Category: کراچی

کراچی کے عباسی شہید اسپتال کے باہر ایمبولینس ڈرائیورز اور رہائشیوں کا جھگڑا

جھگڑے میں دکاندار اور میڈیکل اسٹورز مالکان بھی کود پڑے.چھ افراد معمولی زخمی، پولیس نے دو افراد کو حراست میں لے لیا .عباسی شہید اسپتال کے اطراف تمام میڈیکل اسٹورز بند کردئیے گئے.واقعے پر علاقہ مکینوں کا کہنا تھاکہ اسپتال کے باہر جعلی ایمبولینسز مافیا بن چکے ہیں جو مریضوں کو پرائیویٹ اسپتال منتقل کرکے پیسے بٹورتے ہیں۔
ایس ڈبلیو ایف اور الشریف فاونڈیشن نامی ایمبولینس میں مریضوں کو منتقل کیا جاتا ہے. مریضوں کو سرکاری علاج سے ڈرا کر نجی اسپتالوں میں منتقل کیا جاتاہے.ڈرائیورز اور ایجنٹ مافیا مریضوں کونجی اسپتال منتقل کرکے بھاری کمیشن وصول کرتے ہیں.

سی ٹی ڈی پولیس نے سولجر بازار کے علاقے میں کارروائی کرتے ہوئے ایم کیوایم حقیقی اور ایم کیو ایم کے اپنے کارکنوں کے قتل کے الزام میں متحدہ قومی موومنٹ گلبہارناظم آباد کے سابقہ سیکٹرانچارج کو گرفتار کر کے اسلحہ برآمد کرلیا۔

کاؤنٹر ٹیررازم ڈیپارٹمنٹ نے سولجربازارکے علاقے میں کارروائی کرتے ہوئے متحدہ قومی موومنٹ گلبہارناظم آباد کے سابقہ سیکٹرانچارج شمشاد خان ولد خورشید خان کوگرفتارکرکے اس کے قبضے سےغیرقانونی اسلحہ برآمد کرلیا گیا۔

سی ٹی ڈی حکام کے مطابق گرفتارملزم نے سال 1994 میں ایم کیو ایم حقیقی کے 2 کارکنان آصف کیپسن اور فہیم عرف فہمی اورسال 1995 میں انصار،کامران اورحقیقی کے یونٹ انچارج رفیق عرف پپوکوقتل کیا۔

سی ٹی ڈی نے بتایا کہ سال2013 میں اپنے حکم پرایم کیو ایم کے کارکن حامد سال 2014 میں ایم کیوایم کارکن تراش اورحیدرحسین کو قتل کروایا، گرفتار ملزم نے سال 2014 میں سرفراز باڈی بلڈر اورایم کیوایم کے یونٹ انچارج183 ناظم آباد فرازکوقتل کروایا۔

سی ٹی ڈی حکام نے بتایا کہ گرفتار ملزم اس سے قبل دومرتبہ گرفتار ہوکرجیل جا چکا ہے جس نے دوران تفتیش انکشاف کیا کہ وہ 1992 میں آپریشن شروع ہوتے ہی بھارت فرار ہو گیا تھا۔

دوران مفروری ملزم کا رابطہ پارٹی قیادت نے بھارتی خفیہ ایجنسی را سے کروایا تھا اور بمبئی میں ملزم کو را کے افسران نے عکسری تربیت دی تھی اور ملزم کوٹاسک دیا کہ واپس کراچی جا کر پولیس ، خفیہ ایجنسی کے اہلکاروں اور دیگرلوگوں کو قتل کرنا اورافراتفری پھیلانی ہے۔

