Category: کراچی

کراچی پریس کلب میں موٹروے پولس کے ساتھ روڈ ورک شاپ کا انعقاد

ورکشاپ میں حادثات سے بچاؤ اور ان کی روک تھام کے حوالے سے آگاۂی دی گئی ۔تقریب میں پولیس کے علی شیر جاکھرانی نےشرکت کی ۔اس موقع پر ڈی آئی جی موٹر وے کا کہنا تھا کہ ہر سال ساڑھے تیرہ لاکھ افراد حادثات میں جان سے ہاتھ دھو بیٹھتے ہیں۔جانبحق ہونے والوں میں افراد میں سب سے زیادہ تعداد موٹرسائیکل سواروں کی ہے، روڈ پر پلائنڈ اسپاٹ کا دھان رکھنا ضروری ہے۔

موٹرسائکل سوار اچھے اور معیاری ہیلمیٹ کا استعمال کریں،ہیلمٹ کا استعمال حادثے میں چوٹ سے محفوظ رکھتا ہے،گاڑی چلاتے ہوئے سیٹ بیلٹ کا استعمال کرنا ضروری ہے.ورکشاپ میں آگاہی ویڈیوز بھی دکھائی گئیں.موٹر وے پولیس کی جانب سے ڈرون ٹیکنالوجی کا ڈیمو بھی دیا گیا. ورکشاپ کے شرکاء کو سوال جواب کے سیشن میں ہیلمیٹ بھی تقسیم کئیے گئے. حاضرین کو پابند کیا کہ موٹر سائیکل پر ہیلمیٹ کا استعمال کریں.

کراچی میں گورا قبرستان کے قریب 15 سالہ لڑکی کو اجتماعی زیادتی کا نشانہ بنانے والے دو ملزمان کو پولیس نے گرفتار کر لیا جبکہ ملزمان کا تیسرا ساتھی مفرور ہے۔

پولیس کے مطابق لائنز ایریا کی رہائشی 15 سالہ لڑکی کو دو ہفتے قبل علاقے کا رہائشی مبشر اپنے ساتھ یہ کہہ کر موٹر سائیکل پر بٹھا کر لے گیا کہ گورا قبرستان کے قریب کچھ افراد اس کے والد کو تشدد کا نشانہ بنا رہے ہیں تاہم کچھ دور جا کر لڑکی کو نشہ آور چیز پلا کر ایک اور مقام پر لے گیا جہاں دو افراد پہلے سے موجود تھے۔

پولیس کے مطابق تینوں ملزمان نے 15 سالہ لڑکی کو اجتماعی زیادتی کانشانہ بنایا اور اس کی ویڈیو بھی بنائی، پھر چند دنوں بعد ملزمان نے لڑکی کو بلیک میل کرنا شروع کردیا جس کے بعد متاثرہ لڑکی نے تھانہ بریگیڈ میں واقعے کا مقدمہ درج کروایا۔

پولیس نے مقدمے اور میڈیکل کی تصدیق کے بعد دو ملزمان کو گرفتار کر لیا جن کی شناخت 30 سالہ مبشر اور 26سالہ شہباز عرف شیبی کے نام سے ہوئی ہے جبکہ ملزمان کا تیسرا ساتھی مفرور ہے جس کی گرفتاری کے لیے چھاپے مارے جا رہے ہیں۔

کراچی کے علاقے گلشن حدید میں رینٹ اے کار کی آڑ میں گاڑیاں چوری کے دھندے کا انکشاف

اسٹیل ٹاٶن پولیس کا لاڑکانہ کے الحبیب موٹرز پر مبینہ چھاپہ زبیر جتوئی نامی ملزم کو تحویل میں لیا گیا.ملزم کی گرفتاری کے بعد ملزم کے ساتھی ملزم کوچھڑانے کیلئے ایس ایس پی لاڑکانہ آفس کے باھر جمع ہو گئے۔

