Category: کراچی

اپوزیشن لیڈرسندھ اسمبلی حلیم عادل شیخ نے سندھ حکومت کوٹف ٹائم دینےکافیصلہ کرلیا اور کہا سندھ حکومت کی کرپشن پر عدالت،عوام اورمیڈیامیں جائیں گے۔

تفصیلات کے مطابق اپوزیشن لیڈرسندھ اسمبلی حلیم عادل شیخ نے سندھ حکومت کوٹف ٹائم دینےکافیصلہ کرتے ہوئے سندھ حکومت کےخلاف چارج شیٹ تیار کرلی۔

حلیم عادل شیخ کا کہنا تھا کہ سندھ حکومت کی کرپشن پر عدالت،عوام اورمیڈیامیں جائیں گے اور سندھ کےتمام محکموں کی کرپشن عوام کے سامنے لائیں گے۔

اپوزیشن لیڈرسندھ اسمبلی نے مزید کہا کہ اتوار کے روزپہلی بجٹ چارج شیٹ عوام کے سامنے لائی جائے گی.

پیر کووزیراعلیٰ سندھ کی نااہلی کے لیےعدالت میں درخواست جمع کرائیں گے، سندھ حکومت کی کرپشن اورنااہلی پرعدالتوں سےمسلسل رجوع کریں گے۔

ان کا کہنا تھا کہ سندھ حکومت اپوزیشن کی آوازبندکرنےکےسب طریقےآزمائے، اب فیصلے انصاف اورعوام کی عدالت میں ہوں گے۔

یاد رہے گذشتہ روز اپوزیشن کے شور شرابے اور ہلڑبازی کے باوجود وزیر اعلیٰ سندھ مراد علی شاہ نے بجٹ تجاویز منظوری کیلئے پیش کیں ، جن کو ایوان نے کثرت رائے سے منظور کیا۔

پاک سرزمین پارٹی کے چیئرمین سید مصطفیٰ کمال نے کہا ہے کہ پاکستان کی نصف سے زائد آبادی انتخابی عمل پر اعتماد نا ہونے کے باعث اپنا حق رائے دہی استعمال نہیں کرتی۔ تمام انتخابات یہاں تک کہ ضمنی انتخابات کے عمل اور نتائج کو نا تو سیاسی جماعتیں قبول کرتی ہیں اور نا ہی عوام انتخابی عمل اور انتخابی نتائج سے مطمئن ہوتے ہیں۔
حکمران انتخابی اصلاحات کے نفاذ کیلیئے سنجیدگی کا مظاہرہ کریں۔ شفاف اور غیر جانبدارانہ انتخابی عمل کو یقینی بنانے کے لیے متفقہ انتخابی اصلاحات کی اشد ضرورت ہے۔ حکومت کو انتخابی اصلاحات کے لیے پارلیمنٹ کے اندر اور باہر موجود تمام سیاسی جماعتوں کی آل پارٹیز کانفرنس طلب کر کے مشاورت کر کے ملک میں جمہوریت کی مظبوطی کی خاطر ایک ایسا شفاف انتخابی نظام عوام کو مہیا کرنا چاہیے جو تمام سیاسی مفادات اور سیاسی انجینئرنگ سے پاک ہو لیکن افسوس چور دروازوں سے حکومت میں آنے والے وڈیرانہ ذہنیت کے حامل افراد و خاندان ناصرف اپنے اور اپنے خاندان کے لیے چور دروازے ہمیشہ کھلے رکھتے ہیں بلکہ جمہوریت کی پہلی شرط بلدیاتی ادارے جو نئے لیڈر پیدا کرنے کے لیے نرسری کا کام کرتے ہیں، عوام کو اس حق سے بھی محروم رکھے ہوئے ہیں۔
پاکستان کو بنیادی اصلاحات کی ضرورت ہے۔ ان خیالات کا اظہار انہوں نے پی ای سی ایچ سوسائٹی میں عوامی رابطہ مہم کے تحت ملاقات میں تبادلہ خیال کرتے ہوئے کیا۔ انہوں نے مزید کہا کہ ہمیں عمران خان کی حکومت سے توقع تھی کہ وہ عوام کے مسائل حل کرنے کے لیے اصلاحات کریں گے لیکن انہوں نے بھی سابقہ حکمرانوں کا راستہ اختیار کیا۔ پنجاب اور خیبرپختونخوا جہاں انکی صوبائی حکومت تھی وہاں بھی بلدیاتی نظام کا جبری خاتمہ کر دیا گیا۔
پاک سرزمین پارٹی کا منشور ہے کہ وہ ملک کو بااختیار اور موثر بلدیاتی نظام دے گی نیز بہترین انتخابی اصلاحات بھی کرے گی اس لیے عوام کو پاکستان کی خاطر پاک سرزمین پارٹی کا بھرپور ساتھ دینا چاہیے تاکہ ملک اور آنے والی نسلوں کا مستقبل محفوظ بنایا جا سکے ۔

