Category: کراچی

کراچی: ابراہیم حیدری پولیس نے کوئٹہ سے لائی گئی منشیات کی علاقے میں سپلائی ناکام بنا دی۔

میاں بیوی سمیت چار بین الصوبائی ڈرگ سپلائر گروہ کے کارندے گرفتار۔

گرفتار ملزمان نے کوچی کیمپ میں منشیات کی سپلائی پہنچانے کا انکشاف کیا۔پولیس نے خفیہ اطلاع پر علی اکبر شاہ گوٹھ کے قریب ریڑھی روڈ پر کارروائی کی۔پولیس نے مشکوک کار کو روک کر تلاشی لی۔پولیس نے کار سواروں کے قبضے سے 01 کلو ہیروئن، 02 کلو چرس اور 07 کلو افیون برآمد کی۔

گرفتار ملزمان میں خاتون بھی شامل ہیں۔ملزمان خاتون کی موجودگی کا فائدہ اٹھا کر چیکنگ سے بچنے کی کوشش کرتے تھے۔گرفتار ملزمان ابراہیم حیدری اور اطراف کے علاقوں میں منشیات کی سپلائی پہنچانے آئے تھے۔گرفتار ملزمان کے رابطوں میں رہنے والے افراد کی گرفتاری کیلئے تلاش جاری ہے۔گرفتار خاتون ملیر سٹی کی رہائشی ہے اور ملزمہ کے تمام رشتے دار منشیات کے کاروبار میں ملوث ہیں۔

گرفتار ملزمان شہر میں منشیات کی سپلائی کے مرکزی کرداروں کے اہم ساتھی تھے۔ گرفتار ملزمان کیخلاف مقدمہ درج کر لیا گیا گرفتار ملزمان سے گروہ کے دیگر افراد اور منشیات کے خریداروں کے متعلق پوچھ گچھ جاری ہے۔گرفتار ملزمان میں حنا ذوجہ شیر علی، شیر علی، محمد خان اور سلمان خان شامل ہیں۔

ڈائریکٹرمیٹ سردار سرفراز نے خبردار کیا ہے کہ کراچی میں مون سون کی بارشیں معمول سے زیادہ ہونے کا امکان ہے تاہم شہر کا اگلے چندروز تک موسم خوشگوار رہے گا۔

تفصیلات کے مطابق ڈائریکٹرمیٹ سردار سرفراز نے ملک میں مون سون کی بارشوں کے حوالے سے گفتگو کرتے ہوئے کہا ہے کہ گرمی کا بڑھنا مون سون موسم کےلئےاچھا ہے، موجودہ گرمی کی لہر مزید 2روزتک برقراررہےگی ، اسی طرح پشاورمیں درجہ حرارت 48جبکہ اسلام آبادمیں 43 ڈگری رہا۔

سردار سرفراز کا کہنا تھا کہ کراچی میں اگلے چندروزتک موسم خوشگواررہےگا، مون سون کی بارشیں معمول سےزیادہ ہونےکاامکان ہے، کراچی میں بھی مون سون میں زیادہ بارشیں ہوسکتی ہیں۔

دوسری جانب محکمہ موسمیات کا کہنا ہے کہ کراچی میں آج موسم گرم اور مرطوب رہنے کا امکان ہے ، دن میں وقفے وقفےسے گردآلودہوائیں چلیں گی اور درجہ حرارت 35 سے 37 ڈگری تک جاسکتا ہے جبکہ رات گئے بوندا باندی کا بھی امکان ہے۔

منگھوپیر سے مسلح ملزمان کی جانب سے پی ٹی آئی عہدیدار سے مبینہ طور پر لگڑری گاڑی چھیننے کا مقدمہ درج کرلیا گیا۔
تفصیلات کے مطابق منگھوپیر کے علاقے میں اجتماع گاہ روڈ مہران سٹی کے قریب سے گزشتہ روز (ریو) ڈبل کیبن گاڑی میں سوار مسلح ملزمان پاکستان تحریک انصاف کے مقامی عہدیدار علی بادشاہ محسود سے اسلحے کے زور پر لگڑری گاڑی (فارچونر) رجسٹریشن نمبر BG.9252، 25 لاکھ نقد اور لائسنس یافتہ 9 ایم ایم پستول چھین کر فرار ہوگئے تھے، اس اطلاع پر پولیس نے علی بادشاہ سے رابطہ کیا اور واقعہ کا مقدمہ درج کرکے تفتیش شروع کردی، تاہم اس حوالے سے ایس ایس پی ویسٹ سہائے عزیز کا کہنا ہے کہ منگل کی صبح علی بادشاہ نے مددگار 15پولیس کو اطلاع دی تھی ان کی گاڑی چھین لی گئی ہے، جب پولیس جائے وقوعہ پر پہنچی تو مدعی کا کہنا تھا کہ چھینی نہیں گاڑی چوری ہوئی ہے جس میں 25 لاکھ نقد اور اسلحہ بھی تھا، ایس ایس پی کا کہنا ہے کہ فارچونر ایک لگڑری گاڑی ہے اور اس میں اتنے فیچرز ہوتے ہیں کہ اسے چوری کرنا آسان نہیں ہوتا، تاہم پولیس تمام زاویوں سے تحقیقات کررہی ہے ۔

