Category: کراچی

سربراہ پاکستان سنی تحریک محمد ثروت اعجاز قادری کی وفد کے ہمراہ نواب آف جونا گڑھ نواب محمد جہانگیر خانجی سے ملاقات کی اپنی رہائش گاہ پر نواب محمد جہانگیر خانجی نے ثروت اعجاز قادری کا استقبال کرتے ہوئے خوش آمدید کیا ،دونوں رہنمائوں نے موجودہ ملک کے حالت پر تبادلہ خیال کیا ،ریاست جونا گڑھ سے بھارتی غاصبانہ قبضہ ختم کرانے کا عالمی برادری سے مطالبہ کرتے ہوئے ثروت اعجاز قادری نے کہا کہ تقسیم ہند کے موقع پر ریاست جوناگڑھ نے پاکستان سے الحاق کیا ،بھارت نے ہزاروں مسلمانوں کو شہید اور خواتین کی عصمت دری تشددومظالم سے حقائق کو بدلا دنیاپر عیاں ہے ،بھارت ریفرنڈم پر یقین رکھتا ہے تو پھر کشمیر میں ریفرنڈم سے کیوں بھاگتا ہے ،بھارت یاد رکھے ظلم ومظالم کی حکومتیں ایک دن ختم ہونی ہیں ،ریاست جونا گڑھ کا جعلی ریفرنڈم کی داستان سب جانتے ہیں ،نواب جہانگیر خانجی کی جوناگڑھ ریاست کوپاکستان کے ساتھ شامل کر نے کی جدوجہد کے ساتھ ہیں ،جونا گڑھ کے مسئلے کے حل کیلئے مکمل ساتھ دینگے ،ان خیالات کا اظہار انہوں نے نواب آف جونا گڑھ محمد جہانگیر خانجی سے ان کی رہائش گاہ پر ملاقات میں کیا ،اس موقع پر مرکزی رابطہ کمیٹی کے محمد آفتاب قادری ،محمد طیب قادری اور کراچی ڈویژن کے عہدیدار بھی موجود تھے ،اس موقع پر نواب آف جونا گڑھ محمد جہانگیر خانجی کا کہنا تھا کہ پاکستان کی تعمیر وترقی اور خوشحالی کیلئے ایک ہوکر کام کرنے کی ضرورت ہے ،بھارت ریاست جوناگڑھ سے غاصبانہ تسلط ختم کرئے اس سلسلے میں یورپی یونین سمیت عالمی کمیونیٹی سے رابطے کئے ہیں ،انشاء اللہ جلد ریاست جونا گڑھ سے بھارت کا غاصبانہ قبضہ ختم ہوجائیگا،اس موقع پر ثروت اعجاز قادری نے ریاست جونا گڑھ کیلئے کی جانیوالی جدوجہد کو سراہا اور کہاکہ پاکستان دنیا کاواحد ملک ہے جہاں تمام اقلیتیں آزادی کے ساتھ زندگی بسر کررہی ہیں ،بھارت نے مسلم نسل کشی کی انتہا کی ہوئی ہے اقوام متحدہ ریاست جونا گڑھ اور مقبوضہ کشمیر کو بھارتی تسلط سے نجات دلائے۔

