Category: کراچی

کینیڈا کی جانب سے پاکستان پر عائد سفری پابندی کے خاتمے کے بعد قومی ایئرلائن نے کورونا ٹیسٹ کیلئے لیباریٹریز کی فہرست جاری کردی۔

تفصیلات کے مطابق قومی ایئرلائن(پی آئی اے) نے کینیڈا جانے کے لیے مسافروں کے کوروناٹیسٹ سے متعلق لیباریٹریز کی فہرست جاری کی ہے۔ 25 مستندلیباریٹریز کی کوروناوائرس ٹیسٹ قابل قبول ہوگی۔

پی آئی اے کا کہنا ہے کہ کراچی کے 12لیباریٹریز واسپتالوں سے کورونا ٹیسٹ کرائے جاسکتے ہیں۔ کینیڈا جانے والے مسافروں کو فلائٹ سے72 گھنٹے قبل ٹیسٹ کرانا لازمی ہوگا۔

کینیڈا جانے والے مسافر لیاقت نیشنل، آغا خان، ضیا الدین، پٹیل اسپتال اور بحریہ ٹاؤن انٹرنیشنل اسپتال سے کورونا وائرس ٹیسٹ کرواسکتے ہیں۔

اسی طرح لاہور کی 3، اسلام آباد کی 8 راولپنڈی اور ملتان کی ایک لیباریٹریز کو بھی پی آئی اے نے کینیڈا کی پروازوں کے لیے کورونا ٹیسٹ کے لیے فہرست میں شامل کرلیا۔ خیال رہے کہ کینیڈا نے پاکستان پر عائد سفری پابندیاں ختم کردی ہیں۔ قومی ایئرلائن آج سے ہی پروازیں آپریٹ کرے گی۔

قومی ایئرلائن کو کینیڈین حکام کی براہ راست پروازوں کے لیے ہدایات موصول ہوئی اور تیاریاں بھی شروع کردی گئی ہیں۔

کراچی:پاکستان کسٹمز کراچی نے جناح انٹرنیشنل ایئرپورٹ ڈپارچر لاؤنج پر ایک کامیاب کارروائی میں پاکستان سے 94 لاکھ روپے مالیت کی 940 گرام اعلی کوالٹی کی ہیروئن بحرین اسمگل کرنے کی کوشش ناکام بنادی۔

باغی ٹیوی کی رپورٹ کے مطابق حکام نے گلف ایئرویز کی پرواز 753 GF سے بحرین جانے والے پاکستانی مسافرکے سوٹ کیس سے ہیروئن برآمد کی۔
ثاقب اللہ نامی مسافر کا تعلق خیبر پختونخوا سے ہے جس کا سوٹ کیس اسکیننگ بیلٹ سے کلئیر ہوچکا تھا لیکن کسٹم حکام نے شک کی بنیاد پر اسے روکا۔

کسٹم حکام نے اس سے سوالات کیے تو ملزم گھبرا گیا اور تسلی بخش جواب نہ ملنے پر کسٹم حکام نے اس کے سوٹ کیس کی جانچ پڑتال کی تو سوٹ کیس کے سائیڈ وال میں انتہائی مہارت کے ساتھ 940 گرام ہیروئن چھپائی گئی تھی۔

کسٹم حکام نے مسافر کو گرفتار کرکے مقدمہ درج کرلیا اور مجاز عدالت سے ریمانڈ حاصل کرنے کے بعد ملزم سے مزید تفتیش کا آغاز کردیا۔

سی ٹی ڈی نے بھارت سے تربیت یافتہ دو دہشت گردوں کو میر پور خاص سے گرفتار کرلیا، ملزمان نے واسع جلیل اور انیس ایڈووکیٹ سے رابطوں کا انکشاف کیا ہے۔

تفصیلات کے مطابق ڈی آئی جی سی ٹی ڈی عمرشاہد نے سول لائن میں پریس کانفرنس کرتے ہوئے کہا ہے کہ ایم کیو ایم لندن گروپ کے گرفتار دہشت گردوں نے انکشافات کئے اور کچھ ایم کیوایم لیڈرزکےنام بھی بتائےتھے.

