بلاول ہاؤس میڈیا سیل میں آگ لگ گئی ۔
باغی ٹی وی نیوز رپورٹ کے مطابق آگ نے پورے دفتر کو اپنی لپیٹ میں لے لیا ، آگ لگنے کے باعث بلاول ہاؤس میڈیا سیل کی اشیاء جل کر خاکسترہوگئیں ، ریسکیو اور امدادی ٹیمیں موقع پر پہنچ گئیں ، میڈیا سیل میں موجود افراد کو باہر نکالا جارہاہے ۔ پولیس اور دیگر امدادای اداروں کو طلب کیاجارہا ہے ۔فائر بریگیڈ کی پانچ گاڑیاں آگ بجھانے میں مصروف ہیں ۔اطلاعات کے مطابق آگ شاٹ سرکٹ کے باعث لگی ہے ۔
خبر میں تفصیلات شامل کی جارہی ہیں ۔
پاکستان پیپلزپارٹی کے چیئرمین بلاول بھٹو زرداری کی سربراہی میں پارلیمنٹ ہاوس میں پی پی پی پارلیمانی پارٹی کا اجلاس منعقد ہوا جس میں بجٹ سیشن کے حوالے سے حکمت عملی تیار کر لی گئی۔
تفصیلات کے مطابق چیئرمین پیپلزپارٹی بلاول بھٹو زرداری نے پارٹی کے پارلیمانی اجلاس سے خطاب کرتے ہوئے کہا ہے کہ عمران خان نے عوامی نہیں بلکہ غریب دشمن ایک سیاسی اور سلیکٹڈ بجٹ بنایا، پی پی پی اس کی بھرپور مخالفت کریگی۔
بلاول بھٹو کا کہنا تھا کہ قومی اسمبلی میں کورم پورا نہ ہونے کے باوجود زبردستی قانون سازی آمرانہ رویہ ہے۔پی ٹی آئی اوچھے ہتھکنڈوں کے ذریعے قانون سازی روکنے کے لئے ہر ممکن اقدام کریگی۔
چیئرمین پیپلزپارٹی نے اس موقع پر حکومت کو ٹف ٹائم دینے کے لئے پی پی پی اراکین اسمبلی کو ہدایات جاری کردیں۔
پیپلز پارٹی کی سینیٹر شیری رحمان کا کہنا ہے کہ ملک میں بے روز گاری بہت زیادہ ہے، حکومت نے غلط اعداد و شمار دکھائے.
ہمیں نظر نہیں آرہا کہ بجٹ عوام دوست ہوگا۔شیری رحمان نے اپنے ایک بیان میں کہاکہ افراط زر 11 فیصد پر آچکاہے،جبکہ دیہی علاقوں میں افراط زر 20،20فیصد پر آچکا ہے۔
انہوں نے کہاکہ یہ کسی کو خاطر میں نہیں لا رہے ہیں،بجٹ کا پراسس فروری سے شروع ہوتا ہے، یہاںتو بجٹ آئی ایم ایف سے آ رہا ہے اس لیے تاخیر ہو رہی ہے۔شیری رحمان کا مزید کہنا تھا کہ ماضی میں معیشت کا پہیہ آئی ایم ایف کو نہیں دیا گیا تھا۔
شہر قائد میں شہریوں کی جانب سے ویکسینیشن کے مراحل نظرانداز کیے جانے کا انکشاف سامنے آیا ، شہری ویکیسن لگا کر انٹری کے بغیر چلے جاتے ہیں۔
تفصیلات کے مطابق کراچی میں 50 سے زائد مراکز پرویکسی نیشن کاسلسلہ جاری ہے تاہم ویکسینیشن کی دونوں ڈوز مکمل کرنے والے متعدد شہری سرٹیفیکیٹ کے حصول سے محروم ہیں۔
شہریوں کی جانب سے ویکسی نیشن کے مراحل نظرانداز کیے جانے کا انکشاف سامنے آیا ، ڈیٹا انٹری آپریٹر کا کہنا ہے کہ ویکسی نیشن کےلیے3 مراحل سےگزرناپڑتاہے، پہلا مرحلہ رجسٹریشن ،دوسرا ویکسین اورتیسرا مرحلہ سسٹم میں اندارج کا ہے، رش کی صورت میں شہری ویکیسن لگا کر انٹر ی کے بغیر چلے جاتے ہیں۔
