Category: کراچی

کراچی کے علاقے فرئیر میں شہزور ٹرک سے گر کر

سیکورٹی گارڈجاں بحق ہو گیا۔تفصیلات کے مطابق فرئیر

تھانے کی حدود تین تلوار کے قریب شہزور ٹرک سے گر کر

سیکورٹی گارڈ جاں بحق ہو گیا جسکی لاش کوضابطے کی

کارروائی کے لیے جناح اسپتال منتقل کیا گیا جہاں اسکی

شناخت 60 سالہ محمد عباس کے نام سے ہوئی۔

متوفی نجی سیکورٹی کمپنی میں ملازمت کرتا تھا اور

نیو کہمار واڑہ غوثیہ گلی کا رہائشی تھا .

موچکو پولیس نے حب ریور روڈ پر کارروائی کرتے ہوئے بین الصوبائی منشیات اسمگلنگ میں ملوث باپ ، بیٹے بیوی اور بہو کو گرفتار کر لیا۔پولیس کے مطابق ملزمان کے قبضہ سے 11 کلو اعلی کوالٹی کی چرس برآمد کی گئی ہے۔
پولیس نے بتایا کہ ملزمان خواتین کے جسم سے منشیات لپیٹ کر بذریعہ کار بلوچستان سے کراچی لا رہے تھے ، گرفتار ملزمان میں باپ رحمدل ، بیٹا حکمت اللہ ، بیوی روزینہ اور بہو رضیہ شامل ہیں۔ملزمان کے خلاف اینٹی نارکوٹکس ایکٹ کے تحت مقدمہ درج کر کے تفتیش شروع کر دی گئی ہے۔

آل پاکستان گڈز ٹرانسپورٹ اونرز ایسوسی ایشن کے مرکزی رہنما محمداویس چوہدری ایڈووکیٹ نے کہا ہے کہ فاضل عدالت نے اوور لوڈنگ کو جڑ سے ختم کرنے اور ایکسل لوڈ لمٹ قانون پر سختی کے ساتھ مکمل عملدرآمد کروانے کا آرڈر جاری کیا جس پر عملدرآمد کرانا موٹروے پولیس کا کام ہے ،موٹر وے پولیس نے نے اوور لوڈنگ کو جڑ سے ختم کرنے کی بجائے اس قانون کو ریونیو اکٹھا کرنے کا ذریعہ بنا لیا ہے جو عدالتی احکامات کی سراسر خلاف ورزی ہے ۔
اپنے بیان میں انہوں نے کہا کہ یہ کوئی طریقہ نہیںہے کہ گاڑی کراچی سے پنجاب میں داخل ہو تو بھاری چالان کرنے کا سلسلہ شروع کر دیا جائے ،اگر موٹروے پولیس واقعی ایکسل لوڈ لمٹ قانون کا نفاذ چاہتی ہے تو یہ دوغلی پالیسی ختم کر کے جس پوائنٹ سے اوور لوڈ گاڑی روڈ پر چڑھتی ہے اسے وہیں سے واپس کیا جائے ،موٹروے پولیس کو عوام میں باعزت ادارہ سمجھا جاتا ہے برائے مہربانی اس ادارے کی ساکھ کو خراب ہونے سے بچایا جائے اورآئین اور قانون کے مطابق عدالتی فیصلے پر من و عن سختی کے ساتھ مکمل عملدرآمد کو فی الفور یقینی بنایا جائے۔