عائشہ منزل کے قریب سرکاری شیلٹر ہوم میں ہنگامہ آرائی کے الزام میں 2 خواتین سمیت 9 افراد کوگرفتار کرلیاگیا۔
پولیس کے مطابق واقعے کا مقدمہ سرکاری شیلٹر ہوم کے ڈرائیور محمد قدیر کی مدعیت میں ہنگامہ آرائی، نقصان پہنچانے، دھمکی دینے سمیت دیگر دفعات کے تحت گلبرگ تھانے میں درج کر لیا گیا ہے،پولیس نے بتایا ہے کہ گرفتار افراد نے شیلٹر ہوم میں پناہ لینے والی میر پور خاص کی خاتون سے اس کے اہلِ خانہ کو ملانے کا مطالبہ کیا،انتظامیہ نے بتایا کہ شیلٹر ہوم میں ملاقات کا وقت ختم ہو چکا ہے لیکن انہوں نے ہنگامہ آرائی کی، پناہ گاہ کے ڈرائیور اور سیکیورٹی گارڈ کو تشدد کا نشانہ بنایا،گرفتار افراد میں خود کو نجی این جی او کا کارندہ ظاہر کرنے والا اور خاتون کے اہلِ خانہ بھی شامل ہیں

سربراہ پی ڈی ایم جے یوآئی کے قائد مولانا فضل الرحمان طبیعت ناساز ہونے پر مقامی اسپتال کے انتہائی نگہداشت یونٹ میں زیرعلاج ہیں،ابتدائی ٹیسٹ رپورٹ کے بعد ڈاکٹرزکو شبہ ہے کہ انھیں گردے اور مثانے کا انفیکشن ہے۔ڈاکٹرز کی خصوصی ٹیم مولانا فضل الرحمان کے معائنہ پر مامور ہے۔
ترجمان جے یو آئی اسلم غوری کے مطابق مولانا فضل الرحمان کی طبعیت میں کچھ بہتری آئی ہے مولانا فضل الرحمان کو دو دن سے سخت بخار تھا جس کی وجہ سے ہسپتال میں داخل کئے گئے ان کی صحت اب قدرے بہت بہتر ہے۔

فائنل چیک اپ کے بعد جلد ہسپتال سے ڈسچارج کردیے جائیں گے۔علاوہ ازیں سابق صدر آصف علی زرداری نے سربراہ جے یو آئی کے لئے نیک تمناں کا اظہارکیا ہے اوران کی جلد صحتیابی کے لئے دعا کی ہے سابق صدر نے مولانا فضل الرحمان کے لئے پھولوں کا گلدستہ بھجوایا ہے۔

