Category: کراچی

دھابیجی پمپنگ اسٹیشن پر بجلی کے تعطل سے پھٹنے والی لائنوں کے باعث کراچی میں پانی کا بدترین بحران پیدا ہو گیا۔

کراچی میں گزشتہ 48گھنٹوں سے پا نی کا بدترین بحران پیدا ہوگیا، مختلف علاقوں میں پانی کی فر اہمی مکمل طور معطل ہے جس میں کورنگی ، لا نڈھی، ملیر ، شاہ فیصل کالونی، گلشن اقبال ، گلستان جوہر ، محمود آباد ، منظورکالونی ، فیڈر ل بی ایریا ، ناظم آباد ، نارتھ ناظم آباد ، اورنگی ٹاؤن ، بلدیہ ٹاؤن سمیت دیگر شامل ہیں، شہر ی پا نی کی بو ند بو ند کو تر س گئے ہیں۔

شہری واٹر ٹینکر ز خریدکر پا نی حاصل کررہے ہیں، عید الاضٰحی بھی قریب ہے ،شہر یو ں نے جا نور خر ید نا شروع کردیے ان جا نو رو ں کو پا نی کی ضروریا ت کو بمشکل پورا کیاجا رہا ہے ٹینکروں کے ذریعے جانوروں کے لیے پانی لیا جارہا ہے۔

شہر شد ید گر می کی لپیٹ میں بھی ہے جس کی وجہ سے پا نی کی طلب میں اضافہ ہو گیا، کر اچی کو پہلے ہی 60کر وڑ گیلن پا نی کی کمی کا سامنا ہے ان حالا ت میں صورتحال مز ید خوف ناک ہو گئی ہے پورا شہر اس وقت پا نی کی فر اہمی سے متاثر ہے۔

واٹر بورڈ حکام نے تمام صورتحال کا ذمہ دار کے الیکٹرک کو قرار دے دیا ہے واٹربورڈ حکام کا کہنا ہے کہ دس سے با رہ جو لا ئی کے دوران چار بڑے بجلی کے بر یک ڈاوئنز ہو ئے جس کی وجہ سے3 لا ئنیں پھٹ گئیں.

پو را پا نی کی تر سیلی نظام درہم بر ہم ہو گیا، ان حالا ت میں شہر کو پا نی کی فر اہمی انتہا ئی مشکل ہو گئی ہے۔

واٹر بورڈ حکام نے بتایا کہ شہر میں پا نی کی فر اہمی معمول پر آنے میں مز ید 48 گھنٹے لگ سکتے ہیں جبکہ تر جمان کے الیکٹرک نے واٹر بورڈ کے تمام الزامات کے بے بنیاد قرار دیا۔

ترجمان کا کہنا ہے کہ واٹر بورڈ30 ارب روپے کا نا دھندہ ہے لیکن اس کے باوجو د دھا بیجی ، گھا رو پمپنگ اسٹیشن سمیت دیگر تنصیبا ت پر بلا تعطل بجلی فر اہمی کی جا ر ہی ہے۔

ترجمان کے الیکٹرک کا کہنا تھا کہ ہما را عملہ واٹر بورد حکام سے فنی معاونت کے لیے مسلسل رابطے میں رہتا ہے غیر معمولی حالا ت میں عارضی تعطل کی صورت میں واٹر بورڈ کا اپنا بجلی کامتبا دل کا نظام مو جو د ہی نہیں ہے ایک نا دھند کو متواتر بجلی فر اہم کررہے ہیں۔

بینک عملے کی حاضر دماغی کام کرگئی، بینک لوٹنے کی نیت سے آنے والے ڈاکوؤں کو لینے کے دینے پڑگئے۔

ایس ایس پی کورنگی کے مطابق کراچی کے علاقے کورنگی کے ایریا میں چار ملزمان بینک لوٹنے کی نیت سے داخل ہوئے اور عملے کو یرغمال بنالیا.