پاکستان کی معروف ٹک ٹاکر حریم شاہ نے سماجی رابطوں کی ایپلی کیشنز پر عروسی لباس میں اپنی تصاویر اپ لوڈ کیں تو ان کے مداحوں کو تجسس ہوا جس کے بعد کسی ٹی وی چینل کے رابطہ کرنے پر حریم شاہ نے اعلان کیا کہ یہ تصاویر ان کی شادی کی ہیں اور انہوں نے پیپلزپارٹی کے رکن سندھ اسمبلی سے شادی کر لی ہے تاہم وہ شوہر سے متعلق مزید معلومات فراہم نہیں کر سکتیں۔
تاہم اب حریم شاہ کی ان تصاویر سے متعلق میک اپ آرٹسٹ نے حقیقت بیان کر دی۔ برطانوی نشریاتی ادارے سے بات کرتے ہوئے میک اپ آرٹسٹ کشفانہ نے بتایا کہ یہ تصاویر میرے بیوٹی سیلون کی تشہیر کے لیے کروائے گئے فوٹو شوٹ کی ہیں جس کے لیے لباس، میک اپ اور یہاں تک کے فوٹو شوٹ کی لوکیشن بھی میری طرف سے فراہم کی گئی تھی اور حریم شاہ کو اس کے لیے معاوضہ بھی دیا گیا تھا ۔
کشفانہ کا کہنا تھا کہ ان تصاویر کے لیے حریم شاہ کا میک اپ میں نے خود کیا تھا۔ کشفانہ نے بی بی سی سے بات کرتے ہوئے کہا کہ میں یہ نہیں جانتی کے اس کے بعد حریم شاہ نے شادی کی یا نہیں اور کس سے کی لیکن میں صرف یہ بتا سکتی ہوں کہ یہ تصاویر میرے سیلون کی ہیں جو ہم نے اس کی تشہیر کے لیے لی تھیں۔ کشفانہ کے مطابق یہ فوٹو شوٹ 18 جون کو ان کے ہی سیلون، جو کراچی میں ہے، میں ہوا تھا۔
بی بی سی کے مطابق کشفانہ کے دعوے سے متعلق جب حریم شاہ سے رابطہ کیا اور سوشل میڈیا پر گردش کرنے والی تصاویر کے بارے میں دریافت کیا گیا کہ آیا یہ تصاویر ان کی شادی کی ہیں تو حریم شاہ کا دعویٰ تھا کہ یہ تصاویر ان کے نکاح کی ہیں۔ جب حریم شاہ کو آگاہ کیا گیا کہ میک اپ آرٹسٹ کشفانہ کا دعویٰ ہے کہ یہ تصاویر ان کے سیلون کی تشہیر کے لیے کیے گئے فوٹو شوٹ کی ہیں تو اس پر حریم شاہ کا کہنا تھا کہ وہ نہیں جانتیں کہ کن تصاویر کی بات ہو رہی ہے ۔
حریم شاہ نے کہا کہ میں خود اپنے نکاح کی تصاویر بی بی سی کو بھیج رہی ہوں جس کے بعد انہوں نے بی بی سی کو تصاویر بھیجیں۔ بی بی سی کے مطابق حریم شاہ کی طرف سے جو تصویر بی بی سی کو بھیجی گئی وہ بھی ان کے سوشل میڈیا پر موجود تھی اور بی بی سی نے اس تصویر کی میک آپ آرٹسٹ فرح حیدر سے رابطہ کیا تو ان کا بھی کہنا تھا کہ یہ تصاویر ان کے بیوٹی سلون کی تشہیر کے لیے کیے گئے فوٹو شوٹ کی ہیں جس کے لیے لباس، میک آپ اور لوکیشن ان کی طرف سے فراہم کیا گیا تھا جبکہ حریم شاہ اور ان کی دوست سندل خٹک کو اس کے لیے معاوضہ بھی دیا گیا تھا۔
فرح حیدر کا کہنا تھا کہ یہ فوٹو شوٹ 11 اپریل کو اسلام آباد میں ہوا اور ان کا سیلون راولپنڈی میں ہے۔ جب اس حوالے سے جاننے کے لیے دوبارہ حریم شاہ سے رابطہ کیا گیا اور پوچھا کہ بھیجی ہوئی تصاویر تو اسلام آباد کی ہیں جبکہ ان کا تو دعویٰ ہے کہ یہ کراچی کی ہیں، تو ان کا کہنا تھا کہ میں نے شاید غلط تصاویر بھیج دیں ، میں جلد اپنے ولیمے کی تصاویر جاری کریں گی۔ حریم شاہ کا کہنا تھا کہ کیونکہ میں شادی کو خفیہ رکھنا چاہتی تھی اس لیے بیوٹی پارلر والوں کو حقیقت نہیں بتائی گئی اور صرف یہی کہا گیا کہ میں بیوٹی پالر کی تشہیر کے لیے تیار ہو رہی ہوں ۔ حریم شاہ اور میک اپ آرٹسٹس کے بیانات میں تضاد کے بعد سے حریم شاہ کی شادی کا معاملہ مزید مشکوک ہو گیا ہے ۔