جماعت اسلامی سندھ کے جنرل سیکریٹری کاشف سعید شیخ نے کہا ہے کہ ملک میں بحرانوں کی قطار لگی ہوئی ہے لیکن وفاقی اور صوبائی حکومتیں لاتعلق نظر آتی ہیں، ایک ہی وقت میں لاتعداد بحرانوں کی وجہ سے عوام اذیت کا شکار جبکہ حکومتی گڈ گورننس کا پول کھول کر رکھ دیا ہے،پانی،بجلی،گیس، آٹے اور پیٹرول بحران کے بعد شدید لوڈشیڈنگ ،صنعتوں کیلئے گیس کی بندش اور سی این جی کی لوڈشیڈنگ کے علاوہ اب آئل ٹینکرز کی ہڑتال سے سندھ سمیت ملک بھر میں ایک بار پھر پیٹرول اور ڈیزل کی شدید قلت کا بحران درپیش ہے،کراچی کے مختلف علاقوں میں پیٹرول پمپس پر پیٹرول نہیں مل رہا، فلور ملز ایسو سی ایشن کی جانب سے ایف بی آر سے ٹیکس معاملات پر مسئلہ چل رہا ہے جس کی وجہ سے آٹے کے بحران کا بھی امکان پیدا ہوچکا ہے لیکن نااہل،اناڑی اور عوامی مسائل سے لاتعلق حکمران دن رات مخالفین پر تنقید کرنے میں مصروف ہیں۔
انہوں نے کہا کہ جب سے موجودہ حکومت نے اقتدار سنبھالا ہے ملک معاشی ،سیاسی بحرانوں سمیت مہنگائی،بدامنی اور بیروزگاری کے ساتھ بحران در بحران کا شکار ہے،گڈ گورننس ،قرضے نہ لینے اورآئی ایم ایف کی غلامی نہ کرنے کے دعویدار پی ٹی آئی حکومت نے اب تو ملک کے ہوائی اڈے، موٹرویز اور اسٹیل ملز سمیت دیگر دفاعی اہمیت کے حامل اثاثہ جات کو گروی رکھنے کا بھی فیصلہ کرلیا ہے جس سے ان کی نااہلی،بدترین حکمرانی کا صاف ظاہر ہوتی ہے۔
اس وقت ملک انتہائی بدترین حالات کا شکار،حکمرانوں کا معاشی،اقتصادی اور خارجی وداخلی معاملات پر کوئی گرفت نہیں ہے جبکہ اہم معاملات کو بھی پارلیمنٹ کے باہر طے کیا جارہا ہے قانونسازی کیلئے بھی سارا زور صدارتی آرڈیننس پر ہے، ملکی تاریخ میں سب سے زیادہ قرضہ لینے کے باوجود حکومتی خسارے کا گڑھا نہیں بھرسکا ہے،بجلی اور گیس بحران کی وجہ سے عام آدمی کی زندگی متاثر اور معیشت پر بھی برے اثرات پڑے ہیں جبکہ آئل ٹینکرز کانٹیکٹرز کی جانب سے ہڑتال کی وجہ سے پیٹرول بحران شدید ہونے کا امکان بڑھ گیا ہے، انہوں نے مزید کہا کہ حکومت اہم ملکی مسائل اور معاملات سے بلکل لاتعلق بنی ہوئی ہے جس کی وجہ سے آج یہ سنگین صورتحال پیدا ہوچکی ہے،کراچی میں پیٹرول پمپس پر لمبی قطاریں لگی ہوئی ہیں اس صورتحال سے امن امان کا مسئلہ بھی پیدا ہوسکتا ہے، ایسا لگتا ہے حکومت مختلف مافیاز کے سامنے بے بس ہوچکی ہے، نہ چینی اور آٹا بحران کے ذمہ داران کی گرفت ہوسکی ہے اور نہ پیٹرول بحران پیدا کرنے والے قانونی شکنجے میں گرفتار ہوئے، اس وقت بھی روزانہ نئے بحران پیدا کرنے والے ہر قسم کی پکڑ سے آزاد ہیں۔
انہوں نے زوردیا کہ وفاقی حکومت گیس،بجلی اور پیٹرول بحران پر سنجیدگی سے توجہ دے، سندھ میں سی این جی اور صنعتوں کو گیس کی فوری فراہمی شروع جبکہ ٹینکرز کی ہڑتال کے خاتمے اور پیٹرول کی فراہمی کو یقینی بنانے کیلئے ٹینکرزکانٹیکٹرز سے بات چیت سے مسئلہ حل کرکے عوام کو مزید مسائل میں گرفتار ہونے سے بچایا جائے ۔

کراچی الیکٹرونک ڈیلر ایسوسی ایشن کے وفد کی ایڈیشنل آئی جی کراچی سے ملاقات۔ ترجمان کراچی پولیس کے مطابق کراچی پولیس آفس میں KEDA کے صدر رضوان عرفان کے ہمراہ ایسوسی ایشن کے دیگر اراکین کی آمد۔ایسوسی ایشن کی جانب سے شہر کی بڑی مارکیٹوں میں چوری کے موبائل فونز کی خرید وفروخت کی روک تھام کیلئے کئے جانے والے اقدامات پر بریفنگ دی گئی۔
استعمال شدہ موبائل فونز کی خرید و فروخت کیلئے متعلقہ افراد کے شناختی کارڈ اور دیگر کوائف کی تفصیلات لازمی ریکارڈ کی جاتی ہے۔کراچی کے مضافاتی علاقوں میں بھی چوری کے موبائل فونز فروخت ہو رہے ہیں انکی روک تھام کیلئے جامع حکمت عملی ترتیب دی جا رہی ہے۔ غیر قانونی پارکنگ شہر کا دیرینہ مسئلہ ہے جس پر قابو پانے کیلئے ٹریفک پولیس بھرپور اقدامات کر رہی ہے۔
وفد کیجانب سے عبداللہ ہارون روڈ پر غیر قانونی پارکنگ کے سدباب کیلئے سنگل لائن پارکنگ کی تجویز پیش کی گئی۔کراچی پولیس چیف نے ڈی آئی جی ٹریفک کو غیر قانونی پارکنگ کیخلاف مہم کے ابتدائی مرحلے میں کل سے ریگل چوک سے عبداللہ ہارون روڈ پر سنگل لائن پارکنگ کو یقینی بنانے کی ہدایت جاری کر دیں۔کراچی پولیس محدود وسائل کو بروئے کار لاتے ہوئے عوام کے تحفظ اور امن و امان کے قیام کیلئے کوشاں ہے ۔