اسٹیل ٹاٶن پولیس کا افسر عرفان سھتو ایس ایس پی آفس میں غیر محفوظ ملزم کے ساتھیوں کی جانب سے پولیس افسر کو دھمکیاں دی گئیں اور کہا گیا کہ ہم ملزم زبیر جتوئی کو کراچی نہیں جانے دیں گیں۔

کراچی میں بلال ٹرانسپورٹ اور لاڑکانہ میں الحبیب موٹرز کے نام سے جعل ساز گروہ کروڑوں روپے مالیت کی کئی گاڑیاں ہڑپ گیا ہے،

ذرائع کیمطابق ایس ایچ او سول لائن لاڑکانہ ملزم کی مدد کیلئے کوشاں ہے،گلشن حدید میں جعل ساز گروہ کی وارداتیں گلشن حدید کا رہائشی محمد بلال،سیف اللہ،زبیر جتوئی کئی شہریوں کی گاڑیاں ڈکار گیا ہے،

اسٹیل ٹاٶن پولیس نے دو شہریوں کیساتھہ جعل سازی کی ایف آئی آر درج کرلی جبکہ ملزم محمد بلال اپنی اہلیہ سمیت شہر سے فرار ہوا تب سے شکایات موصول ہونی شروع ہوئی، گروہ کاسرغنہ بلال آجکل لاہور میں مقیم ہے اور ملک سے فرار کی کوشش کر رہا ہے،ایک شہری کی سوزوکی ویگنار ملزمان نے بنا کاغذات کے دوسرے کو فروخت کی تھی۔

متاثرہ شہری نے عدالت کے ذریعے گاڑی حاصل کی،
ابتک تین گاڑیوں کی شکایات موصول ہو چکی ہیں.شبہ ہے کہ معاملہ تین گاڑیوں کا نہیں،کروڑوں روپے مالیت کی متعدد گاڑیاں چوری کی گئی ہیں.
جعلساز گروہ کے سرغنہ نے بلال ٹرانسپورٹ اور الحبیب موٹرز کے نام سے تشہیر کر رکھی ہے.

سندھ حکومت کا مزارات اولیاء کی بندش کو ختم کرنے کےفیصلےکاخیر مقدم کرتے ہیں،مزارات اولیاء کی بندش سے زائرین مشکلات سے دوچار ہیں۔مذہبی رہنما آصف رضا قادری

مذہبی رہنما آصف رضا قادری کا کہنا ہےکہ سندھ حکومت کا مزارت اولیاء کی بندش کو ختم کرنے کےفیصلےکاخیر مقدم کرتے ہیں، مزارات اولیاء روحانیت کے مراکز ہیں زائرین دعاؤں کے قبولیت کے لیےاولیاء اللہ کے مراکز پر حاضری دیتے ہیں ۔مزارات اولیاء کی طویل بندش کے بعد سندھ حکومت کے فیصلے کے مطابق مزارات اولیاء کھولنےکے فیصلےکاعوام اہلسنت خیر مقدم کرتے ہیں،حکومت سندھ سے مطالبہ کرتےہیں کہ مزارات اولیاء کی سیکورٹی اور زائرین کی سہولیات سمیت دیگر انتظامی اقدامات کو فی الفور یقینی بنایا جائے.

شہر قائد میں بجلی کے بعد گیس کا بحران پیدا ہوگیا، جس کی وجہ سے پیداواری صنعتیں ٹھپ ہوگئیں، سوئی سدرن گیس نے نرالی منطق پیش کی ہے۔

سوئی سدرن گیس نے پیدا ہونے والے بحران اور لوڈشیڈنگ پر انوکھی منطق دیتے ہوئے صنعتی مالکان کو کہا کہ وہ گیس کی بحالی تک متبادل بندوبست کرلیں۔