گورنرسندھ عمران اسماعیل نے کہا ہے کہ اپنے ملک کا مثبت امیج پیش کرنے میں فنکاروں کا بہت بڑا کردار ہے۔ پی آئی ایف ایف فلموں میں زبردست صلاحیت کے حامل تعاون کو پروڈکشن کی حوصلہ افزائی اور پاکستان کو ایک دلچسپ اور متحرک ملک کے طور پر پیش کرنے کے مواقع فراہم کررہی ہے۔گورنر سندھ نے یہ بات فریئر ہال اور باغات کراچی میں منعقدہ بین الاقوامی فلمی میلے "میٹ اینڈ گریٹ” میں میڈیا سے گفتگو کرتے ہوئے کیا۔
انہوں نے مزید کہا کہ اس طرح کی ثقافتی سرگرمیوں کے فروغ سے بین الاقوامی سطح پر ملک کی ایک سافٹ امیج پیش کرنے میں مدد ملے گی۔ انہوں نے کہا کہ فلموں کے ذریعہ تعلیم ، تفریح اورفنون کو شائقین کے سامنے بلا کسی تفریق پیش کرنے سے عالمی سطح پر برداشت، رواداری اورنئے نظریات کو فروغ دیا جا سکتا ہے ،تعلیم کے فروغ کے لئے فلم ایک بہترین پلیٹ فارم ہے اس سے دنیا بھر کی مختلف ثقافتوں اور تہذیبوں سے واقفیت حاصل کی جا سکتی ہے ۔
انہوں نے کہا کہ COVID-19 وبائی مرض کا ہماری زندگی کے تقریبا تمام پہلوؤں پر اثر پڑا ہے ، اور فلمی صنعت بھی اس سے مستثنیٰ نہیں ہے،نئی کاروباری ماڈلز ، جمالیاتی طریقوں اور تکنیکی بنیادی ڈھانچے کے معاملے میں فلم انڈسٹری اس بحران سے نکالا جا سکتا ہے ۔گورنرسندھ نے کراچی فلم سوسائٹی کی جانب سے کامیاب فیسٹول کرانے کی کاوشوں کو سراہتے ہوئے اپنے مکمل تعاون کی یقین دہانی کرائی ۔

تفصیلات کے مطابق پاکستان کی قومی ائیرلائن پی آئی اے نے موسم گرما کے دوران اندرون ملک مصروف ترین روٹس کے کرایوں میں 40 فیصد تک کمی کر دی ہے۔ پی آئی اے نے ملک کے سب سے بڑی شہر کراچی سے وفاقی دارالحکومت اسلام آباد، پنجاب کے دارالحکومت لاہور اور خیبرپختونخواہ کے دارالحکومت پشاور کے سفر کا کرایہ 6 ہزار 950 روپے مقرر کر دیا ہے۔
بتایا گیا ہے کہ یہ کراچی سے مذکورہ تمام شہروں کے درمیان سفر کا یک طرفہ کرایہ ہو گا۔ اس سے قبل پی آئی اے نے کرونا ویکسین لگوانے والوں کیلئے بھی خصوصی پیکج متعارف کروایا تھا۔ پی آئی اے کی جانب سے ویکسین لگوانے والے مسافروں کو رعایتی نرخ پر سفری ٹکٹس فراہم کرنے کا اعلان کیا گیا ہے۔
پی آئی اے حکام کے مطابق وہ شہری جن کی عمر 50 سال یا اس سے زائد ہے، اور وہ اپنی کورونا ویکسینیشن مکمل کروا چکے، تو انہیں اندرون ملک سفر کرنے پر 10 فیصد کم کرایہ ادا کرنے کی سہولت دی جائے گی۔

دوسری جانب پی آئی اے کی کارکردگی سے متعلق اقتصادی سروے رپورٹ جاری کردی گئی ، جس میں کہا گیا ہے کہ قومی ایئرلائن کی کارکردگی کورونا وباء کے باوجود مجموعی طور پر بہتررہی ، جس کی وجہ سے سال 2020-21 میں پی آئی اے کی مجموعی آمدن 97 ارب 8 کروڑ روپے رہی اور آپریٹنگ خسارہ 7 ارب روپے سے کم ہوکر صرف68 کروڑ ہوگیا۔ اقتصادی سروے رپورٹ سے معلوم ہوا ہے کہ 2020ء میں طیاروں کی تعداد میں تو کمی ہوئی لیکن روٹس میں اضافہ ہوا، قومی ایئرلائن میں انتظامی امورکے ساتھ ڈسپلن کو بھی کافی بہتر کیا گیا ، پاکستان انٹرنیشنل ایئر لائنز (پی آئی اے) نے آپریٹنگ لاگت میں کٹوتی کے علاوہ آپریٹنگ لاگت میں بھی کمی لانے کے لئے رضا کارانہ علیحدگی اسکیم متعارف کرائی ، جس کے نتیجے میں 770 ملین روپے کی بچت ہوگی جب کہ پی آئی اے کا سیٹ فیکٹر رواں سال81 فیصد سے کم ہوکر 74 فیصد رہا۔