حکومت نے موبائل فون کے استعمال کو عیاشی تصور کر لیا، پہلے سے ٹیکسوں کے بوجھ تلے دبی موبائل صنعت پر ٹیکس کا نیا بوجھ ڈال دیا ۔
معلوم ہوا ہے کہ موبائل فون کی پانچ منٹ کی کال پر 75 پیسے کا نیا ٹیکس عائد کیا گیا ہے پاکستان میں موبائل فون کی فی منٹ کال پر اوسط 33 پیسے وصول کیئے جاتے ہیں اس طرح پانچ منٹ کی فون کال پر انڈسٹری 1 روپے 65 پیسے وصول کرتی ہے۔ پانچ منٹ کی کال پر 50 فیصد سے بھی زائد ٹیکس عائد ہوجائے گا جبکہ موبائل فون خدمات پر پہلے ہی جی ایس ٹی 32 پیسے اور دودھ ہولڈنگ ٹیکس 20 پیسے عائد ہے ۔ اب صارفین کو موبائل فون پر 1 روپے 65 پیسے کی فون کال پر 1 روپے 27 پیسے ٹیکس دینا ہوگا اور فون کال پر ٹیکس 77 فیصد تک پہنچ جائے گا .

پاکستان پیپلزپارٹی کے چیئرمین بلاول بھٹو زرداری نے پیپلزپارٹی کراچی ڈویژن شعبہ خواتین کی سینئر نائب صدر نسیمہ ناز بلوچ کے انتقال پرافسوس کا اظہارکیاہے۔

جمعہ کو جاری اپنے تعزیتی بیان میں انہوں نے کہاکہ وزیراعلی سندھ کی معاون خصوصی نسیمہ ناز بلوچ کے انتقال کی خبر سن کر صدمہ ہوا۔نسیمہ ناز بلوچ ہر دور میں بھٹو ازم کے نظریئے پر ثابت قدم رہیں۔نسیمہ ناز بلوچ نے کراچی بالخصوص لیاری کی خواتین کی موثر نمائندگی کی۔بلاول بھٹو زرداری نے نسیمہ ناز بلوچ کے انتقال پر ان کے بلندی درجات اور لواحقین کیلئے صبر کی دعا بھی کی.