ترجمان ایس ایس جی سی نے کہا کہ ’گیس فیلڈز سے سسٹم میں کم گیس موصول ہورہی ہے، کچھ روز میں حالات بہتر ہوجائیں گے، لہذا صنعتی مالکان اُس وقت تک متبادل انتظام کریں‘۔

ایس ایس جی سی ترجمان کے مطابق ’کنڑپساکھی گیس فیلڈز سلانہ مرمت کی وجہ سے بند ہے،جس کی وجہ سے 177 ایم ایم سی ایف ڈی کا شارٹ فال ہے، جس سے لائن پیک متاثر ہوئیں ہیں‘۔

رپورٹ کے مطابق گیس کی فراہمی معطل ہونے اور بحران کی وجہ سے سائٹ، کورنگی، نیوکراچی صنعتی ایریا میں کام بند ہوگیا ہے۔

صنعتی مالکان نے کہا کہ گیس بحران کی وجہ سے پیداواری سرگرمیاں شدید متاثر ہیں، متعدد صنعتیں بند ہونے کی وجہ سے برآمدی آرڈرز کی تکمیل خطرے میں پڑ گئی۔

سائٹ صنعتی علاقے کے صنعت کاروں نے وزیراعظم عمران خان، وزیر توانائی حماد اظہر سے گیس کی عدم فراہمی کا نوٹس لینے اور فراہمی بحال کرنے کا مطالبہ کیا۔ علاوہ ازیں رہائشی صارفین کو بھی کم پریشر کے باعث شدید مشکلات کا سامنا ہے۔

صوبائی وزیر توانائی کی مذمت

سندھ کے وزیرتوانائی امتیاز شیخ نے ایک ہفتے میں دوسری بار گیس بندش پر ردعمل دیتے ہوئے اس کی شدید الفاظ میں مذمت کی۔ اُن کا کہنا تھا کہ ’گرمیوں میں سی این اسٹیشنز اور صنعتوں کو گیس فراہم نہ کر کے معاشی بحران پیدا کیا جارہا ہے، سوئی سدرن گیس گمبٹ گیس فیلڈ میں فنی خرابی کا جواز بنا کر بری الذمہ نہیں ہو سکتی، بجلی کی لوڈشیڈنگ کے بعد گیس کی بندش کر کے صوبے کے ساتھ سوتیلی ماں جیسا سلوک کیا جا رہا ہے‘۔

اُن کا کہنا تھا کہ ’تحریک انصاف کی حکومت سندھ کے عوام کے ساتھ تواتر کے ساتھ زیادتیاں کررہی ہے، سندھ کے باسیوں نے انہیں مسترد کیا تو اب عوام کو انتقام کا نشناہ بنایا جارہا ہے۔ صوبائی وزیر توانائی نے سوئی سدرن گیس سی سے این جی اسٹیشنز اور صنعتوں کو گیس کی فراہمی فوری یقینی بنانے کا مطالبہ کیا۔

ایڈیشنل آئی جی کراچی عمران یعقوب منہاس نے سیکیورٹی الرٹ جاری کردیا اور ہدایت کی کہ احتیاط کریں تاکہ کوئی شرپسند پولیس پارٹی کونقصان نہ پہنچاسکے۔

تفصیلات کے مطابق ایڈیشنل آئی جی کراچی عمران یعقوب منہاس نے سیکیورٹی الرٹ جاری کرتے ہوئے کہا ہے کہ افسران وملازمین ڈیوٹی پر اپنا اور ساتھی کاخیال رکھیں، پکٹ ڈیوٹی پر تعینات اہلکار چوکنا رہیں۔

ایڈیشنل آئی جی کا کہنا تھا کہ مشتبہ شخص، کار، موٹر سائیکل یا پارسل احتیاط سےچیک کریں اور موبائل گشت کے دوران دونوں اطراف نظررکھی جائے، احتیاط کریں تاکہ کوئی شرپسند پولیس پارٹی کونقصان نہ پہنچاسکے۔