شہر قائد میں موٹر سائیکلوں کی بڑھتی ہوئی چوری پر پولیس نے کارروائی کرتے ہوئے سات رکنی گینگ کو گرفتار کرلیا ہے، ملزمان چوری شدہ موٹر سائیکلوں کو کہاں فروخت کرتے تھے؟ اہم انکشاف سامنے آیا ہے۔

ایس پی سٹی سرفراز نواز نے بتایا کہ کھارادر پولیس نے منظم موٹر سائیکل لفٹر گروہ کے خلاف کارروائی کی، کارروائی کے دوران سات رکنی گینگ کو گرفتار کیا گیا۔

سرفراز نواز نے ملزمان سے کی گئی تفتیش سے متعلق بتایا کہ ملزمان فی موٹر سائیکل صرف تین ہزار میں فروخت کرتے تھے،گرفتار ملزمان میں گینگ سرغنہ عبدالرحمان عرف ڈاڈا بھی شامل ہے، ملزمان سے چھ موٹر سائیکلیں اورتین چیسز ملےہیں۔

ایس ایس پی سٹی سرفراز نواز نے میڈیا کو بتایا کہ دوران تفتیش ملزمان نے بیان دیا کہ وہ بولٹن مارکیٹ، کھارادر اور جامع کلاتھ پر جاتےتھے.

پارکنگ پوائنٹ سے اپنی مرضی کی نئی موٹرسائیکل چوری کرتے اور تین ہزار میں علی بھٹو کباڑی کو بیچتےتھے.

گروپ میں شامل مکینک موٹرسائیکلوں سے نیاسامان نکالتےتھے، نکالا گیا سامان گرفتار کباڑی علی بھٹو مارکیٹ میں فروخت کردیتا تھا، گینگ سرغنہ کی نشاندہی پر کباڑی علی بھٹوبھی گرفتار کرلیا ہے۔

سرفراز نواز نے بتایا کہ ملزمان بڑی تعدادمیں موٹرسائیکلیں چوری کرچکےہیں، گرفتارملزمان سےمزیدتفتیش کاعمل جاری ہے۔

کراچی بلدیہ ٹاؤن نمبر 3 کی عوام پانی کی بوند بوند کے لیے ترس گئی.

3 ماہ سے واٹر بورڈ نے پانی کی بندش کر رکھی ہے عوام کیساتھ ظلم‌ کا زمہ دار کون؟

کیا قانون نافذ کرنے والے ادارے واٹر بورڈ مافیا کے خلاف قانونی کارروائی کرینگے۔

عوام‌ کو عزیت میں مبتلا کیے آج 90 دن گزر گئے جو پانی بلدیہ ٹاؤن نمبر 3 کی عوام کو مہیا کرنا تھا وہی پانی ٹینکر مافیا کو فروخت کیا جا رہا ہے.

بلدیہ کی عوام کو لاوارث کر دیا مزدور طبقہ پہلے ہی مہنگائی سے تنگ ہے اوپر سے پانی کی بندش کر دی گئی.

پانی ٹینکر مافیا کو فروخت کرکے واٹر بورڈ کے کرپٹ افسران کو خوش کیا جا رہا ہے.
بلدیہ ٹاؤن نمبر 3 کی عوام ٹینکر خرید نہیں سکتی اب تو پینے تک کاپانی دستیاب نہیں جب نیو لائن ڈالی گئی تھی پانی‌ 15 دن تک فراہم کیا گیا۔

پھر ایک ماہ کے لئے پانی کی بندش کی گئی پھر دو ماہ کا دورانیہ اب تین ماہ‌ ہونے کو ہیں کوئی پرسان حال نہیں ہے۔

پانی بہران کا‌سامنا بلدیہ کی عوام کی تمام زمیدران سے اپیل ہے اس پریشانی سے چھٹکارا دلایا جائے اور اس مسئلے کو حل کیا جائے.