ملزمان کی جانب سے بینک میں موجود افراد کو ہراساں کیا جارہا تھا کہ اسی دوران بینک عملے نے حاضر دماغی سے کام لیتے سیکیورٹی الارم بجا ڈالا۔

سیکیورٹی الارم بجنے پر پولیس حرکت میں آئی اور بینک پر پہنچی تو ملزمان نے پولیس کو دیکھ کر فائرنگ شروع کردی، پولیس کی جوابی فائرنگ سے ایک ملزم موقع پر ہی مارا گیا جبکہ تین فرار ہوگئے۔

ایس ایس پی کورنگی شاہجہان خان کے مطابق ڈاکووں نے بینک میں داخل ہوتے ہوئے سیکیورٹی گارڈ سے اسلحہ چھینا تھا، پولیس نے ملزمان کی جانب سے چھوڑا گیا اسلحہ اور دو موٹر سائیکلیں قبضے میں لے لیں ہیں اور ملزمان کی تلاش شروع کردی گئی ہے۔

شہر قائد میں بینک لوٹنے کی وارداتیں آئے روز خبروں کی زینت بنی رہتی ہیں، اپریل میں کراچی کے علاقے کلفٹن تین تلوار پر نجی بینک سے رقم لے کر نکلوانے شہری سے ڈاکو 9 لاکھ روپے چھین کر فرار ہوگئے تھے۔

اس سے قبل کراچی کے علاقے طارق روڈ پر نجی بینک سے نکلنے والے شہری کو لوٹا گیا تھا، شہری نے 20 لاکھ روپے کیش کروائے تھے، ملزمان رقم لوٹ کر باآسانی فرار ہوگئے تھے۔

اوگرا نے پیٹرول کی قیمت میں ساڑھے 11 روپے فی لیٹر اضافے کی سفارش کردی

پیٹرولیم مصنوعات کی قیمتوں میں اضافے کا حتمی فیصلہ وزیر اعظم کی مشاورت سےہوگا۔

آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتیں بڑھانےکی سمری پیٹرولیم ڈویژن کوبھجوادی۔

ذرائع کے مطابق اوگرا نے سمری میں پیٹرول کی قیمت میں ساڑھے 11 روپے تک فی لیٹر اضافے کی تجویز دی ہےجبکہ ہائی اسپیڈ ڈیزل کی قیمت میں 2 روپے 40 پیسے اور مٹی کے تیل کی قیمت میں ڈیڑھ روپے اضافے کی سفارش کی ہے۔

ذرائع نے بتایا کہ لائٹ ڈیزل کی قیمت ایک روپے 40 پیسے فی لیٹراضافے کی تجویز دی گئی ہے۔

پیٹرولیم قیمتوں میں اضافے کا حتمی فیصلہ وزیر اعظم کی مشاورت سےہوگا جس کے بعد ہی قیمتوں کا نوٹیفکیشن وزارت خزانہ جاری کرے گی۔
پیٹرولیم مصنوعات کی قیمتوں میں ردوبدل پر عملدرآمد 16 جولائی سے ہوگا۔خیال رہے کہ 30 جون کو وفاقی حکومت نے 15 جولائی تک کیلئے پیٹرول 2 روپے فی لیٹر مہنگا کیا تھا۔

چھیپا فاؤنڈیشن کے سربراہ خادم انسانیت محمد رمضان چھیپاکا سابق صدر مملکت ممنون حسین کے انتقال پر گہرے دکھ اور افسوس کا اظہار۔

سابق صدر مملکت کو رمضان چھیپا نےخراج تحسین پیش کرتے ہوئے کہا کہ مرحوم ایک منجھے ہوئے سیاستدان تھے اور سیاست میں رواداری کی روشن مثال تھے،سابق صدر پاکستان ممنون حسین نے سیاست میں شائستگی ، اعلیٰ روایات و اقدار کو فروغ دیا۔ممنون حسین کی وفات سے پاکستان ایک شفیق،وضع دار اور قابل احترام شخصیت سے محروم ہوگیا۔