عمران یعقوب منہاس نے مزید کہا کہ اکٹھےبیٹھ کرکھانانہ کھائیں، ایک سنتری حفاظت پر رکھیں پھر کھانا تناول فرمائیں۔

انھوں نے ہدایت کی ہے کہ سپروائزنگ افسران تمام افسران وملازمین کو چیک کرتے رہیں اور افسران حالات کی مناسبت سےخصوصی ہدایات دیتے رہیں، احتیاط برتیں تاکہ کوئی ناخوشگوارواقعہ پیش نہ ہو۔

شہر قائد کے علاقے جوہر آباد میں ساس پر خاتون کے تشدد کی ویڈیو منظرعام پر آگئی۔

کراچی کے علاقے جوہر آباد میں بزرگ خاتون پر تشدد کی ویڈیو وائرل ہوئی تھی جس میں دیکھا جاسکتا ہے کہ بزرگ خاتون کو ایک کمرے میں بند کرکے تشدد کا نشانہ بنایا گیا۔

خاتون بوڑھی عورت کی ٹانگ کھیینچ رہی تو کبھی گلہ پکڑ رہی ہے، معمر خاتون کو مارتے ہوئے مغلظات بھی بکی گئیں۔

ویڈیو میں دیکھا جاسکتا ہے کہ ایک بچی خاتون کو بزرگ پر تشدد کرنے سے منع کررہی ہے۔

سوشل میڈیا پر ویڈیو وائرل ہونے کے بعد پولیس حکام نے واقعے کا نوٹس لے لیا اور معمر خاتون کی شناخت رشیدہ بی بی کے نام سے ہوئی، خواتین پولیس کی ایک ٹیم کو بھی متاثرہ خاتون کے گھر بھیجا گیا۔

پولیس کے مطابق خاتون گھر سے فرار ہوگئی واقعے کی مزید تحقیقات جاری ہیں۔

واضح رہے کہ گزشتہ دنوں کراچی کے علاقے ریڑھی گوٹھ میں سرعام خاتون پر بہیمانہ تشدد کرنے والے ملزم کو گرفتار کیا گیا تھا۔

ایس ایس پی ملیر عرفان بہادر کا کہنا تھا کہ ملزم کی خاتون پر سرعام تشدد کی ویڈیو وائرل ہوئی تھی، ملزم کو ویڈیو کی مدد سے گرفتار کیا گیا، متاثرہ خاتون ملزم کی سابقہ بیوی ہے۔

دوران تفتیش ملزم نے پولیس کو بتایا کہ خاتون نشہ کرتی تھی منع کرنے پر نشہ نہیں چھوڑتی تھی، نشے کی عادت کی وجہ سے سابقہ بیوی کو مارا تھا۔

سندھ حکومت نے پرائمری سکول 21 جون سے کھولنے کا فیصلہ کرلیا، پارکس، انڈور جمز اور درگاہیں بھی 28 جون سے اوپن ہوگی۔

وزیراعلیٰ سندھ کی زیر صدارت کورونا وائرس پر صوبائی ٹاسک فورس کا اجلاس ہوا۔ وزیراعلی نے کہا کہ ویکسین کم ہونے کی وجہ سے سینٹرز اتوار کو بند رہیں گے، بتایا گیا کہ اب تک 32 لاکھ 43 ہزار 988 ویکسینیشن صوبے کو موصول ہوئیں، جن میں سے 28 لاکھ 73 ہزار 857 ویکسین استعمال ہو چکیں۔

اجلاس میں پرائمری سکولز 21 جون سے کھولنے کا فیصلہ کیا گیا، امیوزمنٹ پارکس، انڈورجمز اور مزارات 28 جون سے کھول دیئے جائیں گے۔ اجلاس میں بتایا گیا کہ کورونا کیسز میں کمی آرہی ہے، صوبے میں تشخیصی شرح 3.9 ہوگئی ہے جبکہ کراچی میں تشخیصی شرح 8.08 اور حیدرآباد 4.3 فیصد ہے، جون میں 263 کورونا مریض انتقال کرگئے۔