پاکستان مسلم لیگ (ق) سندھ کے صدر محمد طارق حسن، سندھ کے سینئر نائب صدر نعمت خان خلجی، سندھ ایڈیشنل جنرل سکریٹری معیزالحسن، انفارمیشن سکریٹری محمدصادق شیخ، کراچی آ رگنائزنگ کے جمیل احمد خان، لیبر ونگ سندھ کے صدر عبدالقیوم خان، یوتھ ونگ سندھ کے صدر عبدالرحمان خانزادہ، اسپورٹس ونگ سندھ کے صدر سید مشرف علی، نور الدین صدیقی، ندیم چشتی، ولایت مسیح اور دیگر اراکین نے سابق صدر پاکستان جنرل ضیاء الحق شہیدکے بھائی اظہار الحق کے انتقال پر ملال پر دلی رنج و غم کا اظہار کیا ہے اور ان کے درجات کی بلندی کے لئے دعا کی اور ان کے لواحقین سابق وزیر اعجاز الحق، انوار الحق اور دیگر تمام لواحقین کو اللہ تعالیٰ صبر جمیل عطا فرمائے ۔

معاشی مسائل، صحت عامہ کی سہولتوں کے فقدان، سرحدوں کی بندش اور لاک ڈاؤن جیسے عوامل سے شہریوں کی زندگی شدید متاثر، کراچی کو دنیا کے 10 ناقابل رہائش شہروں کی فہرست میں شامل کر دیا گیا- تفصیلات کے مطابق اکانسٹ انٹیلی جینس یونٹ نے دنیا کے قابل رہائش اور ناقابل رہائش شہروں کی فہرست شایع کردی ہے، جس میں بد قسمتی سے کراچی کا شمار بدترین شہروں میں ہی کیا گیا ہے۔
کورونا وبا کی وجہ سے پیدا ہونے والے معاشی مسائل، صحت عامہ کی سہولتوں کا فقدان، سرحدوں کی بندش اور لاک ڈاؤن جیسے عوامل نے دنیا بھر کے کروڑوں افراد کو متاثر کیا ہے۔ لیکن کچھ ممالک نے اس صورت حال میں بھی اپنی عوام کے لیے ہر ممکن سہولتوں کی فراہمی کو یقینی بنایا۔
کانسٹ انٹیلی جینس یونٹ نے دنیا کے ایسے 140 شہروں کی فہرست شایع کی ہے جس میں ان کی درجہ بندی قابل رہائش اور ناقابل رہائش کے زمرے میں کی گئی ہے۔