سندھ ترقی پسند پارٹی کے چیئرمین ڈاکٹر قادر مگسی نے کہا ہے کہ جب تک بحریہ کا وجود ہے ہماری جدوجہد جاری رہے گی ، ہم گرفتاریوں سے ڈرنے والے نہیں ہیں، پورے وثوق سے کہتا ہوں کہ ملک ریاض کے کارندوں نے بحریہ ٹائون میں آگ لگائی، اس میں ہائی پروفائل کیمیکل استعمال ہوا یہ وہی کیمیکل تھا جس سے بلدیہ فیکٹری اور کراچی کے وکلاء چیمبر کو نذرآتش کیاگیا تھا، ہماری زبان کٹ تو سکتی ہے لیکن بند نہیں ہوسکتی، اگر قومی قیادت سمیت کارکنوں کے خلاف درج مقدمات فوری واپس لے کر گرفتار رہنمائوں اور کارکنوں کو رہا نہ کیاگیا تو سندھ اسمبلی کے بجٹ اجلاس کے دوران اسمبلی پر احتجاج اور دھرنا دیں گے۔
وہ سندھ ترقی پسند ہائوس قاسم آباد پر ہنگامی پریس کانفرنس سے خطاب کر رہے تھے، اس موقع پر عبدالحمید میمن، حیدر شاہانی اور دیگر رہنماء بھی موجود تھے۔
ڈاکٹر قادر مگسی نے آج منگل کو سندھ بھر میں احتجاج کرنے کا اعلان کرتے ہوئے کہا کہ میں اپنے گھر میں بیٹھا ہوں اگر کسی کو گرفتار کرنا ہے تو وہ اپنا شو ق پورا کر لے، انہوں نے کہاکہ دھرنا میں کراچی جانے کیلئے پہلے تو رکائوٹیں ڈالی گئیں ، جگہ جگہ کارکنوں کو روک کر ہراساں کیا گیا اس کے باوجود لاکھوں کی تعداد میں سندھ کے وارث کراچی میں بحریہ ٹائون پہنچے اور وہاں شدید گرمی میں بھی اپنا احتجاج ریکارڈکراتے رہے اس سے لوگوں کی تکلیف کا اندازہ لگایا جاسکتا ہے، انہوں نے کہا کہ بحریہ ٹائون اور اس کے اطراف 15 ڈی ایس پیز، 25 ایس ایچ اوز اور 1300 پولیس اہلکاروں کی نفری تعینات تھی، گذشتہ روز 2بجے انڈر پاس کی طرف سے شرارت ہوئی تو ہمارے رضاکاروں نے شرپسندوں کو پکڑا اور ان کی پٹائی لگائی ، انہوں نے کہا کہ اتنی نفری کے باوجود شرپسندوں کے خلاف پولیس حرکت میں نہیں آئی، ڈھائی گھنٹے تک شرپسند شرارت کرتے رہے انہیں کسی نے نہیں روکا،یہ ہائی پروفائل کیمیکل سے آگ لگائی گئی تھی یہ وہی کیمیکل تھا جس سے بلدیہ فیکٹری اور کراچی کے وکلاء چیمبر کو نذرآتش کیاگیا تھا، انہوں نے کہا کہ یہ سب کچھ بالکل بلائنڈ گیم کی طرح تھا تو پھر آفاق احمد اور خواجہ اظہارالحسن سامنے آگئے اور پھر بینفشری تو بحریہ ٹائون اور ملک ریاض ہوئے جبکہ ہم تو دفاع میں چلے گئے، ڈاکٹر قادر مگسی نے دعویٰ کیا کہ ملک ریاض کے کارندوں نے آگ لگائی ہے ، ہم پرامن تھے میری تقریر سے پہلے آنسو گیس اور فائرنگ شروع کردی گئی ، جلسے میں شرکت کرکے واپس جانے والے شرکاء کی دو بسیں تحویل میں لے کر ایف آئی آر درج کرلی گئی، انہوں نے کہاکہ میں پیپلزپارٹی اور بلاول بھٹو سے پوچھنا چاہتا ہوں کہ محترمہ کی شہادت کے بعد سندھ تین دن تک جل رہا تھا تو اس حساب سے ایف آئی آر آصف زرداری کے خلاف ہونی چاہے تھی، اگر آپ یہ سمجھتے ہیں کہ قادر مگسی اور جلال محمود شاہ و دیگر کو گرفتارکرنے پر یہ تحریک ختم ہو جائے گی تو یہ آپ کی بھول ہے، انہوں نے کہا کہ ہم پاکستان توڑنے کی سیاست کا حصہ نہیں ہیں ہم جمہوری لوگ ہیں پاکستان کو اپنا وطن سمجھتے ہیں ، صنعان قریشی و دیگر کو رہا کیا جائے اور ان کے خلاف درج ایف آئی آر ختم کی جائے ، میرے خلاف پانچ ایف آئی آر درج ہوئی ہیں ، انہوں نے کہا کہ سندھودیش کے نعرے اور جھنڈے بحریہ ٹائون کے ڈرامے کے لوگوں نے استعمال کئے۔