سابق وفاقی وزیر اور ایم کیوایم پاکستان کے کنوینر ڈاکٹر خالد مقبول صدیقی نے کہا ہے کہ کراچی کی تاجر وصنعتکار برادری کو درپیش مسائل کے حل کے لیے وفاق اور صوبے کی سطح پر آواز بلند کریں گے اور کراچی کے اصل نمائندے ہونے کی حیثیت سے اپنا بھرپور کردار ادا کریں گے۔ یہ بات انہوں نے نارتھ کراچی ایسوسی ایشن آف ٹریڈ اینڈ انڈسٹری( نکاٹی) کے دورے کے موقع پر صنعتکاروں سے خطاب کرتے ہوئے کہی۔
اس موقع پر نکاٹی کے صدر فیصل معیز خان، سینئر نائب صدر شبیر اسماعیل، نائب صدر نعیم حیدر، این کے آئی ڈی ایم سی کے سی ای او صادق محمد، سینئر ممبران سید عثمان علی، سید طارق رشید کے علاوہ ممبران کی کثیر تعداد موجود تھی۔
خالد مقبول صدیقی نے کہاکہ کراچی کا نوحہ ستر سالوں سے سنایا جا رہا ہے جو پاکستان کو پال رہا ہے اس کے ہاتھ کاٹ دینے سے پاکستان کی بقا کا مسئلہ پیدا ہوگا۔

ورلڈ بینک کے تحت جنوبی ایشیا کا پہلا ماس ٹرانزٹ ایم کیو ایم دور میں کراچی میں بننا تھا۔ماس ٹرانزٹ بھی کراچی کا منصوبہ تھا مگر وفاق نے منصوبوں کے لیے گارنٹی فراہم نہیں کی ۔ کراچی میں نکاسی آب اور فراہمی آب کے بڑے منصوبے ایم کیو ایم نے پیش کیے۔ انہوں نے مزید کہاکہ وہ صنعتکاروں کے مسائل ایم کیو ایم کے چار اراکین سمیت پی ٹی آئی کے کراچی سے منتخب چودہ نمائندوں کے سامنے رکھیں گے۔
صنعتکار اور تاجر ہمارے ساتھ کھڑے ہوں نا ہوں مگر ہم ان کے ساتھ کھڑے ہیں۔نکاٹی کے صدر فیصل معیز خان نے کہاکہ ایم کیو ایم کراچی کی تاجروصنعتکار برادری کی حقیقی آواز بنے اور سندھ اسمبلی میں ہمارے مسائل کو اجاگر کرے کیونکہ سب سے زیادہ ٹیکس دینے والا شہر کراچی کو نہ اس کا حق ملا اور نہ مساوی بنیادوں پر وسائل فراہم کیے گئے۔انہوں نے صنعتوں کو درپیش کو ترجیحی بنیادوں پر حل کرنے کی ضرورت پر زور دیتے ہوئے کہاکہ جب تک ون ونڈو سہولت فراہم نہیں کی جاتی اس وقت تک کراچی کی تجارت وصنعت ترقی نہیں کرسکتی۔