اس انڈیکس میں شہروں کی درجہ بندی 5 کیٹیگریزپر محیط 30 عوامل کی بنیاد پر کی گئی ہے، جس میں استحکام کو 25 فیصد، صحت عامہ کو 20 فیصد، ثقافت اور ماحولیات کو 25 فیصد، تعلیم کو10 فیصد اور انفرا سٹرکچر کو20 فیصد دیا گیا ہے۔ کورونا کی وجہ سے یہ فہرست گزشتہ سال شایع نہیں کی تھی تاہم 2018 اور 2019 میں قابل رہائش شہروں میں سر فہرست رہنے والا آسٹریا کا شہر ویانا کورونا کی تباہ کاریوں کا سامنا کرنے کے باوجود فہرست میں بارہویں نمبر پر ہے۔
جب کہ حالہ انڈیکس میں نیوزی لینڈ کا شہر آک لینڈ قابل رہائش شہروں میں سرفہرست ہے۔ انڈیکس میں رہائش کے لیے ناقابل رہائش شہروں کی فہرست میں ملک کو ستر فیصد سے زائد کا ریونیو دینے والا شہر کراچی ٹاپ ٹین فہرست میں ساتویں نمبر پر ہے۔ قدرتی آفات اور کورونا نے بھارت میں تباہی مچا دی لیکن اس کے باوجود بھارت کا ایک بھی شہر ناقابل رہائش شہروں کی ٹاپ ٹین فہرست میں جگہ نہیں بنا سکا، لیکن درج بالا تمام عوامل کی بنیاد پر ہونے والی درجہ بندی میں کراچی کا شمار خانہ جنگی اور قدرتی آفات سے متاثر ہونے والے شہروں کے ساتھ کیا گیا ہے جو کہ اس بات کی کھلی دلیل ہے کہ کسی قدرتی آفت کے بناپاکستان کا میگا پولیٹن شہرکراچی میں استحکام، صحت عامہ، ماحولیات، تعلیم اور انفرا اسٹرکچر کی صورت حال اس قدر مخدوش ہوچکی ہے، کہ اس کا شمار دنیا کے ناقابل رہائش شہروں کی ٹاپ ٹین فہرست میں گیا ہے۔
دلچسپ بات یہ ہے کہ بدترین قرار دیے گئے شہروں کی فہرست میں کراچی سے اوپر جگہ بنانے والے چھے شہر ماسوائے ڈھاکہ اور پورٹ مورس بائے کے علاوہ تمام شہرخانہ جنگی اور گروہی تصادم کی وجہ سے اس فہرست میں شامل ہوئے ہیں ۔ رہائش کے لیے بدترین شہرو ں ی فہرست میں پہلے نمبر پر شام کا شہر دمشق، نائجیریا کا لاگوس دوسرے ، پیپوا نیو گنی کا پورٹ مورس بائے تیسرے، بنگلہ دیش کا ڈھاکہ چوتھے، الجیریا کا الجائر پانچویں، لیبیا کا طرابلس چھٹے، پاکستان کا ’ عروس البلاد‘ کراچی ساتویں، زمبابوے کا ہرارے آٹھویں، کیمرون کا ڈوآلا نویں اور وینز ویلا کا کراکس دسویں نمبر پر ہے۔

بلاول زرداری کے بیان پر پی ٹی آئی مرکزی رہنماء فردوس شمیم نقوی کا ویڈیو بیان ردعمل

بلاول نے بجٹ پڑھے بغیر ہوائی باتیں چھوڑنا شروع کردی ہیں، پروگریس کے حوالے سے انٹرنیشنل ادارے بغیر تصدیق کیے نہیں مانتے، بلاوجہ بھٹو کے نانا نے 1970 میں روٹی کپڑا اور مکان کا نعرہ لگایا تھا، منے میاں کو یہ نعرہ 50 سال بعد دوبارہ دہراتے ہوئے شرم آنی چاہیے۔

عمران خان کو ڈھائی سال ہوئے اور کنسٹرکشن انڈسٹری میں تاریخی پیکچز دیے، پی ٹی آئی حکومت نے لنگر خانے بنائے اور غریب کو روٹی دی، بلاول کس منہ سے روٹی کپڑا اور مکان کا دعویٰ کررہے ہیں، نابالغ چئیرمن نے پرویز مشرف کے دور میں غربت کے حوالے سے غلط اعدادوشمار بتائے،بلاوجہ بھٹو گوگل کرلیں انہیں علم ہوجائیگا شرح نمو آصف علی زرداری کے دور میں 22 فیصد تھی، غربت مہنگائی کی وجہ سے بڑھتی ہے جس کا آغاز بلاول کے والد نے کیا۔

پی ٹی آئی شرح نمو کو مزید کم کرنے کی کوشش کررہی ہے، پی ٹی آئی کے 10 فیصد اور پی پی کے 22 فیصد پر بلاول شرمندہ ہوں، بلاول کے ابا جان کی شوگر ملز عمران خان نے نہیں لگوائیں، سندھ میں جو شوگر مل بناتا ہے،وہ زرداری کی سرپر ستی میں بناتا ہے، 12 لاکھ ٹن گندم سندھ کے گوداموں میں موجود تھی مگر اسے چورا لیا گیا، بلاول گندم کی چوری کا حساب کب دیں گے، سندھ میں اشیاء خورد و نوش کی قیمتوں میں 10فیصد اضافے ہوابلاول سندھ سےزخیرہ اندوزی بند کریں.

احساس کیش سے غریبوں کو فائدہ پہنچایا گیاہے۔
فرزانہ راجا نے 8 لاکھ غریب عوام کے پیسوں کو لوٹا، اگر سچی ہیں تو وطن آئیں ملک سے کیوں فرار ہیں،بلاول کو فرزانہ راجا کو چور کہتے ہوئے ڈر لگتا ہے۔احساس کیش، کامیاب جوان ، پناہ گائیں پی ٹی آئی کے پروگرامز ہیں۔بلاول بھٹو کی یاداشت کمزور ہے تو وہ آجائیں یہاں انہیں سبق پڑھا دیں گے۔