صوبائی وزیر بلدیات و اطلاعات سندھ سید ناصر حسین شاہ نے پیر کو آرٹس کونسل آف پاکستان کراچی میں کووڈ( 19.Covid) ویکسینیشن سینٹر کا دورہ کیا ۔ ڈاکٹروں، پیرامیڈیکل اسٹاف سے ملاقات اور رجسٹریشن کاونٹر کا بھی معائنہ کیا۔اس موقع پر صوبائی وزیر بلدیات و اطلاعات ناصر حسین شاہ نے صدر آرٹس کونسل محمد احمد شاہ کا شکریہ ادا کیا اور کہا کہ احمد شاہ نے کراچی کے ادیبوں، شاعروں ، صحافیوں، فنکاروں، ممبران آرٹس کونسل اور سول سوسائٹی کے نمائندوں کو ویکسینیشین کے لیے بہترین ماحول مہیا کیا ۔
جس کا بہت زیادہ اثر ہوا ہے کہ ڈی ایچ اے کے رہائشیوں کی خواہش ہے کہ ان کو بھی اس سینٹر میں سہولت مہیا کی جائے ۔
انہوں نے کہا کہ احمد شاہ نے پہلے فن و ثقافت کی ترقی اور اب ویکسین سینٹر میں بہترین ماحول قائم کیا ہے، ان کی بہترین کاوشوں کو ہم سراہتے ہیں۔
انہوں نے کہا کہ آرٹس کونسل نے فن و ثقافت کی بہترین خدمت کی اور اب ویکسینیشن سینٹر سے مہم کو تیز کرنے میں بڑی مدد ملی ہے۔ آرٹس کونسل آف پاکستان کو حکومت سندھ ہر ممکن مدد فراہم کرے گی ۔

اپوزیشن لیڈر سندھ اسمبلی حلیم عادل شیخ کا تھر پارکر کے آر او پلانٹ پر بیان

حیرت کی بات ہے تھرپارکر میں پانی کی قلت پر وفاق کے خلاف پی پی نے مظاہرہ کیا.تھرپارکر میں 750 آر او پلانٹ جن میں 450 لگے وہ ناکارہ بن گئے.تمام کے پیسے پہلے ادا کردیے گئے.تھرپارکر آر او پلانٹس کا قبرستان بن چکا ہے.ایشیاء کا سب سے بڑا آر او پلانٹ پانی کی بجاء دھول اڑا رہا ہے.آر او پلانٹس کی مشینری بیچی جارہی ہے.اس سے قبل سازدا بناکر کرپشن کی تاریخ رقم ھڑپ کی گئ.تھر کے لوگ جیالے حکمرانوں کی وجہ سے پیا سے مررہے ہیں.سندھ حکومت اب مزید سندھ کارڈ کھیلنے کے قابل نہیں رہی.سندھ کے لوگ پیپلز پارٹی کا سیاہ چہرہ پہچان چکے ہیں.

پی پی نے سندھ میں 6 دفعہ حکومت کی مگر توجہ ترقی کے بجائے جیبیں بھرنے پر دی،صدر پی ٹی آئی کراچی خرم شیر زمان

وفاق کی ترقیاتی اسکیموں پر پی پی سندھ کارڈ کھیل رہی ہے،پیپلز پارٹی اپنی جھوٹ اور منفی سیاست کی زنبیل ساتھ لیکر چلتی ہے، وزیراعظم پورے ملک کے وزیراعظم ہیں سندھ بھی عمران خان کا ہے، پی ٹی آئی نے 3 سالوں میں 32 فیصد سے زائد فنڈز سندھ کی ترقی کیلئے دیے، وفاقی حکومت نے صوبے میں بلخصوص 25 ارب پانی کی اسکیموں کیلئے مختص کیے،

سندھ کے عوام کی عقل و شعور پر تالے نہیں لگے ہوئے سندھ حکومت صوبے کی ترقی کی اسکیموں کو مختلف بہانوں سے ہر سال دہراتی ہے، وزیر اعلیٰ اپنی غرض سے نکل کر صوبے کی عوام کا نہیں سوچتے.

