Category: کراچی

جمعیت علماء اسلام ف کے سربراہ مولانا فضل الرحمان صحت یاب ہونے پر ہسپتال سے ڈسچارج کردیا گیا، ڈاکٹروں نے مولانا فضل الرحمان کی طبیعت کو تسلی بخش قرار دیا ہے، مولانا فضل الرحمان آج رات کراچی سے اسلام آباد روانہ ہو جائیں گے۔ترجمان جے یو آئی (ف) کے مطابق جے یو آئی کے سربراہ مولانا فضل الرحمان صحتیاب ہوگئے ہیں۔
ڈاکٹروں نے مولانا فضل الرحمان کی طبیعت کو تسلی بخش قرار دیتے ہوئے انہیں ہسپتال سے ڈسچارج کردیا ہے۔
مولانا فضل الرحمان گزشتہ ایک ہفتہ سے بیمار تھے اور کراچی کے ہسپتال میں زیر علاج تھے۔ مولانا فضل الرحمان آج رات کراچی سے اسلام آباد روانہ ہو جائیں گے۔ یاد رہے مولانا فضل الرحمان کی طبیعت خراب ہونے پر انہیں ہسپتال داخل کیا گیا تھا، جہاں پر ان کے متعدد میڈیکل ٹیسٹ کیے گئے، مولانا فضل الرحمان کا کورونا ٹیسٹ بھی منفی آیا تھا۔ لیکن ڈاکٹرز نے چند روز مزید مولانا فضل الرحمان کو ہسپتال میں زیرعلاج رہنے کا مشورہ دیا تھا۔ تاہم اب ان کی صحت بالکل ٹھیک ہے، اور انہیں ہسپتال سے ڈسچارج کردیا گیا ہے.

کراچی میں تجاوزات کے خلاف آپریشن کے دوران سیاسی جماعتیں متحد ہوگئیں اور قابضین کی حمایت میں کھل کر آگئیں۔ ان میں وہ جماعتیں بھی شامل ہیں جن کی درخواست پر سپریم کورٹ نے شہر پرقبضہ ختم کرانے اورکراچی کھولنے کا فیصلہ کیا ہے لیکن اب ان جماعتوں نے یوٹرن لے لیا اورانہوں نے قابضین کی حمایت میں مظاہرے جلسے اوردھرنے شروع کردیئے ان جماعتوں نے قابضین کیلئے ہیلپ لائن اورکیمپ قائم کردیئے کراچی میں ساڑھے چار لاکھ سے زائد دکانوں کے سامنے تجاوزات قائم ہیں ہزاروں گھر چائنا کٹنگ پربنے ہیں۔
50ہزار سے زائد بلند وبالا عمارتیں قبضہ کے پلاٹوں پر بنی ہوئی ہیں۔ 60ہزار رہائشی پلاٹوں پر پورشن بنے ہیں۔ رفاہ عامہ کے کئی ہزار پلاٹوں پر عمارتیں قائم ہیں۔
تحریک انصاف نے میئر کراچی وسیم اختر کو کریڈٹ دیا لیکن تحریک انصاف کی مقامی قیادت میئر وسیم سے نالاں ہے تحریک انصاف کے بعض رہنمائوں کا خیال ہے کہ تجاوزات کے خلاف آپریشن سے ان سبکی ہوئی ہے ۔ایک جانب ان کو اعتماد میں نہیں لیا گیا دوسری جانب سارا کریڈٹ میئر وسیم اختر کو مل رہا ہے ان کی واہ واہ ہورہی ہے جس کا تحریک انصاف کراچی کو نقصان ہورہا ہے کیونکہ تحریک انصاف کے رہنما کراچی میں آئندہ میئر لانے کے خواب دیکھ رہے ہیں۔
کراچی صاف کرنے کا کریڈٹ میئر وسیم اختر کو مل رہا ہے۔ پیپلزپارٹی کھل کر سامنے آگئی اور وسیم اختر کی برطرفی کا مطالبہ کر دیا ۔

وزیراعلیٰ سندھ سید مراد علی شاہ نے معروف اداکارہ بیگم خورشید شاہد اور نامور ڈرامہ آرٹسٹ انور اقبال کے انتقال پر گہرے دکھ اورافسوس کا اظہار کرتے ہوئے دونوں گھرانوں کے لواحقین سے دلی ہمدردی وتعزیت کا اظہار کیا ہے۔
اپنے تعزیتی پیغام میں انھوں نے کہا کہ انور اقبال نے اپنی اداکاری کے انمٹ نقوش چھوڑے ہیں، بیگم خورشید شاہد کے پرستار آج بھی انکی یادگار اداکاری کوفراموش نہیں کرسکے ہیں۔دونوں لیجنڈ اداکاروں کی فن کے شعبے کیلئے خدمات کو تادیر یاد رکھا جائے گا