پاکستان کیلئے بحیثیت صدرمملکت، مرحوم کی قابل قدر خدمات کو ہمیشہ یاد رکھا جائے گا۔اللہ تعالیٰ مرحوم کو اپنے جوار رحمت میں جگہ عطا فرمائے اور ان کے اہل خانہ کو صبرجمیل عطا فرمائے، آمین

وفاقی تحقیقاتی ایجنسی (ایف آئی اے) نے غیر ملکی شہریوں کو جعلی شناختی کارڈ کے اجراء میں ملوث تین ملزمان کو گرفتار کرلیا۔

تفصیلات کے مطابق ایف آئی اے اینٹی ہیومن ٹریفکنگ سرکل نے کارروائی کرتے ہوئے نادرا ملازم سمیت تین ملزمان کو گرفتار کرلیا۔

ایف آئی اے کا کہنا ہے کہ گرفتار ملزمان میں میگا سینٹر نادرا کا ڈیٹا انٹری آپریٹر موسیٰ عباسی اور غیرملکی شناختی کارڈ ایجنٹ معراج بھی شامل ہے۔

ایف آئی اے کے مطابق تیسرے ملزم امین نے جعلی دستاویزات کے تحت شناختی کارڈ بنوایا، ملزم کا شناختی کارڈ نادرا ملازمین کی ملی بھگت سے بنا اور گرفتار ایجنٹ نے امین سے تیس ہزار رشوت طلب کی۔حکام کا کہنا ہے کہ فراڈ میں ملوث اب تک نادرا ملازمین سمیت تیرہ ملزمان گرفتار ہیں۔

یاد رہے گذشتہ ہفتےڈائریکٹر ایف آئی اے سندھ زون وَن عامر فاروقی نے پریس کانفرنس میں انکشاف کیا ہے کہ نادرا سے ٹی ٹی پی کے دہشت گردوں کے لیے شناختی کارڈز بنوائے گئے ہیں۔

عامر فاروقی کا کہنا تھا کہ نادرا سے القاعدہ کے دہشت گردوں کو بھی کارڈز بنوا کر دیے گئے، بھارتی شہری عمران علی کا شناختی کارڈ بنایا گیا، جو صفورا حملے میں ملوث تھا۔

ڈائر یکٹر ایف آئی اے نے بتایا تھا کہ چینی قونصل خانے پر حملے میں بھی شناخت تبدیل کی گئی تھی، نادرا سے اللہ نذر اور قوم پرست دہشت گردوں نے بھی شناختی کارڈ بنوائے، عامر فاروقی کے بیان کے مطابق نادرا سے متعدد دہشت گردوں کے شناختی کارڈ بنوائے گئے ہیں۔

تھانہ اقبال مارکیٹ کی حدود راجہ تنویر کالونی میں جوتوں کے گودام میں آگ لگنے کا معاملہ

کراچی / ضلع ویسٹ اقبال مارکیٹ پولیس اسٹیشن کی حدود راجہ تنویر کالونی میں واقع جوتوں کے گودام میں رواں ھفتے میں دوسری مرتبہ آگ لگنے واقعہ پولیس تاحال معمہ حل نہ کر سکی تفصیلات کے مطابق راجہ تنویر کالونی میں جوتوں کے کارخانے کے مالک امان اللہ کو آج صبح اچانک آگ لگنے کی اطلاع ملی تو دکھ و غم سے نڈھال کو دل کا دورہ پڑ گیا یاد رھے کچھ دن قبل اسکے گودام میں خوفناک آگ لگی تھی جس سے کروڑوں روپے کا نقصان ھوا تھا گودام کے مالک امان اللہ کو اسپتال میں داخل کردیا گیا 15 پولیس اور علاقہ پولیس نے موقع پر پہنج کر فائر بریگیڈ کو طلب کیا اور آگ بجھائی علاقہ مکینوں کا کہنا ھے گودام کے مالک امان اللہ کے مخالفین نے آگ لگائی ھے پولیس اس سے قبل لگنے والی آگ کا معمہ حل نہیں کر پائی تھی کہ آج پھر آگ لگی.