سی ٹی ڈی میرپور خاص نےاس تناظر میں اہم کارروائی کی ہے، جہاں رات گئے 2 دہشت گردوں کو گرفتار کیا گیا جبکہ بڑی تعداد میں اسلحہ بھی ملا، جس میں اینٹی ایئر کرافٹ گن سمیت دیگر اسلحہ شامل ہیں۔

عمرشاہد نے بتایا کہ ملزمان کےمطابق بانی ایم کیو ایم کی پالیسی تھی کارکنوں کوانڈیابھیجناہے، گرفتارملزمان بھی انڈیا سےتربیت حاصل کرچکے ہیں.

جبکہ گرفتارافراد نے واسع جلیل ودیگر سے رابطے کا انکشاف کیا اور 2ایم کیو ایم کے بڑے لیڈر تھے، جو انڈیا لڑکے بھیجنے کی ذمہ داری رکھتے تھے۔

ڈی آئی جی سی ٹی ڈی کا کہنا تھا کہ بانی ایم کیوایم کی اےپی ایم ایس او،اندرون سندھ کےلڑکوں کوانڈیابھیجنےکی منصوبہ بندی تھی، کچھ لڑکوں نے انڈیا کے مختلف شہروں میں جانےاوروہاں ٹریننگ لینےکااعتراف کیا.

ملزمان کامقصدبارڈرسےاسلحہ اوردیگرسامان منتقل کرناتھا ، ملزموں کوعسکری تربیت کےساتھ اونٹ چلانے کی بھی تربیت دی گئی۔

پریس کانفرنس میں واسع جلیل پردہشت گردی کےالزامات پرمشتمل آڈیوبھی سنائی گئی ، عمرشاہد نے کہا کہ اب تک گرفتاریوں میں 2اہم نام انیس ایڈووکیٹ اور واسع جلیل سامنےآئے.

انیس ایڈووکیٹ کوبلاکر تفتیش کی گئی، گرفتار ملزم نعیم نےتہران میں انیس ایڈووکیٹ سےملنےکاانکشاف کیا، انیس ایڈووکیٹ کودوبارہ بلایاجائےگا، ان کوملک چھوڑنےسےمنع کیاہے ، حقائق مزیدسامنےآئیں توچالان کیاجائے گا۔

ڈی آئی جی سی ٹی ڈی کا کہنا تھا کہ انیس ایڈووکیٹ سےمتعلق اہم ثبوت ملاہے، انیس ایڈووکیٹ کے پاس لڑکوں کوعسکری تربیت دینے کے لئے بیرون ملک بھیجنے کا ٹاسک تھا، ان کو مزیدایک سے2 روزمیں بلایاجائے گا اور جب مناسب سمجھیں گے گرفتاربھی کرلیں گے ، یہ تفتیشی افسر کی صوابدید ہے۔

انھوں نے مزید کہا کہ انیس ایڈووکیٹ اس وقت ملک سےباہرنہیں جاسکتے ، ان کی کچھ مشکوک بینک ٹرانزیکشنزبھی سامنےآئی ہیں، ممکن ہے کہ انیس ایڈووکیٹ کا نام فورتھ شیڈول میں شامل کیا جائے۔

عمرشاہد کاکہنا تھا کہ ہم واسع جلیل کووطن لانےکی بھی کوشش کررہےہیں ،، وہ اس وقت امریکامیں ہے،اس حوالےسےخط وکتابت کاسلسلہ سی ٹی ڈی کی جانب سے جاری ہے۔

ڈی آئی جی سی ٹی ڈی نے کہا کہ فی الوقت فاروق ستارکےلئےہمارےپاس مزیدسوالات نہیں اس لئےانہیں نہیں بلایا، ڈاکٹرفاروق ستار پر جوشکوک وشبہات تھے ان پرسوالات ہوئےتھے، ڈاکٹرفاروق ستارکو مزید بلانے کی ضرورت فی الحال پیش نہیں آرہی۔

الہ دین پارک پر مسمار شدہ دکانوں پر تعینات پولیس اہلکار.مسمار شدہ دکانوں کا سامان چوری کرکے فروخت کرنے لگے.دکانداروں نے پولیس اہلکار کو سی سی ٹی وی کیمرہ چوری کرتے ہوئے پکڑ لیا.

