلات کے مطابق آبائی علاقے جانے والے مسافر کئی گھنٹوں سے اسٹیشنز پر ٹرینوں کی آمد کے منتظر ہیں لیکن اب تک متعدد ٹرینیں وقت پر نہیں پہنچ سکی ہیں۔

کراچی سے لاہور جانے والی شاہ حسین ایکسپریس صبح 2گھنٹے تاخیر سے 8بجے روانہ ہوگی۔

اسی طرح پشاور جانے والی خیبر میل کی روانگی میں 6گھنٹے کی تاخیر ہے۔ گزشتہ روز کراچی ایکسپریس اور ملت ایکسپریس بھی تاخیر سے روانہ ہوئیں۔

بہاؤالدین ایکسپریس، قراقرم ایکسپریس اور دیگرٹر ینیں بھی تاخیر سے روانہ ہوئی ہے۔

دوسری جانب مسافر خصوصی عید ٹرینیوں کے منتظر ہیں، ممکنہ طور پر اسپیشل ٹرینیں بھی تاخیر کا شکار ہوسکتی ہیں۔ ادھر کوئٹہ سے خصوصی عید ٹرین روانہ نہ ہوسکی۔

مسافروں کی بڑی تعداد جعفر ایکسپریس میں سفرکرنے پر مجبور ہوگئی، کوچز کی کمی کے باعث خصوصی عید ٹرین نہیں چل سکی۔

شہر قائد کی سب سے بڑی سرکاری یونیورسٹی میں ایم فل کے داخلہ ٹیسٹ میں سنگین انتظامی غلطیاں سامنے آئیں ہیں۔

تفصیلات کے مطابق آج یونیورسٹی آف کراچی کی جانب سے ایم فل میں داخلے کے خواہش مند طلبا کے لئے انٹری ٹیسٹ کا انعقاد کیا گیا، انتظامیہ کی جانب سے شعبہ جرمیات کے انٹری ٹیسٹ میں فاش غلطی کی گئی۔

اعلیٰ ڈگری کے حامل انٹری ٹیسٹ میں سوالات اور جوابات ساتھ ساتھ دے دئیے گئے، یہی نہیں جوابات کو بولڈ فونٹ میں نمایاں بھی کیا گیا۔

اس دوران ٹیسٹ دینے والے امیدواروں کی جانب سے نشاندہی کے بعد انتظامیہ کو ہوش آیا اور ٹیسٹ شروع ہونے کے آدھے گھنٹے بعد پرچہ تبدیل کیا گیا، امیدواروں کا شکوہ تھا کہ عجلت میں تیار کیا گیا امتحانی پرچہ نصاب سے ہٹ کر تھا۔

یاد رہے کہ گذشتہ سال جامعہ کراچی کے شعبہ جرمیات میں انوکھی چوری کا واقعہ پیش آیا تھا، جہاں چور شعبہ انچارج کے دفتر سے اہم دستاویزات لے کر فرار ہوگئے.

اہم دستاویزات میں مقالہ جات،ملٹی میڈیا، پروجیکٹ اور امتحانی نتائج اور اٹینڈنس شیٹ شامل ہیں۔

بعد ازاں رینجرز نے جامعہ کراچی کے شعبہ کرمنالوجی میں چوری کرنے والے ملزم کو گرفتار کرلیا تھا، ملزم کراچی یونیورسٹی کا سابق طالب علم تھا۔

سندھ حکومت کا گریڈ 9 کا پٹواری اربوں روپے مالیت کے اثاثوں کا مالک نکلا۔

سندھ حکومت کا گریڈ 9 کا ملازم اربوں روپے مال