وزیر اعلیٰ کو تکلیف ںے کہ وفاق ان کے ہاتھ میں پیسہ کیوں نہیں دے رہی، وزیراعظم نے سندھ کی ترقی کیلئے تاریخی پیکچز دیے، مراد علی شاہ ایک ناکام اور کرپٹ وزیر اعلیٰ ہیں ،سندھ کے ساتھ زیادتی کے مرکزی کردار ہے، منفی سیاست کرنے والے صوبے کی عوام کو بار بار نہیں ورغلا سکتے،

سندھ حکومت نے سرکاری ملازمین کےگروپ انشورنس کی رقم میں اضافے کا فیصلہ کر لیا۔

تفصیلات کے مطابق گریڈ ایک سے 4 تک کےملازمین کی گروپ انشورنس 3 لاکھ سے بڑھا کر 3لاکھ ‏‏75000 کرنے کا فیصلہ کیا ہے۔

گریڈ 5 تا 10کےملازمین کی گروپ انشورنس 3لاکھ50 ہزار سےبڑھا کر 4 لاکھ37ہزار500 کیا جا رہا ‏ہے۔

گریڈ19 کے ملازمین کی گروپ انشورنس 21لاکھ سےبڑھاکر26 لاکھ25ہزار اور گریڈ20کےملازمین کی ‏گروپ انشورنس 25 لاکھ سے بڑھا کر31لاکھ25ہزار کرنے کافیصلہ کیا گیا ہے۔

سندھ حکومت آئندہ مالی سال کا بجٹ 15 جون کو پیش کرے گی۔

بجٹ وزیر اعلیٰ مراد علی شاہ بطور وزیر خزانہ سندھ اسمبلی میں پیش کریں گے، بجٹ کا حجم ‏‏12 کھرب روپے سے زائد ہوگا۔

پاک فوج نے ٹرین حادثے کے بعد ریلیف اور ریسکیوآپریشن مکمل کرلیا ، حادثے کا شکار ٹرین کاانجن اوربوگیاں ٹریک سے ہٹادی گئیں اورٹریک کی بحالی کیلئےاقدامات جاری ہے۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے جاری بیان میں کہا گیا ہے کہ گھوٹکی ٹرین حادثے کے بعد ریلیف اور ریسکیوآپریشن مکمل کرلیا گیا ہے اور ریلوےٹریک کی بحالی کیلئےاقدامات جاری ہے۔

آئی ایس پی آر کا کہنا تھا کہ حادثے کاشکارٹرین کاانجن اوربوگیاں ٹریک سےہٹادی گئیں، ضروری مرمت کےبعدریلوےٹریک ٹرینوں کی آمدورفت کیلئےکھول دیاجائےگا

پاک فوج کے ترجمان نے کہا کہ احادثے کے 98 زخمیوںں کومختلف اسپتالوں میں منتقل کیاگیا، جن میں سے بیشتر زخمی شیخ زیداسپتال رحیم یارخان،سی ایم ایچ پنوعاقل میں زیرعلاج ہیں۔

یاد رہے ملت ایکسپریس اورسرسید ایکسپریس کے درمیان تصادم کا خوفناک واقعہ پیش آیا ، جس میں 62 افراد جاں بحق جبکہ 100 سے زائد زخمی ہو ئے۔

بعد ازاں آرمی رینجرز کے جوانوں نے ریلیف اور ریسکیو آپریشن میں حصہ لیا، دو ہیلی کاپٹر کے زریعے زخمیوں کو اسپتال منتقل کیا گیا ، اس کے علاوہ امدادی سامان بھی جائےحادثہ پر پہنچایا

وزیراعلی سندھ مراد علی شاہ نے ترقیاتی کاموں میں 25 فیصد حصے کا مطالبہ کر دیا۔ انہوں نے کہا کہ سندھ کیلئے ڈیڑھ ارب روپے کی صرف دو سکیمیں تھیں، پنجاب کیلئے سندھ سے زیادہ فنڈز رکھے گئے۔

کراچی میں وزیراعلیٰ سندھ مراد علی شاہ نے پریس کانفنرنس کرتے ہوئے کہا کہ کوشش ہے ہمارا روڈ نیٹ ورک بہتر ہو، روڈ نیٹ ورک بہتر ہونے سے معیشت میں بہتری آتی ہے، پنجاب، خیبرپختونخوا اور بلوچستان میں ترقیاتی کاموں پر خوشی ہے.

وفاق کو اب خط لکھنا چھوڑ دیا، آخری خط میں لکھا تھا شاید میں بہرے لوگوں سے بات کر رہا ہوں، زخموں پر نمک چھڑکنا کوئی وفاقی حکومت سے سیکھے۔

مراد علی شاہ کا کہنا تھا کہ وفاق نے پنجاب کیلئے سندھ سے زیادہ ترقیاتی فنڈ دیا، ہمیں بھی ترقیاتی کاموں کیلئے 25 فیصد حصہ دیں، این ایچ اے میں ہمارے لیے کوئی نیا منصوبہ نہیں رکھا گیا۔