سوئی سدرن گیس کمپنی نے کراچی کے مختلف علاقوں میں گیس کی لوڈ شیڈنگ کا اعتراف کرتے ہوئے کہا ہے کہ اگر لوڈ شیڈنگ نہیں کریں گے تو گیس کے ترسیلی نقصانات کا بوجھ عوام کو ہی اٹھانا پڑے گا۔

تفصیلات کے مطا بق کراچی کے مقامی ہوٹل میں آئل اینڈ گیس ریگولیٹری اتھارٹی (اوگرا) کی جانب سے گیس کے نرخوں سے متعلق عوامی سماعت کے بعد ایس ایس جی سی کے مینیجنگ ڈائریکٹرعمران منیار کا میڈیا سے گفتگو کرتے ہوئے کہنا تھا کہ شہر کے مختلف علاقوں میں گیس کی لوڈ شیڈنگ کی جارہی ہے، انہوں نے اس بات کا بھی اعتراف کیا کہ گیس کے زیادہ نقصانات والےعلاقوں میں رات 11بجے سے صبح 6 بجے تک گیس بند کی جارہی ہے۔

ان کا مزید کہنا تھا کہ اگر گیس بند نہیں کریں گے تو گیس کے ترسیلی نقصانات کا بوجھ عوام کو ہی اٹھانا پڑے گا، انہوں نے گیس کے نقصانات پر قابو پانے کے بجائے تمام بوجھ عوام پر ڈالتے ہوئے کہا کہ جن علاقوں میں گیس کی چوری اور رساؤ ہے ان علاقوں میں گیس بند کی جاتی ہے۔
گیس کی بندش پر عوامی آگاہی سے متعلق نوٹس جاری کرنے کے سوال پر ایم ڈی ایس ایس جی سی نے لاعلمی کا اظہار کیا اور کہا کہ کے الیکٹرک کی طرح ایس ایس جی سی بھی ان علاقوں میں گیس کی لوڈ شیڈنگ کرتی ہے جہاں چوری زیادہ ہے۔

دنیا کے سب سے بڑے ہوائی جہاز کی پاکستان آمد کی اصل وجہ سامنے آگئی، کارگو جہاز انتونو اے این 225 ماریہ کی آمد کی وجہ سے پاکستان بڑا مالی فائدہ حاصل کرنے میں کامیاب۔ تفصیلات کے مطابق افغانستان سے اتحادی افواج کے ساز و سامان کی منتقلی کے کام پر متحرک یوکرینی ایئرلائن کا دنیا کا سب سے بڑا اور بھاری کارگو ہوائی جہاز انتونو اے این 225 ماریہ گزشتہ ہفتے بدھ کے روز کراچی پہنچا تھا۔
بدھ کی دوپہر کابل سے کراچی پہنچنے والا یہ جہاز لگ بھگ 21 گھنٹے تک کراچی کے جناح انٹرنیشنل ایئرپورٹ پر موجود رہا۔ ایوی ایشن ذرائع کے مطابق انتونو اے این 225 ماریہ یوکرائن کے کی یو ایئرپورٹ سے بطور پرواز نمبر اے ڈی بی 359 ایف بدھ کو علی الصبح 03:44 بجے افغان دارلحکومت کابل پہنچاتھا .
رپورٹس کے مطابق بھاری جنگی سازوسامان کی لوڈنگ کے بعد یہ جہاز فلائٹ اے ڈی بی 3859 کے طور پر بدھ کی دوپہر کراچی اترا، ایوی ایشن ذرائع کے مطابق 32 سال پرانے اس اسٹریٹجک جہاز نے جناح انٹرنیشنل ایئرپورٹ پر 20 گھنٹے کے زائد کا ٹیکنیکل اسٹاپ کیا اور یہ پرواز ADB-3859 جمعرات کی صبح 08:37 بجے کراچی سے برطانیہ میں ایکسفورڈ شائر آر اے ایف بریز نورٹن کے لیے روانہ ہوگئی۔

جہاز کی پاکستان آمد کی وجہ کے حوالے سے ذرائع کی جانب سے بتایا گیا ہے کہ جہاز کو افغانستان میں تعینات غیر ملکی فوج کے اسلحے کی ترسیل کیلئے استعمال کیا گیا، اور اسی مقصد کیلئے جہاز نے کراچی میں لینڈنگ کی۔ جہاز سے اٹلی کی فوج کا ساز و سامان جس میں اسلحہ اور لیتھیم بیٹریوں سمیت مختلف فوجی گاڑیاں شامل تھیں، جو کراچی ائیرپورٹ پر اتار گیا اور پھر بعد ازاں یہ سامان کراچی پورٹ سے اٹلی روانہ کیا گیا۔
فوجی ساز و سامان کی اس ترسیل کیلئے سول ایوی ایشن اتھارٹی نے 5 کروڑ روپے کا معاوضہ وصول کیا۔ یہاں واضح رہے کہ انتونو اے این 225 ماریہ 20 اپریل 2018 کو پہلی مرتبہ کراچی کے جناح انٹرنیشنل ایئرپورٹ آچکا ہے، 6 ٹربوفن انجن والا یہ اب تک کا دنیا کا سب سے بڑا اور بھاری طیارہ ہے۔ انتونو اے این 225 ماریہ نے دسمبر 1988 میں پہلی اڑان بھری، اس طیارے کا زیادہ سے زیادہ ٹیک آف وزن 640 ٹن ہے۔