حکومت نے قومی ایئرلائن (پی آئی اے) کے لیے 20 ارب روپے فنڈز اکھٹے کرنے کا نیا منصوبہ تیار کرلیا۔

تفصیلات کے مطابق پی آئی اے کیلئے 20ارب روپے فنڈز اکٹھے کرنے کی غرض سے ‘سکوک بانڈز’ کے اجرا کا فیصلہ ہوا ہے۔ اس حوالے سے جاری ہونے والے دستاویز میں کہا گیا ہے.

کہ قومی ایئرلائن کے لیے سکوک بانڈز کی مدت 10 سال کی ہوگی، گرین شو آپشن کے تحت مزید5 ارب روپے کے سکوک بانڈز فروخت کیے جاسکیں گے۔

دستاویز کے مطابق یہ بانڈز پاکستان اسٹاک ایکس چینج پر بھی لسٹ ہوں گے۔

اس ضمن میں دستاویز یہ بھی کہتا ہے کہ سکوک بانڈز سے حاصل رقم سے پی آئی اے مالی ضرورتیں پورا کرے گی۔ ذرایع کا کہنا ہے کہ بانڈز کی ضمانت کے طور پر پی آئی اے زمین، بلڈنگز اور جہازوں کو گروی رکھوایا جائے گا۔

*خوش خبری، اہم حکم نامہ جاری*

دوسری جانب سول ایوی ایشن اتھارٹی(سی اے اے) کے ملازمین کیلئے خوش خبری یہ ہے کہ انہیں جولائی کی تنخواہ عید سے قبل ہی دے دی جائے گی۔

سول ایسی ایشن اتھارٹی کے ملازمین کو رواں ماہ جولائی کی تنخواہ16تاریخ کو ادا کی جائے گی۔

لیاری گینگ وار کے سرغنہ عذیر بلوچ کے خلاف مزید دو کیسز میں ثبوت ہی نہیں مل سکا، ایڈیشنل ڈسٹرکٹ اینڈ سیشن جج جنوبی کی عدالت نے لیاری گینگ وار سرغنہ عزیر بلوچ کو عدم ثبوت کی بناء پر بری کر دیا۔

کراچی کے جوڈیشل کمپلیکس میں واقع ایڈیشنل ڈسٹرکٹ اینڈ سیشن جج جنوبی کی عدالت میں لیاری گینگ وار کے سرغنہ عذیر بلوچ و دیگر ملزماں کیخلاف دو مقدمات سے متعلق کیسز کی سماعت ہوئی.

دوران سماعت کلاکوٹ تھانے کے تفتیشی افسر کی جانب سے موقف اپنایا گیا کہ گینگ وار سرغنہ عذیر بلوچ، شاہد رحمان عرف ایم سی بی، زبیر بلوچ، ذاکر ڈاڈا، جاوید بلوچ کے خلاف پولیس مقابلہ،غیرقانونی اسلحہ اور دھماکہ خیزمواد رکھنے کا الزام ہے۔

عذیر بلوچ و دیگر ملزمان کے خلاف کلاکوٹ اور بغدادی تھانے میں 2012میں مقدمے درج کئے تھے، کیسز میں تین ملزمان پہلے ہی بری ہوچکے ہیں، گواہوں نے ملزمان کو شناخت کرنے سے انکار کر دیا تھا.

استغاثہ ایک بار پھر ثبوت پیش کرنے میں ناکام ہوگیا، عدالت نے دو مقدمات میں نامزد ملزمان کو بری کرنے کا حکم دے دیا