سندھ حکومت کے ترجمان مشیر قانون ، ماحولیات و ساحلی ترقی بیرسٹر مرتضی وہاب نے کہا ہے کہ سندھ وزیراعظم عمران خان کی ترجیحات میں شامل نہیں ہے انکے کراچی کے حلقہ انتخاب میں بھی ترقیاتی کام سندھ حکومت کروا رہی ہے سندھ میں اپوزیشن جماعتوں نے احتجاج کی غلط روایت ڈالی، بجٹ پر زبانی اعتراض کرنے والوں نے اسمبلی میں کٹ موشنز ہی جمع نہیں کروائے جس سے انکی سنجیدگی کا اندازہ ہوتا ہے اپوزیشن سندھ کے ساتھ مخلص ہے تو پانی، گیس اور مردم شماری پر احتجاج کرے ان خیالات کا اظہار انہوں نے جمعہ کے سندھ اسمبلی کمیٹی روم میں نیوز کانفرنس کرتے ہوئے کیا ۔
بیرسٹر مرتضی وہاب نے کہا کہ سندھ اسمبلی نے نئے مالی سال کا بجٹ متفقہ طور پر منظور کیا ہے بجٹ اپنے شیڈول کے عین مطابق منظور ہوا اسپیکر نے تمام پارلیمانی جماعتوں کے ساتھ مشاورت کی ایک عوام دوست بجٹ منظور ہوا ہمارے ناقدین جو کئی روز سے اچھے اچھے کپڑے سلوا رہے تھے انکے ارمانوں پر اوس پڑ گئی ہے لیکن انکے اپنوں نے انکے ساتھ ایسا کیا اس میں پیپلزپارٹی کا کوئی ہاتھ نہیں ہے انہوں نے کہا کہ ہر پارلیمانی جماعت کو بجٹ پر بحث کا حق ہے یہ طے ہوا تھا کہ ہر رکن مہذب انداز میں بجٹ پر گفتگو کریگا لیکن بدقسمتی سے اسمبلی کے ماحول کو بہت خراب کرنے کی کوشش کی گئی اور ایسا ماحول دو ہزار اٹھارہ کے بعد سے دیکھنے میں آیا ہے سب نے دیکھا کہ اپوزیشن کا کوئی رکن بولتا تو پیپلزپارٹی کے کسی رکن نے مداخلت نہیں کی مگر جب پیپلزپارٹی کا کوئی رکن بات کرتا تو بے جا مداخلت کی جاتی باربار پارلیمانی روایات کی دھجیاں اڑائی جاتی ایوان میں سیٹیاں بجانا قطعی طور پر پارلیمانی روایت نہیں ہے بیرسٹر مرتضی وہاب نے کہا کہ پی ٹی آئی کے اٹھائیس میں سے اکیس ارکان نے چار گھنٹے سے زائد بات کی ہے جی ڈی اے کے گیارہ ارکان نے دو گھنٹے اکتیس منٹ بات کی ہمیں آپ کی بات پر اعتراض ہوتا تو بات نہ کرپاتے آپکو مکمل موقع دیا گیا انہیں ٹیوشن لینے کا بڑا شوق ہے بجٹ پر اعتراض کا سب سے اہم چیز کٹوتی کی تحاریک ہوتی ہیں یہ اتنے لائق اپویشن لیڈر اور انکے ارکان ہیں یہ اہم کام انہوں نے نہیں کیا یہ اس بات کا ثبوت ہے کہ اپوزیشن ہمارے بجٹ سے اتفاق کرتے ہیں۔
بیرسٹر مرتضی وہاب کا کہنا تھا کہ ایم کیوایم پاکستان کے ارکان نے احتجاج کیا اور بجٹ نامنظور کے نعرے لگائے میں تمام اپوزیشن سے پوچھتا ہوں کہ کیا انہیں ترقیاتی بجٹ پر اعتراض ہے پانی سے لیکر پبلک ہیلتھ کی اسکیمیں ہر ضلع میں دی گئی ہیں آسان اقساط پر قرضے کی اسکیم دی گئی ہیآئی ٹی کے شعبے میں نمایاں کام کیا گیا ہے خصوصی بچوں کی دیکھ بھال کے لئے انکے خاندان کو قرض کی اسکیم متعارف کروائی گئی ہے اسٹیمپ ڈیوٹی ایک فیصد کم کی گئی ہے کیا اس پر اعتراض ہی اوفاقی حکومت ٹیکس بڑھا رہی ہے سندھ میں شرح کم کی جارہی ہے ہم نے ایس آر بی کے ٹیکس شرح کو کم کیا آپکو ہم نے تکلیف سے بچایا کیا یہ ہماری غلطی ہے زراعت پر سبسڈی دی گیی کیا یہ غلط کیاجی ڈی اے ارکان زرا بتائیں کیا یہ سبسڈی نہیں دینی چاہئیے تھی صوبے کی غریب خواتین کو عزت و وقار کے ساتھ کاروبار کرنے کے لئے قرض کی سہولت دی گئی کیا یہ بھی سندھ حکومت نے غلط کیا آپ کہتے ہیں کوئی کام نہیں ہوا بارہ لاکھ خواتین سندھ رورل سپورٹ پروگرام سے مستفید ہورہی ہیں۔