مراد علی شاہ اینڈ کمپنی سے کچھ نہیں ہونے والا،اگر وفاق مدد نہ کرے تو یہ کہیں کے نہ رہیں
سندھ حکومت کی سوچ پسماندہ ہے،یہ عوام کے لیے کچھ نہیں کر رہے۔
کراچی میں میڈیا سے گفتگو میں فواد چوہدری کا کہنا تھاکہ اگر ہم مراد علی شاہ اینڈ کمپنی پر بیٹھے رہے تو اگلے کئی سال میں بھی کراچی اور سندھ میں ترقی نا ممکن ہے۔
انہوں نے کہا کہ سندھ میں پیسہ خرچ ہوتا نظر نہیں آرہا، کراچی میں براہ راست میئر آئے اور اسے فنڈز ملیں تو مسائل حل ہوں گے، مراد علی شاہ اینڈ کمپنی کے آسرے پر رہے تو کچھ نہیں ہونے والا، سندھ حکومت کی سوچ پسماندہ ہے۔وفاقی وزیر کا کہنا تھاکہ سندھ حکومت کراچی کیلئے کوئی نئی اسکیم نہیں لائی، کراچی کی تباہی کے ذمہ دار مراد علی شاہ ہیں۔
فواد چوہدری نے سپریم کورٹ سے اپیل کی کہ آرٹیکل 148 اپلائی کرے، اگر نہیں کیا تو سندھ اور کراچی کی صورتحال مزید خراب ہوتی جائے گی۔

خیال رہے کہ آئین کا آرٹیکل 140 اے بلدیاتی حکومتوں سے متعلق ہے۔ اس آرٹیکل میں درج ہے کہ ہر صوبہ مقامی حکومتیں قائم کرے گا اور سیاسی، انتظامی اور مالی ذمے داریاں نچلی سطح تک لے جا کر مقامی حکومتوں کے نمائندوں کو تفویض کرے گا۔ فواد چوہدری نے کہا کہ بھارت میں مودی کی حکومت میں بھی انتہاپسندی کو فروغ دیا جا رہا ہے، آپ دیکھیں گے بھارت میں انتہا پسندی کا اثر معاشرے کے ہر شعبے پر پڑے گا، افغانستان میں ایک بار پھر حالات خراب ہورہے ہیں، وزیراعظم کا نظریہ ہے کہ ہمیں کسی اور کی لڑائی میں حصہ نہیں لینا۔
انہوں نے سندھ حکومت پر تنقید کرتے ہوئے کہا کہ سندھ حکومت کو چاہیے کہ کچھ پیسہ عوام پر بھی لگادے، 1990ء سے کراچی میں رینجرز ہے اور سندھ حکومت اپنی پولیس نہیں بناسکی، کراچی کے لوگ شکوہ کرتے نظر آتے ہیں ان کے شکوہ دور کرنے کے لیے سندھ میں مقامی حکومتوں کی سب سے زیادہ ضرورت ہے۔فواد چوہدری نے کہا کہ کراچی کے لوگوں پر براہ راست پیسہ خرچ ہونا چاہیے اگر مراد علی شاہ اینڈ کمپنی پر انحصار کیا تو کراچی میں ترقی ممکن نہیں، وفاق کا پیسہ صوبائی اتھارٹی کے ساتھ ہونے تک خرچ نہیں ہوسکتا، کراچی کے میئر کو براہ راست فنڈ دینے چاہئیں، سندھ میں پی ٹی آئی کی حکومت ہوتی تو معیشت ساڑھے 4 فیصد سے اوپر ہوتی لیکن کراچی پر ایسی حکومت ہے جس کی پسماندہ سوچ ہے۔

محکمہ موسمیات نے پاکستان میں مون سون سے متعلق اعلامیہ جاری کردیا۔
محکمہ موسمیات کے مطابق پاکستان میں رواں سال مون سون جون کے آخری ہفتے سے شروع ہونے کا امکان ہے، 27 سے 30 جون کے دوران بارشیں متوقع ہیں اور جولائی سے ستمبر کے دوران مون سون بارشیں معمول کے قریب ہوں گی جب کہ پنجاب کے بالائی، شمالی بلوچستان اور کشمیر میں معمول سے زائد بارشیں متوقع ہیں۔
محکمہ موسمیات کا کہنا ہےکہ کراچی سمیت سندھ میں معمول سے زائد بارشوں کا امکان ہے، کراچی میں جولائی میں معمول کی بارشوں کا ریکارڈ 60 ملی میٹرہے جب کہ شہر میں اگست میں معمول کی بارشوں کا ریکارڈ 60.9 اور ستمبر میں 11 ملی میٹر ہے۔