وزیراعلی کا کہنا تھا شہری ایس او پیز پر عمل کرتے رہیں۔ اجلاس میں صوبائی وزراء، ڈاکٹر عذرا پیچوہو، سعید غنی، ناصر شاہ، مشیر مرتضیٰ وہاب، چیف سیکریٹری، آئی جی سندھ، ڈاکٹر باری، ڈاکٹر فیصل، ڈاکٹرقیصر سجاد سمیت دیگر نے شرکت کی۔

صوبے کے ینگ ڈاکٹرز این ایل ای ٹیسٹ اور پاکستان میڈیکل کمیشن کیخلاف سراپا احتجاج بن گئے، بازوؤں پر کالی پٹیاں باندھ کر یوم سیاہ منایا۔

تفصیلات کے مطابق سندھ کے سرکاری اسپتالوں میں پاکستان میڈیکل کمیشن کیخلاف ڈاکٹروں نے یوم سیاہ منایا، اس موقع پر ڈاکٹرز بازوؤں پر سیاہ پٹیاں باندھ کر معمول کی سرگرمیاں انجام دے رہے ہیں۔

ینگ ڈاکٹرز ایسوسی ایشن کے تحت احتجاجی مظاہرے میں اے آر وائی نیوز سے گفتگو کرتے ہوئے چیئرمین وائی ڈی اے سندھ ڈاکٹر عمرسلطان نے مطالبہ کیا کہ پاکستان میڈیکل کمیشن این ایل ای قانون کو ختم کرے۔

ان کا کہنا تھا کہ میڈیکل کالجوں میں داخلے کا ٹیسٹ اور امتحانات کے10سمسٹرز کے بعد این ایل ای ٹیسٹ کی کیا ضرورت ہے؟ این ای ایل ٹیسٹ ڈاکٹروں سے پیسے کمانے کا ذریعہ ہے۔

ڈاکٹر عمرسلطان کا کہنا تھا کہ این ایل ای کے امتحان سے کوئی ڈگری نہیں ملتی، پوسٹ فیلو شپ کے لئے الگ امتحانات دیتے ہیں، ڈاکٹروں کی قابلیت پر کوئی شک ہے تو پہلے سرکاری اداروں سے کرپشن ختم کی جائے۔

سندھ کورونا ٹاسک فورس نے شادی ہالز تاحال نہ کھولنے کا فیصلہ کرتے ہوئے بھارتی وائرس کے پھیلنے کی اطلاعات پرتشویش کا اظہار کیا۔

تفصیلات کے مطابق وزیراعلیٰ سندھ سید مراد علی شاہ کی صدارت میں کرونا وائرس پر صوبائی ٹاسک فورس کا اجلاس ہوا، اجلاس میں صوبائی وزراء سمیت چیف سیکریٹری، آئی جی پولیس، ایڈیشنل چیف سیکریٹری داخلہ، صوبائی سیکریٹریز، ڈاکٹر باری، ڈاکٹر فیصل، ڈاکٹر سارہ خان، ڈاکٹر قیصر سجاد، کور فائیو اور رینجرز کے نمائندے شریک ہوئے۔

اجلاس میں کوروناٹاسک فورس نے شادی ہالز تاحال نہ کھولنے اور آئندہ فیصلوں تک سینماگھروں کو بھی بند رکھنے کا فیصلہ کیا۔

ٹاسک فورس نے بھارتی وائرس کے پھیلنے کی اطلاعات پر تشویش کا اظہار کیا جبکہ طبی ماہرین نے بھارتی وائرس کے مبینہ پھیلاؤ روکنے کے اقدامات کی ہدایت کردی۔

ذرائع سندھ حکومت کی جانب سے کہا گیا ہے کہ شادی ہالزاورسوئمنگ پولز کھولنے کا فیصلہ 28جون کوہوگا۔