پاکستان تحریک انصاف ( پی ٹی آئی ) کے رہنما زلفی بخاری نے چیئرمین پیپلز پارٹی بلاول بھٹو زرداری کے خلاف 100 ملین پاؤنڈ کا ہتک عزت کا دعویٰ کردیا۔

وزیراعظم کے سابق معاون خصوصی زلفی بخاری نے کہا ہے کہ قانونی ٹیم سے مشاورت کے بعد حالیہ غیر ذمہ دارانہ تبصرے پر بلاول کے خلاف ہتک عزت کی کارروائی کا فیصلہ کیا۔

زلفی بخاری نے کہا کہ بلاول بھٹو اپنے بیان کو واپس لیتے ہوئے غلطی تسلیم کریں اور میڈیا کے سامنے معافی مانگیں۔

زلفی بخاری کے مبینہ دورہ اسرائیل کی خبروں پر تبصرہ کرتے ہوئے بلاول نے کہا تھا کہ رات کے اندھیروں میں ہونے والے معاملات پر تشویش ہے۔

کراچی کے رہائشی رضوان احمد بچپن سے معذور ہیں، انہوں نے جامعہ کراچی سے اسلامک سٹڈیز میں ماسٹرز کر رکھا ہے مگر بارہا کوشش کے باوجود معذور کوٹے پر نوکری نہ مل سکی۔ اب وہ گھر کا خرچ چلانے کے لیے رکشہ چلا رہے ہیں ۔
رضوان احمد کا کہنا ہے کہ عزم ہمت اور حوصلہ زندگی کی نئی راہیں دیتا ہے
مایوسی کفر شکست پیہم مردہ دل ہوتی ہے ۔

صوبائی وزیر ٹرانسپورٹ اویس قادر شاہ نے گیس بحران پر تحقیقات کا مطالبہ کرتے ہوئے کہا ہے کہ وزیراعظم کے معاون خصوصی تابش گوہرنے انکشاف کیا ہے کہ سندھ کی گیس دیگر صوبوں کو دی گئی ہی. اویس شاہ نے مزید اپنے بیان میں کہا کہ تابش گوہر کو بھی تحقیقات میں شامل کیا جائے، وفاقی حکومت جواب دے سندھ کی گیس دیگر صوبوں اور سوئی نادرن کو کیوں دی گئی، وفاق کی گیس کے متعلق کوئی پالیسی نہ ہونے کی وجہ سے ملک میں گیس بحران شدت اختیار کرگیا ہے، وفاقی حکومت ایل این جی وقت پر خریدتی تو بحران پیدا نہ ہوتا۔
سندھ تو گیس پیدا کرتا ہے بحران دیگر صوبوں میں آتا سندھ میں کیسے آیا۔ انہوں نے کہا نالائق حکومت کی نااہلی کی وجہ سے سندھ کی کئی صنعتیں اورسی این جی اسٹیشنز کئی دنوں سے بند پڑے ہیں، سی این جی اسٹیشنز اور صنعتیں بند ہونے سے لاکھوں نوجوان بیروزگار ہونگے،قوم بالکل نہ گھبرائے عمران کی حکومت نے گرمیوں میں بھی گیس کی لوڈشیڈنگ کرکے وہ کر دکھا دیا جو پچھلی کسی حکومت نے نہیں کیا۔ وزیرٹرانسپورٹ نے کہا کہ عمران خان کو لانے والے بھی تبدیلی انجوائے کررہے ہیں، اور قوم نالائق خان کو بھگت رہی ہے۔

سندھ حکومت کے ترجمان مشیر قانون، ماحولیات و ساحلی ترقی بیرسٹر مرتضی وہاب نے کہا ہے کہ شاہ محمود قریشی اور حلیم عادل شیخ چیئرمین پیپلز پارٹی بلاول بھٹو کے خلاف بات کرتے ہوئے اپنا ماضی بھول گئے۔
مرتضی وہاب نے کہا کہ ان کی گفتگو سن کر میں یہی کہوں گا کہ کہاں راجہ بھوج اور کہاں گنگو تیلی۔انھوں نے کہا کہ شاہ محمود قریشی اور حلیم عادل شیخ ماضی میں پیپلز پارٹی کے گن گایا کرتے تھے۔بیرسٹر مرتضی وہاب نے کہا کہ شاہ محمود قریشی کو پیپلز پارٹی نے عزت دی، حلیم عادل شیخ پیپلز پارٹی کی سندھ حکومت میں شامل رہے۔انھوں نے کہا کہ یہ دونوں افراد اپنے قد اور ماضی کو دیکھ کر بات کریں تو بہتر ہوگا۔