بیرسٹر مرتضی وہاب نے اپوزیشن خصوصا ایم کیوایم کے ارکان سے سوال کہ کیا آپکا اختلاف اس بات پر ہے کہ کراچی کے ٹراما سینٹر پر دو ارب روپے اور ایس آئی یو ٹی کے لئے سات ارب روپے رکھے گئے کیا آپکا اختلاف اس بات پر ہے کہ انڈس ہستپال کے لئے دو ارب سے زائد رکھے گئیکیا بنیادی صحت کے مراکز کو آٹھ ارب روپے دینا غلط ہیکیا گمس گمبٹ ہستپال کے لئے فنڈز مختص کرنا غلط ہے جہاں دیگر صوبوں اور شہروں سے لوگ علاج کے لئے آتے ہیں این آئی بی ڈی کو پچاس کروڑ کی رقم دینا غلط ہیآپ تو چندہ لیکر کام چلاتے ہیں مگر سندھ حکومت اداروں کو خود چلاتی ہے ادارہ امراض قلب جسکے یونٹس سندھ بھر میں ہیں اسے فنڈز دئیے گئے ہیں بیرسٹر مرتضی وہاب نے کہا کہ پورے پاکستان میں بتا دیں کسی ایک حکومت نے انفیکشس ڈیزیز ہستپال بنایا ہویہ کام بھی سندھ حکومت نے کیا ہیچائلڈ لائف فانڈیشن پر آپکا اختلاف ہے کیا ضلع وسطی میں شاہراہ نورجہاں بنانے پر اختلاف ہیکیا ضلع وسطی اور کورنگی میں جدید طریقوں سے کچرا اٹھانے پر آپکا اختلاف ہے کیا آپکو نیشنل ہائی وے اور لنک روڈ کو ملانے کے لئے سڑک بنانے پر اختلاف ہے گلستان جوہر میں فلائی اوور بنانے پر اختلاف ہے جہاں سے وزیراعظم منتخب ہوئیکراچی کی سڑکوں کو جدید بنانے پر آپکو اعتراض ہے ایم کیوایم پاکستان اور جی ڈی اے کے دوستوں سے پوچھتا ہوں کہ قومی اسمبلی میں مردم شماری پر اعتراض کیوں نہیں کیا کیا آپ نے ارسا کے غیر منصفانہ اقدام پر اعتراض کیا جواب نہیں میں ہے آج گیس کے بحران پر کیوں اعتراض نہیں کیایہ بحران صنعت اور مزدور دشمن حکومت تحریک انتشار کا کیا ہوا ہے گھریلو صارفین سمیت کسی شعبے کو گیس نہیں مل رہی آپکا احتجاج صرف پیپلزپارٹی کے سامنے چلتا ہے بیرسٹر مرتضی وہاب کا کہنا تھا کہ وزیراعظم نے ایک سو باسٹھ ارب روپے کا لالی پاپ دیا اور اسکے بعد گیارہ سو ارب روپے کا لالی پاپ دیاکیا اس پر احتجاج کیا نہیں کیا کیونکہ انکی نیت ہی نہیں کہ یہ عوامی مسائل حل کریں احتجاج کرنا ہے تو پانی ، گیس ، مردم شماری کے ایشوز پر بھی کریں بیرسٹر مرتضی وہاب نے کہا کہ اپوزیشن لیڈر سندھ اسمبلی حلیم عادل شیخ نے اگر تقریر نہیں کی تو قائد ایوان نے بھی نہیں کی انکے ٹیوٹر نے انہیں شاید غلط مشورہ دیا سینیٹ انتخابات میں پی ٹی آئی کے کسی ممبر نے ایم کیوایم پاکستان کے لئے کہا کہ ان پر اعتبار نہیں کیا جاسکتا ایم کیوایم پاکستان کے مینڈیٹ پر سیاسی چائنہ کٹنگ کس نے کی خود دیکھ لیں کٹ موشن اپوزیشن نے خود جمع نہیں کروائے اور عدالت جانے کی بات کررہے ہیں قانونی اعتبار سے اسمبلی کی کارروائی کو عدالت میں چیلنج نہیں کیا جاسکتا غلط پالیسی یہ بناتے ہیں اور بھگتے سندھ حکومت کراچی کے صنعتکار بھی گیس بحران پر سراپا احتجاج ہیں عمران خان کی ترجیحات میں سندھ شامل نہیں ہیوہ پچھلے نو ماہ سے کراچی نہیں آئے وقت آگیا ہے صنعتکار بھی اس بات کو سمجھیں کہ انہوں نے کس کو سلیکٹ کیا ایم کیوایم اور ہمارے درمیان ماضی میں لاکھ اختلاف رہے ہوں مگر سیٹیاں نہیں بجائی گئیں .