الہ دین پارک میں مسمار کی گئی دکانوں میں موجود سامان کی مبینہ چوری کرنے کے الزام میں پولیس اہلکار کو دکانداروں نے پکڑلیا جس کی ویڈیو سوشل میڈیا پر وائرل ہوگئی۔

ویڈیو میں دیکھا گیا کہ دکان داروں نے ایک پولیس اہلکار کو پکڑا جس نے وہاں انتظامیہ کے دفتر میں لگے کیمرے نکال لیے تھے۔

ویڈیو میں پولیس اہلکار ہاتھ جوڑتے ہوئے ویڈیو بنانے والے شہری کے پاؤں بھی پکڑنے کی کوشش کر رہا تھا۔

دکانداروں کا کہنا تھا کہ یہ پولیس اہلکار ایک روز قبل سپریم کورٹ کے حکم پر توڑی جانے والی دکانوں میں سے ایک دکان میں موجود کپڑے کے تھیلے بھی چوری کرتے ہوئے پکڑا گیا تھا۔

جمعیت علماء اسلام ضلع جنوبی کراچی کے امیرشیخ الحدیث مولانا نورالحق نے سینیٹر عثمان خان کاکڑ کے سانحہ ارتحال پر اپنے گہرے رنج ودکھ کا اظہارکرتے ہوئے کہا کہ سینیٹر عثمان کاکڑ کی ناگہانی موت نے پوری قوم کو افسردہ کردیا ہے،مرحوم عثمان کاکڑ جہد مسلسل اور حق گوئی کی داستان تھے،وہ ایک با اصول اور باکردار شخص تھے،جمہوریت اور آئین کیلئے انکی خدمات ناقابل فراموش ہیں، جمہوریت کیلئے اور بلوچستان کے حقوق کیلئے ہمیشہ آواز اٹھانے پر ان کی خدمات کو ہمیشہ یاد رکھا جائے گا، ان کی زندگی نظریاتی جدوجہدپر یقین رکھنے لے کارکنان کیلئے مشعل راہ ہے، ہم سینیٹر عثمان خان کاکڑکے اہل خانہ سمیت تمام لواحقین سے اظہار تعزیت کرتے ہیں،دعا ہے کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو یہ عظیم صدمہ برداشت کرنے کی ہمت دے،جے یو آئی ضلع جنوبی کے جملہ کارکن اور عہدیداران غم کی اس گھڑی میں سوگوارخاندان اور قائدین وکارکنان پختون خواہ میپ کے ساتھ برابر کے شریک ہیں۔

کراچی کی سبزی اور فروٹ منڈی میں روزانہ لگ بھگ ایک لاکھ روپے کی جعلی کرنسی استعمال کی جارہی ہے جس کا نقصان آڑھتیوں اور کاروباری افراد کو ہو رہا ہے۔
کراچی مارکیٹ کمیٹی کے عہدے دار آصف احمد کے مطابق کراچی کی سبزی منڈی اور فروٹ منڈی میں لگ بھگ پانچ ہزار آڑھتیں اور دکانیں ہیں جہاں روزانہ کروڑوں روپے کا کاروبار ہوتا ہے۔
انہوں نے بتایا کہ ان کی اپنی آڑھت پر روزانہ ایک ہزار روپیہ اور پانچ سو روپے کے نوٹوں کی شکل میں تین سے چار ہزار روپے کے جعلی نوٹ پکڑے جاتے ہیں۔ جنہیں وہ اپنا نقصان برداشت کر کے کینسل کر دیتے ہیں تاکہ کسی غریب کے ہاتھ نہ لگیں۔
انہوں نے بتایا کہ یہی صورتحال ہر آڑھتی اور دکاندار کے ساتھ ہے۔
انہوں نے یہ بھی بتایا کہ اناڑی شخص تو دن میں بھی ان نوٹوں کو نہیں پہچان سکتا لیکن رات کی تاریکی میں اچھے خاصے ماہر بھی دھوکا کھا جاتے ہیں اور دن میں جب یہ نوٹ بینکوں میں جاتے ہیں تو پکڑے جاتے ہیں۔
آصف احمد نے بتایا کہ روزانہ ہر دکاندار اس طرح کا نقصان برداشت کرنے پر مجبور ہے، جعلی نوٹوں کا دھندا کرنے والوں کے خلاف کریک ڈاؤن کرنا ضروری ہے۔