پاکستان رینجرز (سندھ) اور پولیس نے انٹیلی جنس معلومات کی بنیاد پر کراچی کے علا قے قصبہ کالو نی میں مشترکہ کارروائی کرتے ہوئے قتل میں ملوث ملزم حسن علی کو گرفتار کر لیا۔
تفصیلات کے مطابق مورخہ23 اگست 2020 کو کراچی کے علاقے گلشن غازی میں واقع مدینہ ہسپتال کے قریب ایک ہوٹل کے باہر حارث خان نامی شخص کو 2 نا معلوم موٹر سائیکل سواروں نے سرمیں گولی مار کر قتل کردیا۔ واقعے کے بعد ملزمان موقع ورادات سے فرار ہو گئے۔ جس کی ایف آئی آر 281/20 زیر دفعہ 302/34 تھانہ اتحاد ٹاؤن میں درج ہے۔مقتول کی لاش کو قانونی کارروائی کے لیے عباسی شہید ہسپتال لایا گیا جس کے بعد تدفین کردی گئی لیکن فوری طور پر کوئی گرفتاری عمل میں نہ لائی جا سکی۔بعد ازاں مقتول کے گھروالوں نے واقعے میں ملوث نا معلوم ملزمان کی گرفتاری کے لیے رینجرز سے مدد کی اپیل کی واقعے کی اطلاع ملتے ہی پاکستان رینجرز (سندھ) نے تحقیقات کے لیے خصوصی ٹیم تشکیل دی جس نے قتل کے محرکات کا جائزہ لیتے ہو ئے تکنیکی ثبوت اور انٹیلیجنس معلومات کی بنیاد پر قتل میں ملوث ملزم حسن علی کو گرفتار کر لیاجبکہ ملزم کا دوسرا ساتھی فرار ہے۔
دوران تفتیش ملزم نے انکشاف کیا کہ اس نے اپنے بہنوئی سعید انور کے ساتھ مل کر اپنے پھو پھی زاد بھائی عابد کو قتل کرنے کا منصوبہ بنایا تھا جس کی ملزم حسن علی کے ساتھ ذا تی عداوت تھی۔ مقتول حارث خان اور عابد کی شکل میں بہت زیادہ مماثلت ہونے کے باعث ملزمان نے حارث خان کو غلطی سے قتل کر دیا۔
ملزم کومزید قانونی کارروائی کے لیے پولیس کے حوالے کر دیا گیا ہے۔ ملزم کے مفرور ساتھی کی گرفتاری کے لیے چھاپے مارے جا رہے ہیں۔

‏وزیراعظم عمران خان کا کینیڈین چینل کو انٹرویو۔

وزیراعظم عمران خان نے اپنے انٹرویو میں کہا کہ عالمی برادری نفرت انگیز مواد، انتہا پسندی روکنے کے اقدامات کرے،کینیڈا میں پاکستانی نژادخاندان کے قتل پر عوام حیران ہیں۔ مسلم دنیا کو ‏اس حملے کیخلاف سخت ایکشن لینا ہوگا۔نفرت انگیز ویب سائٹس انسانوں میں نفرت پیدا کرتی ہیں۔
ان ویب سائٹس کیخلاف عالمی سطح پر کارروائی ہونی چاہیئے۔انھوں نے مزید کہا کہ ‏کینیڈا کے وزیراعظم سے یہ معاملہ زیرگفتگو ہے۔کینیڈا کے وزیراعظم اسلاموفوبیا کی اہمیت کو سمجھتے ہیں لہذٰا اس معاملے پر فوری ایکشن لیں۔