ماہرین نے کہا کہ مطلوبہ معلومات نہ ہونےکےسبب سرٹیفکیٹ جاری نہیں کیاجاتا، نادرا میں انٹرنیٹ کنیکٹویٹی اور لوڈشیڈنگ بھی مسائل کی وجہ ہے۔۔
ڈیٹا انٹری آہریٹر خالق دیناہال نے کہا کہ بعض مراکز پر ڈیٹا کی انٹری نہیں کی حاتی ہے ، شیریوں کی بڑی تعداد خالق دیناہال رجوع کر رہی ہے جبکہ نادرا والے بھی شہریوں کو مناسب معلومات فراہم نہیں کرتے۔
سندھ ہائیکورٹ نے فیروز آباد میں گھریلو ملازمہ کو مبینہ زیادتی کے بعد قتل کرنے سے متعلق مقتولہ فضا کے والد کی درخواست پر تفتیشی افسر، ایس ایچ او فیروز آباد اور دیگر کو نوٹس جاری کردیے۔
جسٹس یوسف علی سعید اور جسٹس عدنان اقبال چوہدری پر مشتمل دو رکنی بینچ کے روبرو فیروز آباد میں گھریلو ملازمہ کو مبینہ زیادتی کے بعد قتل سے متعلق مقتولہ فضا کے والد کی درخواست پر سماعت ہوئی۔
درخواستگزار کے وکیل نے موقف دیا کہ 9 ستمبر 2019 کو فیروز آباد کے علاقے میں بیٹی کو زیادتی کے بعد قتل کردیا گیا۔
بیٹی کی لاش پنکھے سے لٹکا کر خود کشی کا رنگ دیا گیا۔ پوسٹ مارٹم کے بغیر بچی کی لاش والدین کے حوالے کردی گئی۔ واقعہ کے نو دن بعد مقدمہ درج کیا گیا۔
کیس میں 4 تفتیشی افسر تبدیل ہوچکے ہیں۔ پولیس صلح کے لیے دباؤ ڈال رہی ہے۔عدالت نے تفتیشی افسر، ایس ایچ او فیروز آباد اور دیگر کو نوٹس جاری کرتے ہوئے فریقین سے تفصیلی رپورٹ طلب کرلی۔
صدر پی ٹی آئی کراچی خرم شیر زمان نے اپنی ٹوئٹر بیان میں کہا سندھ حکومت کے ٹرانسپورٹ کے منصوبوں کی مدت شاید 50 سال ہے۔
کراچی میگا سٹی میں ٹرانسپورٹ کی ابتر صور تحال کی ذمہ دار پی پی ہے سندھ حکومت نے ٹرانسپورٹ کا بجٹ 17 ارب مختص کیا جس میں 7 کروڑ خرچ ہوئے۔
سندھ حکومت کی بسیں شہریوں کیلئے خواب بن گئیں ہیں پی پی نے شہریوں کو نجی ٹرانسپورٹرز کے رحم و کرم پر چھوڑا ہوا ہے ۔شہر قائد میں مجموعی طور پر 329 روٹس ہیں۔
218 روٹس ایسے ہیں جہاں عوام بسوں سے محروم ہیں، محروم عوام رکشوں اور ٹیکسیوں کے منہ مانگے دام بھرنے پر مجبور ہیں۔
ٹرانسپورٹ کا مسئلہ صوبائی حکومت نے کبھی اپنی ترجیحات میں شامل نہیں کیا.اٹھارویں ترمیم سے سب سے زیادہ کراچی کے شہریوں کو نقصان پہنچا ہے.
کراچی میں خواتین کا بھیس بدل کر ورادتیں کرنے والا گینگ پکڑا گیا
لانڈھی پولیس نے جیولری کی دکان میں ڈکیتی کی کوشش ناکام بنادی ۔باغی ٹی وی کی رپورٹ کے مطابق لانڈھی چراغ ہوٹل کے قریب پولیس کا مبینہ مقابلہ ہوا جس میں تین ڈاکو گرفتار کرلئے گئے۔تینوں ملزمان دکان کے باہر ورادت کی تیاری کررہے تھے،ملزمان کے قبضے سے برقعہ ،لیڈز پرس اور اسلحہ برآمد ہوا۔
ملزمان میں زیشان ،ابرار خان اور ثاقب شامل ہیں . اس سلسلے میں ملزمان سے مزید تشویش جاری ہے۔
قائد حزب اختلاف حلیم عادل شیخ کا آج پیش ہونے والے وفاقی بجٹ کے حوالے سے وڈیو پیغام.