سندھ ہائیکورٹ نے اسپیکر سندھ اسمبلی آغا سراج درانی اور دیگر کے خلاف آمدن سے زائد اثاثے بنانے کے کیس میں شریک ملزمان کو نیب کی تفتیش میں شامل ہونے کی ہدایت کی ہے ۔
بدھ کو سندھ ہائیکورٹ میں اسپیکر سندھ اسمبلی آغا سراج درانی اور دیگر کے خلاف آمدن سے زائد اثاثے بنانے کے الزام میں شریک ملزمان کی جانب سے از سر نو نیب تحقیقات کے خلاف درخواست کی سماعت ہوئی عدالت نے ملزمان کو تفتیش جوائن کرنے کی ہدایت کرتے ہوئے کہاکہ آج ہی تفتیشی افسر کے سامنے پیش ہوکر بیان ریکارڈ کرائیں نیب پراسکیوٹر نے عدالت کو بتایا کہ آغا سراج درانی کے خلاف تحقیقات کے دوران ملزمان شامل تفتیش نہیں ہوئے مرکزی ملزمان کے خلاف ریفرنس دائر ہوچکا ہے ملزمان دوست محمد چاچڑ، غلام مرتضی، شکیل اور دیگر اب بھی تحقیقات میں تعاون نہیں کررہے ملزمان کے خلاف کرپشن کے شواہد موجود ہیں تحقیقات میں تعاون کرنے کی وجہ سے تفتیش متاثر ہورہی ہے درخواست گزار ملزمان نے نیب کے نئے کال اپ نوٹس کو عدالت میں چیلنج کیا تھا جس میں موقف اختیار کیا گیا تھا کہ نیب ریفرنس دائر کرچکا ہے مزید انکوائری نہیں کرسکتا ہے عدالت نے 7 جولائی کو پیش رفت رپورٹ طلب کرتے ہوئے سماعت ملتوی کردی۔

‏بلاول زرداری کے بیان پر پی ٹی آئی رہنماء حلیم عادل شیخ کا رد عمل.

حلیم عادل شیخ نے محکمہ سندھ کے اسکیمز کی تفصیل ٹوئٹ کردی۔سندھ کے لوگوں کے لیے صحت کارڈ میں رکاوٹ بلاول زرداری ہیں۔

تعصب کے باعث سندھ کے لوگ صحت تعلیم کی سہولیات سے محروم ہیں۔سندھ حکومت کی اپنی کتابیں دیکھ لیں اربوں روپے بجٹ لیکن زمین پر خرچ صفر کیا۔

بلاول ہاؤس، سی ایم ہاؤس، راول محل، انور محل کو سندھ سمجھنے والے پرچی چیئرمین وفاق فوبیا میں مبتلا ہیں.

‎‏وزیر صحت سندھ سے گزارش ہے کہ وہ اپنے جعلی چیئرمین کو کورونا کی بجاء عقل کی ویکسین لگائیں.

وفاق سندھ میں منصوبے شروع کرنے لگتا ہے تو سندھ حکومت این او سی نہیں دیتی.سندھ کی عوام جیالی سرکار کا تخت گرانے کے لیے تیار ہے.

شہر قائد میں لوٹ مار کا سلسلہ تھم نہ سکا ، پولیس حکام کے تمام تر دعووں کے باوجود رہزن کھلے عام شہریوں سے لوٹ مار کرنے میں مصروف ہیں، یومیہ درجنوں افراد اپنے قیمتی سامان اور نقدی سے محروم کردیے جاتے ہیں۔

تفصیلات کے مطابق کراچی کے علاقے منگھو پیر میں بھی ڈاکووں نے دن دہاڑے ماربل فیکٹر کے سامنے ایک تاجر کو لوٹ لیا اور با آسانی فرار ہونے میں کامیاب ہوگئے۔

اس حوالے سے ذرائع کا کہنا ہے کہ موٹرسائیکل پر سوار4مسلح ملزمان تاجر سے 3لاکھ50ہزار روپے لوٹ کر فرار ہوگئے، واردات کی سی سی ٹی وی فوٹیج اےآر وائی نیوز کو موصول ہوگئی۔

سی سی ٹی وی فوٹیج میں دیکھا جاسکتا ہےکہ دو موٹرسائیکلوں پر سوار4ملزمان تاجر کا پیچھاکرتے ہوئےآئے اور موقع پاکر اسے سنسان جگہ پر روک لیا،اور اسلحہ نکال کر ایک ساتھ تمام ملزمان نےتاجر کی تلاشی لینا شروع کی۔

پہلے تو ملزمان نےتاجر سےکیش اور موبائل فون چھینا اور جاتےجاتےایک ملزم نےاس کی موٹرسائیکل کی چابی بھی نکال لی۔