حلیم عادل شیخ بیان میں کہتے ہیں آج 2022-2021 کا وفاقی بجٹ پیش ہونے جارہا ہے آج پیش ہونے والا بجٹ عوام دوست ثابت ہوگا۔
مجھے امید ہے آج کے بجٹ میں مزدور کی تنخواہ بڑھائی جائے گی آج کے بجٹ میں امید ہے کہ ملازمین کی تنخواہیں بھی بڑھائی جائیں گی۔
مجھے امید ہے کہ آج کے بجٹ میں اشیاء کی قیمیتیں بھی کم ہونگی اور آج کا بجیٹ پاکستان کو اوپر لےکر جائے گا آج کے بجٹ میں پاکستان کی عوام کو مکمل رلیف دیا جائیے گا۔
یہ بجیٹ ذاتی خزانی بھرنے کے لئے نہیں ہوگا عوام کے لئے ہوگا۔سندھ حکومت نے اپنے بجیٹ میں اومنی جیسے اداروں کو رلیف دیا تھا۔
سندھ حکومت کے بجٹ میں بلاول ہائوس، سی ایم ہائوس کو فائدہ دیا جاتا ہےوفاقی حکومت کا بجیٹ عوامی ترقیاتی بجٹ ہوگا عوام کو مکمل رلیف مل سکے گا۔
محکمہ انسداد دہشت گردی(سی ٹی ڈی) نے شہرقائد میں کارروائی کرکے ایم کیو ایم لندن کا ٹارگٹ کلر گرفتار کرلیا جس نے دوران تفتیش اہم انکشافات کیے ہیں۔
تفصیلات کے مطابق سی ٹی ڈی نے کراچی کے علاقے کورنگی میں کارروائی کی اس دوران ایم کیوایم لندن کے ٹارگٹ کلر کی گرفتاری عمل میں آئی۔
انچارج محکمہ انسداد دہشت گردی کا کہنا ہے کہ ٹارگٹ کلر صغیر صدیقی پولیس موبائل پر حملے میں ملوث اور مفرور تھا۔ گرفتار ٹارگٹ کلر یونٹ77کا سابقہ یونٹ انچارج ہے۔
انہوں نے بتایا کہ ملزم 2009سے2016تک یونٹ انچارج رہا، دوران تفتیش ملزم نے کئی انکشافات کیے۔ ملزم نےلانڈھی نمبر 6 پر کھڑی پولیس موبائل پرحملہ کیا تھا، حملے میں پولیس کے 3افسران اور اہلکار شہید ہوئے تھے۔
انچارج سی ٹی ڈی نے کہا کہ رئیس مما کے کہنے پر 2014میں لانڈھی میں پولیس پرحملہ کیا، پولیس موبائل پر موجود 4افسران واہلکارشہید اور زخمی ہوئے، ملزم کافی عرصے سے مفرور تھا۔
چوہدری صفدر کا مزید کہنا تھا کہ ملزم کے کچھ ساتھی پہلے بھی گرفتار ہوچکے ہیں، گرفتار ملزم سے مزید تفتیش کا عمل جاری ہے۔
دعا ہے جس نے سندھ کو لوٹا اللہ تعالیٰ انہیں تباہ و برباد کرے۔اپوزیشن لیڈر سندھ اسمبلی حلیم عادل شیخ کا وڈیو بیان.
حلیم عادل شیخ ویڈیو بیان میں کہتے ہیں آج صبح اٹھے تو پتہ چلا کہ یوم دعا سہیل انور سیال کے کہنے پر منائی جارہی ہے۔
سندھ میں پانی کی قلت تھی پنجاب میں بھی پانی کی قلت تھی۔بارشیں کم ہونے اور گلیشئر کے نہ پگھلنے سے پانی کی کمی کا سامنہ رہا ہے۔
آج ایک لاکھ 20 ہزار کیوسک پانی گڈو کے مقام پر پہنچ چکا ہے، سندھ حکومت نے وفاق، پنجاب کے خلاف نفرت پہیلانے کے لیے سندھ کارڈ کا شوشہ چھوڑا تھا۔
ان کے خلاف بھی دعا ہونی چاہیے جو گڈو سے کوٹڑی بئراج تک پانی چوری کرتے ہیں پانی چوری کرکے انور محل بنانے والوں کے خلاف بھی دعا ہونی چاہیے۔
پی پی نے کبھی سندھ کو ایڈز لگانے پر دعا نہیں کروائی کبھی دعا کرائی کے سندھ کے بچوں کو کتوں نے کاٹ لیا۔کبھی دعا کرائی کے تھرپارکر میں ہزاروں بچے بھوک سے مرگئے۔
ایک بارش میں کراچی ڈوب گیا اس پر کبھی دعا کرائی؟ سندھ کے دیگر اضلاع کو سیلاب میں ڈبونے سے بچانے کے لیے کبھی دعا کی؟
شہر کراچی کو کچرہ کنڈی بنانے والوں کے خلاف دعا کی؟ اس شہر اور صوبے کو تباہ کرنے والی نوسرباز پیپلزپارٹی ہے۔
پی پی کی خودساختہ پانی کی قلت کو بے نقاب کریں گے، شوشے چھوڑ کر اپنے ڈاکو راج اور کرپشن کو چھپانے کی کوشش کی جارہی ہے۔
پنجاب سے زیادہ پانی سندھ کو چشمہ سے فراہم کیا گیا یہ نفرت کے ٹوپی ڈرامے ختم ہونے چاہیے سندھ باسیوں سے گزارش ہے دعا کریں اس نااہل چور کرپٹ سندھ حکومت سے چھٹکارہ ملے۔